„ბოლო 9 წლის განმავლობაში პირველად, საქართველომ სომხეთში ელექტროენერგია გაიტანა“

შეხვედრაზე საარჩევნო ადმინისტრაციის მიერ არჩევნების ორგანიზების მიზნით განხორციელებული და მიმდინარე საქმიანობები განიხილეს.გიორგი კალანდარიშვილმა აღნიშნა, რომ საარჩევნო ადმინისტრაცია ყველაფერს აკეთებს იმისათვის, რომ 26 ოქტომბრის არჩევნები მაღალ პროფესიულ დონეზე, საერთაშორისო სტანდარტების შესაბამისად ჩატარდეს.მან IFES-ის წარმომადგენლებს მიაწოდა ინფორმაცია რეგისტრირებული საარჩევნო სუბიექტების, სადამკვირვებლო ორგანიზაციებისა და მედიასაშუალებების რაოდენობის შესახებ. ასევე, ისაუბრა საარჩევნო ელექტრონული ტექნოლოგიების დანერგვისა და ამ მიმართულებით ამომრჩეველთა ინფორმირების ფართომასშტაბიანი კამპანიის, ასევე უწყების წინაშე დეზინფორმაციის გავრცელების კუთხით არსებული გამოწვევების შესახებ.შეხვედრაზე ხაზი გაესვა საარჩევნო სისტემების საერთაშორისო ფონდის (IFES) მხარდაჭერით სხვადასხვა მიმართულებით განხორციელებულ პროექტებს და მათ მნიშვნელობას ამ არჩევნებისთვის მზადების პროცესში. ცესკოს თავმჯდომარემ იმედი გამოთქვა, რომ მრავალწლიანი მჭიდრო თანამშრომლობა გაგრძელდება და კიდევ უფრო მეტ სარგებელს მოუტანს როგორც ინსტიტუციას, ისე ზოგადად საარჩევნო პროცესს.საარჩევნო სისტემების საერთაშორისო ფონდის (IFES) წარმომადგენლებს ცესკოს თავმჯდომარემ ცესკოს საოპერაციო-სასაწყობო სივრცეც დაათვალიერებინა. გიორგი კალანდარიშვილმა მათ საოპერაციო-სასაწყობო სივრცეში ამ ეტაპზე მიმდინარე სამუშაოები გააცნო და აღნიშნა, რომ სივრცის მოწყობა 2024 წლის მოდერნიზებული არჩევნების მაღალ დონეზე ორგანიზების მიზნით, არჩევნების სფეროში ტექნოლოგიური ინტერვენციის საერთაშორისო პრაქტიკის გათვალისწინებით დაიგეგმა და განხორციელდა.

1729172015

თეატრის გენერალური სპონსორია თიბისი კონცეპტი და Visa.თიბისი კონცეპტის Visa ბარათის მფლობელებისთვის მეოთხე რიგის ბილეთებზე მოქმედებს 15%-იანი ფასდაკლება.გაეცანით ოქტომბერ - ნოემბრის აფიშას: 27 ოქტომბერი, 2, 10 და 14 ნოემბერი | „TooTsie“.სპექტაკლის იდეა ამავე სახელწოდების ფილმიდან მოდის, თუმცა მთავარი აქცენტი მსახიობის პროფესიისადმი სიყვარულზე და თავგანწირვაზეა. ეს არის ამბავი მსახიობის უამრავი ფიქრის, ტკივილის, გრძნობების და იმ მთავარი მისიის შესახებ, რომელიც საკუთარ თავს თავადვე განუსაზღვრა და ამ მისიის შესასრულებლად ყოველ დღე იბრძვის. 29  და 30 ოქტომბერი, 7 ნოემბერი | „დონ ჟუანი“ეს არის სპექტაკლი გმირის სულიერ კრიზისზე, ადამიანზე, რომელიც სიყვარულს ეძებს და ამ ძიებაში საკუთარ თავს კარგავს... ეს არის სპექტაკლი ვნებებზე, შეცდომებზე და აქედან გამომდინარე − მძიმე სასჯელზე, ასევე, თავგადასავალზე და ამ სამყაროში სიმართლისა თუ სიყვარულის აღმოჩენისკენ სწრაფვაზე. 31 ოქტომბერი, 15 ნოემბერი | „ოტელო“ოტელო - სიყვარული ომის შემდეგ. ომი არამხოლოდ სამყაროს დამანგრეველი ძალაა, არამედ ადამიანების დაშლის მდგომარეობა, ომიდან ადამიანები სახლში ბრუნდებიან, ცოცხალია მათი მეხსიერებაც. მკვლელობა დანაშაული აღარ არის, როდესაც თავად ფსიქოლოგიურად შეცვლილები ბრუნდებიან. ვნება, სიყვარული, უკეთესი მომავლის იმედი? თუ ეჭვისა და შურისძიების გზების ძიება. 1 ნოემბერი | „ფრეკენ ჟული“,,ფრეკენ ჟული“ ერთ-ერთი ყველაზე, საინტერესო, მრავლისმთქმელი და ღრმა პიესაა სარეჟისორო და სამსახიობო თვალსაზრისით. ეს არის ამბავი, კლასობრივად სრულიად სხვადასხვა საფეხურზე მდგომ ადამიანებზე, რომლებიც სურვილების და მანიპულაციის გამაბრუებელ ფერხულში ებმებიან. 3, 5 ნოემბერი და 12 ნოემბერი | „1921-1924“სპექტაკლში მოქმედება საქართველოს დამოუკიდებლობის ბოლო დღეების და ბოლშევიკური რეპრესიების ფონზე ვითარდება. საქართველოს გასაბჭოებამ თაობებს წაართვა მომავალი, ოცნება, მთლიანად ცხოვრება და დიდი ხნით გამოუვალ, ტრაგიკულ მდგომარეობაში გამოკეტა. 6 ნოემბერი | „დირიჟორი“1946 წელს ნიუნბერგში, ბერლინის სახელმწიფო ორკესტრის მთავარ დირიჟორს - ფურტვენგლერს ასამართლებენ.დებორა არნოლდი ცნობილი გერმანელი დირიჟორის, დოქტორ ფურტვენგლერის წარსულის გამოძიებას ცდილობს. დაკითხვის ოთახი განსხვავებული იდეოლოგიების ბრძოლის ველად იქცევა: შეიძლება თუ არა, გამიჯნო ხელოვნება და პოლიტიკა? იცხოვრო და იმუშაო მშვიდად, მას შემდეგ რაც ეშმაკს ჩამოართვი ხელი? შეუძლია მუსიკას ადამიანის სულის გათავისუფლება? რონალდ ჰარვუდის ეს დამატყვევებელი პიესა ამ და ბევრ სხვა მნიშვნელოვან შეკითხვას სვამს, თუმცა პასუხის მოსმენა მარტივი არ იქნება. 

1729163042

შეხვედრისას, საუბარი შეეხო საქართველო-ავსტრიის ეკონომიკურ ურთიერთობებს, ექსპორტ-იმპორტის მიმართულებებსა და ბიზნეს საქმიანობას.საქართველოს ბიზნეს ასოციაციის პრეზიდენტმა, სოსო ფხაკაძემ ავსტრიელ სტუმრებს BAG ინდექსის ბოლო კვარტლის შედეგები გააცნო, რის საფუძველზეც ქვეყანაში არსებულ ბიზნესგარემო და ბიზნესკლიმატი მიმოიხილეს. ისაუბრეს იმ ჯანსაღ მაკროეკონომიკურ ჩარჩოზე და ეკონომიკურ პარამეტრებზე, რომელიც საქართველოში ბოლო წლების განმავლობაში ჩამოყალიბდა და რამაც ეკონომიკური სუბიექტების საქმიანობაზე მნიშვნელოვნად პოზიტიური ასახვა ჰპოვა. ასევე საუბარი შეეხო არსებულ გამოწვევებს, კერძოდ კი შრომითი ძალის ნაკლებობასა და ამ მიმართულებით გასატარებელ ღონისძიებებს.ავსტრიული კომპანიების წარმომადგენლებმა, რომლებიც ინფრასტრუქტურის, მშენებლობისა და წარმოების სექტორში ოპერირებენ, BAG-ის წევრებს საკუთარი საქმიანობის სპეციფიკა გააცნეს და თანამშრომლობის შესაძლებლობები განიხილეს.„ავსტრიელ კოლეგებთან და ჩვენს საერთაშორისო პარტნიორებთან მსგავსი სახის შეხვედრები და დიალოგი, მნიშვნელოვანია, როგორც ინფორმაციისა და გამოცდილების გაზიარების თვალსაზრისით, ასევე ქვეყნებს შორის ეკონომიკური ურთიერთობების გაძლიერების მიმართულებით. შეხვედრაზე შევთანხმდით სამომავლო თანამშრომლობისა და ბიზნეს ოპერატორებს შორის კომუნიკაციის გაძლიერებაზე, რაც დარწმუნებული ვართ, პოზიტიურ შედეგს მოიტანს პროცესში ჩართული მხარეებისთვის“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1729160371

ტექსკოლის მე-4 სემესტრზე ჯამში 1123 უფროსკლასელი დარეგისტრირდა, კონკურსის საფუძველზე, მათგან 600 მოსწავლე შეირჩა, რომლებიც მომავალი სამი თვის განმავლობაში ტექნოლოგიებს უფასოდ შეისწავლიან.თიბისიმ ტექსკოლა, ჯეოლაბთან პარტნიორობით გასულ წელს დაარსდა და მთელი საქართველოდან, 2000-ზე მეტი მონაწილე ჰყავს. აღსანიშნავია, რომ მონაწილეთა 18%-ზე მეტმა მოსწავლემ, ტექსკოლაში, სხვადასხვა მიმართულებით ტექნოლოგიების შემსწავლელი რამდენიმე კურსი გაიარა.თიბისისთვის ახალი თაობის ხელშეწყობა და საგანმანათლებლო პროგრამების მხარდაჭერა პრიორიტეტია. თანამედროვე ტექნოლოგიების გაცნობით და მათი პრაქტიკაში გამოყენებით, თიბისი, ახალგაზრდებს საშუალებას აძლევს დაეუფლონ მომავლის პროფესიებს, აღმოაჩინონ ახალი შესაძლებლობები, შეძლონ საკუთარი პოტენციალის რეალიზება და იდეების რეალობად გადაქცევა.

1729156860

"ახალგაზრდა ფინანსისტთა და ბიზნესმენთა ასოციაცია - აფბა ეხმაურება სავალუტო ბაზარზე ბოლო პერიოდში მიმდინარე პროცესებს და აცხადებს, რომ ეროვნული ბანკის პოლიტიკა არის სწორი და ინტერვენციები, რომელსაც სებ-ი ახორციელებს ლარის კურსის სტაბილურობისთვის, უნდა გაგრძელდეს, განსაკუთრებით იმ შემთხვევაში, თუკი ბაზარზე ეროვნული ვალუტის მოკლევადიან რყევებს კვლავ ექნება ადგილი.აფბას შეფასებით, დღეს მაკროეკონომიკური პარამეტრები  იმდენად ჯანსაღია, რომ არ არსებობს არანაირი ობიექტური გარემოება, რაც ეროვნული ვალუტის მსგავს რყევებს უნდა იწვევდეს. უფრო კონკრეტულად, საქსტატის სექტემბრის თვის მონაცემებით, ინფლაცია მიზნობრივ მაჩვენებლზე დაბალ ნიშნულზე ნარჩუნდება, 17%-ითაა გაზრდილი საქონლის ექსპორტი,  ქვეყანაში შემოსული ფულადი გზავნილების ნაკადების მოცულობამ  კი 283.4 მლნ აშშ დოლარი შეადგინა, რაც მხოლოდ 1%-ით ნაკლებია გასული წლის ანალოგიურ მაჩვენებელზე.ჩვენს მოსაზრებას ადასტურებს სებ-ის გუშინდელი განცხადებაც, სადაც ითქვა, რომ გაცვლით კურსზე გავლენა მოახდინა ერთჯერადმა მსხვილმა ტრანზაქციებმა და ეროვნული ბანკის ინტერვენციაც ამით იყო განპირობებული.ფაქტია, რომ  საარჩევნო პერიოდში ეროვნული ვალუტის მიმართ მოლოდინები კიდევ უფრო გამძაფრებულია და შესაბამისად, სებს მართებს სწრაფი რეაგირება, რათა ნებისმიერი რისკის დროული პრევენცია მოახდინოს და არ დატოვოს არანაირი სპეკულაციის საფუძველი ლარის კურსის მიმართ.როგორც წესი, არჩვენები და მწვავე პოლიტიკურ პროცესები გავლენას ახდენს, როგორც მთლიანად ქვეყნის ეკონომიკაზე, ისე მატ შორის, ეროვნულ ვალუტაზე. შესაბამისად, წინასაარჩევნო თუ არჩევნების შემდგომ პერიოდში მნიშვნელოვანია, ეროვნულმა ბანკმა გამოიყენოს მის ხელთ არსებული ყველა ინსტრუმენტი, რათა ლარის სტაბილურობას საფრთხე, განსაკუთრებით, სპეკულაციური ხასიათის საფრთხე არ დაემუქროს.მათ შორის, საჭიროების შემთხვევაში, სებ-მა უნდა გააგრძელოს  სავალუტო ინტერვენციები, რათა ლარის ,სპეკულაციური ხასიათისა თუ სხვა შესაძლო მიზეებიდან გამომდინარე, მოკლევადიანი მერყეობა დროულად შეაჩეროს, ლიკვიდობის პრობლემა არ შეიქმნას და ლარის მნიშვნელოვანი დევალვაცია თავიდან აირიდოს. აქვე, უნდა აღინიშნოს, რომ სავალუტო რეზერვების მოცულობა, სექტემბრის თვის მონაცემებით 4.7 მლრდ აშშ დოლარს შეადგენს.და ბოლოს, აფბა მოუწოდებს პოლიტიკურ გაერთიანებებს, საარჩევნი კამპანიის წარმოებისას, განსაკუთრებული სიფრთხილით მოეკიდონ ეროვნული ვალუტის  მიმართ სპეკულაციური განცხადებებისგან, ვინაიდან ეროვნული ვალუტის სტაბილურობა და ქვეყნის ეკონომიკური მდგრადობა თანაბრად მნიშვნელოვანია საქართველოს უკლებლივ ყველა მოქალაქისთვის, პოლიტიკური სიმპათია-ანტიპათიის მიუხედავად", - ნათქვამია „აფბას მიერ გავრცელებულ განცხადებაში.

1729155069

Forbes Georgia-ს „30-წლამდელთა სია 2024“ გამორჩეული აღმოჩნდა „თეგეტა ჰოლდინგისთვის“. კატეგორიაში: „ტექნოლოგიები და ელკომერცია“ თეგეტას ტექნოლოგიების მიმართულების მთავარმა ოფიცერმა ლევან მამულაშვილმა გაიმარჯვა, ხოლო ჰოლდინგის ინვესტორებთან ურთიერთობის დეპარტამენტის ხელმძღვანელმა მანანა ხინაშვილმა 30 UNDER 30-ის ორ კატეგორიაში მოიპოვა აღიარება: ის ფინანსების სფეროში გამარჯვებული და „ფორბსის“ რჩეულის სტატუსის მფლობელი გახდა.ბაკალავრიატი - ფინანსების ინგლისურენოვანი პროგრამა - მანანას შავი ზღვის საერთაშორისო უნივერსიტეტში აქვს დამთავრებული. მაგისტრატურა თავისუფალ უნივერსიტეტში გაიარა ოპერაციების მართვის მიმართულებით. მისი პირველი სამუშაო ადგილი ბიზნესსაკონსულტაციო კომპანია იყო, სადაც ჯერ ისევ სტუდენტმა კვლევების ანალიტიკა ჩაიბარა. სწავლის დამთავრების შემდეგ საჯარო სამსახურში გადაინაცვლა - იუსტიციის სამინისტროს სსიპში სამი წლის განმავლობაში იმუშავა ბიუჯეტირების და ფინანსური ანალიზის მენეჯერის პოზიციაზე. მოგვიანებით ისევ კერძო სექტორს დაუბრუნდა - 2019 წელს თიბისი ლიზინგში დაიწყო მუშაობა ფინანსური რისკების მართვის, ინვესტორებთან ურთიერთობისა და სახაზინო ურთიერთობების მენეჯერის პოზიციაზე.სამი წელი ხდება, რაც მანანა „თეგეტა ჰოლდინგში“ ინვესტორებთან ურთიერთობის დეპარტამენტის ხელმძღვანელის თანამდებობას იკავებს. ამბობს, რომ  ამ პოზიციაზე მუშაობის შეთავაზებას ორი მიზეზის გამო დათანხმდა:„მიმართულება, რომელსაც ამჟამად ვხელმძღვანელობ, ჩემთვის, პირველ რიგში, საინტერესო გაგრძელება იყო განვლილი კარიერული გზისა და სამომავლო განვითარების მხრივ; გარდა ამისა,  თვითონ „თეგეტასთვისაც“ სიახლე იყო და ის მიზნები, რომლებიც კომპანიას ჰქონდა დასახული ამ მიმართულებით განვითარებისთვის, მრავალფეროვან შესაძლებლობებს აჩენდა. სწორედ ამიტომ შევუერთდი „თეგეტას“ გუნდს“.მანანა ამბობს, რომ საავტომობილო ინდუსტრიაში მუშაობის გამოცდილების უქონლობა დაბრკოლება არ ყოფილა. ავტომობილების მიმართ განსაკუთრებული ინტერესის გამო საავტომობილო კომპანიაში დასაქმების პერსპექტივა მიმზიდველი აღმოჩნდა:„თეგეტა“ არის ერთ-ერთი ყველაზე დიდი და გამორჩეული დამსაქმებელი, რაც ასევე მიმზიდველი იყო ჩემთვის. მიუხედავად იმისა, რომ საავტომობილო ინდუსტრია  განსხვავდებოდა ჩემი წინა გამოცდილებებისგან, თვითონ ეს სფერო და ავტომობილები ყოველთვის მაინტერესებდა.“30 UNDER 30-ის ორ ნომინაციაში გამარჯვებას მანანა ასე აფასებს:„ეს იყო ერთობლივი შედეგი ჩემი გამოცდილებისა და „თეგეტაში“ საქმიანობისა. ვგულისხმობ ფინანსური მიმართულებით და კაპიტალის, ფინანსური სახსრების მოზიდვის იმ ინოვაციურ პროდუქტებს, რომლებიც ჰოლდინგში შემუშავდა, მათ შორისაა: მწვანე ინსტრუმენტები, რომლებიც პირველად ადაპტირდა სწორედ თეგეტაში; მულტისავალუტო ობლიგაციები, რომლებიც ჰოლდინგის საჭიროებებზე მორგებით შეიქმნა და წარმატებით დაინერგა; ფასიანი ქაღალდების შეთავაზება ფიზიკური პირებისათვის თუ სხვა. აქამდე, როგორც ინვესტორების, ისე კომპანიების მხრიდან, აღნიშნული ინსტრუმენტების მიმართ ინტერესი ნაკლები იყო, ამ აქტივობებით ახალ ეტაპს ჩაეყარა საფუძველი და  ბაზარიც გააქტიურდა. მხოლოდ თეგეტას მაგალითზე რომ ვიმსჯელოთ, დღეს უკვე 800-მდე უნიკალური ინვესტორი გვყავს. მსგავსი აქტივობა არცთუ დიდი ხნის წინ რთული წარმოსადგენი იქნებოდა საქართველოს კაპიტალის ბაზარზე“.მანანა ამბობს, რომ მისთვის განსაკუთრებით სასიამოვნო აღმოჩნდა, როცა, ფინანსების ნომინაციაში გამარჯვებასთან ერთად, Forbes-ის რჩეულის სტატუსიც დაიმსახურა.„ამ ფაქტის ყველაზე დიდ ღირებულებას იცით, რაში ვხედავ? როდესაც ახალგაზრდები სამომავლო საქმიანობის სფეროს ირჩევენ, ვფიქრობ,  მათთვის მსგავსი ისტორიების გაზიარება საუკეთესო შესაძლებლობაა, რათა გვჯეროდეს, რომ დასახული მიზნებით, გასავლელი გზით, შრომითა და პასუხისმგებლობით ხელშესახებ შედეგებს მიაღწევ.მჯერა, რომ მცირე პოზიტიურ ქმედებასაც აქვს ძალა, შექმნას მნიშვნელოვანი ცვლილებები; რომ პატივისცემით, მხარდაჭერითა და განვითარებაზე ორიენტირებით შექმნილი გარემო ხელს უწყობს როგორც კოლექტიურ წარმატებას ბიზნესამოცანების შესასრულებლად, ისე პირადს. საჯარო აღიარება კი დამატებით ბენეფიტს სძენს შენს ყოველდღიურ საქმიანობას და ახალი მწვერვალების დაპყრობას შთაგაგონებს.“რაც შეეხება „თეგეტა ჰოლდინგის“ ტექნოლოგიების მიმართულების მთავარ ოფიცერს, ლევან მამულაშვილს, რომელმაც ტექნოლოგიებისა და ელკომერციის კატეგორიაში გაიმარჯვა, მისი კარიერა 18 წლის ასაკში კომპანია Lemondo-ში დაიწყო, სადაც  IOS ინტერნად მივიდა. ერთი წლის შემდეგ კი iOS მიმართულების ლიდის პოზიციაზე გადაინაცვლა.„დაახლოებით 3-4 წლის შემდეგ შეთავაზება ერთდროულად მივიღე საქართველოს ბანკისგან და თიბისი ბანკისგან. თიბისის დავთანხმდი, რომელიც იმ დროს ახალ, ინოვაციურ პროდუქტზე მუშაობდა. ეს აღმოჩნდა სფეისი, სადაც ვიყავი ერთ-ერთი პირველი თანამშრომელი. იმ პერიოდში ჩემი ხელმძღვანელობით დაიწერა Space-ის iOS აპლიკაცია, დაახლოებით ხუთ წელიწადს ვიმუშავე IOS-ის მიმართულებით, 21 ადამიანს ვხელმძღვანელობდი. პარალელურად, ლექციებს ვკითხულობდი საქართველოს უნივერსიტეტში და ფრილანსერად ვმუშაობდი მსოფლიოს მსხვილ კომპანიებთან. მათ შორის იყო ამერიკაში ნომერ პირველი „თექსთ თუ სფიჩ“ აპლიკაცია - Speechify. იქ შევეხე პირველად ხელოვნურ ინტელექტს. ვმუშაობდი როგორც წამყვანი - Engineering Manager iOS / Android / QA / Automation მიმართულებით.“„თეგეტა ჰოლდინგიდან“ შეთავაზება ლევანმა 2023 წლის ივლისში მიიღო. მას შემდეგ  კომპანიაში ტექნოლოგიების მიმართულების მთავარი ოფიცრის პოზიციას იკავებს. პარალელურად, ამერიკაში, MIT-ში (მასაჩუსეტსის ტექნოლოგიური ინსტიტუტი ) სწავლობს ტექნოლოგიური დირექტორის მიმართულებით. 30 UNDER 30-ის გამარჯვებულებს შორის მოხვედრას განვლილ კარიერულ გზას უკავშირებს:„ის ტექნოლოგიები, რომლებიც სფეისსა თუ Speechify-ში მობაილის მიმართულებით დავნერგე, დღემდე გამოიყენება. ნომინაცია - ტექნოლოგიები და ელექტრონული კომერცია - მოიაზრებს ისეთი ტექნოლოგიების შემუშავებას, რომლებსაც კომპანია დღევანდელ რეალობაში იყენებს. ესაა ავტომატიზაციისა და სხვა სისტემები, რამაც კომპანიებს ხარჯები მნიშვნელოვნად შეუმცირა. Speechify-ში ჩემი გუნდი დაკომპლექტებული იყო ქართველი, უკრაინელი და ამერიკელი თანამშრომლებით. მათი უმრავლესობა Meta-დან, Instagram-იდან და Amazon-იდან იყო, ისინი ტოპ პერფორმერებს წარმოადგენდნენ. საბოლოო ჯამში, როცა მოგვიანებით ჩემს რეკომენდაციებს გადავხედე, ყურადღება გამახვილებული იყო იმაზე, რომ შევძელი, ტექნოლოგიებში პროცესების ოპტიმიზაციით თანხები დამეზოგა საოპერაციო ნაწილში“.ლევანი  ამბობს, რომ „თეგეტა ჰოლდინგში“ მუშაობის დაწყებისას მისი მთავარი გამოწვევა კომპანიის ციფრული ტრანსფორმაცია იყო, რათა ლიდერი საავტომობილო კომპანია ტექნოლოგიური მიმართულებითაც მაღალ სტანდარტებს მორგებოდა.„თეგეტა“ ძალიან ბევრ ბრენდს წარმოადგენს საქართველოში, მაგრამ ასევე დიდ შესაძლებლობებს ფლობს ტექნოლოგიებში. 2009 წელს მან პირველმა დანერგა საპის სისტემა, რომელსაც დღემდე იყენებს. კომპანიაში ჩემს დაქვემდებარებაში 105 ადამიანია, რომლებიც ჰოლდინგის სრულ ტექნოლოგიურ განვითარებას უზრუნველყოფენ. კომპანიაში ნებისმიერი გაყიდვა აღინიშნება ტექნოლოგიურ სისტემებში, ტექნოლოგიურია რიგების სისტემები და ა. შ. ვხელმძღვანელობ „თეგეტას“ E-commerce პლატფორმას, მობილურ აპლიკაციასა და შიდა მოხმარების დაახლოებით 20-მდე განსხვავებულ პროგრამას. ჩემი მოტივაცია და მიზანი იყო, დამემსხვრია სტერეოტიპი, თითქოს საავტომობილო კომპანია შეუძლებელია ძლიერი იყოს ტექნოლოგიებშიც. პრინციპში, ეს ნაწილობრივ უკვე შევძელით: ამ დროის განმავლობაში შემოვიერთეთ დეველოპერები მსოფლიოს ტოპ სამეულიდან“.ლევანი ამბობს, რომ 30 UNDER 30-ის გამარჯვებულებს შორის მოხვედრა მისთვის ერთგვარი პროფესიული ვალიდაციაა და, ამდენად, განსაკუთრებით მნიშვნელოვანია.„სასიამოვნოა, როცა აღიარება მარტო იქიდან არ მოდის, სადაც მუშაობ. ჩემთვის ეს განვლილი 10 წლის შეჯამებაა და ძალიან ფასეულია. თვალს რომ გადავავლებ, ამ შედეგისთვის უამრავი ვიშრომე, ფაქტობრივად, მუდმივად ლიმიტის ზღვარზე ვიყავი, რომ ახალი ცოდნა შემეძინა. ოჯახი ძალიან მიწყობდა ხელს, რადგან რამდენიმე წლის განმავლობაში დილის 7 საათიდან ღამის 1-ელ საათამდე ჩემი რეჟიმი უცვლელი იყო, გაუთავებლად ვმუშაობდი. წინსვლისთვის მნიშვნელოვანია, მიზანი გქონდეს, თუმცა რაც უფრო მეტი ცოდნა გაქვს, ეს მიზანიც იცვლება. წლები რომ გადის და ცოდნა მემატება, ვხვდები, რომ სულ უფრო და უფრო მეტია გასაკეთებელი, რათა საბოლოო წერტილამდე მივიდე“.საბოლოო წერტილს ლევანი ასე ხედავს: დარჩეს საქართველოში, სადაც ტექნოლოგიურ ეკოსისტემას დიდი პოტენციალი აქვს და ცოდნა გაუზიაროს მათ, ვინც მომავალს მასავით ტექნოლოგიებში ხედავს. 

1729152569