„საქართველოს ბანკის“ გაორმაგებული გზავნილების აქცია დაიწყო

ცვლილების მიზანია წყლის რესურსების უფრო რაციონალურად გამოყენება, სამელიორაციო მომსახურების ხარისხის გაუმჯობესება და სისტემის გამართული ფუნქციონირება.როგორც შპს „საქართველოს მელიორაციის“ გენერალურმა დირექტორმა გიგლა თამაზაშვილმა აღნიშნა, მოქმედი ტარიფი 14 წლის წინ იყო დადგენილი და ვეღარ პასუხობდა თანამედროვე მოთხოვნებს.„საქართველოს ენერგეტიკის მარეგულირებელი ეროვნული კომისიის მიერ დადგენილი ახალი ტარიფი ეფუძნება რეალურ საოპერაციო ხარჯებს და არ მოიცავს კაპიტალურსა თუ მიმდინარე დანახარჯებს, რადგან მათ სრულად აფინანსებს სახელმწიფო. ტარიფის ცვლილებამდე სარწყავი წყლის საფასური ჰექტარზე 75 ლარი იყო, თუმცა დარჩენილ ნაწილს მაშინაც სახელმწიფო აფინანსებდა.მიღებული განკარგულებით, განისაზღვრა არა ერთჯერადი მორწყვის, არამედ ერთი კუბური მეტრი წყლის საფასური, რომელიც ერთწლოვანი და მრავალწლოვანი კულტურებისთვის 0.0826 ლარს შეადგენს. ამ გათვლით, ერთი მორწყვის ციკლის ღირებულება 116.50 ლარია.ერთწლოვანი კულტურებისთვის 4 მორწყვის ოპერაციის საფასური ჯამურად შეადგენს 466 ლარს, საიდანაც 349 ლარს სახელმწიფო აფინანსებს, ხოლო მრავალწლოვანებისთვის 408 ლარს, საიდანაც 306 ლარი სუბსიდირდება. შედეგად, მომხმარებლის მიერ გადასახდელი თანხის დაახლოებით 80%-ს სახელმწიფო ფარავს“, - განაცხადა გიგლა თამაზაშვილმა.

1774528383

შეხვედრაზე მხარეებმა ორ ქვეყანას შორის სავაჭრო-ეკონომიკური ურთიერთობების გაღრმავებისა და ტურიზმის მიმართულებით თანამშრომლობის გაძლიერების პერსპექტივები განიხილეს. განსაკუთრებული ყურადღება დაეთმო ღვინის, ტროპიკული ხილისა და თამბაქოს სექტორებში თანამშრომლობის შესაძლებლობებს, ასევე გამოცდილების გაზიარებას გარემოს დაცვის მიმართულებით.მინისტრმა დავით სონღულაშვილმა ყურადღება გაამახვილა სამინისტროს მიერ მიმდინარე რეფორმებზე, რომლებიც პლასტმასის გამოყენების შემცირებას, სატყეო სექტორის განვითარებასა და დაცული ტერიტორიების გაფართოებას უკავშირდება.„ნარჩენების მართვა დღეს გლობალური გამოწვევაა და ამ მიმართულებით საერთაშორისო თანამშრომლობა განსაკუთრებით მნიშვნელოვანია. საქართველოში აქტიურად ვმუშაობთ პლასტმასის გამოყენების შემცირებაზე, ასევე, ვახორციელებთ მასშტაბურ სატყეო რეფორმას, ტყეების აღდგენის, მდგრადი მართვისა და მათი მრავალფუნქციური გამოყენების მიზნით. ამ პროცესში პარტნიორი ქვეყნების გამოცდილების გაზიარება ჩვენთვის მნიშვნელოვანია“, - აღნიშნა დავით სონღულაშვილმა.შეხვედრაზე ხაზი გაესვა საქართველოს, როგორც რეგიონული სავაჭრო ჰაბის როლს. აღინიშნა, რომ საქართველოს აქვს ლიბერალური სავაჭრო პოლიტიკა და თავისუფალი ვაჭრობის შეთანხმებები ევროკავშირთან, ჩინეთთან, თურქეთთან და დსთ-ს ქვეყნებთან, რაც დამატებით შესაძლებლობებს ქმნის საერთაშორისო პარტნიორებისთვის.დომინიკის რესპუბლიკის ელჩმა ელვის ანტონიო ალამ ლორამ თანამშრომლობის გაღრმავების მზადყოფნა გამოთქვა.„ჩვენ დაინტერესებული ვართ, შევისწავლოთ არსებული შესაძლებლობები და გავაძლიეროთ თანამშრომლობა სხვადასხვა მიმართულებით, მათ შორის, გარემოს დაცვის სფეროში, სადაც გამოცდილების გაზიარება განსაკუთრებულად მნიშვნელოვანია“, - აღნიშნა ელჩმა.შეხვედრას ესწრებოდნენ დომინიკის რესპუბლიკის დესპანი საქართველოში რემი მაკლოფ მალეკი, დომინიკის რესპუბლიკის საპატიო კონსული ლევან ჭოლაძე და გარემოს დაცვისა და სოფლის მეურნეობის სამინისტროს საერთაშორისო ურთიერთობებისა და ევროინტეგრაციის დეპარტამენტის უფროსი დავით ჩიტაიშვილი.

1774528238

ღონისძიებას ესწრებოდნენ ინვესტორები, საერთაშორისო საფინანსო ინსტიტუტების, მარეგულირებელი ორგანოებისა და პარტნიორი ორგანიზაციების წარმომადგენლები.ამასთან, გაიმართა პანელური დისკუსიები მდგრადი და ინკლუზიური ეკონომიკის განვითარებაში საფინანსო სექტორის როლის შესახებ. მასში მონაწილეობას იღებდნენ საერთაშორისო დონის ექსპერტები და საერთაშორისო ფინანსური ინსტიტუტების წარმომადგენლები, მათ შორის: ვირჯინია მერტინ ჰერიცი, J&P Morgan-ის ESG კვლევის მეთოდოლოგიებისა და ინტეგრაციის გლობალური მიმართულების ხელმძღვანელი; ელენ ვუდ-გაში, S&P Global-ის მდგრადი გადაწყვეტების სპეციალისტი; ლილიანა პოცო (Liliana Pozzo), საერთაშორისო ფინანსური კორპორაციის - IFC-ის ევროპის მენეჯერი მდგრადი დაფინანსების სერვისების მიმართულებით; ანდრეას ბერკოფი, ევროპის საინვესტიციო ბანკის (EIB) დაფინანსების უფროსი ოფიცერი; ზოი პაი, EBRD-ის ფინანსური ინსტიტუტების სექტორის დირექტორი გარემოს და მდგრადი განვითარების მიმართულებით; ლესლი ბერმან ლამი, აზიის განვითარების ბანკის (ADB) წარმომადგენლობის დირექტორი საქართველოში.  საქართველოს ბანკის 2025 წლის მდგრადი განვითარების ანგარიში ხელმისაწვდომია ბმულზე.ინფორმაციისთვის, მდგრადი განვითარების დოკუმენტი ასახავს საქართველოს ბანკის სტრატეგიას, მიღწევებსა და გაზომვად შედეგებს გარემოსდაცვითი, სოციალური და მმართველობითი (ESG) მიმართულებით. ბანკის ESG მიმართულება მოიცავს ისეთ პროექტებსა და ინიციატივებს, როგორებიცაა: მდგრადი დაფინანსების პროდუქტები, პროექტები და სერვისები, განახლებადი ენერგიის პროექტები, ენერგოეფექტურობა, კლიმატგონივრული სოფლის მეურნეობა, ენერგოეფექტური მშენებლობა და სხვა. ამასთან, მხარს უჭერს ქალ მეწარმეებს, მცირე და საშუალო ბიზნესების განვითარებას, ფინანსურ რესურსებზე ხელმისაწვდომობას, ფინანსურ განათლებასა და ფინანსურ ინკლუზიურობას. გარდა ამისა, ბანკი აქტიურად ახორციელებს ღონისძიებებს ორგანიზაციის მიერ საოპერაციო საქმიანობის შედეგად, გარემოსთვის მიყენებული უარყოფითი გავლენის შესამცირებლად, კერძოდ, გარდა ენერგოეფექტური ღონისძიებებისა, ბანკის ელექტროენერგიის მოხმარების 88% რეგიონებში მზის ენერგიით მარაგდება.ამასთან, საქართველოს ბანკი განათლების, კულტურის, სპორტისა და დაცული ტერიტორიების მთავარი მხარდამჭერია. აღნიშნული ინიციატივები მიზნად ისახავს ახალგაზრდებისთვის შესაძლებლობების შექმნას, ეროვნული კულტურული მემკვიდრეობის შენარჩუნებასა და ჯანსაღი ცხოვრების წესის პოპულარიზაციას, რაც ქვეყნის გრძელვადიანი და მდგრადი განვითარების საწინდარია.

1774526400

მისი თქმით, ტარიფის ზრდა დარგის განვითარებისთვის და იმპორტის მინიმიზაციისთვის საჭიროა."ჩვენს დარგს ტარიფის მომატება აუცილებლად სჭირდება, რათა არსებული პრობლემები გადაიჭრას, მათ შორის, ინვესტიციების და ტექნიკური ნაწილის გაუმჯობესების კუთხით. ჩვენს დარგს ასევე, აქვს სოციალური დატვირთვა და როდესაც სემეკი ამბობს, რომ ბალანსი დაცულია - ყოველთვის ცდილობს დაიცვას ბალანსი მწარმოებელს, ენერგოკომპანიასა და მომხმარებლებს შორის. გამოსავალია ის, რომ მომხმარებლებმა შეძლონ ამ პროდუქტის მიღება და გამოყენება, ხოლო ენერგოკომპანიებმა შეძლონ მუშაობის გაგრძელება.დარგის განვითარების გარდა, იანვარში 1200 მეგავატამდე ავიდა ჩვენი იმპორტი, ამიტომ ამის მინიმიზაცია, რომ გაკეთდეს აუცილებელია გენერაციის გაზრდა, რისთვისაც აუცილებელია სადგურების მშენებლობა, ხოლო ამისთვის აუცილებელია ინვესტიცია. ამას გარდა, იმისათვის, რომ სრულფასოვნად შემოვიდეს ენერგიის განახლებადი წყაროებიდან ნაწარმოები ელექტრული ენერგია ჩვენს სისტემაში, ამისათვის აუცილებელია სარეზერვო სიმძლავრეები", - აცხადებს გია არაბიძე.ცნობისთვის, სემეკმა დროებითი ტარიფი დაადგინა, შედეგად ელექტროენერგიაზე არსებული ტარიფი შემდეგი 3 თვის განმავლობაში შენარჩუნდა -  აღნიშნული 3 თვე კი, მარტის ბოლოს იწურება.როგორც 2025 წლის ბოლოს ენერგეტიკისა და წყალმომარაგების მარეგულირებელი კომისიის თავმჯდომარე დავით ნარმანიამ ჟურნალისტებს განუცხადა, პროცესის 3 თვით გადავადებას ელექტროენერგიის გამანაწილებელმა კომპანიებმა ითხოვეს. ამასთან, როგორც ნარმანიამ აღნიშნა, ტარიფებთან დაკავშირებით კონსულტაციები ჰქონდათ საქართველოს პრემიერ-მინისტრთან.ამ დროისთვის თბილისში მცხოვრები აბონენტები, რომლებიც ყოველთვიურად 0-დან 101 კილოვატამდე ელექტროენერგიას მოიხმარენ ერთ კილოვატში 15,041 თეთრს იხდიან.შეგახსენებთ, რომ 2024 წლის პირველი იანვრიდან, სემეკის გადაწყვეტილებით, თბილისის და საქართველოს რეგიონებისთვის ელექტროენერგიის საყოფაცხოვრებო ტარიფები 3 თეთრით შემცირდა.კერძოდ, თელმიკოს მომხმარებლებისთვის 0-დან 101 კილოვატის ჩათვლით დენის ტარიფი  გახდა 15 თეთრი 18 თეთრის ნაცვლად, 101-დან 301 კილოვატამდე მომხმარებლებისთვის 19 თეთრი 22 თეთრის ნაცვლად, ხოლო 301 კილოვატზე მეტის შემთხვევაში, ტარიფი გახდა 23.5 თეთრი 26 თეთრის ნაცვლად."ენერგო-პროს" მომხმარებლებისთვის 0-დან 101 კილოვატის ჩათვლით დენის ტარიფი გახდა 14,7 თეთრი 17.7 თეთრის ნაცვლად, 101-დან 301 კილოვატამდე მომხმარებლებისთვის 15.7 თეთრი 18.7 თეთრის ნაცვლად, ხოლო 301 კილოვატზე მეტს ვინც მოიხმარს მათთვის ტარიფი გახდა 23.2 თეთრი 26.2 თეთრის ნაცვლად.

1774526100

აქციის ფარგლებში, მომხმარებლებს შესაძლებლობა აქვთ გაანაღდონ გზავნილი საქართველოს ბანკის მობილბანკით ან ინტერნეტბანკით, ხოლო თუ გზავნილი კვირის განმავლობაში 30 000-ე იქნება, გზავნილის თანხა გაორმაგდება.ამასთანავე, „საქართველოს ბანკის“ მობილბანკით ან ინტერნეტბანკით გზავნილის მიღებისას შეგიძლიათ გზავნილი სტანდარტულთან შედარებით, უკეთესი კურსით დააკონვერტიროთ.გამარჯვებული კვირაში ერთხელ გამოვლინდება, მოგებული თანხის მაქსიმალური ოდენობა კი 3,000 ლარს შეადგენს.აქცია 25 მარტს დაიწყო და 23 ივნისის ჩათვლით გაგრძელდება.ინფორმაციისთვის გზავნილები საქართველოს ბანკის პროდუქტია, რომელიც ემიგრანტებს შესაძლებლობას აძლევს,სწრაფად, უსაფრთხოდ და კომფორტულად მიიღონ თანხა საკუთარ ანგარიშზე. ის ინტეგრირებულია ბანკის ციფრულ არხებში და მომხმარებლებს დამატებით სარგებელს სთავაზობს, მათ შორის, სტანდარტულთან შედარებით, კონვერტაციის უკეთეს კურსს.გაორმაგებული გზავნილების აქციის შესახებ დამატებითი ინფორმაციისთვის კი ეწვიეთ ბმულს.

1774521908

იმპორტულ ხორბალს ქართული პროდუქტი კონკურენციას ვერც ფასის მხრივ უწევს და ვერც ხარისხითაც.ახლა, როცა შედარებით იაფი რუსული ხორბალი შემოდის ქვეყანაში, ქართველ ფერმერებს შარშანდელი მოსავლის გაყიდვა განსაკუთრებით უჭირთ. შესაბამისად, ისინი ითხოვენ იმპორტირებულ მარცვლეულზე გადასახადის დაწესებას, რასაც მეპურეები კატეგორიულად ეწინააღმდეგებიან. ამ გადაწყვეტილებამ შეიძლება პური გააძვიროს, რაც ბაზრისთვის სერიოზუყლი გამოწვევა იქნება.ამ ეტაპზე 1 კგ ადგილობრივი ხორბლის ფასი, საშუალოდ, 60 თეთრს შეადგენს, რაც ფერმერების თქმით, თვითღირებულებაზე დაბალია. ამასთან დაკავშირებით ხორბლის მწარმოებელთა ასოციაციის თავმჯდომარემ ნიკოლოზ ბენიაიძემ ისაუბრა და აღნიშნა,  რომ გამოსავალია ხორბალზე დაწესდეს დამატებით გადასახადი, ვიდრე რუსეთი თავად არ აღადგენს საექსპორტო ბეგარას. ეს დააბალანსებს სამივე მხარეს: პურის ფასი დარჩება სტაბილური, წისქვილები იმუშავებენ და ადგილობრივი ფერმერიც გადარჩება.„როდესაც ორი წლის წინ კრიზისი იყო, ფქვილზე, ქატოსა და ქერზე საბაჟო გადასახადის შემოღებამ დარგი გადაარჩინა. დღეს 1 ტონა ფქვილზე 300 ლარია დაწესებული, ქატოსა და ქერზე კი - 200-200 ლარი, თუმცა ხორბალზე ასეთი გადასახადი არ გვაქვს. იმის გამო, რომ რუსეთმა ხორბალზე საექსპორტო მოსაკრებელი მინიმუმამდე დაიყვანა, ჩვენი ფერმერები კონკურენციას ვეღარ უძლებენ.გამოსავალია, რომ ხორბალზეც დაწესდეს შესაბამისი საფასური, ვიდრე რუსეთი თავადარ აღადგენს საექსპორტო ბეგარას. ამით პურის ფასი დარჩება სტაბილური, წისქვილები იმუშავებენ და ადგილობრივი ფერმერიც გადარჩება“, - აღნიშნა ბენიაიძემ.ფასებთან ერთად, სექტორის კიდევ ერთ დიდ გამოწვევად ნიკოლოზ ბენიაიძემ უხარისხო სათესლე მასალა დაასახელა. მისი თქმით, ქვეყანაში წლებია სერტიფიცირებული სათესლე მასალა დიდი რაოდენობით არ შემოსულა, რაც პირდაპირ აისახება მოსავლიანობასა და ხარისხზე.მის პოზიციას კატეგორიულად ემიჯნება პურის მრეწველთა კავშირის თავმჯდომარე მალხაზ დოლიძე, რომლის განცხადებითაც, დღეს, როცა ხელისუფლება ფასების კლების გზებს აქტიურად ეძებს, ხორბლის იმპორტისთვის გადასახადის დაკისრება წარმოუდგენელია, რადგან ასეთი ნაბიჯი პურის გაძვირებას გამოიწვევს. ფერმერების დახმარების ერთ-ერთ შესაძლებლობად დოლიძე დარგის სუბსიდიას განიხილავს და ამბობს, რომ შესაძლებელია, მთავრობამ ისეთი  მექანიზმი შეიმუშავოს, რაც თავის დროზე მეღვინეებისა და მეციტრუსეების მხარდასაჭერად გაკეთდა.,,პროდუქტების გაიაფებაზეა  საუბარი და ასეთ ვითარებაში მეხორბლეები გადასახადის გაზრდას ითხოვენ. 200 ათასი ტონა ხორბალი მოიწიეს, რაც კარგი მაჩვენებელია, ჩასაბარებელი ხორბლის ფასი იყო 70 თეთრი, მაგრამ სულ 30 ათასი ტონა გაყიდეს. დანარჩენი შეინახეს, რადგან უკეთესი ფასის მოლოდინი ჰქონდათ. ამ დროს გეოპოლიტიკური ვითარება შეიცვალა, ომი დაიწყო, დაპირისპირებამ იჩინა თავი, რის გამოც  მოხდა პირიქით და რუსული ხორბლის ფასი 60 თეთრი გახდა. ამან ქართველი ფერმერები ძალიან შეაშფოთა, ვინაიდან  ჩაუბარებელი პროდუქცია დარჩა.უნდა ითქვას, რომ პურის ცხობისთვის რუსული ხორბალი გაცილებით უკეთესია, მაღალი წებოვანებით, შესაბამისად, ქართული ხორბლის გაყიდვა ჭირს. სუბსიდიით თუ სხვა მექანიზმით თუ დაეხმარებიან ფერმერებს, კარგი იქნება, გადასახადის დაწესება მიუღებელია", - განუცხადა "რეზონანსს" დოლიძემ.მისი თქმით, დღესდღეობით პურის გაძვირებაზე საუბარიც არ შეიძლება, მით უფრო იმ პირობებშიც, თუ ენერგომატარებლების ტარიფი მოიმატებს, რაზეც საუბარი უკვე დაწყებულია.,,საქართველოს წლიურად სჭირდება 600 ათასი ტონა ხორბალი და 200 ათასს აწარმოებს, აქედანაც  მხოლოდ 30 ათასი ტონა ჩააბარეს. ხელოვნურად არ უნდა დავძაბოთ სიტუაცია. საბაზრო ეკონომიკას ვუჭერ მხარს, მოთხოვნა-მიწოდება თვითონ მართავს ფასს, არც უნდა დასმულიყო გაძვირების საკითხი, ეს არის შეცდომა. შეიძლება დახმარება ითხოვო, მაგრამ არა ის, რომ პროდუქცია ხელოვნურად გაუძვირონ მომხმარებლებს, ისედაც ჭირს მაღალი ფასების გამო.რაც შეეხება კონკრეტულად პურს, არავითარ გაძვირებაზე საუბარი არ არის, მიუხედავად იმისა, რომ უმნიშვნელოდ მოიმატებს ენერგომატარებელბის ტარიფი, პურის ფასს მაინც შევინარჩუნებთ, ოღონდ ხელოვნურად ნუ ჩაერევიან ნედლეულის ღირებულებაში", - განაცხადა მალხაზ დოლიძემ ,,რეზონანსთან" საუბრისას.რაც შეეხება ხორბლისა და ფქვილის მწარმოებელთა ასოციაციის პოზიციას, მზად არიან, აღნიშნულ საკითხთან დაკავშირებით კონსულტაციებში აქტიურად ჩაერთონ.  ასოციაციის თავმჯდომარის ლევან სილაგავას თქმით, შექმნილ სიტუაციაში ერთ-ერთი გამოსავალია, რომ სეზონზე იმპორტირებული ხორბლის შემოტანა შეიზღუდოს, რასაც გარკვეული რისკიც ახლავს, თუმცა ჯერჯერობით ესეც ვარაუდის დონეზეა.,,როცა მსგავსი საკითხი წამოიწევს, სიღრმისეული განხილვა უნდა მოხდეს. აღნიშნული თემა მიბმულია სხვადასხვა სექტორთან და ყველას განსხვავებული პოზიცია აქვს. სავარაუდოდ, ასოციაციას აქვს გათვლა, რომ საიმპორტო ხორბალს გადასახადი დაუწესდეს, რათა ადგილობრივი უფრო მაღალ ფასად ჩაბარდეს. ეს საფრთხილო საკითხია, რადგან არ ვიცით, რა იქნება მომავალში.აქვთ ასევე წინადადება, რომ სეზონზე იმპორტირებული ხორბლის შემოტანა შეიზღუდოს. მაშინ უნდა ვიცოდეთ, რომ წისქვილკომბინატებზე გაიყიდება ხორბალი და დეფიციტის საფრთხე არ შეიქმნება. ეს საკითხიც შესასწავლია. ჩვენი ასოციაცია მზადაა, ნებისმიერ საკითხზე ჩერთოს კონსულტაციაში და ერთიან აზრამდე მივიდეთ. ჯერჯერობით მაინც წინადადების დონეზეა და განხილვა არ დაწყებულა. თუკი მიგვიწვევენ, ჩვენს პოზიციას დავამუშავებთ და წარვადგენთ", - განუცხადა ,,რეზონანსს" ლევან სილაგავამ.2025 წელს, 2024 წელთან შედარებით, საქართველოში ხორბლის იმპორტი მნიშვნელოვნად გაიზარდა როგორც ღირებულებით, ისე მოცულობით. შარშან ქვეყანაში იმპორტირებული იყო 515 719 ტონა ხორბალი, რომლის ღირებულებამ 128.5 მილიონი დოლარი შეადგინა. 2024 წელს კი იმპორტი 326 486 ტონას და 76.1 მილიონ დოლარს შეადგენდა. შედეგად, 2025 წელს ხორბლის იმპორტი ღირებულებით 68.7%-ით, ხოლო მოცულობით 57.9%-ით გაიზარდა.იმპორტის მომწოდებლებს შორის წამყვან პოზიციას კვლავ რუსეთი იკავებს - 405 018 ტონა ხორბალი, 102.2 მილიონი დოლარის ღირებულებით. მეორე ადგილზეა ყაზახეთი, საიდანაც 110 447 ტონა ხორბალი, 26 მილიონ დოლარად შემოვიდა. დანარჩენი ქვეყნების წილი შედარებით მცირეა.წყარო: resonancedaily.com

1774520252