საქართველოს ეროვნული ბანკი "თვის მიმოხილვას" აქვეყნებს

მიმოხილვაში ქვეყნის საბანკო და საფინანსო სექტორებში არსებული მდგომარეობისა და მაკროეკონომიკური პარამეტრების დეტალურ ანალიზს გაეცნობით. გამოცემის მიზანია ფართო საზოგადოებას ქვეყნის მოკლევადიანი (ერთთვიანი) მაკროეკონომიკური ანალიზი ოპერატიულად მიაწოდოს. ანგარიშში წარმოდგენილი ანალიზი ამ ეტაპზე არსებულ უახლესს ინფორმაციას ეყრდნობა.ძირითადი ტენდენციებიინფლაცია იანვარში წლიურმა ინფლაციამ 4.8% შეადგინა, ხოლო დეკემბერთან შედარებით ფასების საერთო დონემ 1.2%-ით მოიმატა საბაზო ინფლაცია, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლების და სიგარეტის ფასებს გამორიცხავს, სტაბილურობას ინარჩუნებს. იანვარში საბაზო ინფლაციამ 2.1% შეადგინა მომსახურების ინფლაცია, რომელიც ადგილობრივის ძირითადი შემადგენელი ნაწილია, ინფლაციის სამიზნე მაჩვენებელს (3.0%) უტოლდება საბანკო სექტორი დეკემბერში, გაცვლითი კურსის ეფექტის გამორიცხვით, სესხების ზრდის ტემპი 0.2 პპ-ით გაიზარდა და წლიურმა მაჩვენებელმა 14.0% შეადგინა დეპოზიტების დოლარიზაცია დეკემბერში 0.2 პპ-ით შემცირდა და 47.7% შეადგინა დეკემბერში მთლიანი საკრედიტო პორტფელის დოლარიზაცია გაიზარდა 0.5 პპ-ით 42.4%-მდე საგარეო სექტორი იმპორტი - საქონლის იმპორტი წლიურად 8.8%-ით გაიზარდა 1.8 მლრდ აშშ დოლარამდე. დეკემბერში საქონლის იმპორტზე ზრდის მიმართულებით სამომხმარებლო და შუალედური მოხმარების პროდუქტები მოქმედებდა, თანაბარი 6.9-6.9 პპ წვლილებით ექსპორტი - ექსპორტი 22.5%-ით გაიზარდა და 673.2 მლნ აშშ დოლარს გაუტოლდა. დეკემბერში საქონლის რეგისტრირებული ექსპორტის წლიურად ზრდა ძირითადად განპირობებული იყო შუალედური (10.4 პპ კონტრიბუციით) და სამომხმარებლო (8.6 პპ კონტრიბუციით) საქონლის ექსპორტის ზრდით. ასევე გაზრდილია საინვესტიციო საქონელი (3.6 პპ კონტრიბუციით) დეკემბრის მდგომარეობით, წინა თვესთან შედარებით, ოფიციალური საერთაშორისო რეზერვები 342.6 მლნ აშშ დოლარით გაიზარდა, რეზერვების მთლიანმა მოცულობამ კი დაახლოებით 6.2 მლრდ აშშ დოლარს მიაღწია.  გამოცემის ნახვა შესაძლებელია ეროვნული ბანკის ოფიციალურ ვებგვერდზე "პუბლიკაციების" რუბრიკაში.

1770220958

როგორც ბაქოს ტელევიზია იტყობინება, ამ მასშტაბური ინიციატივის ფარგლებში, აზერბაიჯანის სახელმწიფო ნავთობკომპანიამ (SOCAR), ქვეყნის ეკონომიკის სტრატეგიულმა ინვესტორმა, მოსახლეობისთვის სპეციალური დახმარების ცენტრები განათავსა. კიევის რეგიონში SOCAR-ის შვილობილი კომპანიის, Energy Ukraine-ის, ბენზინგასამართ სადგურებზე შეიქმნა ზონები, სადაც დახმარების მიღება ნებისმიერ გაჭირვებულს შეუძლია."კიევისა და მიმდებარე რეგიონის მცხოვრებლები, რომლებიც დაღლილები არიან ელექტროენერგიის ხანგრძლივი გათიშვით და სახლებში გათბობის არარსებობით, აქ პოულობენ ნუგეშს. ეს ცენტრები უზრუნველყოფენ ელექტროენერგიის შეუფერხებელ წვდომას მოწყობილობების დასატენად, სითბოსა და მსუბუქი საკვებისთვის - ყველაფერი სრულიად უფასოდ. აღსანიშნავია, რომ კომპანია გეგმავს ამ პროექტის სწრაფად გაფართოებას უკრაინის სხვა რეგიონებში არსებულ ყველა ობიექტში მსგავსი ზონების გახსნით.ამ ადგილებმა სიმბოლური მეტსახელი „უძლეველობის წერტილები“ ​​დაიმსახურეს. ეს განსაკუთრებით აქტუალურია ახლა, როდესაც ქვეყნის ენერგოსისტემა დაძაბულია და ტემპერატურა კრიტიკულ დონემდე ეცემა. ბევრი ოჯახისთვის, განსაკუთრებით მათთვის, ვისაც შვილები და ხანდაზმული ნათესავები ჰყავთ, გათბობისა და ელექტროენერგიის ნაკლებობა ცხოვრებას აუტანელს ხდის. სწორედ ამიტომ, აზერბაიჯანის ინიციატივამ ასე დიდი გამოხმაურება ჰპოვა უკრაინელებში. კიევის მაცხოვრებლები, რომლებმაც განახლებული ბენზინგასამართი სადგურები მოინახულეს, ემოციებით არიან აღსავსე და ღრმა მადლიერებას გამოხატავენ აზერბაიჯანელი ხალხის მიმართ" , - აღნიშნულია რეპორტაჟში.„SOCAR-ის ეს ჰუმანიტარული ნაბიჯი ნამდვილი იმედის სხივი გახდა სიცივით დაავადებული ადამიანებისთვის. აქ ჩვენ შეგვიძლია კომფორტულ გარემოში ვჭამოთ და გავთბეთ. ეს ინიციატივა ნათლად აჩვენებს ჩვენს ქვეყნებსა და ხალხებს შორის ჩამოყალიბებული ურთიერთობების გულწრფელობასა და სიმტკიცეს“, - აღნიშნავს კიევის მკვიდრი ნადეჟდა მიხაილოვა.

1770214147

2026 წლის ზამთრის ოლიმპიური თამაშები სულ უფრო ახლოვდება - ტურნირს იტალიის ჩრდილოეთი ნაწილი, მილანი და კორტინა-დ'ამპეცო უმასპინძლებს. ლომბარდიის დედაქალაქისთვის ეს სადებიუტო ოლიმპიადა იქნება, კორტინა-დ’ამპეცოსთვის კი - ერთგვარი რეტროსპექტივა, რადგან მან ზამთრის თამაშებს ჯერ კიდევ შორეულ 1956 წელს უმასპინძლა.სწორედ 1956 წელს, კორტინა-დ'ამპეცოს ზამთრის ოლიმპიურ თამაშებზე, პირველმა ქართველმა მიიღო მონაწილეობა. კობა წაქაძე საბჭოთა კავშირის საუკეთესო ტრამპლინიდან მხტომელი გახლდათ. კარიერის განმავლობაში, “მფრინავ ტორპედოდ” წოდებულმა სპორტსმენმა ზამთრის ოთხ ოლიმპიადაზე იასპარეზა (1956, 1960, 1964, 1972) და მისი საუკეთესო შედეგი მე-9 ადგილი იყო. წაქაძე ხტომის ორიგინალური მანერით გამოირჩეოდა, რამაც ამერიკელი ნოველისტი და პოეტი ჯონ აპდაიკი იმდენად აღაფრთოვანა, რომ ქართველ სპორტსმენს ლექსიც კი მიუძღვნა (Tsokadze O Altitudo).დამოუკიდებელი საქართველო ოლიმპიურ თამაშებზეკობა წაქაძის შემდეგ, დამოუკიდებლობის მოპოვებამდე, საქართველოს ზამთრის ოლიმპიადებზე წარმომადგენელი აღარ ჰყოლია. პაუზა 1994 წელს, ლილეჰამერის თამაშებზე დასრულდა, სადაც საქართველო ოთხი სპორტსმენით წარსდგა. ეს იყო პირველი ზამთრის ოლიმპიადა, სადაც გახსნის ცერემონიალზე საქართველოს დროშა აღიმართა. აღსანიშნავია, რომ ოლიმპიურ დელეგაციაში კობა წაქაძის შვილი, კახა წაქაძეც ირიცხებოდა, რომელმაც ჯამში სამ ოლიმპიადაზე იასპარეზა.1998 წლის ნაგანოს ოლიმპიადაზე კი ისტორიული ფაქტი დაფიქსირდა: საქართველოს სახელით პირველმა ქალმა სპორტსმენმა, სოფიკო ახმეტელმა (სლალომი) იასპარეზა. ამავე თამაშებზე ქართული დელეგაციისთვის საუკეთესო შედეგი ზურაბ ჯიჯიშვილმა აჩვენა, რომელმაც ძალები სწრაფად აშვებასა და სლალომში მოსინჯა.ელენე გედევანიშვილი2002 წლის სოლტ ლეიკ სიტის ოლიმპიადაზე საქართველომ ფიგურულ ციგურაობაში პირველი წარმომადგენელი ვახტანგ მურვანიძის სახით წარადგინა, რომელმაც მე-17 ადგილი დაიკავა. მოგვიანებით, 2006 წელს მისი შედეგი 16 წლის ელენე გედევანიშვილმა გააუმჯობესა.ელენეს დებიუტი დიდებს შორის 2006 წლის ევროპის ჩემპიონატზე შედგა, სადაც მან მე-5 ადგილი მოიპოვა. იმავე წლის ტურინის ზამთრის ოლიმპიურ თამაშებზე, ელენემ მოკლე პროგრამაში ბრწყინვალედ იასპარეზა და მე-6 ადგილი დაიკავა, რაც ყველასთვის მოულოდნელი შედეგი იყო. თავისუფალ პროგრამაში ნერვიულობამ და გამოუცდელობამ თავისი გაიტანა, გედევანიშვილმა რამდენიმე შეცდომა დაუშვა და საბოლოოდ მე-10 ადგილზე გავიდა.2010 წლის ვანკუვერის ოლიმპიადას ელენე უკვე ევროპის ჩემპიონატის ბრინჯაოს პრიზიორის სტატუსით შეხვდა. მასზე დიდი იმედები მყარდებოდა. ერთი შეხედვით, ყველაფერი გეგმის მიხედვით მიდიოდა, თუმცა თავისუფალ პროგრამაში დაშვებული შეცდომა მას ქულების დაკარგვად დაუჯდა და საბოლოოდ, ელენემ მე-14 ადგილი დაიკავა.2014 წლის სოჭის ოლიმპიადა ელენეს მესამე და უკანასკნელი ოლიმპიადა იყო. ამ პერიოდში, სპორტსმენს უკვე ტრავმები აწუხებდა და ფორმის შენარჩუნება უჭირდა. შედეგად, გედევანიშვილმა მე-19 ადგილი დაიკავა, თუმცა განვლილი კარიერით დაამტკიცა, რომ საქართველოს სპორტის ამ სახეობაში მსოფლიო ელიტაში ყოფნა შეეძლო.ნოდარ ქუმარიტაშვილი2010 წლის ვანკუვერის ოლიმპიური თამაშების დაწყებამდე რამდენიმე საათით ადრე, ტრაგიკულად დაიღუპა 21 წლის ქართველი მოციგავე, ნოდარ ქუმარიტაშვილი. შემთხვევა მაშინ მოხდა, როდესაც ქუმარიტაშვილი უისტლერის საციგაო ცენტრში საკვალიფიკაციო ვარჯიშს გადიოდა. უისტლერის ტრასა იმ დროისთვის მსოფლიოში ყველაზე სწრაფ და საშიშ საციგაო გზად ითვლებოდა. სპორტსმენები იქ ისეთ სიჩქარეს ავითარებდნენ, რისთვისაც თავად ტრასა მზად არ იყო. ბოლო მოსახვევში ნოდარის ციგა ტრასის კიდეს შეეჯახა, ინერციამ კი სპორტსმენი გარეთ გაიტყორცნა. მისი გადარჩენა ვერ მოხერხდა.ქართულმა დელეგაციამ, მძიმე ტრაგედიის მიუხედავად, მიიღო გადაწყვეტილება, არ დაეტოვებინა ოლიმპიადა და ნოდარის ხსოვნის პატივსაცემად ეასპარეზა. გახსნის ცერემონიაზე საქართველოს ნაკრები შავი სამკლავურებითა და ნოდარის სურათიანი დროშით გამოვიდა, რასაც მაყურებელი ფეხზე წამოდგომითა და ოვაციებით შეხვდა.2018-2022 წლები2018 წლის პიონგჩანგის (სამხრეთ კორეა)თამაშებზე ქვეყანა ოთხი სპორტსმენით იყო წარმოდგენილი. საუკეთესო შედეგი (XXIV) დებიუტანტმა, მორის ყვითელაშვილმა დაიკავა, რომელმაც 4 წლის შემდეგ საკუთარი შედეგი საგრძნობლად გააუმჯობესა, მე-10 ადგილზე გადაინაცვლა და ელენე გედევანიშვილის მიღწევა გაიმეორა.​​2018 წელს თავის მეოთხე ოლიმპიურ თამაშებზე იასპარეზა ბაკურიანელმა სამთო მოთხილამურემ იასონ აბრამაშვილმა, რომლის ოლიმპიური დებიუტიც 2006 წელს ტურინში შედგა.2022 წლის პეკინის XXIV ზამთრის ოლიმპიადაზე საქართველომ სარეკორდო, 9 სპორტსმენით იყო წარმოდგენილი. ამასთანავე, განსაკუთრებული, სიმბოლური დატვირთვა ჰქონდა ოლიმპიურ ნაკრებში ნოდარ ქუმარიტაშვილის ახლო ნათესავის, ასევე მოციგავე საბა ქუმარიტაშვილის ყოფნას, რომელმაც ნოდარის ტრაგედიიდან 12 წლის შემდეგ ზამთრის ოლიმპიადაზე იასპარეზა.პეკინში ისტორიული შედეგი დააფიქსირა ლუკა ბერულავასა და კარინა საფინას წყვილმაც (მე-9 ადგილი).აღსანიშნავია, რომ პეკინის 2022 წლის ოლიმპიურ თამაშებზე პირველად მიიღო საქართველოს ფიგურული ციგურაობის ოლიმპიურმა ნაკრებმა მონაწილეობა გუნდურ შეჯიბრებაში, სადაც 10 საუკეთესო გუნდს შორის დაიკავა მე-6 ადგილი.ქართველი სპორტსმენები 2026 წლის ოლიმპიადაზეფიგურულ ციგურაობაში საქართველოს ისტორიული მაჩვენებელი აქვს - ბრწყინვალედ მოასპარეზე ჩვენმა სპორტსმენებმა ლიცენზიები ოთხივე დისციპლინაში მოიპოვეს, რაც იმას ნიშნავს, რომ საქართველო ოლიმპიურ თამაშებზე გუნდურ შეჯიბრებაშიც მიიღებს მონაწილეობას. ტურნირის მონაწილეები იქნებიან: ნიკა ეგაძე - ფიგურული ციგურაობა, ერთეულები | 10 და 13 თებერვალი; ანასტასია გუბანოვა - ფიგურული ციგურაობა, ერთეულები | 17 და 19 თებერვალი; ანასტასია მეტელკინა და ლუკა ბერულავა - ფიგურული ციგურაობა, სპორტული წყვილები | 15-16 თებერვალი; დიანა დევისი და გლებ სმოლკინი - ფიგურული ციგურაობა, სპორტული ცეკვები | 9 და 11 თებერვალი; საქართველოს ფიგურული ციგურაობის ნაკრები - გუნდური შეჯიბრება | 6-8 თებერვალი; ნინო წიკლაური - სამთო თხილამურობა | 15 და 18 თებერვალი; ლუკა ბუჩუკური - სამთო თხილამურობა | 14 და 16 თებერვალი. ნიკა ეგაძეაუცილებლად უნდა ვისაუბროთ ქართველი მოციგურავეების ბოლოდროინდელი წარმატების შესახებ: 2026 წლის იანვარში გამართულ ევროპის ჩემპიონატზე ნიკა ეგაძემ მოკლე და თავისუფალი პროგრამების (91.28 და 181.72 ქულა) ჩინებულად შესრულების შემდეგ, ყველა მეტოქე ჩამოიტოვა და 273 ქულით, ასპარეზობა ჩემპიონის ტიტულით დაასრულა. აღსანიშნავია, რომ ეგაძემ საქართველოს ისტორიაში პირველად მოუტანა ქვეყანას ევროპის ჩემპიონობა ვაჟთა თანრიგში და ამით, ოლიმპიური მედლისთვის ბრძოლის ამბიცია რეალობად აქცია.ანასტასია მეტელკინასა და ლუკა ბერულავაანასტასია მეტელკინასა და ლუკა ბერულავას წყვილმა შეფილდში გამართულ ევროპის ჩემპიონატზე ნამდვილი ფურორი მოახდინა. აღსანიშნავია, რომ ამ წყვილს წინა ჩემპიონატებზე უკვე ჰქონდა მოპოვებული ვერცხლისა და ბრინჯაოს მედლები. თავად სპორტსმენების განცხადებით, 2026 წლის ოლიმპიადაზე მათი სამიზნე მხოლოდ და მხოლოდ ოქროს მედალი იქნება.ანასტასია გუბანოვაევროპის ჩემპიონატი მოგებული აქვს ანასტასია გუბანოვასაც, რომელმაც 2023 წელს საქართველოს ისტორიული ოქროს მედალი მოუპოვა. მანამდე ევროპის ჩემპიონატი არცერთ სპორტსმენს საქართველოდან არ ჰქონდა მოგებული. 2026 წლის ევროპის ჩემპიონატზე ანასტასია გუბანოვამ თავისუფალ პროგრამაში შესანიშნავად იასპარეზა და მე-2 ადგილი დაიკავა, თუმცა პირველი დღის მნიშვნელოვანი ჩამორჩენის აღმოფხვრა (მოკლე პროგრამაში მე-11 ადგილი) ვეღარ შეძლო და საბოლოოდ ტურნირზე მე-5 პოზიციას დასჯერდა.დიანა დევისი და გლებ სმოლკინიწარმატებული იყო 2026 წლის ევროპის ჩემპიონატი დიანა დევისისა და გლებ სმოლკინის წყვილისთვისაც, რომლებმაც საერთო ჩათვლაში მეექვსე ადგილი დაიკავეს. თუმცა მათი წყვილი ამაზე არ ჩერდება: “შეგვიძლია კიდევ უფრო უკეთესად ვიასპარეზოთ”, - თქვა სმოლკინმა შეჯიბრების დასრულების შემდეგ.ნინო წიკლაურიგანსაკუთრებულ ყურადღებას იმსახურებენ ჩვენი სამთო მოთხილამურეებიც. ნინო წიკლაური, რომელიც საქართველოს ნაკრების ყველაზე გამოცდილი წევრია - 2026 წლის მილანი-კორტინას თამაშები მისთვის მეხუთე ოლიმპიადა იქნება, რაც უპრეცედენტო მაჩვენებელია ქართული ზამთრის სპორტის ისტორიაში.ლუკა ბუჩუკურიწიკლაურთან ერთად იასპარეზებს ლუკა ბუჩუკური, რომელიც სამთო მოთხილამურეების შედარებით ახალ თაობას წარმოადგენს. ლუკამ დუბაისა და თურქეთში გამართულ ტურნირებზე წარმატებით იასპარეზა, სადაც, შესაბამისად, მე-4 და მე-7 ადგილები დაიკავა. ამ შედეგებმა მისცა მას საშუალება, დაეგროვებინა საჭირო სარეიტინგო ქულები და ოლიმპიადაზე მონაწილეობის უფლება მოეპოვებინა.წინ ისტორიული თამაშებია. 70 წლის შემდეგ, ქართული ზამთრის სპორტი ისევ ბრუნდება კორტინა-დ'ამპეცოსა და მილანის თოვლიან ტრასებზე და არენებზე, თუმცა ამჯერად, გაცილებით დიდი ამბიციით, რადგან ზამთრის ოლიმპიური მედლების რეალური მოლოდინი გვაქვს. აქვე აუცილებლად უნდა აღინიშნოს, რომ ევროპის ჩემპიონატისგან განსხვავებით, ფიგურულ ციგურაობაში ოლიმპიურ თამაშებზე გაცილებით მეტი კონკურენციაა - აზიისა და ამერიკის კონტინენტიდან ტურნირს ერთ-ერთი საუკეთესო მოციგურავეები შემოუერთდებიან. ამის მიუხედავად, პირველ ქართულ მედალზე ფიქრი აბსოლუტურად რეალისტურია. ასე რომ, ერთად ვუგულშემატკივროთ ჩვენს სპორტსმენებს, რათა 2026 წელი ქართული ზამთრის სპორტისთვის ახალი ეპოქის დასაწყისად იქცეს.ერთად ვუგულშემატკივროთ ქართველს სპორტსმენებს. საქართველოს ბანკი საქართველოს ოლიმპიური ნაკრების მთავარი სპონსორია.

1770213600

ამის შესახებ Reuters-ი აშშ-ის სენატორ ჩაკ გრასლიზე დაყრდნობით წერს (რესპუბლიკელი, აიოვა).პოლიტიკოსის თქმით, გამოძიების შედეგად გამოვლინდა ნაცისტური გერმანიის სტრუქტურების - საგარეო საქმეთა სამინისტროს, იარაღის კომპანიისა და წითელი ჯვრის კუთვნილი აქამდე უცნობი სამხედრო ანგარიშები. გარდა ამისა, დადგინდა, რომ სს-ის ეკონომიკურ განყოფილებას, ნაციონალ-სოციალისტური გერმანიის მუშათა პარტიის პარამილიტარულ განყოფილებას, ასევე ჰქონდა ანგარიში ამ ბანკში. გრასლიმ დასძინა, რომ აშშ-ს აქვს ახალი დეტალები იმ სქემის შესახებ, რომელმაც ნაცისტებს არგენტინაში გაქცევაში დაეხმარა.შვეიცარიული ბანკები დიდი ხანია კრიტიკის ობიექტია ნაცისტებთან წარსული კავშირების დამალვის გამო. 1999 წელს ქვეყნის ორმა უმსხვილესმა ბანკმა, UBS-მა და Credit Suisse-მა, ჰოლოკოსტის გადარჩენილთა მიერ შეტანილი სარჩელების 1.25 მილიარდი დოლარის ოდენობის შეთანხმებას მიაღწიეს.2020 წლის მარტში, Credit Suisse-მა ნებაყოფლობით გამოძიებაზე დათანხმდა ებრაელი აქტივისტების ბრალდებების შემდეგ, რომ ბანკს ნაცისტური ანგარიშები ჰქონდა, თუმცა, აშშ-ის სენატის ბიუჯეტის კომიტეტის თქმით, მან თავისი ვალდებულებები არ შეასრულა. სენატის ცნობით, Credit Suisse-ს მინიმუმ 99 პირის ანგარიშები ჰქონდა, რომელთა ინფორმაცია აქამდე არ იყო საჯარო. როგორც ამბობენ, ეს პირები გერმანიაში ნაცისტი მაღალჩინოსნები ან არგენტინაში ნაცისტებთან დაკავშირებული ჯგუფების წევრები იყვნენ.2023 წელს UBS-მა შეიძინა Credit Suisse და გამოძიების ხელახლა დაწყების ვალდებულება აიღო. 2025 წელს UBS-ის წარმომადგენლებმა განაცხადეს, რომ ისინი თანამშრომლობდნენ აშშ-ის ყოფილ პროკურორ ნილ ბაროფსკისთან, რათა ნათელი მოეფინათ ნაცისტებთან დაკავშირებულ ანგარიშებზე.მსოფლიო ებრაული კონგრესის ხელმძღვანელის, რონალდ ლოდერის შეფასებით, ახალი ანგარიშსწორების მოცულობამ შესაძლოა 10 მილიარდ დოლარს მიაღწიოს.

1770204544

ამის შესახებ Fox News-მა განაცხადა.„ამ მოწყობილობებს შეუძლიათ მონაცემთა გაჟონვის ან მავნე პროგრამების ინიცირება, ასევე მომხმარებლის მგრძნობიარე მონაცემებზე წვდომა და მათი შეგროვება. ჩინეთის ინდუსტრიასა და სამთავრობო სადაზვერვო სააგენტოებს შორის მჭიდრო ურთიერთობის გათვალისწინებით, ამ მოწყობილობების გამოყენება სერიოზულ შეშფოთებას იწვევს“, - ციტირებს არხი რესპუბლიკელების წერილიდან ამონარიდს.სენატორებმა აღნიშნეს, რომ ე.წ. „ჭკვიან“ ვაიპებს შეუძლიათ მობილურ ტელეფონებთან დაკავშირება და მომხმარებლის მონაცემების შეგროვება.2025 წელს აშშ-ის იუსტიციის დეპარტამენტმა ჩინეთიდან დაახლოებით 90 მილიონი დოლარის ღირებულების ვაიპინგის პროდუქტების ჩამორთმევის შესახებ განაცხადა.

1770203981

მისივე თქმით, ხელისუფლებამ და ბიზნესმა ერთად უნდა გამონახოს ფასების შემცირების გზები.„ხელისუფლება და ბიზნესი ერთად უნდა დავსხდეთ, რომ გამოვძებნოთ ფასების შემცირების გზები და ვფიქრობ, რომ ეს მიღწევადია. ჩვენ გვაქვს დაანონსებული პროცესი, რომელიც, მაქსიმუმ, აპრილის ბოლომდე გაგრძელდება, თუმცა მანამდეც უნდა იყოს შესაძლებელი ფასების შემცირება. გავაგრძელებთ კონსულტაციებს ბიზნესთან ამ მიზნის მისაღწევად,“ - განაცხადა მთავრობის მეთაურმა.

1770203303