ირაკლი კობახიძე - საქართველოს რკინიგზის განვითარების გეგმის მიხედვით, შევისყიდით 50 ახალ ლოკომოტივს, 1500 ახალ ვაგონს, ასევე, შევისყიდით 10 ახალ სამგზავრო მატარებელს

ამავე პერიოდის შედეგებით მზღვეველების სადაზღვევო მოგებამ  348 მილიონი ლარი, წმინდა მოგებამ კი 129 მილიონი ლარი შეადგინა (2024 წელს ეს მაჩვენებელი 127 მილიონ ლარს შეადგენდა). სადაზღვევო კომპანიების აქტივების ჯამური მოცულობა შეადგენს 1 584 მილიონ ლარს, ხოლო კაპიტალი 513 მილიონ ლარს.საქართველოს მოსახლეობის 21% სარგებლობს სამედიცინო დაზღვევით საქართველოში რეგისტრირებული ავტომობილების 8% დაზღვეულია2025 წელს (2023–2025 წლების 31 დეკემბრის მდგომარეობით)  785 361  სამედიცინო დაზღვევის პოლისი იყო მოქმედი. ავტოდაზღვევის კუთხით კი, 151 835 პოლისი იყო გაყიდული.2025 წლის მონაცემებით, მოზიდული სადაზღვევო პრემიით ბაზარზე  "თიბისი" (260 მლნ.ლარი) ლიდერობს, მას მოსდევს  „ჯიპიაი“ (251 მლნ. ლარი). მესამე ადგილზე კომპანია “ალდაგი“ (228  მლნ ლარი), მეოთხე ადგილზეა “იმედი L” (133 მლნ ლარი), ხოლო მეხუთე ადგილს  სადაზღვევო კომპანია "არდი"  (105  მლნ ლარი) იკავებს.ანალოგიურ პერიოდში ყველაზე დიდი მოცულობით ზარალი კომპანია „ჯიპიაი“ (156 მლნ ლარი) აანაზღაურა. ანაზღაურებული ზარალის მოცულობით მეორე ადგილზეა  "თიბისი" (117 მლნ ლარი), მესამეზე კი  ალდაგი“  (102 მლნ ლარი) იკავებს. მეოთხე ადგილს  " იმედი L"  (84 მლნ ლარი) იკავებს, მეხუთე ადგილს კი “არდი” (65  მლნ ლარი).2025 წლის  განმავლობაში სამედიცინო (ჯანმრთელობის) დაზღვევის სახეობაში მოზიდული პრემიით ლიდერობდა „ჯიპიაი ჰოლდინგი“ 144.8 მილიონი ლარით და ბაზრის 24% ეჭირა, შემდეგ მოდის სადაზღვევო კომპანია  "იმედი L" – 112.8 მლნ ლარით (ბაზრის 19%),  მესამე ადგილს კი სადაზღვევო კომპანია  "არდი"  - 91.8 მლნ ლარით (ბაზრის 15%), მეოთხე ადგილზე "თიბისი"  იყო - 62.6 მლნ ლარი (ბაზრის 10%), მეხუთე ადგილზე კი "ბენეფიტი" – 46.6 მლნ ლარი (ბაზრის 8%).სახმელეთო სატრანსპორტო საშუალებების დაზღვევის სახეობაში მოზიდული პრემიით „თიბისი“ ლიდერობს 80.8 მლნ. ლარით, მას მთლიანი წილის 27% უჭირავს. მეორე ადგილზე „ალდაგია“ 68 მლნ ლარით (ბაზრის 23%), ხოლო მესამეზე კი “ჯიპიაი” 44.6 მლნ ლარით (ბაზრის 15%).ქონების დაზღვევის სახეობაში მოზიდულმა პრემიამ 158  მილიონი ლარი შეადგინა. დაზღვევის აღნიშნულ სახეობაში ლიდერი „ალდაგია“ 70.2  მლნ. ლარით და მასზე მოზიდული პრემიის 44% მოდის. მეორე ადგილზეა  „თიბისი“ 31.1 მლნ. ლარით, ხოლო მესამეზე "ჯიპიაი ჰოლდინგი" 18.7  მლნ. ლარით.სიცოცხლის დაზღვევის სახეობაში მოზიდულმა პრემიამ სულ 129 მილიონი ლარი შეადგინა. აღნიშნულ დაზღვევაში „თიბისი“ ლიდერობს - კომპანიამ 1 წლის განმავლობაში  60.3 მილიონი ლარი მიიზიდა და ბაზრის 47% დაიკავა. მეორე პოზიციაზე „ალდაგია“ – 37.5 მილიონი ლარით. მესამე ადგილზე კი "ჯიპიაი" - 9.8 მილიონი ლარით.სამოქალაქო პასუხისმგებლობის დაზღვევის სახეობაში მოზიდულმა პრემიამ 32 მილიონი ლარი შეადგინა. ბაზრის ყველაზე დიდი წილი “ალდაგს”  უჭირავს - 14.3 მილიონი ლარით და მთლიანი ბაზრის 45%, მეორე ადგილზე “ჯიპიაი” 5.9 მილიონი ლარით.  მესამე პოზიციას “თიბისი” იკავებს - 3.4 მილიონი ლარით.აღსანიშნავია, რომ 2025 წლის 31 დეკემბრის მდგომარეობით რეგისტრირებულია 19 სადაზღვევო კომპანია, რომლებიც ფლობენ სიცოცხლის და არასიცოცხლის დაზღვევის ლიცენზიას.

1775643673

გიორგი შაქარაშვილი, „ჯილი ცენტრი თეგეტას“ კომერციული დირექტორი: „2026 წლის პირველი კვარტალი „ჯილი ცენტრი თეგეტასთვის“ საქართველოს ბაზარზე განსაკუთრებული მნიშვნელობისაა. მოხარულები ვართ, რომ ამ პერიოდში გაყიდვების მიმართულებით კარგი მაჩვენებლები გვაქვს. ჩვენ მოკლე დროში შევძელით და ბაზარს სამივე ტიპის ავტომობილები შევთავაზეთ - ელექტრული, დამუხტვადი ჰიბრიდი და შიგაწვისძრავიანი. ეს არა მხოლოდ პორტფელის გაფართოება, არამედ ჩვენი სტრატეგიის ნაწილია, რომ მომხმარებლებს ჰქონდეთ შესაძლებლობა, არჩევანი სასურველ მოდელზე გააკეთონ, მათივე ინტერესების გათვალისწინებით. ფინანსური მაჩვენებელი ნებისმიერი ბიზნესისთვის ძალიან მნიშვნელოვანია, შესაბამისად, კომპანიები ყურადღებას უთმობენ საწვავის ხარჯს. ამიტომაც მათ დივერსიფიცირებულ სამოდელო რიგს ვთავაზობთ, რათა თავად გადაწყვიტონ, რა არის მათთვის პრიორიტეტული და ჰქონდეთ შესაძლებლობა, ერთი მხრივ, ხარჯები შეამცირონ, მეორე მხრივ კი, ეფექტიანობა გაზარდონ. მნიშვნელოვანია ჩვენი ფლიტ მენეჯმენტის მიმართულებაც - „ჯილი ცენტრი თეგეტა“ ქმნის ინფრასტრუქტურას, რომელიც კორპორაციულ მომხმარებელს გრძელვადიანი და ეფექტური ექსპლუატაციის შესაძლებლობას აძლევს“.სწორედ მომხმარებლისთვის მეტი კომფორტის შექმნასა და ხარჯების შემცირებას ისახავს მიზნად კომპანიის მიერ მოწყობილი ელექტროდამტენების ინფრასტრუქტურა - „ჯილი ცენტრი თეგეტამ“ თბილისსა და ბათუმში, სხვადასხვა ლოკაციაზე, ფიზიკურ პირებსა და პარტნიორ ორგანიზაციებს საოფისე შენობების, ავტოსადგომებისა თუ სასაწყობე ტერიტორიებზე 7- და 22-კილოვატიანი ორიგინალი დამტენები დაუმონტაჟა და, ყოველგვარი ფინანსური სარგებლის გარეშე, ექსკლუზიური ბარათები გადასცა, რაც მომხმარებელს ავტომობილის მინიმალური ტარიფით დამუხტვის შესაძლებლობას აძლევს. შედეგად, ყოველ 100 კილომეტრზე ხარჯი, შიგაწვისძრავიან ავტომობილთან შედარებით, სამჯერ მცირდება.2026 წლის დასაწყისი „ჯილი ცენტრი თეგეტასთვის“ სამოდელო ხაზის გაფართოების თვალსაზრისითაც გამორჩეული იყო - პირველად ბრენდის ისტორიაში ქართულ ბაზარზე ერთდროულად სამი სხვადასხვა ტიპის ძრავის მქონე მოდელი გახდა ხელმისაწვდომი. მათ შორის: Geely GeoMe - განახლებული ელექტრომობილი პირველ კვარტალში „ჯილი ცენტრი თეგეტამ“ საოპერაციო ლიზინგით კომპანიებს 25-ზე მეტი Geely GeoMe-ის განახლებული ვერსია გადასცა. 2025 წელს ქართულ ბაზარზე შემოსული ეს მოდელი ახლა უკვე რესტაილინგ ვერსიით არის წარმოდგენილი. Geely Starship 7 - ევროპული Plug-in ჰიბრიდი 2026 წლის პირველ კვარტალში ბაზარს წარედგინა Geely Starship 7-ის ევროპული ვერსია - ბრენდის სამოდელო ხაზის პირველი Plug-in ჰიბრიდი, რომელიც სპეციალურად ევროპული ბაზრისთვის შეიქმნა. მოდელი ერთი დამუხტვით 120 კილომეტრს გადის, საწვავის საშუალო მოხმარება კი 100 კილომეტრზე 2-3 ლიტრია. Geely Preface - პრემიუმ სედანი შიგაწვის ძრავით მნიშვნელოვანი სიახლეა Geely Preface - ბრენდის სამოდელო ხაზიდან სრულიად ახალი, პრემიუმ კლასის სედანი 2.0 ტურბო ძრავით, რომელიც ერთნაირად მიმზიდველია როგორც კორპორაციული, ისე საცალო მომხმარებლებისთვის.„ჯილი ცენტრი თეგეტა“ პორტფელის გაფართოებას კვლავაც აგრძელებს. წლის მეორე ნახევარში ბაზარზე პრემიუმ მოდელი Geely Galaxy M9 გამოჩნდება, ასევე Geely Battleship - დიდი ზომის 7-ადგილიანი 4x4 დამუხტვადი ჰიბრიდი. მანამდე კი, აპრილიდან კომპანია ბაზარს „ჯილი ჰოლდინგში“ შემავალ კიდევ ერთ ახალ ბრენდს, Farizon-ს, წარუდგენს - სრულად ელექტრული კომერციული ავტომობილების ხაზს (მცირე და დიდი ზომის ფურგონები, პიკაპები, დახურული სატვირთოები და ავტომობილები, რომლებშიც ქარხნულად ინტეგრირებული მაცივარია მოთავსებული -18°C-მდე). Farizon საქართველოში პირველი ბრენდი იქნება, რომელიც ბიზნესს, მათ შორის, სადისტრიბუციო კომპანიებს, ჰიპერმარკეტებსა და სუპერმარკეტების ქსელებს ასეთი ტიპის სპეციალიზებულ კომერციულ ელექტრომობილებს შესთავაზებს.Geely ზრდის სწრაფი ტემპით გამოირჩევა როგორც გლობალურ, ისე საქართველოს ბაზარზე. ბრენდმა 2025 წელი რეკორდული შედეგებით დაასრულა, ხოლო 2026 წლის პირველი კვარტალი ისტორიული მნიშვნელობის იყო - პირველად ჩინეთში, მსოფლიოს უდიდეს საავტომობილო ბაზარზე, სწორედ Geely გახდა ყველაზე გაყიდვადი ჩინური ავტომწარმოებელი.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ჯილი ცენტრი თეგეტა“ ქართულ ბაზარზე 2023 წლიდან ოპერირებს. ის ჩინური ავტოგიგანტის Geely Auto-ს ერთადერთი ავტორიზებული იმპორტიორია საქართველოში. კომპანია ქართველ მომხმარებელს, Geely Auto-ს ბრენდის ახალი ავტომობილების გარდა, ორიგინალ ნაწილებსა და საგარანტიო სერვისსაც სთავაზობს. Geely Auto-ს ავტომობილები გამოირჩევა გამძლეობით, უსაფრთხოების სისტემებით, თანამედროვე ტექნოლოგიების ინტეგრაციითა და ხელმისაწვდომი ფასებით.

1775641620

„მაშინ, როცა გლობალური მარშრუტები ირღვევა, იმარჯვებენ არა ისინი, ვინც ყველაზე ხმამაღლა საუბრობს თავის როლზე გეოეკონომიკურ „რადარებზე“, არამედ ისინი, ვისი გავლითაც შესაძლებელია უსაფრთხოდ გადაიტანო ტვირთი, ფინანსები და ენერგია“, - წერს დავით ქართველიშვილი.ანალიტიკოსი ხაზს უსვამს იმასაც, რომ შექმნილ სიტუაციაში მოქმედი ხელისუფლების ამჟამინდელი შემადგენლობა ეფექტურად მოქმედებს.„უამრავი უცნაურობების მიუხედავად, კი ბატონო, ჩავთვალოთ რომ ბოლო 24 საათში მსოფლიო კიდევ ერთხელ მიუახლოვდა სახიფათო ზღვარს და, როგორც ეს უკვე არაერთხელ ყოფილა, დაძაბულობის ეპიცენტრი კვლავ ჰორმუზის სრუტისა და ირანის ირგვლივ ჩამოყალიბდა. თუნდაც ირანის საგარეო საქმეთა მინისტრის იმ უკანასკნელი განცხადებების (ომის დასრულების ირანული სცენარი) ნაწილი, სულ რომ ინფორმაციული თამაშის ელემენტი აღმოჩნდეს, ჯერჯერობით მთავარი ტრენდი აშკარაა: მსხვილი მოთამაშეები (აშშ, ირანი, პაკისტანი და თურქეთი) დეესკალაციის კონტურებს სინჯავენ, რაც ძალიან კარგია. მაგრამ აქ მთავარი არა განცხადებების შინაარსია, არამედ თავად ფაქტი - რეგიონი შედის იმდენად მაღალი და სახიფათო ტურბულენტობის ფაზაში, სადაც ნებისმიერი ძვრები მყისიერად აისახება გლობალურ ლოგისტიკასა და ენერგეტიკაზე. ასეთ მომენტებში მკვეთრად იზრდება იმ ტერიტორიების მნიშვნელობა, რომლებიც თავად არ იბრძვიან, მაგრამ რომელთა გავლით იწყება ნაკადების გადანაწილება და გადაადგილება. აქ კი, ამ ეტაპზე მხოლოდ საქართველოს თუ წააწყდებით, რომელიც აღმოჩნდა კლასიკურ მდგომარეობაში, ვითარცა „კრიზისის ჩუმი ბენეფიციარი“: რაც უფრო იზრდება რისკები ჰორმუზსა და ირანის ირგვლივ, მით უფრო ძლიერდება მოთხოვნა ალტერნატიულ მარშრუტებზე. „შუა დერეფანი“ გამოდის ლამაზი პრეზენტაციის ეტაპიდან და პრაქტიკულ ინსტრუმენტად გარდაიქმნება, სადაც „კასპია - აზერბაიჯანი - საქართველო - შავი ზღვა“ ხდება არა არჩევანი, არამედ უალტერნატივო აუცილებლობა. ამ ფონზე, ინფორმაციული გარემო, რა თქმა უნდა, თავადაც ცალკე ფრონტად ყალიბდება. განცხადებები, რომლებიც ვრცელდება თუნდაც დონალდ ტრამპის მიერ, ნათლად აჩვენებს, რამდენად არის წაშლილი ზღვარი ოფიციალურ დიპლომატიასა და ინფორმაციული ნაღმების შემოგდებებს შორის. თუმცა საქართველოსთვის აქ მთავარი არა „შემოგდების“ წყაროა, არამედ ამით გამოწვეული ეფექტი: ინვესტიციები, ტრანზიტი და პოლიტიკური გადაწყვეტილებები, სულ უფრო მეტად მიიღება ინფორმაციული ხმაურის პირობებში. აქ ქვეყნის მდგრადობა დამოკიდებულია არა იმდენად ინფრასტრუქტურაზე, არამედ ქვეყნის უნარზე, არ აღმოჩნდეს სხვისი დღის წესრიგის მძევალი. საბოლოო ჯამში, საქმე გვაქვს პარადოქსთან, რომლის გამოყენებაც ოფიციალურმა თბილისმა ცივი გონებით უნდა ისწავლოს: რაც უფრო მძიმდება ვითარება მის გარშემო, მით უფრო იზრდება თავად საქართველოს ფასი და ეს არ არის ცინიზმი, ეს პოლიტიკაა. მაშინ, როცა გლობალური მარშრუტები ირღვევა, იმარჯვებენ არა ისინი, ვინც ყველაზე ხმამაღლა საუბრობს თავის როლზე გეოეკონომიკურ „რადარებზე“, არამედ ისინი, ვისი გავლითაც შესაძლებელია უსაფრთხოდ გადაიტანო ტვირთი, ფინანსები და ენერგია. დღეს საქართველო სწორედ ასეთი კვანძია, რომლის მნიშვნელობა იზრდება არა ხმამაღალი განცხადებების თუ „მეტიჩრობის“ წყალობით, არამედ მის ირგვლივ არსებული ქაოსის მიუხედავად. ხანდახან მართლა მაოცებს (კარგი გაგებით) მოქმედი ხელისუფლების ამჟამინდელი შემადგენლობის ეფექტურობა. როგორც ჩანს, სწორედ ახლა შედგა ამქვეყნიური და ზეციური საერთო ინტერესების თანხვედრა და ღმერთის წყალობა არ დაინახო ამ ყველაფერში - მოღალატეობრივი სიბეცეა“, - წერს დავით ქართველიშვილი.

1775639919

დეგუსტაციას Red Bridge-ის ხელმძღვანელი, ღვინის მაგისტრი კენიჩი ოჰაში უძღვებოდა, რომელმაც ქართული ღვინის შესახებ პრეზენტაცია წარადგინა.პრეზენტაცია მოიცავდა ინფორმაციას ქართული მეღვინეობის მრავალსაუკუნოვანი ისტორიის, ტრადიციების, ვაზის ძირითადი ჯიშებისა და თანამედროვე ქართული ღვინის ინდუსტრიის განვითარების შესახებ.ღონისძიებაზე ქართული ღვინის პრეზენტაცია ასევე წარადგინა იაპონიაში საქართველოს საგანგებო და სრულუფლებიანმა ელჩმა თეიმურაზ ლეჟავამ. მსგავსი ფორმატის ღონისძიებები მნიშვნელოვან როლს ასრულებს საერთაშორისო პარტნიორული კავშირების განმტკიცებაში. მათი მეშვეობით, ღვინის მწარმოებლები უშუალოდ იღებენ უკუკავშირს კონკრეტული ბაზრის მოთხოვნებზე და უკეთ ერგებიანმომხმარებლის ინტერესებს. აღნიშნული აქტივობებიხელს უწყობს როგორც ექსპორტის ზრდას, ასევეწარმოების სტანდარტებისა და მარკეტინგული სტრატეგიების დახვეწას,  რაც გრძელვადიან პერსპექტივაში აძლიერებს ქართული ღვინის კონკურენტუნარიანობას საერთაშორისო ბაზარზე.იაპონიაში ქართული ღვინის პირველი მასშტაბური წარდგენა 2014 წელს გაიმართა. შემდგომ წლებში, ასევე ღვინის ეროვნული სააგენტოს მხარდაჭერით, ქართული კომპანიები აქტურად მონაწილეობდნენ საერთაშორისო გამოფენებში, მათ შორის Foodex Japan, RAW Wine Tokyo და Wine and Gourmet Japan, ასევე დგილობრივ ღვინის კონკურსებში. 2019 წელს, ტოკიოში გაიმართა მასშტაბური გამოფენა „საქართველო ღვინის სამშობლო“, რომელმა, 2 თვის განმავლობაში ათასობით დამთვალიერებელს უმასპინძლა და მნიშვნელოვნად გაზრადა ქართული ღვინის ცნობადობა იაპონიის ბაზარზე.

1775639710

ამის შესახებ მან მთავრობის დღევანდელ სხდომაზე განაცხადა.“აგვისტოში დასრულდება თბილისი-ბათუმის რკინიგზის რეაბილიტაცია, რის შედეგადაც გადაადგილების დრო 5,5 საათიდან 4 საათამდე შემცირდება. 1.5 საათით შევამცირებთ თბილისიდან ბათუმამდე მგზავრობის დროს", - აღნიშნა კობახიძემ.მისივე თქმით, აგვისტოში დასრულდება თბილისი-ახალციხის რკინიგზის რეაბილიტაციაც, - "შედეგად აღდგება აღნიშნული რეისი, რომელიც გაუქმებული იყო 2009 წლიდან და გადაადგილების დრო ძველ დროსთან შედარებით 6 საათიდან შემცირდება 3 საათამდე, ანუ განახევრდება გადაადგილების დრო თბილისის-ახალციხის მიმართულებაზე”, - განაცხადა პრემიერმა.

1775637519

პრემიერის განმარტებით, ეს ინსტიტუცია შეიქმნება სააგენტოს „აწარმოე საქართველოში“ ბაზაზე და მასში განხორციელდება რამდენიმე, მათ შორის საქართველოს განვითარების ფონდის ფუნქციის შერწყმა.„პროგრამას „აწარმოე საქართველოში“ დაემატება ახალი ინსტრუმენტები, ასევე განხორციელდება არსებული ინსტრუმენტების ოპტიმიზაცია, რის შედეგადაც კერძო სექტორისთვის გაიზრდება ფინანსებზე ხელმისაწვდომობა. ახალი ინიციატივები მოიცავს ინიცირებულ სესხებს და კაპიტალის ბაზრის განვითარების ინსტრუმენტებს. განსაკუთრებული ყურადღება დაეთმობა კონკრეტულ სექტორებს, მათ შორის ენერგეტიკას, სადაც კომპანიებს გაეზრდებათ წვდომა იაფ სესხებზე. ეკონომიკის სამინისტროში დამოუკიდებელ უწყებად ჩამოყალიბდება ინვესტიციების სააგენტო, რომელიც აქტიურად იმუშავებს ახალი უცხოური ინვესტიციების მოზიდვაზე საქართველოში“, - განაცხადა მთავრობის მეთაურმა.

1775635073