რუსეთმა $9 მილიარდის ახალი დაფინანსება უზრუნველყო თურქეთის პირველი ატომური ელექტროსადგურის, აქუიუს მშენებლობისთვის

შეთავაზების ფარგლებში, ჩამოთვლილ მაღაზიებში PLUS ან საკრედიტო AmEx ბარათით გადახდისას, სხვადასხვა ბენეფიტს მიიღებთ.საქართველოს ბანკის PLUS ბარათით გადახდისას, შესაძლებლობა გაქვთ დაიბრუნოთ დახარჯული თანხა PLUS ქულებად. 26 დეკემბერი - JYSK – 30% PLUS ქულა; (მაქსიმუმ 100 ლარი) 28 დეკემბერი – Biblusi – 30% PLUS ქულა; (მაქსიმუმ 100 ლარი) 28 დეკემბერი – Elite – 20% PLUS ქულა; (მაქსიმუმ 500 ლარი) 28 დეკემბერი - XS Toys, Pepela, Carter’s – 20% PLUS ქულა; (მაქსიმუმ 100 ლარის თითოეულში) 29 დეკემბერი – Carpisa – 20% PLUS ქულა. (მაქსიმუმ 100 ლარი) *ქეშბექით სარგებლობისთვის, აუცილებელია შეთავაზება საქართველოს ბანკის მობილბანკში გაიაქტიუროთ.PLUS ქულებით გადახდისას კი მიიღებთ ფასდაკლებას: 26 დეკემბერი – Lutecia – 40% PLUS ქულის; 27 დეკემბერი – Dressup Group – 30% PLUS ქულის; 28 დეკემბერი – GPC & Pharmadepot – 30% PLUS ქულის. 29–30 დეკემბერს, ნებისმიერ მარკეტში მინიმუმ 50 ლარის გადახდისას 10-ჯერ მეტ PLUS ქულას დააგროვებთ. (მაქსიმუმ 20,000 PLUS ქულა) საკრედიტო AmEx ბარათით გადახდისას კი: 26 და 28 დეკემბერი - Columbia და Mustang Jeans – 30% MR ქულების ქეშბექი; (მაქსიმუმ 200 ლარი) 26 დეკემბრიდან 7 იანვრის ჩათვლით - Berghoff –25% MR ქულების ქეშბექი; (მაქსიმუმ 300 ლარი) 27 დეკემბერი - Freestyler Georgia –30% MR ქულების ქეშბექილ (მაქსიმუმ 200 ლარი) 28 დეკემბერი - Lutecia – 30% MR ქულების ქეშბექი; (მაქსიმუმ 150 ლარი) 28 დეკემბერი - JYSK –30% MR ქულების ქეშბექი; (მაქსიმუმ 150 ლარი) 29–30 დეკემბერი - შოპინგისა და აქსესუარების კატეგორიაში შემავალ ნებისმიერ მაღაზიაში საკრედიტო AmEx ბარათით გადახდისას 10-ჯერ მეტი MR ქულას დააგროვებთ; ( ჯამში მაქსიმუმ 10 000 MR ქულა) 31 დეკემბრამდე ყოველ შაბათ-კვირას - აფთიაქებში, მარკეტებსა და ბენზინგასამართ სადგურებზე გადახდისას ორმაგი MR ქულებს დააგროვებთ. არ გამოგრჩეთ საქართველოს ბანკის საახალწლო შეთავაზებები.ყველა შეთავაზებას შეგიძლიათ გაეცნოთ აქ.

1766752928

როგორც სააგენტოში საქართველოს პირველ არხს განუმარტეს, მსოფლიოს 55 ქვეყანაში ექსპორტირებულია 37.7 მლნ ლიტრი 257.5 მლნ აშშ დოლარამდე ღირებულების სპირტიანი სასმელები.ჯამურად, 11 თვეში, ღვინისა და სპირტიანი სასმელების ექსპორტით, ქვეყანაში შემოსავლის სახით მიღებულია მნიშვნელოვანი თანხა - ნახევარ მილიარდამდე - 502.5 მლნ) აშშ დოლარი.

1766751677

როგორც მან „ინტერპრესნიუსს“ განუცხადა, მისთვის „ბუნდოვანი და გაურკვეველი" იყო პრემიერის განცხადების ის ნაწილი, სადაც ის აღნიშნავს, რომ „დისტრიბუტორთა ასოციაციის ხელმძღვანელი არის რადიკალური ოპოზიციის აქტივისტი“.როგორც რიჟამაძე განმარტავს, პრემიერს ინფორმაცია არასწორად მიაწოდეს, ვინაიდან ასოციაციის შექმნის დღიდან, ღიად საუბრობენ მწარმოებლების და სადისტრიბუციო კომპანიების წინაშე არსებულ პრობლემებზე და მოითხოვენ, რაც შეიძლება მალე მიიღონ კანონი სასურსათო ფასების რეგულირებასთან დაკავშირებით.„ჩვენთვის ეს ბუნდოვანი და გაურკვეველი იყო. ალბათ, არასწორად მიაწოდეს ინფორმაციას პრემიერს. ასოციაციის პრეზიდენტი ბოლო 2 წელი მე ვარ. კიდევ ერთხელ განვმეორდები, რომ წლებია ვითხოვთ ამ კანონის მიღებას, მივუთითებთ ზუსტად იმ პრობლემებზე, რაც პრემიერის მიერ გაკეთებულ განცხადებაში იყო. ჩვენ ვითხოვდით ამას, პირიქით არის, მწარმოებლების და სადისტრიბუციო კომპანიების წინაშე არსებულ პრობლემებზე ჩვენს მიერ იქნა ეს მოთხოვნები დაყენებული. ჩვენ მიერ იქნა ის ინფორმაცია მიწოდებული, რაც დაწესებულ გადასახადებთან დაკავშირებით გაჟღერდა. ეს ქმნიდა პრობლემას ფასის ფორმულირებაში.ჩვენ წლებია ამას ვცდილობთ, გვინდა წარვუდგინოთ ინფორმაცია იმ პრობლემების შესახებ, რის წინაშე არის მწარმოებლები და სადისტრიბუციო კომპანიები.რა თქმა უნდა, მზად ვართ აქტიურად ჩავერთოთ და მივაწოდოთ ნებისმიერი ტიპის ინფორმაცია, პირიქით, ჩვენი მიზანია, ეს კანონი მიღებული იყოს რაც შეიძლება მალე. კარგი კომპლექსური გადაწყვეტილება უნდა იყოს მიღებული სხვადასხვა ქვეყნის მაგალითის შესაბამისად. ამას ვითხოვთ ასოციაციის დაარსების დღიდან“,- აღნიშნავს ლაშა რიჟამაძე.

1766751291

„პრეზენტაცია წარადგინა სამინისტროს ენერგოეფექტურობისა და განახლებადი ენერგიების პოლიტიკის და მდგრადი განვითარების დეპარტამენტის უფროსმა მარიტა არაბიძემ. მისი თქმით, ელექტროტექნიკაზე ენერგოეტიკეტის დატანა მომხმარებელს დაეხმარება, მარტივად მიიღოს ინფორმაცია, თუ რა ენერგიას მოიხმარს კონკრეტული პროდუქტი და შესაბამისად, შეარჩიოს უფრო მდგრადი და ხარჯეფექტური ტექნიკა.აღსანიშნავია, რომ ენერგოეტიკეტირების შესახებ კანონის ძალაში შესვლამდე, ბაზარზე ზედამხედველობის სააგენტომ სავალდებულო მოთხოვნების შესახებ სათანადო ინფორმაცია უკვე მიაწოდა ყველა დაინტერესებულ პირს, რათა ბიზნეს სექტორის წარმომადგენლები მომზადებული შეხვდნენ საკანონმდებლო ცვლილებებს.შეხვედრაში მონაწილეობა მიიღეს საქართველოს ეკონომიკისა და მდგრადი განვითარების სამინისტროს და სსიპ ბაზარზე ზედამხედველობის სააგენტოს წარმომადგენლებმა. პრეზენტაციის შემდგომ გაიმართა დისკუსია ბიზნეს სექტორის წარმომადგენლებთან", - ნათქვამია ინფორმაციაში.

1766750737

ავტოინდუსტრიის ლიდერმა კომპანიამ „თეგეტა ჰოლდინგმა“ ლარში დენომინირებული, მდგრადობასთან დაკავშირებული ობლიგაციები (SLB) წარმატებით განათავსა. ემისიის მოცულობა 260 მილიონი ლარია. საქართველოს კაპიტალის ბაზარზე ეს ეროვნულ ვალუტაში გამოშვებული SLB ობლიგაციების პირველი შემთხვევა და ერთ-ერთი უმსხვილესი გარიგებაა. ფასიანი ქაღალდების საპროცენტო განაკვეთი TIBR 6m + 3%-ით განისაზღვრა.ობლიგაციების ძირი თანხის 50% 3 წელიწადში დაიფარება, მეორე ნაწილი კი - 5-ში. ინვესტორები სარგებელს ნახევარწლიურად მიიღებენ. მდგრადობასთან დაკავშირებული ბონდების მთავარი ინვესტორი აზიის განვითარების ბანკია (ADB). ინვესტორთა ბაზა დივერსიფიცირებულია - მდგრადობასთან დაკავშირებული ობლიგაციების ნაწილი ადგილობრივმა ფინანსურმა ინსტიტუტებმაც შეიძინეს.ემისიის შედეგად მოზიდული ფინანსური რესურსი მთლიანად მდგრადი განვითარების მიზნებს მოხმარდება.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „ეროვნულ ვალუტაში დენომინირებული მდგრადობასთან დაკავშირებული ობლიგაციების განთავსება ქვეყნისა და მთლიანად რეგიონის კაპიტალის ბაზარზე უპრეცედენტოა. ეს ნაბიჯი ნათლად ადასტურებს „თეგეტა ჰოლდინგის“, როგორც გამოცდილი და მაღალი სანდოობის მქონე კორპორაციული ემიტენტის, ძლიერ პოზიციას. ამასთანავე, ასახავს ჩვენს სტრატეგიულ ხედვას - განვავითაროთ ფინანსური ინსტრუმენტები, რომლებიც SLB სტანდარტებს შეესაბამება და საერთო ეკოლოგიური სარგებელი მოაქვს.მივყვებით ჩვენს გრძელვადიან სტრატეგიას და ვაგრძელებთ ინვესტირებას ისეთ პროექტებში, რომლებიც ზრდის ოპერაციულ ეფექტიანობას, აძლიერებს ეკომეგობრულ ინფრასტრუქტურას და ამყარებს ჩვენს ლიდერ პოზიციას რეგიონში. მიგვაჩნია, რომ ასეთი ფინანსური ინსტრუმენტები არა მხოლოდ ზრდის კომპანიის კონკურენტუნარიანობას, არამედ დადებით გავლენას ახდენს, ერთი მხრივ, ადგილობრივი კაპიტალის ბაზრის განვითარებაზე და, ამასთან ერთად, ხსნის ახალ შესაძლებლობებს კერძო სექტორისთვის, მით უფრო საავტომობილო სექტორში“. ემიტენტის მიერ აღებული ვალდებულებების ჩარჩო დოკუმენტი აზიის განვითარების ბანკთან კოორდინაციით მომზადდა. მკაფიოდ გაწერილი მიზნები პროსპექტით გათვალისწინებულ ვადებში უნდა შესრულდეს. მდგრადი ტრანსფორმაციის ფარგლებში, „თეგეტა ჰოლდინგი“ პასუხისმგებლობას იღებს: შექმნას სრულად დაბალემისიანი ბიზნესმოდელი, ასევე SLB ემისიით მობილიზებული თანხის ნაწილი ლიზინგისა და ფლიტ-მენეჯმენტის მიმართულებების განვითარებაზე დახარჯოს, რაც საქართველოსა და სომხეთში ავტოპარკების ეტაპობრივ ჩანაცვლებას და ეკომეგობრული, ჰიბრიდული და ელექტრიფიცირებული ავტომობილების წილის ზრდას უზრუნველყოფს. ამასთანავე, „თეგეტა“ ვალდებულია, ენერგოეფექტური ინფრასტრუქტურის განვითარება შეუფერხებლად განაგრძოს. ლესლი ბეარმან ლამი, აზიის განვითარების ბანკის მუდმივი წარმომადგენლობის დირექტორი საქართველოში: „მოხარულები ვართ, „თეგეტასთან“ პარტნიორობის გაღრმავებით. 2023 წელს წარმატებული თანამშრომლობის შედეგად გამოვუშვით საქართველოში პირველი მწვანე ობლიგაციები ლარში, და ახლა მდგრადობასთან დაკავშირებული პირველი ობლიგაციები ლარში. ეს ტრანზაქცია არა მხოლოდ მწვანე ტრანსპორტს ავითარებს; ლარში გამოშვებით, ის მნიშვნელოვან როლს ასრულებს საქართველოს კაპიტალის ბაზრების გაღრმავებაში და ქმნის მნიშვნელოვან პრეცედენტს დეკარბონიზაციასთან შესაბამისი ინვესტიციებისთვის კავკასიის რეგიონში“.მდგრადობასთან დაკავშირებული ობლიგაციები „თეგეტა ჰოლდინგმა“ თიბისი კაპიტალთან და გალტ & თაგარტთან პარტნიორობით გამოუშვა. ტრანზაქციის იურიდიული მრჩევლები BLC და Dentons იყვნენ.გიორგი კუპრაშვილი, გალტ & თაგარტის გენერალური დირექტორი: „მოხარულები ვართ, კიდევ ერთხელ შევიტანოთ მნიშვნელოვანი წვლილი ადგილობრივი კაპიტალის ბაზრის განვითარებაში და ვიმუშაოთ ისეთ მნიშვნელოვან პარტნიორთან, როგორიც „თეგეტა ჰოლდინგია“. 260 მილიონ ლარამდე მოცულობის მდგრადობასთან დაკავშირებული ობლიგაციების ემისია ახალი მნიშვნელოვანი ეტაპია როგორც კომპანიისთვის, ისე ბაზრისთვის.ეს ტრანზაქცია თვალნათლივ აჩვენებს, რომ  საერთაშორისო ფინანსური ინსტიტუტისა და წამყვანი ადგილობრივი ინვესტორების ჩართულობით, საქართველოს კაპიტალის ბაზარი მასშტაბური, გრძელვადიანი ინსტრუმენტების შეთავაზებისთვის მზად არის. „თეგეტა“ კვლავ ამყარებს პოზიციას, როგორც აქტიური ემიტენტი, ხოლო ჩვენი მრავალწლიანი თანამშრომლობა ბაზრისადმი ნდობასა და განვითარების მზარდ პოტენციალზე ნათლად მიუთითებს“.მდგრადობასთან დაკავშირებულ ტრანზაქციას „თეგეტა“ თიბისი კაპიტალთან ერთად უკვე მეორედ ახორციელებს. 2023 წელს საფინანსო ინსტიტუტი „თეგეტა ჰოლდინგის“ მწვანე ემისიის მხარდამჭერი იყო.ოთარ შარიქაძე, თიბისი კაპიტალის დირექტორი: „თიბისი კაპიტალსა და „თეგეტა ჰოლდინგს“ მრავალწლიანი პარტნიორობა გვაკავშირებს, რომლის ფარგლებშიც ჯამურად უკვე 600 მილიონ ლარზე მეტი მოცულობის ობლიგაცია გვაქვს გამოშვებული. ბოლო, 260 მილიონი ლარის, ფასიანი ქაღალდების ემისია ყველაზე მსხვილი ტრანზაქციაა, რომელიც ერთობლივად განვახორციელეთ. ხაზგასასმელია, რომ ეს მდგრადობასთან დაკავშირებული პირველი ობლიგაციაა, რომელიც ლარშია დენომინირებული - მსგავსი ტრანზაქციების მხარდაჭერა თიბისი კაპიტალისთვის განსაკუთრებით პრიორიტეტულია. „თეგეტა ჰოლდინგის“ გამოცდილება ნათლად აჩვენებს, რომ კაპიტალის ბაზრის განვითარებამ საქართველოში შექმნა რეალური შესაძლებლობა, ქართულმა კომპანიებმა ადგილობრივ ბაზარზე მასშტაბური მოცულობის დაფინანსება მოიზიდონ”.ქართული კაპიტალის ბაზარზე „თეგეტამ“ პირველი წარმატებული ემისია 2019 წელს განახორციელა და 30 მილიონი ლარის ობლიგაციები განათავსა. კომპანიის პორტფელშია ეროვნულ ვალუტაში განხორციელებული ყველაზე მასშტაბური ტრანზაქცია და 150 მილიონი ლარის ღირებულების ობლიგაციები გამოშვება. 2023 წელს კი, საავტომობილო სექტორში, რეგიონის მასშტაბით პირველად, „თეგეტა ჰოლდინგმა“ ლარში დენომინირებული ფასიანი ქაღალდები გამოუშვა და ავტოსფეროში ESG (გარემოსდაცვითი, სოციალური და მმართველობითი) პრინციპების დანერგვას შეუწყო ხელი.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1766747400

ეროვნული ბანკი  დამკვიდრებულ პრაქტიკას განაგრძობს და ამჯერადაც ახალი სტრატეგიის დოკუმენტზე მუშაობს, რომლის ფარგლებშიც 2026-2028 წლებისთვის ეროვნული ბანკის საზედამხედველო პრიორიტეტები და შესაბამისი აქტივობები განისაზღვრება. ახალი დოკუმენტი წინა წლების საზედამხედველო სტრატეგიების მსგავსად პროაქტიული, მომავალზე ორიენტირებული და ბაზრის საჭიროებებზე მორგებული იქნება. საზედამხედველო პრიორიტეტების განსაზღვრისას ეროვნული ბანკი ითვალისწინებს: საფინანსო სექტორის საქმიანობის ზედამხედველობისა და რეგულირების ძირითად მიმართულებებს; საერთაშორისო პარტნიორებისგან მიღებულ რეკომენდაციებსა და ნაკისრ ვალდებულებებს; საუკეთესო საერთაშორისო პრაქტიკისა და ტენდენციების ანალიზს; საზოგადოებისა და სექტორისგან მიღებულ მოსაზრებებს; საზედამხედველო მანდატის ფარგლებში გამოვლენილ საჭიროებებს, არსებულ რისკებსა და გამოწვევებს. ეროვნული ბანკისთვის განსაკუთრებით მნიშვნელოვანია, რომ სტრატეგიის დოკუმენტი იყოს საერთო ხედვაზე ორიენტირებული, ინკლუზიური და კონსულტაციების საფუძველზე შედგენილი. იმისათვის, რომ სტრატეგია ასახავდეს როგორც საფინანსო სექტორის წარმომადგენლების, ისე მომხმარებლების, ინვესტორებისა და სხვა დაინტერესებული მხარეების ხედვასა და რეკომენდაციებს - ეროვნული ბანკი შესაბამის კითხვარს აქვეყნებს. კითხვარის ფარგლებში დაფიქსირებული მოსაზრებებით, თითოეული ჩართული პირი მნიშვნელოვან წვლილს შეიტანს საზედამხედველო პრიორიტეტებისა და სამოქმედო გეგმის ფორმირებაში. აღნიშნული ეროვნულ ბანკს დაეხმარება, ზუსტად განსაზღვროს სტრატეგიის დოკუმენტში პრაქტიკული და რეალურ საჭიროებებზე მორგებული მიდგომები.2026-2028 წლების საზედამხედველო სტრატეგიასთან დაკავშირებით, კითხვარის მეშვეობით, მოსაზრებების დაფიქსირება შესაძლებელია არაუგვიანეს 2026 წლის 23 იანვრისა. დამატებითი კითხვების შემთხვევაში, გთხოვთ, დაგვიკავშირდეთ ელ-ფოსტაზე  Supervisorystrategy@nbg.gov.ge.

1766745837