პირველად 2009 წლის შემდეგ - საქართველოში რუსული გაზის იმპორტმა აზერბაიჯანულს გადააჭარბა

„საგულისხმოა, რომ ოქროს საერთაშორისო ფასი ზრდის ტენდენციას ინარჩუნებს, რაც ეროვნული ბანკის რეზერვების დივერსიფიკაციის სტრატეგიის მართებულობას უსვამს ხაზს.2024 წელს ოფიციალური საერთაშორისო რეზერვები 561 მლნ აშშ დოლარით შემცირდა და 4,448.6 მლნ აშშ დოლარი შეადგინა. წლის განმავლობაში საერთაშორისო რეზერვებზე ზრდის მიმართულებით მთავრობის მიერ საერთაშორისო ორგანიზაციებიდან და სხვა ქვეყნის მთავრობებიდან მოზიდული სესხები და გრანტები, ასევე რეზერვებზე საპროცენტო შემოსავლები და ოქროს ფასის ღირებულების ზრდა მოქმედებდა. გარდა ამისა, 2024 წლის დეკემბრიდან კომერციული ბანკების მიერ მოზიდული უცხოური ვალუტის მოკლევადიან ვალდებულებებზე დასაცავი სარეზერვო ნორმის ზედა ზღვარი 5 პროცენტული პუნქტით გაიზარდა, რამაც წლის ბოლოსთვის სავალუტო რეზერვების მოცულობა დამატებით გაზარდა. წლის განმავლობაში საერთაშორისო რეზერვებზე შემცირების მიმართულებით მთავრობის სავალუტო ხარჯები, ასევე სებ-ის მიერ განხორციელებული ინტერვენციები მოქმედებდა.2024 წელს საქართველოს ეროვნულმა ბანკმა სარეზერვო აქტივებში დაამატა მონეტარული ოქროს ზოდები, რაც წარმოადგენს მნიშვნელოვან ნაბიჯს საერთაშორისო რეზერვების დივერსიფიკაციისა და სტაბილურობის გაძლიერების მიმართულებით. ოქრო ისტორიულად აღიარებულია როგორც უსაფრთხო აქტივი, რომელიც გრძელვადიან პერიოდში ინარჩუნებს ღირებულებას და იცავს რეზერვებს გლობალური ფინანსური ბაზრების გაურკვევლობისა და ინფლაციური რისკებისგან. მონეტარული ოქროს დამატებით, საქართველოს ეროვნულმა ბანკმა გააუმჯობესა საერთაშორისო რეზერვების სტრუქტურა და დივერსიფიკაციის ხარისხი, რაც ამცირებს დამოკიდებულებას კონკრეტულ უცხოურ ვალუტებზე და საერთაშორისო ფინანსურ ბაზრებზე, ხოლო გრძელვადიან პერსპექტივაში უზრუნველყოფს სარგებელს, როგორც ფინანსური სტაბილურობის, ისე ქვეყნის ეკონომიკური უსაფრთხოების თვალსაზრისით“, - ნათქვამია ანგარიშში.ცნობისთვის, 2024 წლის დეკემბრის მდგომარეობით საერთაშორისო სავალუტო რეზერვებში ოქროს წილი 13.5 პროცენტს (598.7 მლნ აშშ დოლარი) შეადგენს.

1746532462

სემეკის თავმჯდომარემ, პროფესორმა დავით ნარმანიამ  სკოლის მოსწავლეებს გააცნო მარეგულირებელი კომისიის როლი ენერგეტიკისა და წყალმომარაგების სექტორების რეგულირებაში. მისი თქმით, ენერგეტიკის სექტორის განვითარება მნიშვნელოვნადაა დამოკიდებული პროფესიონალ კადრებზე:„სემეკისა და ენერგეტიკის სასწავლო ცენტრის მიზანია, დავაინტერესოთ სკოლის მოსწავლეები ენერგეტიკის სექტორით, მივაწოდოთ მათ მეტი ინფორმაცია, რათა შეძლონ სწორი არჩევანის გაკეთება პროფესიის არჩევისას. ენერგეტიკა წარმოადგენს ქვეყნის ეკონომიკის უმნიშვნელოვანეს მიმართულებას, შესაბამისად, დარგის განვითარება ხელს შეუწყობს უფრო მეტი სარგებლის მოტანას როგორც სექტორისთვის, ასევე მთლიანად ქვეყნისთვის. დღეს, მოსწავლეებს ლექციის ფარგლებში ენერგოეფექტურობისა და განახლებადი ენერგიების შესახებ მივაწოდეთ მათთვის საჭირო და საინტერესო ინფორმაცია. გამოვთქვამთ მზადყოფნას, ვუმასპინძლოთ სხვა სკოლების მოსწავლეებსაც“, - განაცხადა დავით ნარმანიამ.საჯარო ლექციის ფარგლებში, მოსწავლეები პრაქტიკაში გაეცნენ ინოვაციური ელექტრო მოწყობილობების შესაძლებლობებს, დაათვალიერეს მზის პანელები, რომლის საშუალებითაც ხდება ელექტროენერგიის გამომუშავება სემეკის ელექტროენერგიის მოხმარების დასაკმაყოფილებლად. ენერგოეფექტურობისა და განახლებადი ენერგიების შესახებ მოსწავლეებისათვის პრეზენტაცია წარადგინა სემეკის ელექტროენერგეტიკის დეპარტამენტის დირექტორის მოადგილემ, თორნიკე აფრიაშვილმა. 

1746530299

კერძოდ, როგორც სახელმწიფო კომპანიის ვებ-გვერდზე არსებული ინფორმაციიიდან ირკვევა, ვანო ზარდიაშვილი გენერალური დირექტორის პოსტს 2025 წლიდან იკავებს, იკამდე კი ამავე კომპანიაში სხვადასხვა პოზიციები ეკავა. უფრო ზუსტად, 2021 წლიდან 2025 წლამდე მუშაობდა სსე-ის დირექტორად იურიდიულ, გარემოს დაცვის, სოციალურ და ნებართვების საკითხებში. 2020 წლიდან 2021 წლამდე კი იყო სსე-ის მმართველთა საბჭოს წევრი.უფრო ზუსტად, რეესტრის მონაცემებით, სახელმწიფო ელექტროსისტემაში გენერალური დირექტორის ცვლილება გასულ თვეში ორჯერ აისახა. უფრო ზუსტად, 8 აპრილს გენერალური დირექტორის პოზიციაზე გიორგი გიგინეიშვილი შეცვალა დავით ტეტუნაშვილმა, ხოლო უკვე 16 აპრილის ამონაწერით, რეესტრში სახელმწიფო კომპანიის გენერალურ დირექტორად ვანო ზარდიაშვილია მითითებული.ცნობისთვის, სს „საქართველოს სახელმწიფო ელექტროსისტემის“ 100%-იანი წილის მფლობელი სახელმწიფო საკუთრებაშია. რაც შეეხება ვანო ზარდიაშვილს, „საქართველოს სახელმწიფო ელექტროსისტემაში“ დასაქმებამდე მე-9 მოწვევის პარლამენტის წევრი იყო. დეპუტატის მანდატი მას 2019 წელს შეუწყდა, რის შემდეგაც, 2019-2020 წლებში იკავებდა შპს „ენერგოტრანსის“ დირექტორის პირველი მოადგილის თანამდებობას.

1746529559

“ჩვენი პოზიციაა ის, რომ ქართული ფქვილის ხარისხი რუსული იმპორტირებული ფქვილის ხარისხს არა თუ ჩამოუვარდება, აღემატება კიდეც. ლაპარაკია პირველი ხარისხის ფქვილზე, რომელიც პურის წარმოებაში გამოიყენება. ქართული წისქვილკომბინატები ზუსტად იგივე ხორბალს ფქვავენ, რასაც რუსული წისქვილკომბინატები. ვიცით, რომ ხორბლის იმპორტი, ძირითადად, რუსეთიდან ხორციელდება. ანუ, ეს ფქვილი იდენტური ხორბლიდან კეთდება.ამასთან, საქართველოს წისქვილები საკმაოდ მაღალტექნოლოგიურია, რამდენიმე წისქვილი შვეიცარიული ტექნოლოგიისაა, რამდენიმე თურქული ტექნოლოგიის. რეალურად, ჩვენ დამატებით კიდევ ტექნიკური რეგლამენტით ვმუშაობთ. ჩვენი ხარისხი არაფრით ჩამოუვარდება და თუ ამასთან დაკავშირებით კითხვის ნიშნები კიდევ არსებობს, პურის მწარმოებლებმა აირჩიონ ნებისმიერი აკრედიტებული ლაბორატორია საქართველოში, რომელსაც აქვს ლიცენზია, შეამოწმოს ფქვილის ხარისხი და შესაბამისად, შერჩევის წესით რუსული და ქართული ფქვილის ანალიზი გააკეთონ. ვნახოთ, რომელი ტექნოლოგია და რომელი ხარისხი უმჯობესია, ქართული, თუ რუსული. ჩვენ ღია ვართ კომუნიკაციისთვის, ეს შეთავაზება გაკეთებულია, ჩვენც, საზოგადოებაც პასუხს ველოდებით, რომ მათ მიერ შერჩეული იქნას ლაბორატორია, ქართული და რუსული ფქვილი შემოწმდეს, რათა საზოგადოებამ იცოდეს, რომელი ხარისხის ფქვილი ჯობია”- განაცხადა ლევან სილაგავამ.როგორც ცნობილია, პურის მწარმოებლებს ქართული ფქვილის ხარისხთან დაკავშირებით განსხვავებული შეხედულება აქვთ. პურის მცხობლები ფქვილზე არსებული საიმპორტო გადასახადის გადახედვას ითხოვენ, რადგან მათი თქმით, რუსულ ფქვილზე ხელმისაწვდომობა ეზღუდებათ.„[ფქვილზე საიმპორტო გადასახადის შემოღებით] ფქვილის ფასები გაიზარდა და 1 ტომარა ფქვილი დღეს უკვე 58-59 ლარი ღირს. იძულებული ვართ, მხოლოდ საქართველოში წარმოებული ფქვილი მივიღოთ. ეს ძალიან კარგია, მაგრამ ადგილობრივად წარმოებული ფქვილთან მიმართებით ვიტყვი, რომ უკეთესი ხარისხი გვინდა რომ იყოს. ხომ არ შეიძლება მიიღო ტომრით ფქვილი, რომლის სინესტე 15.5-ია?! – არა, არ შეიძლება. სინესტე 14.5-ს არ უნდა აღემატებოდეს. ამასთან, აქ წარმოებულ ფქვილში შეფერილობის მაჩვენებელიც მაღალია.ეს არის ბიზნესი. მე არავის არ ვეჯიბრები ხარისხში და არავის ვეუბნები, რომ მაინცდამაინც რუსული ფქვილი მინდა და ქართული არ მინდა, თუმცა ეს არის პროდუქტი, რომელიც საბოლოოდ მომხმარებლამდე უნდა მივიდეს, რომელიც ძალიან კარგად ხედავს ყველაფერს”- განაცხადა „პურის მცხობელთა ასოციაციის“ თავმჯდომარემ, მალხაზ დოლიძემ bm.ge-სთან.ლევან სილაგავა ფქვილზე საიმპორტო გადასახადის მოხსნას არ ეთანხმება. როგორც მან “კვირას” პრესკლუბში განაცხადა, აღნიშნული გადასახადი ბაზარზე სწორი კონკურენციის პირობებს უზრუნველყოფს.“პურის მწარმოებელთა ასოციაციის მიერ გაჟღერებული იყო თემა იმასთან დაკავშირებით, რომ ფქვილზე ე.წ. დამბალანსებელი საიმპორტო გადასახადი მოიხსნას. იმისათვის, რომ სურათი სწორად დავინახოთ, ანუ გადასახადი მოიხსნას, თუ არ მოიხსნას , საჭიროა, მთლიანად საწყისი განვიხილოთ, თუ რატომ შემოვიდა ეს გადასახადი. რეალურად, ათწლეულების განმავლობაში, 2021 წლამდე, ბაზარი ჩვეულებრივად, იმპორტის, ექსპორტის და ადგილობრივი წარმოების მხრივ იმ საკანონმდებლო გარემოში მუშაობდა, როდესაც იმპორტი, მათ შორის რუსეთიდან, ხორბალზეც და ფქვილზე ნულოვანი დაბეგვრით ხორციელდებოდა. მარტივად რომ ვთქვათ, ხორბალიც და ფქვილიც საქართველოში ნულოვანი დაბეგვრით შემოდიოდა. 2021 წლამდე სწორი კონკურენციის პირობები, ერთნაირი თამაშის წესები იყო, 2021 წელს ეს პირობები ფქვილის იმპორტის სასარგებლოდ შეიცვალა. ეს იმით იყო გამოწვეული, რომ რუსეთმა ხორბალზე გადასახადი, ე.წ. ხორბლის მცურავი ბაჟი დააწესა.ანუ, რუსეთიდან გამოტანილ ხორბალზე გადასახადი რაღაც რაოდენობის მოსაკრებელი იყო და ეს მსოფლიო ფასების შესაბამისად იცვლებოდა, ხოლო ფქვილზე ისევ 0% დარჩა. ამან გამოიწვია ის, რომ რუსეთიდან უკონტროლოდ ძალიან დიდი რაოდენობის ფქვილმა დაიწყო შემოსვლა. ამის შემდეგ ჩვენთან წისქვილკომბინატები გაჩერდა, ხორბლის ადგილობრივმა მწარმოებლებმა წისქვილკომბინატებში ხორბალი ვერ ჩააბარეს. 2023 წელს ხორბლის გადასახადის საპირწონედ საქართველოდან ფქვილის იმპორტის გადასახადი შემოვიდა. ანუ, დარღვეული პირობები, სწორი კონკურენციის პირობები აღდგა. შესაბამისად, დღეს მომუშავე წისქვილკომბინატებიც, მეპურეებიც და ხორბლის მწარმოებლებიც სწორი კონკურენციის პირობებში არიან. ახლა ვსვამთ კითხვას – რატომ უნდა მოიხსნას ეს გადასახადი? ანუ დავბრუნდეთ ისევ იქ, როცა არასწორი კონკურენციის პირობები იყო? ვფიქრობ, რომ მეპურეებს ეს მიმართვა იმიტომ ჰქონდათ, რომ, რა თქმა უნდა, სურთ ნედლეული იაფი ჰქონდეთ, მაგრამ ამ შემთხვევაში ჩვენი პასუხია, რომ სწორი კონკურენციის პირობებში ვიმუშაოთ და ვისაც ამ კონკურენციის პირობებში ექნება მიწოდებული იაფი ნედლეული, ბაზარზე წარმოდგენილი ის უნდა იყოს და არა ის, რომ იმავე სიტუაციაში ხელოვნურად დაბრუნება მოხდეს.აქვე მინდა ვთქვა, რომ ზუსტად იმ წლებში 2021- 2023 წლებში, როდესაც ფქვილის იმპორტის გადასახადი არ იყო, მოხდა ის, რომ პურის ფასი მაინც გაიზარდა. ანუ ეს არის იმის საპასუხოდ, რომ, თითქოს, იმპორტირებული, ანუ რუსული ფქვილი პურის ფასის შენარჩუნებას უწყობს ხელს. თუ ეს ასეა, მაშინ რუსული ფქვილის იმპორტის გაზრდის საპასუხოდ ქართული პურის ფასი რატომ გაიზარდა? შესაბამისად, აპრიორი არ არის ის, რომ თუ იმავე სიტუაციაში დავბრუნდებით, პურის ფასი არ გაიზრდება”- განაცხადა ლევან სილაგავამ “კვირას” პრესკლუბში.მისივე თქმით, „საქართველოს ხორბლისა და ფქვილის მწარმოებელთა ასოციაცია” პურის ინდექსის გამოთვლის ინიციატივით გამოდის.“წლების განმავლობაში ლაპარაკი მიმდინარეობს იმაზე, თუ რის გამო ძვირდება ფქვილი და პური. პურის გაძვირება მარტო ფქვილზე არ არის დამოკიდებული. მასში ფქვილთან ერთად სხვა ინგრედიენტებიც შედის, მაგალითად, საფუარი, ზეთი, მარილი. აქედან გამომდინარე, საინტერესოა ამ პროდუქტების თვიდან თვემდე გაძვირება, თუ გაიაფება პურის ფასზე როგორ მოქმედებს, რათა ამ კითხვებს ერთხელ და სამუდამოდ პასუხი გაეცეს, საზოგადოებამ და სპეციალისტებმა იცოდნენ, რის გამო ძვირდება, ან იაფდება პური. მაგალითისათვის: ხაჭაპურის ინდექსი ქვეყნდება ხოლმე. იქაც არის ინგრედიენტები: ფქვილი, ყველი, კარაქი, საფუარი. არ მგონია, რომ პურის ინდექსში შემავალი პროდუქცია უფრო ნაკლებად საინტერესო იყოს, ვიდრე მაგალითად ხაჭაპურის ინდექსი. აქ კიდევ ერთ რაღაცას გავუსვამ ხაზს – ხაჭაპურის ინდექსი ფქვილის ფასის ცვალებადობასთან მიმართებაში სწორ ინფორმაციას არ გვაძლევს, აქედან გამომდინარე, რომ ხაჭაპურის ინდექსში გამოყენებულია უმაღლესი კატეგორიის ფქვილი, ხოლო პურის ინდექსში პირველი ხარისხის ფქვილი გამოიყენება”- განაცხადა სილაგავამ.ამასთან, „საქართველოს ხორბლისა და ფქვილის მწარმოებელთა ასოციაციაში” აცხადებენ, რომ ფქვილის ბაზარზე არსებული მდგომარეობის გაუმჯობესების მიზნით კონკრეტული ღონისძიებები უნდა გატარდეს.“უკანასკნელ პერიოდში ხორბლის ფქვილის და პურის ბაზარზე განვითარებული მოვლენების ირგვლივ საჯარო მსჯელობამ და წამოწეულმა პრობლემებმა, დღის წესრიგში უფრო მკაფიოდ დააყენა რიგი საკითხებისა, რომლებიც გადაუდებელ გადაწყვეტას მოითხოვს. ჩვენი დარგიდან გამომდინარე, ლაპარაკია ადგილობრივი და იმპორტირებული ფქვილის ბაზარზე. აქედან გამომდინარე , რომ აღნიშნული ბაზარზე წლიდან წლამდე პერიოდულად დღის წესრიგში დგება საკითხები ფქვილის ხარისხის , აღრიცხვიანობის, მიკვლევადობის შესახებ, ნიშნავს, რომ მათი მოგვარება ფუნდამენტური ფაქტორების გადაწყვეტის გარეშე ვერ მოხერხდება.ასოციაციას აღნიშნული პრობლემების ეფექტურ მოგვარების გზად მიაჩნია , საქართველოს მთავრობის მიერ მიღებულ იქნას რამდენიმე გადაწყვეტილება , რომლებიც, ჩვენი აზრით, მნიშვნელოვნად და რადიკალურად შეცვლის მდგომარეობას უკეთესობისაკენ.კერძოდ:1. როგორც ადგილობრივი წარმოების, ასევე იმპორტირებული ფქვილი სავალდებულო მარკირებას დაექვემდებაროს. აღნიშნული სრულად უზრუნველყოფს ბაზარზე არსებული ფქვილის აღრიცხვიანობას და მიკვლევადობას.2. შეიქმნას საქართველოში მოქმედი წისქვილკომბინატების რეესტრი, “ხორბლისა და ფქვილის მწარმოებელთა ასოციაციის” ბაზაში სავალდებულო რეგისტრაციის გზით. აღნიშნული უზრუნველყოფს მთელი ინდუსტრიის სწორი კონკურენციის სამუშაო ველში მოქცევას, ადგილობრივ ბაზარზე წარმოდგენილი ფქვილის წარმომავლობის დადგენას და ხარისხის კონტროლს” – აცხადებენ „საქართველოს ხორბლისა და ფქვილის მწარმოებელთა ასოციაციაში.”

1746529155

გარიჟრაჟზე დგება - ზაფხულში 05:00 საათზეც კი. პირველ რიგში ბატკნების კვებაზე ზრუნავს, რომლებიც ცალკე სადგომში არიან დაბინავებულები და მეტ ყურადღებას საჭიროებენ. შემდეგ კი მოზრდილი ცხვრები გაჰყავს საძოვარზე. მნიშვნელოვანია, რომ ეს ყველაფერი მანამდე მოესწროს, სანამ დაცხება. შუადღის მზეში, ცხვრები „სიესტას“ იწყობენ და ბალახს პირს აღარ აკარებენ.ჯუნო ჩიბურდანიძის ოჯახი თავიდანვე მესაქონლეობას მისდევდა. უმაღლესი განათლების მიღების შემდეგ, ისიც ახალსოფელში დაბრუნდა და მამის საქმე გააგრძელა.დილა და საქმე კი იგივე იყო, თუმცა 15 წლის წინ მასშტაბები შეიცვალა. ჩიბურდანიძეებმა შეღავათიანი აგროკრედიტით ახალი ფერმის აშენება შეძლეს, მეცხვარეეები დაიქირავეს და 3 000 თუშურ ცხვარს დაუწყეს მოვლა-მწყემსვა.„ფერმა არ გაპატიებს სიზარმაცეს, დაუგეგმავ დღეს, ცუდად მომზადებულ ზამთარს. უამრავი წვრილმანია, რასაც ყურადღება უნდა მიაქციო. ხშირად შეუცვალო საძოვარი, მუდმივად აკონტროლო ცხვრების ჯანმრთელობა. ეს ყველაფერი შრომასა და ცოდნას მოითხოვს. თიბისი არა მხოლოდ მე მეხმარება განვითარებაში, საშუალებასაც მაძლევს მინიმუმ ათი ადამიანი დავასაქმო“, - გვიხსნის ჯუნო.საქართველოში მეცხვარეობა ათასწლეულებს რომ ითვლის, ამას არგონავტების მითიც კი ადასტურებს. ამ ლეგენდაშიც ბერძნების მთავარი ინტერესი ოქროს საწმისი - იგივე მოოქრული ცხვრის ტყავია.უცნაური, მაგრამ ჯიუტი ფაქტია, რომ ცხვრის მოვლის ამხელა ტრადიციისა და ავთენტური ჯიშების გამორჩეულობის მიუხედავად, საქართველოში ცხვრის სიყვარული მთებში შეფენილი თეთრი ფარას ფოტოებს, ან აღდგომის დღეებში მომზადებულ ბატკნის ჩაქაფულს ვერ გასცდა. ის ვერ იქცა  ყოველდღიურ საკვებ პროდუქტად. ჯინო ჩიბურდანიძეც ყოველწლიურად 1500- მდე ცხვარს უცხოელებზე ჰყიდის.„ჩვენი ძირითადი სარეალიზაციო არეალი  გალფის ქვეყნები, ასევე ირანია. დაახლოებით აგვისტოს ბოლოს, სექტემბერში იწყებენ რეალიზატორები ჩამოსვლას. ჩვენ  მხოლოდ მამალ ცხვარს ვყიდით, მათი ასაკი 4-5 თვეა. საოცრად მოსწონთ, რადგან მთელი წლის მანძილზე გამორჩეული ბალახით იკვებება საძოვრებზე, რაც მის ხორცს განსაკუთრებულს ხდის“, - ამბობს ჯუნო.იმის გამო, რომ ქვეყანაში შესაბამისი ინფრასტრუქტურა არ არის განვითარებული. მატყლის გადაყრა უწევთ. არადა, თანამედროვე მსოფლიოში მატყლი ეკომეგობრულ ნედლეულად მიიჩნევა, რომლისგანაც იწარმოება თერმულად რეგულირებადი ტანსაცმელი, სახლის თბოიზოლაცია და ბიოდეგრადირებადი ტომრები.ერთ-ერთი ფაქტორი, რის გამოც ცხვრის ხორცი არაპოპულარულია, მისი სპეციფიკური სუნია. ფერმერი ამის მიზეზსაც გვიხსნის.„აუცილებელია რომ ცხოველს მუდმივად შეუცვალო საძოვარი, მოუარო. მრავალფეროვანი საკვების და ყურადღების პირობებში ცხვარს სუნი არაქვს“.საძოვარი მინდვრები იჯარით აქვთ აღებული. ზაფხულობით ფარას ნინოწმინდისკენ, ჯავახეთის მთებში მიერეკებიან, თურქეთის საზღვართან. გზა პატარა ბატკნებისთვის დამღლელია, ამიტომ ხშირად მანქანებში ისვამენ.„ბუნებრივია, წლებმა გამოცდილება შემძინა. როგორც კი შევხედავ ცხვარს უკვე ვხვდები რა აწუხებს“, - გვიყვება ჯუნო, რომელიც საუბრის მომენტშიც მინდორში, სხვა მყემსებთან ერთადაა.მსოფლიოში ცხვრის ხორცი მე-4 ადგილზეა მოხმარების მიხედვით, ხოლო ავსტრალიასა და ახალ ზელანდიას ცხვრის ექსპორტით მილიარდიანი ბრუნვა აქვთ. ავსტრალიის რამდენიმე უნივერსიტეტში ცხვრის გენეტიკასა და მეცხვარეობის მენეჯმენტს სამაგისტრო პროგრამაშიც კი სწავლობენ.მსოფლიოში უკვე არსებობს პლატფორმები, სადაც ფერმერი თითოეული ცხვრის GPS ლოკაციას, ჯანმრთელობის მონაცემებს და საკვების სტატუსს „ლაივ“ რეჟიმში ამოწმებს ამოწმებს. ჩიბურდანიძის ფერმაში  ეს ყველაფერი ჯერ თვალით და გამოცდილებით ხდება მაგრამ ვინ იცის, იქნებ ერთ დღეს მათ  ბატკნებსაც ჰქონდეთ პროფილები ციფრულ ფარაში. 

1746528630

გამოსვლისას მან ყურადღება გაამახვილა რეგიონში არსებული გამოწვევების მიუხედავად, ბოლო ოთხი წლის განმავლობაში საქართველოს მიერ მიღწეულ პროგრესზე.აღინიშნა, რომ გასული ოთხი წლის მანძილზე საშუალო წლიურმა ზრდამ 9.5%-ს გადააჭარბა და 2025 წელიც ზრდის მაღალი პარამეტრებით დაიწყო. ისაუბრა საქართველოსა და აზიის განვითარების ბანკს შორის თანამშრომლობის,  გამოცდილების გაზიარების აუცილებლობაზე.მან აზიის განვითარების ბანკსა და მის წევრ ქვეყნებს მოუწოდა ერთობლივად შემუშავდეს გადაწყვეტილებები, რომლებიც ხელს შეუწყობს ეკონომიკურ ზრდას, შექმნის ახალ სამუშაო ადგილებს და გააძლიერებს ისეთ აუცილებელ რეგიონალურ კავშირს, რომელიც საერთო კეთილდღეობას მოემსახურება.ლაშა ხუციშვილმა მადლობა გადაუხადა აზიის განვითარების ბანკის გუნდსა და იტალიის მთავრობას ADB-ის 58-ე წლიური ღონისძიების მაღალ დონეზე ორგანიზებისთვის.

1746527580