2024 წელს თბილისში 3.1 მილიარდი დოლარის ღირებულების 40 346 ბინა გაიყიდა - სად გაიყიდა ყველაზე მეტი?

რუსუდან გრძელიძე „ვოლვო ქარ კავკასიის“ კომერციული დირექტორი: „ჩვენთვის ძალიან საამაყოა ის მიღწევები და აღიარება, რომელიც მაროკოში მივიღეთ. ჩვენივე რეკორდი გავაუმჯობესეთ და Excellence Club-ის ჯილდო კიდევ ერთხელ მოვიპოვეთ. ბაზრის წილისა და გაყიდვების ზრდა, მომხმარებელზე ორიენტირებული მრავალფეროვანი სერვისი, სიახლეების დანერგვა და Volvo Cars-ის გლობალური სტანდარტების შესრულება - შარშანდლის მსგავსად, წელსაც 30-მდე კრიტერიუმის დაკმაყოფილება მოგვიწია, თუმცა აღსანიშნავია, რომ მეტი იყო კონკურენტების რაოდენობა.„ვოლვო ქარ კავკასია“ რეგიონული წარმომადგენლობაა და, შესაბამისად, ჩვენი კომპანიის წარმატება თითოეული ქვეყნის მიღწევებზეა დამოკიდებული. სირთულეები ყველა ქვეყანაში იყო, თუმცა ახალ, 2025 წელს საუკეთესო შედეგებითა და სამომავლო გეგმებით შევხვდით, რაც მაროკოში შეკრებილ Volvo Cars-ის წარმომადგენლებს სრულად გავუზიარეთ. ზედიზედ მესამედ Excellence Club-ის ჯილდოს მოპოვება, ცხადია, ჩვენი გუნდისა და რეგიონული პარტნიორების დამსახურებაა, რაც კიდევ უფრო მეტ მოტივაციას გვაძლევს, რომ საუკეთესოს სტატუსი შევინარჩუნოთ“.Volvo Cars EMEA-ის პირველი დღე გამოცდილების გაზიარებას, ახალ ტექნოლოგიურ მიღწევებზე საუბარს, მსოფლიო ტენდენციებსა და Volvo Cars-ის სამომავლო გეგმებს დაეთმო. მეორე დღე კი სრულად დაჯილდოების ცერემონიას მიეძღვნა. Volvo Cars EMEA-ს ღონისძიება მერვედ გაიმართა, აქედან სამჯერ ბიზნესკონფერენციის ფოკუსში სწორედ „ვოლვო ქარ კავკასია“ იყო.პოზიციების დათმობას „ვოლვო ქარ კავკასია“ არც მიმდინარე, 2025 წელს აპირებს. უახლოეს გეგმებშია სამოდელო რიგის გაფართოება. მათ შორის არის EX90, ES90, განახლებული XC60, რომელიც ბაზრებს ეტაპობრივად მიეწოდება.ზაფხულისთვის ყველაზე უსაფრთხო ავტომობილის მოყვარულებს კიდევ ერთი სიახლე ელოდებათ. უნივერსიტეტის ქუჩის №6-ში მდებარე ულტრათანამედროვე შოურუმში მათ 7 მგზავრზე გათვლილი SUV, სრულად ელექტრული EX90 დახვდებათ.ვითარდება წარმომადგენლობები მეზობელ ქვეყნებშიც. თბილისის შემდეგ Volvo Retail Experience კონცეფციით შოურუმი და მომსახურების ცენტრი იქნება ბაქოშიც. გახსნის ოფიციალური ცერემონია მაისში იგეგმება.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ვოლვო ქარ კავკასია“ 2019 წლიდან ოპერირებს ბაზარზე და შვედური ბრენდის „ვოლვოს“ ოფიციალური იმპორტიორია ამიერკავკასიასა და შუა აზიაში. კომპანია პრემიუმ კლასის ავტომობილების ექსკლუზიური მომწოდებელია საქართველოში, უზბეკეთში, სომხეთსა და აზერბაიჯანში.„ვოლვო ქარ კავკასია“ მომხმარებელს  SUV-ებს, სედანებსა და უნივერსალებს სთავაზობს. მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, ვებგვერდზე ავტომობილი 360-გრადუსიანი სისტემით დისტანციურად შეაფასოს  და კონფიგურატორის დახმარებით სასურველი კომპლექტაციის მოდელი ააწყოს, რომლის ჩამოყვანასაც „ვოლვო ქარ კავკასია“ უზრუნველყოფს. 

1741700808

Amadeo.ge-სა დაა საქართველოს ბანკის პარტნიორობით, მცირე და საშუალო ბიზნესებს შესაძლებლობა აქვთ, Amadeo-ს სერვისების სრულ ჩამონათვალზე 1 წლის განმავლობაში  50%-იანი ფასდაკლებით ისარგებლონ.პლატფორმა მომხმარებლებს ფინანსურ საინფორმაციო პანელებს, ანალიტიკურ გრაფიკებსა და ანგარიშებს სთავაზობს, რომლებიც დამუშავებულია რეალურ დროში, რაც კომპანიის მფლობელებსა და ბუღალტრებს ინფორმირებული ფინანსური გადაწყვეტილებების მიღებაში ეხმარება.Amadeo მარტივად ინტეგრირდება არსებულ საბუღალტრო პროგრამებში და ქმნის მუდმივად განახლებად, დინამიკურ ანალიტიკურ პანელებს, რაც ფინანსური რესურსების მართვას კიდევ უფრო ამარტივებს.შეთავაზებით სარგებლობისთვის ეწვიეთ საქართველოს ბანკის ბიზნეს მობილბანკს, ან ვებგვერდს www.bankofgeorgia.ge.აღსანიშნავია, რომ ბიზნეს შეთავაზებები საქართველოს ბანკის ერთიანი სივრცის, ბიზნეს 360-ის ნაწილია. ამ სივრცეში ხელმისაწვდომია ყველა შესაძლებლობა, რომელსაც ბიზნესები საქმიანობის განვითარებისთვის გამოიყენებენ, მათ შორისაა ბიზნესკურსები, ღონისძიებები, ბიზნესკურსები და სხვა რესურსები.

1741700408

პირველი გზამკლევის (2019–2024) მიღწევებზე დაყრდნობით, რომელმაც საქართველოში მდგრადი ფინანსებისთვის მყარი საფუძველი შექმნა, მეორე გზამკვლევი (2025-2028) ფოკუსირებულია მარეგულირებელი ჩარჩოს შემდგომ გაძლიერებაზე არსებული რეგულაციების, სახელმძღვანელოებისა და ინსტრუმენტების განახლების, გაუმჯობესებისა და გაძლიერების გზით. ის ასევე ხაზს უსვამს ფინანსური სექტორის მიერ რეგულაციების დანერგვის მონიტორინგს, შესაბამისობის შეფასებას, ხარვეზების იდენტიფიცირებასა და უწყვეტი გაუმჯობესებისთვის უკუკავშირის უზრუნველყოფას.საქართველოს მდგრადი დაფინანსების მეორე გზამკლევი ადგილობრივ და საერთაშორისო დაინტერესებულ მხარეებთან, მათ შორის გერმანულ ფონდ შპარკასეს (DSIK), ევროპის რეკონსტრუქციისა და განვითარების ბანკის (EBRD), საერთაშორისო საფინანსო კორპორაციისა (IFC) და IFC-ის მხარდაჭერით მოქმედ მდგრად საბანკო და საფინანსო ქსელთან (SBFN), კონსულტაციების შედეგად შეიქმნა.მდგრადი დაფინანსების მეორე გზამკლევი ყველა იმ შესაძლო ღონისძიებას აერთიანებს, რომელთა განხორციელებაც დაგეგმილია ეროვნული ბანკის მიერ საქართველოში მდგრადი დაფინანსების განვითარებისთვის. გზამკლევი მოიცავს ექვს მიმართულებას, რომლებიც თავის მხრივ, დაყოფილია ძირითად და დამხარე მიმართულებებად. ძირითადი პილარები რამდენიმე მნიშვნელოვან მიმართულებას აერთიანებს, როგორიცაა ESG საკითხების (კლიმატისა და ბუნებასთან დაკავშირებული საკითხების ჩათვლით) ჩართვა ფინანსური ინსტიტუტების რისკების მართვის ჩარჩოსა და გადაწყვეტილების მიღების პროცესში; გამჭვირვალობისა და შესადარისი ანგარიშგების უზრუნველყოფა; კაპიტალის ნაკადების მდგრადი აქტივობებისკენ მიმართვის მხარდაჭერა; და მდგრადობის პრინციპების ჩართვა საქართველოს ეროვნული ბანკის შიდა ოპერაციებსა და სამუშაო პროცესებში. დამხმარე პილარები მოიცავს ისეთ სფეროებს, როგორიცაა მდგრადი დაფინანსების შესახებ ცნობიერების ამაღლება და შესაძლებლობების განვითარება; და პოლიტიკის შესაბამისობისა და ცოდნის გაზიარების უზრუნველსაყოფად ადგილობრივ და საერთაშორისო პარტნიორებთან თანამშრომლობის გაძლიერება.მდგრადი დაფინანსების მეორე გზამკვლევი მდგრადი ფინანსების მეორე გზამკვლევი განიხილა და დამტკიცა ფინანსური სტაბილურობის კომიტეტმა."მდგრადი დაფინანსების მეორე გზამკლევი მნიშვნელოვანი ეტაპია ეროვნული ბანკის მდგრადი დაფინანსების ჩარჩოს განვითარების პროცესში. მარეგულირებელი ინსტრუმენტების გაძლიერებით, გამჭვირვალობის ხელშეწყობითა და ფინანსური ინსტიტუტების მიერ გადაწყვეტილების მიღების პროცესში ESG ფაქტორების ინტეგრაციის მხარდაჭერით, ჩვენი მიზანია საქართველომ საერთაშორისო დონეზე მოწინავე პოზიცია შეინარჩუნოს. ეს გზამკვლევი ხაზს უსვამს ჩვენს მისწრაფებას მდგრადი ფინანსების განვითარებისა და საქართველოს ფინანსური ინსტიტუტების მდგრადობის, ინოვაციურობისა და ქვეყნის მდგრადი განვითარების მიზნებთან შესაბამისობის უზრუნველყოფის მიმართულებით“, - განაცხადა ეროვნული ბანკის პრეზიდენტმა ნათია თურნავამ.გზამკვლევი, საბაზრო პირობების, ახლად წარმოქმნილი რისკებისა და მდგრადი ფინანსების გლობალური ტენდენციების ასახვის მიზნით, პერიოდულად გადაიხედება და განახლდება.

1741695630

ნიჭიერი და მიზანდასახული ახალგაზრდებისთვის განათლების შესაძლებლობების შესაქმნელად, საქართველოს ბანკი, კომაროვის სკოლასთან ერთად, მეორე წელია STEM ოლიმპიადას ახორციელებს.პროექტში მონაწილეობა ნებისმიერი სკოლის გუნდს შეუძლია (ფიზიკა-მათემატიკური სკოლების გარდა), რომელიც VII-XI კლასის 5 მოსწავლისგან იქნება დაკომპლექტებული.ოლიმპიადა ორ ტურად იმართება - პირველ ეტაპზე მოსწავლეები დავალებებს ინდივიდუალურად ასრულებენ ფიზიკის, მათემატიკის და ინფორმატიკის მიმართულებით, მეორე ტურში გადასული გუნდები კი თეორიულ ცოდნას პრაქტიკული ამოცანების გადასაწყვეტად იყენებენ.გასულ წელს გამართულ STEM ოლიმპიადაში მონაწილეობა 200-მდე სკოლის გუნდმა მიიღო. ფინალურ ტურში კი საუკეთესო ათეული გამოვლინდა. ახალგაზრდებმა პრაქტიკულ ტურში ინჟინრული დავალებები შეასრულეს და ჭკვიანი სახლის პროექტები შექმნეს.შედეგად გამარჯვებული გუნდი გამოვლინდა, მისი წევრები კი თანატოლებს იმ უნარებს უზიარებენ, რომლებიც მათ STEM ოლიმპიადაზე გამოადგებათ:გუნდური მუშაობაიმისათვის, რომ შეძლო წარმატებით გაართვა თავი პრაქტიკულ დავალებას, გუნდური მუშაობა ძალიან მნიშვნელოვანია - ფინალურ ტურში ექვსი ადამიანი ერთი ამოცანის გადაჭრაზე მუშაობს, რაც ნიშნავს იმას, რომ ეს პროცესი კოორდინირებულად უნდა წარიმართოს.პრობლემის გააზრების შემდეგ გამარჯვებულები თანატოლებს ურჩევენ, შეადგინონ სამუშაო გეგმა და დავალებები წევრების ძლიერი მხარეების მიხედვით გადაანაწილონ. რაც მათ დროის დაზოგვასა და ამოცანის ეფექტურად ამოხსნაში დაეხმარებათ.კრეატიული აზროვნებადავალებებისთვის თავის გართმევის პროცესში თეორიულ ცოდნასთან ერთად ძალიან მნიშვნელოვანია კრეატიული აზროვნებაც, რადგან ხშირად რთული და კომპლექსური ამოცანის გადასაჭრელად მარტივი, კრეატიული ხერხები არის საჭირო.შესაბამისად, მონაწილეებს ურჩევენ არ შეიზღუდონ, იფიქრონ მასშტაბურად და საკუთარი იდეები აუცილებლად გაუზიარონ საკუთარი გუნდის წევრებს.კრიტიკული აზროვნებაკრეატიულ აზროვნებასთან ერთად საჭიროა, მოსწავლეებმა ამოცანა და გენერირებული იდეები კრიტიკულად შეაფასონ, რათა შეძლონ ხარვეზების აღმოჩენა და მათი გამოსწორება.მოვლენის გააზრებადავალების სწორად შესასრულებლად ამოცანის პირობის სრულად წაკითხვა და მისი გააზრება ძალიან მნიშვნელოვანია, ამიტომ გამარჯვებულები მონაწილეებს ურჩევენ, არ იჩქარონ, რადგან არასწორად გააზრებულ პირობას შეიძლება ცუდად შესრულებული დავალება მოჰყვეს.ბუნების ერთიანი სურათის აღქმაროგორც გამარჯვებულები აღნიშნავენ, გარდა ცალკეულ საგნებში ფაქტებისა და თეორიის სწავლისა, აუცილებელია, მათემატიკასა და საბუნებისმეტყველო მეცნიერებებს შორის არსებული ურთიერთკავშირის დაჭერა, რაც მონაწილეებს სამყაროს მრავალმხრივი ბუნების აღქმაში და ოლიმპიადის ფარგლებში მოცემულ პრობლემებთან ეფექტურად გამკლავებაში დაეხმარება.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1741695377

მისივე თქმით, 2024 წელი გლობალურად გამოწვევებით სავსე წელი იყო და აღნიშნული, მათ შორის, აისახა ინვესტორებზე.თუმცა, ვახტანგ ცინცაძის განმარტებით, საქართველო ინვესტიციების მაჩვენებლით გლობალურად კვლავ ერთ-ერთი ლიდერია.„ერთი გარემოებაა, რომ 2024 წელს გლობალურად ჯერ კიდევ ნარჩუნდებოდა მაღალი საპროცენტო განაკვეთები; მეორე – ძირითად ეკონომიკებში 2024 წელი იყო არჩევნების პერიოდი. ყოველივე ზემოაღნიშნული გლობალურ პირდაპირ უცხოურ ინვესტიციებზე უარყოფითად აისახა და 2024 წელს გლობალურად ინვესტიციების მაჩვენებელი 8 პროცენტით შემცირდა. ევროკავშირის ქვეყნებს და ევროპას თუ შევხედავთ, აქ დაახლოებით 45-პროცენტიანი შემცირება გვაქვს. ამ ფონზე საქართველოში ინვესტიციების მაჩვენებელმა 2024 წელს 1 მილიარდ 333 მილიონ აშშ დოლარს გადააჭარბა, ხოლო მეოთხე კვარტალში ინვესტიციების ზრდა დაფიქსირდა და დაახლოებით 25 პროცენტით გაიზარდა პირდაპირი უცხოური ინვესტიციები, მათმა მოცულობამ 367 მლნ აშშ დოლარს გადააჭარბა.პირდაპირი უცხოური ინვესტიციების თანაფარდობას თუ შევხედავთ ეკონომიკის ზომასთან მიმართებით, აქ უნდა აღინიშნოს, რომ საქართველო ამ მაჩვენებლით გლობალურად კვლავ ერთ-ერთი ლიდერია. ყოველივე ზემოაღნიშნული კიდევ ერთხელ ადასტურებს იმ ფაქტს, რომ საქართველო, გლობალური გამოწვევების მიუხედავად, და, ზოგადად, გამოწვევების მიუხედავად, ინარჩუნებს ეკონომიკურ მდგრადობას და არის მიმზიდველი საერთაშორისო ინვესტორებისთვის“, – განაცხადა ვახტანგ ცინცაძემ.

1741692228

საავტომობილო ბაზარი ვერა და ვერ გააქტიურდა, მოთხოვნა შემცირდა და შესაბამისად, იმპორტმაც იკლო, რასაც ბოლო სტატისტიკაც ადასტურებს. სირთულეებია რეალიზაციის მიმართულებითაც. ვარაუდი, რომ 2024 წლის ბოლომდე ბაზარზე არსებული ჭარბი ავტომობილების გაწოვა მოხდებოდა, არ გამართლდა. ამიტომაც, სპეციალისტთა ნაწილი მიიჩნევს, რომ ბაზარზე შესაძლოა გაიაფება, დაიწყოს, ნაწილი კი ვარაუდობს, რომ რთული მდგომარეობა ღირებულებაზე გავლენას ვერ მოახდენს.კავკასიის ავტოიმპორტის ხელმძღვანელი გიორგი სურგულაძე მიიჩნევს, რომ ის, რაც ახლა ქართულ ავტობიზნესში ხდება ჩვეულებრივი პროცესია, რომელიც სეზონურობითაა გამოწვეული.,,არაფერი განსაკუთრებული საავტომობილო ბაზარზე არ ხდება. ფასების ოდნავი შემცირება სეზონურობითაა გამოწვეული. მოგეხსენებათ, ზამთარში აზერბაიჯანის, ყაზახეთის, ყირგიზეთის მიმართულებით დიდთოვლობაა და გზები იკეტება. ამიტომაც, გარკვეული  პერიოდი ლოდინი გვჭირდება. ბაზარი გაზაფხულიდან ჩვეულ რიტმს დაუბრუნდება.ქვეყანაში შექმნილი პოლიტიკური ვითარება ჩვენი მიმართულებით გავლენას არ ახდენს. მცირე ვარდნა ბაზარს სეზონურად ახასიათებს. ამიტომაც, ზუსტად ვიცით, როდის გაიზრდება მოთხოვნა და როდის შემცირდება. ჩვენი დაკვირვებით, ზრდა, აპრილის ბოლოდან დაიწყება, სტაბილურდება ზაფხულში და გვიან შემოდგომამდე იგივე პროცესი მიმდინარეობს. ზამთრის სეზონზე კი კვლავ კლებაა, რაც თავისებური ცირკულაციაა.მანქანების ჭარბ რაოდენობას რაც შეეხება, 2024 წლის დასაწყისში ორჯერ უფრო მეტი რაოდენობა იყო, ვიდრე 2025 წელს. ამ წლის ზამთარში  პროფიციტი დიდი არაა, მაგრამ გასული წლის სიჭარბემ ბაზარზე გავლენა იქონია. ამიტომაც, ბაზარი რეალური მოთხოვნის დონეზე გადაეწყო", - აღნიშნა ,,ბიზნეს-რეზონანსთან" გიორგი სურგულაძემ."საქსტატის" მიერ გამოქვეყნებული კვლევა გვიჩვენებს, რომ მსუბუქი ავტომობილების იმპორტი 25%-ით შემცირდა. სურგულაძის განცხადებით, კვლევა, სწორედ, სეზონურობით გამოწვეულ ვარდნას ეყრდნობა.,,ზამთრის პერიოდი რეექსპორტისთვის არასახარბიელოა. "საქსტატის" მიერ გამოქვეყნებული კვლევა, სწორედ ამ პერიოდს ასახავს. ამიტომ, არსებული შეფერხება მხოლოდ რამდენიმე თვიანია და გაზაფხულზე გამოსწორდება. მართალია, ვისაც გაყიდვა ეჩქარება ის ფასს აგდებს, მაგრამ ეს საერთო სურათზე გავლენას არ ახდენს.ბოლო ათი წლის მონაცემებში ვინახავთ, რომ ზამთრის სეზონზე ავტომობილების გაყიდვის კუთხით, მუდმივად ვარდნაა, მაგრამ ზაფხულზე კვლავ მატულობს. ამიტომაც, ამ ეტაპისთვის სტაბილურობის განცდა გვაქვს და ბაზარზე რყევებს არ ველოდებით", - განაცხადა ,,ბიზნეს-რეზონანსთან" სურგულაძემ.ის, რომ იანვარ-თებერვალი ქართული ავტობაზარისთვის რთული პერიოდია, ,,რობინ მოტორსის" დამფუძნებელი ელგუჯა ჯამაგიძეც საუბრობს. თუმცა აქვე ხაზს უსვამს იმ გარემოებას, რომ ქვეყანაში არსებული პოლიტიკური ფონი ბაზარზე მაინც მოქმედებს.,,ზოგადად იანვარ-თებერვალი ქართული ავტობიზნესისათვის მძიმე პერიოდია. ახალი წელი რომ იწყება, ყველა ქვეყანა ცვლილებებით ხვდება და ის ავტო ბიზნესზეც აისახება. დღეს ეკონომიკაშიც პრობლემებია. ყველაფერი ერთმანეთთან გადაჯაჭვულია, რაც თავისებურად უარყოფით ასახვას პოვებს. ნურავინ იტყვის, რომ ეს სფერო ცალკე მდგომია. ავტო ბიზნესი ეკონომიკაზე, კომერციული სტრუქტურების კეთილდღეობაზეა დამოკიდებული.ადამიანები, ძირითადად, კრედიტებით აკეთებენ მსხვილ შენაძენს და ხალხს, შექმნილი პოლიტიკური ვითარებიდან გამომდინარე, ეშინია სესხის აღება, რაც ხელს უწყობს კრიზისს. ამიტომაც გვაქვს ასეთი სურათი.2013 წლის ზემოთ შემოსული მანქანების ფასი, მინიმუმ 7000 დოლარიდან იწყება და ზევით მიდის. ეს თანხა ჩვენი ეკონომიკური მდგომარეობიდან გამომდინარე, ერთიანად არავის არა აქვს. ბანკის თანამონაწილეობით აბალანსებდნენ ხარჯს.ზოგადად, ქართველი კაცი წინდაუხედავად არაფერს აკეთებს. დღეს, შექმნილი მდგომარეობიდან გამომდინარე, ვერ ხედავს რამე სასიკეთოს და შესაბამისად, თავს იკავებს რისკისგან. ამიტომაც, არსებული გარემო, გაყიდვის შემცირების ერთ-ერთი ფაქტორიცაა", - განუცხადა ,,ბიზნეს-რეზონანსს" ჯამაგიძემ.მისივე აზრით, არსებული პრობლემების მიუხედავად, ბაზარზე ფასების საგრძნობი ვარდნა მაინც ვერ მოხდება.,,მართალია, საავტომობილო ბაზარზე მიწოდება მეტია და მოთხოვნა ნაკლებია, მაგრამ ეს ფასზე სერიოზულ გავლენას ვერ მოახდენს. საერთოდ, ასეთ დროს ლოგიკურია გაიაფება, მაგრამ იმ ადამიანებმა, რომლებმაც შეზღუდვების გათვალისწინებით შემოიყვანეს მანქანები, არ გააიაფებენ. თუმცა, თუკი მეზობელი ქვეყნები არ გაიყვანენ ამ მანქანებს, ფასიც ცოტათი დაიწევს.  შემცირებას იწვევს ან მოზღვავებული საქონელი, ან პრობლემები იმ ქვეყნებიდან, საიდანაც ხდება იმპორტი.ყველაზე მთავარი ფაქტორი ისაა, რომ შემომტანებს უჩნდებათ ეჭვი რამდენად შესაძლებელი იქნება მათი საქონლის რეალიზაცია. შექმნილი ვითარებიდან გამომდინარე, ფაქტია, ყველა თავს იკავებს სერიოზული ნაბიჯების გადადგმისაგან. ჩვენი საზოგადოების ყურადღებაც სხვა რამეზეა გადართული. ეკონომიკაშიც პატარა პრობლემებია და მთლიანობაში, ეს ყველაფერი ხელს უწყობს შეფერხებას.გარდა ამისა, ქვეყნები, რომლებიც ჩვენგან ყიდულობდნენ მანქანებს, გლობალურად აღიქვამენ სიტუაციას და თავშეკავებას ამჯობინებენ. ვვარაუდობ, რომ გაიაფდება მაინც არ მოხდება, რადგან დაელოდებიან სტაბილიზაციას. ჯერჯერობით ამის რესურსი არის", - დასძინა ,,ბიზნეს-რეზონანსთან" საუბრისას ელგუჯა ჯამაგიძემ.ადგილობრივი ბაზრის პროფიციტულობაზე საუბრობს ავტოიმპორტიორთა ასოციაციის ხელმძღვანელი ალექსი ნონიაძეც. ამის გამო ავტოდილერები დიდწილად ავტომობილებს თავის ფასში ყიდიან, რის გამოც, ბაზარზე ფასები შენარჩუნებულია.„ადგილობრივი ბაზარი ისევ პროფიციტულია. 2023 წელს ზედმეტად შემოყვანილი ავტომობილები (60 ათასი ერთეული ავტომობილი) 2024-ში ბოლომდე არ გაიყიდა. ვერ დაბალანსდა მოთხოვნა-მიწოდება. ამის გამო, 2024 წელს იმპორტიც გარკვეულწილად შემცირებული იყო. მსგავსი ტენდენცია დაფიქსირდა 2025 წლის იანვარშიც.ეს თავისთავად გარკვეულწილად ფასებზე გავლენას ახდენს იმ კუთხით, რომ დიდწილად მოგების გარეშე იყიდება ავტომობილები, ამიტომ ფასი შენარჩუნებულია. ავტოიმპორტიორებს არ უღირთ უფრო დაბალ ფასად გაყიდვა, რადგან ისედაც თვითღირებულებაში ყიდიან. სხვა შემთხვევაში ზარალზე წავლენ... ამიტომ რაღაცნაირად ფასები იგივე დარჩა.თუ მოთხოვნა-მიწოდება, შესაბამისად, ბაზარი დაბალანსდა, მერე უკვე არსებული სიტუაციის გათვალისწინებით შეგვეძლება ფასებზე საუბარი, გაძვირდება თუ გაიაფდება“, - განაცხადა ნონიაძემ.რაც შეეხება "საქსტატის" 2025 წლის იანვრის მონაცემებს, მსუბუქი ავტომობილების იმპორტი 25%-ით შემცირდა. უფრო კონკრეტულად, მიმდინარე წლის იანვარში ქვეყანაში იმპორტირებული იყო 8 880 ერთეული მსუბუქი ავტომობილი, რომლის ჯამურმა ღირებულებამ 151 მლნ დოლარს მიაღწია. წინა წელს იმავე თვეში კი 196.4 მილიონ აშშ დოლარის ღირებულების 11 892 ავტომობილის იმპორტი განხორციელდა.წყარო: resonancedaily.com

1741692013