პროკრედიტ ბანკი კორპორაციული მდგრადობის ჯილდო 2025-ის გამარჯვებულია

4 დეკემბერს, 17:00 საათზე, რუსთაველის თეატრში აქსელერაციის პროგრამის შემაჯამებელი ღონისძიება - Demo Day გაიმართება, რომლის ფარგლებშიც, მონაწილეებს შესაძლებლობა ექნებათ, ინვესტორებსა და ფართო აუდიტორიას საკუთარი სტარტაპები გააცნონ.Demo Day-ზე აუდიტორიის წინაშე 8 ქვეყნის 12 განსხვავებული პროფილის სტარტაპი წარდგება - AI-ზე დაფუძნებული ჯანდაცვის სტარტაპიდან, გაყიდვების ავტომატიზაციის, საგანმანათლებლო ტექნოლოგიების, პროკურმენტისა თუ მოდის მიმართულებით.ამასთან, ღონისძიების ფარგლებში, დამსწრეებს შესაძლებლობა ექნებათ, მოუსმინონ დამფუძნებლების, გლობალური ინვესტორების პრეზენტაციებსა და შოუქეისებს, რომელთა ძირითადი ყურადღების ცენტრი ხელოვნური ინტელექტი და გლობალური ტექნოლოგიების მომავლის ჩამოყალიბებაზე მისი ზეგავლენა იქნება.Demo Day-ზე აუდიტორიას საკუთარ სტარტაპებს გააცნობენ:AdMagica.aiხელოვნურ ინტელექტზე დაფუძნებული ხელსაწყო, რომელიც ეხმარება ელ. კომერციის ბრენდებს, რამდენიმე წამში შექმნან ეფექტური სარეკლამო ვიზუალები რეალურ დროში არსებულ Meta Ads-ის მონაცემებსა და კრეატიულ ჩარჩოებზე დაყრდნობით. ხელსაწყო ანაცვლებს გრაფიკული დიზაინერსა და ციფრულ მარკეტოლოგს, პარალელურად კი ახდენს სარეკლამო ვიზუალების ოპტიმიზაციას კონვერსიისთვის.AdsmomAdsmom ხელოვნურ ინტელექტზე დაყრდნობით შექმნილი ad intelligence პლატფორმაა, რომელიც შესაძლებლობას აძლევს მომხმარებლებს, აკონტროლონ, შეადარონ და გააანალიზონ ნებისმიერი კონკურენტის Meta რეკლამები რეალურ დროში.Callsy AICallsy პირველი AI გაყიდვების აგენტია, რომელიც ელ. კომერციის პლატფორმებზე დაუმთავრებელი შესყიდვების აღსადგენად შეიქმნა და ის რეალურ დროში ხმის ავტომატიზაციას იყენებს. Callsy პერსონალიზებული სატელეფონო ზარით ავტომატურად უკავშირდება მომხმარებლებს და დაუმთავრებელ შესყიდვებს, გაყიდვებად აქცევს.DataCallDataCall მცირე და საშუალო ზომის კერძო კლინიკებისთვის სატელეფონო ოპერაციების ავტომატიზაციას ახდენსDefect aiAI სამედიცინო აუდიტის სისტემა, რომელიც ამოწმებს ჩანაწერებს, ეხმარება კლინიკებს სადაზღვევო კომპანიების მიერ უარყოფილი ან არანაზღაურებული მოთხოვნების 90%-მდე შემცირებაში და აუმჯობესებს მომსახურების ხარისხს უახლესი კლინიკური პროტოკოლებისა და რეკომენდაციების საფუძველზე.FashionLabხელოვნური ინტელექტის გამოყენებით, ცვლიან ფოტოგადაღებას მოდის ინდუსტრიაში - ხდიან მას უფრო სწრაფს, ხელმისაწვდომს, ინკლუზიურს და ოპტიმიზებულს, რაც ზრდის გაყიდვებს და ამცირებს დანახარჯებს.Talk Labsხელოვნური ინტელექტის ხმოვანი სიმულაციები, რომელიც იძლევა მომხმარებლების მხარდამჭერი პერსონალის გადამზადების შესაძლებლობას.Neolinkხელოვნურ ინტელექტზე დაყრდნობით შექმნილი No-Code შესყიდვების პლატფორმაა.Quantum Neuron, IncQuantum Neuron არის Workforce-as-a-Service პლატფორმა, სადაც Persona მენეჯერი რამდენიმე AI პერსონას მართავს, რომლებიც WhatsApp-ის, Instagram-ის, ელ. ფოსტის და ხმოვანი სერვისის საშუალებით სთავაზობენ პროდუქციას მომხმარებლებს, მხარდაჭერას უწევენ მათ, რითაც 48-72 საათში ქმნიან ხელშესახებ ბიზნეს შედეგებს.RebookifyRebookify ტურისტულ სააგენტოებს ეხმარება, გაზარდონ მოგება, სასტუმროების რეზერვაციების უფრო იაფიან ალტერნატივებზე გადაჯავშნით.Spotwiseეს არის AI გაყიდვების აგენტი, რომელიც კონკურენტების რეკლამების მონიტორინგს რეალურ დროში ახორციელებს და აქცევს მათ მოგებად.StackboosterStackbooster-ი ავტონომიური AI სკეილინგის დახმარებით, ზრდის ქლაუდის ეფექტურობას. 60%+-ით ამცირებს ხარჯებს და აუმჯობესებს აპლიკაციის ეფექტურობას.ინფორმაციისთვის, 500 Global in Eurasia-ს ფარგლებში, შერჩეული მონაწილეები 12 კვირიან აქსელერაციის პროგრამას გადიან, რომელსაც მსოფლიო დონის ექსპერტები უძღვებიან; ინტენსიური გადამზადების პროგრამის ფარგლებში მონაწილეები იძენენ როგორც თეორიულ ცოდნას, ასევე პრაქტიკულ გამოცდილებას; იზიარებენ საჭირო ექსპერტიზას და ამყარებენ ახალ კავშირებს, რაც მათ სწრაფი ზრდისა და განვითარების შესაძლებლობას აძლევს.500 Global in Eurasia საქართველოში 2020 წლიდან 500 Global-ის მიერ, საქართველოს ბანკთან და საქართველოს ინოვაციების და ტექნოლოგიების სააგენტოსთან (GITA) თანამშრომლობით ხორციელდება. 2022 წელს ორგანიზაციებს შორის გაფორმდა ოთხწლიანი თანამშრომლობის ხელშეკრულება, რომლის ფარგლებშიც, ინტენსიური გადამზადების კურსი საქართველოში წელიწადში ორჯერ იმართება.მასში მონაწილეობის მიღება შეუძლიათ სტარტაპებს აღმოსავლეთ ევროპის, კავკასიის და ცენტრალური აზიის ქვეყნებიდან, რომლებსაც აქვთ სურვილი, მიიღონ ცოდნა დარგის ექსპერტებისგან და მოახდინონ ბაზარზე სწრაფი მასშტაბირება. ინიციატივის ფარგლებში, უკვე გადამზადდა 10 ქვეყნის 80-ზე მეტი სტარტაპი.

1764772395

ბანკმა ჯილდო მოიპოვა ნომინაციაში: SDG8 ღირსეული სამუშაო გარემო და ეკონომიკური ზრდა.ეს ჯილდო აღიარებაა ევროპულ ღირებულებებზე დაფუძნებული კორპორაციული კულტურის, რომელიც პროკრედიტმა 26 წლის წინ დანერგა.

1764772126

11 რეგიონი, 25 სკოლა, 18 000-ზე მეტი მოსწავლისთვის შექმნილი განათლების შესაძლებლობა - საქართველოს ბანკი უკვე მეექვსე წელია ინოვაციური ბიბლიოთეკების - იდეათეკების პროექტს ახორციელებს და მოსწავლეებისთვის ქმნის შემეცნების, ახალი აღმოჩენების სივრცეს. იდეათეკების რაოდენობა ყოველწლიურად იზრდება.2000-მდე მოსწავლე, 300-ზე მეტი სტიპენდიატი - STEM სკოლა საქართველოს ბანკის და კომაროვის სკოლის პროექტია, რომლის ფარგლებშიც ბანკი ყოველწლიურად საუკეთესო შედეგის მქონე 60 მოსწავლეს 100%-ით, ხოლო 30-ს 50%-ით უფინანსებს სწავლას. წელს STEM სკოლაში სწავლის სურვილი 1500-ზე მეტმა მოსწავლემ გამოთქვა, კურსი კი საუკეთესო შედეგის მქონე 700-ზე მეტმა მოსწავლემ გაიარა.300-ზე მეტი სკოლა, 1500-ზე მეტი მოსწავლე - საქართველოს ბანკისა და კომაროვის სკოლის მიერ შექმნილი STEM ოლიმპიადაა, რომელშიც წელს მონაწილეობა 150-ზე მეტი სკოლის 800-ზე მეტმა მოსწავლემ მიიღო. საპრიზო ადგილზე გასულ სკოლის გუნდს კი საქართველოს ბანკისგან ფულადი პრიზი 10 000 ლარი გადაეცა.105 000-ზე მეტი მოსწავლე - საქართველოს ბანკი I-VI კლასის მოსწავლეებისთვის გამართული ყველაზე მასშტაბური მათემატიკური ოლიმპიადის “ევერესტის” გენერალური სპონსორია. ოლიმპიადაში ყოველწლიურად 35 000 მოსწავლე მონაწილეობს, გამარჯვებულებს კი საქართველოს ბანკისგან ლეპტოპები გადაეცემათ.400-მდე მოსწავლე - საქართველოს ბანკის, Lineate-ისა და GITA-ს თანამშრომლობით შექმნილი პროექტი - Code IT, პროგრამირებით დაინტერესებულ ახალგაზრდებს შესაძლებლობას აძლევს, საქართველოს 8 ტექნოპარკში – ოზურგეთში, ბათუმში, ზუგდიდში, სენაკში, კასპში, გურჯაანში, თელავში, ახმეტასა და თბილისში (და დამატებით 5 ლოკაციაზე) დაეუფლონ პროგრამირების საფუძვლებს. ინიციატივის ფარგლებში, წელს 170 მოსწავლე გადამზადდა.21 ადგილობრივი უნივერსიტეტი, 350-ზე მეტი სტიპენდიატი - საქართველოს ბანკის სასტიპენდიო პროგრამა და გიორგი ჩახავას სახელობის სტიპენდია შესაძლებლობას აძლევს მიზანდასახულ და მოტივირებულ სტუდენტებს, მიიღონ სწავლის ერთწლიანი, 100%-იანი ან ნაწილობრივი დაფინანსება. ინიციატივის ფარგლებში, წელს 210 სტიპენდიატი გამოვლინდა.68 სტიპენდიატი - 2025 წლიდან საქართველოს ბანკი, MAC Georgia-სთან ერთად UNI Grant-ის პროექტს ახორციელებს, რომლის ფარგლებშიც სტუდენტებს აძლევს შესაძლებლობას, მიიღონ სწავლისა და საცხოვრებელი ხარჯების სრული ან ნაწილობრივი დაფინანსება, ინდივიდუალური საჭიროებისამებრ. წელს უკვე გამოვლინდა საქართველოს ბანკის 68 სტიპენდიატი.3 საერთაშორისო სტიპენდია, 56 სტიპენდიატი - CHEVENING-ის, Fulbright-ისა და Miami Ad School Europe-თან თანამშრომლობით შექმნილი, ნიკა გუჯეჯიანის სახელობის სასტიპენდიო პროგრამების ფარგლებში, საქართველოს ბანკი ახალგაზრდა პროფესიონალებს შესაძლებლობას აძლევს, ისწავლონ წამყვან უნივერსიტეტებში, სამაგისტრო საფეხურზე, სრული დაფინანსებით. ინიციატივის ფარგლებში, უკვე გამოვლინდა საქართველოს ბანკის 50-ზე მეტი სტიპენდიატი, წელს კი მათ რიცხვს კიდევ 5 შეემატა.7 პროფესიული აკადემია, 20 სტიპენდიატი - საქართველოს ბანკი, ახალგაზრდების მხარდასაჭერად, კიდევ ერთ სასტიპენდიო პროგრამას ახორციელებს, რომლის ფარგლებშიც, პროფესიულ აკადემიებში ჩარიცხულ სტუდენტებს სწავლის 100%-იანი დაფინანსების მიღების შესაძლებლობას აძლევს. ინიციატივის ფარგლებში, წელს უკვე გამოვლინდა 20 სტიპენდიატი.180 მასწავლებელი, 10 ფინალისტი, 1 გამარჯვებული - განხორციელებას განაგრძობს. სწორედ ამიტომ, ფინანსური ინსტიტუტი მასწავლებლის ეროვნული ჯილდოს კონკურსის მთავარი მხარდამჭერია. წელს პროექტში მონაწილეობა 180-მა მასწავლებელმა მიიღო.აღსანიშნავია, რომ ხელოვნური ინტელექტით დაინტერესებული ქალებისთვის საქართველოს ბანკის, MasterCard-ისა და გაეროს ქალთა ორგანიზაციის (UN Women) ერთობლივი ინიციატივით, წელს AI სტიპენდია ქალებისთვის შეიქმნა, რომლის ფარგლებშიც სტიპენდიატები მალე გამოვლინდებიან და ექნებათ შესაძლებლობა, პროფესიულ აკადემიებში დაეუფლონ ხელოვნური ინტელექტის საფუძვლებს.ამასთან, საქართველოს ბანკი ფინანსური განათლების ამაღლების მიზნით არაერთ პროექტს ახორციელებს, მათ შორის, მართავს ტრენინგებს მშობლებისთვის, სტუდენტებისთვისა და მასწავლებლებისთვის. ასევე, უნივერსიტეტებთან თანამშრომლობის ფარგლებში, შესაძლებლობას აძლევს მათ, დანერგონ ფინანსური განათლების კურსი, რომელიც მორგებული იქნება როგორც უნივერსიტეტის, ასევე სტუდენტების საჭიროებებზე, ინტერესებსა და სპეციფიკაზე.ეს საქართველოს ბანკის მიერ განხორციელებული პროექტების მხოლოდ ნაწილია. ბანკის მიერ განხორციელებული პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1764771180

ანგარიშის მიხედვით, 2024 წლის ბოლოს, ტაქსონომიის შესაბამისი მწვანე პორტფელის მთლიანმა მოცულობამ დაახლოებით 1.5 მილიარდი ლარი შეადგინა, სადაც საქართველოს ბანკის წილი 68%, ანუ 1,024 მილიონი ლარია.საქართველოს ბანკი ასევე წამყვან პოზიციას იკავებს 2024 წლის განმავლობაში ტაქსონომიასთან შესაბამისი ახალი მწვანე საფინანსო პროდუქტების გაცემის მიხედვითაც. კერძოდ, ამ პერიოდში გაცემული მწვანე დაფინანსების 55% სწორედ საქართველოს ბანკის მიერ მოხდა.“მწვანე სესხების იდენტიფიკაციისა და ანგარიშგების პროცესი საქართველოს ბანკში მაღალი სტანდარტებით ხორციელდება. ჩვენ ვახდენთ ყველა პროექტის დეტალურ შესწავლას ეროვნული ბანკის მწვანე ტაქსონომიის კრიტერიუმებთან შესაბამისობის დასადგენად. ბანკის მზარდი მწვანე პორტფელი დღეს აერთიანებს პროექტებს ისეთ სექტორებში, როგორიცაა განახლებადი ენერგია, მდგრადი მშენებლობა, კლიმატგონივრული სოფლის მეურნეობა, ეკო/ბიო პროდუქტის წარმოება და სხვა. თითოეული ეს პროექტი არის რეალური ნაბიჯი ქვეყნის მდგრადი მომავლისკენ, რომელშიც საქართველოს ბანკი როგორც წამყვანი ფინანსური ინსტიტუტი, მნიშვნელოვან როლს ასრულებს”, - განაცხადა ნინო თავაძემ, საქართველოს ბანკის მწვანე და კლიმატის დაფინანსების პორტფელის მენეჯერმა.„2024 წლის შედეგები ნათლად ადასტურებს საქართველოს ბანკის სტრატეგიულ ერთგულებას მდგრადობის მიმართ და ჩვენს მნიშვნელოვან როლს ქვეყნის მწვანე ეკონომიკის განვითარებაში. 2023 წელს ჩვენ მიზნად დავისახეთ, 2024 წლისთვის მწვანე პორტფელის 875 მილიონ ლარამდე გაზრდა, თუმცა რეალურმა მაჩვენებელმა 1,024 მილიონს მიაღწია, რაც წინა წელთან შედარებით 36.3%-იანი ზრდაა. მდგრადი დაფინანსება ჩვენი ESG სტრატეგიის ერთ-ერთი პრიორიტეტული მიმართულებაა, აღნიშნული მიღწევები და ჩვენი ლიდერული პოზიცია კი ადასტურებს, რომ ამ სტრატეგიის განხორციელება წარმატებით მიმდინარეობს. შესაბამისად, ჩვენ კიდევ უფრო აქტიურად განვაგრძობთ ბიზნესების მწვანე ტრანსფორმაციის ხელშეწყობას”, - განაცხადა ანა ოსაძემ, საქართველოს ბანკის ESG და მდგრადობის მიმართულების ხელმძღვანელმა.ინფორმაციისთვის, მწვანე ტაქსონომია, რომელიც საქართველოს ეროვნული ბანკის მიერ 2022 წელს გამოქვეყნდა, ოფიციალურად განმარტავს ისეთ აქტივობებს, რომლებიც ხელს უწყობს გარემოსდაცვითი მიზნების მიღწევასა და მხარს უჭერს ქვეყნის მდგრად განვითარებას. 2023 წლიდან ყველა ბანკი ვალდებულია მწვანე დაფინანსების ანგარიშგება მოახდინონ ქვეყანაში არსებული მწვანე კლასიფიკაციის სისტემის/ტაქსონომიის მიხედვით.

1764766147

ფორუმის ერთ-ერთი მნიშვნელოვანი ნაწილი იყო პანელური დისკუსია „Trading of Securities in the Secondary Market“, რომელშიც გალტ & თაგარტის გენერალური დირექტორის მოადგილემ, ქეთევან თოიძემ გამოცდილება გააზიარა. პანელის სხვა სპიკერებს შორის აზერბაიჯანის ეროვნული დეპოზიტარის, ბაქოს საფონდო ბირჟისა და DriveWealth-ის წარმომადგენლები იყვნენ.დისკუსიის ფარგლებში, ქეთევან თოიძემ განსაკუთრებული ყურადღება გაამახვილა საქართველოსა და აზერბაიჯანს შორის კაპიტალის ბაზრების მიმართულებით თანამშრომლობის გაღრმავების პერსპექტივებზე.მისი შეფასებით, ეკონომიკური თანამშრომლობის ერთ-ერთი უმნიშვნელოვანესი ნაწილი კაპიტალის ბაზრების მიმართულებით ინიციატივების განხორციელება:„ჩვენ შეგვიძლია, მნიშვნელოვნად გავზარდოთ კაპიტალის ნაკადები ბაზრებს შორის რეგულაციების თანხვედრის, ინფრასტრუქტურული ინტეგრაციის, ინვესტორებისთვის ინფორმაციის ხელმისაწვდომობისა და ციფრული პლატფორმების ურთიერთდაკავშირების გზით. უფრო მჭიდრო თანამშრომლობა ბირჟებს, საინვესტიციო კომპანიებსა და მარეგულირებლებს შორის ინვესტორებისთვის ახალ შესაძლებლობებს შექმნის და რეგიონში ფინანსურ მდგრადობას გააძლიერებს“ - განაცხადა ქეთევან თოიძემ.გალტ & თაგარტი, როგორც ქვეყანაში წამყვანი საინვესტიციო ბანკი, კაპიტალის ბაზრის განვითარებასა და საერთაშორისო ბაზრებზე საქართველოს პოზიციონირების გაძლიერებაზე მუშაობას აქტიურად განაგრძობს.

1764762360

Baku Caviar გლობალურად ცნობილია როგორც მსოფლიოში პირველი მდგრადი ხიზილალის მწარმოებელი. კომპანია იყენებს თანამედროვე აკვაკულტურულ ტექნოლოგიებს, ზუსტად იცავს ზუთხის გენეტიკურ სისუფთავეს და პასუხისმგებლობით მართავს კასპიის ზღვის რესურსებს. ბრენდის ერთ-ერთი ყველაზე გამორჩეული მიდგომაა ეკოლოგიური პასუხისმგებლობა: თითო შეძენილ ხიზილალაზე კომპანია კასპიის ზღვაში ათ ზორჩას აბრუნებს, რითაც მნიშვნელოვან წვლილს შეაქვს რეგიონის ეკოსისტემის დაცვასა და ზუთხის პოპულაციის აღდგენაში.აზერბაიჯანი, როგორც კასპიის ზღვის მთავარი და ისტორიული ხიზილალას აკვანი, აწარმოებს უნიკალურ, უმაღლესი ხარისხის პროდუქტს, რომელიც მრავალი ათწლეულია მსოფლიო გურმანებისა და ლუქს-ინდუსტრიის პროფესიონალების აღიარებულია.„„ლუკასი“ სიამაყით აცხადებს, რომ საქართველოში ოფიციალურად გახდება მსოფლიოში ერთ-ერთი ყველაზე ავტორიტეტული და მაღალი ხარისხის აზერბაიჯანული ხიზილალის ბრენდის, Baku Caviar-ის, ექსკლუზიური წარმომადგენელი. ეს თანამშრომლობა არა მხოლოდ საწარმოსთვის, არამედ ქვეყნისთვისაც მნიშვნელოვანი ეტაპია“ განაცხადა ქეთევან გერსამიამ, კომპანია „ლუკასის“ დამფუძნებელმა.„საქართველოს ბიზნეს ასოციაცია ულოცავს წევრ კომპანია „ლუკასს“ ამ წარმატებულ მოლაპარაკებასა და პროექტს. პრემიუმ-სეგმენტის პროდუქტების შემოსვლა ქვეყანაში არა მხოლოდ გემოვნების სტანდარტებს ამაღლებს, არამედ მუდმივად უბიძგებს ადგილობრივ ბაზარს სიახლისა და მაღალი ხარისხისკენ. მსგავსი საერთაშორისო ბრენდების შემოსვლა ქმნის ინვესტიციების ახალ ნაკადს, ასპარეზს აძლევს ადგილობრივ საწარმოებს და საბოლოოდ აძლიერებს ქვეყნის ეკონომიკურ ეკოსისტემას“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1764761999