დედოფლისწყაროს სოფელ წითელწყაროში მდებარე მზესუმზირას ზეთის ქარხანას იყიდება. ის კომპანია „არის“ ეკუთვნის.
საწარმო გასასხვისებლად eauction.ge-ზე უკვე გამოტანილია და მისი საწყისი ღირებულება 1 790 000 ლარს შეადგენს.
როგორც ლოტის აღწერაში წერია, იყიდება არასასოფლო სამეურნეო მიწა 27 000 კვ.მ და მასზე განთავსებული: 7200 კვ.მ საწარმოო შენობა, საიდანაც 900 კვ.მ საწარმოო ფართია, 3600 კვ.მ და 2700 კვ.მ2 - სასაწყობო შენობა; 266 კვ.მ2 II სართულიანი ადმინისტრაციული კაპიტალური შენობა. საწარმოო შენობაში განთავსებულია მზესუმზირასი რაფინირებული ზეთის წარმოებისთვის ყველა საჭირო დანადგარი, დღეში 5 ტონა წარმადობით. ფასი არ მოიცავს დღგ-ს.
ობიექტის გასხვისება 20 ნოემბერს ჩანიშნულ აუქციონზე არის დაგეგმილი.
შპს „არი“-ს 100%-ს შეზღუდული პასუხისმგებლობის საზოგადოება საქართველოს მცენარეული ზეთების კომპანია „ქარვა“ ფლობს. ამ კომპანიას ორი მეწილე ჰყავს ავთანდილ გოროზია - 50% გელა არჯაკელი - 50%.
ზეთის მწარმოებელი ქარხანა, 2005 წლიდან „ქარვას“ ბრენდის სახელით ოპერირებდა.
