2026 წლის აგვისტოში მშენებლობის ღირებულების ინდექსი შემცირდა, თუმცა წლიურად 3.4%-ით გაიზარდა

AI წიგნიერების სასკოლო პროექტი საპილოტე პროგრამიდან ფართო დანერგვის ეტაპზე გადადის. პროექტის მიზანია, მოსწავლეებმა სკოლიდანვე ისწავლონ ხელოვნური ინტელექტის სწორად, ეფექტურად და უსაფრთხოდ გამოყენება სწავლისთვის, შემოქმედებისთვის და მომავალი საქმიანობისთვის.„თიბისისთვის ახალი თაობის განათლების მხარდაჭერა გრძელვადიანი სტრატეგიული ხედვის ნაწილია. იმისათვის, რომ თანამედროვე გლობალურ გარემოში ახალი თაობა უფრო კონკურენტუნარიანი იყოს ტექნოლოგიური ცოდნა და უნარები შეუცვლელი ინსტრუმენტია. სწორედ ამ მიზნით, ჩვენს პარტნიორებთან ერთად, საქართველოში ერთ-ერთი ყველაზე დიდი ტექნოლოგიური განათლების ეკოსისტემა შევქმენით, რომლის მნიშვნელოვანი მიმართულებაა AI წიგნიერების განვითარება.ბოლო ერთ წელიწადში GAIA-სთან პარტნიორობით 2500-ზე მეტ ახალგაზრდას მივეცით წვდომა თანამედროვე AI განათლებაზე. ეს მხოლოდ დასაწყისია. AI წიგნიერების ეროვნული პროექტის ფარგლებში, ახალგაზრდები, ადრეული ასაკიდანვე სწავლობენ ხელოვნური ინტელექტის სწორად, ეფექტიანად და პასუხისმგებლიანად გამოყენებას. ასევე, საქართველოს მასშტაბით, ათასობით მოსწავლე და მასწავლებელი მიიღებს ტექნოლოგიურ განათლებას, რომელიც გვჯერა რომ დასაქმების შესაძლებლობად გადაიქცევა“ - ალექსანდრე მაყაშვილი, თიბისის სტრატეგიული პროექტების მენეჯერი.2026 წლის პირველ ნახევარში პროგრამის საპილოტე ვერსია, 200-მდე მოსწავლის მონაწილეობით, საქართველოს 4 რეგიონის 12 სკოლაში ჩატარდა. მიღებული უკუკავშირის საფუძველზე განახლდა სასწავლო პროგრამა, გაკვეთილების მასალები და მასწავლებლების მომზადების მოდელი. 2026-2027 სასწავლო წლიდან კი ხელოვნური ინტელექტი სასკოლო პროგრამის ნაწილი ოფიციალურად გახდა და საჯარო სკოლებისთვის არჩევითი და კლასგარეშე საგნის ფორმატებით არის ხელმისაწვდომი.2026-2027 სასწავლო წლის საორიენტაციო გეგმა პროგრამის გაფართოება 4 სხვადასხვა რეგიონის 30-მდე სკოლის 500-მდე მოსწავლის ჩართულობას ისახავს მიზნად. პარალელურად, მასწავლებლების მომზადების პროგრამაში დაგეგმილია 80-ზე მეტი პედაგოგის მიღება და გადამზადება. გრძელვადიანი მიზანია, AI წიგნიერების სწავლება ეტაპობრივად გახდეს ხელმისაწვდომი მთელი საქართველოს მასშტაბით და სულ უფრო მეტ სკოლას ჰქონდეს შესაძლებლობა, პროგრამა დამოუკიდებლად, საკუთარ მომზადებულ მასწავლებლებთან ერთად განახორციელოს.“AI წიგნიერება ქვეყნის მომავალი კონკურენტუნარიანობის საკითხია. მოსწავლეებს უნდა შეეძლოთ AI-ის გამოყენება სწავლისთვის, მუშაობისთვის და პრობლემების გადასაჭრელად, რადგან ეს უნარი შრომის ბაზარზე სულ უფრო მნიშვნელოვანი ხდება. ამ ცოდნის სკოლიდანვე განვითარება ქმნის უფრო ძლიერ AI ტალანტების ბაზას და მომავალში უფრო პროდუქტიულ პროფესიონალებს”, - გიგი გიორგაძე, საქართველოს ხელოვნური ინტელექტის ასოციაციის დირექტორი.პროექტზე GAIA საქართველოს განათლების, მეცნიერებისა და ახალგაზრდობის სამინისტროსთან ერთად მუშაობს. შეიქმნა AI წიგნიერების კონსორციუმი, რომელიც პროექტის მასშტაბირებისა და გრძელვადიანი განვითარების მხარდამჭერ კერძო სექტორის პარტნიორებს და დონორებს გააერთიანებს. კონსორციუმის პირველი წევრები თიბისი, მასტერქარდი, თეგეტა და სელფი გახდნენ. პროექტის ტექნოლოგიური პარტნიორი კი Google-ია, რომელიც მოსწავლეებს თავის წამყვან მოდელებზე წვდომას მისცემს.თიბისისთვის განათლება ადამიანების განვითარებასა, ცხოვრების გამარტივებას და ქვეყნის ტექნოლოგიურ მომავალზე ზრუნვას ნიშნავს. სწორედ ამიტომ, ბრენდმა შექმნა საგანმანათლებლო ეკოსისტემა - თიბისი ტექსკოლა, თიბისი კამპუსი და თიბისი IT აკადემია, პარტნიორებთან ერთად ხელს უწყობს ახალ მიმართულებებს და ამ გზით ხარისხიან განათლებას და თანამედროვე ტექნოლოგიურ ცოდნას ყველასთვის ხელმისაწვდომი ხდის.

1791367859

საერთაშორისო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. სწორედ აქედან გამომდინარე საქართველოს ეროვნული ბანკის (სებ) გრძელვადიანი პოლიტიკა ყოველთვის მიმართულია რეზერვების დაგროვებასა და სარეზერვო აქტივების ეფექტურ მართვაზე. როდესაც სავალუტო ბაზარი და მაკროეკონომიკური მდგომარეობა ამის შესაძლებლობას იძლევა ეროვნული ბანკი სავალუტო რეზერვებს ავსებს. საქართველოს ეროვნული ბანკის პოლიტიკის შედეგად, ბოლო ორ წელიწადში, 2024 წლის ოქტომბერთან შედარებით, რეზერვების მოცულობა გაორმაგდა. 2026 წლის განმავლობაში, სავალუტო ბაზრის ხელსაყრელი პირობებიდან გამომდინარე, სები რეზერვების შევსებას ახორციელებს და 2026 იანვარ-აგვისტოში ჯამურად წმინდა შესყიდვებმა 3,122.2 მლნ აშშ დოლარი შეადგინა. ხოლო, 2026 წლის სექტემბრის წმინდა შესყიდვების სტატისტიკა 26 ოქტომბერს გამოქვეყნდება.აღსანიშნავია, რომ 2024 წელს სებმა რეზერვების დივერსიფიკაციის მიზნით ოქროში პირველი ინვესტიცია განახორციელა, ხოლო 2026 წლის ივნისში დამატებით 100 მლნ აშშ დოლარის ღირებულების მონეტარული ოქრო შეიძინა. მას შემდეგ ოქროს ფასის მნიშვნელოვანმა ზრდამ საერთაშორისო რეზერვების მატებაში წვლილი შეიტანა. სექტემბრის მდგომარეობით, მონეტარული ოქროს მოცულობა 1,051.8 მლნ აშშ დოლარს, მთლიანი რეზერვის 12.9% შეადგენს.საქართველოს ეროვნული ბანკი მთლიანი საერთაშორისო რეზერვების შესახებ განახლებულ მონაცემებს 2026 წლის 6 ნოემბერს გამოაქვეყნებს.

1791367584

„ახალგაზრდა ადვოკატების“ განცხადებით, სასამართლომ გაიზიარა მომჩივანი მხარის მოთხოვნა საქართველოს გენერალური პროკურატურის მიმართ მატერიალური ზიანის დაკისრების მოთხოვნით. კერძოდ, მოსარჩელეებს: მიხეილ მაისურაძეს, მამუკა ბესელიას, ბადრი ჩიგოგიძესა და ირაკლი ჩარბაძეს დაუკმაყოფილდათ მორალური ზიანის ნაწილში სახელმწიფოს მიმართ თანხის დაკისრების მოთხოვნა. სასამართლომ არ გაიზიარა მატერიალური ზიანის ნაწილში, როგორც მიხეილ მაისურაძის, ასევე კიდევ ერთი მოსარჩელის - თეიმურაზი ცამბაიას უფლებამონაცვლე ნათია მიქაძის მოთხოვნა, რაც სააპელაციო წესით გასაჩივრდება. ამასთან, ვინაიდან თეიმურაზ ცამბაია გარდაიცვალა, მის უფლებამონაცვლეს იურიდიულად შეეზღუდა მორალური ზიანის მოთხოვნის უფლება. ორგანიზაცია აღნიშნავს, რომ საქმის მასალებით დგინდება, რომ მოსარჩელეები წარმოადგენენ 2011 წლის მაისში, ე.წ. ყინწვისის სპეცოპერაციის შედეგად, პოლიტიკური ნიშნით უკანონოდ დაკავებულ და ბრალდებულ პირებს, რომელთა მიმართაც, სახელმწიფომ აგრეთვე განახორციელა წამება და არაადამიანური მოპყრობა. 2011 წლის 26 მაისს, თბილისში მიმდინარე ანტისამთავრობო აქციების ფონზე, ყინწვისის მონასტერთან ჩატარებული ე.წ. სპეცოპერაცია იყო პოლიტიკურად მოტივირებული საქმე, რომლის დროსაც სამართალდამცველებმა უკანონოდ დააკავეს 24 ადამიანი და მათ შეიარაღებული სახელმწიფო გადატრიალების მომზადება ბრალად დადეს. შინაგან საქმეთა სამინისტრომ მაშინ გაავრცელა ინფორმაცია, თითქოს დააკავეს შეიარაღებული ჯგუფი, რომელიც წინააღმდეგობას უწევდა პოლიციას. რეალურად, დაკავების ოქმები და დოკუმენტები მეორე დღეს თბილისის პოლიციის მთავარ სამმართველოში უკანონოდ გაფორმდა. დაკავებულებსა და ადგილზე მყოფ სასულიერო პირებს ფიზიკურად გაუსწორდნენ. დაკავებულებს სხვადასხვა ვადითმიესაჯათ თავისუფლების აღკვეთა. 2012 წლის 5 დეკემბრის საქართველოს პარლამენტის დადგენილებით მიღებული იქნა გადაწყვეტილება პოლიტიკური ნიშნით დაპატიმრებული და პოლიტიკური ნიშნით დევნილი პირთა შესახებ. მოსარჩელეები საქართველოს პარლამენტმა ცნო პოლიტიკური ნიშნით დაპატიმრებულ პირებად.2021 წლის 24 თებერვალს, საქართველოს გენერალური პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის დადგენილებით, მოსარჩელეები: თეიმურაზი ცამბაია, მიხეილ მაისურაძე, მამუკა ბესელია, ბადრი ჩიგოგიძე და ირაკლი ჩარბაძე, მათ მიმართ დამდგარი მორალური და ფიზიკური ზიანის გამო, ცნობილი იქნა დაზარალებულად. ამასთან, ადამიანის უფლებათა ევროპული სასამართლოს 2019 წლის 27 ივნისის გადაწყვეტილებით („ნიკოლოზ გოგუაძე საქართველოს წინააღმდეგ“, საჩივარი: N40009/12)ეროვნული ხელისუფლების მიერ ადგილი ჰქონდა კონვენციის მე-3 მუხლის დარღვევას, რამაც გამოიწვია როგორც მატერიალურ-სამართლებრივი, ასევე პროცედურული ნაწილის დარღვევები. საქმეზე სისხლის სამართლის ახალი გამოძიების შედეგად, გამოიკვეთა ახალი მტკიცებულებები, რომელთა ანალიზის შედეგად დადგინდა, რომ მოსარჩელეების მხრიდან რაიმე დანაშაულის ჩადენის ფაქტს ადგილი არ ჰქონია. მოსარჩელეების მიმართ გამოტანილი გამამტყუნებელი განაჩენები ემყარებოდა კანონის დარღვევით, ფიზიკური და ფსიქოლოგიური ზეწოლის შედეგად მოპოვებულ მტკიცებულებებს.  საქართველოს პროკურატურამ დაადგინა, რომ მოსარჩელეების უკანონო დევნით არსებითად შეილახა მათი რეპუტაცია, იმიჯი და მოხდა საზოგადოებაში დისკრედიტაცია, რამაც თითოეული მათგანის მიმართ, გამოიწვია პატივისა და ღირსების ხელშეუხებლობის უფლების არსებითი დარღვევა. ახალი გამოძიებით დადგენილი ფაქტობრივი გარემოებები სრულ წინააღმდეგობაში მოვიდა მოსარჩელეების ბრალდების დადგენილებაში და განაჩენებში მითითებულ ფაქტობრივ გარემოებებთან. დადასტურდა, რომ სამართალდამცავი ორგანოების ცალკეულ თანამშრომლებს მოსარჩელეებთან მიმართებით ამოძრავებდათ არა სამართლებრივი, არამედ სხვა ტიპის ინტერესები. შესაბამისად, მოსარჩელეებს მიადგათ მორალური და ფიზიკური სახის ზიანი, რის გამოც, დასახელებული პირები, საქართველოს გენერალურმა პროკურატურამ ჯერ დაზარალებულებად ცნო, საქმის გადახედვის მოთხოვნით მიმართა სასამართლოს და შედეგად, 2021 წლის 2 თებერვლის, ასევე2022 წლის 23 სექტემბრის თბილისის სააპელაციო სასამართლოს განაჩენებით, მოსარჩელეები მიმართ უკანონო განაჩენები გაუქმდა და პირები უდანაშაულდო იქნენ ცნობილი. „ახალგაზრდა ადვოკატები“ აღნიშნავს, რომ უდანაშაულოდ ცნობილ პირებს წარმოეშვათ მორალური და მატერიალური ზიანის ანაზღაურების მოთხოვნა. საერთო ჯამში, სახელმწიფოს მორალური ზიანის, სასამართლო და სასამართლოს გარეშე ხარჯების სახით მოსარჩელეების მიმართ 115,245 ლარის გადახდა დაეკისრა. ცნობისთვის: მოსარჩელეებმა სასამართლოს 2023 წლის აგვისტოში მიმართეს. საქმეზე გადაწყვეტილება მოსამართლე: დავით წერეთელმა მიიღო. აღსანიშნავია, რომ საქართველოს გენერალურმა პროკურატურამ სარჩელი არ ცნო და აღნიშნა, რომ გამამართლებელი განაჩენებით მოსარჩელეების უფლებრივი მდგომარეობა სრულად იქნა აღდგენილი. მოსარჩელეების ინტერესები საქმეზე ორგანიზაციის ხელმძღვანელმა, არჩილ კაიკაციშვილმაწარმოადგინა, ხოლო საქართველოს გენერალური პროკურატურის პოზიციას სასამართლოში იურიდიული სამმართველოს პროკურორი ბაქარ შიოშვილი წარმოადგენდა.საერთო სასამართლოების წარმოებაშია ორგანიზაციის კიდევ ერთი ანალოგიური საქმე, რომელიც  ყინწვისის სპეცოპერაციის დროს დაზარალებული რვა პირის წინაშე მორალური და მატერიალური ზიანის ანაზღაურების მოთხოვნას შეეხება.

1791366771

მინისტრის მოადგილის თქმით, მსოფლიო ბანკის მიერ ეკონომიკური ზრდის პროგნოზის გაუმჯობესება გარდა საქართველოს ეკონომიკაში არსებული დადებითი ტენდენციებისა, კიდევ ერთხელ ადასტურებს მთავრობის სწორ ეკონომიკურ პოლიტიკას, რომელიც ორიენტირებულია მაღალი ეკონომიკური ზრდის შენარჩუნებაზე.„ბოლო პერიოდში ჩვენ ვნახეთ არაერთი საერთაშორისო საფინანსო ინსტიტუტის მიერ ზრდის მიმართულებით გადახედილი ეკონომიკური ზრდის პროგნოზები. აზიის განვითარების ბანკი თავის გამოცემაში აღნიშნავდა, რომ საქართველოს ეკონომიკამ მოლოდინებს გადააჭარბა და რეალურად აღნიშნული იმ რეფორმების შედეგია, რასაც საქართველოს მთავრობა ახორციელებს. მათ შორის, უნდა აღინიშნოს რეფორმები სახელმწიფო საწარმოებში, რომლებმაც მნიშვნელოვანი ეკონომიკური შედეგი მოიტანა“, - აღნიშნა ვახტანგ ცინცაძემ.მსოფლიო ბანკის მიერ ზრდის მიმართულებით განახლებულ პროგნოზზე საუბრისას ეკონომიკის მინისტრის მოადგილე ხაზს უსვამს ქვეყანაში მიმდინარე იმ მსხვილ ინფრასტრუქტურულ პროექტებს, რომელთა განხორციელებაც აქტიურ ფაზაშია გადასული და რაც, მისი შეფასებით, საბოლოო ჯამში ხელს უწყობს ეკონომიკური ზრდის დაჩქარებას.„საქართველოს მთავრობას გააჩნია კონკრეტული მექანიზმები, რომლებიც მიმართულია ეკონომიკური ზრდის დაჩქარებისკენ და საბოლოო ჯამში, პოზიტიურად აისახება ეკონომიკური ზრდის გაუმჯობესებაზე“, - აცხადებს ვახტანგ ცინცაძე.

1791366071

მათ შორის: საცხოვრებელი სეგმენტის ინდექსი წინა თვესთან შედარებით შემცირდა 0.7%-ით, ხოლო წინა წლის შესაბამის თვესთან შედარებით 0.6%-ით; არასაცხოვრებელი სეგმენტის ინდექსი წინა თვესთან შედარებით შემცირდა 4.7%-ით, ხოლო წინა წლის შესაბამის თვესთან შედარებით გაიზარდა 4.6%-ით; სამოქალაქო სეგმენტის ინდექსი წინა თვესთან შედარებით გაიზარდა 0.6%-ით, ხოლო გასული წლის შესაბამის თვესთან შედარებით 7%-ით. 2026 წლის აგვისტოში მშენებლობის ღირებულების ინდექსი წინა თვესთან შედარებით 0.8%-ით შემცირდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 6.5%-იანი კლებით, რამაც -1.42 პ.პ. შეიტანა ჯამური ინდექსის ცვლილებაში. წინა წლის შესაბამის თვესთან შედარებით მშენებლობის ღირებულების ინდექსი გაიზარდა 3.4%-ით.საქსტატის მონაცემებით, ინდექსის ზრდა, უმეტესწილად, გამოწვეული იყო ტრანსპორტირების, საწვავისა და ელექტროენერგიის ხარჯების კატეგორიის 19.7%-იანი მატებით და სამშენებლო მასალების 0.8%-იანი გაძვირებით, რამაც შესაბამისად 2.31 და 0.48 პ.პ. შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 29.2%-ით.

1791363656

ირანის ისლამური რესპუბლიკის მოქალაქის ბარგის დეტალური შემოწმების შედეგად, საერთო ჯამში აღმოჩენილი იქნა 864 კაფსულა ფსიქოტროპული პრეპარატი, მათ შორის 54 კაფსულა “Pregabalin" 100 აბი ,,Poxakim“, 200 კაფსულა ,,Nopaintin“, 180 აბი ,,Clonazepam-Sobhan” და 330 კაფსულა ,,Gabax”.კანონდამრღვევი მოქალაქის მიმართ, გამოძიებას აწარმოებს შინაგან საქმეთა სამინისტრო.

1791363421