ბიზნესის მართვისას საჭიროებები მუდმივად იცვლება. საწყის ეტაპზე მნიშვნელოვანია პირველი ნაბიჯების გადადგმა, ზრდასთან ერთად - დამატებითი რესურსების მოძიება, ყოველდღიურ საქმიანობაში კი - დროის დაზოგვა და პროცესების გამარტივება. ახალი შესაძლებლობების გაჩენისას ბიზნესს სწრაფი მოქმედება სჭირდება, განვითარების შემდეგ ეტაპზე გადასასვლელად კი - ცოდნა, შესაბამისი ინსტრუმენტები და მხარდაჭერა.სწორედ ამ საჭიროებებს ეხმიანება კამპანია, რომლის დახმარებით ბიზნესებს შესაძლებლობა აქვთ, მათზე მორგებული შესაძლებლობები აღმოაჩინონ.საქართველოს ბანკის ბიზნეს ეკოსისტემა აერთიანებს ყოველდღიურ საბანკო მომსახურებას, ციფრულ ინსტრუმენტებს, ბიზნესის მართვის ტექნოლოგიურ გადაწყვეტებსა და მხარდამჭერ პროგრამებს.„ყველაფერი, რაც საქმეს სჭირდება“ საქართველოს ბანკის ბიზნესის მიმართულების ერთიან მიდგომას გამოხატავს. კამპანიის მიზანია, მეწარმეებს შეახსენოს, რომ თითოეული გამოწვევისა თუ ახალი მიზნისთვის ბანკში შესაბამისი ინსტრუმენტი, რესურსი ან მხარდაჭერის შესაძლებლობა არსებობს. მაგალითად, როდესაც ბიზნესს გაყიდვების ზრდა სჭირდება, მას საქართველოს ბანკის Ads მენეჯერი შეუძლია გამოიყენოს; განვითარების ახალი ეტაპისთვის საჭირო რესურსების მოსაძიებლად ხელმისაწვდომია სრულად ციფრული, აგრო ან ბიზნეს დაფინანსება. ყოველდღიური საბანკო ოპერაციების გამარტივებისთვის ბიზნესს მობილბანკი ან ინტერნეტბანკი, ხოლო გადახდების მართვისთვის - ბიზნეს მენეჯერის შესაბამისი ინსტრუმენტები შეუძლია გამოიყენოს; ბიზნეს 360° კი მეწარმეებს ცოდნისა და უნარების გაღრმავების შესაძლებლობებს სთავაზობს. ეს კი მცირე ნაწილია იმ ერთიანი ეკოსისტემისა, რასაც ჩვენ მცირე და საშუალო ბიზნესის განვითარებისთვის ვქმნით”, - აცხადებს თორნიკე კუპრაშვილი, საქართველოს ბანკის მცირე და საშუალო ბიზნესის მიმართულების ხელმძღვანელი.საქართველოს ბანკის ბიზნესზე ორიენტირებული პროდუქტებისა და ინიციატივების შესახებ გაიგეთ მეტი: https://bankofgeorgia.ge/ka/business

1792423308

მოდერნიზებული რეაქტორის გახსნის ცერემონიას ქალაქ რუსთავის მერი ნინო ლაცაბიძე დაესწრო.პროექტის ფარგლებში რეაქტორში ახალი თაობის კატალიზატორი ჩაიტვირთა, სრულად შეიცვალა მისი შიგთავსი და დამონტაჟდა ემისიების უწყვეტი მონიტორინგის სისტემა, რომელიც დამაბინძურებელი ნივთიერებების გაფრქვევის მუდმივ კონტროლს უზრუნველყოფს. განხორციელებული მოდერნიზაცია ხელს შეუწყობს საწარმოში თანამედროვე გარემოსდაცვითი ტექნოლოგიების დანერგვას, სათბურის აირების ემისიების შემცირებასა და სამრეწველო პროცესების გარემოსდაცვითი მონიტორინგის გაუმჯობესებას.„თანამედროვე ტექნოლოგიების დანერგვა იძლევა შესაძლებლობას, რომ შემცირდეს საწარმოო პროცესების უარყოფითი ზემოქმედება გარემოზე და ამავდროულად უზრუნველყოფილ იქნას ეკონომიკური საქმიანობის მდგრადობა. „რუსთავის აზოტში“ განხორციელებული პროექტი კარგი მაგალითია იმისა, თუ როგორ შეიძლება თანამედროვე ტექნოლოგიების, კერძო სექტორის ინვესტიციების, საერთაშორისო პარტნიორების და სახელმწიფოს მხარდაჭერის შედეგად კონკრეტული გარემოსდაცვითი შედეგების მიღწევა“,- განაცხადა დავით სონღულაშვილმა.პროექტი, გერმანიის საერთაშორისო თანამშრომლობის საზოგადოების (GIZ) მხარდაჭერით განხორციელდა, რომლის ჯამურმა ღირებულებამ 5.26 მილიონი ევრო შეადგინა, საიდანაც 2.26 მილიონი ევრო GIZ-ის დაფინანსებაა, ხოლო 3 მილიონი ევრო - „რუსთავის აზოტის“ ინვესტიცია.ღონისძიებას, გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, საგარეო საქმეთა მინისტრის მოადგილე ალექსანდრე ღვთისიაშვილი,  საქართველოს პარლამენტის რუსთავისა და გარდაბნის დელეგატი ირაკლი შატაკიშვილი, საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია და ადგილობრივი ხელისუფლების წარმომადგენლები ესწრებოდნენ.

1792421381

ჯილდოები საქართველოს ბანკმა როგორც სამომხმარებლო, ისე კორპორაციული საბანკო მომსახურების მიმართულებით მიიღო.გლობალური ჯილდოების გარდა, იგი ცენტრალური და აღმოსავლეთ ევროპის რეგიონში საუკეთესო AI ბანკად დასახელდა როგორც ბიზნესისთვის, ისე სამომხმარებლომიმართულებით.ამასთან, საქართველოს ბანკმა გაიმარჯვა შემდეგ გლობალურ ქვე-კატეგორიებში: საუკეთესო ფინტექ AI სამომხმარებლო მიმართულებით (Best Fintech AI – Consumer), საუკეთესო აპლიკაცია ფინანსური ინკლუზიურობისთვის სამომხმარებლო მიმართულებით (Best AI Application for Financial Inclusion and Underserved Communities – Consumer) საუკეთესო AI ბანკი გადახდებში კორპორაციული მიმართულებით (Best in Payments – Corporate/Institutional). „ხელოვნური ინტელექტის გამოყენებისას ჩვენთვის მთავარი მისი პრაქტიკული ღირებულებაა - როგორ გვეხმარება ის მომხმარებლის საჭიროებების უკეთ გაგებაში, მომსახურების პერსონალიზებასა და უფრო ეფექტიანი პროცესების შექმნაში. Global Finance-ის მიერ საქართველოს ბანკის აღიარება მსოფლიოში საუკეთესო AI ბანკად გვაძლევს დამატებით მოტივაციას, გავაგრძელოთ AI-ის პასუხისმგებლიანი გამოყენება, როგორც ფიზიკური პირების, ისე ბიზნესის მომსახურების გასაუმჯობესებლად. მინდა, მადლობა გადავუხადო ჩვენი გუნდის თითოეულ წევრს, რომელთა დამსახურებაცაა აღნიშნული ჯილდო”, - განაცხადა მიხეილ ნადარეიშვილმა, საქართველოს ბანკის მონაცემთა ანალიტიკის გუნდის ხელმძღვანელმა.Global Finance-ის AI in Finance Awards ფინანსურ სექტორში ხელოვნური ინტელექტის გამოყენების გამორჩეულ მაგალითებსა და ინოვაციურ მიდგომებს გამოარჩევს. ჯილდოების ფარგლებში ფასდება, თუ როგორ იყენებენ ფინანსური ინსტიტუტები ხელოვნურ ინტელექტს სამომხმარებლო გამოცდილების გასაუმჯობესებლად, პროდუქტებისა და სერვისების განსავითარებლად და საბანკო პროცესების ეფექტიანობის ასამაღლებლად.Global Finance 1987 წელს დაარსდა და 193 ქვეყანაში 50,000-ზე მეტ მკითხველს აერთიანებს. გამოცემა რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.

1792417680

პროექტის ფარგლებში, მოსწავლეებს აქვთ შესაძლებლობა, აირჩიონ სასურველი კურსი პარტნიორ პროფესიულ აკადემიებში, მიიღონ საქართველოს ბანკის სტიპენდია და განივითარონ როგორც ტექნოლოგიური, ისე შემოქმედებითიდა პრაქტიკული უნარები სრული დაფინანსებით.რისი სწავლა შეუძლიათ მოსწავლეებს?პროექტის ფარგლებში მოსწავლეებს სხვადასხვა მიმართულების კურსებიდან შეუძლიათ არჩევანის გაკეთება. მათ შორისაა: პროგრამირება: პროგრამირების საფუძვლები, ვებპროგრამირება ნულიდან, Front-end Development, Back-end Development და React Native; დიზაინი: გრაფიკული დიზაინი და UI/UX დიზაინი; ხელოვნური ინტელექტი: AI აგენტები და ავტომატიზაცია, ხელოვნური ინტელექტის პრაქტიკული კურსი და AI-ის გამოყენებით კონტენტის შექმნა; ტექნოლოგიები და მენეჯმენტი: IT პროექტების მართვა; მეწარმეობა და კომუნიკაცია: AI და მეწარმეობა და კრეატიული კომუნიკაცია. რომელ აკადემიებში შეძლებენ მოსწავლეები საქართველოს ბანკის სტიპენდიის მიღებას?საქართველოს ბანკის სტიპენდიის ფარგლებში მოსწავლეებს შესაძლებლობა ექნებათ, ისწავლონ პარტნიორ საგანმანათლებლო დაწესებულებებში, მათ შორის: IT აკადემია STEP; სქილვილი (Skillville); Edutech Academy; Re:educate; ელექტრონული აკადემია; დიზაინ ინსტიტუტი როგორ შეუძლიათ მოსწავლეებს სტიპენდიის მიღება?სტიპენდიის მისაღებად კანდიდატების შერჩევა სამოტივაციო წერილისა და გასაუბრების საფუძველზე მოხდება, ხოლო ზოგიერთი აკადემიის შემთხვევაში დამატებითი ტესტირებაც იქნება გათვალისწინებული.პროექტი მოსწავლეებს შესაძლებლობას აძლევს, სკოლის პარალელურად მიიღონ დამატებითი ცოდნა, გამოცადონ საკუთარი შესაძლებლობები და მომავალი პროფესიული არჩევანისთვის საჭირო გამოცდილება დააგროვონ.ინფორმაციისთვის, საქართველოს ბანკისთვის განათლების მხარდაჭერა ერთ-ერთი მთავარი პრიორიტეტია. ბანკი 40-ზე მეტ საგანმანათლებლო პროექტს ახორციელებს და მხარს უჭერს, რათა ადამიანებს სხვადასხვა ასაკსა და ეტაპზე ჰქონდეთ ახალი ცოდნის მიღებისა და საკუთარი შესაძლებლობების განვითარების შესაძლებლობა.საქართველოს ბანკის საგანმანათლებლო ინიციატივების შესახებ დამატებითი ინფორმაცია ხელმისაწვდომია ვებგვერდზე ganatleba.bog.ge

1792411976

ამჟამად ცენტრალური აფრიკის რესპუბლიკაში „ვაგნერის“ დაახლოებით 500 წევრი იმყოფება; ისინი პრეზიდენტის უსაფრთხოებას უზრუნველყოფენ, რომლის ძალაუფლებასაც ამბოხებული დაჯგუფებები ემუქრებიან. ტუადერამ ისინი ადგილობრივ პოლიციაში, არმიასა და სადაზვერვო სამსახურებში ჩართო. გაიზარდა მათი შემოსავლის წყაროებიც: ჟენევაში დაფუძნებული ანალიტიკური ცენტრის — „გლობალური ინიციატივა ტრანსნაციონალური ორგანიზებული დანაშაულის წინააღმდეგ“ (Global Initiative Against Transnational Organized Crime) — მონაცემებით, თუ ევგენი პრიგოჟინის სიცოცხლეში „ვაგნერი“ მხოლოდ ოქროს მოპოვებით იყო დაკავებული, მისი ვაჟის, პაველის ხელმძღვანელობით, დაჯგუფებამ კონტროლი კიდევ რამდენიმე მაღაროზე დაამყარა.როგორც გამოცემა Wall Street Journal-ი იუწყება, მამის გარდაცვალების შემდეგ 25 წლის პაველ პრიგოჟინმა მემკვიდრეობით მიიღო იმპერია, რომელიც მოიცავს დაქირავებულ მებრძოლებს, ოქროსა და ოპიოიდების კონტრაბანდისტებს, ასევე ლუდისა და არაყის მწარმოებლებს. საგამოძიებო არაკომერციული ჯგუფის — All Eyes on Wagner-ის ხელთ არსებული სასამართლო დოკუმენტებიდან ირკვევა, რომ მამამ ანდერძში პაველი თავის მთავარ მემკვიდრედ დაასახელა. „გლობალური ინიციატივის“ ცნობით, პაველის მმართველობის პერიოდში „ვაგნერის ჯგუფის“ ლეგალური და არალეგალური ბიზნესოპერაციების წლიურმა ბრუნვამ 400 მილიონ დოლარს გადააჭარბა.სანქტ-პეტერბურგიდან ცენტრალური აფრიკის რესპუბლიკის დედაქალაქ ბანგიში ჩასვლისას, პაველი ჩერდება მდიდრულ სასტუმრო Ledger Plaza-ში, რომელიც „ვაგნერის ჯგუფის“ შტაბ-ბინის ფუნქციას ასრულებს. სასტუმროს იცავენ ნიღბიანი „ვაგნერელები“, რომლებიც ავტომატური იარაღით არიან შეიარაღებულნი. გამომძიებლებისა და ადგილობრივი თანამდებობის პირების თქმით, პრიგოჟინთან შეხვედრამდე უსაფრთხოების შემოწმების გავლა უწევთ მაღალი რანგის სამთავრობო ჩინოვნიკებსა და დიპლომატებსაც კი.„ვაგნერის ჯგუფის“ მოქმედი და ყოფილი წევრების ცნობით, აპრილში პაველმა სასტუმროში შეკრიბა დაჯგუფების ხელმძღვანელობა და სამთავრობო პირები — მათ შორის, სამთო მრეწველობის მინისტრი რუფინ ბენამ ბელტუნგუ — რათა განეხილათ ოქროს უცხოურ ბაზრებზე კონტრაბანდული გზით გატანის მეთოდები. მიზანი საერთაშორისო კონტროლისთვის თავის არიდება იყო, რაც არაბთა გაერთიანებული საამიროების — ოქროს უახლოესი მსხვილი ბაზრის — გვერდის ავლით უნდა მომხდარიყო.როგორც ორგანიზაცია „გლობალური ინიციატივა“ (Global Initiative) იუწყება, მანამდე პაველმა — მთავრობის დუმილით თანხმობის ფონზე — გააფართოვა საქმიანობა ქვეყნის უდიდეს ოქროს მაღაროში (რომელიც მისმა მამამ მიიტაცა) და მასშტაბები წელიწადში 250 მილიონ დოლარამდე გაზარდა. სასტუმროში გამართულ შეხვედრაზე ბელტუნგუმ, რომელიც მჭიდროდ თანამშრომლობს „ვაგნერის ჯგუფთან“, თანხმობა განაცხადა, ხელი შეუწყოს ოქროს ექსპორტს; ამისთვის ოფიციალურ დოკუმენტაციაში ოქრო „სახელმწიფო საკუთრებად“ უნდა გაფორმებულიყო.ადგილობრივი თანამდებობის პირებისა და ანალიტიკოსების თქმით, ბოლო სამი თვის განმავლობაში ოქროს პარტიები ბელარუსში გაიგზავნა. პაველმა ასევე გააგრძელა მამის საქმიანობა იარაღით ვაჭრობის სფეროში და იარაღით ამარაგებს მეამბოხე დაჯგუფებებს სუდანსა და ლიბიაში. გარდა ამისა, „ვაგნერის ჯგუფი“ აკონტროლებს არაყ „ვა-ვა-ვა“-ს („ცეცხლი და ცეცხლი“) და ლუდ „აფრიკა ტი ლ’ორ“-ის („აფრიკა ოქროა“) წარმოებასა და გაყიდვას. ევგენი პრიგოჟინს სანქტ-პეტერბურგში დაარსებული ჰქონდა ე.წ. „ტროლების ფაბრიკა“, რომელიც აქტიურად იყო ჩართული დეზინფორმაციის გავრცელებაში. ცენტრალური აფრიკის რესპუბლიკაში „ვაგნერის ჯგუფი“ აფინანსებს ადგილობრივ რადიოსადგურებს, რომლებიც მხარს უჭერენ პრეზიდენტ ტუადერას და ავრცელებენ ანტიდასავლურ, პრორუსულ პროპაგანდას.„ამ აფრიკულ ქვეყანაში პაველმა მარტივად გააგრძელა მამის გზა“, — აცხადებს ნატალია დუხანი, ორგანიზაცია „გლობალური ინიციატივის“ უფროსი მკვლევარი.პაველმა თავის „აქტივების პორტფოლიოს“ ნარკოტიკებით ვაჭრობაც დაამატა და ამჟამად აკონტროლებს ოპიოიდური პრეპარატ „ტრამადოლის“ ადგილობრივი ბაზრის მნიშვნელოვან ნაწილს. Wall Street Journal-ის ცნობით, ბანგის მცხოვრებლებმა გაავრცელეს ფოტოები და ვიდეოები, რომლებზეც ჩანს, თუ როგორ აკავებენ ქუჩაში ნიღბიანი „ვაგნერელები“ ​​(ადგილობრივ პოლიციასთან ერთად) იმ პირებს, რომლებიც ნარკოტიკულ საშუალებებს ყიდდნენ, თუმცა ამის შესახებ მის ორგანიზაციასთან შეთანხმება არ ჰქონდათ გაფორმებული.ლუ ოსბორნმა, შვეიცარიული არაკომერციული ორგანიზაცია Inpact-ის გამომძიებელმა (რომელიც აფრიკაში „ვაგნერის“ საქმიანობას აკვირდება), გამოცემას განუცხადა:„ვაგნერი ძლიერი, სპეცდანიშნულების რაზმის ტიპის კერძო სამხედრო კომპანიიდან გარდაიქმნა არაფორმალურ ქსელად, რომელიც, როგორც ჩანს, ორგანიზებული დანაშაულებრივი სინდიკატის სახეს იღებს. ვვარაუდობ, რომ პაველს საქმიანობის გაგრძელების ნება დართეს — რაც იმას ნიშნავს, რომ მან ან კრემლთან დადო გარიგება, ანდა, როგორც საფრთხე, განეიტრალებულია“.

1792410649

„ათასწლეულის ინოვაციის კონკურსი“ საქართველოში 2014 წლიდან ტარდება და მიზნად ისახავს მეცნიერების, ტექნოლოგიების, ინჟინერიისა და მათემატიკის (STEM) დარგებისა და ინოვაციების პოპულარიზაციას 13-17 წლის ახალგაზრდებში, საქართველოს მასშტაბით. 12 წლის განმავლობაში, კონკურსში მონაწილეობა მიიღო 999 გუნდის 4000-მდე მოსწავლემ, ფინალში გადასული გუნდების მიერ კი 160 პროტოტიპი შეიქმნა.კონკურსის პირობების გათვალისწინებით, ახალგაზრდებს შეუძლიათ შექმნან გუნდი და წარადგინონ პროექტი შემდეგი კატეგორიებიდან ერთ-ერთში: კოსმოსი და ავიაცია, კიბერტექნოლოგიები და უსაფრთხოება, გარემოს დაცვა, ენერგეტიკა და კლიმატის ცვლილება, ჯანდაცვა და კვება, გამოყენებითი ტექნოლოგიები და აპლიკაციები, რობოტექნიკა.უკვე მეხუთე წელია ლიბერთი, ბაზისბანკ ჯგუფი კონკურსის სტრატეგიული პარტნიორია. ბანკის მხარდაჭერით, ყოველ წელს მესამე ადგილზე გასული გუნდი სასწავლო ვიზიტით მიემგზავრება შვეიცარიაში, ბირთვული კვლევების ევროპულ ორგანიზაცია CERN-ში. „ათასწლეულის ინოვაციის კონკურსის“ გამარჯვებული ახალგაზრდა ინოვატორებისთვის ეს ნიშნავს არა მხოლოდ საერთაშორისო გამოცდილების მიღებას, არამედ იმის გაცნობიერებას, რომ მათი იდეები შესაძლოა კონკურენტუნარიანი გახდეს საერთაშორისო დონეზე.მეორე ადგილზე გასული გუნდები აქტიურად ერთვებიან საერთაშორისო STEM პროექტებში და იღებენ პროფესიულ გამოცდილებას. პირველი ადგილის მფლობელი გუნდი, ტრადიციულად, მონაწილეობას იღებს NASA-ს კოსმოსური ცენტრის უნივერსიტეტის სასწავლო პროგრამაში (Space Center University), აშშ-ში.„ათასწლეულის ინოვაციის კონკურსი“ ყოველწლიურად უამრავი მოსწავლის დაინტერესებას იწვევს. წელს კონკურსში 123 გუნდის განაცხადი შევიდა და მარათონში 437 მონაწილე ჩაერთო.  სექტემბერში კი დამოუკიდებელმა ჟიურომ 10 ფინალისტი გუნდი გამოავლინა, ესენია: AeroGuard - საჰაერო მცველები Catalysts - კატალისტები  DigitalRoots - ციფრული ფესვები HPR (Homegrown  propulsion rocket)  - ეკო რაკეტა Hydra - ჰიდრა Kinara  ა- კინარა MENMO (Mental Motion) - მენმო MineGuard - მაღაროს მცველი Phonon - ფონონი SynaptiX -  სინაპტიქსი კონკურსის ფინალისტ გუნდებსა და მათ პროექტებს საზოგადოება დეტალურად მომდევნო კვირიდან გაეცნობა, შეეძლებათ თვალი ადევნონ და უგულშემატკივრონ თავიანთ რჩეულ გუნდს ლიბერთი, ბაზისბანკ ჯგუფის ოფიციალური სოციალური ქსელების მეშვეობით.„ათასწლეულის ინოვაციის კონკურსი“ ხორციელდება ათასწლეულის ფონდის მიერ, საქართველოს განათლების, მეცნიერების და ახალგაზრდობის სამინისტროსთან მჭირდო თანამშრომლობით. კონურსის მხარდამჭერია აშშ-ის საელჩო. კონკურსის ოფიციალური პარტნიორები არიან საქართველოს ინოვაციებისა და ტექნოლოგიების სააგენტო და ლიბერთი, ბაზისბანკ ჯგუფი.

1792408184