სებ-ის ახალი ციფრული პლატფორმა კომერციულ ბანკებს შორის კონკურენციას ხელს შეუწყობს - ნატალია ჭყოიძე

შეთავაზება ვრცელდება როგორც დოლარის, ისე ევროს ვადიან ანაბრებზე და მომხმარებლებს საშუალებას აძლევს, სასურველ უცხოურ ვალუტაში განათავსონ დანაზოგი და ისარგებლონ გაუმჯობესებული პირობებით.სპეციალური შეთავაზება პროკრედიტ ბანკის ახალი კამპანიის - „სიმშვიდე როგორც ცხოვრების სტილი“-ს ნაწილია. კამპანია ხაზს უსვამს ფინანსური სტაბილურობის მნიშვნელობას და იმ შესაძლებლობას, რომ გრძელვადიან გადაწყვეტილებებს მეტი სიმშვიდე და თავდაჯერებულობა მოაქვს.ვადიანი ანაბარი ერთ-ერთი ყველაზე მარტივი და ეფექტური გზაა დანაზოგის გასაზრდელად და ფინანსური მიზნების მისაღწევად, ხოლო დამატებითი სარგებელი მომხმარებლებს შესაძლებლობას აძლევს, საკუთარი თანხა კიდევ უფრო მომგებიან პირობებში განათავსონ.აქციით სარგებლობა მარტივია - შეავსე განაცხადიდა ბანკის მრჩეველი ინდივიდუალური შეთავაზებით დაგიკავშირდება.დამატებითი ინფორმაციის მიღება შესაძლებელია პროკრედიტ ბანკის კონტაქტ ცენტრში ნომერზე: (+995 32) 220 22 22.მეტი ინფორმაციისთვის ეწვიე www.procreditbank.ge -ს  ან გამოიყენე პროკრედიტ ბანკის მობაილ ბანკი.

1784211798

მისივე ინფორმაციით, თავად მომხმარებლებს აღნიშნული პლატფორმის მეშვეობით შესაძლებლობა აქვთ კომერციული ბანკების მომსახურების პირობები და გაცვლითი კურსები ერთმანეთს შეადარონ და მათთვის სასურველი ამოირჩიონ."სებ-ის ახალი პლატფორმის  მიზანია ფინანსური მომსახურების შესახებ ინფორმაციის ხელმისაწვდომობის გაზრდა და რაც მთავარია მომხმარებლისთვის ინფორმირებული არჩევანის გაკეთების შესაძლებლობის შექმნა. დღეს, როდესაც მომხმარებელს გარკვეული მომსახურების პირობების გაგება სურდა, ის შედიოდა თითოეული კომერციული ბანკის ვებგვერდზე, ეძებდა მისთვის სასურველ მომსახურებას, ინიშნავდა მომსახურების პირობებს და ამის შემდეგ ადარებდა ერთმანეთს და იღებდა გადაწყვეტილებას. სებ-ის ახალი პლატფორმა იძლევა ერთიან სივრცეში ყველა ინფორმაციის გაერთიანების საშუალებას, ანუ მომხმარებლისთვის ერთი პლატფორმის საშუალებით ხელმისაწვდომია ყველა კომერციული ბანკის მომსახურების პირობები, თუ ვალუტის გაცვლის კურსები. დღეიდან ამ პლატფორმაზე ხელმისაწვდომია ყველა ტრადიციული კომერციული ბანკზე ინფორმაცია, შემდეგ ეტაპზე იგეგმება ამ სუბიექტების გაფართოება. შემდგომში  ციფრულ და მიკრო ბანკებს უკვე შესაძლებლობა ექნებათ, რომ თავიანთი მონაცემები განათავსონ. ამის შემდეგ მომხმარებლებისთვის უფრო ფართო სპექტრი იქნება ხელმისაწვდომი. ამ პლატფორმაზე გარდა ტარიფების შედარების საშუალებისა, ჩაშენებულია რამდენიმე ტიპის კალკულატორი, რომელთაც რამდენიმე ტიპის დანიშნულება აქვთ. მაგალითად, გვაქვს ვალუტის გაცვლითი კურსების კალკულატორი და მომხმარებელს შეუძლია შეიყვანოს მისთვის სასურველი ვალუტა, რომლის შეძენაც მას სურს და აირჩიოს რამდენიმე კომერციული ბანკი. შემდეგ კი ეკრანზე გამოვა შედეგი ამ კომერციული ბანკების ჭრილში მას რა თანხა დასჭირდება არჩეული ვალუტის შესაძენად. თუ საბანკო  სექტორში რომელიმე ბანკს აქვს უკეთესი პირობა - ეს ინფორმაციაც მოცემული იქნება სხვა ფერად და მომხმარებელს შეუძლია ნახოს ინფორმაცია, რომ სხვა ბანკი უკეთეს პირობებს სთავაზობს. ამასთან, ბარათი საქართველოში ყველაზე ხშირად გამოყენებადი საგადახდო ინსტრუმენტია და თავისთავად ბარათის კალკულატორი შეიძლება ჩაითვალოს ჩვენი პლატფორმის ერთ-ერთ ინოვაციურ კომპონენტად. როდესაც უცხოეთში მივემგზავრებით - ხანდახან ჩვენთვის უცნობია რომელი ვალუტის აკუმულირება ჯობია ჩვენს ბარათზე და ეს კალკულატორი მოგვცემს ინფორმაციას ამათუ იმ ქვეყანაში გამგზავრებისას რომელი ვალუტა ჯობია", - აცხადებს ნატალია ჭყოიძე.ცნობისთვის, ეროვნულმა ბანკმა საგადახდო მომსახურების ტარიფებისა და დეპოზიტების საპროცენტო განაკვეთების შედარების პლატფორმა დღეს აამოქმედა.

1784208435

შეხვედრის მონაწილეებს დეტალურად გააცნეს შრომითი საქმიანობის უფლების გაცემის განახლებული წესები, ვადები და პროცედურები, რომლებიც საქართველოს მთავრობამ 2026 წლის 15 აპრილს მიღებული ცვლილებების შესაბამისად, მთავრობის #70 დადგენილებით დააზუსტა. როგორც შეხვედრაზე აღინიშნა, ცვლილებების მთავარი მიზანი შრომითი მიგრაციის მარეგულირებელი ნორმების დახვეწა და მათი პრაქტიკაში ეფექტურად განხორციელების უზრუნველყოფაა.განახლებული კანონმდებლობის მიხედვით, მნიშვნელოვნად დაზუსტდა საგამონაკლისო კატეგორიები და განისაზღვრა იმ უცხო ქვეყნის მოქალაქეთა ზუსტი ჩამონათვალი, რომლებზეც შრომითი საქმიანობის უფლების მოპოვების ვალდებულება აღარ ვრცელდება. მათ შორის არიან სპეციალური ბინადრობის ნებართვის მქონე პირები, საჯარო დაწესებულებებსა და სახელმწიფო საწარმოებში დასაქმებულები, I, II და III კატეგორიის საწარმოების ხელმძღვანელი და მმართველობითი ორგანოების წევრები, სრულად დისტანციურად მომუშავე უცხოელები, რომლებიც საქართველოში შემოსვლის გარეშე მუშაობენ ადგილობრივი დამსაქმებლისთვის, ასევე არარეზიდენტი პირებისთვის მომსახურების გამწევები, კულტურული მემკვიდრეობის სარესტავრაციო სამუშაოებში ჩართული პირები და სხვა განსაზღვრული კატეგორიები.ცვლილებების ფარგლებში პირველად განისაზღვრა მოკლევადიანი პროფესიული საქმიანობის ნებართვის გარეშე განხორციელების პროცედურა, რომელიც კალენდარული წლის განმავლობაში ჯამურად არაუმეტეს 4 თვის ვადით არის შესაძლებელი. ამ შემთხვევაში, საქმიანობის დაწყებამდე დამსაქმებელი/თვითდასაქმებული ვალდებულია წინასწარ, სრულიად უფასოდ განახორციელოს რეგისტრაცია სპეციალურ ელექტრონულ პორტალზე. მნიშვნელოვანი ცვლილებები შეეხო კომპანიების მხრიდან მათი დასაქმებულებისათვის შრომითი საქმიანობის ნებართვის მოპოვების წესსაც. კერძოდ, თუ დამსაქმებელი კალენდარული წლის განმავლობაში გეგმავს 5-ზე მეტი უცხოელის დასაქმებას, მან შრომითი საქმიანობის უფლების მოთხოვნამდე არანაკლებ 10 სამუშაო დღით ადრე სპეციალური ელექტრონული სისტემის საშუალებით სააგენტოსთან წლიური კვოტა უნდა შეათანხმოს. კვოტირების ოდენობის განსაზღვრისას გათვალისწინებული იქნება კომპანიის წლიური ბრუნვა, რაც თითოეულ დასაქმებულ უცხოელზე არანაკლებ 50 000 ლარს შეადგენს.„ბიზნესისთვის უაღრესად მნიშვნელოვანია შრომითი მიგრაციის ახალ რეგულაციებთან დაკავშირებით დროული და ამომწურავი ინფორმაციის მიღება, რადგან ეს პირდაპირ კავშირშია საოპერაციო პროცესების შეუფერხებელ მუშაობასთან. მსგავსი ფორმატის შეხვედრები გვაძლევს შესაძლებლობას, უშუალოდ გადაწყვეტილების მიმღები პირებისგან მოვისმინოთ პრაქტიკული განმარტებები, რაც კომპანიებს ახალ წესებთან სწრაფ და ეფექტურ ადაპტაციაში დაეხმარება“, განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.პრეზენტაციების დასრულების შემდეგ შეხვედრა კითხვა-პასუხისა და აქტიური დისკუსიის რეჟიმში გაგრძელდა, სადაც ბიზნეს სექტორის წარმომადგენლებმა მიიღეს პასუხები მათთვის საინტერესო ყველა პრაქტიკულ საკითხზე. შრომითი მიგრაციის ახალ წესებთან დაკავშირებული დოკუმენტების სრული ჩამონათვალი და დამატებითი საინფორმაციო მასალები ხელმისაწვდომია ოფიციალურ პორტალზე: labourmigration.moh.gov.ge.

1784205826

წყალმომარაგების სექტორის უმსხვილესი ინვესტორის, Aqualia-ს რეგიონული დირექტორი, ბოლო დროს საქართველოში გამართულ დარგობრივ დისკუსიებს პოზიტიურად აფასებს და მიიჩნევს, რომ ქვეყანას უზარმაზარი ეკონომიკური პოტენციალი აქვს. მისი თქმით, Aqualia-ს საქართველოში სტაბილური ბიზნესგარემო დახვდა, რაც კომპანიის საქმიანობის წარმატებასა და როგორც ჯორჯიან უოთერ ენდ ფაუერის, ისე მთლიანად GGU ჯგუფის საერთაშორისო აღიარებებშიც აისახა. ამ მხრივ, მან განსაკუთრებით გამოყო „ჯივიპის“ გაწევრიანება კომუნალური კომპანიების პრესტიჟულ გლობალურ კავშირში - Leading Utilities of the World (LUOW). ბოფილის განმარტებით, ეს აღიარება კომპანიამ საერთო პროდუქტიულობის, წყალმომარაგების ქსელების ეფექტური ოპერირებისა და მდგრადი ფინანსური რესურსების შექმნის კატეგორიებში მოიპოვა, რაც საოპერაციო გაუმჯობესების უმაღლეს სტანდარტზე მიუთითებს.ხოსე ენრიკე ბოფილმა ინტერვიუში ისაუბრა 2026 წლის ივნისში, ავტორიტეტული სააგენტოების, Fitch-ისა და S&P Global-ის მიერ GGU ჯგუფის საკრედიტო რეიტინგების ამაღლებაზე. მისი შეფასებით, ეს აღიარება პირდაპირ კავშირშია ქვეყნის ეკონომიკურ მდგომარეობასთან. ამასთანავე, მან განსაკუთრებული ყურადღება დაუთმო საქართველოში არსებულ სატარიფო რეგულირების სისტემას და ხაზგასმით აღნიშნა, რომ ქართულ მეთოდოლოგიას ხშირად აზიარებს საერთაშორისო კონფერენციებზე, როგორც კერძო სექტორისა და მომხმარებლის ინტერესების დაბალანსების საუკეთესო მაგალითს.„საქართველოს ენერგეტიკისა და წყალმომარაგების მარეგულირებელი ეროვნული კომისია შესანიშნავად მუშაობს. ჩვენ მათთან მჭიდროდ ვთანამშრომლობთ, რათა შევიმუშაოთ ისეთი სატარიფო სტრუქტურა, რომელიც უზრუნველყოფს როგორც წყალმომარაგების სისტემის განვითარებისთვის საჭირო და აუცილებელ საინვესტიციო ნაკადებს, ისე ხელმისაწვდომ ფასს მოსახლეობისთვის“.ბოფილის თქმით, Aqualia მუდმივად მზად არის მჭიდროდ ითანამშრომლოს ხელისუფლებასთან, მარეგულირებელსა და მუნიციპალიტეტებთან, რათა საკუთარი გლობალური გამოცდილება ქვეყნის სხვადასხვა რეგიონში წყალმომარაგების სექტორის განსავითარებლად მიმართოს.

1784198172

შეხვედრაზე მიმოიხილეს ორ ქვეყანას შორის სავაჭრო-ეკონომიკურ სფეროში თანამშრომლობის საკითხები და რეგიონული მნიშვნელობის პროექტები.ყურადღება გამახვილდა სატრანზიტო-ლოგისტიკური მიმართულებით პარტნიორობის გაღრმავების მნიშვნელობაზე. საუბარი შეეხო შუა დერეფნის განვითარების პერსპექტივებსა და დაკავშირებადობის შესაძლებლობების კიდევ უფრო გააქტიურების აუცილებლობას.ფინანსთა მინისტრმა სტუმარს გააცნო საქართველოში მიმდინარე მაკროეკონომიკური პარამეტრები და საშუალოვადიანი პროგნოზები.თავის მხრივ, თურქმენეთის მინისტრთა კაბინეტის თავმჯდომარის მოადგილემ ისაუბრა თურქმენეთის ძირითადი ეკონომიკური მაჩვენებლების შესახებ.შეხვედრის დასასრულს, მხარეებმა იმედი გამოთქვეს, რომ თურქმენეთის პრეზიდენტის ვიზიტი საქართველოში ხელს შეუწყობს ორ ქვეყანას შორის ვაჭრობისა და ინვესტიციების წახალისებას.

1784197993

სეულში გამართული ღონისძიება მოიცავდა პროფესიულ დეგუსტაციას და მასატერკლასს სახელწოდებით The Birthplace of Wine. მოწვეულ სტუმარს შორის, მეღვინეობის დარგის ექსპერტები, სომელიეები, ბაიერები, მედიის წარმომადგენლები და ინფლუენსერები იყვნენ.ღონისძიებას კორეელი ღვინის მწერალი სანგმი კიმი უძღვებოდა, რომელმაც სტუმრებს ქართული ღვინის კულტურის, ისტორიისა და თანამედროვე ინდუსტრიის შესახებ პრეზენტაცია წარუდგინა.აღნიშნული ღონისძიება განხორციელდა კამპანიის „ქართული ღვინის თვე“ ფარგლებში, რომელიც მოიცავდა ქართული ღვინის დეგუსტაციებს ქალაქ სეულში.აზიის რეგიონში, კორეის რესპუბლიკა, ჩინეთთან და იაპონიასთან ერთად, ქართული ღვინის ერთ-ერთ სტრატეგიულ ბაზარს წარმოადგენს, სადაც ღვინის ეროვნული სააგენტოს მხარდაჭერით სხვადასხვა მარკეტინგული ღონისძიება იმართება. კორეის რესპუბლიკაში მსგავსი ფორმატის ღონისძიება მეხუთედ ჩატარდა.სააგენტოს კონტრაქტორი მარკეტინგული კომპანია Wine21.com, კორეის რესპუბლიკაში ღვინის ყველაზე მსხვილი ონლაინ პორტალია, რომელიც შექმნილია დარგის ექსპერტების მიერ და მომხმარებლებს სთავაზობს ამომწურავ ინფორმაციას კორეის ბაზარზე არსებული ღვინოების შესახებ.

1784196940