კომპანია „ზუმერი“ საქართველოს ბიზნეს ასოციაციის წევრი გახდა

On-Time logistics company ახალი კომპანიაა, რომელიც ქართულ ბაზარზე ოპერირებს და მისი საქმიანობის ძირითად მიმართულებას თურქეთის ბაზრიდან მედიკამენტების იმპორტი წარმოადგენს. პროდუქტის ტრანსპორტირება თურქეთიდან საქართველოში და, საქართველოს გავლით, ცენტრალური აზიის მიმართულებით ხდება.Tegeta Truck & Bus-თან პარტნიორობა ადასტურებს, რომ რეგიონში MAN-ის ყველაზე სანდო და უკონკურენტო პარტნიორი სწორედ „თეგეტაა”. ავტოინდუსტრიის ლიდერი კომპანია თეგეტასა და მსოფლიო ბრენდ MAN-ის პარტნიორობა 2006 წელს დაიწყო. ხარისხზე, ექსკლუზიურობაზე, კომფორტსა და სანდოობაზე დამყარებული 18-წლიანი პარტნიორობის გარანტად კი ღირებულებების თანხვედრა იქცა.ბექა ბერიძე, Tegeta Truck & Bus-ის დირექტორი: „მთავარი კრიტერიუმი რატომაც  საერთაშორისო კომპანიამ თანამშრომლობისთვის Tegeta Truck & Bus შეარჩია, არის სანდოობის მაღალი ხარისხი და გერმანულ ბრენდთან MAN-თან ხანგრძლივი პარტნიორობა. ჩვენ, საერთაშორისო სტანდარტების შესაბამისად, ყოველწლიურად ვავითარებთ როგორც გაყიდვების, ისე - სერვისის ინფრასტრუქტურას. „თეგეტას“ სერვისცენტრები აღჭურვილია თანამედროვე, ევროპული ტექნოლოგიებით. აღსანიშნავია, რომ „თეგეტა მოტორსის“ ფილიალები საქართველოს ყველა რეგიონშია განთავსებული, რაც იმას ნიშნავს, რომ ნებისმიერი პრობლემა, რომელიც ავტომობილს ქვეყნის ტერიტორიაზე გადაადგილებისას შესაძლოა შეექმნას, უმოკლეს ვადებში მოგვარდება. ჩვენ  საერთაშორისო სტანდარტების შესაბამისად  გადამზადებული მექანიკოსები გვყავას, რომლებიც ყოველწლიურად MAN-ის შესაბამის ტრენინგებს გადიან“.MAN-ის სატვირთო ავტომობილები აეწყო On-Time logistics company-ის მოთხოვნებისა და საჭიროებების შესაბამისად. ეს იყო პირველი შემთხვევა, როცა ფარმაცევტული კომპანიის წარმომადგენლებთან ერთად, MAN-ის კონფიგურატორში მანქანის სხვადასხვა მახასიათებელი დეტალურად განისაზღვრა. კომპანიის საქმიანობის გათვალისწინებით, დიზაინში უფრო მეტად თეთრი ფერი სჭარბობს. სატვირთოები აღჭურვილია, სტანდარტულთან შედარებით, მძლავრი ძრავებით, შეჯახების საწინააღმდეგო, ავტომატური დამუხრუჭების სისტემით. უმაღლესი კომპლექტაციის GX კაბინებით, რომლებიც მძღოლზე მორგებული დეტალებით არის დაკომპლექტებული.On-Time logistics company-ისთვის გადაცემული თითოეული სატვირთო არის ეკოლოგიურად სუფთა, EURO 6 ემისიის ტიპის. ეს არის გარემოსდაცვითი სტანდარტების სისტემა, რომელიც ავტომობილების გამონაბოლქვ აირებში მავნე ნივთიერებების გამოყოფის მოთხოვნებს არეგულირებს. EURO 6 ტექნიკით კომპანიას თავისუფლად შეუძლია ოპერირება ნებისმიერ ქვეყანაში. EURO 6-ის ნებისმიერი მანქანა აკმაყოფილებს ევროკავშირის უმაღლეს სტანდარტებს, მათ შორის უსაფრთხოების მიმართულებით.Tegeta Truck & Bus-ი საერთაშორისო ფარმაცევტულ კომპანია On-Time logistics company-სთან თანამშრომლობის გაფართოებას გეგმავს.  მოლაპარაკებები დამატებით კიდევ 20 ერთეული სატვირთო ავტომობილის შესყიდვაზე მიმდინარეობს. პროცესში MAN-ი აქტიურად არის ჩართული.საქართველოში გერმანულ ბრენდს „თეგეტა ჰოლდინგში“ შემავალი კომპანია Tegeta Truck & Bus წარმოადგენს. კომპანია ბაზარზე 2006 წლიდან ოპერირებს და მომხმარებელს სთავაზობს  სატვირთოების, ავტობუსების, მიკროავტობუსების, დიზელსა და ბუნებრივ აირზე მომუშავე სპეციალური დანიშნულების ტექნიკის ფართო სპექტრს.   

1726750759

აღსანიშნავია, რომ ამ წლების განმავლობაში კომპანია წარმატებით პოზიციონირებს საცალო გაყიდვებში და სტაბილურად იკავებს ლიდერ პოზიციას.საქართველოს მასშტაბით, როგორც აღმოსავლეთით ასევე დასავლეთით ზუმერის მაღაზიათა ქსელი წარმოდგენილია 18 ფილიალით.საცალო ქსელთან ერთად კომპანიაში სტრატეგიული მიმართულებებია საბითუმო, კორპორატიული და E-commerce გაყიდვები, სადაც ასევე ბაზრის მნიშვნელოვან წილს იკავებს.კომპანიის წარმატების მთავარ ფორმულას ციფრულ სამყაროში სიახლეების სადარაჯოზე მუდმივად ყოფნა განაპირობებს, ასევე გამართული ლოჯისტიკური სისტემა, ბრენდის კომუნიკაცია და მომხმარებლისთვის აქტუალური/საჭირო პროდუქციის ზუმერულ ანუ საუკეთესო ფასად შეთავაზება.„მივესალმებით ციფრული ტექნიკის ბაზარზე საკმაოდ მსხვილ ოპერატორ კომპანიას „ზუმერს“, რომელიც 2009 წლიდან ფუნქციონირებს და მრავალწლიანი წარმატების ისტორიას ითვლის. სწორედ ასეთი მსხვილი ოპერატორები ქმნიან ქვეყნის ეკონომიკურ დოვლათს და აძლიერებენ ჩვენი ქვეყნის ეკონომიკას. მივესალმებით „ზუმერს“ საქართველოს ბიზნეს ასოციაციის რიგებში და დარწმუნებული ვართ, რომ ჩვენი თანამშრომლობა პროდუქტიული და ორმხრივად სასარგებლო იქნება“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.  

1726747710

მოლოდინების ცვლილებისას, როგორც უკვე არაერთხელ ითქვა, ეს ფაქტორი ლარის გამყარების მიმართულებით იმოქმედებს. საბაზო სცენარი, რომელიც 2024 წლის ბოლოსათვის აშშ დოლართან ლარის გაცვლითი კურსის - დაახლოებით 2.8 ნიშნულს, შემდგომ კი ლარის გამყარებას ითვალისწინებს, დღევანდელი გადასახედიდანაც უცვლელია. ისევე როგორც, თიბისი კაპიტალის აზრით, საშუალოვადიან პერიოდში საერთაშორისო ბაზრებზე აშშ დოლარის დასუსტების შედარებით მაღალი ალბათობა.სხვა მაკროეკონომიკური მაჩვენებლების მხრივ, აგვისტოში გაზრდილია სებ-ის სავალუტო რეზერვები, რაც, წინასწარი მონაცემებით, ვალუტის შესყიდვას უნდა უკავშირდებოდეს. ამ მხრივ, სექტემბრის ოპერატიული ინფორმაცია ჯერ არაა ხელმისაწვდომი. ამასთან, თიბისის არხებით განხორციელებულ ტრანსაქციებზე დაყრდნობით, ეკონომიკის მაღალი ზრდა სექტემბერშიც ფიქსირდება.გაეცანით პუბლიკაციას ბმულზე. 

1726747080

ბაზრობაზე წარმოდგენილი იქნება დამოუკიდებელი, მცირე ზომის, დამწყები, ან უკვე გამოცდილების მქონე გამომცემლობები, რომლებიც მომხმარებლებს საინტერესო ბეჭდურ პროდუქციას სთავაზობენ; წიგნის მაღაზიები ახალი თუ მეორადი გამოცემებით ხელოვნებაზე, ლიტერატურაზე, ფოტოგრაფიაზე, მუსიკაზე, ფილმებსა თუ სხვა საკითხებზე; წიგნის ენთუზიასტები, რომლებიც სტუმრებს სპეციალურად შერჩეულ წიგნებს, პოსტერებს თუ თანამედროვე ბეჭდური ხელოვნების სხვა ნიმუშებს შესთავაზებენ.“მოხარული ვართ, რომ ფაბრიკასთან დაწყებული თანამშრომლობა გრძელდება და წელს უკვე მეორედ ვთავაზობთ ბიზნესებსა და მომხმარებლებს საინტერესო ღონისძიებას ბაზრობის სახით. ჩვენი მხარდაჭერით, პირველ შემთხვევაში, წარმატებით გაიმართა ვინტაჟური ნივთების გამოფენა-გაყიდვა ფაბრიკის მულტიფუნქციურ სივრცეში, ამჯერად კი ფაბრიკასთან ერთად ორგანიზებას ვუწევთ წიგნის ბაზრობას, რომელიც, ვფიქრობთ, არაერთ მცირე და საშუალო ბიზნესს კიდევ უფრო მეტი მომხმარებლისა და თანამოაზრის შეძენის, მკითხველებს კი მრავალფეროვანი ლიტერატურის გაცნობის შესაძლებლობას მისცემს. ჩვენი და ფაბრიკის თანამშრომლობა კი გრძელდება და მომავალშიც საინტერესო ერთობლივ ინიციატივებს განვახორციელებთ“, - აცხადებენ საქართველოს ბანკში.ღონისძიება შაბათს, 21 სექტემბერს 13:00 საათზე დაიწყება და კვირას, 22 სექტემბერს 21:00 საათზე დასრულდება. ღონისძიების ფარგლებში არაერთი საინტერესო აქტივობა და ვორკშოპი ჩატარდება, მათ შორის ორი დღის განმავლობაში სტუმრებს შესაძლებლობა ექნებათ, VAADS-ის სკოლის წიგნის დიზაინის გამოფენა დაათვალიერონ.საგამომცემლო ინდუსტრიის წარმომადგენლებსა და წიგნის მაღაზიებს ბაზრობაში მონაწილეობის მიღებისთვის შეუძლიათ შეავსონ სააპლიკაციო ფორმა: https://forms.gle/UypxhMzF1dd56eoE6

1726744793

საუბარი შეეხო ორი ქვეყნის საბანკო და საფინანსო სისტემების მდგრადობასა და განვითარებასთან დაკავშირებულ საკითხებს.შეხვედრაზე საქართველოსა და ყაზახეთის ეროვნული ბანკის ხელმძღვანელებმა ხაზი გაუსვეს შემდგომი თანამშრომლობის აუცილებლობას, რომელიც შუა დერეფნის ქვეყნებს შორის ფინანსური სექტორის განვითარებას უკავშირდება.შეხვედრის დასრულების შემდეგ ნათია თურნავამ და ტიმურ სულეიმანოვმა ურთიერთთანამშრომლობის მემორანდუმს მოაწერეს ხელი.„შეთანხმება ეხება მჭიდრო თანამშრომლობის ხელშეწყობას ისეთ ძირითად სფეროებში, როგორიცაა ცენტრალური ბანკის საქმიანობა, საგადახდო სისტემები, ფინანსური მომსახურება. ამ სტრატეგიული პარტნიორობის შექმნა უფრო ინტეგრირებული და თანამშრომლობაზე დაფუძნებული რეგიონალური ეკონომიკისკენ წაგვიყვანს, რომელსაც შეუძლია, ახლანდელი გლობალური ეკონომიკური გარემოს სირთულეებში ეფექტურად გაიკვლიოს გზა“, - აღნიშნა ნათია თურნავამ.შეთანხმების მიხედვით, მხარეები აღიარებენ ორმხრივი თანამშრომლობის გაფართოებისა და გაძლიერების მნიშვნელობას და მხედველობაში იღებენ საერთო მისწრაფებებს უფრო პროდუქტიული და ეფექტური პარტნიორობის შესახებ ინფორმაციის გაცვლის, გამოცდილების გაზიარებისა და ცენტრალური ბანკის სფეროებში საუკეთესო პრაქტიკაზე თანამშრომლობისას.ყაზახეთის ცენტრალურ ბანკის პრეზიდენტთან შეხვედრას ეროვნული ბანკის საერთაშორისო ურთიერთობების დეპარტამენტის ხელმძღვანელი გიორგი ედილაშვილი ესწრებოდა.

1726741662

ლარის კურსმა გაუფასურება დაიწყო. ერთ დღეში ეროვნული ვალუტა ორი პუნქტით დაეცა. თუ კი აქამდე კურსი ეტაპობრივად მყარდებოდა და სტაბილურ ნიშნულზე იყო, ახლა მდგომარეობა შეიცვალა. "რეზონანსი” შეეცადა გაერკვია, რას უკავშირდება ლარის გაუფასურება და რა პროცესები დაიწყება მოახლოებული არჩევნებისა და ამოქმედებული სანქციების ფონზე?თუკი "ბლუმბერგის” სავაჭრო პლატფორმაზე ორი დღის წინ ერთი ამერიკული დოლარი 2.6940 ლარი ღირდა, გუშინ 2.7150 ლარი გახდა. ოფიციალური კურსიც დაახლოებით იდენტურია.ეკონომისტთა ერთი ნაწილი მიიჩნევს, რომ დაწყებული გაუფასურება, ამ ეტაპზე, მოახლოებულ არჩევნებს და სანქციებს არ უკავშირდება. როგორც ფინანსისტი, საერთაშორისო კვლევებისა და პროგნოზირების ვიცე-პრეზიდენტი ნიკა შენგელია ფიქრობს, ლარის დევალვაცია სავალუტო შემოდინების კლებამ განაპირობა. შესაბამისად, მისი აზრით, თვის ბოლოსთვის ეროვნული ვალუტა 2.73-მდე გაუფასურდება და თუ არჩევნების პერიოდში პოლიტიკური მდგომარეობა დამძიმდება, კურსი კიდევ დაეცემა."ჩვენ პროგნოზი გვქონდა გაკეთებული, რომ სექტემბრის ბოლოსთვის ლარის კურსი იქნება იმაზე უფრო ცუდი, ვიდრე გვქონდა ორი თვის წინ. ეს ყველაფერი სრულდება და ამ ეტაპზე, არაფერ შუაში არ არის არჩევნები. 26 ოქტომბრის შემდეგ, თუ იქნება არეულობა, რა თქმა უნდა, ეროვნული ვალუტა გაცილებით მეტად გაუფასურდება, მაგრამ იმ ეკონომიკური მდგომარეობიდან გამომდინარე, რომელიც დღეს გვაქვს, ჩვენ გვქონდა გათვლილი, რომ წესით, 15 სექტემბრიდან კურსს უნდა დაეწყო გაუფასურება. ფაქტობრივად ასეც მოხდა.ლარის სიმყარე სავალუტო შემოსავლებზეა დამოკიდებული. ის ყოველ თვეში იკლებს და აქედან გამომდინარე, გვაქვს მოლოდინი, რომ სექტემბრის ბოლოსთვის კურსი 2.73-2.74 იქნება. ეს არჩევნების გარეშე და თუ 26 ოქტომბრის შემდეგ რამე მოხდება, უფრო გააუარესებს სიტუაციას”, - განუცხადა "რეზონანსს” ნიკა შენგელიამ.ფულადი გზავნილები აგვისტოს თვეში მართლაც შემცირებულია და საქართველოს ეროვნული ბანკის ოფიციალურ სტატისტიკას თუ გადავხედავთ, ვნახავთ, რომ აგვისტოში საქართველოში 290.566 მლნ აშშ დოლარი ჩაირიცხა, რაც 2.5%-ით ნაკლებია წინა თვის მაჩვენებელზე. ივლისში კი უცხო ქვეყნიდან 298.118 მლნ აშშ დოლარი გადმოირიცხა.ეროვნულ ვალუტას მერყეობა ახასიათებს ხოლმე, ამიტომ ექსპერტთა ნაწილი ფიქრობს, რომ თუ არჩევნები მშვიდობიანად ჩაივლის, ლარს პრობლემა არ ელის.საბანკო სფეროს სპეციალისტს ვახტანგ ხომიზურაშვილს იმედი აქვს, რომ უახლოეს პერიოდში მდგომარეობა დასტაბილურდება."ეროვნულ ვალუტაზე ბევრი ფაქტორი მოქმედებს. დღეს დღეისობით ეკონომიკა ძალიან სტაბილურია და სწრაფად ვითარდება. ამ ფაქტორიდან გამომდინარე, კურსს არაფერი არ უნდა ემუქრებოდეს, თუმცა მეორე მხრივ არსებობს სხვა მომენტები, მაგალითად ისეთი, როგორიც არის ქვეყნის იმიჯი, სანქციები, მოსალოდნელი პოლიტიკური ვნებათაღელვა და სხვა. ასეთმა სხვადასხვა გარემოებამ შესაძლოა, თავისი გავლენა მოახდინოს ინვესტორებზეც და უარყოფითად იმოქმედოს ეროვნულ ვალუტაზე და ლარი გაუფასურდეს.საერთოდ, კურსს რყევა ახასიათებს და წინასწარ იმის თქმა არ შემიძლია, რომ ეროვნული ვალუტა მომავალშიც გაუფასურდება, თუმცა იმის იმედი მაქვს, რომ მდგომარეობა დასტაბილურდება უახლოეს დღეებში.რაც შეეხება საქართველოს ეროვნულ ბანკს, საერთოდ, სებ-ი რბილ ჩარევას ამჯობინებს ხოლმე. უწყებას აქვს შესაბამისი რეზერვები და თუ გამოტანა გახდება საჭირო, შესაბამის ნაბიჯს გადადგამს. ჯერჯერობით რაიმე რადიკალური არ ხდება ქვეყანაში და ჩემი აზრით, ასეთი განწყობა არც არსებობს”, - განუცხადა ხომიზურაშვილმა "რეზონანსს”.საქართველოს საბანკო ასოციაციაში ეროვნული ვალუტის მკვეთრ მერყეობას არ ელოდებიან. როგორც ასოციაციის პრეზიდენტმა ალექსანდრე ძნელაძემ აღნიშნა, პროგნოზირება ძალიან რთულია, მაგრამ არჩევნების წნეხი, ჯერჯერობით, ლარის კურსზე არ ასახულა.„მნიშვნელოვანია, რომ ეროვნულ ბანკს აქვს ყველა ინსტრუმენტი, მართოს მდგომარეობა, რათა ფუნდამენტური ცვლილებები არ მოხდეს. ეკონომიკური თვალსაზრისით, ექსპორტ-იმპორტის ნაწილში არ არის მკვეთრი განსხვავება წინა წლის პერიოდთან შედარებით და ვერ გეტყვით, რომ რაიმე ცვლილებებზე შეიძლება იყოს საუბარი.სეზონურობიდან გამომდინარე, შემოდგომაზე გაცვლითი კურსის მხრივ  გარკვეული ცვლილებები ხდება, რადგან ამ პერიოდში იზრდება იმპორტის ნაკადი და უფრო მეტია წნეხი... ეს არის სტანდარტული ფაქტორები, მაგრამ იმას არ ნიშნავს, რომ აუცილებლად ასე მოხდება.ლარის არის თავისუფალ ვაჭრობაში, პირდაპირპროპორციულად მოთხოვნა-მიწოდებაზე რეაგირებს და აქედან გამომდინარე, მოლოდინი  აისახება კურსზე, მაგრამ ექსპერტები დღეს უფრო მყარად არიან ლარის კურსის პროგნოზირებასთან მიმართებით, ვიდრე 3-4 თვის წინ. აქედან გამომდინარე, შემიძლია ვთქვა, რომ მკვეთრ რყევას არ ველოდებით“, - განაცხადა რამდენიმე დღის წინ ალექსანდრე ძნელაძემ.ეროვნული ბანკის როლი ლარის კურსის დასტაბილურებაში მნიშვნელოვანია. მკვეთრი გაუფასურების პირობებში სებ-ს სავალუტო ბაზარზე რეზერვები გამოაქვს.  გარდა ამისა, ლარი კურსზე თავისი როლი აქვს ინფლაციას და ქვეყანაში არსებული მონეტარულ პოლიტიკას. ინფლაცია საქართველოში დაბალ ნიშნულზეა და აგვისტოში მისმა მაჩვენებელმა 1% შეადგინა. ამის მიუხედავად ეროვნულ ბანკმა მონეტარული პოლიტიკა არ შეარბილა და რამდენიმე დღის წინ 8%-ზე დატოვა.ექსპერტები წლის ბოლომდე რეფინანსირების განაკვეთის ცვლილებას აღარც ელიან და აცხადებენ, რომ 2024 წლის ბოლომდე იგი 8%-ზე დარჩება. სწორედ ამის საჭიროებაზე საუბრობენ 'გალტ ენდ თაგარტში” და როგორც საინვესტიციო ბანკის კვლევების დეპარტამენტის ხელმძღვანელმა, ევა ბოჭორიშვილმა განაცხადა, წლის ბოლომდე რეფინანსირების განაკვეთი იგივე დონეზე უნდა შენარჩუნდეს."ქვეყანაში ხელფასების ზრდის ტემპი გრძელდება, საგარეო ბაზრებზე კი სხვადასხვა პროდუქტის ფასი მერყევია, რაზეც საქართველოა დამოკიდებული. ამიტომ ვფიქრობთ, რომ არის საჭიროება, განაკვეთი 8%-ის ფარგლებში დარჩეს, თუმცა არაფერია გამორიცხული, შესაძლოა, სებ-მა განსხვავებულად შეაფასოს ვითარება", - აღნიშნა ბოჭორიშვილმა.წყარო: resonancedaily.com

1726737339