ირანის ეროვნული ვალუტა ისტორიაში ერთ-ერთ ყველაზე ღრმა კრიზისს განიცდის

როგორც გიორგი ქობულიამ აღნიშნა, საზოგადოებისთვის ნათელია, რომ ქვეყნის ყოფილი პრემიერ-მინისტრის დაკავება დეკლარაციის არასწორად შევსების გამო არ მომხდარა. მისივე თქმით, „ქართული ოცნების“ ამ გადაწყვეტილებას მიესალმება და თვლის, რომ კორუფციასთან ბრძოლაში მნიშვნელოვანი წინ გადადგმული ნაბიჯია.„ისეთი ფაქტები ვიხილეთ, რა თქმა უნდა, ბევრს ეჭვიც არ ეპარებოდა, რომ ამას ყოფილი პრემიერ-მინისტრის დაკავება მოჰყვებოდა. რას უკავშირდება? ჩემი გადმოსახედიდან, ეს არ უკავშირდება კლანებს შორის დაპირისპირებას. არაერთხელ მითქვამს, რომ ჩვენ არ გვყავს ბევრი კლანი ხელისუფლებაში. არის მხოლოდ ერთი კლანი და ეს არის „ქართული ოცნების“ ხელისუფლება.ეს დაკავება მაინც დაკავშირებულია იმასთან, რომ ყველას გვესმოდა ძალიან დიდი ხნის განმავლობაში კორუფციულ გარიგებებზე. იყო ყოველთვის ეჭვები, განცდა, რომ ეს ასეა, მაგრამ ფაქტები არ ჰქონდა არავის. კორუფციული გარიგებები ბოლო წლების განმავლობაში იმდენად გავიდა კონტროლის ზონიდან, რომ „ქართულ ოცნებას“ გამოსავალი აღარ რჩებოდა, თვითონ უნდა დაერტყა ამ თემისთვის.არ შევალ სასამართლოს კომპეტენციაში, არ ვარ ამის სპეციალისტი. თუმცა, თუ თქვენ დეკლარაცია არასწორად შეავსეთ და არასწორად მიუთითეთ შემოსავლები, მგონი მაგისთვის ხალხს ციხეში არ სვამენ. დეკლარაციის არასწორად შევსებისთვის არის 1000-ლარიანი ჯარიმა. არ მგონია, მაგისთვის ადამიანი 5 წლით ციხეში გაუშვან. თქვენც და ჩვენი მაყურებელიც კარგად ხვდება ყველაფერს, არ არის საჭირო ამის განმარტება.ჩემი აზრით, აბსოლუტურად სწორი ნაბიჯი გადადგეს. მე მივესალმები ამ ნაბიჯს. ეს არ ნიშნავს იმას, რომ გულუბრყვილოები ვართ. სამწუხაროდ, ჩვენს კულტურაში იმდენად არის გამჯდარი კორუფციული თემები, ამის ასე უეცრად აღმოფხვრა ძალიან რთულია. თუმცა, ეს არის ძალიან სერიოზული წინ გადადგმული ნაბიჯი კორუფციასთან ბრძოლაში. ისევ განვმეორდები, არავინ არ ვართ გულუბრყვილოები და არ გვგონია, რომ საერთოდ აღარ იქნება კორუფციული ან რაღაც პრივილეგირებული გარიგებები. იქნება ალბათ, მაგრამ ახლა უკვე ძალიან ბევრი სახელმწიფო მოხელე, მაღალ თანამდებებებზეც კი, სამჯერ დაფიქრდება, ვიდრე რაღაცაზე ხელს მოაწერს. ზევიდანაც რომ დაავალოს მათმა ხელმძღვანელობამ. ამიტომ მგონია, რომ ეს ჩვენი ქვეყნისთვის კარგია. იმ ადამიანებისთვის, ვინც ამაში მონაწილეობდა, ცუდია, მაგრამ თვითონ უნდა ეფიქრათ, რასაც აკეთებდნენ თავის დროზე“, - განაცხადა გიორგი ქობულიამ.ცნობისთვის, საქართველოს პროკურატურამ ყოფილ პრემიერ-მინისტრ ირაკლი ღარიბაშვილთან საპროცესო შეთანხმება გააფორმა და მას სასჯელის სახედ და ზომად 5 წლით თავისუფლების აღკვეთა განესაზღვრა. პროკურატურის განცხადებით, ღარიბაშვილს ასევე, დამატებითი სასჯელის სახით დაეკისრა ჯარიმა 1 მილიონი ლარის ოდენობით, ასევე ჩამოერთმევა დანაშაულებრივი საქმიანობის შედეგად მიღებული და მისი საცხოვრებელი სახლის ჩხრეკის დროს ამოღებული თანხა.ირაკლი ღარიბაშვილი რუსთავის N12 პენიტენციურ დაწესებულებაში შეასახლეს.

1768305935

„გადააგორე ზამთარი“ - კამპანია, რომელიც ხელოვნური ინტელექტის საშუალებით შექმნილი ვიზუალებით დაიწყო, შთამბეჭდავი ვიდეორგოლით გრძელდება, რომელიც ასევე სრულად ხელოვნური ინტელექტის გამოყენებით მომზადდა. კონცეფციაზე კომპანიამ სააგენტო CONTACT-თან ერთად იმუშავა, ვიზუალური მხარე კი მთლიანად კრეატიულ სააგენტოს ანდო.ელენე კოხრეიძე, „თეგეტა ჰოლდინგის“ მარკეტინგის მთავარი ოფიცერი: „ჩვენთვის ეს კამპანია მხოლოდ ტექნოლოგიური ექსპერიმენტი არ ყოფილა. მთავარი მიზანი ჩვენი მესიჯის მეტი მკაფიობა გახლდათ - ის, რომ ზამთრისთვის ავტომობილის მომზადება პირდაპირ უკავშირდება უსაფრთხოებას, პასუხისმგებლობასა და საგზაო კულტურას. სააგენტო CONTACT-თან ერთად განვსაზღვრეთ სამი ტიპის მომხმარებელი: ის, ვინც წინასწარ ემზადება; ის, ვინც საკითხის მარტივად გადაჭრის გზებს ეძებს და ბოლოს ის, ვინც საკითხის მოგვარებას მხოლოდ გამოუვალ სიტუაციაში იწყებს. გვსურდა, მათთვის გვეჩვენებინა, რომ „თეგეტა მოტორსი“ დასახმარებლად ყოველთვის მზად არის. დატვირთული საახალწლო პერიოდის გათვალისწინებით გადავწყვიტეთ, ვიზუალურად დივერსიფიცირებული და, ამასთანავე, შთამბეჭდავი ვიდეორგოლი შეგვექმნა, რომელიც მომხმარებლის ყურადღების მიღმა ვერ დარჩებოდა. განსაკუთრებული მადლობა მინდა გადავუხადო კრეატიულ სააგენტო CONTACT-ს და ასევე Visual Solution AI-ს (Los Angeles), რომელთა დიდი ძალისხმევითაც ეს რთული პროექტი წარმატებით განხორციელდა.„თეგეტა მოტორსი“ მუდმივად ცდილობს, დანერგოს სიახლეები და ვამაყობთ, რომ ამჯერადაც პირველები ვართ, ვინც ხელოვნური ინტელექტი ბრენდულ კომუნიკაციაში მსგავსი მასშტაბით გამოიყენა“.კრეატიული სააგენტო CONTACT-ისა და „თეგეტა მოტორსის“ ერთობლივ სამუშაო პროცესში შემუშავებული იდეა მარტივ, მაგრამ უნივერსალურ დაკვირვებას ეფუძნება - ზამთრის „გადაგორებას“ თითოეული ადამიანი საკუთარი სტილით ახერხებს. განსხვავებული ყოველდღიურობა, მარშრუტები და გამოწვევები მრავალფეროვან სცენარს ქმნის, თუმცა ყველას აერთიანებს ერთი საერთო საჭიროება: ავტომობილის უსაფრთხო და დროული მომზადება ზამთრისთვის.ვიდეორგოლი, რომელიც სამ დამოუკიდებელ სცენას მოიცავს, ორ კვირაზე ნაკლებ დროში მომზადდა.გოგიტა ჩიკვაიძე, კრეატიული სააგენტო CONTACT-ის შემოქმედებითი ხელმძღვანელი: „გვსურდა, ვიდეოს ყველა დეტალი ადამიანური იდეის შედეგი ყოფილიყო, ხელოვნური ინტელექტი კი - მხოლოდ ინსტრუმენტი. სწორედ ეს ართულებდა დავალებას, რომელიც უმოკლეს დროში უნდა შეგვესრულებინა. აღსრულების ნაწილში Visual Solution AI დაგვეხმარა, რომელიც ლოს-ანჯელესში საქმიანობს.  მათი ჩართულობით ვიდეოს შესაქმნელად 20-მდე სხვადასხვა AI პლატფორმა და ხელსაწყო გამოვიყენეთ. ხელოვნურმა ინტელექტმა არ შემოგვთავაზა გადაწყვეტები, არამედ შეასრულა ზუსტად ის, რაც ჩვენ დავგეგმეთ და გვინდოდა. შედეგად კი მივიღეთ სრულად ნატურალური ვიზუალური ესთეტიკა. ამასთან ერთად, გვინდოდა, სცენარში გათვალისწინებული სამი სცენა სხვადასხვა სტილით გადმოგვეცა და სამი რეჟისორის ხედვას დავეყრდენით. Quentin Tarantino-ს, Wes Anderson-ისა და Alejandro González Iñárritu-ს საკულტო ფილმებიდან გადმოტანილი ოპერატორული ხედვები და ვიზუალური ენა ერთსა და იმავე იდეას რადიკალურად განსხვავებული პრიზმიდან აჩვენებს, რომ ზამთრის გადაგორების ყველას თავისი სტილი აქვს.პირველები ვართ საქართველოში, ვინც ასეთი სირთულის ამოცანას თავი გავართვით. მადლობა „თეგეტა მოტორსს“ ნდობისა და ამ შესაძლებლობისთვის“. „თეგეტა მოტორსის“ მთავარი სათქმელის გადმოცემა ხელოვნურ ინტელექტს დაევალა, თუმცა პროცესს უწყვეტად ახლდა თან ადამიანური ხედვა, სტრატეგიული კონტროლი და ბრენდის იდენტობის დაცვა. კომპანიაში ამბობენ, რომ მნიშვნელოვანი იყო არა მხოლოდ ტექნოლოგიური სიახლე, არამედ მისი გამოყენება სწორი მიზნისათვის. საბოლოოდ, ინოვაციურმა ფორმამ მესიჯი უფრო მკაფიო გახადა და ნათლად აჩვენა, თუ როგორ შეიძლება ხელოვნური ინტელექტი საზოგადოებრივი პასუხისმგებლობის მატარებელ საკომუნიკაციო ინსტრუმენტად იქცეს.---თეგეტა მოტორსის შესახებ: თეგეტა ჰოლდინგში შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1768305120

ამის შესახებ კომპანიის პრესსამსახურმა Telegram არხზე განაცხადა.მონაცემების თანახმად, „გაზპრომმა“ გასულ წელს ჩინეთს „სიბირის ძალა“ გაზსადენით 38,8 მილიარდი კუბური მეტრი გაზი მიაწოდა.„ამრიგად, კომპანიამ ჩინეთში მილსადენიდან გაზის ექსპორტის მეტი რაოდენობა განახორციელა, ვიდრე ევროპის შორეულ საზღვარგარეთში (მათ შორის თურქეთში) ერთად აღებულში“, - ნათქვამია განცხადებაში.კომპანიამ დასძინა, რომ 2025 წელს „გაზპრომმა“ გაზის ექსპორტი ცენტრალურ აზიასა და სამხრეთ კავკასიაში გაზარდა. კერძოდ, აღინიშნა, რომ კომპანიამ ყაზახეთში, უზბეკეთსა და ყირგიზეთში მიწოდება 22,2%-ით, ხოლო საქართველოში - 40,4%-ით გაზარდა.

1768299011

ამის შესახებ ჟურნალისტებს თეთრი სახლის პრესმდივანმა კეროლაინ ლივიტმა განუცხადა.მან განაცხადა, რომ აშშ-ის პრეზიდენტმა დონალდ ტრამპმა „ძალიან ნათლად განაცხადა, რომ ვენესუელას მხოლოდ აშშ-ის მიერ დამტკიცებული ნავთობტანკერები დატოვებენ“.„ჩვენ გავაგრძელებთ ეროვნების არმქონე ან აშშ-სგან ვაჭრობის ნებართვის არმქონე გემების დაკავებას“, - თქვა ლივიტმა.

1768298610

საერთაშორისო სანქციების, მაღალი ინფლაციისა და ნავთობის ექსპორტის შეზღუდვების წლების განმავლობაში, რიალი დოლართან და ევროსთან მიმართებაში რეკორდულად დაბალ ნიშნულამდე დაეცა.ეკონომიკური კრიზისი ქვეყანაში სოციალურ დაძაბულობას ზრდის.ეროვნული ვალუტის სწრაფ ვარდნას, რომელიც 2025 წლის დეკემბრის ბოლოდან შეინიშნება, თან ახლავს ინფლაციის ზრდა და სურსათისა და აუცილებელი საქონლის ფასების მკვეთრი ზრდა.ეს მნიშვნელოვნად ართულებს მოსახლეობის ყოველდღიურ ცხოვრებას და ხელს უწყობს საზოგადოებაში საპროტესტო განწყობების გამწვავებას.

1768298035

საქსტატის ცნობით, აქედან ექსპორტი 7 291.2 მლნ. აშშ დოლარი იყო, ანუ გაიზარდა 11.2 პროცენტით, ხოლო იმპორტი 18 525.2 მლნ. აშშ დოლარი – ზრდამ 9.7 პროცენტი შეადგინა.უარყოფითმა სავაჭრო ბალანსმა 2025 წელს 11 234.0 მლნ. აშშ დოლარი შეადგინა, რაც საგარეო სავაჭრო ბრუნვის 43.5 პროცენტია.

1768295665