ბანკები და ფინანსები ელ.ვერსია #609

MAIZEN-ის სივრცეში წამყვანი საერთაშორისო ბრენდებისა და არტისტების ხელნაკეთ ნამუშევრებს შეხვდებით. კონცეფცია მთელი მსოფლიოდან უნიკალური ნივთების გაერთიანებას გულისხმობს.„თავიდანვე გვქონდა გადაწყვეტილი, რომ MAIZEN-ის მომხმარებლებისთვის უნდა შეგვეთავაზებინა ისეთი ნივთები, რომლებსაც საქართველოში სხვაგან ვერ შეხვდებოდნენ”, — იხსენებს ნატალი გურიელი, კომპანიის თანადამფუძნებელი და კრეატიული დირექტორი. ამგვარად, MAIZEN მატჩას პირველი ბარია საქართველოში — ტრადიციული მატჩას სასმელებითა და ექსკლუზიური კოქტეილებით.პროდუქტი, ატმოსფერო და ემოცია„როცა Maizen დავაარსეთ, ვიცოდით, რომ რაღაც ახალს ვაკეთებდით, ისეთ სივრცეს, რომელიც გამორჩეული იქნებოდა არა მხოლოდ პროდუქტით, არამედ ატმოსფეროთი და ემოციით. ჩვენ მოკლე დროში შევძელით მატჩას კულტურის პოპულარიზაცია. MAIZEN გახდა ადგილი, სადაც მოდიან ახალი გემოების აღმოსაჩენად, საჩუქრების შესაძენად ან უბრალოდ, დასასვენებლად. ვიმუშავეთ არაერთ კოლაბორაციაზე ქართველ დიზაინერებთან და ხელოვანებთან, შევქმენით ლიმიტირებული სერიები, როგორიც იყო, მაგალითად, სააღდგომო პანეტონე, რომელიც შეიქმნა კონდიტერ ირაკლი კახიძესთან თანამშრომლობით და შეფუთული იყო მხატვარ თუთუ კილაძის ნამუშევრით „სააღდგომო ნადიმი“. ნახატი სპეციალურად ამ პროექტისთვის შეიქმნა და პანეტონს უნიკალური ხასიათი შესძინა”, — ამბობს ნატალი გურიელი.თანამშრომლობა საქართველოს ბანკთანიმისათვის, რომ უფრო მეტი მომხმარებლისთვის მიეწვდინათ ამბავი სააღდგომო შეთავაზების შესახებ, MAIZEN-მა საქართველოს ბანკის Ads მენეჯერის პლატფორმა გამოიყენა.„Ads მენეჯერი ძალიან ეფექტიანი ინსტრუმენტი აღმოჩნდა. მასთან მუშაობა დაგვეხმარა უფრო ზუსტად გაგვეწერა მიზნობრივი სეგმენტები და მაქსიმალურად გამოგვეყენებინა ჩვენი გაყიდვების პოტენციალი. შეგვიძლია ვთქვათ, რომ Ads მენეჯერის დახმარებით ნამდვილად მივაღწიეთ კარგ შედეგებს და ამას მომავალშიც აუცილებლად გავიმეორებთ”, — აღნიშნავს ნატალი.თუმცა, ეს არ არის ერთადერთი გადაკვეთის წერტილი საქართველოს ბანკთან. მაიზენი ყოველდღიურ საქმიანობაში ბანკის არაერთ პროდუქტს აქტიურად იყენებს.„საქართველოს ბანკთან თანამშრომლობა ჩვენი ბიზნესისთვის მნიშვნელოვანი ნაბიჯია. ვიყენებთ მის ციფრულ პროდუქტებს, ინტერნეტ ბანკსა და POS სისტემებს, რაც ჩვენი ოპერაციებისთვის აუცილებელია. საქართველოს ბანკთან პარტნიორობა გვაძლევს საშუალებას, გავზარდოთ ჩვენი შესაძლებლობები, განსაკუთრებით ახლა, როცა განვითარების ეტაპზე ვართ და ბევრი საინტერესო პროექტი გვაქვს განსახორციელებელი”.MAIZEN -ის ამბავი ჯერ მხოლოდ იწყება. როგორც დამფუძნებელი ამბობს, ახლო მომავალში ბევრი საინტერესო სიახლე იგეგმება. მათ შორის —როგორც ბარის, ისე შორუმის მიმართულების განვითარება. დამატებით კი სურთ, სივრცეს დიზაინერებისთვის, ხელოვანებისა და მატჩას მოყვარულებისთვის საკომუნიკაციო პლატფორმის დანიშნულება შესძინონ.„MAIZEN არ არის მხოლოდ მაღაზია ან ბარი, ეს არის სივრცე, რომელიც ადამიანებს აერთიანებს ახალი იდეებით და ცხოვრების წესით, რაც ჯანსაღ და ჰარმონიულ ცხოვრებას უწყობს ხელს. ჩვენი ისტორია მაჩვენებელია იმისა, როგორ შეიძლება ერთი მოგზაურობა გადაიქცეს გრძელვადიან და მასშტაბურ პროექტად, რომელმაც უკვე დაიკავა საკუთარი ადგილი ქალაქის ცხოვრებაში. ჩვენ მზად ვართ ახალი გამოწვევებისთვის და ძალიან გვიხარია, რომ საქართველოს ბანკთან ერთად ვაგრძელებთ ზრდასა და განვითარებას”, — ამბობს ნატალი გურიელი.თუ თქვენც გსურთ თქვენი პროდუქტის ან სერვისის შეთავაზება შექმნათ, ეწვიეთ ბმულს. Ads მენეჯერი რეგიონში უნიკალური პლატფორმაა, რომლის მეშვეობით ბიზნესს საკუთარი შეთავაზება (ფასდაკლება, PLUS ქულების დაგროვება ან ქეშბექი) შეუძლია შესთავაზოს საქართველოს ბანკის მომხმარებლებს. შეთავაზება ეშვება საქართველოს ბანკის მობილბანკში, Offers.bog.ge-ზე და sCoolApp-ში. მათ ჯამურად 1 500 000-ზე მეტი ადამიანი იყენებს.ცნობისთვის, პლატფორმაზე შესვლას შეძლებენ დირექტორები იმ მომხმარებლის სახელითა და პაროლით, რომელსაც ბიზნეს მობილბანკის ან ბიზნეს ინტერნეტბანკისთვის იყენებენ. ორგანიზაციის სხვა თანამშრომლებს კი შეთავაზების შექმნის უფლება უნდა მიანიჭოს დირექტორმა.

1747746740

გალტ & თაგარტმა, GTN-თან პარტნიორობით, უკვე შეძლო მომხმარებლებისთვის შეეთავაზებინა ინვესტირების გაუმჯობესებული გამოცდილება. სიახლე შეეხო G&T Trader–ის ონლაინ სავაჭრო პლატფორმას, რომელსაც ახალი ფუნქციონალები დაემატა. განახლებული G&T Trader-ის საშუალებით, კომპანიამ მომხმარებლებს მსოფლიოს მასშტაბით უფრო მეტ საფონდო ბირჟაზე კიდევ უფრო მრავალფეროვანი ინსტრუმენტებით ვაჭრობის შესაძლებლობა მისცა.თანამშრომლობის შედეგად, გალტ & თაგარტის ონლაინ საინვესტიციო პლატფორმაზე ხელმისაწვდომია:• აშშ-ის, ევროპის, აზიისა და ახლო აღმოსავლეთის უფრო მეტი საფონდო ბირჟა;• აქციები, ETF-ები, ფონდები, ობლიგაციები, CFD-ები, ოფციონები, FX და სხვა აქტივების კლასების დიდი არჩევანი;• 24-საათიანი ვაჭრობის შესაძლებლობა ამერიკულ აქციებსა და ETF-ებზე.• ალგორითმული დავალებების მრავალფეროვანი არჩევანი;• წილადობრივი აქციები, ETF-ები და ობლიგაციები.• ინტერფეისის ცვლილება საკუთარი საჭიროებებიდან გამომდინარე. • Trading View - გრაფიკების უკეთესი ანალიზისთვის და სხვა უპირატესობები.„მოხარული ვართ, რომ ვთანამშრომლობთ მსოფლიოს ერთ-ერთ წამყვან ფინანსურ-ტექნოლოგიურ ორგანიზაციასთან — GTN. ვაფასებთ მათ ინოვაციურობასა და მრავალწლიან გამოცდილებას საინვესტიციო ტექნოლოგიების განვითარებაში. მათი მხადარდაჭერით, ჩვენ მომხმარებლებისთვის ვავითარებთ საინვესტიციო პლატფორმას, სადაც მათ საკუთარი პორტფელის უფრო ეფექტიანად დივერსიფიცირების შესაძლებლობა აქვთ, იღებენ უფრო მეტად ინფორმირებულ და მონაცემებზე დაფუძნებულ გადაწყვეტილებებს, შედეგად, კიდევ უფრო უკეთ განკარგავენ საკუთარ აქტივებს. ჩვენ მადლობას ვუხდით GTN-ის გუნდს პარტნიორობისა და მხარდაჭერისთვის და იმედი გვაქვს, მომავალში, საერთო ძალებით, ინვესტირებით დაინტერესებულ ადამიანებს კიდევ არაერთ საინტერესო სიახლეს შევთავაზებთ“, — აცხადებს გიორგი კუპრაშვილი, გალტ & თაგარტის გენერალური დირექტორი.„GTN-ისთვის სასიხარულოა Galt and Taggart-თან, საქართველოში წამყვან საინვესტიციო ბანკთან პარტნიორობა. ჩვენი ერთობლივი სავაჭრო და საინვესტიციო ინსტრუმენტი შექმნილია ყველაზე პრესტიჟული ორგანიზაციებისთვის, რომლებიც ფართო სამომხმარებლო ბაზას ემსახურებიან. ჩვენი გაერთიანებული ძლიერი მხარეებით, მომავალ წლებში საქართველოს ბაზარზე მრავალი ინოვაციის დანერგვას ველით“, - განაცხადა დამიან ბანსმა, GTN-ის ახლო აღმოსავლეთის რეგიონის აღმასრულებელმა დირექტორმა.

1747741859

ვიცი, რომ...არიან მასწავლებლები, რომლებსაც ცოდნა აქვთ, მაგრამ ვერ გიზიარებენ;არსებობენ ისეთები, რომლებიც შენი ყურადღების მიპყრობას ახერხებენ - თვალებში ჭინკებს გიღვიძებენ;ცოტაა ისეთი, ვინ გაიძულებს, რომ იფრინო.მე გამიმართლა. მყავდა ერთი ასეთი. სახელად ნესტან, გვარად კუბლაშვილი.ის მასწავლიდა ქართულ ენას და ნელ-ნელა, წესების, კანონების, გამონაკლისებისა და ძალდატანების გარეშე მარწმუნებდა ქართული ენის ძალაში.ის მასწავლიდა ქართულ ლიტერატურას და აბზაცების დაზუთხვის, ციტატების ხაზგასმის გარეშე მაჩვენებდა, თუ რა დიდი ლიტერატურა შექმნილა ამ დიად ენაზე. გაზაფხულიდან, როცა ფანჯრებს გამოვაღებდით, ჩვენს საკლასო ოთახში მუშმულას ხეების სიმწვანე შემოიღვრებოდა ხოლმე.მუქი, ჭაობისფერი, იმდენად ძლიერი მწვანე, რომ ჰაერსაც კი მოჰყვებოდა მისი განცდა.[„ლამის სახლში შემოიჭრას თუთა, ლამის თავზე გადამისვას ხელი“] საცოდაობა იყო ასეთი დღეების უინტერესო გაკვეთილებში განიავება. არადა, ხშირად ნიავდებოდა.ნესტან კუბლაშვილის გაკვეთილებზე კი საკლასო ოთახში ნამდვილი გაზაფხული დგებოდა ხოლმე.თუმცა, ნესტანი მასწავლებლის გაკვეთილმა ჩემი ყურადღება პირველად ცივ ზამთარში მიიქცია. კლასის განაყოფი სხვა, პატარა ოთახში შევიბუზებოდით ხოლმე. ერთ მხარეს ხის ჩამოფხვავებული ფანჯრები იყო, რომელთა ღრიჭოებიდანაც ქარის ზუზუნთან ერთად სუსხიც შემოდიოდა; მეორე მხარეს მინის კი გამჭვირვალე ბლოკები, რაც საბავშვო პოლიკლინიკას უფრო ამსგავსებდა იქაურობას, ვიდრე სკოლას. შუაში კი ჩვენ ვიყავით მოქცეულები - 90-იანების თაობა, რომელიც გადარჩენას ცდილობდა. მაშინ გავდიოდით რეზო ინანიშვილის მოთხრობას „მირანდუხტ“.ხომ დიდი არაფერი? ესაა ტექსტი პატარა, მაგრამ ძალიან ძლიერ, გონიერ გოგონასა და ტყუილებში გამოცდილ გამყიდველ კაცზე. თუმცა არც მთლად ეგრე გამოდგა საქმე. ნება-ნება, ხაზებსა და ხაზებს შორის ნესტან კუბლაშვილი გვიშლიდა ამბავს იმის შესახებ, თუ როგორ შეიძლება ჭკუამ, წესიერებამ, სიმამაცემ და სიმშვიდემ მის წინაშე მდგომი ბეეევრად დიდი წინაღობები არათუ დაძლიოს, არამედ მოათვინიეროს კიდეც - მის მხარეს გადმოიყვანოს.ცოტა ხანში თითქოს აღარც ზუზუნის ხმა გვესმოდა, ერთმანეთსაც უკეთ ვათბობდით და გამჭვირვალე ბლოკებიც აღარ ირეკლავდა ზამთრის გამანადგურებელ სითეთრეს.ჰოდა დაიწყო და აღარც გაჩერებულა...სკოლის სწორედ ამ, ნესტან კუბლაშვილის სახელობის ნაპირებზე განვიცადე ლიტერატურის კითხვისგან მიღებული სიამოვნების განუმეორებლობა:რომ ხშირად, როცა გარშემო არსებული რეალობა სასტიკია, შეგიძლია გამოგონილ, გამრუდებულ რეალობას შეაფარო თავი (მაშინაც კი, თუკი იქ მეტად სასტიკი ამბები ხდება) და გადარჩე;რომ შეიძლება შეყვარებულს შორს წასვლა მხოლოდ იმიტომ სთხოვო, რომ მამამისს წყლის პირას მჯდომი მტირალი კაცის სევდის ამბავი აინტერესებს და მიხვდე, რომ ეს თხოვნაცა და განშორებისგან გამოწვეული მწუხარებაც საოცრად ლამაზია;რომ ქართველებს გვყავს რკინის კაცზე, ჰალკსა და თორზე არანაკლები ძალის მქონე სუპერგმირები და მათ ავთანდილი, ტარიელი და ფრიდონი ჰქვიათ;რომ ვაჟა-ფშაველა მწერალი და პოეტი კი არ არის, არამედ გალაქტიკური მასშტაბის მოაზროვნეა და თუკი მის ტექსტებს გულწრფელად მიჰყვები, ხომალდის გარეშეც გახვალ კოსმოსში;რომ ბარათაშვილის პოეზია უნდა გახდეს შენი რთული დღეეების მეგზური, რათა იქიდან გამოსაგნები გზები აღმოაჩინო;რომ არსებობს დავით კლდიაშვილი, რომლის მოთხრობებით შეგიძლია მიხვდე ტექსტში თითოეული სიტყვის გადამწყვეტ მნიშვნელობას და აღმოაჩინო, რომ სევდა იუმორის მთავარი სამკაულია;რომ „ორთაჭალამ ჩაიცვა თეთრი და შენც ჩაიცვი კაბა ყვავილის...“რომ, რომ, რომ... უთვალავი რომ.არა, ნესტან კუბლაშვილს მხოლოდ იმის გამო კი არ ვემადლიერები, რომ ლიტერატურის საოცარი სამყაროს კარი და მისი ძალა მიჩვენა. უფრო იმიტომ, რომ ის დღემდე თავისი პრინციპების ერთგულია და ილია ჭავჭავაძის ერთი პერსონაჟი ქალის არ იყოს, მტკიცედ დგას. დღემდე ადამიანის მხარესაა და მთავარი ეგ არის.ამ წერილის წერის დროს, ალბათ, ბევრი გრამატიკული შეცდომა დავუშვი და შეიძლება საყვედურით მომწეროს, რომელიც უთუოდ ასე დაიწყება: „დათუნა...“იქნებ ამიტომაც დავუშვი შეცდომები. იქნებ მასთან საუბარი მომენატრა...გამორჩეული მასწავლებლების გამოსავლენად, მასწავლებლების ჯილდოს პროექტი მეცხრე წელია მიმდინარეობს და მიზნად ისახავს ისეთი მასწავლებლების გამოვლენას, რომლებიც განათლების სფეროში ახალ სტანდარტებს ქმნიან.კონკურსში მონაწილეობა ნებისმიერ მოქმედ მასწავლებელს შეუძლია. ასევე, ნებისმიერ მსურველს აქვს შესაძლებლობა, მათთვის სასურველ მასწავლებელს გაუწიოს ნომინირება.მასწავლებლის ეროვნულ ჯილდოზე განაცხადების მიღება 23 აპრილიდან დაიწყო და 30 მაისამდე გაგრძელდება. რეგისტრაციის ფორმა და სხვა დეტალები შეგიძლიათ იხილოთ ამ ბმულზე: https://application.tprize.ge/

1747741542

ფორუმში მონაწილეობდა 180-ზე მეტი წარმომადგენელი სხვადასხვა საერთაშორისო საინვესტიციო ჯგუფიდან. მათ შორის იყვნენ საქართველოს უმსხვილესი კომპანიების პირველი პირები.ღონისძიებაზე სააგენტოს „აწარმოე საქართველოში“ დირექტორმა მიხეილ ხიდურელმა კერძო კაპიტალის ფონდის პრეზენტაცია გამართა.„საინვესტიციო ფონდების განვითარება ქვეყნის ეკონომიკური გაძლიერებისთვის ერთ-ერთი სტრატეგიული მიმართულებაა. ამჟამად ვმუშაობთ კერძო კაპიტალის ფონდების დასაფუძნებლად, რომელშიც სააგენტოს ლიმიტირებული პარტნიორის როლი მიენიჭება. მომდევნო 3 წლის განმავლობაში, სახელმწიფოს ხელშეწყობით და უშუალო მონაწილეობით ამოქმედდება კერძო კაპიტალის 3 საინვესტიციო ფონდი, რომელთა ჯამური მოცულობაც 200 მილიონ ლარამდე იქნება. აღნიშნული ინიციატივა  ხელს შეუწყობს მცირე და საშუალო ბიზნესებისთვის დაფინანსების ალტერნატიული მექანიზმების განვითარებას.“-განაცხადა მიხეილ ხიდურელმა.საქართველოს საინვესტიციო ფორუმი გახსნა პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა. ღონისძიებას ასევე ესწრებოდნენ მთავრობის მაღალი რანგის წარმომადგენლები, მათ შორის ფინანსთა მინისტრი ლაშა ხუციშვილი და ეროვნული ბანკის პრეზიდენტი ნათია თურნავა.

1747740923

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანია და იუსტიციის სახლის თავმჯდომარე ვახტანგ ჟვანია იუსტიციის სახლის ცენტრალურ ფილიალში ადგილზე გაეცნენ მელიორაციის სერვისების გაცემის პროცესს.იუსტიციის სახლის ნებისმიერი ფილიალის მეშვეობით მელიორაციის სექტორის მომხმარებლებს შეუძლიათ:- დარეგისტრირდნენ აბონენტად;- გამოითხოვონ პირადი ინფორმაცია ბრუნვის ისტორიიდან;- გადაამოწმონ დარიცხვა;- მოითხოვონ დავალიანების გადანაწილება;- მოითხოვონ მომარაგების ტექნიკური ხარისხისა და აღრიცხვის ხელსაწყოების ადგილზე შემოწმება;- მიაწოდონ „საქართველოს მელიორაციას“ მომარაგების ხშირი წყვეტის შემთხვევაში ინფორმაცია;- მოითხოვონ მომარაგების შეწყვეტა ან აღდგენა.სემეკი მელიორაციის სექტორის მომხმარებლებს განუმარტავს, რომ განაცხადზე რეაგირების გარეშე დატოვების ან/და მომსახურე კომპანიის მომსახურებით უკმაყოფილების შემთხვევაში, შეუძლიათ მიმართონ სემეკს იუსტიციის სახლის იმავე სივრციდან.სემეკისა და იუსტიციის სახლის ერთობლივი პროექტის მიზანია მელიორაციის მომსახურებების მიღების პროცესის გამარტივება. იუსტიციის სახლის 124 ფილიალსა და 20 მობილური იუსტიციის სახლში მომხმარებლებს შესაძლებლობა აქვთ, მარტივად და სწრაფად მიიღონ შესაბამისი სერვისები როგორც ქალაქებში, ისე სოფლებში - მათ შორის, „საქართველოს მელიორაციის“ კომპანიის საქმიანობის განხორციელების ზონებშიც.სემეკი უკვე მესამე წელია არეგულირებს მელიორაციის სექტორს. რეგულირების შედეგად, საირიგაციო წყლის მართვა გახდა გამჭვირვალე და პროგნოზირებადი, რაც ფერმერებს საშუალებას აძლევს, უფრო ეფექტურად დაგეგმონ თავიანთი საქმიანობა და თავიდან აიცილონ ის რისკები, რომლებიც წინა წლებში დაკავშირებული იყო წყლის უმიზნოდ, განუსაზღვრელი რაოდენობით მოხმარებასა და არასამართლიან განაწილებასთან. 

1747739686

„ელისოს“ დაარსების დღიდან, კინოპრემიის უცვლელი მხარდამჭერი და გენერალური სპონსორია თიბისი. პროექტის მთავარი პარტნიორები არიან: კოკა-კოლა და  სიტროენი. მხარდამჭერები - სარაჯიშვილი, რუმს ჰოტელი და ვაზისუბნის მამული.წელს, „ელისოს“ შთამბეჭდავი  ჟიური ჰყავს, გთავაზობთ მცირე ინფორმაციას:კარლოს რეიგადასი - მექსიკელი რეჟისორი/სცენარისტი/პროდიუსერი. კანის კინოფესტივალის სამი სხვადასხვა პრემიის ლაურეატი. 2025 წლის კანის კინოფესტივალის ჟიურის წევრი.აგნეშკა ჰოლანდი - პოლონელი რეჟისორი/სცენარისტი/პროდიუსერი. 2020–2024 წლებში ევროპის კინოაკადემიის პრეზიდენტი. ოსკარზე ნომინირებული რეჟისორი, ოქროს გლობუსის, ვერცხლის დათვისა და 2023 წელს, ვენეციის ჟიურის სპეციალური ჯილდოს მფლობელი.სალომე კიკალეიშვილი - კინოკრიტიკოსი/ჟურნალისტი. კინოკრიტიკოსთა საერთაშორისო ასოციაციის - ფიპრესის (FIPRESCI) წევრი. ევროპის კინოაკადემიის ჯილდოს - ევროპული აღმოჩენა ‘’Prix Fipresci’’ კომისიის წევრი.ელენე ნავერიანი - რეჟისორი/სცენარისტი. Swiss Film Awards-ისა და სარაევოს კინოფესტივალის საუკეთესო ფილმის ჯილდოს მფლობელი ფილმისთვის - „შაშვი შაშვი მაყვალი“. 2024 წლის „ელისოს“ საუკეთესო ფილმის ნომინაციის გამარჯვებული.ტომას ჰაკიმი - პროდიუსერი საფრანგეთიდან. 2024 წლის კანის კინოფესტივალის გრან-პრის მფლობელი ფილმის პროდიუსერი. 2025 წლის ბრიტანული კინოაკადემიის ჯილდოს ნომინანტი.ანგელიკი პაპულია - ბერძენი მსახიობი და თეატრის რეჟისორი. სარაევოს კინოფესტივალის საუკეთესო მსახიობის ჯილდოს მფლობელი.დიტო ცინცაძე - რეჟისორი/სცენარისტი. ლოკარნოს კინოფესტივალის ვერცხლის ლეოპარდის,  სან-სებასტიანის ოქროს ნიჟარის და თბილისის კინოფესტივალის ოქროს პრომეთეს არაერთგზის მფლობელი.შეგახსენებთ, რომ პრემია „ელისო“ ნატო ვაჩნაძის ფონდის პროექტია, რომლის მთავარი მიზანიც ხელოვნების, განსაკუთრებით კი, კინემატოგრაფის განვითარების ხელშეწყობაა.

1747737531