9 ივნისს, 10:00 საათზე, „არტარეას“ ტერიტორიაზე, საქართველოში პირველი საერთაშორისო „მარტექ ფესტივალი“, Touch.point-ი გაიმართება, რომლის მხარდამჭერი და პარტნიორია „სელფი“. ამის შესახბ ინფორმაციას „სელფი“ ავრცელებს.
მათივე ცნობით, ფესტივალზე დამსწრე აუდიტორიას შესაძლებლობა ექნება გაეცნოს უახლეს მიდგომებს მარკეტინგში და მიიღოს რეკომენდაციები არსებული ტექნოლოგიების პრაქტიკაში ეფექტურ დანერგვაზე.
„ფესტივალი განკუთვნილია მარკეტინგისა და ტექნოლოგიების სფეროში მომუშავე პროფესიონალებისთვის, როგორებიც არიან: მარკეტინგის დეპარტამენტის ხელმძღვანელი, მარკეტინგის მენეჯერი, პროდუქტის მენეჯერი, სოც. მედია მენეჯერი, ქონთენთ მენეჯერი, კრეატიული სააგენტოს ექაუნთ მენეჯერი, სტრატეგიული მარკეტინგის სპეციალისტი, სტრატეგი, პროდუქტის ინჟინერი, ტექ მეწარმეე და სხვა.
ფესტივალის მთავარი თემებია: მონაცემებზე დაფუძნებული მარკეტინგი, მარკეტინგის ავტომაციების ხელსაწყოები, ბრენდი და კულტურა, მომხმარებლის ქცევა, ციფრული ქონთენთი და “სთორითელინგი”, მარკეტინგი მეტავერსში.
„სელფი“ ცოტა ხნის წინ სრულიად ახლებური სახით წარდგა მომხმარებლის წინაშე, მნიშვნელოვანი აქცენტით ციფრულ ინოვაციაზე. „სელფის“ მისწრაფებაა მომხმარებლებს მისცეს შესაძლებლობა მაქსიმალურად გამოიყენონ ტექნოლოგიური მიღწევები პირადი და პროფესიული მიზნების მისაღწევად, რისთვისაც მუდმივად ავითარებს და ნერგავს ციფრულ პროდუქტებს. Touch.point -ის მხარდაჭერა საუკეთესოდ ეხმიანება „სელფის“ მიზანს, რაც შეიძლება მეტ ადამიანს მისცეს წვდომა ახალ ტექნოლოგიებზე”, - აღნიშნულია ინფორმაციაში.
ფესტივალის სრული პროგრამა იხილეთ: http://touchpoint.ge/program
„სელფის“ შესახებ მეტი ინფორმაციისვის ეწვიეთ: http://cellfie.ge, ასევე სოციალურ ქსელებს: Facebook, Instagram, YouTube , LinkedIn
