საქართველოს ნავთობისა და გაზის კორპორაცია „კოთელია-ასპინძის“ ახალი მაგისტრალური გაზსადენის მშენებლობას გეგმავს

არსებული მილსადენის ტექნიკური მდგომარეობიდან გამომდინარე, საქართველოს მთავრობის დადგენილებით დამტკიცებული სამოქმედო გეგმის ფარგლებში, კორპორაციამ ახალი გაზსადენის მშენებლობის გადაწყვეტილება მიიღო, რომელიც ძველ ინფრასტრუქტურას სრულად ჩაანაცვლებს. პროექტზე მომზადებულია გარემოსდაცვითი პროცედურებით გათვალისწინებული სკოპინგისდასკვნაც. სახელმწიფო შესყიდვების ერთიან ელექტრონულ პლატფორმაზე შესაბამისი ტენდერის პირობები უკვე განთავსებულია. წინადადებების მიღება 3 სექტემბერს დასრულდება.საქართველოს ნავთობისა და გაზის კორპორაციის მიმდინარე და დაგეგმილი პროექტები, რომლებიც მაგისტრალური გაზსადენებისა და მათი განშტოებების დაპროექტებასა და მშენებლობას მოიცავს, მნიშვნელოვნად შეუწყობს ხელს სისტემის გამტარუნარიანობის გაზრდას, მის სტაბილურ ფუნქციონირებას, მოსახლეობისა და სტრატეგიული ობიექტების უწყვეტ გაზმომარაგებას.

1785934281

CHEVENING-ის სასტიპენდიო პროგრამაზე განაცხადების მიღება დაიწყო. შესაბამისად, იმ ახალგაზრდებს, რომლებსაც სწავლის გაგრძელება დიდ ბრიტანეთში სურთ, აქვთ შესაძლებლობა, შეავსონ განაცხადი, გახდნენ საქართველოს ბანკის სტიპენდიატები და ისწავლონ სასურველ უნივერსიტეტში სრული დაფინანსებით.დიდ ბრიტანეთში სწავლის მსურველებმა, 6 ოქტომბრამდე უნდა შეავსონ განაცხადი ბმულზე.აღსანიშნავია ისიც, რომ საქართველოს ბანკის სტიპენდია ფარავს როგორც ერთწლიან სამაგისტრო საფეხურზე სწავლის, ასევე მასთან დაკავშირებულ ყველა აუცილებელ ხარჯს.პროგრამის ფარგლებში უკვე გამოვლინდა საქართველოს ბანკის 30-ზე მეტი სტიპენდიატი და მათი რაოდენობა კი ყოველწლიურად იზრდება.შეგახსენებთ, რომ საქართველოს ბანკი უკვე 10 წელზე მეტია CHEVENING-ის სასტიპენდიო პროგრამის პარტნიორია. საქართველოს ბანკის მიერ განხორციელებული საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.  

1785932460

თიბისი პირველი ბანკია საქართველოში, რომელიც მომხმარებლებს ლონდონის საფონდო ბირჟაზე ინვესტირების შესაძლებლობას პირდაპირ მობაილბანკში სთავაზობს. ახლა მომხმარებლებს ამერიკისა და ლონდონის ბაზრებზე წარმოდგენილ კომპანიებში ინვესტირება ერთი საინვესტიციო პლატფორმიდან შეუძლიათ.ლონდონის ბირჟაზე ხელმისაწვდომია ისეთი ცნობილი კომპანიების აქციები, როგორებიცაა Aston Martin, Asos, Burberry, Rolls-Royce Holdings და სხვა.თიბისის საინვესტიციო პლატფორმაზე ანგარიშის გახსნას ერთ წუთზე ნაკლები დრო სჭირდება. დღეს საინვესტიციო პლატფორმის მეშვეობით, მომხმარებლებისთვის ხელმისაწვდომ ამერიკულაქციებთან და ETF-ებთან ერთად, ლონდონის ბაზრის დამატებით საინვესტიციო შესაძლებლობები კიდევ უფრო გაფართოვდა.ლონდონის საფონდო ბირჟის დამატება კიდევ ერთი ნაბიჯია თიბისის მიზნისკენ – ინვესტირების პროცესი მომხმარებლისთვის უფრო მარტივი, სწრაფი და ხელმისაწვდომი გახადოს.აღმოაჩინეთ ლონდონის საფონდო ბირჟა პირდაპირმობაილბანკში: https://app.tbcbank.ge/YiId/vmpjqmpcგაითვალისწინეთ, ეს არ არის ფინანსური რჩევა.

1785926974

მონაცემები  ყოველთვიურად განახლდება და ხელმისაწვდომი იქნება ქართულ და ინგლისურ ენებზე.წარმოდგენილი ინფორმაცია საქართველოს ფასიანი ქაღალდების ბაზრის შესწავლისა და ანალიზის პროცესში მნიშვნელოვან დახმარებას გაუწევს კაპიტალის ბაზრის მონაწილეებს -  ემიტენტებს, საბროკერო კომპანიებს და ინვესტორებს.  ასევე ანალიტიკოსებს, სტუდენტებს, მკვლევარებსა და სხვა დაინტერესებულ პირებს.ამჟამად, ინტერაქტიული სტატისტიკა მოიცავს ობლიგაციების ბაზრის შემდეგ სეგმენტებს: საქართველოს ობლიგაციების ბაზარზე საჯარო შეთავაზების გზით გამოშვებული კორპორაციული ობლიგაციები; საქართველოს ობლიგაციების ბაზარზე საერთაშორისო საფინანსო ინსტიტუტების (სსი) მიერ კერძო და საჯარო შეთავაზების გზით გამოშვებული  ობლიგაციები; ქართული კომპანიებისა და მათი მშობელი კომპანიების მიერ საერთაშორისო ბაზრებზე გამოშვებული კორპორაციული ობლიგაციები. სამომავლოდ, საქართველოს ეროვნული ბანკი გეგმავს ინტერაქტიული სტატისტიკის პლატფორმაზე ხელმისაწვდომი ფასიანი ქაღალდების ბაზრის სტატისტიკის გაფართოებას.ინტერაქტიული სტატისტიკა ხელმისაწვდომია საქართველოს ეროვნული ბანკის ოფიციალურ ვებგვერდზე.

1785926386

დასანანია.მისი ბოლო ვიდეომიმართვიდან, რომელიც 2 კვირის წინ გავრცელდა და სულ ახლახანს კიდევ ერთხელ დარეკლამდა სოციალურ ქსელში, საზოგადოებამ  2 ახალი ამბავი გაიგო.პირველი ის, რომ ტარიელ კაკაბაძემ ბოლოს და ბოლოს აღიარა და დაადასტურა, რომ სისხლის სამართლის საქმეში (#092060925001), რომელიც აღძრულია ფინანსთა სამინისტროს საგამოძიებო სამსახურში, იგი დაცვის მხარეს წარმოადგენს.საზოგადოებისთვის ეს მანამდეც ცნობილი იყო. კერძოდ კი ის, რომ სისხლის სამართლის აღნიშნული საქმე წარმოებს „საქართველოს განათლების ჯგუფის“ (შპს „ბრიტანულ–ქართული აკადემიის” ინვესტორი) მიმართვის საფუძველზე და მიმდინარეობს გამოძიება, სამსახურებრივი მდგომარეობის გამოყენებით, დიდი ოდენობით, შპს „ბრიტანულ–ქართული აკადემიის” კუთვნილი თანხის შესაძლო მითვისება–გაფლანგვის ფაქტზე. გამოძიების პერიოდი კი მოიცავს ნათია ჯანაშიასა და მისი ქმრის, დავით ცეცხლაძის მენეჯმენტში ყოფნის პერიოდს (2019-2024 წლებს)… აღსანიშნავია, რომ  გამოძიება აუდიტორული დიდი ოთხეულის წარმომადგენელი კომპანიის მიერ დადასტურებულ ფაქტებზე დაყრდნობით არის დაწყებული.გამოძიების დაწყებიდან დღემდე ნათია ჯანაშია უარყოფდა ამ ამბავს და აცხადებდა, რომ სისხლის სამართლის საქმე მისი საჩივრის საფუძველზე იყო აღძრული. ჯანაშიას დამცველმა, რომელიც ნათია ჯანაშიაზე უკეთესად ერკვევა იურისპრუდენციაში, არ დამალა და ხმამაღლა განაცხადა: „დაცვის მხარემაც წარვადგინეთ არაერთი მნიშვნელოვანი მტკიცებულება, რომელიც ამყარებს თავიდან ბოლომდე სისხლის სამართლის საქმეს.“ (სტილი დაცულია).რაც შეეხება მეორე, და უცნაურად საინტერესო ამბავს, ის არის, რომ ტარიელ კაკაბაძემ, როგორც ჩანს, ადვოკატურის პრაქტიკაში ახალ ტენდენციას ჩაუყარა საფუძველი, როცა გამოძიების ეტაპზევე, დაცვის მხარის, ანუ ამ შემთხვევაში, ნათია ჯანაშიას პოზიციიდან განაცხადა, რომ თუ მისთვის სასურველ შედეგს არ დადებს გამოძიება და არ წარუდგენს ბრალდებას მომჩივანს (ჰოი, საოცრებავ!..) ის შიდა ინსტანციების ამოწურვის შემდეგ (სავარაუდოდ გულისხმობს მისთვის არასასურველი შედეგის დადგომის გამო სასამართლო ინსტანციებში ჩივილს), აუცილებლად მიმართავს სტრასბურგის ადამიანის უფლებათა ევროპულ სასამართლოს…იმ ლოგიკაზე გაყოლას, თუ რატომ გამოდის ბატონი ტარიელი აღნიშნული ინიციატივით, თუ გაფრთხილებით და ვისზე, ან რა პროცესებზე ცდილობს ამით გავლენის მოხდენას, არც კი ვცდილობთ, რადგან იმთავითვე უმადურ და შეუძლებელ საქმედ მივიჩნევთ, იმდენად ალოგიკურად და დროში აცდენილად მიგვაჩნია.ერთს კი შევნიშნავთ, - ეს წინასწარი დანაქადნები მხოლოდ იმ შთაბეჭდილებას ტოვებს, რომ ნათია ჯანაშიას და მის იურიდიულ წარმომადგენლებს იმდენად მკაფიოდ ესმით მათი, როგორც აღნიშნულ სისხლის სამართლის საქმეში (#092060925001), მოპასუხის პოზიციების სისუსტე და მათ წინააღმდეგ წარსადგენი მოსალოდნელი ბრალდებების სიმძიმე, რომ სახის შენარჩუნების ერთადერთ საშუალებად სტრასბურგის ხმამაღლა მოხმობა აქვთ დარჩენილი.ან კიდევ უფრო თუ შორს წავალთ და ბატონ ტარიელს დავინახავთ შორეულ პერსპექტივაში, მულტიმილიონერების ოჯახის ადვოკატობას ხომ არ იბევებს მრავალი წლით წინასწარ? ბატონ ტარიელის ვიდეომიმართვაში (თავად რომ პრესკონფერენციას უწოდებს) ერთ მნიშვნელოვან დეტალს დავაკვირდით. სულ ბოლოში, ხმაში უკვე რიხის გარეშე ჯადოსნურ ფრაზას ამბობს: შიდა ინსტანციების ამოწურვის შემდეგ. სწორედ აქ ირკვევა, სტრასბურგში ქალბატონი თამთა ჯანიაშვილი რომ დააყენეს სასამართლოს წინ ამ პაპანაქება სიცხეში, თურმე ფალსტარტი ყოფილა. ჯერ არავინ აპირებს სტრასბურგში ჩივილს. ჯერ საქართველოში უნდა ამოწურონ შიდა ინსტანციებისა და ნათია ჯანაშიას ფინანსები.მე მგონი, ვიღაცას მაგრად ახვევენ თავბრუს (ბოდიში სტრასბურგული სლენგისთვის) ესენი ამ სტრასბურგის ხშირი ხსენებით და მერე წვრილი შრიფტივით ჩუმი ხმით ყურში ჩაჩურჩულებენ - ზეგ, ზეგ გეტყვი როდის!შესაძლოა, ვცდებოდეთ. ამას, როგორც პროცესებზე დამკვირვებელი პასუხისმგებლიანი მედია-გამოცემა, იმთავითვე ვუშვებთ. მაგრამ იმაში, რომ ვცდებით, უნდა დაგვარწმუნოს ბატონმა ტარიელმა, როგორც ნათია ჯანაშიას იურიდიულმა წარმომადგენელმა. ის კი ჩვენს კითხვებს არ პასუხობს და ამით ჩვენს მკითხველს მისი დაზუსტებული პოზიციების გაცნობის სიამოვნების გარეშე ტოვებს, რომ არაფერი ვთქვათ იმაზე, რომ იგნორირების აღნიშნული პრაქტიკით, ის ჩვენდამი და შესაბამისად, ჩვენი მკითხველისადმი, დემონსტრაციულად ავლენს უპატივცემულობას…ბანკები და ფინანსები ტარიელ კაკაბაძეს საჯარო კითხვებით მიმართავსკითხვები უწყინარია და მხოლოდ ისღა დაგვრჩენია, რომ 28 ივლისს, ხელმეორედ გაგზავნილი ეს კითხვები აქვე წარმოვადგინოთ და ამ გზით კიდევ ერთხელ ვთხოვოთ ბატონ ტარიელს მათზე პასუხების გაცემა:ბატონო ტარიელ, კიდევ ერთხელ მოგესალმებით გაზეთიდან და ონლაინ გამოცემიდან "ბანკები და ფინანსები" (www.bfm.ge).ერთ თვეზე მეტი ხნის წინ, კერძოდ 2026 წლის 16 ივნისს, თქვენს ფეისბუქ გვერდზე მითითებული ელექტრონული ფოსტის მისამართზე, მოგმართეთ კონკრეტული კითხვებით, რაც დამებადა თქვენი ერთ-ერთი ვიდეო-მიმართვის გაცნობის შემდეგ, რომელიც თქვენი მარწმუნებლის, „ბრიტანულ-ქართული აკადემიის“ მინორიტარი აქციონერის, ქალბატონი ნათია ჯანაშიას პოზიციას ასახავდა.მას შემდეგ თვე და 10 დღეა გასული და დამეთანხმებით, რომ ეს ის პერიოდია, რომ თუკი მედია პასუხებს ვერ იღებს, უნდა ჩათვალოს, რომ რესპონდენტი კითხვებზე გამოხმაურებას თავს არიდებს.ასეც მივიჩნევთ.მაგრამ ასევე და აქვე, როგორც პასუხისმგებლიანი მედია, თავს ვალდებულად ვთვლით, კიდევ ერთხელ და მორიგჯერ, მოგმართოთ იგივე კითხვებით და მას დავუმატოთ კიდევ ერთი, რომელიც გაგვიჩნდა თქვენი მორიგი, ახლახანს გავრცელებული ვიდეო-მიმართვის კვალდაკვალ, სადაც ამბობთ, რომ თუ საგამოძიებო ორგანოები სათანადო გადაწყვეტილებას არ მიიღებენ და პასუხისგებაში არ მისცემენ ამ საქმეში, თქვენი აზრით, სისხლის სამართლის დამნაშავეებს, მაშინ თქვენ ამოწურავთ საქართველოს მართლმსაჯულების ეტაპებს და შემდგომ საქმეს აუცილებლად წაიღებთ სტრასბურგის ადამიანის უფლებათა ევროპულ სასამართლოში.ამ კითხვით დავიწყებთ -ბატონო ტარიელ, ვიდეო-მიმართვაში თქვენ ახსენებთ საგამოძიებიო უწყებაში მიმდინარე საქმეს, მაგრამ არ აკონკრეტებთ, რომელ საგამოძიებო უწყებაზე და კონკრეტულად რა შინაარსის საქმეზეა საუბარი.გთხოვთ, დააზუსტოთ, რომელ საგამოძიებო უწყებაზე საუბრობთ, ვისი საჩივრის შედეგად არის საქმე აღძრული და რას მოითხოვს კონკრეტულად მომჩივანი. დღემდე კონკრეტულად რა საგამოძიებო მოქმედებები ჩატარდა აღნიშნულ საქმესთან დაკავშირებით.რამდენადაც ჩვენთვის ცნობილია, ერთი საქმე, რომელსაც ფინანსთა სამინისტროს საგამოძიებო სამსახური აწარმოებს, აღძრულია „საქართველოს განათლების ჯგუფის“ საჩივრის საფუძველზე, რაც ნათია ჯანაშიას მენეჯმენტის პერიოდში „ბრიტანულ-ქართული აკადემიის“ აქტივებიდან 4 მლნ აშშ დოლარის სავარაუდო გაფლანგვა-მიტაცებას ეხება.საკითხთან დაკავშირებით, მიმდინარე სისხლის სამართლის სხვა საქმის შესახებ ჩვენთვის ცნობილი არ არის. თუ ასეთი არსებობს, გთხოვთ, მოგვაწოდოთ დაწვრილებითი ინფორმაცია მის შესახებ.თუ თქვენც ამ საქმეს გულისხმობთ (#092060925001), მაშინ გვიჩნდება შემდეგი კითხვა - ეს საქმე თქვენი ოპონენტების საჩივრის საფუძველზე არის აღძრული (სამსახურებრივი მდგომარეობის გამოყენებით, დიდ ოდენობით, შპს „ბრიტანულ–ქართული აკადემიის“ კუთვნილი თანხის შესაძლო მითვისება–გაფლანგვის ფაქტზე. გამოძიების პერიოდი მოიცავს ნათია ჯანაშიასა და მისი მეუღლის, დავით ცეცხლაძის მენეჯმენტში ყოფნის პერიოდს (2019-2024 წლებს) და თუნდაც საქართველოს სამართლებრივ სივრცეში ყველა შესაძლებლობის ამოწურვის შემდეგ, როგორ, რის საფუძველზე წაიღებთ მას ადამიანის უფლებათა ევროპულ სასამართლოში და რის საფუძველზე გექნებათ იმის რწმენა, რომ სტრასბურგი საქმეს განსახილველად მიიღებს?თუ სხვა საქმეზეა საუბარი, კიდევ ერთხელ, უმორჩილესად გთხოვთ, მოგვაწოდოთ დაწვრილებითი ინფორმაცია საქმის შესახებ, პირველ რიგში ნომერი და საგანი.ახლა კი ის კითხვები, რომლითაც 2026 წლის 16 ივნისს ერთხელ უკვე მოგმართეთ.გეტყვით გულწრფელად, რომ სასიამოვნოდ გაოცებული და კმაყოფილი დავრჩები, თუ მათზე თქვენს გამოხმაურებას მივიღებ, თუმცა, გამომდინარე უკვე არსებული პრაქტიკიდან, საამისო მოლოდინის საფუძველი არ გამაჩნია.1 - თქვენ ამბობთ - ნათია ჯანაშია იყო 100%-იანი წილის მფლობელი, მანამ სანამ 70%-იან წილს საბაზრო ღირებულებაზე ბევრად ნაკლებ ფასად დაესაკუთრა "საქართველოს კაპიტალი".გთხოვთ, დააზუსტოთ, რას გულისხმობთ დეფინიციაში - ბევრად ნაკლებ ფასად. ასევე, რას გულისხმობთ "დასაკუთრებაში". რამდენადაც ჩვენთვის ცნობილია, საქართველოს კაპიტალმა წილი რამდენიმეთვიანი მოლაპარაკების შემდგომ, 29,3 მილიონ ლარად შეიძინა და ნათია ჯანაშია წილის გასხვისების პირობებს რამდენიმე თვე ათანხმებდა. ამასთან, 2024 წლის გარკვეული პერიოდის ჩათვლით, არც პირად საუბრებში და არც საჯაროდ, წილის არასამართლიან ღირებულებაზე სიტყვაც არ დაუძრავს არსად.რამდენადაც ცნობილია, არსებობს ლევან სამხარაულის სახელობის ექსპერტიზის ეროვნული ბიუროს დასკვნა, რომ "ბრიტანულ-ქართული აკადემიის" 70 %-ის მოცულობის წილში 2019 წელს გადახდილი 29 მილიონ 300 ათასი ლარი, ნახევარი მილიონი ლარით აღემატება კიდეც იმ დროს არსებულ საბაზრო ფასს.როდესაც ამბობთ, რომ 2019 წელს აკადემიის 70%-იან წილს საბაზრო ღირებულებაზე ბევრად ნაკლებ ფასად დაესაკუთრა "საქართველოს კაპიტალი", - რა კონკრეტულ არგუმენტებს ეყრდნობით.გთხოვთ, მოგვაწოდოთ დოკუმენტური დასაბუთება წილის იმ ღირებულებაზე, რომელსაც თვლით სამართლიანად და წარმოადგინოთ კონკრეტული ხელმოწერილი ხელშეკრულებები, შეთანხმებები და მემორანდუმები, ყველა სახის ხელმოწერილი მტკიცებულებულებები, რომელიც ადასტურებს თქვენ მიერ მოყვანილ არგუმენტებს. ვიდეომიმართვაში თქვენ ამბობთ, რომ ნათია ჯანაშია დაარწმუნეს, რომ გაეყიდა 70% წილი, რომ იყო ცრუ დაპირებები, მოტყუება. გთხოვთ, მეტად განმარტოთ, ვინ დაარწმუნა, რა ხერხებით აიძულეს 30 მილიონ ლარამდე ღირებულების გარიგებაზე დათანხმება. იძულებით მიიღო და იძულებით ჩაურიცხეს ეს თანხა 2019 წელს, თუ რას გულისხმობთ?რაიმე დოკუმენტი თუ გაქვთ თქვენი სიტყვების დასადასტურებლად, რომელიც ხელმოწერილია ორივე მხარის მიერ? ასევე, როგორ აიძულეს 29,3 მილიონზე დათანხმება და როგორ შეთანხმდა ეს კონკრეტული თანხარატომ 29,3 მილიონი, არა 11 მილიონი ან 4.6 მილიონი ლარი, ან/და არა ნებისმიერი სხვა ოდენობის თანხა? თქვენ ამბობთ, რომ გარიგების პარალელურად არსებობდა რამდენიმე დამატებითი პირობა, რომელთა გამოც ნათია ჯანაშია დათანხმდა წილის გაყიდვას. გთხოვთ, კონკრეტულად განგვიმარტოთ და გვითხრათ ყველა ის პირობა, რაც გარიგების პარალელურად დამატებით არსებობდა. ასევე, გთხოვთ, განგვიმარტოთ, რა ფორმატითარსებობდა ეს პირობები - იყო ეს ხელშეკრულების დანართი, დამატებითი შეთანხმების ფორმატი, თუ სხვა რამ.გთხოვთ მოგვაწოდოთ ყველა დოკუმენტი, რომელიც ადასტურებს თქვენ სიტყვებს. ასევე, გთხოვთ დაგვიდასტუროთ, წერილობით არსებობდა თუ არა რაიმე სახის დაპირება და ის ასახული იყო თუ არა რომელიმე ორმხრივად გაფორმებულ დოკუმენტში - მემორანდუმში ან/და წილის დათმობის ხელშეკრულებში? ვიდეომიმართვაში, თქვენს მიერ ნახსენები რამდენიმე პირობიდან მხოლოდ ერთ-ერთზე საუბრობთ. კერძოდ იმაზე, რომ შეთანხმების საფუძველზე "აკადემიის" კაპიტალში ინვესტორს ტაბახმელის/ოქროყანის მიწა უნდა შეეტანა ნულოვანი ღირებულებით. გთხოვთ, განგვიმარტოთ, კონკრეტულად რა შეთანხმებაზეა საუბარი, რა ფორმატით დაიდო/გაფორმდა იგი, მხარეთა მხრიდან შესასრულებელ კიდევ რაიმე დამატებით კონკრეტულ ასპექტებს ხომ არ შეიცავდა იგი.არსებობს ინფორმაცია, რომელსაც გავრცელებულ ვრცელ წერილში, აკადემიის ყოფილი დირექტორი და "საქართველოს განათლების ჯგუფის" ასევე ყოფილი დირექტორი გიორგი კეთილაძე ადასტურებს. კერძოდ ის, რომ აღნიშნული მიწა კაპიტალში უნდა შესულიყოთანაბარწილოვანი პრინციპით. ანუ, "საქართველოს განათლების ჯგუფს" მიწა უნდა შეეტანა კაპიტალში იმის პარალელურად, რაც ნათია ჯანაშია კაპიტალში შეიტანდა მიწის ღირებულების 30 %-ს.ამ პირობას კეთილაძე ადასტურებს ელექტრონული მიმოწერის არსებობით, როგორც ბატონ დავით ცეცხლაძესთან (ნათია ჯანაშიას მეუღლე), ისე ქალბატონ ნათია ჯანაშიასთან. არსებული ინფორმაციით, მეუღლეები "განათლების ჯგუფს" მიმართავენ თხოვნით, მიწის 30%-ის ღირებულება კაპიტალში შეიტანონ არა ერთბაშად, არამედ 4 ნაწილად.ადასტურებთ თუ არა ამ შინაარსის მიმოწერის არსებობას, როგორც ფაქტს და მიგაჩნიათ თუ არა, რომ თქვენი ოპონენტები სასამართლო განხილვებისას ამ ფაქტს გამოიყენებენ, როგორც წონად არგუმენტს იმის დასამტკიცებლად, რომ მხარეთა შორის შეთანხმება არსებობდა მიწის კაპიტალში ასახვის თაობაზე არა ნულოვანი ღირებულებით, არამედ თანაბარწილოვანი შენატანის პრინციპით.აქვე გთხოვთ მოგვაწოდოთ დამატებითი ინფორმაცია სხვა რა პირობები შეთანხმდა მხარეთა შორის ამ მიწასთან დაკავშირებით. კერძოდ, როდის, რა ვადებში და რა გზით უნდა გადაცემოდა იგი აკადემიას?აქვე - იგივე საკითხთან, მიწასთან დაკავშირებით, - თქვენ ამბობთ, რომ კაპიტალში მისი ნულოვანი ღირებულებით შეტანის თაობაზე შეთანხმებას ადასტურებს მოწმეთა გამოკითხვის ოქმები და კიდევ სხვა მტკიცებულებები. ეს ხომ არ ნიშნავს იმას, რომ არაპირდაპირ ადასტურებთიმ ფაქტს, რომ ხელშეკრულებაში მსგავსი ჩანაწერი არ არსებობს და ეყრდნობით მხოლოდ მოწმეთა ჩვენებებს.ამასთან დაკავშირებით, გთხოვთ, გაგვიზიაროთ: კონკრეტულად რას გულისხმობთ "მოწმეთა გამოკითხვის ოქმებში და კიდევ სხვა მტკიცებულებებში". კერძოდ, რამდენადაც ჩვენთვის ცნობილია, ქ-ნ ჯანაშიას არ გააჩნია დაზარალებულის სტატუსი საქმეში და ამიტომ, დაუდგენელია საიდან ფლობს ინფორმაციას მოწმეთა ჩვენებებზე. საჯარო წყაროებში ამგვარ მოწმეთა არსებობა არ იკვეთება. თუ შესაძლებლად ჩათვლით, ამ ეტაპზევე გვითხრათ, ვინ არიან აღნიშნული მოწმეები და რამდენად არსებითად არიან ისინი დაკავშირებული აღნიშნულ დავასთან. მოწმეების გამოკითხვის ოქმების გარდა, გაქვთ თუ არა რეალური და კონკრეტული დოკუმენტი, რაც სრულფასოვნად ადასტურებს თქვენ სიტყვებს კაპიტალში ტაბახმელის/ოქროყანის მიწის ნულოვანი ფასით შეტანის თაობაზე? საინვესტიციო შეთანხმება "საქართველოს კაპიტალთან" არის დადებული თუ "საქართველოს განათლების ჯგუფთან"? 5.მიწა ვის ეკუთვნოდა და რატომ იყო სკოლისთვის მისი გადაცემა არსებითი ქ-ნ ჯანაშიასთვის? მან ითხოვა ეს მიწა სკოლას გადაცემოდა? მან მოიძია ეს მიწა და დაავალა "საქართველოს კაპიტალს" მისი სკოლისთვის გადაცემა? ვიდეომიმართვის დასასრულს თქვენ ამბობთ, რომ ინვესტორის მხარე ცდილობს ნათია ჯანაშიას წაართვას დარჩენილი 30 %-იანი წილიც. გთხოვთ, დაგვიზუსტოთ, კონკრეტულად რა მცდელობები განახორციელა მხარემ საამისოდ. ზოგადად, მხარეთა შორის წილის გამოსყიდვასთან დაკავშირებით, ჩვენთვის ცნობილია, რომ "საქართველოს განათლების ჯგუფმა" ჯანაშიას მხარის შეთავაზებას, გამოესყიდა 70%-იანი წილი მის მიერ შეთავაზებულ კონკრეტულ ფასად, უპასუხა უკუშეთავაზებით, რომ თავადგამოისყიდიდა 30 %-იან წილს, ერთეულთან მიმართებით, ჯანაშიას მხარის შეთავაზებულზე 33%-ით მეტი ღირებულებით.თუ წილის გამოსყიდვის თაობაზე მხარეთა შორის არსებულ ამ კომუნიკაციას გულისხმობთ, გთხოვთ, განგვიმარტოთ, სად ხედავთ აქ წილის წართმევის მცდელობას, ან მის ნიშნებს. ასევე, ეს თუ წილის წართმევად უნდა განიხილებოდეს, რატომ არის "განათლების ჯგუფის" საპასუხო შეთავაზება წილის წართმევის მცდელობა და არა ჯანაშია-ცეცხლაძის შეთავაზება? თუ სხვა მცდელობები გაქვთ მხედველობაში, გთხოვთ, კონკრეტულად გვიამბოთ მათ შესახებ.გთხოვთ, ასევე გვაცნობოთ, დაწყებულია თუ არა გამოძიება წილის წართმევის მცდელობასთან დაკავშირებით?ბატონო ტარიელ, ველით თქვენ პასუხებს.

1785919683

ამავე პერიოდში, მსოფლიოს 11 ქვეყანაში გაიმართაქართული ღვინის 115 პრეზენტაცია და დეგუსტაცია. ღონისძიებებს გერმანია, ავსტრალია, აშშ, თურქეთი, ნორვეგია, საფრანგეთი, ბელგია, შვეიცარია, სამხრეთკორეა, პოლონეთი და დიდი ბრიტანეთიმასპინძლობდნენ.ადგილობრივ ბაზარზე ქართული ღვინისპოპულარიზაციის სახელმწიფო პროგრამის ფარგლებში, ღვინის ეროვნული სააგენტოს ფინანსური მხარდაჭერით, საქართველოში ჩატარდა 20 ღონისძიება, მათ შორის -მასტერკლასები, გამოფენები, ფესტივალები, კონკურსები და ფორუმები.საანგარიშო პერიოდში, უცხოელი ღვინისპროფესიონალების, სავაჭრო სფეროსა და მედიისწარმომადგენლების მონაწილეობით, საქართველოშიღვინის 12 ტური გაიმართა.ქართული ღვინის საერთაშორისო ცნობადობის ზრდისადა ქვეყნის მრავალსაუკუნოვანი მეღვინეობისტრადიციების პოპულარიზაციის მიზნით, საქართველოსგარემოს დაცვისა და სოფლის მეურნეობისსამინისტროს ღვინის ეროვნული სააგენტოსინიციატივითა და საქართველოს მთავრობისგადაწყვეტილებით, დაწესდა ღვინის ეროვნული დღე, რომელიც ყოველწლიურად 8 მაისს აღინიშნება.ქართული ღვინის სტრატეგიულ და პრიორიტეტულბაზრებზე სხვადასხვა ფორმატის მარკეტინგულღონისძიებებს ღვინის ეროვნული სააგენტოსკონტრაქტორი კომპანიები ახორციელებენ. სააგენტოსთვის სტრატეგიულ ბაზრებად რჩება აშშ, დიდი ბრიტანეთი, გერმანია, პოლონეთი, ჩინეთი, სამხრეთ კორეა და იაპონია.

1785918553