ჰორმუზის სრუტის დახურვის გამო, Maersk-ისა და Hapag-Lloyd-ის აქციები გაიზარდა

"ჩვენი აზრით, დღევანდელი გადასახედიდან, პირველ რიგში მნიშვნელოვანი ტურიზმის სექტორზე ზეგავლენაა. მართალია, ახლო აღმოსავლეთის ქვეყნების წილი ტურისტულ შემოდინებებში დაახლოებით 21%-ს შეადგენს, თუმცა ასევე გასათვალისწინებელია, რომ გარკვეული ნეგატიური ზეგავლენა სხვა ქვეყნების შემთხვევაშიც შეიძლება იყოს. ამასთან, მნიშვნელოვანია, რომ ბოლო თვეებში სტუმარმასპინძლობის ინდუსტრიაში მკვეთრი ზრდა ფიქსირდებოდა, რადგანაც ერთია, როდესაც ზრდის ტემპი ეცემა ან მცირედით უარყოფითი ხდება და მეორეა, როდესაც შემოსავლების მნიშვნელოვან კლებას აქვს ადგილი. იგივე შეიძლება ითქვას სავალუტო ბაზარზე ვალუტის ჯამურ მიწოდებაზეც. გასული წლის მსგავსად, ჩვენი წინასწარი შეფასებით, თებერვალიც სებ-ის მიერ ვალუტის შესყიდვის მიმართულებით ერთ-ერთ რეკორდული თვე იყო, დაახლოებით 420 მილიონი აშშ დოლარის ოდენობით, ხოლო ბოლო ერთი წლის განმავლობაში დაახლოებით 2.9 მილიარდი აშშ დოლარი.მაშინ მცირედით, მაგრამ მაინც რატომ გაუფასურდა ლარი? ჩვენი აზრით ცალსახაა, რომ ამის მიზეზი კონვერტაციებია. ცნობილია, რომ ეს ფაქტორი, ლარის კურსის კუთხით, სავალუტო შემოდინებებზე არანაკლები და ხშირად უფრო მეტი მნიშვნელობისაა. ამასთან, არა მხოლოდ, მაგრამ განსაკუთრებით კონვერტაციებით გამოწვეული ზეწოლის გაძლიერების შემთხვევაში, გასული პერიოდის პრაქტიკიდან გამომდინარე, ვფიქრობთ რომ სებ-ის ინტერვენციებს ექნება ადგილი. ამ მხრივ, ასევე არგუმენტია გაზრდილი ნავთობის ფასების გამო მოსალოდნელზე მაღალი ინფლაცია. ამდენად, მთლიანობაში ლარის კურსის კუთხით ჩვენი შეფასება უფრო ნეიტრალურია. ეკონომიკის ზრდას რაც შეეხება, ვფიქრობთ, რომ ეფექტი ზომიერად, მაგრამ ნეგატიური იქნება,თავისთავად, სენტიმენტების გათვალისწინებით. ამასთან, ბუნებრივია მოვლენათა განვითარებას გააჩნია, თუმცა უნდა გვახსოვდეს, რომ შარშან ისრაელის მოქალაქეებმა ჩვენთან უფრო მეტი ბინა შეიძინეს, ვიდრე რუსეთის მოქალაქეებმა. ისევე, როგორც უკრაინაში მიმდინარე ტრაგიკული მოვლენების საქართველოს ეკონომიკაზე ზეგავლენა მხოლოდ გარკვეული პერიოდის შემდეგ გამოიკვეთა.პრაქტიკული თვალსაზრისით, ასევე მნიშვნელოვანია მიმდინარე მოვლენების ფონზე საერთაშორისო მასშტაბით აშშ დოლარის ქცევა. კერძოდ, თიბისი კაპიტალის დაფინანსების ოპტიმალური სავალუტო სტრუქტურის სტრატეგიის ფარგლებში. ისტორიულად, აშშ დოლარის, როგორც უსაფრთხო აქტივის სტატუსი დოლარში სესხების საწინააღმდეგო არგუმენტს წარმოადგენდა, რადგანაც მსოფლიო კრიზისებისას ერთდროულად გაყიდვების შემცირება და ვალის ზრდა მაქსიმალურად უნდა იქნეს თავიდან აცილებული. ამ მხრივ, დაახლოებით ბოლო ერთი წლის განმავლობაში ვითარება გარკვეულწილად მაინც შეიცვალა.იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30007406-macro-update-georgia

1772460508

საქართველოში IT სექტორი ბოლო წლებში ერთ-ერთ ყველაზე დინამიკურ და სწრაფად მზარდ მიმართულებად ჩამოყალიბდა. ზრდის მთავარი მამოძრავებელი ფაქტორებია 2020 წლიდან ამოქმედებული საგადასახადო შეღავათები, საერთაშორისო კომპანიების შემოსვლა და რეგიონში მიმდინარე გეოპოლიტიკური პროცესები, რამაც საქართველო IT სპეციალისტებისა და კომპანიებისთვის მიმზიდველ ჰაბად აქცია. შედეგად, IT მომსახურების სექტორის შემოსავლები და ექსპორტი სწრაფი ზრდით  ხასიათდება.პრეზენტაციისას ყურადღება გამახვილდა ხელოვნური ინტელექტის გავლენით შრომის ბაზრის ტრანსფორმაციასა და ქართველი სპეციალისტების საერთაშორისო ინტეგრაციიაზე. გლობალური ტენდენციების ფონზე, განსაკუთრებით მნიშვნელოვანია სამუშაო ძალის სპეციალიზაცია და კვალიფიკაციის ამაღლება, რადგან AI-ის განვითარებასთან ერთად მოთხოვნა მაღალი კვალიფიკაციისა და სპეციალიზებული უნარების მქონე კადრებზე იზრდება. World Economic Forum-ის შეფასებით, 2030 წლისთვის სამუშაო პროცესები ადამიანურ, ტექნოლოგიურ და ჰიბრიდულ მოდელებს შორის თანაბრად გადანაწილდება, რაც უწყვეტი გადამზადების აუცილებლობას კიდევ უფრო აძლიერებს. ამ კონტექსტში, საქართველოში სამუშაო ძალის განვითარება ICT ექსპორტის შემდგომი ზრდის ერთ-ერთ საკვანძო წინაპირობას წარმოადგენს.გალტ & თაგარტის კვლევის სრულად სანახავადეწვიეთ ბმულს.ICT Association of Georgia ქვეყანაში ინფორმაციისა და კომუნიკაციის ტექნოლოგიების სექტორის განვითარებას უწყობს ხელს. ასოციაციის მიზანია, გაიზარდოს სექტორის კონკურენტუნარიანობა, მოიზიდოს ინვესტიციები ქვეყანაში და მონაწილეობა მიიღოს გადაწყვეტილების მიღების პროცესებში ეროვნულ და საერთაშორისო დონეზე.

1772460318

ევროპის რეკონსტრუქციისა და განვითარების ბანკმა (EBRD) 35 წლამდე მეწარმეების მხარდასაჭერად, პროკრედიტს 15 მილიონი ევროს საკრედიტო რესურსი გამოუყო. შედეგად, ახალგაზრდებისთვის დაფინანსების ახალი შესაძლებლობა შეიქმნება.“Youth in Business Caucasus” პროგრამა უკვე მოქმედებს სომხეთსა და აზერბაიჯანში და მიზნად ისახავს ახალგაზრდების მიერ მართული მიკრო, მცირე და საშუალო ბიზნესებისთვის ფინანსებზე წვდომის ზრდას, იმ ბარიერების შემცირებით, რასაც ახალი თაობის ანტერპრენერები ხშირად აწყდებიან საკრედიტო ისტორიის სიმცირის, არასაკმარისი უზრუნველყოფის ან ბაზარზე შეზღუდული წვდომის გამო.ფინანსურ რესურსთან ერთად, პროგრამა არაფინანსურ მხარდაჭერასაც მოიცავს. საკონსულტაციო და განვითარების კომპონენტები პროგრამის მონაწილეებს მენეჯერული უნარების გაძლიერებაში, კონკურენტუნარიანობის ზრდასა და ბიზნესის გრძელვადიან მდგრად განვითარებაში ეხმარება.“ჩვენთვის მნიშვნელოვანია გარემო, სადაც ბიზნესის განვითარება არ იზღუდება ასაკით, სქესით ან გეოგრაფიული მდებარეობით. სწორედ ამიტომ ვნერგავთ მიზნობრივ პროგრამებს სხვადასხვა სეგმენტის მხარდასაჭერად. ფინანსებზე ხელმისაწვდომობის ზრდა და განვითარების თანაბარი შესაძლებლობების შექმნა ჩვენი საბანკო მოდელისა და სტრატეგიის მნიშვნელოვანი ნაწილია. Youth in Business Caucasus პროგრამა სწორედ ამ ხედვის გაგრძელებაა - ის აძლიერებს ჩვენს ინკლუზიურ მიდგომას და ქმნის საფუძველს უფრო ფართო და მდგრადი ეკონომიკური ჩართულობისთვის. მოხარულები ვართ, რომ პროგრამა საქართველოში პირველად სწორედ პროკრედიტ ბანკში ამოქმედდება.“ - ელენე ცინცაძე, პროკრედიტ ბანკის დირექტორი.პროკრედიტ ბანკი საქართველოში 1999 წლიდან ოპერირებს და მნიშვნელოვან როლს ასრულებს ქვეყნის ბიზნეს სექტორის გაძლიერებასა და განვითარებაში. EBRD კი ქვეყანაში 1996 წლიდან საქმიანობს და ამ დროისთვის 5.7 მილიარდ ევროზე მეტი ინვესტიცია აქვს განახორციელებული 318 პროექტის ფარგლებში.პროკრედიტ ბანკსა და EBRD-ს შორის მრავალწლიანი თანამშრომლობა მცირე და საშუალო ბიზნესის, მწვანე ეკონომიკისა და ინკლუზიური დაფინანსების მიმართულებებს მოიცავს. ახალგაზრდა მეწარმეების მხარდამჭერი პროგრამის დაწყება, მდგრადი პარტნიორობის კიდევ ერთი მნიშვნელოვანი ეტაპია.

1772456171

გაზაფხულის დადგომასთან ერთად, თიბისიმ მომხმარებლების სურვილები და საჭიროებები ამჯერადაც გაითვალისწინა და მათ მარტის თვეში (2,3,7,8 მარტი) პარტნიორ ობიექტებთან ერთად, განსაკუთრებული შეთავაზებები მოუმზადა.შეთავაზებებით ისარგებლებენ, როგორც ახალი თიბისი ბარათის და ახალი კონცეპტ ბარათების, ისე - ერთგული საკრედიტო ბარათის მფლობელები.შეთავაზებების პირობები და დეტალები ხელმისაწვდომია ბმულზე.ახალი თიბისი ბარათი, რომელიც უკვე მილიონ მომხმარებელს აერთიანებს, მრავალი უპირატესობით გამოირჩევა და მოიცავს: წვდომას ასობით განსაკუთრებულ შეთავაზებაზე, რომელიც მუდმივად ახლდება; ქეშბექის მომენტალურ დაბრუნებას ერთგულ ყულაბაში და მის მარტივ, შეუზღუდავ გამოყენებას; უფასო განაღდებას საქართველოში ნებისმიერი ბანკის ბანკომატიდან ლარში, ლიმიტის ფარგლებში; მობილბანკიდან კომუნალურ გადახდებს საკომისიოს გარეშე, უფასო გადარიცხვასა და სხვა შეღავათებს. გაუმჯობესებული პირობებით- სამმაგი დაგროვებით, სამოგზაურო და სხვა უპირატესობებით სარგებლობის შესაძლებლობას ახალი თიბისი კონცეპტ და კონცეპტ 360 ბარათებით. ახალი თიბისი ბარათების აღება შესაძლებელია წამებში, მობილბანკიდან, ფილიალებში მისვლისა და ზედმეტი დროის ხარჯვის გარეშე.

1772453656

შეთავაზების ფარგლებში, ჩამოთვლილ მაღაზიებში საქართველოს ბანკის სხვადასხვა ბარათით სარგებლობისას სხვადასხვა ბენეფიტს მიიღებთ.2-3 მარტს, საქართველოს ბანკის ნებისმიერი ბარათით გადახდისას iCity-ში მინიმუმ 500 ლარის შენაძენზე მიიღეთ 100 ლარიანი ქეშბექი.3-8 მარტს კი შეიძინეთ სამზარეულოს ინვენტარი BergHOFF-ში, გადაიხადეთ PLUS ბარათით და მიიღეთ 20% ქეშბექი. (მაქსიმუმ 200 ლარი)საკრედიტო AmEx ბარათით გადახდისას მიიღეთ MR ქულების ქეშბექი: 3-8 მარტი - BergHOFF – 20% MR ქულა (მაქსიმუმ 300 ლარის) 3 მარტი – Toreli – 30% MR ქეშბექი (მაქსიმუმ 150 ლარის) 6 მარტი – Lutecia – 30% MR ქეშბექი (მაქსიმუმ 150 ლარის) საქართველოს ბანკის PLUS ბარათით გადახდისას, შესაძლებლობა გაქვთ დაიბრუნოთ დახარჯული თანხა PLUS ქულებად: 2-3 მარტი – MAC - 20% PLUS ქულა (მაქსიმუმ 100 ლარის) 1-8 მარტი - Kiara - 20% PLUS ქულა (მაქსიმუმ 100 ლარის) 2-3 და 7-8 მარტი - HER STORE - 20% PLUS ქულა (მაქსიმუმ 100 ლარის) 2-3 და 7-8 მარტი – Skivri - 20% PLUS ქულა (მაქსიმუმ 100 ლარის) 2-3 და 7-8 მარტი – Kocos - 20% PLUS ქულა (მაქსიმუმ 100 ლარის) 2-3 და 7-8 მარტი – Tresor - 20% PLUS ქულა (მაქსიმუმ 100 ლარის) 4-5-6 მარტი – Yves Rocher - 20% PLUS ქულა (მაქსიმუმ 100 ლარის) 2-3 და 7-8 მარტი – Terenzi - 20% PLUS ქულა (მაქსიმუმ 100 ლარის) 2-3 და 7-8 მარტი – Carpisa - 20% PLUS ქულა (მაქსიმუმ 100 ლარის) 2-3 და 7-8 მარტი – Hamo Concept - 20% PLUS ქულა (მაქსიმუმ 100 ლარის) სხვა შეთავაზებები შეგიძლიათ ნახოთ bog.ge - ზე ! შეთავაზებით სარგებლობისთვის, აუცილებელია შეთავაზების მობილბანკში გააქტიურება.გარდა ამისა, 1-8 მარტს, პარტნიორ ობიექტებში PLUS ბარათით გადახდისას 10X PLUS ქულას დააგროვებთ. (მაქსიმუმ 10,000 PLUS ქულა)სახლი და ოჯახი:Villeroy & Boch, ლივინი, comfo design, სომა ჰოუმი, ადელიო.შოპინგი:ჰამო, ოვერდოზი, ჯომა.ყვავილები:ანეს ყვავილები, ლავანდერ.აქსესუარები:სვაროვსკი, პილგრიმ, კოსმო, ტრესორი, მანდარინა.თავის მოვლა:ადენ კოსმეტიკი, კოტესი, სკინუმ.კვება:განჯინა, ლუნატიკი, ბუკას ბეიქერი, ვარდოსტუდენტებს შესაძლებლობა აქვთ, საქართველოს ბანკის Student Card - ით გადახდისას მიიღონ ქეშბექი: 1-9 მარტი – Mandarina – 20% ქეშბექი (მაქსიმუმ 100 ლარი) 1-8 მარტი – Pendant – 30% ქეშბექი (მაქსიმუმ 100 ლარი) 1-10 მარტი – Lovender – 20% ქეშბექი მინ. 30 ლარის გადახდისას (მაქსიმუმ 100 ლარი) 1-8 მარტი – Buka's Bakery – 20% ქეშბექი (მაქსიმუმ 100 ლარი) 1-8 მარტი – Lunatic – 20% ქეშბექი (მაქსიმუმ 30 ლარი) 1-8 მარტი – Ganjina – 20% ქეშბექი (მაქსიმუმ 30 ლარი) 7 მარტი - Flormar - 40% ქეშბექი (მაქსიმუმ 50 ლარი) 8 მარტი - Kiko Milano - 40% ქეშბექი (მაქსიმუმ 50 ლარი) მოსწავლეები კი საქართველოს ბანკის sCool Card-ით სარგებლობისას ქეშბექს მიიღებენ: 1-9 მარტი – Mandarina – 20% ქეშბექი (მაქსიმუმ 50 ლარი) 1-10 მარტი – Lovender – 20% ქეშბექი მინ. 30 ლარის გადახდისას (მაქსიმუმ 100 ლარი) 1-8 მარტი – Buka's Bakery – 20% ქეშბექი (მაქსიმუმ 100 ლარი) 1-8 მარტი – Lunatic – 20% ქეშბექი (მაქსიმუმ 30 ლარი) 1-8 მარტი – Ganjina – 20% ქეშბექი (მაქსიმუმ 30 ლარი) 7 მარტი - Flormar - 40% ქეშბექი (მაქსიმუმ 50 ლარი) - აღნიშნული შეთავაზებით სარგებლობისთვის საჭიროა შეთავაზების sCoolApp- ში გააქტიურება. 8 მარტი - Kiko Milano - 40% ქეშბექი (მაქსიმუმ 50 ლარი) - აღნიშნული შეთავაზებით სარგებლობისთვის საჭიროა შეთავაზების sCoolApp- ში გააქტიურება. ყველა შეთავაზებას შეგიძლიათ გაეცნოთ აქ.

1772453566

ორგანიზაციის კვლევა გადმოსცემს ბიზნესმენ ნიაზ ხალვაშსა (შპს „ბიზონის“ დირექტორი) და ბიზნესმენ მამუკა სხვიტარიძეს (შპს „ტრანსკავკასიის კრისტალის“ დირექტორი) შორის წარმოებული ბიზნეს-დავის სრულ ფაქტობრივ და სამართლებრივ პროცესს, რა დროსაც, ცეტრალური ადგილი უჭირავს, როგორც ს.ს. „თიბისი ბანკისა“ და 1992-2019 წლებში, ამავე ბანკის სამეთვალყურეო საბჭოს თავმჯდომარე მამუკა ხაზარაძის  ოჯახის წევრებით დაკომპლექტებულ შპს „მეგაკოს“ მოქმედებებს, ასევე 2012 წლამდე მოქმედი ხელისუფლების მმართველობითი ორგანოების უკანონო მოქმედებებს, ასევე საერთო სასამართლოების გადაწყვეტილებებს, 2010-2026 წლებში.კვლევის მიზანია, პასუხი გაეცეს კითხვებს, ჰქონდა თუ არა ბიზნესმენ ნიაზ ხალვაშის მიმართ უკანონო მმართველობით ღონისძიებას, რა გავლენა იქონია სახელმწიფოს მხრიდან წარმოებულმა სისხლის სამართლებრივმა მოქმედებებმა ნიაზ ხალვაშის ბიზნესსა და საქმიანობაზე, არის თუ არა ნიაზ ხალვაში სადავო უძრავი და მოძრავი ქონების, მინის ქარხნის კეთილსინდისიერი, მართლზომიერი და ნამდვილი შემძენი და მესაკუთრე, სადავო ქონებები არის თუ არა ნიაზ ხალვაშის ნების საწინააღმდეგოდ მფლობელობიდან გასული, რა განსაზღვრავს ნიაზ ხალვაშის იურიდიულ ინტერესს სადავო ქონების დაბრუნებაზე, არის თუ არა ნიაზ ხალვაშის დღევანდელი მოთხოვნები დასაბუთებული, მიმდინარეობს თუ არა ნიაზ ხალვაშის ქონებრივი ინტერესების წინააღმდეგ განზრახ არასწორი წარმოდგენების შექმნა და პოლიტიკური მოსაზრებებით დათრგუნვა, რა პოზიცია აქვს სახელმწიფოს სამართლიანობის აღდგენის საქმეზე და რამდენად პასუხობს საერთო სასამართლოების გადაწყვეტილებები, როგორც ნიაზ ხალვაშის, ასევე მამუკა სხვიტარიძის ინტერესებს.ორგანიზაცია, შესწავლილი საქმის მასალების საფუძველზე, აღნიშნავს, რომ ნიაზ ხალვაშის საკუთრების ხელყოფა და ბიზნესის წართმევა წარმოადგენდა სახელმწიფოს ძალმომრეობითი პოლიტიკის შედეგს და ნიაზ ხალვაშის მიმართ (და მისი ოჯახის წევრების მიმართ) განხორციელებული იქნა პოლიტიკური ნიშნით დევნა, რასაც მოჰყვა სახელმწიფო აპარატის მონაწილეობით, უკანონო მმართველობითი ღონისძიების გამოყენება, როგორც პიროვნული დასჯის, ასევე ბიზნესის ხელში ჩაგდებისა და ეკონომიკური საქმიანობის შეჩერება/შეფერხების მიზნით. სახელმწიფოს უკანონო და პოლიტიკურად მოტივირებული ძალადობა ჯერ კიდევ საჯარო დისკუსიის საგანი გახდა საქართველოს სახალხო დამცველის 2008 წლის საქართველოში ადამიანის უფლებათა და თავისუფლებათა დაცვის მდგომარეობის შესახებ გამოქვეყნებული ანგარიშით, თუმცა მაშინდელი პოლიტიკური ხელისუფლების მოქმედების შედეგად, ნიაზ ხალვაში, ოჯახის სხვა წევრებთან ერთად, იძულებული გახდა დაეტოვებინა საქართველო და ფიზიკური უსაფრთხოება დაეცვა.ორგანიზაცია აღნიშნავს, რომ შესწავლილი მასალის თანახმად, უდავოდ დგინდება, რომ ნიაზ ხალვაში და მისი თავდაპირველი კომპანია „DECO“, სახელმწიფოსთან გაფორმებული შესაბამისი ნასყიდობის ხელშეკრულების თანახმად (26 ივნისი, 2006 წ.) კანონიერად გახდა დღევანდელი მონაცემებით და განახლებული მისამართით: მდებარე: ქ. ბათუმი, აკ. შანიძის ქუჩა N16, არასასოფლო-სამეურნეო, დაზუსტებული ფართობი: 30022.00 კვ.მ, შენობა-ნაგებობების საერთო ფართი: 6971 კვ.მ, ამჟამად სამ ერთეულად დაყოფილი ქონების ნამდვილი მესაკუთრე.შესწავლის შედეგად დგინდება, რომ ნიაზ ხალვაშის ბიზნესისა და ქონების დასაკუთრების ავანგარდში, სახელმწიფოს ინტერესების შესაბამისად, აღმოჩნდა ს.ს. თიბისი ბანკი და ბანკთან ერთად, 1992-2019 წლებში, ამავე ბანკის სამეთვალყურეო საბჭოს თავმჯდომარე მამუკა ხაზარაძის ოჯახის საკუთრებაში არსებული კომპანია. კერძოდ, დგინდება, რომ 2007 წლის 23 თებერვალს, ს.ს. თიბისი ბანკსა და ნიაზ ხალვაშის კომპანია „DECO”-ს შორის გაფორმდა საკრედიტო ხელშეკრულება, ასევე თავდებობის ხელშეკრულება და ბანკის სასარგებლოდ, იპოთეკით დაიტვირთა დღევანდელი მონაცემებით და განახლებული მისამართით: მდებარე: ქ. ბათუმი, აკ. შანიძის ქუჩა N16, არასასოფლო-სამეურნეო, დაზუსტებული ფართობი: 30022.00 კვ.მ, შენობა-ნაგებობების საერთო ფართი: 6971 კვ.მ. ბანკსა და ნიაზ ხალვაშის კომპანიას შორის ერთ-ერთი ბოლო საკრედიტო ხელშეკრულებაში განხორციელებული დამატებითი ცვლილება განხორციელდა 2007 წლის 10 სექტემბერს, ხოლო ამ გარიგებიდან, დაახლოებით 1 თვეში, ნიაზ ხალვაშისა და მისი ბიზნესის წინააღმდეგ სახელმწიფომ წამოიწყო უკანონო დევნა - 2007 წლის 17 ოქტომბერს მიღებული იქნა დადგენილება ნიაზ ხალვაშის სისხლის სამართლის პასუხისმგებაში მიცემაზე.სადავო პერიოდში, ბიზნესი და ბიზნესმენი აღმოჩნდა სრულიად უმწეო და დაუცველ მდგომარეობაში - საჭირო გახდა ბიზნესის გადარჩენისკენ მიმართული ღონისძიებების განხორციელება. პოლიტიკურ ემიგრაციაში წასული ნიაზ ხალვაში იძულებული გახდა, ბიზნესის შესანარჩუნებლად ს.ს. თიბისი ბანკთან კვლავ გაეფორმებინა ორი ხელშეკრულება (26 დეკემბერი 2007 წელი, 15 მარტი 2008 წელი), რაც უნდა მოხმარებოდა კომპანიის მიმდინარე ვალდებულებების დაფარვას. დგინდება, რომ 2008-2010 წლებში, ნიაზ ხალვაშის წინააღმდეგ წარმოებული სისხლის სამართლის საქმეების პარალელურად, ს.ს. თიბისი ბანკის მხრიდან არ მომხდარა რაიმე შეღავათის დადგენა ან ვალდებულების გადავადების უზრუნველყოფა, რათა მხარეს შესძლებოდა ვალდებულებების განხორციელება. ბანკმა დაუყოვნებლივ გადადგა ნაბიჯი ბიზნესმენის უზრუნველყოფილი ქონების დასაკუთრებისთვის. დროის მითითებულ პერიოდში, ბანკი, შემოსავლების სამსახური და აღსრულების ბიურო, სინქრონულად მოქმედებდნენ ნიაზ ხალვაში კომპანია „DECO”-ს ძვირადღირებული ქონების დასაკუთრებისთვის, სასამართლოს ფორმალური გადაწყვეტილების საფუძველზე კი, აღნიშნული რეალობად იქცა - ბათუმის საქალაქო სასამართლოს 2010 წლის 31 აგვისტოს გადაწყვეტილებით და გაცემული სააღსრულებლო ფურცლის საფუძველზე, დაკმაყოფილდა ს.ს. თიბისი ბანკის სარჩელი და შპს „DECO“-სა და ნიაზ ხალვაშს ბანკის სასარგებლოდ დაეკისრათ 987360.61 ლარის გადახდა. შესაბამისად, გადაწყვეტილების აღსრულების უზრუნველყოფის მიზნით, აჭარის სააღსრულებლო ბიუროს მიერ სსიპ საჯარო რეესტრის ეროვნული სააგენტოს მიმართ მოთხოვნილი იქნა შპს „DECO“-ს საკუთრებაში არსებული ს/კ 22.27.02.061 ქვეშ არსებული უძრავი ქონებაზე, კერძოდ, 30022 კვ.მ მიწის ნაკვეთისა და 6971 კვ.მ შენობა-ნაგებობზე ყადაღის წარმოშობა.საქმის მასალებით დგინდება, რომ ნიაზ ხალვაშის ქონება სსიპ აღსრულების ეროვნული ბიუროს მხრიდან ნატურით გადადის ს.ს. თიბისი ბანკის საკუთრებაში (24 დეკემბერი, 2010 წელი). დგინდება, რომ ამ ფაქტიდან, დაახლოებით 4 თვეში, ნიაზ ხალვაშის ქონების დასაკუთრების ინტერესს გამოთქვამს ბიზნესმენი მამუკა სხვიტარიძე და მისი კომპანია - ჯერ შპს „ტრანსკავკასიის კრისტალი“, შემდეგ ასევე შპს „ბაზალტ ტრანსი“ და შპს „ტრანსკავკასიის ენერჯი“. კერძოდ, მამუკა სხვიტარიძე განმეორებით აუქციონზე ყიდულობს შპს „ბათუმის საშენ მასალათა კომბინატის“ სახელზე რიცხულ მოძრავ ქონებას: ბეტონის ნაკეთობათა ქარხნის (ROSACOMETTA) 1 კომპლექტს (14 აპრილი, 2011 წელი). ელექტრონულ აუქციონზე ყიდულობს „DECO”-ს საკუთრებაში რიცხულ მოძრავი ნივთის - სატრანსპორტო საშუალების მკვებავს (19 მაისი, 2011 წელი), ხოლო უძრავი ნივთის განვადებით ნასყიდობის ხელშეკრულების საფუძველზე, სადავო უძრავი ქონება გადადის შპს „ტრანსკავკასიის კრისტალის“ მფლობელობაში (28 სექტემბერი, 2011 წელი).დგინდება, რომ მამუკა სხვიტარიძესა და ს.ს. თიბისი ბანკს შორის ჩამოყალიბებული იქნა მჭიდრო და კომერციულად მომგებიანი თანამშრომლობა, რასაც დამატებით განსაზღვრავდა მამუკა ხაზარაძესა და მამუკა სხვიტარიძეს შორის ახლობლური ურთიერთობა. სწორედ ამ ფაქტორებით იქნა ნიაზ ხალვაშის ქონების ხელსაყრელ და გაცილებით დაბალ საბაზრო ღირებულებად (750,000 აშშ დოლარი, დღგ-ს ჩათვლით), განვადების ხელშეკრულების საფუძველზე, წინასწარ შეთანხმებული პირობებით დადებული გარიგება. ამასთან, მათი ბიზნესს-ინტერესები გამოიხატებოდა სხვა ერთობლივი პროექტების განხორციელებასა და კომერციულად მიმზიდველი კონტრაქტების შექმნაში. კვლევის ფარგლებში დგინდება, რომ მამუკა ხაზარაძის ოჯახის კომპანიამ - შპს „მეგაკომ“ სწორედ ამ სანდოობისა და ინტერესების შესაბამისად გაუფორმა მამუკა სხვიტარიძის შპს „ტრანსკავკასიის კრისტალს“ 500,000 ლარის ღირებულების მომსახურების ხელშეკრულება, რომელიც ითვალისწინებდა კონკრეტული ობიექტის მშენებლობას - ვალდებულება ვერ შესრულდა, რაც სამართლებრივი კონფლიქტის საფუძველი გახდა - შპს „მეგაკომ“ შპს „ტრანსკავკასიის“ კრისტალს სასამართლო დავა მოუგო, გადაწყვეტილების აღსასრულებლად კი მამუკა სხვიტარიძის კომპანიის საკუთრებაში არსებული 5 უძრავი ქონების მიქცევა მოითხოვა, მათ შორის ნიაზ ხალვაშის უძრავი ქონების, რომლის დაბრუნების საკითხზეც ნიაზ ხალვაშს ინტერესი არასოდეს დაუკარგავს.ორგანიზაცია აღნიშნავს, რომ წარმოდგენილ სამართალ-ურთიერთობაში, გარიგების მონაწილე ორივე სუბიქტისთვის - როგორც ს.ს. თიბისი ბანკისთვის, როგორც მეგაკოსთვის, ასევე მამუკა სხვიტარიძისა და მისი კომპანიებისთვის იმთავითვე ცნობილი იყო ნიაზ ხალვაშის ქონების სამართლებრივი სტატუსი და მისი პირვანდელი და ნამდვილი მესაკუთრის - ნიაზ ხალვაშის ინტერესები ქონების დაბრუნების იურიდიულ ინტერესთან მიმართებით. კერძოდ, იძულებით ემიგრაციაში მყოფი ოჯახი დაუკავშირდა მამუკა სხვიტარიძეს და დაუფიქსირა პოზიცია, რომ ქონების მიმართ კვლავ არსებობდა იურიდიულ ინტერესს, პოლიტიკური ცვლილების პირობებში კი, ამ მიზნისთვის გადაიდგმებოდა სამართლებრივი ნაბიჯი. შესაბამისად, ქონების შემძენს მართებდა წინდახედულება და ვერასდროს ჩაითვლებოდა კეთილსინდისიერ მესაკუთრედ. ამასთან, საქართველოში დაბრუნებული ნიაზ ხალვაში, მონაწილე პირების მეშვეობით, იმავე პოზიციას გამოთქვამდა მამუკა სხვიტარიძესთან ურთიერთობისას.ნიაზ ხალვაშმა აღნიშნულ საკუთრებაზე მფლობელობა დაკარგა სახელმწიფოს მიერ წარმოებული უკანონო მმართველობითი ღონისძიების შედეგად, ქონება მისი მფლობელობიდან გავიდა ნების საწინააღმდეგოდ და ნების გარეშე.  მხარეს დროის არც ერთ მონაკვეთში არ დაუკარგავს ინტერესი ქონებაზე საკუთრების უფლების აღდგენის (მოპოვებისა) და შესაბამისად, ფართში ბიზნესს-საქმიანობის განხორციელება-გაგრძელების მიზნებისთვის. შესაბამისად, სათანადო სამართლებრივი ვითარების შექმნისა და იურიდიული ინტერესის პირობებში, ნიაზ ხალვაშმა უკვე კომპანია „ბიზონის“ სახით, სახელმწიფოს მიერ ჩატარებული აუქციონის ყველა მოთხოვნის შესაბამისად, 2017 წლის 30 მარტს, ხელახლა და მეორედ შეიძინა თავისი ქონება. შესაბამისად, ნიაზ ხალვაში და მისი კომპანია აღიჭურვა ყველა იმ სამართლებრივი სიკეთით, რომელიც გამომდინარეობდა კეთილსინდისიერი შემძენის ინსტიტუტიდან.ორგანიზაცია აღნიშნავს, რომ 2022 წლის 14 ივლისის საქართველოს უზენაესი სასამართლოს უაღრესად საკამათო გადაწყვეტილებით, სასამართლო მამუკა სხვიტარიძის კომპანიას უკმაყოფილებს მოთხოვნას და ნიაზ ხალვაშის კომპანია კარგავს აუქციონის გზით შეძენილ ქონებაზე - დაბრუნებულ ბიზნესზე საკუთრების უფლებას. აღნიშნული გადაწყვეტილება პირველია ქართულ სამართლებრივ და ეკონომიკური ბრუნვის სტაბილურობის სისტემაში, რომელიც მნიშვნელოვან დარტყმის ქვეშ აყენებს კეთილსინდისიერი შემძენის ინსტიტუტს და სამართლის განვითარების ან ერთგვაროვანი პრაქტიკის დამკვიდრების მოტივით, იურიდიულ საფუძველს აცლის სააღსრულებლო წარმოებათა სანდოობას, საკუთრების უფლების დაცულობას, სამართლიანობისა და თანასწორუფლებიანობის პრინციპებს. სასამართლო აუქმებს ნიაზ ხალვაშის შეძენილ ქონებაზე აუქციონის შედეგებს, მაგრამ არ გამოთქვამს დასაბუთებულ პოზიციას, რა უფლებრივი მდგომარეობის წინაშე რჩება შემდგომში ქონების კეთილსინდისიერი შემძენი.ორგანიზაციას მიაჩნია, რომ სახელმწიფო მისი შესაბამისი კომპეტენტური მმართველობითი რგოლით ყურადღებას დაუთმობს დავის საგანთან მიმართებით ყველა მონაწილე სუბიექტის უფლებრივ მდგომარეობას და სამართლიანობის აღდგენის პროცესში, მომავალი გადაწყვეტილებები შესძლებს ნიაზ ხალვაშის უფლებებში აღდგენას, ისევე, როგორც მამუკა სხვიტარიძის ქონებრივ რესტიტუციას, ვინაიდან სამართალწარმოების პროცესში დაშვებული შეცდომები არ უნდა გახდეს შემაფერხებელი და უკან დამხევი მექანიზმი საკუთრების უფლების დაცვის, კეთილსინდისიერი შემძენის უფლებების ხელყოფისა და სამართლიანობის დარღვევის საფუძველი. ორგანიზაციას მიაჩნია, რომ დღევანდელი მონაცემებით არსებული ქონების ნამდვილი მესაკუთრის ბედი კვლავ სადავო საკითხს წარმოადგენს და ცალსახად, სამართლებრივი წარსულის უგულვებელყოფა არ შეიძლება.2013 წელს, ნიაზ ხალვაში უდანაშაულოდ იქნა ცნობილი, დაბრუნდა საქართველოში, მას მიეცა ეკონომიკური საქმიანობის თავისუფლად განხორციელების საშუალება, თუმც ნეგატიური შედეგები, რომელიც უკანონო მმართველობითი ღონისძიების შედეგად მას და მის ბიზნესს მიადგა, დღემდე არ არის აღმოფხვრილი - დაკარგული ქონების, შელახული საკუთრების უფლების და განცდილი ეკონომიკური ზარალის ფონზე (მიუღებელი შემოსავალი), ნიაზ ხალვაში კვლავ სახელმწიფოსგან დაზარალებულია.

1772453379