მიხეილ სარჯველაძე - აფთიაქებს, იმპორტიორებს მოვუწოდეთ, სწრაფად აღმოფხვრან ონკოპაციენტების მედიკამენტების დეფიციტი

იმისთვის, რომ შენი ბიზნესისთვის კონტენტის შექმნა ისწავლო ან ეს ცოდნა დამატებით შემოსავლის წყაროდ აქციო, საქართველოს ბანკი ციფრული მარკეტინგის ოთხ უფასო მასტერკლასს გთავაზობს. თუ ბიზნესი ახლახან დაიწყე და რესურსები შეზღუდული გაქვს, მასტერკლასები დაგეხმარება, რომ ციფრულ მარკეტინგში პირველი ნაბიჯები თავად გადადგა. მასტერკლასების დასრულების შემდეგ კი გაიცემა სერტიფიკატები, რაც მომავალ ფრილანსერებს განსაკუთრებით გამოადგებათ. აი, კონკრეტულად რას გთავაზობს საქართველოს ბანკის მასტერკლასები:1. მასტერკლასი: ციფრული მარკეტინგი სწორი აუდიტორიის შესარჩევადმასტერკლასის ფარგლებში, ეფექტური ციფრული მარკეტინგისთვის ისეთ საჭირო უნარებს გამოიმუშავებ, როგორებიცაა სეგმენტირებული აუდიტორიების შექმნა, სარეკლამო ანგარიშების მართვა, სოციალური ქსელების განსხვავებული კომპონენტების მართვა და სხვა. კურსი 3 ვიდეოლექციისგან შედგება, დეტალურ ინფორმაციას შემდეგ კი თემებზე გაეცნობი: ბიზნესმენეჯერის მართვა, ბიზნეს ექაუნთის შექმნა, აუდიტორიების ტიპები და სარეკლამო მაჩვენებლები. დამწყები ბიზნესებისთვის მასტერკლასი გამოცდილმა მარკეტერმა, ტატიანა ბაშელეიშვილმა, მოამზადა.2 მასტერკლასი: როგორ დავწეროთ ეფექტური ტექსტიციფრულ მარკეტინგში მომხმარებლის მოზიდვა დიდწილად ტექსტზეა დამოკიდებული. მასტერკლასის ფარგლებში კი, სწორედ ისეთი ტექსტების შედგენას ისწავლი, რომლებიც მომხმარებელს დააინტერესებს და პროდუქტის გაყიდვებს გაზრდის. მასტერკლასი ქოფირაითერმა, მარიტა ფილაურმა მოამზადა, რომელიც შემდეგ თემებზე ისაუბრებს: როგორ გადმოვცეთ სათქმელი ეფექტურად, როგორია Copywriting-ის ფორმულები და როგორ ვისაუბროთ მომხმარებლის ენაზე. მასტერკლასი დაგეხმარება, რომ აუდიტორიასთან ეფექტური კომუნიკაცია დაამყარო და კიდევ უფრო მეტი მომხმარებელი მიიზიდო.3 მასტერკლასი: როგორ შევქმნათ ფოტო კონტენტიფოტო კონტენტის შექმნა დღეს უკვე ნებისმიერ მსურველს შეუძლია, რადგან ეს საქმე სმარტფონის მეშვეობითაც წარმატებულად გამოდის. ხოლო როგორ უნდა გადაიღო ისეთი ფოტოები, რომლებიც გაყიდვების ზრდაში დაგეხმარება, ამას ქართველი ფოტოხელოვანი გიორგი მარტიაშვილი (George van de Kamp) გასწავლის. გიორგი მარტიაშვილი ვიდეოლექციებში შემდეგ თემებზე ისაუბრებს: როგორ შევარჩიოთ პროდუქტზე მორგებული სტილი, როგორ შევარჩიოთ სწორი განათება და როგორ დავამუშაოთ ფოტოები მობილურით. ასე რომ, მასტერკლასი დაგეხმარება შენი სმარტფონის ახალი შესაძლებლობები აღმოაჩინო.4 მასტერკლასი: როგორ შევქმნათ ვიდეო კონტენტისოციალური ქსელებისთვის შექმნილი ვიდეო კონტენტი ციფრულ მარკეტინგში ხშირად გადამწყვეტი მნიშვნელობისაა, თუმცა თითოეული პლატფორმა განსხვავებულ მიდგომას საჭიროებს. სწორედ ამის შესახებ გვესაუბრება კონტენტკრეატორი ნიკა ბაქრაძე, რომელიც მასტერკლასს შემდეგ თემებზე გამართავს: ვიდეო კონტენტის შესაქმნელად საჭირო რესურსები, როგორ მოვარგოთ კონტენტი Tik Tok-ის ალგორითმს და როგორ გავზარდოთ პროდუქტის ცნობიერება Facebook-ისა და Instagram-ის მეშვეობით. მასტერკლასი დაგეხმარება, უფრო დიდ აუდიტორიაზე გახვიდე და ხშირად დაშვებულ შეცდომებსაც თავი აარიდო.ჩამოთვლილ მასტერკლასებს Businesscourse.ge-ზე ნახავ, შემდეგ კი სასურველს აირჩევ და დარეგისტრირდები. საქართველოს ბანკის მასტერკლასების გავლა უფასოა და ნებისმიერ მსურველს შეუძლია. ამასთანავე, მასტერკლასები ონლაინ ფორმატშია და ნებისმიერ დროსა თუ ადგილიდან შეგიძლია მოუსმინო. საქართველოს ბანკის სხვა ბიზნესკურსებისა და მასტერკლასების შესახებ დეტალურ ინფორმაციას აქ შეგიძლია გაეცნო.

1732713701

შეხვედრას, რომელიც ცესკოში გაიმართა ამერიკის საელჩოს პოლიტიკურ-ეკონომიკური განყოფილების უფროსის მოადგილე კეისი ჯონსი, USAID-ის არჩევნებისა და პოლიტიკური პროცესების საკითხებში უფროსი მრჩეველი  ჯეფრი ვანესი  და ამავე ორგანიზაციის პროექტების მენეჯერი ხათუნა კუნჭულია ესწრებოდნენ.26 ოქტომბრის არჩევნები და მასთან დაკავშირებული მნიშვნელოვანი საკითხები, ინსტიტუციის მიმართ გამოთქმული ბრალდებები და დეზინფორმაციული კამპანია, 14 დეკემბერს დაგეგმილი პრეზიდენტის არჩევნები, საერთაშორისო სადამკვირვებლო ორგანიზაციების შეფასებები საარჩევნო ადმინისტრაციასთან მიმართებით -  ამ და სხვა მნიშვნელოვან საარჩევნო საკითხებზე, მათ შორის სამომავლო გეგმების შესახებ შეხვედრის მონაწილეებს ინფორმაცია გიორგი კალანდარიშვილმა თავად მიაწოდა.„დღეს მნიშვნელოვანი შეხვედრა გავმართე ამერიკის შეერთებული შტატების საელჩოსა და აშშ-ის საერთაშორისო განვითარების სააგენტოს (USAID) წარმომადგენლებთან. მათ მიმდინარე მნიშვნელოვანი საკითხების შესახებ დეტალური ინფორმაცია მივაწოდე და მოვისმინე მათი მოსაზრებები 26 ოქტომბრის არჩევნებთან დაკავშირებით. ინსტიტუცია მუდმივად ეცნობა საერთაშორისო ორგანიზაციების რეკომენდაციებსა და მიგნებებს, რასაც შესაძლებლობისა და კომპეტენციის ფარგლებში მუდმივად ითვალისწინებს, რაც შემდგომ დადებითად აისახება საარჩევნო პროცესებზე. მნიშვნელოვანია აღინიშნოს, რომ საარჩევნო ელექტრონული ტექნოლოგიების დანერგვის პროცესში, ამომრჩეველთა ინფორმირების მიმართულებით განხორციელებულ პროექტებში და არა მხოლოდ, ჩვენი საერთაშორისო პარტნიორები აქტიურად იყვნენ ჩართულები, რისთვისაც კიდევ ერთხელ გადავუხადე მადლობა. ვიმედოვნებ, თანამშრომლობა, რომელიც  ჩვენ ორგანიზაციებს შორის არსებობს, კიდევ უფრო გაღრმავდება“, - განაცხადა გიორგი კალანდარიშვილმა შეხვედრის დასრულების შემდეგ.თავის მხრივ,  ამერიკის საელჩოსა და USAID-ის მისიის წარმომადგენლებმა გიორგი კალანდარიშვილს 26 ოქტომბრის არჩევნებთან დაკავშირებით საკუთარი მოსაზრებები გაუზიარეს. მათი შეფასებით, საარჩევნო ადმინისტრაციამ საარჩევნო ელექტრონული ტექნოლოგიური ინტერვენციის პროცესი, ასევე ამომრჩეველთა ინფორმირება წარმატებით განახორციელა.შეხვედრა, 27 ნოემბერს  გაიმართა და მას ადმინისტრაციის მხრიდან ასევე ესწრებოდნენ  ცესკოს თავმჯდომარის მოადგილე გიორგი შარაბიძე და ცესკოს იურიდიული დეპარტამენტის უფროსი გიორგი სანტურიანი.

1732711946

მისი თქმით, კვლავ შენარჩუნდება ფისკალური დისციპლინა და ბიუჯეტის დეფიციტი მუდმივად დაიგეგმება ორგანული კანონით დასაშვები 3%-იანი დეფიციტის ფარგლებში.„მოსალოდნელია, რომ 2025-2028 წლებში დეფიციტის საშუალო მაჩვენებელი იქნება მშპ-ის 2,5%; ჩვენ მიერ 2024 წლის ბიუჯეტის ცვლილებებთან ერთად წარმოდგენილი მაკროეკონომიკური პარამეტრების მიხედვით, 2025 წელს დეფიციტი მშპ-ის 2,5%-ია, ხოლო შემდგომ ეტაპობრივად მცირდება 2,2%-მდე. მიმდინარე ანგარიშის დეფიციტი მომდევნო წლებშიც 5 პროცენტის ქვემოთ შენარჩუნდება და კლებადი ტენდენცია ექნება. მოსალოდნელია ქვეყნის ბიუჯეტის ზრდა 40 მილიარდ ლარამდე“, – განაცხადა ლაშა ხუციშვილმა.როგორც მან აღნიშნა, შენარჩუნდება ეკონომიკისთვის ოპტიმალური მოცულობის კაპიტალური ინვესტიციები და საქართველო საშუალოვადიან პერიოდში შეინარჩუნებს კაპიტალური ხარჯების 6-7%-იან დონეს მთლიან შიდა პროდუქტთან მიმართებით.„ევროკავშირის წევრობის კანდიდატის სტატუსიდან გამომდინარე, საქართველო პირველად შეუერთდა ევროკომისიის მიერ წევრობის კანდიდატი ქვეყნებისათვის შემუშავებული მეთოდოლოგიით ეკონომიკური რეფორმების საშუალოვადიანი პროგრამის მომზადების პროცესს და დათქმულ ვადაში (2024 წლის 15 იანვარს) ევროკომისიას წარუდგინა „ეკონომიკური რეფორმების პროგრამა“ 2024−2026 წლებისათვის. აღნიშნული მიმართულებით აქტიური მუშაობა კვლავ გაგრძელდება და მსგავსი დოკუმენტი ყოველწლიურად მომზადდება ევროკავშირის მეთოდოლოგიის შესაბამისად“, – აღნიშნა ლაშა ხუციშვილმა.მისი თქმით, 2025−2028 წლებში ვალის მაჩვენებელი შენარჩუნებული იქნება მის უსაფრთხო დონეზე, რაც გულისხმობს მშპ-თან მიმართებით არაუმეტეს 40%-იან მაჩვენებელს. პორტფელის დივერსიფიცირება უზრუნველყოფილი იქნება საშინაო და საგარეო წყაროების ჯანსაღი კომპოზიციით.„მნიშვნელოვანია, აღინიშნოს, რომ გასულ კვირას, აზიის განვითარების ბანკმა საქართველოსთვის დაამტკიცა სუვერენული სესხი პროფესიული განათლების სექტორის მხარდაჭერისთვის) ეროვნულ ვალუტაში, რაც პირველი შემთხვევაა, როდესაც საქართველო ფინანსურ რესურსს იღებს საერთაშორისო საფინანსო ინსტიტუტიდან ეროვნულ ვალუტაში. ფინანსური რესურსის ადგილობრივ ვალუტაში გამოყოფა საერთაშორისო საფინანსო ინსტიტუტების მხრიდან საქართველოს ეკონომიკისადმი მაღალი ნდობის ხარისხზე მიუთითებს. არსებული პროგნოზებით, 2028 წლისათვის ვალის პორტფელში უცხოური ვალუტის წილი ჩამოსცდება 65 პროცენტს“, – განაცხადა ლაშა ხუციშვილმა.როგორც მან აღნიშნა, გაგრძელდება მუშაობა ბიუჯეტის გამჭვირვალობის მიმართულებით, ასევე, ხაზინის რეფორმები როგორც საჯარო სექტორის ბუღალტრული აღრიცხვის საერთაშორისო სტანდარტების (IPSAS) დამატებით შემოღების, ისევე ხაზინის ერთიანი ანგარიშის მომცველობის გაზრდასთან დაკავშირებით, რაც ხელს შეუწყობს ანგარიშვალდებულებისა და გამჭვირვალობის გაუმჯობესებას საჯარო სექტორში.გაგრძელდება მუშაობა სახელმწიფო შიდა ფინანსური კონტროლის რეფორმის (PIFC) მდგრადი და უწყვეტი განვითარების მიმართულებით, რომელიც მოიცავს ძლიერი მენეჯერული ანგარიშვალდებულების, უფლებამოსილების დელეგირების, რისკების მართვის სისტემისა და ეფექტიანი შიდა აუდიტის მექანიზმს.ბუღალტრული აღრიცხვის, ანგარიშგებისა და აუდიტის სფეროში მიმდინარე რეფორმის ფარგლებში გაგრძელდება ანგარიშგების პორტალის (Reportal.ge) მართვა, რისკზე დაფუძნებული მიდგომით წარდგენილი ანგარიშგებების სტანდარტებსა და კანონმდებლობასთან შესაბამისობის შემოწმება, რაც უზრუნველყოფს ანგარიშგებების ხარისხის ამაღლებასა და საერთაშორისო სტანდარტებთან შესაბამისობის ზრდას.კონკურენტული გარემოს შესაქმნელად და საგადასახადო ადმინისტრირების სისტემის შემდგომი გაუმჯობესების მიზნით გაგრძელდება საგადასახადო შეღავათების სისტემის ანალიზი.სახელმწიფო საწარმოების რეფორმის ფარგლებში გაუმჯობესდება სახელმწიფო საწარმოების კორპორაციული მართვა, საუკეთესო საერთაშორისო პრაქტიკის შესაბამისად; გაძლიერდება სახელმწიფო საწარმოების ანგარიშვალდებულება და სტრატეგიული მართვა. რეფორმა ითვალისწინებს სახელმწიფო საწარმოების შესახებ ჩარჩოკანონის მიღებას, რომელიც შექმნის რეფორმის ძირითადი მიმართულებების განხორციელების მკაფიო საკანონმდებლო საფუძველს.როგორც ლაშა ხუციშვილმა განაცხადა, ეკონომიკური მდგრადობის ზრდის, საგარეო მოწყვლადობის შემცირების, მაკროეკონომიკური სტაბილურობისა და მმართველობის მაღალი ხარისხის ფონზე მთავრობის მიზანია, შეინარჩუნოს ქვეყნის სუვერენული რეიტინგის გაუმჯობესების ტენდენცია, რაც შესაძლებელს გახდის საკრედიტო რეიტინგის საინვესტიციო დონის მიღწევას.

1732711783

ჩამოწერე საყიდლების სიაBlack Friday-ს ფასდაკლებების პერიოდში უამრავ შეთავაზებას გადააწყდები და დიდი შანსია, ისეთი ნივთების შეძენა გადავწყვიტო, რომლებიც გეგმაში არ გქონდა. საყიდლების სია კი დიდ დახმარებას გაგიწევს, რათა შენთვის პრიორიტეტული ნივთები არ გამოგრჩეს ან აუცილებლად იყიდო ის, რის შეძენასაც დიდი ხნის განმავლობაში გეგმავდი.ონლაინ იშოპინგეთუ საკმარისი დრო არ გაქვს, რომ Black Friday-ზე სასურველი ბრენდების მაღაზიებს ეწვიო, ონლაინ შოპინგი იდეალური გამოსავალია. ბრენდების ვებგვერდები წინასწარ შეგიძლია გადაათვალიერო და სასურველი ნივთები შეარჩიო, თან ბიუჯეტის დაგეგმვაც გაგიმარტივდება. ხოლო შერჩეულ ნივთებს Black Friday-ზე ღილაკზე ერთი თითის დაჭერით შეიძენ და სახლშიც მალევე მოგიტანენ.თუ ონლაინ შოპინგს გეგმავ და თან Student Card-ის მფლობელი ხარ, Black Friday-ზე საქართველოს ბანკს შენთვის განსაკუთრებული შეთავაზებები აქვს. ზოგადი ფასდაკლებების გარდა, რომლებსაც Black Friday-ზე ბრენდები თავად გვთავაზობენ, Students Card-ით გადახდისას დამატებით ქეშბექსაც მიიღებ. შეთავაზებების სია კი ასეთია:27 ნოემბერი: Extra.ge — 40% ქეშბექი (მაქსიმუმ 100 ლარი);28 ნოემბერი: Veli store — 40% ქეშბექი (მაქსიმუმ 100 ლარი);29 ნოემბერი: ICI PARIS ონლაინ მაღაზია — 40% ქეშბექი (მაქსიმუმ 100 ლარი);29 ნოემბერი: LC Waikiki — 40% ქეშბექი (მაქსიმუმ 100 ლარი).Black Friday-ის კვირეულზე საქართველოს ბანკის Student Card-ით მრავალფეროვანი და საინტერესო პროდუქციის შეძენისას სწორედ ამ შეღავათებით ისარგებლებ. თუ ჯერ არ გაქვს Student Card, შეგიძლია ონლაინ ახლავე შეუკვეთო. ასევე, მობილბანკიდან ან ინტერნეტბანკიდან Student Card-ის ციფრული ბარათის შეკვეთაც შეგიძლია. ამისთვის, უნდა მოძებნო “ჩემი სივრცე”, შემდეგ კი პროდუქტის დამატებას დააჭირო, სადაც კატეგორიებიდან სტუდენტურ ბარათს აირჩევ. Student Card-ის უპირატესობებისა და სხვა შეთავაზებების შესახებ ინფორმაციას აქ შეგიძლია თვალი ადევნო.

1732708679

ის სებ-ის მიერ რეკორდულად მოკლე დროში 86 მილიონ დოლარამდე რეზერვის შეძენას გამოეხმაურა.„საქართველოს ეროვნულმა ბანკმა შეძლო რეკორდულად მოკლე დროში 86 მლნ დოლარამდე რეზერვის შეძენა. ამ ფაქტით სებ-მა კიდევ ერთხელ დაამტკიცა, რომ სხვა თანაბარ პირობებში, როცა სებ-ზე და ზოგადად ეკონომიკაზე არ არის აჟიოტაჟური ზეწოლა, როდესაც კურსზე არ არის პანიკური, სპეკულაციური შეტევა სებ-ი მოქმედებს ზუსტად. მან ზუსტად იცის საკუთარი გადაწყვეტილებები, ზუსტად მართავს პროცესებს.სწორედ ამიტომ ვსაუბრობდით, რომ სებ-მა გასული წლის განმავლობაშიც არაერთხელ დაამტკიცა, რომ არის დრო რეზერვების შეძენის და არის დრო რეზერვების ხარჯვის. სებ-ის პოლიტიკის სწორი მოქმედების შედეგად ჩვენ გაქვს სტაბილური ლარის კურსი. სწორედ საჭირო დროს ხდებოდა რეზერვების მიწოდება. დღეს ვხედავთ სარეკორდოდ მოკლე დროში რეზერვების დაგროვებას. თუ ამ ტემპით გააგრძელა სებ-მა რეზერვების დაგროვება, ბუნებრივია უმოკლეს ვადაში იქნება აღმოფხვრილი ის წმინდა გაყიდვები, რომელიც აქამდე ფიქსირდებოდა. მოგეხსენებათ წმინდა გაყიდვების მაჩვენებელიც, მნიშვნელოვან წილად შემცირებულია და პროცესი გრძელდება.კიდევ ერთხელ იმასთან დაკავშირებით საუბარი, რომ კურსი ხელოვნურად იმართებოდა არის უბრალოდ სპეკულაცია, სამწუხაროდ მიზანმიმართული ზეწოლა ეკონომიკაზე, სამწუხაროდ მიზანმიმართული ზეწოლა სებ-ზე, მიზანმიმართული ზეწოლა ლარის კურსზე. ეს ზეწოლა აზარალებს საქართველოს მოქალაქეებს და ბუნებრივია აზარალებს ბიზნესსაც. სამწუხაროდ, ამ პერიოდში ბევრმა ამ სპეკულაციური ყიდვა-გაყიდვით დაკარგა გარკვეული თანხა. ძალიან მნიშვნელოვანია, რომ ყველა ადამიანმა, ყველა ორგანიზაციამ თუ ვინც იქნება ის ისწავლოს პასუხისმგებლობის აღება საკუთარ განცხადებებზე. ვინაიდან მათი განცხადებები ხშირად აზიანებს მოქალაქეებს. ლარმა და სებ-მა კიდევ ერთხელ დაამტკიცა, რომ არა თუ ხელოვნურ მართვასთან არამედ სწორ პროცესებთან გვაქვს საქმე. და დიახ ყველამ აიღოს პასუხისმგებლობა ვინც აქამდე ახდენდა სპეკულაციურ ზეწოლას ლარზე და ბუნებრივია ველით მათგან ბოდიშს და იმისთვის, რომ მომავალში არ მოხდეს სპეკულაციური, ხელოვნური ზეწოლა ლარზე.კიდევ ერთხელ გამოჩნდა ნათლად, რომ არანაირი ფუნდამენტური ფაქტორები ლარის კურსთან დაკავშირებით ამ პერიოდის განმავლობაში არ ზემოქმედებდა და ეს იყო მხოლოდ აჟიოტაჟური ნაწილი. მნიშვნელოვანია, რომ დღეს ვითარება პოლიტიკურად დასტაბილურებულია, გვყავს ახალი პარლამენტი, მალე გვეყოლება განახლებული მთავრობა და ცხადია ჩვენ ვხედავთ, რომ ამ კუთხით ფუნდამენტური ფაქტორები მხოლოდ პოზიტიურად ზემოქმედებს ლარზე. არანაირი რისკი ამ თვალსაზრისით არ არსებობს. მე დარწმუნებული ვარ, რომ ბაზრის მონაწილეები, თითოეული ჩვენგანი გავიზარდეთ და არ ავყვებით მომავალში იმ სპეკულაციურ ზეწოლებს, რომელიც აქამდე იყო, მაგრამ კიდევ ერთხელ ყველამ უნდა აიღოს პასუხისმგებლობა საკუთარ განცხადებებზე, რომლებიც ხელოვნურად ზიანს აყენებდნენ ეროვნულ ვალუტას, სებ-ს და ჯამში საქართველოს ეკონომიკას“, – განაცხადა გიორგი აბაშიშვილმა.

1732706912

„უკრაინამ თანხა მსოფლიო ბანკის პროექტის PEACE-ის ფარგლებში მიიღო. ეს ბანკის ისტორიაში ყველაზე დიდი საინვესტიციო პროექტია, რომელიც სოციალურ, საგანმანათლებლო, ჯანდაცვის, სოფლის მეურნეობისა და აღდგენის სფეროებში ჩვენი სახელმწიფოს მიერ რეფორმების განხორციელების მხარდასაჭერად დაიწყო“, - განაცხადა დენის შმიგალმა.უკრაინის პრემიერ-მინისტრმა მსოფლიო ბანკს მხარდაჭერისთვის მადლობა გადაუხადა და აღნიშნა, რომ უკრაინაში რუსეთის სრულმასშტაბიანი შეჭრის შემდეგ მსოფლიო ბანკის სხვადასხვა მექანიზმების საშუალებით 50 მილიარდ დოლარამდე ოდენობის თანხა შეგროვდა.

1732705617