2026 წლის პირველ ნახევარში უზბეკეთის ეკონომიკა 8.5%-ით გაიზარდა

"თქვენს მიერ დასმული  კითხვის  საპასუხოდ, რომელიც შეეხებოდა  ეროვნულ ბანკის მიერ ვირტუალური აქტივების მომსახურების 13 პროვაიდერის  მიერ ფულის გათეთრების აღმკვეთი კანონმდებლობის მოთხოვნების დარღვევისთვის  დაკისრებულ ჯარიმებს,  განვმარტავთ, რომ ცამეტივე  კომპანია დაჯარიმდა მხოლოდ საქართველოს ფინანსური მონიტორინგის სამსახურის მიერ მოთხოვნილი ინფორმაციის წარუდგენლობა/დაგვიანებით წარდგენისთვის. საქართველოს ეროვნული ბანკი, საკუთარი  მანდატის ფარგლებში, რეგულარულად, რისკზე დაფუძნებული მიდგომის გათვალისწინებით  ზედამხედველობს რეგულირებულ სუბიექტებს, მათ შორის, ვირტუალური  აქტივების  მომსახურების პროვაიდერებს.  გამოყენებული საზედამხედველო ზომების  შესახებ  ინფორმაცია  სისტემატურად  ქვეყნდება  ჩვენს  ვებგვერდზე,"-ნათქვამია სებ-ის მიერ გამოგზავნილ ინფორმაციაში.შეგახსენებთ, საქართველოს ეროვნულმა ბანკმა ვირტუალური აქტივების მომსახურების 13 პროვაიდერი ფულის გათეთრებისა და ტერორიზმის დაფინანსების აღკვეთის შესახებ კანონმდებლობის მოთხოვნების დარღვევისთვის დააჯარიმა. სანქციები კომპანიებს სხვადასხვა რაოდენობის დარღვევის ფაქტის გამო დაეკისრათ.

1784651163

აღნიშნული სიახლე Nasdaq-მა მომხმარებლებს ნიუ-იორკის თაიმს სქვერზე განთავსებული ბანერით გააცნო.Nasdaq Calypso-ის საზიარო პლატფორმა საქართველოს ეროვნული ბანკის მხარდაჭერითა და საქართველოს ფინანსური ბაზრების ხაზინების ასოციაციის (GFMTA) ეგიდით ინერგება. პროექტი ხორციელდება „საქართველოს ფინანსური ბაზრების განვითარების პროგრამის" (GMAP) ფარგლებში და მიზნად ისახავს საბანკო სექტორისთვის საერთაშორისო სტანდარტების შესაბამისი, თანამედროვე და საიმედო სახაზინო ინფრასტრუქტურის შექმნას.„Nasdaq Calypso-ის პლატფორმაზე გადასვლა ლიბერთისთვის მნიშვნელოვანი ნაბიჯია, რომელიც კიდევ უფრო გააძლიერებს ჩვენი სახაზინო ოპერაციების ეფექტურობასა და რისკების მართვის შესაძლებლობებს. ბოლო ხუთი წლის განმავლობაში ლიბერთი ქართულ სახაზინო ბაზარზე მნიშვნელოვან მოთამაშედ ჩამოყალიბდა და თანმიმდევრულად აძლიერებს საკუთარ როლსა და პოზიციებს. საერთაშორისო სტანდარტის ტექნოლოგიური ინფრასტრუქტურის დანერგვა სრულად შეესაბამება ლიბერთის სტრატეგიას - მუდმივად განვავითაროთ თანამედროვე საბანკო სერვისები ჩვენი მომხმარებლებისა და პარტნიორებისთვის. გვჯერა, რომ ეს ინიციატივა მნიშვნელოვან წვლილს შეიტანს როგორც ლიბერთის, ისე მთლიანად საქართველოს ფინანსური ბაზრის განვითარებაში", - ვახტანგ ბაბუნაშვილი, ლიბერთის ფინანსური დირექტორი.Nasdaq-თან პარტნიორობა საქართველოს საბანკო სექტორისთვის კიდევ ერთი მნიშვნელოვანი ნაბიჯია, რომელიც ხელს შეუწყობს საერთაშორისო ფინანსურ სისტემასთან კიდევ უფრო მჭიდრო ინტეგრაციას და ქვეყნის კაპიტალის ბაზრის განვითარებას.

1784640777

საქართველოს მწვანე ტრანსფორმაციაში ფინანსური სექტორის როლზე ფორუმის მეორე პანელზე იმსჯელეს. დისკუსიის ფარგლებში მონაწილეებმა განიხილეს, როგორ აფართოებენ ქართული ფინანსური ინსტიტუტები მდგრადი და მწვანე დაფინანსების შესაძლებლობებს, რომელ ფინანსურ პროდუქტებზე იზრდება მოთხოვნა და რა როლი აქვს ფინანსებზე წვდომის გაუმჯობესებას კერძო სექტორის, განსაკუთრებით მცირე და საშუალო ბიზნესის, მწვანე გარდაქმნის ხელშეწყობაში.თიბისი ლიზინგი პანელზე დირექტორმა, გაგა გოგუამ წარმოადგინა. მან ისაუბრა ლიზინგზე, როგორც დაფინანსების ერთ-ერთ ყველაზე მდგრად ინსტრუმენტზე და აღნიშნა, რომ თვალსაჩინოდ გაიზარდა მოთხოვნა მზის ენერგიის და ენერგოეფექტური ტექნოლოგიების დაფინანსების მიმართულებით. უფრო სწრაფად ვრცელდება ელექტრო და ჰიბრიდული ტრანსპორტი და მცირე და საშუალო ბიზნესი სულ უფრო ხშირად იყენებს ლიზინგის მწვანე პროდუქტებს.„მდგრადი დაფინანსება ის მიმართულებაა, რომელსაც ცნობიერების ამაღლება განსაკუთრებით ესაჭიროება. სწორედ ამიტომ, მოხარული ვარ, რომ მონაწილეობა მივიღე გაეროს გლობალური შეთანხმების საქართველოს ქსელის ორგანიზებულ ფორუმში, სადაც მწვანე პროდუქტებზე და ამ მიმართულებით არსებულ პოტენციალზე ვისაუბრეთ. განსაკუთრებით აღსანიშნავია აუდიტორიის ჩართულობა, რაც კიდევ ერთხელ ადასტურებს მზად ინტერესსა და მოთხოვნას ამ მიმართულებით.“ - გაგა გოგუა, თიბისი ლიზინგის დირექტორი.ცნობისთვის, თიბისი ლიზინგის მწვანე პორტფელის მოცულობა 2026 წლის, ივლისის მდგომარეობით 40 მილიონ ლარს აღემატება.

1784640688

შეხვედრის მთავარი მიზანი რეგიონებში სარეაბილიტაციო და საექსპლუატაციო სამუშაოების მიმდინარეობის შეფასება, არსებული საჭიროებების გამოვლენა და იმ საკითხების განხილვა იყო, რომლებიც წყალმომხმარებლებისთვის უწყვეტი და ხარისხიანი მომსახურების უზრუნველყოფას შეუწყობს ხელს.„მსგავსი შეხვედრები გვაძლევს შესაძლებლობას, გავეცნოთ მიმდინარე პროცესებს, მოვისმინოთ რეგიონებში არსებული გამოწვევები და უშუალოდ განვსაზღვროთ, რა მიმართულებით არის საჭირო დამატებითი მხარდაჭერა. მელიორაცია დღეს ერთ-ერთი მნიშვნელოვანი მიმართულებაა - ჩვენ აქტიურად ვახორციელებთ სარეაბილიტაციო სამუშაოებს, გვაქვს მასშტაბური გეგმები და ვმუშაობთ საერთაშორისო ორგანიზაციებთან და დონორებთან, რათა განხორციელდეს მსხვილი ინფრასტრუქტურული პროექტები. სარეაბილიტაციო სამუშაოებზე გარკვეული გავლენა იქონია სხვადასხვა ფაქტორმა, მათ შორის მეტეოროლოგიურმა პირობებმა, თუმცა მნიშვნელოვანია, რომ სამუშაოები გაგრძელდეს და საირიგაციო სეზონზე ფერმერებს წყლის მიწოდებაში შეფერხებები არ შეექმნათ“, - აღნიშნა დავით სონღულაშვილმა.შეხვედრაზე შპს „საქართველოს მელიორაციის“ გენერალურმა დირექტორმა გიგლა თამაზაშვილმა რეგიონული სამსახურების საქმიანობის მნიშვნელობაზე ისაუბრა და აღნიშნა, რომ მსგავსი ფორმატის შეხვედრები ხელს უწყობს რეგიონებში მიმდინარე სამუშაოების კოორდინაციას, გამოწვევების დროულ იდენტიფიცირებასა და შემდგომი ნაბიჯების ეფექტიანად დაგეგმვას.„მნიშვნელოვანია, რომ მინისტრმა უშუალოდ რეგიონული სამსახურებისგან მოისმინა ინფორმაცია იმ საკითხებზე, რომლებიც დღეს ყველაზე აქტუალური და პრიორიტეტულია. შეხვედრაზე განვიხილეთ როგორც სარეაბილიტაციო, ისე საექსპლუატაციო სამუშაოების მიმდინარეობა. საყურადღებოა, რომ დაკონტრაქტების მაჩვენებელი მაღალია და მეტეოროლოგიური პირობების მიუხედავად, სამუშაოები აქტიურად ხორციელდება. ასევე, დაიგეგმა ადგილზე ვიზიტები, რომლის ფარგლებშიც მინისტრი უშუალოდ გაეცნობა რეგიონებში მიმდინარე სამუშაოებს“, - განაცხადა გიგლა თამაზაშვილმა.გარემოს დაცვისა და სოფლის მეურნეობის სამინისტროში გამართულ შეხვედრას გარემოს დაცვისა და სოფლის მეურნეობის მინისტრის მოადგილე ლაშა დოლიძე და სამინისტროს მელიორაციისა და მიწის მართვის პოლიტიკის დეპარტამენტის უფროსი ბექა ძაძამია ესწრებოდნენ.

1784640660

ხელმისაწვდომი იყო „შეღავათიანი აგროკრედიტის პროექტის“ ფარგლებში, ხოლო მიმდინარე წლის ივლისიდან ინტეგრირებულია „აგროთანადაფინანსების სახელმწიფო პროგრამაში“.ერთწლოვანი კულტურების დაფინანსებისთვის სესხების გაცემა პროგრამაში ჩართული კომერციული ბანკების მიერ მომდევნო კვირიდან დაიწყება.სოფლის განვითარების სააგენტო დააფინანსებს გაცემული სესხის საპროცენტო განაკვეთს  საქართველოს ეროვნული ბანკის მიერ დადგენილი რეფინანსირების განაკვეთის ოდენობით ( წლიური 8,25%), არაუმეტეს 12 თვის განმავლობაში. სესხის წლიური საპროცენტო განაკვეთის მაქსიმალური ოდენობა განსაზღვრულია 18%-ით.ერთ ბენეფიციარზე გაცემული სესხის ოდენობა შეადგენს არანაკლებ 10 000 ლარს და არაუმეტეს 100 000 ლარს, ხოლო მარცვლეული კულტურების წარმოების შემთხვევაში - არანაკლებ 10 000 ლარს და არაუმეტეს 300 000 ლარს.სესხები გაიცემა ერთწლოვანი კულტურების (ბოსტნეული, მარცვლოვანი და ბაღჩეული კულტურების) ერთი საოპერაციო წლის ხარჯების დასაფინანსებლად. დაფინანსება მოიცავს სათესი და სარგავი მასალის, სასუქების, მცენარეთა დაცვის ბიოლოგიური საშუალებების შეძენის, ასევე მუშახელისა და სასოფლო-სამეურნეო ტექნიკის დაქირავების, გამოყენებული საწვავის, ასევე  სარწყავი მილების ხარჯებს.პროგრამით განსაზღვრულია ერთი საოპერაციო წლის განმავლობაში კონკრეტული ერთწლოვანი კულტურების  მოვლა-მოყვანის მაქსიმალური ხარჯი ერთ ჰექტარზე გადაანგარიშებით. აღნიშნული ინფორმაციის გაცნობა შესაძლებელია სოფლის განვითარების სააგენტოს ოფიციალურ ვებგვერდზე www.rda.gov.geერთწლოვანი კულტურების დაფინანსების ქვეკომპონენტით სარგებლობა შეუძლიათ ფიზიკურ პირებს, საქართველოს კანონმდებლობის შესაბამისად რეგისტრირებულ ინდივიდუალურ მეწარმეებსა და იურიდიულ პირებს.პროგრამაში მონაწილეობის ერთ-ერთი აუცილებელი წინაპირობაა ფერმერული მეურნეობებისა და სოფლად არსებული საწარმოების რეესტრში რეგისტრაცია.„აგროთანადაფინანსების სახელმწიფო პროგრამა“ წარმოადგენს სოფლის მეურნეობის მხარდასაჭერად შექმნილ ერთიან მექანიზმს, რომელიც აერთიანებს სხვადასხვა მიმართულებით არსებულ სახელმწიფო მხარდაჭერის ინსტრუმენტებს.

1784640360

საქართველოს ბანკისთვის, როგორც ქვეყნის წამყვანი ფინანსური ინსტიტუტისთვის, ციფრული სერვისების სტაბილურობა და მომხმარებლებისთვის ღირებულების შექმნა საქმიანობის ერთ-ერთი მნიშვნელოვანი ნაწილია. სწორედ ამ მიზნით, ბოლო შვიდი წლის განმავლობაში ტექნოლოგიურმა პარტნიორმა, Dynatrace-მა მნიშვნელოვანი როლი შეასრულა ბანკის უფრო მდგრადი და ეფექტიანი ციფრული საბანკო გარემოს განვითარებაში.ტექნოლოგიებზე დაფუძნებული საბანკო მომსახურების განვითარება1994 წელს დაფუძნებიდან დღემდე საქართველოს ბანკი მნიშვნელოვნად გასცდა ტრადიციული საბანკო მოდელის ფარგლებს. დღეს ბანკი 2.2 მილიონზე მეტ აქტიურ მომხმარებელს ემსახურება და დაახლოებით 9 000 ადამიანს ასაქმებს. ციფრული სერვისები კი მომხმარებლებთან ურთიერთობის ცენტრალური ნაწილი გახდა.„ჩვენი მიზანი ყოველთვის იყო, ფინანსური სერვისები ყველასთვის უფრო ხელმისაწვდომი და მოსახერხებელი გამხდარიყო, ამასთან, მომხმარებლების ინდივიდუალური მიზნების მიღწევაში დავხმარებოდით” - აღნიშნავს ვაჟა ფირცხალაიშვილი, საქართველოს ბანკის DevOps & DataOps ინჟინერიის ხელმძღვანელი.ციფრული სერვისების მნიშვნელობის ზრდასთან ერთად, მათი უწყვეტი მუშაობის ხელშეწყობა ბანკისთვის კიდევ უფრო პრიორიტეტული გახდა.გრძელვადიანი ინვესტიცია სტაბილურობისთვისშვიდი წლის წინ საქართველოს ბანკმა სტრატეგიული გადაწყვეტილება მიიღო და Dynatrace-ის პლატფორმის დანერგვა დაიწყო. მიზანი იყო ციფრული სერვისების კუთხით არსებულ სიღრმისეული სურათზე დაკვირვება, პრობლემების უფრო სწრაფად აღმოჩენა და მომხმარებელზე ორიენტირებული სისტემების საიმედოობის გაუმჯობესება.ბანკის ტექნოლოგიური ინფრასტრუქტურის განვითარებასთან ერთად გაიზარდა ერთიანი ხედვის საჭიროებაც აპლიკაციებზე, ინფრასტრუქტურაზე, ღრუბლოვან სისტემებსაც და ყოველდღიურად შესრულებულ ათასობით ტრანზაქციაზე.ბანკის მიზანი მხოლოდ უკვე წარმოშობილ ინციდენტებზე რეაგირება აღარ იყო. მთავარ ამოცანად პოტენციური რისკების წინასწარ გამოვლენა და მათი აღმოფხვრა იქცა მანამდე, სანამ ისინი მომხმარებლის გამოცდილებაზე აისახებოდა.ერთი პლატფორმა - სრული ხედვადღეს საქართველოს ბანკი თანამედროვე ტექნოლოგიურ ეკოსისტემას მართავს, რომელიც მოიცავს როგორც ღრუბლოვან, ისე ლოკალურ ინფრასტრუქტურას, მიკროსერვისებსა და ერთმანეთთან დაკავშირებულ მრავალრიცხოვან აპლიკაციას.Dynatrace ამ მთელი ეკოსისტემის ერთიან სურათს ქმნის.მონიტორინგის სხვადასხვა ხელსაწყოსა და მონაცემთა წყაროს შორის ნავიგაციის ნაცვლად, გუნდებს შეუძლიათ ერთიანი პლატფორმიდან რეალურ დროში მიიღონ ინფორმაცია სერვისების მდგომარეობისა და პერფორმანსის შესახებ. ეს ინჟინრებს, დეველოპერებსა და ინფრასტრუქტურის გუნდებს საშუალებას აძლევს, იმუშაონ ერთიანი ხედვებით და პრობლემების წარმოშობისას გადაწყვეტილებები უფრო სწრაფად მიიღონ.პრობლემების აღმოჩენა მანამდე, სანამ მომხმარებელი შეამჩნევსსაქართველოს ბანკისთვის Dynatrace-ის დანერგვის ერთ-ერთი ყველაზე მნიშვნელოვანი უპირატესობა ის იყო, რომ ბანკი პროაქტიულ ოპერირებაზე გადავიდა.პლატფორმაში ინტეგრირებული ხელოვნური ინტელექტის შესაძლებლობები მუდმივად აანალიზებს სისტემების მუშაობის პროცესს და ავლენს უჩვეულო ქცევის პატერნებს, რომლებიც შესაძლოა მომავალში პერფორმანსის პრობლემებზე მიუთითებდეს. ეს გუნდებს საშუალებას აძლევს, პოტენციური ხარვეზები ადრეულ ეტაპზევე გამოავლინონ და მოაგვარონ.ციფრულ ბანკინგში, სადაც მომხმარებლები მყისიერ და შეუფერხებელ მომსახურებას ელიან, მცირე ხარვეზიც კი შესაძლოა, სამომხმარებლო გამოცდილებასა და კმაყოფილებაზე აისახოს. პრობლემების ადრეული აღმოჩენა ბანკს ეხმარება, შეინარჩუნოს მომსახურების ხარისხი და შეამციროს შეფერხებების რისკი.შედეგად, გუნდები ნაკლებ დროს ხარჯავენ ინციდენტების მიზეზების ძიებაზე და მეტ დროს უთმობენ სერვისების გაუმჯობესებას.სწრაფი ანალიზი და სწრაფი გადაწყვეტაDynatrace საქართველოს ბანკს საშუალებას აძლევს, თვალყური მიადევნოს ტრანზაქციების სრულ გზას ყველა ტექნოლოგიურ დონეზე - მომხმარებლისთვის ხილული აპლიკაციებიდან დაწყებული, მის უკან არსებული სისტემებითა და მონაცემთა ბაზებით დასრულებული.ეს ხილვადობა გუნდებს საშუალებას აძლევს, პრობლემის წყარო რამდენიმე წუთში განსაზღვრონ, ნაცვლად იმისა, რომ სხვადასხვა სისტემიდან მიღებული ინფორმაციის მექანიკურად გაერთიანებასა და ანალიზს დრო დაუთმონ.პლატფორმა მკაფიო ინფორმაციას აწვდის გუნდებს იმის შესახებ, თუ რა მოხდა, სად მოხდა და რომელ სერვისებზე შეიძლება ჰქონდეს გავლენა პრობლემას, რაც მნიშვნელოვნად აჩქარებს გადაწყვეტილების მიღებისა და რეაგირების პროცესს.გუნდებს შორის თანამშრომლობის გაძლიერებაDynatrace-ის დანერგვის კიდევ ერთი მნიშვნელოვანი შედეგი გუნდებს შორის თანამშრომლობის გაუმჯობესებაა.როდესაც ყველა გუნდი ერთსა და იმავე მონაცემებსა და სისტემის მდგომარეობის საერთო სურათს ეყრდნობა, დისკუსია მეტად ორიენტირებულია პრობლემის გადაწყვეტაზე.ერთიანი ხედვა სისტემების მუშაობის შესახებ კრიტიკულ სიტუაციებში კოორდინაციას აჩქარებს. ამ მიდგომამ ორგანიზაციაში საერთო პასუხისმგებლობის კულტურის გაძლიერებას შეუწყო ხელი.ციფრული საიმედოობა - კონკურენტული უპირატესობამომხმარებლისთვის ციფრული საბანკო პლატფორმის წარმატება მარტივი კითხვით იზომება: მუშაობს თუ არა ის მაშინ, როცა ყველაზე მეტად სჭირდება?საქართველოს ბანკისთვის სერვისების საიმედოობა კონკურენტული უპირატესობის მნიშვნელოვანი ნაწილია. პრობლემების სწრაფი აღმოჩენა, რეაგირების დროის შემცირება, ოპერაციული ხედვების გაუმჯობესება და გუნდებს შორის თანამშრომლობის გაძლიერება საბოლოოდ მილიონობით მომხმარებლისთვის უფრო სტაბილურ საბანკო გამოცდილებას ქმნის.ციფრული გამოცდილების განვითარებაზე მუდმივმა ფოკუსმა საქართველოს ბანკს ხელი შეუწყო, რომ Global Finance-ის მიერ 2025 წელს მსოფლიოს საუკეთესო ციფრულ ბანკად ზედიზედ მეორედ დასახელებულიყო.მომავლის ხედვაციფრული ბანკინგის განვითარებასთან ერთად, ბანკი ამ ტექნოლოგიებს განიხილავს არა როგორც მხოლოდ რიგით ინსტრუმენტს, არამედ როგორც საიმედო და ინოვაციური მომხმარებლის გამოცდილების შექმნის აუცილებელ კომპონენტს.„ბანკინგში ყოველი წუთი მნიშვნელოვანია. საკმარისი არ არის მხოლოდ იმის ცოდნა, რომ რაღაც მოხდა - აუცილებელია გვესმოდეს, რატომ მოხდა ეს და როგორ აისახება ის მომხმარებელზე“, — ამბობს ვაჟა ფირცხალაიშვილი.საქართველოს ბანკისთვის Dynatrace ციფრული სერვისების მდგრადობისა და განვითარების მნიშვნელოვანი ნაწილია - ტექნოლოგია, რომელიც ეხმარება ბანკს, შექმნას საიმედო, მასშტაბირებადი და მომავლის საჭიროებებზე მორგებული ციფრული საბანკო გამოცდილება.ინფორმაციისთვის, Dynatrace-ის გადაწყვეტა რეგიონული პარტნიორული ეკოსისტემის მეშვეობით დაინერგა, სადაც რეგიონის მასშტაბით Dynatrace-ის დამატებითი ღირებულების მქონე დისტრიბუტორის (VAD) როლს კომპანია BAKOTECH-ი ასრულებდა.

1784639100