ყაზახეთმა თებერვალში BTC მილსადენის მეშვეობით ნავთობის ექსპორტი 8.5%-ით გაზარდა

„ბოლო პერიოდში საჯარო სივრცეში გააქტიურდა ბრიტანულ-ქართული აკადემიის პარტნიორთა დავის საკითხი, რაც მიუთითებს იმაზე, რომ იგი უკვე გასცდა შიდა კორპორატიულ ჩარჩოებს და, გარკვეულწილად, რეპუტაციულ განზომილებაში გადადის.განსაკუთრებით მნიშვნელოვანია ის გარემოება, რომ საუბარია არა რიგით საგანმანათლებლო დაწესებულებაზე, არამედ ერთ-ერთ მაღალრეიტინგულ კერძო სკოლაზე საქართველოში. მიმაჩნია, რომ საჯარო რეზონანსი ასეთ შემთხვევაში მხოლოდ პარტნიორთა ინტერესებს არ ეხება. ის გავლენას ახდენს მშობლების, მოსწავლეების და თანამშრომლების ნდობაზე, რაც ინსტიტუციური სტაბილურობის მნიშვნელოვანი კომპონენტია.ყურადღებას იქცევს ერთი მნიშვნელოვანი გარემოებაც: დავა მიმდინარეობს არა ყოფილ და მოქმედ მესაკუთრეებს შორის, არამედ მოქმედ მეწილეებს შორის – აკადემიის 30 პროცენტიანი წილის მფლობელს, ქალბატონ ნათია ჯანაშიასა და „საქართველოს განათლების ჯგუფს“ (“საქართველოს კაპიტალი“) შორის. მსგავსი ტიპის კონფლიქტი, განსაკუთრებით წარმატებული და სტაბილურად მოქმედი კომპანიის შემთხვევაში, ქართული ბიზნესრეალობისთვის შედარებით იშვიათი მოვლენაა.საყურადღებოა ისიც, რომ დავის თაობაზე ინფორმაცია თითქმის ორ წელია მედია სივრცეში ფაქტობრივად, ცალმხრივად ვრცელდებოდა, რადგან „საქართველოს კაპიტალი“ დღემდე თავს იკავებს საჯარო სივრცეში ამ საკითხზე საკუთარი პოზიციის დაფიქსირებისგან და გადაწყვეტის მართებულ გზად სასამართლოს მიიჩნევს.სამართლებრივი პროცესი კი, დროთა განმავლობაში, მხოლოდ სამართლებრივ დავად აღარ რჩება, რადგან რისკი თანდათან გადადის თავად ბიზნესზე, თუნდაც მისი ოპერაციული საქმიანობა სტაბილურად მიმდინარეობდეს.პარტნიორთა კონფლიქტი კრიზისი არ არის. ბიზნესში განსხვავებული ხედვები და ინტერესთა დაპირისპირება ბუნებრივი პროცესია. კრიზისი იწყება, როდესაც პარტნიორთა შეთანხმება არ შეიცავს ეფექტურ ე.წ. „deadlock“-ის მექანიზმს — სახელშეკრულებო დებულებებს, რომლებიც განსაზღვრავს ჩიხში შესული საკითხების გადაწყვეტის გზებს, როგორიცაა წილის გამოსყიდვა, სავალდებულო მედიაცია ან არბიტრაჟი და სხვა…ამ კონკრეტულ შემთხვევაში, ჩემი შეფასებით, დავის ძირითადი საკითხია შპს-ის წილის საბაზრო ღირებულების განსაზღვრა. პრაქტიკაში მსგავსი საკითხი შემდეგნაირად წყდება: თუ საქმე სასამართლოში განიხილება, მოსამართლე ნიშნავს დამოუკიდებელ ექსპერტს, რომელიც ადგენს კომპანიის რეალურ საბაზრო ღირებულებას და წარადგენს შესაბამის დასკვნას. ფაქტობრივად, ასეთი ტიპის დავის გადაწყვეტის სხვა ეფექტიანი მექანიზმი არ არსებობს.„საქართველოს განათლების ჯგუფის“ მოთხოვნის საფუძველზე შეფასება ჩაატარა ლევან სამხარაულის სახელობის სასამართლო ექსპერტიზის ეროვნული ბიურომ, რომელიც წარმოადგენს სახელმწიფო საექსპერტო დაწესებულებას. ბიუროს დასკვნის თანახმად, გარიგების განხორციელების მომენტში 70%-იან წილში „საქართველოს კაპიტალის“ მიერ გადახდილი თანხა (29 309 905.66 ლარი) ნახევარ მილიონ ლარზე მეტით აღემატებოდა იმ დროისთვის არსებულ საბაზრო ღირებულებას.აღნიშნული გარემოება დასტურდება ექსპერტის დასკვნით. წარმოდგენილი შეფასების ფარგლებში, ფასის შესაბამისობასთან დაკავშირებულ საკითხებზე ბიუროს პოზიცია მკაფიოდ არის დაფიქსირებული. შესაბამისად, საბაზრო ღირებულებასთან დაკავშირებით კითხვები აღარ რჩება.ასევე დადგენილია, რომ „ბრიტანულ-ქართული აკადემიის“ 70% საქართველოს კაპიტალმა 2019 წელს 30 მილიონ ლარად შეიძინა. დავა აღნიშნულ საკითხთან დაკავშირებით 2024 წელს დაიწყო, მას შემდეგ, რაც „მენეჯმენტ კონტრაქტის“ ვადის გასვლის შემდეგ, მოდავე მხარე, ქალბატონი ნათია ჯანაშია, დირექტორის პოზიციიდან გაათავისუფლეს.ამასთან, საყურადღებოა ის გარემოებაც, რომ გარიგებიდან რამდენიმე წლის შემდეგ, როდესაც მენეჯმენტს ჩამოშორებულ მხარეს — ქალბატონ ნათია ჯანაშიას — პრეტენზიები წარმოეშვა, საქართველოს კაპიტალი მზადყოფნას გამოთქვამდა „ბრიტანულ-ქართული აკადემიის“ დარჩენილი 30%-იანი წილის გამოსყიდვასთან დაკავშირებით დაახლოებით 25 მილიონი ლარის გადახდაზე. აღნიშნული თანხა 33 პროცენტით აღემატებოდა იმ ფასს, რომელსაც ქალბატონი ნათია ჯანაშია სთავაზობდა საქართველოს კაპიტალს საკუთარი წილის გამოსყიდვის სანაცვლოდ.წარმოდგენილი გარემოება შეიძლება შეფასდეს როგორც კომპანიის მხრიდან დავის გამწვავების თავიდან არიდებისა და შეთანხმების გზით მოგვარების მზადყოფნის მანიშნებელი ფაქტორი, მათ შორის, შედარებით მაღალი საფასურის შეთავაზების კონტექსტში.ამ დავას კიდევ ერთი საგულისხმო ასპექტი აქვს – ქალბატონ ნათია ჯანაშიას მხარე „საქართველოს განათლების ჯგუფთან“ დავას ბრიტანეთშიც აწარმოებს. საერთაშორისო იურისდიქციის ჩართვამ საქმეს პოლიტიკური განზომილება შესძინა, რადგან ლონდონში შეტანილი სარჩელი შესაძლოა გამოყენებულ იქნეს არა მხოლოდ სამართლებრივი არგუმენტაციის კუთხით, არამედ საქართველოს შიდა პოლიტიკურ პროცესებზე გავლენის მოსახდენად, ქვეყნის საერთაშორისო რეპუტაციული პოზიციის განსაზღვრისა და საზოგადოებრივი აზრის ფორმირების კონტექსტში.იმ გარემოებასაც აქვს მნიშვნელობა, რომ საქართველოს კაპიტალის აქციები კოტირებულია ლონდონის საფონდო ბირჟაზე, რაც საქმის შინაარსს საინვესტიციო და რეპუტაციულ ჭრილში სენსიტიურობას მატებს.საჯაროდ გავრცელებული ინფორმაციის თანახმად, იკვეთება, რომ ქალბატონი ნათია ჯანაშია, ერთი მხრივ, საქართველოში მიმართავს ქვეყნის პოლიტიკურ და სამართალდამცავ ორგანოებს შესაბამისი სამართლებრივი რეაგირების მოთხოვნით, ხოლო, მეორე მხრივ, ბრიტანეთის სასამართლოში საქმის განხილვის დასაბუთებისას მიუთითებს გარემოებებზე, რომლებიც, მისი შეფასებით, საქართველოში მოქმედი ხელისუფლების მიერ ევროინტეგრაციის კურსიდან გადახვევასა და ქვეყნის შიდა პოლიტიკურ-ეკონომიკურ პროცესებზე ოლიგარქიული გავლენების არსებობას უკავშირდება.ამავე კონტექსტში იგი საუბრობს სასამართლო სისტემასთან დაკავშირებულ პრობლემებზე, მათ შორის დამოუკიდებლობისა და ეფექტიანობის საკითხებზე. აღნიშნულ გარემოებებზე დაყრდნობით, განმცხადებელი ასაბუთებს, რომ საქართველოში სამართლებრივი დაცვის ეფექტიანი საშუალებების გამოყენება, მისი პოზიციით, ვერ უზრუნველყოფს სათანადო შედეგს, რის გამოც იგი მიმართავს ბრიტანეთის სასამართლოს.მსგავსი მიდგომა იწვევს დასაბუთებულ კითხვებს მისი პროცესუალური კეთილსინდისიერების შესახებ. არსებული გარემოებების გათვალისწინებით, იქმნება შთაბეჭდილება, რომ დავაში უპირატესობის მიღწევის მიზნით გამოიყენება პოლიტიკური არგუმენტაცია, რაც, როგორც ლონდონის სასამართლოსთან, ისე საქართველოსთან მიმართებით, აჩენს კეთილსინდისიერების სტანდარტთან შესაბამისობის საკითხს.ამასთან, გავრცელებული ინფორმაციით, ბრიტანულმა გამოცემა „ტელეგრაფმა“ ქართველი კონტრიბუტორის, ირაკლი მაჩაიძის მასალა საკუთარი ვებგვერდიდან წაშალა. საჯარო წყაროებში გამოითქვა ვარაუდი, რომ აღნიშნული გადაწყვეტილება შესაძლოა, დაკავშირებული ყოფილიყო მასალაში ფაქტობრივი გარემოებების სიზუსტესთან.აღნიშნულ სტატიაში ქალბატონი ნათია ჯანაშიას მოხსენიება იმ კონტექსტში, სადაც საუბარი იყო საქართველოს მიმართ სანქციების შესაძლო დაწესებაზე, ინვესტორთა გადინებასა და უარყოფით ეკონომიკურ პროგნოზებზე, წარმოშობს კითხვებს სხვადასხვა ინტერესთა ჯგუფების შესაძლო პოლიტიკურ თუ სხვა სახის კავშირების შესახებ.რა თქმა უნდა, მე არ ვცდილობ, რომელიმე მხარის არგუმენტაციის დაცვას და არც სამართლებრივ დეტალებში შესვლას. ვმსჯელობ მხოლოდ იმ ფაქტობრივ მასალაზე დაყრდნობით, რაც მხარეების და საზოგადოებრივი დამკვირვებლების მიერ საჯარო სივრცეშია წარმოდგენილი.დავის საჯაროდ აქტიური მხარე — ქალბატონი ნათია ჯანაშიას წარმომადგენლობა — უცხოურ მედიასა და სამართლებრივ სივრცეში აჟღერებს იმგვარ დეტალებს, რომლებიც უშუალოდ დავის საგანს არ უკავშირდება, და საკითხს პოლიტიკურ კონტექსტს ანიჭებს. აღნიშნულმა მიდგომამ შეიძლება შექმნას რისკი, რომ დავა აღქმული იყოს არა მხოლოდ კერძო-სამართლებრივ ჭრილში, არამედ ქვეყნის იმიჯისა და საინვესტიციო გარემოს კონტექსტშიც, რაც პოტენციურად ნეგატიურ გავლენას მოახდენს რეპუტაციულ გარემოზე.მიმაჩნია, რომ „ბრიტანულ-ქართული აკადემიის“ დავის პოლიტიკურ კონტექსტში წარმოჩენა წარმოადგენს ნათია ჯანაშიას მხრიდან არსებითად მცდარ და გაუმართლებელ გადაწყვეტილებას.დავა უნდა გადაწყდეს სამართლებრივი მექანიზმების ფარგლებში — ალტერნატივა პრაქტიკულად არ არსებობს. თუმცა მნიშვნელოვანია, რომ ამ პროცესში დაცული იყოს საქართველოს საინვესტიციო გარემოს სტაბილურობა და არ შეიქმნას ისეთი კომუნიკაციური ან ქმედითი პრაქტიკა, რომელიც ზიანს მიაყენებს როგორც ქვეყნის რეპუტაციას, ისე შესაბამისს საზოგადოებრივ ინტერესებს”, - წერს ცუცქირიძე.

1772618984

„ეს სერვისი ხელმისაწვდომი იქნება ყველა გადაზიდვის კომპანიისთვის. საჭიროების შემთხვევაში, აშშ-ის საზღვაო ძალები დაიწყებენ ტანკერების ესკორტირებას ჰორმუზის სრუტეში“, - ხაზგასმით აღნიშნა ტრამპმა და დასძინა, რომ შეერთებული შტატები უზრუნველყოფს ენერგიის თავისუფალ ნაკადს მთელ მსოფლიოში „ნებისმიერ შემთხვევაში“.ჰორმუზის სრუტე პლანეტისთვის სასიცოცხლოდ მნიშვნელოვანი ენერგეტიკული არტერიაა, რომელიც მსოფლიოს ნავთობის მარაგების დაახლოებით 20%-ს და მისი თხევადი ბუნებრივი აირის 30%-მდე ამუშავებს. რეგიონში დაძაბულობა მკვეთრად გაიზარდა 28 თებერვალს ირანის წინააღმდეგ ისრაელ-აშშ-ის სამხედრო ოპერაციის დაწყების შემდეგ. ისლამური რევოლუციის გუშაგთა კორპუსმა (IRGC) დაიმუქრა, რომ თავს დაესხმება ნებისმიერ გემს, რომელიც სრუტეში გავლას შეეცდება. უკვე დარტყმა მიაყენეს სულ მცირე ხუთ ტანკერს. ამ ფონზე, ნავთობისა და გაზის ფასები მკვეთრად გაიზარდა.

1772615698

2025 ფისკალური წლისთვის კომპანიის მთლიანი შემოსავალი წლიურად 19%-ით გაიზარდა და 3.1 ტრილიონ ტენგეს მიაღწია. თურქეთში ოპერაციების ჩათვლით, შემოსავალმა 4.1 ტრილიონ ტენგეს მიაღწია.წლის დასაწყისში Kaspi-მ შეიძინა 65.4%-იანი წილი Hepsiburada-ში, თურქეთის უმსხვილეს ელექტრონული კომერციის პლატფორმაში.Kaspi.kz-ის აქციონერებმა, რომელთა შორისაა ყაზახეთის მესამე უდიდესი საცალო ბანკი, Kaspi Bank, 2024 წლის იანვარში Nasdaq-ის საფონდო ბირჟაზე პირველადი საჯარო შეთავაზების (IPO) ფარგლებში 1.04 მილიარდი აშშ დოლარის ფასიანი ქაღალდები განათავსეს.შეგახსენებთ, რომ Kaspi.kz-ის ძირითადი აქციონერები არიან: მიხეილ ლომთაძე (22.6%), ვიაჩესლავ კიმი (21.4%) და Baring Funds (24.68%).

1772614988

სოფელ ანაგაში კოლექტორის გაწმენდითი სამუშაოები მიმდინარეობს, რაც ითვალისწინებს არხში დაგროვილი ნატანი მასის, ლამისა და მცენარეული საფარის მოცილებას.სამელიორაციო ინფრასტრუქტურის მოწესრიგების შედეგად, წყლის მიწოდება გაუმჯობესდება 15 ჰექტარ ფართობზე არსებული სატბორეებისთვის, 10 ჰექტარ სასოფლო-სამეურნეო მიწაზე  კი ირიგაცია გაუმჯობესდება. ამავე სამუშაოების დასრულების შედეგად, 65 ჰექტარ მიწის ფართობზე უზრუნველყოფილი იქნება ჭარბი წყლის მოცილება, რაც დაიცავს ნათესებს დაზიანებისგან და გააუმჯობესებს ნიადაგის აგროტექნიკურ მდგომარეობას. ჭარბი წყლის დროულად გადინება განსაკუთრებით მნიშვნელოვანია უხვი ნალექის პერიოდში მიწის დატბორვის პრევენციისთვის.ჩატარებული სამუშაოები ადგილობრივ ფერმერებს შესაძლებლობას მისცემს, სარწყავ სეზონს მაქსიმალურად მომზადებულები შეხვდნენ და მიწის ფართობები ეფექტიანად გამოიყენონ. 

1772614576

ამის შესახებ ინფორმაციას კომპანია KazTransOil-ი (KTO) ავრცელებს.„2026 წლის თებერვალში, BTC მილსადენისა და აქტაუს საზღვაო პორტის მეშვეობით 115 000 ტონა ყაზახური ნავთობი გაიგზავნა“, - ნათქვამია კომპანიის განცხადებაში.2026 წლის იანვარში, BTC მილსადენის მეშვეობით ყაზახეთიდან 106 000 ტონა ნავთობი გაიგზავნა. ეს თებერვლის გადაზიდვებთან შედარებით 8.5%-იან ზრდას წარმოადგენს.2025 წლის ბოლოსთვის ყაზახეთმა ბაქო-თბილისი-ჯეიჰანის მილსადენით 1.2 მილიონი ტონა ნავთობი გაიტანა.ყაზახური ნავთობის ტრანზიტი BTC მილსადენით 2026 წელს 1.6 მილიონ ტონამდეა დაგეგმილი.

1772613518

კონკურენციისა და მომხმარებლის დაცვის სააგენტომ პირველადი მოხმარების პროდუქციით ვაჭრობის ბაზრის მონიტორინგის შუალედური ანგარიში გამოაქვეყნა. ანგარიშის მიხედვით ირკვევა, რომ საცალო ფასზე უმეტესად მოქმედებს „ქეშბექი“, რომელსაც დისტრიბუტორი მიწოდებული პროდუქციის ფასიდან იხდის. ახლა ჯერი საპარლამენტო და სამთავრობო კომისიაზე, საბოლოოდ კი პრემიერის გადაწყვეტილებაზეა, რათა პროდუქტებზე უსაშველოდ გაზრდილი ფასები დარეგულირდეს. რა მექანიზმს გამოიყენებს ხელისუფლება? სპეციალისტები ვარაუდობენ, რომ წინ გველის გარკვეული სახის საკანონმდებლო ცვლილებები. საქართველოს კონკურენციისა და მომხმარებლის დაცვის სააგენტოს შუალედურ ანგარიშში აღნიშნულია, რომ პირველადი მოხმარების პროდუქციით ვაჭრობის ბაზრის საცალო დონეზე, მნიშვნელოვან საკითხს წარმოადგენს რითეილის მიერ დისტრიბუტორებისთვის დაწესებული სხვადასხვა ტიპის არაპირდაპირი გადასახადები, როგორიცაა „ქეშბექი“, ქსელში/ახალ მაღაზიაში შესვლის გადასახადი, თარო, მარკეტინგი და ა.შ. სიდიდის გათვალისწინებით, საცალო ფასზე ყველაზე მეტად მოქმედებს „ქეშბექი“, რომელსაც დისტრიბუტორი იხდის მიწოდებული პროდუქციის ფასიდან, შესაბამისი პროცენტული ოდენობით.„მიუხედავად იმისა, რომ ქეშბექის დიაპაზონი მსგავს პროდუქტებზე ცვალებადია დისტრიბუტორებისა და რითეილის დონეზე, საბოლოო ჯამში, პროდუქტი საცალო დონეზე, მეტ-ნაკლებად, იდენტურ ფასად იყიდება. შესაბამისად, იმ შემთხვევაში, როდესაც რითეილში ფიქსირდება შედარებით დაბალი „ქეშბექი“, მაღალია უშუალოდ რითეილის შემდგომი ფასნამატი და პირიქით - იმ შემთხვევაში, როდესაც მაღალია „ქეშბექი“, დაბალია რითეილის ფასნამატი, რაც შედეგობრივად განაპირობებს იდენტურ პროდუქტზე მსგავს ფასებს სხვადასხვა ქსელის შემთხვევაში",- აღნიშნულია სააგენტოს მიერ გამოქვეყნებულ ინფორმაციაში.როგორც მოსალოდნელი იყო, კონკურენციის სააგენტომ, ფასების შემსწავლელი საპარლამენტო კომისიის მსგავსად, ზუსტად ის პრობლემები გამოკვეთა, რაზეც მწარმოებლები, იმპორტიორები, დისტრიბუტორები და რითეილერები საუბრობდნენ. ახლა მთავარია, როგორ უნდა მოაგვაროს ხელისუფლებამ ეს პრობლემა და რა გადაწყვეტილებები უნდა მიიღოს იმისთვის, რომ პროდუქციის არანორმალურად გაზრდილი და გაბერილი ფასი შემცირდეს. მით უფრო, რომ პრემიერის ვადა, როდესაც მოსახლეობამ სამთავრობო და საპარლამენტო კომისიების მუშაობის შედეგი უნდა იგრძნოს, იწურება - ირაკლი კობახიძე პირველ შედეგს აპრილში ელის.ეკონომისტ გიორგი ცუცქირიძის აზრით, პრობლემის აღმოსაფხვრელად უნდა ვიხელმძღვანელოთ საერთაშორისო გამოცდილების მიხედვით. კონკურენციისა და მომხმარებლის დაცვის სააგენტოს შუალედურმა დასკვნამ კი აჩვენა ის, რასაც ამ თემაზე სპეციალისტები აქამდე საუბრობდნენ.„გამოიკვეთა მაღალი „ქეშბექის“ პრობლემა, რომელიც ბოლო წლებში საგრძნობლად გაზრდილია. კვლევაში საუბარია იმაზე, რომ 2023 წელთან შედარებით, 2025 წლის ჩათვლით, ბაზრის მოცულობა 13%-ით გაზრდილა. ბაზრის მოცულობა კი იმიტომ გაიზარდა, რომ ახალი მაღაზიები გაიხსნა, ქსელები გაფართოვდა, თუმცა ამ პროცესს არ მოჰყოლია „ქეშბექის“ შემცირება. მეტიც, „ქეშბექი“ იგივე რომ დარჩენილიყო, რაც ადრე იყო, მაინც არანორმალური იქნებოდა, რადგან ქსელი გაფართოვდა. თუ საცალო ქსელები გაფართოებისას, მოგებაში ასახავან ამ მაღალ ფასნამატს, ეს არ არის კარგი. ფაქტობრივად გამოდის, რომ მომხმარებლების ხარჯზე ფართოვდებიან და ზუსტად ეს არის მთავარი პრობლემა“, - განუცხადა „რეზონანსს“ გიორგი ცუცქირიძემ.კვლევის მიხედვით, კიდევ ერთი თემა მნიშვნელოვანი თემა გამოიკვეთა. ერთია, რომ საცალო ქსელი გაფართოვდა და მან მოიპოვა თავისებური ექსკლუზივი, რათა „ქეშბექის“ ღირებულება უკარნახოს დისტრიბუტორებს. მეორეა ის არის, რომ დისტრიბუტორები, რომლებსაც შეაქვთ პროდუქცია მაღაზიებში, წვრილ მეწარმეებს ჩაგრავენ - ისინი კარნახობენ ფასებს.„ამ პრობლემას ბაზარი ვეღარ აწესრიგებს. შესაბამისად, სახელმწიფოს მოუწევს გარკვეული დადგენილებების შემუშავება. უნდა დაწესდეს შეზღუდვები, რომ „ქეშბექის“ თემა დამთავრდეს. აუცილებელია, ადგილობრივ პროდუქციაზე იყოს მაღალი დისქაუნთები, რადგან იმპორტირებულიც და ადგილობრივი პროდუქციაც თანაბარ პირობებში ჩადგნენ“, - აღნიშნა გიორგი ცუცქირიძემ.მისივე თქმით, შესაძლებელია გარკვეული საკანონმდებლო ცვლილებებიც. თუმცა ექსპერტი აცხადებს, რომ მთავრობას შეუძლია, დაავალდებულოს საცალო ქსელები, საჯაროდ გამოაქვეყნონ საშუალო ფასნამატის მონაცემები ძირითადი პროდუქტების მიხედვით და დააწესოს გამჭვირვალობის სტანდარტი „ქეშბექის“ შეთანხმებებზე მწარმოებლებსა და ქსელებს შორის. ეს გაზრდის კონკურენციას და მომხმარებლის ინფორმირებულობას.„თუ აღმოჩნდა, რომ მაღალი ფასნამატი ან „ქეშბექი“ ქმნის ბაზარზე შესვლის ბარიერს მცირე მწარმოებლებისთვის, შესაძლებელია რეტრობონუსების რეგულირება ან ზედა ზღვრის დაწესება და არაკეთილსინდისიერი სავაჭრო პრაქტიკის მკაფიო განსაზღვრა კანონში. მსგავსი მიდგომა მოქმედებს ევროკავშირში არაკეთილსინდისიერი სავაჭრო პრაქტიკის დირექტივის ფარგლებში“, - განაცხადა ცუცქირიძემ.ზუსტად იგივე პოზიცია აქვს პარტია „ხალხის ძალა“ წევრს, თამარ ჩიბურდანიძეს, რომელმაც „რეზონანსთან“ საუბრისას აღნიშნა, რომ კონკურენციის სააგენტოს ამ შუალედური დასკვნის შემდეგ, საპარლამენტო კომისიას შეუძლია, მიიღოს, როგორც საკანონმდებლო ცვლილებები. მეტიც, მთავრობასაც შეუძლია შესაბამისი ბრძანებებისა და დადგენილებების შემუშავება.„ველოდები, რომ პარლამენტის სამუშაო ჯგუფი გაითვალისწინებს საერთაშორისო გამოცდილებას, რაც ძალიან მნიშვნელოვანია. საქართველო არც ერთ სფეროში არ გადის იმ გზას, რაც არ გაუვლია უცხოეთის სხვა განვითარებულ სახელმწიფოებს. საჭიროა მივიღოთ უფრო გამართული მექანიზმი, თუ როგორ შეიძლება ფასების შემცირება. ეს არის პარლამენტის სამუშაო ჯგუფის პირდაპირი მოვალეობა. რადგან გაკეთდა პოლიტიკური განაცხადი, უნდა შესრულდეს. ჩვენ ველით ქმედით ნაბიჯებს. პროდუქტები გამუდმებით ძვირდებოდა და თან ამას სისტემატური ხასიათი ჰქონდა“, - აღნიშნა თამარ ჩიბურდანიძემ.გამოიკვეთა კიდევ ერთი ფაქტორი. როგორც თამარ ჩიბურდანიძემ აღნიშნა, მას რამდენიმე მოქალაქე დაუკავშირდა და პრობლემის შესახებ მოუყვა. თავიდან ექსპერტმა არ დაიჯერა, მოგვიანებით კი ერთ-ერთ მსხვილ სუპერმარკეტში ეს ფაქტი თავადვე გადაამოწმა:„ჯერ არ მინდა ღიად დავასახელო კონკრეტული ბრენდი, დიდ სუპერმარკეტს ვგულისხმობ, მაგრამ აუცილებლად უნდა გითხრათ ეს ფაქტი. მათ აქვთ დაგროვების ბარათი, რომლის საშუალებითაც მომხმარებელი პროდუქტებს საკმაოდ შეღავათიან ფასად ყიდულობდა. მას შემდეგ, რაც პრემიერმა ღიად ისაუბრა მაღალ ფასებზე და შეიქმნა ჯერ სამთავრობო, შემდეგ საპარლამენტო კომისია, ამ ბარათების გამოყენება შეფერხდა. ბევრ ტყუილს აწყდება მომხმარებელი, რომელსაც ჰგონია, რომ ფასი დააკლდა პროდუქტებს, მაგრამ სინამდვილეში, ახლა აღარაფერი აკლდება. ეს შენიშნეს მომხმარებლებმა, დამიკავშირდნენ და მითხრეს. თავიდან არ დავიჯერე, მაგრამ მერე თვითონ გავედი მარკეტში და მართლები აღმოჩნდნენ - არაფერი აღარ დააკლდა.წარმოგიდგენიათ?  ხელისუფლება იბრძვის, რომ ხალხის ჯიბეში ფული დარჩეს და რაც შეიძლება, მეტი შეღავათი გაუწიოს მოსახლეობას, მაგრამ ეს მარკეტები, პირიქით, იქცევიან - ვიდრე ხელისუფლება გადაწყვეტილებას მიიღებს, ხალხისგან კიდევ უფრო მეტს იღებენ, ვიდრე აქამდე იღებდნენ. ეს არის უსინდისობა და ამორალური ქცევა! გიმეორებთ, ამ ეტაპზე, თავს ვიკავებ დასახელებისგან, მაგრამ აუცილებლად დავასახელებ საჯაროდ იმ მაღაზიებს და კომპანიებს, რომლებიც ხალხს უსინდისოდ ექცევიან. ხალხზე იყრიან ჯავრს, რომ ეს ხალხი ისევ მთავრობას გაუბრაზდეს“, - განუცხადა „რეზონანსს“ თამარ ჩიბურდანიძემ.წყარო: resonancedaily.com

1772613147