,,სარფსა" და ,,ფოთის" გაფორმების ეკონომიკურ ზონაში დიდი რაოდენობით საბრძოლო მასალა აღმოაჩინეს

მინისტრმა საწარმოს ინფრასტრუქტურა დაათვალიერა, კომპანიის წარმომადგენლებს შეხვდა და ხილ-ბოსტნეულის წარმოების, შენახვისა და გადამუშავების მიმართულებით არსებული შესაძლებლობები განიხილა.„საქართველოს სოფლის მეურნეობის მდგრადი განვითარებისთვის გადამმუშავებელი სექტორის გაძლიერებას განსაკუთრებული მნიშვნელობა აქვს. ჩვენი მიზანია, მხარი დავუჭიროთ ფერმერებს, რათა ქართულმა საწარმოებმა დანერგონ თანამედროვე ტექნოლოგიები წარმოებაში და ორიენტირებული გახდნენ მხოლოდ მაღალი ხარისხის, კონკურენტუნარიანი ქართული პროდუქტის წარმოებაზე. საქართველოში წარმოებული პროდუქცია უნდა ასოცირდებოდეს ხარისხთან და სანდოობასთან, რაც ქვეყნის ეკონომიკის გაძლიერებას შეუწყობს ხელს”, - განაცხადა დავით სონღულაშვილმა.შპს „თიემთი“ 2016 წლიდან სოფლის განვითარების სააგენტოს ბენეფიციარია. კომპანიის განვითარება სხვადასხვა სახელმწიფო პროგრამის ფარგლებში განხორციელდა და სააგენტოს თანადაფინანსების ჯამურმა რაოდენობამ 574 310 ლარი შეადგინა.2016 და 2019 წლებში კომპანიამ „შეღავათიანი აგროკრედიტის“ პროგრამის ფარგლებში საკონსერვო ქარხნის სარემონტო სამუშაოების მიმართულებით, ხოლო 2022 წელს, გადამმუშავებელი და შემნახველი საწარმოების თანადაფინანსების პროექტის ფარგლებში, ხილისა და ბოსტნეულის შემნახველი საწარმოს მშენებლობისთვის 488 038 ლარის თანადაფინანსება მიიღო.დღეს შპს „თიემთი“ წლიურად 1500-2000 ტონა ხილ-ბოსტნეულის გადამუშავებასა და შენახვას უზრუნველყოფს. წარმოებული პროდუქცია როგორც ადგილობრივ, ისე საექსპორტო ბაზრებზე რეალიზდება.საწარმოში მუდმივად 35 ადამიანია დასაქმებული, ხოლო სეზონური სამუშაოების პერიოდში დასაქმებულთა რაოდენობა 50-მდე იზრდება.შპს „თიემთიში” ასევე იმყოფებოდნენ გარემოს დაცვისა და სოფლის მეურნეობის მინისტრის მოადგილე ლაშა ავალიანი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები.

1784709355

Nasdaq Calypso-ს საზიარო პლატფორმა საქართველოს ეროვნული ბანკის მხარდაჭერითა და საქართველოს ფინანსური ბაზრების ხაზინების ასოციაციის ეგიდით ინერგება და უზრუნველყოფს საბანკო სექტორის შემდგომი ზრდის ხელშესაწყობად საჭირო საიმედო, საერთაშორისო დონის ინფრასტრუქტურას.ნათია თურნავას თქმით, საქართველოს სახაზინო ინფრასტრუქტურის მოდერნიზაცია საქართველოს ეროვნული ბანკის სტრატეგიული პრიორიტეტი და ქვეყნის ფინანსური სისტემის შემდგომი განვითარების მიმართულებით გადადგმული მნიშვნელოვანი ნაბიჯია.სებ-ის პრეზიდენტის განცხადებით, საქართველოს ეროვნული ბანკის მხარდაჭერით, საერთო პლატფორმა უზრუნველყოფს საბანკო სექტორის შემდგომი ზრდის ხელშესაწყობად საჭირო საიმედო, საერთაშორისო დონის ინფრასტრუქტურას.ქართული კომერციული ბანკები სახაზინო ინფრასტრუქტურის ტრანსფორმაციას ერთიან, საერთაშორისოდ აღიარებულ პლატფორმაზე - Nasdaq Calypso სისტემის მეშვეობით მოახდენენ.

1784709059

ქართული კომერციული ბანკები - „საქართველოს ბანკი“, „თიბისი ბანკი“, „ლიბერთი ბანკი“, „ტერაბანკი“ და „ბაზისბანკი“ - სახაზინო ინფრასტრუქტურის ტრანსფორმაციას ერთიან, საერთაშორისოდ აღიარებულ პლატფორმაზე - Nasdaq Calypso სისტემის მეშვეობით მოახდენს.Nasdaq Calypso-ს საზიარო პლატფორმა საქართველოს ეროვნული ბანკის მხარდაჭერითა და საქართველოს ფინანსური ბაზრების ხაზინების ასოციაციის ეგიდით ინერგება და უზრუნველყოფს საბანკო სექტორის შემდგომი ზრდის ხელშესაწყობად საჭირო საიმედო, საერთაშორისო დონის ინფრასტრუქტურას.აღნიშნული ინიციატივა „საქართველოს ფინანსური ბაზრების განვითარების პროგრამის“ (GMAP) ფარგლებში ხორციელდება და მას კოორდინაციას უწევს „საქართველოს ფინანსური ბაზრების ხაზინების ასოციაცია“ (GFMTA). ინიციატივა წარმოადგენს მნიშვნელოვან ეტაპს საქართველოს ფინანსური ბაზრების განვითარებისთვის.Nasdaq-თან პარტნიორობა წარმოადგენს საქართველოს კომერციული ბანკების ტრანსფორმაციის კიდევ ერთ მნიშვნელოვან ეტაპს და ხელს შეუწყობს მათ მსოფლიო საბანკო სისტემაში ინტეგრაციაში.Nasdaq-ის კაპიტალის ბაზრების ტექნოლოგიების მიმართულების ხელმძღვანელის მაგნუს ჰაგლინდის განცხადებით, Nasdaq-ის მასშტაბური მოდერნიზაციის პროგრამების მართვის გამოცდილებაზე დაყრდნობით, კომპანიები იღებენ წვდომას ღრმა ინსტიტუციურ ცოდნაზე და განვითარების შესაძლებლობაზე ისე რომ არ უწევთ სრული ხარჯების, რისკებისა თუ ოპერაციული სირთულეების დამოუკიდებლად აღება.„საქართველოს ფინანსური ბაზრების განვითარების პროგრამა“ (GMAP) წარმოადგენს ზუსტად ისეთ სტრუქტურირებულ, ქვეყნის დონის ჩარჩო-პროგრამას, რომელიც უზრუნველყოფს ამ მასშტაბის ტრანსფორმაციის წარმატებას. მოხარულები ვართ, რომ გვაქვს შესაძლებლობა მხარი დავუჭიროთ საქართველოს ეროვნულ ბანკს ამ ინიციატივაში და დავეხმაროთ საქართველოს საბანკო სექტორს ისეთი ინფრასტრუქტურის ჩამოყალიბებაში, რომელიც მას ესაჭიროება ზრდის შემდეგი ეტაპისთვის“, - აღნიშნა მაგნუს ჰაგლინდმა.

1784706351

მთავრობის მეთაური აღნიშნავს, რომ საუბარი შეეხო ქვეყნებს შორის მზარდ პარტნიორობას და ორმხრივი კავშირების გაღრმავების შესაძლებლობებს."საუბარი შეეხო ჩვენს ქვეყნებს შორის მზარდ პარტნიორობას.  შეხვედრისას  განსაკუთრებული აქცენტი გაკეთდა ინვესტიციებისა და ინოვაციების მიმართულებით აუთვისებელ პოტენციალზე და ორმხრივი კავშირების შემდგომი გაღრმავების შესაძლებლობებზე," - აღნიშნავს პრემიერ-მინისტრი.

1784705175

ტარიფთან, სუბსიდირებასთან და სარწყავ სეზონთან დაკავშირებული საკითხები კომპანიის წარმომადგენლებმა ამჯერად ახალციხის მუნიციპალიტეტის სოფლების: გიორგიწმინდას, ფერსისა და მუგარეთის მოსახლეობასთან ერთად განიხილესფერმერებს განემარტათ, რომ „საქართველოს მელიორაცია“ წყლის მიწოდებას წინასწარ შეთანხმებული და დამტკიცებული გრაფიკის შესაბამისად ახორციელებს. მორწყვის პერიოდს ფერმერები თავად ირჩევენ, ხოლო სარწყავი წყლის დადგენილ საფასურს მხოლოდ მომსახურების მიღების შემდეგ იხდიან.აღინიშნა ისიც, რომ პირველი მორწყვის ოპერაციის ღირებულება ერთწლოვანი კულტურების შემთხვევაში116.50 ლარია ჰექტარზე, მრავალწლოვანი კულტურების შემთხვევაში კი _ 102 ლარი. მეორე, მესამე და მეოთხე მორწყვის ღირებულება სრულად ფინანსდება სახელმწიფოს მიერ, ხოლო დამატებითი (მეხუთე და შემდგომი) მორწყვის მოთხოვნის შემთხვევაში, მომსახურების საფასურს მომხმარებელი მოქმედი ტარიფის მიხედვით გადაიხდის.მსგავსი შეხვედრები ფერმერების დროულ ინფორმირებას, მათთვის მნიშვნელოვან კითხვებზე პასუხების გაცემასა და პირდაპირი კომუნიკაციის გაძლიერებას ემსახურება.

1784705091

სგპ ,,სარფში" თურქეთის რესპუბლიკიდან შემოსული მგზავრის ხელბარგის დათვალიერების შედეგად, აღმოჩენილი იქნა 50 ცალი საბრძოლო ვაზნა, ხოლო ,,ფოთის" გაფორმების ეკონომიკურ ზონაში,  საერთაშორისო გადაზიდვების კონტეინერში განთავსებული ავტოსატრანსპორტო საშუალებების მიმართ, საბაჟო კონტროლის განხორციელებისას, საქართველოს მოქალაქის კუთვნილ ავტომობილში გამოვლენილი იქნა - 422 საბრძოლო ვაზნა, 2 პნევმატური სპორტული იარაღი, ასევე 2 000-ზე მეტი ტყვიის მასრა, 848 მასრის ჭურვი და ცეცხლსასროლი იარაღის ვაზნებისთვის განკუთვნილი 2,5 კილოგრამი დენთი.გამოძიებას აწარმოებს შინაგან საქმეთა სამინისტროს ცენტრალური კრიმინალური პოლიციის დეპარტამენტი.

1784703848