ნათია თურნავა - ქვეყანაში ვალუტის კარგი, ძლიერი შემოდინებაა, ამის გამო ლარი გამყარდა კიდეც

კერძოდ, Lion Finance Group-ის (BGEO LN) აქციები დაიხურა 54.40 ბრიტანულ ფუნტ სტერლინგში (GBP), +2.84% წინა კვირასთან შედარებით და +12.98% გასულ თვესთან შედარებით. ვაჭრობის მოცულობამ 307 ათას აქციაზე მეტი შეადგინა, GBP 50.50 - 54.70 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 51 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 44.00 ბრიტანულ ფუნტ სტერლინგში (GBP), +2.33% წინა კვირასთან შედარებით და +24.29% გასულ თვესთან შედარებით. ვაჭრობის მოცულობამ 496 ათას აქციაზე მეტი შეადგინა, GBP 41.10 - 44.25 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 149 ათასი აქცია შეადგინა.Georgia Capital-ის (CGEO LN) აქციები დაიხურა 14.94 ბრიტანულ ფუნტ სტერლინგში (GBP), +3.46% წინა კვირასთან შედარებით და +24.50% გასულ თვესთან შედარებით. ვაჭრობის მოცულობამ 584 ათას აქციაზე მეტი შეადგინა, GBP 14.42 - 15.78 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 76 ათასი აქცია შეადგინა.

1741615339

ეროვნული ბანკის პრეზიდენტმა სიტყვით გამოსვლისას ვრცლად ისაუბრა იმ ნაბიჯებზე, რომლებსაც საქართველოს ეროვნული ბანკი მომხმარებელთა უფლებების დაცვისა და კონკურენტული გარემოს გაძლიერების სტანდარტის ამაღლების მიზნით წლიდან წლამდე დგამს. როგორც მან აღნიშნა საკანონმდებლო სიახლეებისა და რეგულაციების ეფექტიანად დანერგვის პროცესში საფინანსო სექტორის წარმომადგენლებისათვის კონსულტაციებს და ინტენსიურ თანამშრომლობას თითქმის ყოველდღიური ხასიათი აქვს. ამასთან, მომხმარებლის უფლებების დაცვის მიმართულებით არსებულ მარეგულირებელ აქტებში მუდმივად ხდება სექტორში არსებულ გამოწვევებსა და მომხმარებელთა მომართვიანობაზე დაყრდნობით ცვლილებების შეტანა.„წინა წლების მსგავსად 2024 წელსაც ეროვნული ბანკი აქტიურად მუშაობდა საფინანსო სექტორში მომხმარებელზე მორგებული გარემოს კიდევ უფრო მეტად დახვეწაზე,  ამ კუთხით არაერთი მნიშვნელოვანი აქტივობა / ცვლილება განხორციელდა. მათ შორის, აღსანიშნავია მომხმარებელთა უფლებების დაცვის წესში შეტანილი ცვლილებები. გარდა ამისა, გარკვეული ტიპის დამატებითი მარეგულირებელი მოთხოვნები გავრცელდა საგადახდო მომსახურების პროვაიდერებზე. კერძოდ, უფრო დეტალურად გაიწერა მომხმარებლების მიერ პრეტენზიის დაფიქსირებისა და მასზე რეაგირების მოთხოვნები, ასევე, საქართველოს ეროვნული ბანკისთვის შესაბამისი ანგარიშგების წარდგენის ვალდებულება, რომლის დაცვაც საგადახდო მომსახურების პროვაიდერებს მიმდინარე წლის 15 აპრილიდან მოუწევთ.ასევე, გავაძლიერეთ საბაზრო ქცევის ზედამხედველობის მიმართულება, რომელიც მათ შორის რისკებზე დაფუძნებულ ზედამხედველობას გულისხმობს და სწორედ მომხმარებლის უფლებების დაცვაზე მორგებული გარემოს შექმნის ხელშეწყობასა და არსებულ მარეგულირებელ ნორმებთან სექტორის შესაბამისობაზეა ორიენტირებული. ამ მიზნით შევიმუშავეთ საბაზრო ქცევის ზედამხედველობის სტრატეგიის პროექტი, რომელსაც უახლოეს პერიოდში გავაცნობთ საზოგადოებას და ვიმედოვნებთ, რომ მისი მიღება მიმდინარე წელს მოხდება“,  - აღნიშნა სებ-ის პრეზიდენტმა.გამოსვლაში ნათია თურნავამ ხაზი გაუსვა იმ გარემოებასაც, რომ მსგავსი თარიღების აღნიშვნა საზოგადოების ცნობიერების ამაღლებისა და მათთვის მნიშვნელოვანი ინფორმაციის მიწოდების ერთ-ერთი საუკეთესო საშუალებაა.„ბოლო წლების განმავლობაში, ეროვნულ ბანკში მომხმარებლების მომართვიანობა ზრდის ტენდენციით ხასიათდება, რაც კიდევ ერთხელ აჩვენებს, რომ ჩვენ მიერ გადადგმული ნაბიჯები დადებითად აისახება მომხმარებელთა ცნობიერების ზრდაზე. 2023 წლის ბოლოს ეროვნულ ბანკთან არსებული დავების განმხილველი კომისია ჩამოყალიბდა, რომელიც საგადახდო მომსახურებასთან დაკავშირებულ დავებს განიხილავს  და მომხმარებლებისთვის სწრაფ, ეფექტურ და უფასო მექანიზმს წარმოადგენს. კომისიამ 2024 წელს მომხმარებლებსა და საგადახდო მომსახურების პროვაიდერებს, მათ შორის, ბანკებს შორის წამოჭრილი 90-მდე დავა განიხილა, რომელთა 85% მომხმარებლების სასარგებლოდ დასრულდა, ხოლო პროვაიდერების მიერ მომხმარებლებისთვის ანაზღაურებულმა თანხამ ჯამურად 300 000 ლარი შეადგინა“, - აღნიშნა ნათია თურნავამ.კვირეულის ფარგლებში, ერთ-ერთი მთავარი აქცენტი შეზღუდული შესაძლებლობის მქონე მომხმარებელთა ინკლუზიის  ხელმისაწვდომობაზე გაკეთდა. ექვსი მარეგულირებელი უწყების მიერ  მომხმარებლის უფლებების დაცვის შესახებ სპეციალურად შემუშავებული მასალების პრეზენტაცია გაიმართა, რომლებიც მიზნად ისახავს შეზღუდული შესაძლებლობის მქონე პირების გაძლიერებას და მათთვის ინფორმაციის თანაბარი ხელმისაწვდომობის უზრუნველყოფას.„დღევანდელი დღის ერთ-ერთ თემატიკას შეზღუდული შესაძლებლობების მქონე პირებისთვის მათი უფლებების შესახებ ინფორმაციის მიწოდება წარმოადგენს. ამ კუთხით საქართველოს ეროვნულმა ბანკმა შეიმუშავა მცირე ბუკლეტი, სადაც მოკლედ არის მოცემული ის მნიშვნელოვანი ინფორმაცია, რომელიც მომხმარებლებს თავიანთი უფლებებისა და პასუხისმგებლობების უკეთ გაცნობაში დაეხმარება. უნდა აღინიშნოს, რომ ფინანსური სექტორი აქტიურად მუშაობს შშმ პირებისთვის ადაპტირებული გარემოს შექმნასა და დახვეწაზე. აღნიშნულ პროცესს ეროვნული ბანკიც მხარს უჭერს და სამომავლოდ ამ მიმართულების კიდევ უფრო დახვეწისა და განვითარების სურვილი გვაქვს“, - განაცხადა ნათია თურნავამ.მომხმარებლის დაცვის მესამე საერთაშორისო კვირეულის გახსნით ღონისძიებას ესწრებოდა ეროვნული ბანკის ვიცე პრეზიდენტი ეკატერინე გალდავა. მომხმარებლის უფლებების დაცვის III საერთაშორისო კვირეული 10-15 მარტს თბილისში, ახალქალაქში, ზუგდიდსა და ბათუმში გაიმართება. დაგეგმილ ღონისძიებებში მონაწილეობას მიიღებენ მარეგულირებელი უწყებების წარმომადგენლები, პარლამენტის, ცენტრალური და რეგიონული მთავრობის წევრები. ასევე, საერთაშორისო ორგანიზაციების, საქართველოს ყრუთა კავშირის და უსინათლოთა კავშირის წევრები, ბიზნესის, აკადემიური და არასამთავრობო სექტორის წარმომადგენლები. კვირეულის მიზანია საქართველოში მომხმარებელთა უფლებების დაცვის მექანიზმების გაუმჯობესება.

1741614529

როგორც ცნობილია, ღია ბანკინგი თანამედროვე ციფრული ფინანსების ერთ-ერთი უმნიშვნელოვანესი პროცესია, რომელიც მომხმარებელს საბანკო სერვისებზე მოქნილ და უსაფრთხო წვდომას სთავაზობს ღია API (Application Programming Interface) ინტეგრაციის საშუალებით, რაც უზრუნველყოფს მონაცემთა გაცვლას ბანკებს, ფინანსურ ინსტიტუტებსა და ფინტექ კომპანიებს შორის.მსოფლიოს მასშტაბის საუკეთესო პრაქტიკების გათვალისწინებით, ღია ბანკინგმა გამოიწვია ორგანიზაციებს შორის კონკურენციის ზრდა, ინოვაციური ფინანსური პროდუქტების შექმნა და მომხმარებელთა გამოცდილების გაუმჯობესება. შესაბამისად, მნიშვნელოვანია ღია ბანკინგის ეკოსისტემაში ახალი მონაწილის ჩართვა, რაც მრავალფეროვანი ფინანსური სერვისების შექმნის წინაპირობაა.აღსანიშნავია, რომ ღია ბანკინგში ჩართვით შპს „თიფეი“, როგორც მესამე მხარის პროვაიდერი (TPP), ხდება ეკოსისტემის მონაწილე, რომელიც მომხმარებლებს ღია ბანკინგის API-ების გამოყენებით შესთავაზებს ანგარიშის ინფორმაციის წვდომისა და გადახდის ინიციირების მომსახურებებს. ღია ბანკინგის ძირითადი უპირატესობები: მომხმარებლისთვის მეტი არჩევანი და ინოვაცია: ღია ბანკინგის განვითარება ქმნის უფრო მოქნილ და კონკურენტუნარიან ფინანსურ გარემოს. ფინანსური ოპერაციების გაუმჯობესება: საბანკო ანგარიშებთან ეფექტური ინტეგრაცია გადახდებისა და ანგარიშების მართვის პროცესს ამარტივებს. უსაფრთხოების მაღალი სტანდარტი: ღია ბანკინგის ინფრასტრუქტურა უზრუნველყოფს მომხმარებლის მონაცემების დაცულობას.  საქართველოს ეროვნული ბანკი აგრძელებს ღია ბანკინგის ჩარჩოს განვითარებას და ეკოსისტემის გაძლიერებისთვის მზადაა ითანამშრომლოს დაინტერესებულ მხარეებთან. დამატებითი ინფორმაციისთვის, გთხოვთ დაგვიკავშირდეთ: innovationoffice@nbg.gov.ge 

1741614298

გაზაფხულის დადგომასთან ერთად, საქართველოს ბანკი განსაკუთრებულ სიახლეს სთავაზობს თავის მომხმარებლებს – აპრილის ბოლომდე, 20-მდე პარტნიორ სასტუმროში PLUS და MR ქულებით გადახდისას 20%-იანი ფასდაკლებით ისარგებლებთ, რაც შესანიშნავი შესაძლებლობაა იმ შემთხვევაში, თუ ზამთრის შემდეგ რამდენიმე დღით ქალაქგარეთ დასასვენებლად წასვლა გაქვთ გადაწყვეტილი.სად შეგიძლიათ ისარგებლოთ შეთავაზებით?კახეთიკახეთი ყველა სეზონზე თავისებურად ლამაზია, გამონაკლისი არც გაზაფხულია, როცა თბილი მზით განათებული მინდვრები და ახლადამწვანებული ვენახები ნელ-ნელა გამოღვიძებას იწყებს. საქართველოს ბანკის შეთავაზება კახეთის ხუთ სასტუმროზე იმოქმედებს. მათ შორისაა ამბასადორი კაჭრეთი, ჩოგბურთისა და გოლფის კორტებით, წინანდლის რედისონი, თავისი ისტორიული მარნით, მუზეუმითა და პარკით და ყვარლის ტბა, რომელიც უნიკალურ გამოცდილებას სთავაზობს სტუმრებს თავისი არაჩვეულებრივი მდებარეობით.სამთო კურორტებიმიუხედავად იმისა, რომ ბაკურიანს და  გუდაურსა უმეტესად ზამთრის კურორტებად ვიცნობთ, მათი უნიკალური ბუნება, მთები, ტყეები და ჰავა გაზაფხულზეც შესანიშნავი გადაწყვეტილებაა დასასვენებლად. სამთო კურორტებიდან გამორჩევა სხვანეთიც, სადაც დასასვენებლად წასვლა ყოველთვის კარგი გადაწყვეტილებაა. Marco Polo, Bakuriani Inn, Best Western Gudauri და Gistola იმ სასტუმროების ჩამონათვალია, სადაც საქართველოს ბანკის შეთავაზებით შეგიძლიათ ისარგებლოთ და მონატრებული გაზაფხულის პირველ მზის სხივებს მაღლმთიან ადგილას შეხვდეთ.ქუთაისიქუთაისი ერთ-ერთი ყველაზე მნიშვნელოვანი ტურისტული ქალაქია, სადაც წლის ნებისმიერ სეზონზე საინტერესოა მოგზაურობა. ყოველ ჩასვლაზე შეგიძლიათ ახალ-ახალი ადგილები აღმოჩინოთ, ამ გამოცდილების მიღებაში კი ხშირად სასტუმროები გვეხმარება. ქუთაისში მასპინძლობას ორი თანამედროვე სასტუმრო  გაგიწევთ – Best Western Kutaisi და Kutaisi Inn, სადაც PLUS და MR ქულებით გადახდისას ფასდაკლებით შეგიძლიათ ისარგებლოთ.ბორჯომი/საირმეთუ გაზაფხულის პირველი დღეების გატარება მშვიდ გარემოში გაქვთ გადაწყვეტილი, ბორჯომი და საირმე იდეალური ვარიანტებია, სადაც ფიჭვნარი ტყეები და მთის სუფთა ჰაერი დაგხვდებათ. სასტუმროები Borjomi Likani და Borjomi Palace ბორჯომის ცენტრში, წიწვოვანი ტყეების შუაგულში მდებარეობს, სულ ახლოს მინერალური წყლის საბადოებისგან, რითიც ეს ადგილი გამოირჩევა.  რაც შეეხება საირმეს, საქართველოს ბანკის შეთავაზება აქ ორ სასტუმროში – Crown Plaza-ში და  Sairme Resort-ში იმოქმედებს.გორიგორი მხოლოდ ისტორიული ღირსშესანიშნაობებით არ არის გამორჩეული. ქალაქში დაგხვდებათ თანამედროვე სასტუმრო Gori Inn, რომელიც ქალაქის ცენტრალურ ნაწილში მდებარეობს და კომფორტული დასვენების ყველა პირობას გთავაზობთ. სასტუმროს ტერიტორიაზე მოწყობილია გამწვანებული პარკი,  სურვილის შემთხვევაში, შეგიძლიათ აუზითაც ისარგებლოთ, აქტიური დასვენების მოყვარულებს კი სასტუმროში ველოსიპედებიც დახვდებათ.ქულების დაგროვება და გადაცვლაPLUS ქულების დაგროვება ძალიან  მარტივია – ნებისმიერი გადახდისას ისინი ავტომატურად ემატება თქვენს ანგარიშს. ხშირად, სასიამოვნო მოულოდნელობაა, როცა აღმოაჩენთ, რომ საკმარისი ქულები დაგიგროვდათ სასურველი პროდუქტის ან მომსახურების მისაღებად. გაზაფხულის სეზონზე  PLUS ქულების გამოყენების ერთ-ერთი საუკეთესო გზა მათი გადაცვლაა სასტუმროების ფასდაკლებებში.აღსანიშნავია ისიც, რომ ნაკრები L-ის მფლობელები PLUS ქულებით გადახდისას დამატებით 10% ფასდაკლებით სარგებლობენ.  შესაბამისად, პარტნიორ სასტუმროებში 30% ფასდაკლებით ისარგებლებენ. დამატებითი ინფორმაციისთვის და სასტუმროების სრული ჩამონათვალის სანახავად, შეგიძლიათ საქართველოს ბანკის შეთავაზებების გვერდს ეწვიოთ.

1741611912

ცვლილების თანახმად, ფიზიკური პირებისა და ორ მილიონ ლარამდე მოცულობის ჯამური ვალდებულებების მქონე იურიდიული პირებისთვის სესხის/კრედიტის სხვა ფინანსური ორგანიზაციიდან სრული ან ნაწილობრივი რეფინანსირების შემთხვევაში წინსწრების საკომისიოს მაქსიმალური ოდენობა ნაცვლად დღეს არსებული 2%-ისა 0.5%-მდე მცირდება. აღნიშნული ცვლილების დაცვა ფინანსურ ორგანიზაციებს მიმდინარე წლის 1 მაისიდან მოუწევთ.„ამ ცვლილებით პრაქტიკულად ოთხჯერ შევამცირეთ წინმსწრების საკომისიოს მოცულობა.  ეს არის მნიშვნელოვანი ნაბიჯი საბანკო სფეროში მომხმარებელთა უფლებების დაცვის მხრივ. ასევე, მნიშვნელოვანია ეროვნულ ბანკთან არსებული დავების განმხილველი კომისიის საქმიანობა, რომელიც თავის საქმიანობაში დამოუკიდებელია და რეგულაციებით ხელმძღვანელობს. კომისია 2024 წელს ავამოქმედეთ, ამ პერიოდში 90 დავა იქნა განხილული მომხმარებელთა და საფინანსო სექტორის ინსტიტუციებს შორის, რომელიც ეხება არაავტორიზებულ გადახდებს, რომლებიც შეიძლება განხორციელდეს როგორც ბარათით, ასევე მობაილ ბანკით“, - აღნიშნა სებ-ის პრეზიდენტმა.მისივე თქმით, დავების 85% მომხმარებელთა სასარგებლოდ გადაწყდა და 300 000 ლარამდე აუნაზღაურდათ დანაკარგი.ნათია თურნავას ინფორმაციით, რამდენიმე ხნის წინ მსოფლიო ბანკთან ერთად სებ-მა ასევე დაიწყო ახალი პროგრამა, ახალი სტრატეგიის შემუშავება.„ეს პროგრამა მიზნად ისახავს არსებული რეგულაციის მეტად დახვეწას,  თუ რა უნდა გაკეთდეს საფინანსო სექტორში კონკურენციის წახალისებისთვის ისე, რომ ფინანსური სტაბილურობა შენარჩუნდეს“, - აღნიშნა სებ-ის პრეზიდენტმა.

1741611766

„ჩვენი გამორჩეული ხაზი სწორედ რეკონსტრუქციული ოპერაციებია. საქართველოში და ზოგადად, კავკასიის რეგიონში, არ არსებობს ისეთი ცენტრი, სადაც პლასტიკურ ქირურგიასთან ერთად რთული რეკონსტრუქციულიპროცედურები ტარდება. სწორედ ეს ხდის ჩვენს კლინიკას გამორჩეულს”, —ამბობს “რენიუს” დამფუძნებელი, ლაშა ოსეფაიშვილი.იმისათვის, რომ „რენიუს” დამფუძნებლებს, ლაშა ოსეფაიშვილს და ეკა ბეროზაშვილს ინოვაციური იდეები რეალობად ექციათ, შესაბამისი კაპიტალის საჭიროება დადგა. „თიბისის ფინანსური მხარდაჭერა საწყისი განვითარებისთვის უმნიშვნელოვანესი იყო. ამ კაპიტალის გარეშე, ვერ შევძლებდით ამ ეტაპამდე მოსვლას”, — ამბობს ლაშა ოსეფაიშვილი.“რენიუს” დამფუძნებლებს წინ დიდი გეგმები აქვთ. მოწინავე იდეებითა და ხედვებით, პლასტიკური ქირურგიის და რეკონსტრუქციის ცენტრის მუდმივ ზრდასა და განვითარებას აანონსებენ.

1741610035