„გრინ კროპს დისტრიბუშენი” - სასათბურე მეურნეობა, რომელიც თიბისი ბიზნესის მხარდაჭერით განვითარდა

Tegeta Truck and Bus მომხმარებელს MAN TGX-ის მეორად სატვირთო ავტომობილს სთავაზობს, რომელიც შემოწმებას ევროპაში, ავტორიზებულ სერვისცენტრში გადის. საერთაშორისო სტანდარტების შესაბამისი მონიტორინგი ავტომობილის მაღალ ხარისხს, ხანგრძლივ ექსპლუატაციასა და მაქსიმალურ უსაფრთხოებას უზრუნველყოფს. MAN-ის მეორადი ავტომობილები Tegeta Truck and Bus-ს გერმანული და ავსტრიული ბაზრებიდან ჩამოჰყავს. რეალიზაციამდე კი საქართველოში ავტომობილებს ტექნიკური შემოწმება კიდევ ერთხელ უტარდებათ.ბექა ბერიძე, „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი: „საქართველოში შემოგვყავს ავტომობილი, რომელსაც ევროპულ ბაზარზე მაქსიმუმ 5-წლიანი ექსპლუატაცია და 500 000 კილომეტრი აქვს გავლილი. მომხმარებელს, რომელსაც, ამ შემთხვევაში, კომპანიები და ბიზნესები წარმოადგენენ, მეორადი ავტომობილის შეძენა საწყის ღირებულებაზე 30-35%-ით ნაკლებ ფასად შეუძლია. ბიზნესებისთვის MAN TopUsed-ის შეძენა საკმაოდ მოგებიანია, რადგან ისინი ხელსაყრელ ფასად ყიდულობენ პრემიუმ ხარისხის ტექნიკას, რომელსაც ექსპლუატაციის პირველი ეტაპი ევროკავშირის ტერიტორიაზე აქვს გავლილი.გასათვალისწინებელია, რომ ჩვენს ქვეყანას ყოველწლიურად ნახევარ მილიონზე მეტი სატვირთო ავტომობილი კვეთს, საიდანაც დაახლოებით 20-25% სწორედ MAN-ის ბრენდია. შესაბამისად, ნაწილებიც საკმაოდ ხელმისაწვდომია. გარდა ამისა, საჭიროების შემთხვევაში, სატვირთო ავტომობილების შეკეთებაც არ არის პრობლემა, რადგან ჩვენი სერვისცენტრები მთელი საქართველოს მასშტაბით ფუნქციონირებს“.MAN-ის TopUsed სატვირთოებზე სტანდარტული ექვსთვიანი გარანტია ვრცელდება, რაც მეორადი ავტომობილების ბაზარზე საქართველოს პირობებში უნიკალური შეთავაზებაა. მომხმარებელს ასევე შეუძლია, მოდელისა და წლოვანების შესაბამისად, კიდევ უფრო ხანგრძლივი გარანტიითაც ისარგებლოს.MAN TGX-ის ყოველი მომდევნო თაობა გაუმჯობესებულია და, საშუალოდ, 5%-დან 8%-მდე ეკონომიურობით გამოირჩევა, რაც საშუალებას აძლევს ფლოტის მფლობელებს, მნიშვნელოვნად შეამცირონ ოპერაციული ხარჯები. გაუმჯობესებული ძრავის არქიტექტურა, აეროდინამიკის თანამედროვე გადაწყვეტები და ციფრული მართვის სისტემები მაქსიმალურად ხარჯთეფექტურს ხდის სატვირთო ავტომობილს და გრძელვადიან პერსპექტივაში მნიშვნელოვან ფინანსურ სარგებელს იძლევა.MAN-ის ბრენდის სატვირთო ავტომობილები აღჭურვილია უსაფრთხოების ყველა შესაბამისი სისტემით - ზოლიდან ზოლში უსაფრთხო გადასვლა, ავტომატური დამუხრუჭება, ბრმა ზონების კონტროლი და ა.შ.--„თეგეტა ჰოლდინგში“ შემავალი კომპანია Tegeta Truck & Bus ქართულ ბაზარზე 2006 წლიდან ოპერირებს. ის გერმანული უმსხვილესი ბრენდის MAN TRUCK & BUS-ის ოფიციალური იმპორტიორია საქართველოში. კომპანია მომხმარებელს სატვირთო ავტომობილებისა და ავტობუსების ფართო სპექტრს სთავაზობს.

1755084660

2025 წლის იანვარ-ივლისში სავაჭრო ბრუნვა 10.3%-ით გაიზარდა და 14.2 მლრდ. აშშ. დოლარი შეადგინა, რაც ექსპორტის მსგავსად ასევე რეკორდული მოცულობაა.ვახტანგ ცინცაძის შეფასებით, ქვეყანაში არსებული მაღალი ეკონომიკური აქტივობა საბოლოოდ მაკროეკონომიკურ მაჩვენებლებში და რაც მნიშვნელოვანია, მოსახლეობის შემოსავლების ზრდაში აისახება.ეკონომიკისა და მდგრადი განვითარების მინისტრის მოადგილე რამდენიმე ძირითად ფაქტორს ასახელებს, რის გამოც საგარეო ვაჭრობის კუთხით არსებული პოზიტიური ტენდენციები ნარჩუნდება. ვახტანგ ცინცაძის შეფასებით, პირველ რიგში, აღნიშნული მაჩვენებლები კიდევ ერთხელ ცხადყოფს, რომ საქართველოში იზრდება იმ პროდუქციის წარმოება, რომელიც კონკურენტუნარიანია არამარტო ადგილობრივ, არამედ საერთაშორისო ბაზრებზე.„რა თქმა უნდა, ექსპორტის კუთხით დაფიქსირებულ ტენდენციებს ხელს მნიშვნელოვნად უწყობს ერთი მხრივ, როგორც საქართველოს მიერ გაფორმებული თავისუფალი ვაჭრობის შეთანხმებები, მეორე მხრივ ის მიზნობრივი პროგრამები, რომლებიც მცირე და საშუალო მეწარმეობის განვითარებისკენ და საექსპორტო ბაზრების ათვისებისკენაა მიმართული. ამ კუთხით ჩვენ მომავალშიც აქტიურად ვიმუშავებთ“, - განაცხადა მინისტრის მოადგილემ.აღსანიშნავია, რომ 2024 წელს ექსპორტის და სავაჭრო ბრუნვის რეკორდული მოცულობა დაფიქსირდა: ექსპორტი 7.8 პროცენტით გაიზარდა და 6.6 მილიარდი აშშ. დოლარი შეადგინა, ხოლო სავაჭრო ბრუნვა 8.1 პროცენტით გაიზარდა და 23.4 მილიარდ აშშ. დოლარს გაუტოლდა.

1755082418

„ახალგაზრდა ადვოკატების“ განცხადებით, თბილისის სააპელაციო სასამართლომ მიღებული გადაწყვეტილება დააფუძნა ბავშვის უფლებათა კოდექსის, ბავშვის უფლებათა შესახებ კონვენციისა და საქართველოს სამოქალაქო საპროცესო კოდექსის მავალდებულებელ ნორმებზე, სადაც ცენტრალური მნიშვნელობის საკითხია ბავშვის საუკეთესო ინტერესების დაცვა. ამასთან, სასამართლომ განმარტა, რომ საქმეში ჩართული იურიდიული დახმარების სამსახურის ადვოკატის მონაწილეობით, დავაში კანონის სრული დაცვით მიმდინარეობდა არასრულწლოვანთა ინტერესების დაცვა, თუმც სასამართლომ მოისმინა არსენ კულატაძის ოჯახის წარმომადგენელთა არგუმენტაცია და მიზანშეწონილად მიიჩნია საქმეში დაინტერესებულ პირად სსიპ სახელმწიფო ზრუნვის და ტრეფიკინგის მსხვერპლთა, დაზარალებულთა დახმარების სააგენტოს ჩართვა. ამასთან, სააგენტოს მიმართ დასკვნის მომზადების წარმოდგენის დავალება. ორგანიზაციას მიაჩნია, რომ სასამართლოს მიდგომა გავლენას იქონიებს საქმის შედეგზე და სასამართლოს მიდგომა არ დარჩება ფორმლაური ხასიათის მოქმედებად.„ახალგაზრდა ადვოკატები“ აღნიშნავს, რომ თბილისის სააპელაციო სასამართლოში არსენ კუტალაძის ოჯახის საქმის განხილვა გრძელდება, რომელიც რესტორან „ურმულისა“ და საცხოვრებელი სახლის, მისამართზე: თბილისი, ესმა ონიანის ქუჩა, ნამდვილი მესაკუთრისთვის დაბრუნების საკითხს შეეხება. გასაჩივრებულია თბილისის საქალაქო სასამართლოს გადაწყვეტილება, რომლითაც დასახელებული ქონებები გარდაცვლილი არსენ კუტალაძის ძმის - მერაბ კუტალაძისა და ძმისშვილის - გიორგი კუტალაძის სახელზე გადაფორმება თვალთმაქცურ და მოჩვენებით გარიგებებად არ იქნა მიჩნეული.სასამართლოს დეტალურად უხდება მხარეთა ახსნა-განმარტების მოსმენა და იმ პრობლემატურ საკითხებზე მსჯელობა, რომელმაც საქმის ბედი უნდა გადაწყვიტოს. სასამართლოს დეტალური პასუხი გაეცა იმ ინტერესზე, რომელიც შეეხება სასარჩელო მოთხოვნების აღსრულებადობას, მოთხოვნას ქონებების სრულ თუ ½ ნაწილზე, ქონებებზე თანამესაკუთრეობის გავრცელების რეჟიმზე, წარმოშობილი გარიგების გამომწვევ მიზეზებზე, არსენ კუტალაძის მიერ ქონებების შეძენიდან ფარულ გასხვისებამდე მხარეების ქონებრივ მდგომარეობაზე, არსებული სასესხო ვალდებულებების შინაარსზე, ფარული გარიგებების გამომწვევ მიზეზებზე და სხვა. სასამართლო დაინტერესდა, თუ რატომ არ მოახდინა არსენ კუტალაძემ სიცოცხლეში ფარულად გადაცემული ქონებების დაბრუნება, რა გარემოებებით უნდა შეფასებულიყო ასეთი რეალობა, რაზეც მხარის მსჯელობა და არგუმენტაცია არაერთ საყურადღებო ფაქტს მოიცავდა.თბილისის სააპელაციო სასამართლომ საქმეს ახალი მტკიცებულების სახით დაურთო უმნიშვნელოვანესი დოკუმენტაცია: ა) უძრავი ქონების შეძენის უფლებადამდგენი დოკუმენტები, ბ) უძრავი ქონების ფარგლებში არსებული იპოთეკის ყველა ხელშეკრულება და გ) სსიპ ლევან სამხარაულის სახელობის სასამართლოს ექსპერტიზის ეროვნული ბიუროს დასკვნა მარინე წამალაიძის შერაცხადობის თაობაზე. აღნიშნული დოკუმენტაციით დასტურდება, რომ როგორც სარესტორნო ბიზნესის, ასევე საცხოვრებელი სახლის შემძენი არსენ კუტალაძეა. წარმოდგენილი იპოთეკის ხელშეკრულებები ადასტურებს, რომ რესტორან „ურმულის“ შეძენა, შემდგომი განვითარება და ბიზნესის ფინანსური მხარდაჭრა უზრუნველყო მხოლოდ არსენ კუტალაძემ. რაც შეეხება გარდაცვლილი მეუღლის შესახებ საექსპერტო დასკვნას, მერაბ კუტალაძე მრავალი წლის განმავლობაში მიმართავდა არსენ კუტალაძის დარწმუნებას, რომ მეუღლე თითქოსდა არასტაბილური ქცევით გამოირჩეოდა და საბედისწერო კონფლიქტის განმეორების შემთხვევაში, თანაცხოვრებაში შეძენილ ქონებაზე დავას დაიწყებდა. შესაბამისად, ამ დარწმუნებისა და გავლენის შედეგად, გადაიმალა რესტორანი „ურმული“ და საცხოვრებელი სახლი.დადგენილია, რომ 2016 წლის 20 ივნისს, 21:31 საათზე, მეუღლეებს შორის მოხდა კონფლიქტი. მარინე წამალაიძემ ოჯახური ძალადობის ფაქტი დააფიქსირა პოლიციასთან. შეტყობინების ოფიციალურ ამონაწერში ვკითხულობთ, რომ მეუღლეებს შორის ადგილი ჰქონდა ფიზიკურ დაპირისპირებას. არსენ კუტალაძის მიმართ გამოწერილი იქნა შემაკავებელი ორდერი, ხოლო 2016 წლის 30 ივნისს, მარინე წამალაიძემ განცხადებით მიმართა პოლიციას და არსენ კუტალაძის მიმართ მოსალოდნელი სისხლისამართლებრივი ბრალდების თავიდან არიდების მიზნით, მოითხოვა სამართლებრივი რეაგირება აღარ მისცემოდა 20/06/2019 განცხადებას. ერთმნიშვნელოვნად, 2016 წლის 20 ივნისიდან 2016 წლის 30 ივნისამდე პერიოდი, უკიდურესად მძიმე და რთული იყო მეუღლეების ცხოვრებაში. საკითხი დაისვა მეუღლეებს შორის განქორწინების შესახებ. მერაბ კუტალაძემ, რომელსაც გარდაცვლილ ძმაზე მნიშვნელოვანი დარწმუნების მოხდენის საშუალება ჰქონდა, არსენ კუტალაძე განაწყო, რომ განქორწინების შემთხვევაში, მარინე წამალაიძე მიმართავდა სასამართლოს და მოითხოვდა წილს სახლიდან და ბიზნესიდან. სწორედ ამ მოლოდინის გათვალისწინებით, არსენ კუტალაძე შპს-ს წილსა და მასზედ არსებულ ბიზნესს აფორმებს მერაბ კუტალაძის მიმართ, ხოლო სახლს - ჩუქების ხელშეკრულებით ძმისშვილის - გიორგი კუტალაძის მიმართ. განქორწინების ფაქტის ნამდვილობას საქმეზე წარმოდგენილი არაერთი მტკიცებულება ადასტურებს.2016 წლის 20 ივნისიდან 30 ივნისის ჩათვლით პერიოდში ხდება სადავო გარიგებების წარმოქმნა, გადამალვა ან მოტყუებით დაუფლება, იმ ობიექტური განსჯის საფუძველზე, თუ რა მიზანი ამოძრავებდა არსენ კუტალაძეს და რა მიზანი ამოძრავებდა, მათ შორის დღემდე მერაბ კუტალაძეს, სადავო პერიოდში ჩუქების ხელშეკრულების არასრულწლოვანი მხარის, ასევე კანონიერ წარმომადგენელს.სადავო გარიგებები და სადავო ქონებები მერაბ კუტალაძის სახელზე აღირიცხა ყოველგვარი სასყიდილიანი პირობის გარეშე, რაც ასევე მიუთითებს გარიგების მიზანზე. დგინდება, რომ ამ ნდობისა და განსაკუთრებული ურთიერთობის გამოძახილს წარმოადგენდა არსენ კუტალაძის ოჯახის თანხმობაც მერაბ კუტალაძის ოჯახი დროებით საცხოვრებლად გადასულიყო სადავო სახლში. მერაბ კუტალაძე ოჯახთან ერთად სადავო ფართში მას შემდეგ გადავიდა, რაც მიწისძვრის შედეგად დაზიანდა მისი ძირითადი საცხოვრებელი კორპუსი თემქაზე. არსენ კუტალაძის ოჯახი შემოსავალს იღებდა სარესტორნო ბიზნესიდან მუდმივად, რომელიც შპს „A M D“-ს ეკუთვნოდა. შესაბამისად, სადავო გარიგების წარმოქმნის დროსაც და ახლაც, მერაბ კუტალაძე ფლობდა და ფლობს ინფორმაციას, რომ სადავო ქონებები წარმოადგენდა მეუღლეთა თანასაკუთრებას და გარიგებები მოსაჩვენებლად დაიდო.აღსანიშნავია, რომ გარდაცვლილი ბიზნესმენის მეუღლისთვის სადავო რესტორნისა და საცხოვრებელი სახლის გასხვისების თაობაზე ცნობილი არსენ კუტალაძის დაღუპვის შემდეგ, 2019 წლის 9 იანვრის შემდეგ, სამკვიდრო ქონებაზე სანოტარო მოქმედებების შედეგად გახდა. დავაში მონაწილე მოპასუხე მხარე - მერაბ კუტალაძე აცხადებდა, რომ სასარჩელო მოთხოვნები ხანდაზმული იყო, სადავო აქტების გასაჩივრება სადავო გარიგებების წარმოქმნის თარიღიდან უნდა დაწყებულიყო, თუმცა სასამართლომ აღნიშნული მტკიცება უარყო და ცალსახად დაადასტურა, რომ მარინე წამალაიძემ გასხვისებული ქონებების შესახებ სწორედაც 2019 წლის 9 იანვრის შემდეგ შეიტყო. შესაბამისად, სარჩელი არ მიიჩნია ხანდაზმულად. ასევე, სასამართლომ მოწინააღმდეგე მხარეს არ დაუკმაყოფილა მოთხოვნა, რომლითაც უფლებამონაცვლეობის დადგენის უარყოფასა და საქმისწარმოების შეწყვეტას ისახავდა მიზნად.„ახალგაზრდა ადვოკატები“ აღნიშნავს, რომ საქმე ეხება სარესტორნო, მოძრავი ტექნიკისა და დისტრიბუციის სფეროში ცნობილი ბიზნესმენის არსენ კუტალაძის გარდაცვალების შემდეგ გაცხადებულ ფაქტებს, რა დროსაც მეუღლე მარინე წამალაიძემ აღმოაჩინა, რომ შპს ,,A M D“-ის 100% წილი არსენ კუტალაძის მიერ უსასყიდლოდ იქნა დათმობილი ძმის - მერაბ კუტალაძის მიმართ, ხოლო მშენებარე სახლი - ჩუქების ხელშეკრულებით არასრულწლოვანი ძმისშვილის - გიორგი კუტალაძის მიმართ. ამდენად, ოჯახმა გამოკვეთილი ფაქტების ფონზე, დავა დაიწყო წილის გადაცემის შესახებ გადაწყვეტილების, ჩუქების ხელშეკრულების ბათილად ცნობისა და საკუთრების უფლების აღიარების მოთხოვნით.„ახალგაზრდა ადვოკატები“, საქმის მასალებზე დაყრდნობით აღნიშნავს, რომ 2011 წლის 13 აპრილის მეწარმეთა და არასამეწარმეო (არაკომერციული) იურიდიული პირების რეესტრის ამონაწერით, შპს „A M D“-ს  100%-იანი წილის მფლობელად რეგისტრირებული იყო მხოლოდ არსენ კუტალაძე. აღნიშნული მონაცემი, სადავო გარიგებით, შეიცვალა მხოლოდ 2016 წლის 29 ივნისს. ამასთან, 2016 წლის 24 ივნისის სსიპ საჯარო რეესტრის ეროვნული სააგენტოს ამონაწერის თანახმად, მისამართზე: ქ. თბილისი, ესმა ონიანის ქუჩაზე მდებარე საცხოვრებელი სახლის მესაკუთრედ რეგისტრირებული იყო მხოლოდ არსენ კუტალაძე. აღნიშნული მონაცემი, სადავო გარიგებით, შეიცვალა მხოლოდ 2016 წლის 29 ივნისს.ცნობისთვის: 2019 წლის 9 იანვარს, ქ. თბილისის პოლიციის დეპარტამენტის ვაკე-საბურთალოს სამმართველოს პოლიციის დეპარტამენტის მე-4 განყოფილებაში დაიწყო და დღემდე გრძელდება გამოძიება სისხლის სამართლის საქმეზე ქ. თბილისში, დავით აღმაშენებლის ხეივანის მე-9 კმ.-ზე მდებარე ბენზინგასამართ სადგურ „რომპეტროლის“ ტერიტორიაზე არსენ კუტალაძის გარდაცვალების ფაქტზე, სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს. არსენ კუტალაძე ეწეოდა მრავალმხრივ ბიზნეს-საქმიანობას. კერძოდ, 2013 წლის 29 მაისიდან გახლდათ დაფუძნებული შპს „LTD.NAN“-ის დირექტორი და 100%-იანი წილის მფლობელი, რომელიც ბაზარზე წარმოდგენილი იყო მძიმე ტექნიკის გაქირავებით ცნობილი კომპანია. იმავდროულად, არსენ კუტალაძე წილს ფლობდა 2005 წლის 28 სექტემბერს დაფუძნებულ შპს „კ.მ.კ % კომპანია“-ში, 2006 წლის 2 მაისს დაფუძნებულ შპს „რადამოტორს“-სა და 2017 წლის 15 სექტემბერს დაფუძნებულ შპს „ა. მ. ტრანს“-ში. მას დარჩა სამი შვილი და იმ პირობებშიც, როდესაც არასრულწლოვანებს სჭირდებოდათ სათანადო სოციალური გარემო, დამაჯერებლობას მოკლებულია უსასყიდლოდ სარესტორნო წილის დათმობა და საცხოვრებელი სახლის გაჩუქება, თუნდაც ოჯახის ახლო წევრის მიმართ. დღეს არასრულწლოვანები სოციალურ შემწერობას იღებენ და მერაბ კუტალაძესთან ერთად, პაპა-ბებიამაც უარი თქვა სარჩელოს ვალდებულების შესრულებაზე.თბილისის საქალაქო სასამართლოში საქმე მოსამართლე ლიანა კაჟაშვილმა განიხილა. გასაჩივრებული 2023 წლის 22 ივნისის გადაწყვეტილება მოპასუხე მხარის დარბაზში გამოუცხადებლობის ფონზე, მანდატურის სამსახურის წარმომადგენლების მოხმობით გამოაცხადა. სასამართლოს ასეთი წინსწრები ზომების მიღება თავად მეტყველებს სასამართლოს დამოუკიდებლობისა და მოსამართლის მიუკერძოებლობის ხარისხზე. საქმე თბილისის სააპელაციო სასამართლოში მოსამართლე გელა ქირიას გადაეცა, რომელმაც აპლენატს საქმის დასრულებამდე გადასახდელი სახელმწიფო ბაჟი გადაუვადა. 2024 წლის დასაწყისში, ყველასთვის მოულოდნელად, მოსამართლე გელა ქირია საქმეს ჩამოშორდა, მიზეზად კი საქმეთა განხილვის კატეგორიის შეცვლა დასახელდა. ამჟამად, საქმეს მოსამართლეები: გია ბერაია (თავმჯდომარე), მერაბ ლომიძე და ლაშა თავართქილაძე განიხილავენ. აღსანიშნავია, რომ არც ერთ სხდომას არასდროს დასწრებია მერაბ კუტალაძე, გიორგი კუტალაძე და მოპასუხე კომპანიის დირექტორი დავით ქათამაძე.საქმეზე მომდევნო სხდომა 2025 წლის 25 სექტემბერს გაიმართება.

1755082166

კერძოდ, შემოწმების პროცესში მოთხოვნილი ინფორმაციის/დოკუმენტაციის საქართველოს ეროვნული ბანკისთვის არასწორად წარმოდგენის შემთხვევის გამო.

1755079641

„ყურძნის იმ ჭარბ რაოდენობას, რომელზეც კერძო სექტორიდან მოთხოვნა არ იქნება, სახელმწიფო საწარმო, შპს „მოსავლის მართვის კომპანია“ ჩაიბარებს დადგენილ ფასად: კახეთის რეგიონში მოწეული საფერავის ჯიშის ყურძენს 1,50 ლარად, „ვაზისა და ღვინის შესახებ“ საქართველოს კანონით ნებადართულ სხვა საღვინე ჯიშების ყურძენს 1,20 ლარად; არაკონდიციურ ყურძენს, რომლის შაქრიანობა არ აღემატება 18%-ს 1,00 ლარად, ასევე 1,00 ლარად დაზიანებულ/დაავადებულ ყურძენს.საქართველოს მთავრობის აღნიშნული გადაწყვეტილებით, ათასობით მევენახე-ფერმერს მევენახეობის საქმიანობის გაგრძელების შესაძლებლობა და ხარისხიანი ყურძნის წარმოების მოტივაცია ეძლევა, რაც უმნიშვნელოვანესია მეღვინეობის ინდუსტრიის განვითარების, საერთაშორისო ბაზრებზე ქართული ღვინის კონკურენტუნარიანობისა და ექსპორტის ზრდისთვის. რთველის ფარგლებში, საქართველოში მოწეული ყურძნის ჩაბარება/მიღება განხორციელდება სააგენტოს მევენახეობის კადასტრის ბაზის შესაბამისად. 2025 წელს, ყურძნის საპროგნოზო მოსავალი 250-300 ათას ტონის ფარგლებშია.ყურძნის მოსავლის ორგანიზებულად დაბინავების მიზნით, რთველის საკოორდინაციო შტაბი 24 საათიანი რეჟიმით იმუშავებს. რთველი 2025-ის საკოორდინაციო შტაბის განთავსების მისამართია: გურჯაანის მუნიციპალიტეტი, სოფელი გურჯაანი.რთველთან დაკავშირებული ინფორმაციის მიღება შესაძლებელია გარემოს დაცვისა და სოფლის მეურნეობის სამინისტროს ცხელ ხაზზე - 1501“, - აღნიშნულია სააგენტოს მიერ გავრცელებულ ინფორმაციაში.

1755079213

ეკონომიკის სამინისტროს ინფორმაციით, 2025 წლის იანვარ-ივლისში იმპორტი 10.8%-ით გაიზარდა და 10,310.1 მილიონი აშშ. დოლარი შეადგინა. იმპორტი 2025 წლის ივლისში 6.7%-ით შემცირდა და 1,464.0 მლნ აშშ დოლარს გაუტოლდა.2025 წლის იანვარ-ივლისში სავაჭრო ბრუნვა 10.3%-ით გაიზარდა 14,153.9 მილიონ აშშ. დოლარამდე, რაც ექსპორტის მსგავსად ასევე რეკორდული მოცულობაა. 2025 წლის ივლისში სავაჭრო ბრუნვა 2,073.1 მილიონი აშშ. დოლარით განისაზღვრა.შეგახსენებთ, რომ 2024 წელს ექსპორტის და სავაჭრო ბრუნვის რეკორდული მოცულობა დაფიქსირდა. 2024 წელს ექსპორტი 7.8 პროცენტით გაიზარდა და 6.6 მილიარდი აშშ. დოლარი შეადგინა, ხოლო სავაჭრო ბრუნვა 8.1 პროცენტით გაიზარდა და 23.4 მილიარდ აშშ. დოლარს გაუტოლდა.

1755079140