"სელფის" 5G მომსახურება რეგიონებში ხელმისაწვდომი წელიწად-ნახევარში გახდება - CBS ჯგუფი

ენერგეტიკის სასწავლო ცენტრში მიმდინარე ვიშეგრადის პროექტის ფარგლებში რ...

სახელმძღვანელოში მოცემულია შესაბამისი განმარტებები კომუნალური მომსახურების შესახებ ხშირად დასმულ კითხვებზე, ამასთანავე დოკუმენტი წარმოადგენს რეგულირების საკითხების სიღრმისეულ ანალიზს, მასში ასახულია განმარტებები სხვადასხვა აქტუალურ საკითხსა და უახლესი რეგულირების ტენდენციებზე.2024 წლის თებერვლიდან ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებული ენერგეტიკის სასწავლო ცენტრის მიერ ხორციელდება პროექტი სახელწოდებით: „ვიშეგრადის ქვეყნების გამოცდილების გაზიარება კომუნალური მომსახურების რეგულირების შესახებ“. პროექტის პარტნიორები არიან: სლოვაკეთის საგარეო პოლიტიკის ასოციაციის კვლევითი ცენტრი (RC SFPA) (სლოვაკეთი), კარლის უნივერსიტეტის გარემოსდაცვითი ცენტრი (ჩეხეთი), ფონდი "პარტნიორები კლიმატისთვის" (P4C) (პოლონეთი).პროექტის მიზანია პოლონეთის, ჩეხეთისა და სლოვაკეთის გამოცდილების გაზიარება საქართველოსთვის კომუნალური მომსახურების რეგულირების საკითხებში. მარეგულირებელი ბაზის შესწავლა, ანალიზი და მიღებული შედეგების საფუძველზე, ვიშეგრადის ქვეყნების საუკეთესო პრაქტიკის გათვალისწინებით, პროექტის ადგილობრივი მონაწილეების შესაძლებლობების განვითარების ხელშეწყობა.

დეკემბერში მესტიამ იმდენივე ელექტროენერგია მოიხმარა, რაც 17-მა მუნიციპ...

შეგახსენებთ, რომ მესტიაში ბოლო წლების განმავლობაში ელექტროენერგიის მოხმარების ზრდასთან დაკავშირებით განცხადებებს როგორც სერვისის მიმწოდებელი კომპანია, ასევე ადგილობრივი მუნიციპალიტეტი და სემეკიც აკეთებდა. სემეკში ამბობდნენ, რომ „უკანონო მაინინგის ქსელზე მიერთების და მათ მიერ გაზრდილი დატვირთვიდან გამომდინარე ქსელის მდგომარეობა კრიტიკულია“.უკანონო მაინინგზე უკვე წლებია საუბრობს ადგილობრივი ბიზნესიც. საოჯახო სასტუმროებში ამბობენ, რომ აცივებასთან ერთად მესტიაში დენის მიწოდების პრობლემა იქმნება, რადგან მაინერების მუშაობა და მოსახლეობის მხრიდან მოხმარების ზრდა ქსელის დატვირთვას ზრდის.ქსელი რომ დატვირთულია და მოხმარება რომ იზრდება, ამაზე მიუთითებს „ენერგო-პროს ჯორჯიას“ მიერ „ბიზნესპრესნიუსისთვის“ მოწოდებული ინფორმაციაც.„ენერგო-პრო ჯორჯიას“ მესტის მომსახურების ცენტრის აბონენტებმა, 2024 წლის დეკემბერში მოიხმარეს იმდენივე ელექტროენერგია, რაც კომპანიის სხვა, ჩვიდმეტმა მომსახურების ცენტრმა ერთად, იმავე პერიოდში.ყაზბეგის, ონის, ამბროლაურის, თიანეთის, ხულოს, დმანისის, ჩოხატაურის, ჩხოროწყუს, ხარაგაულის, ვანის, აბაშის და დედოფლისწყაროს, ცაგერი-ლენტეხის, ქედა-შუახევის, თეთრიწყაროს, წალკის და ბაღდათის მომსახურების ცენტრების სამყოფი ელექტროენერგია, მხოლოდ ერთმა მესტიამ მოიხმარა“, - ამის შესახებ „ბიზნესპრესნიუსს“ „ენერგო-პრო ჯორჯიაში“ განუცხადეს.მესტიის ელექტროენერგიის მოხმარება წლების მიხედვით კი ასე გამოიყურება: (წყარო - „ენერგო-პრო ჯორჯია“) 2012 წელი - 37,199,070 კვტ.სთ; 2013 წელი - 39,411,787 კვტ.სთ; 2014 წელი - 44,006,849 კვტ.სთ; 2015 წელი - 47,072,131 კვტ.სთ; 2016 წელი - 53,153,799 კვტ.სთ; 2017 წელი - 59,311,54 კვტ.სთ; 2018 წელი - 64,832,376 კვტ.სთ; 2019 წელი - 98,177,40 კვტ.სთ; 2020 წელი - 91,117,245 კვტ.სთ; 2021 წელი - 101,568,155 კვტ.სთ; 2022 წელი - 121,739,191 კვტ.სთ; 2023 წელი - 120,275,154 კვტ.სთ 2024 წელი – 124,692,913 კვტ.სთ როგორც ცნობილია, მესტიაში მოსახლეობისთვის ელექტროენერგია უფასოა, გადასახადს მხოლოდ რეგისტრირებული სამეწარმეო ობიექტები იხდიან.BPN.GE

რუსეთიდან ბენზინის შემოტანა სრულად აღდგა - იმპორტიორები ერთადერთ პრობლ...

ახალი წლის დღეებში საერთაშორისო ბაზარზე ნედლი ნავთობი გაძვირდა. ფასის მატება განსაკუთრებით დიდი არ არის და როგორც ითქვა, ეს ამბავი საახალწლო სამზადისს და გადააადგილებს უკავშირდებოდა. სამომავლოდ კი ნავთობის ფასის სტაბილიზაცია და გაიაფებაა მოსალოდნელი, რაც დონალდ ტრამპის განცხადებიდან გამომდინარეობს. საინტერესოა, ამ მოვლენების პარალელურად რას უნდა ველოდოთ საქართველოში, სადაც ბოლო პერიოდში ლარის კურსი მერყევია.დღეისათვის, საერთაშორისო ბაზარზე 1 ბარელი "ბრენტის" ტიპის საწვავის ღირებულება 79 დოლარს შეადგენს, რაც ბოლო ერთი თვის განმავლობაში 8%-იან გაძვირებას ნიშნავს. გლობალურ ბაზარზე რაიმე განსაკუთრებული არ ხდება. ნავთობპროდუქტების გაძვირება კი ახალი წლის პერიოდთან არის დაკავშირებული, ამიტომ ითქვა, რომ მდგომარეობა ნელ-ნელა დასტაბილურდება.სწორედ სადღესასწაულო დღეებს უკავშირებს ნავთობის გაძვირებას ანალიტიკოსი პაატა ბაირახტარი და თან ფიქრობს, რომ ახლა გაიაფების მოლოდინია შექმნილი.„ახალი წლის დღეებში გლობალურ ბაზარზე ფასების ცვალებადობა უკავშირდება იმ წინასაახალწლო გადაადგილებებს, რომელიც ტრადიციულად არის ხოლმე, განსაკუთრებით დასავლეთის ქვეყნებში. როგორც წესი, ამ დროს, უფრო მაღალია ნავთობპროდუქტებზე მოთხოვნა, რაც საერთაშორისო ბირჟებზე ასე თუ ისე აისახება. ეს ერთგვარი ტრადიციიული მოვლენაა, არაფერია განსაკუთრებული. შესაბამისად, ეს იყო ნავთობის ფასის მერყეობის მთავარი ფაქტორი.დღეის მდგომარეობით გლობალურ ბირჟებზე ნედლი ნავთობის ღირებულებას თვალს თუ გადავავლებთ, რაიმე არსებითი ცვლილება არ არის, თუმცა ტრამპის ბოლო განცხადების შემდეგ, რომლის მიხედვითაც მან დააანონსა, რომ ამერიკა გაზრდის ნავთობის მოპოვებასა და მიწოდებას მსოფლიო ბაზარზე, უნდა ველოდოთ, რომ ეს ფასების მიმართულებით დადებითად აისახება. ვგულისხმობ პოზიტიურ სიტუაციას, ფასები წავა შემცირების მიმართულებით გლობალურ ბაზარზე. აქედან გამომდინარე, მოლოდინი არის ღირებულების შემცირების კუთხით", - განუცხადა „რეზონანსს" პაატა ბაირახტარმა.რაც შეეხება საქართველოს, ბოლო პერიოდში საწვავის ღირებულება სტაბილურია, თუმცა მერყევია ლარის კურსი. ეროვნული ვალუტა კი საწვავის ფასწარმოქმნაში დიდ როლს თამაშობს, ამიტომ, როგორც ბაირახტარმა განაცხადა, თუ ლარის გაუფასურება გაგრძელდება, საწვავი ალბათ გაძვირდება.„რაც შეეხება ადგილობრივ ბაზარს, ფასების ცვალებადობის კუთხით, გლობალურ ტენდენციებზე უფრო მნიშვნელოვნად მიმაჩნია ბოლო ორ კვირაში ეროვნული ვალუტის გარკვეული ტურბულონტობა. "ბლუმბერგის" სავაჭრო პლატფორმაზე ლარის ნომინალური ღირებულება 2.86-ს გასცდა. თუ ეს ტენდენცია გაგრძელდა, უახლოეს პერიოდში შესაძლებელია ადგილობრივ ბაზარზე საწვავის ფასების ცვლილება მივიღოთ.ახლა რუსეთიდან კი შემოდის საწვავი, თუმცა ეს გადაზღვევა ვერ იქნება, თუ კურსი გარკვეულ დიაპაზონში არ დასტაბილურდა. რუსეთის მიმართულება გახსნილია და დღესდღეობით ჩრდილოეთიდან ყველა ტიპის საწვავი შემოდის", - განუცხადა „რეზონანსს"ბაირახტარმა.დღეისთვის, საბითუმო ბაზარზე 1 ლიტრი დიზელის ღირებულება 2.55 ლარს შეადგენს, ბენზინისა კი - 2.37-2.38 ლარს. ამ მხრივ ვითარება სრულიად დამაკმაყოფილებელია, მაგრამ გაცვლითი კურსის ფაქტორზე გაამახვილა ყურადღება კომპანია „სენტა პეტროლიუმის" დამფუძნებელმა ზაალ იაკობიძემაც და აღნიშნა, რომ ლარის გაუფასურება, როგორც წესი, საწვავის გაძვირების საფუძველია.„საქართველოს ბაზარზე ნაკლებად აისახა საერთაშორისო ბირჟებზე ნავთობის გაძვირება. დღეის მდგომარეობით, საბითუმო ბაზარზე დიზელი 2.55 ლარი ღირს, ხოლო ბენზინი - 2.37-2.38 ლარი. დაახლოებით იგივე მოცემულობა იყო გასული წლის ბოლოს.მიმდინარე პერიოდში, რუსეთიდან საწვავის შესყიდვა ჩვეულებრივ გრძელდება. ამ მხრივ იმპორტი უპრობლემოდ ხორციელდება.რაც შეეხება ლარის გაცვლით კურსს, იგი ყოველთვის მნიშვნელოვანი კომპონენტია საწვავის ფასწარმოქმნაში. ამიტომ ეროვნული ვალუტის გაუფასურება ყოველთვის აისახება საბოლოო ღირებულებაზე. საჭიროა ლარი დასტაბილურდეს, რომ ბაზარზე არსებული ვითარება შევინარჩუნოთ",  - განუცხადა „რეზონანსს" ზაალ იაკობიძემ.ბოლო პერიოდში მცირე ავტოგასამართ სადგურებზე ბენზინი გაიაფდა. 1 ლიტრი საწვავის საცალო ღირებულებამ დააახლოებით 10 თეთრით დაიკლო. ბრენდირებულ სადგურებში კი ფასი შენარჩუნებულია და ცვლილება არ მომხდარა.წყარო: resonancedaily.com

არაღიარებული დნესტრისპირეთი მოლდოვიდან ბუნებრივი აირის მიწოდებას დათან...

მოლდოვის პრეზიდენტის, მაია სანდუსადმი მიმართვაში კრასნოსელსკიმ განაცხადა, რომ „ტირასპოლტრანსგაზმა“ ამის შესახებ მოლდოველ მიმწოდებელს ოფიციალური წერილით 18 იანვარს აცნობა.დნესტრისპირეთის ლიდერმა კიშინეუს მოუწოდა, შეასრულოს დაპირებები და უმოკლეს ვადებში განსაზღვროს შეთანხმების მექანიზმი. კრასნოსელსკიმ ასევე ხაზი გაუსვა, რომ გაზის საფასურის გადახდის გარანტიას იძლევა.„გთხოვთ, უარი თქვათ საკითხის პოლიტიზებაზე და გახსოვდეთ ხალხი. პირობების შესასრულებლად საჭიროა ამ პირობების ცოდნა“, – ამბობს კრასნოსელსკი.მაია სანდუმ კრასნოსელსკი მიმართვაზე კომენტარი უკვე გააკეთა. სანდუმ აღნიშნა, რომ მოლდოვის სახელმწიფო დაწესებულებებმა თავდაპირველად უნდა შეისწავლონ, რომელი კომპანიის მეშვეობით სურს დნესტრისპირეთს გაზის შესყიდვა და მოლდოვის საზღვრამდე მიწოდება.„რამდენადაც მესმის, გადაწყვეტილება, რომელიც მათ დღეს დილით აღწერეს, არ გულისხმობს გაზის შესყიდვას „მოლდოვაგაზის“ მეშვეობით. უფრო მეტად, ეს ეხება იმ გაზის ტრანსპორტირებას, რომელსაც სხვა ყიდულობს და ჩვენს საზღვრამდე მოაქვს. სახელმწიფო დაწესებულებები განიხილავენ, თუ რომელი კომპანიები არიან ჩართულნი. მნიშვნელოვანია, რომ ეს შუამავლები არ იყვნენ იმ კომპანიების სიაში, რომელთა წინააღმდეგაც საერთაშორისო სანქციებია დაწესებული“, – აღნიშნა მოლდოვის პრეზიდენტმა.მოლდოვის რეინტეგრაციის ბიუროში აცხადებენ, რომ უკვე დაიწყეს „ტირასპოლტრანსგაზის“ მოთხოვნის ანალიზი და არ გამორიცხავენ ბუნებრივი აირის მიწოდების აღდგენას, თუ ტრანზიტის გარიგება შეესაბამება მოლდოვის კანონმდებლობას.დნესტრისპირეთის მოსახლეობა, რომელიც დაახლოებით 400 ათას ადამიანს შეადგენს, თითქმის სამი კვირის განმავლობაში ბუნებრივი აირის გარეშეა დარჩენილი.2025 წლის 1 იანვრამდე დნესტრისპირეთი რუსეთიდან იღებდა გაზს უკრაინის ტერიტორიაზე გამავალი მილსადენით. წლის დასაწყისში, მოსკოვსა და კიევს შორის გაზის ტრანზიტის შეთანხმების ვადის გასვლის შემდეგ რუსულმა „გაზპრომმა“ შეწყვიტა გაზის მიწოდება და უარი თქვა დნესტრისპირეთისთვის ალტერნატიული მარშრუტით ბუნებრივი აირის მიწოდებაზე.არაღიარებული რესპუბლიკის მეთაური კრასნოსელსკი მოსკოვში ვიზიტით გაემგზავრა. ამის შემდეგ მან განაცხადა, რომ გაზის მიწოდება განახლდება ჰუმანიტარული დახმარების ფარგლებში. გაზეთი „კომერსანტი“ წყაროებზე დაყრდნობით იტყობინება, რომ, გეგმის თანახმად, დნესტრისპირეთი გაზს მიიღებს ევროპულ ბაზარზე შესყიდვის გზით შუამავალი კომპანიის, Natural Gaz D.C.-ის დახმარებით, ხოლო ხარჯებს რუსეთის ფედერაციის ბიუჯეტი გაიღებს.კომპანია „მოლდოვაგაზმა“, თავის მხრივ, განაცხადა, რომ, „მოლდოვაგაზის“ გარდა, სხვას არავის შეუძლია დნესტრისპირეთის რეგიონში გაზის მიწოდება.ამავდროულად, მოლდოვის პრეზიდენტმა, მაია სანდუმ აღნიშნა, რომ კიშინეუ არ აპირებს, ხელი შეუშალოს ტირასპოლის ქმედებებს, რომლებიც მიმართულია რეგიონის ენერგეტიკული კრიზისიდან გამოყვანისკენ.წყარო: 1tv.ge

ილჰამ ალიევი: საქართველოში ტრანზიტის წყალობით, აზერბაიჯანული ბუნებრივი...

ილჰამ ალიევის თქმით, ეს ორივე ქვეყნის ინტერესებსა და მთელს რეგიონს ემსახურება.„განსაკუთრებული მნიშვნელობის არის ის პროექტები, რომლებსაც ერთობლივად ვახორციელებთ ნავთობის და ბუნებრივი აირის მიმართულებით. ეს ყველაფერი უზრუნველყოფს ენერგოუსაფრთხოებას ბევრი ქვეყნისთვის. მინდა ასევე აღვნიშნო, რომ საქართველოში ტრანზიტის წყალობით აზერბაიჯანული ბუნებრივი აირი 11 ქვეყანას მიეწოდება, ექსპორტი მზარდია, 25 მლრდ კუბური მეტრი იყო გასულ წელს მისი მოცულობა და 10% ექსპორტიდან საქართველოს წილია.იმ ინფორმაციის საფუძველზე, რომელიც მივიღე საქართველოში ბუნებრივი აირის მოხმარებაზე, 80% ამ აირიდან აზერბაიჯანიდან მოდის. ეს არის ნამდვილად აღსანიშნავი ფაქტი და განსაკუთრებული პროექტი. ეტაპობრივად, გეოგრაფია ჩვენი ბუნებრივი აირის ექსპორტის გაიზრდება, გაფართოვდება, როდესაც ახალი საბადოების ათვისება მოხდება მომდევნო წლებში. ახალი საბადოების აღმოჩენა მოხდება აზერბაიჯანში და ეტაპობრივად, ბუნებრივი აირის ექსპორტის მოცულობა მნიშვნელოვნად გაიზრდება.ამავდროულად, ჩვენ ვმუშაობთ მწვანე ენერგიის პროექტზე ერთად და ესეც ცხადყოფს იმას, რომ ჩვენ პასუხისმგებლობიანი მთავრობები ვართ იმდენად, რამდენადაც არსებობს ამის აუცილებლობა, ამ ტიპის ენერგიის აუცილებლობა ბაზარზე და იმ ინფორმაციის საფუძველზე, რომელიც დღეს მივიღე, მწვანე ენერგიის პროექტი წარმატებით ხორციელდება და ბევრი სხვა პროექტის მსგავსად, ეს პროექტიც წარმატებული იქნება უდავოდ. ამის დიდი შანსი არსებობს“, - განაცხადა აზერბაიჯანის პრეზიდენტმა.