ამჯერად ნიუ-იორკში ქართული ელექტრონული მუსიკისა და ხელოვნების ფესტივალი eZo Festival გაიმართება. პარტნიორობის ფარგლებში, 17-18 ოქტომბერს, ნიუ-იორკში, ბრუკლინის The 1896 Studios & Stages-ში, eZo Festival Showcase გაიმართება. ქართული ელექტრონული მუსიკისა და არტის ფესტივალი ნიუ-იორკში პირველად ჩატარდება და ადგილობრივ აუდიტორიას eZo-სთვის დამახასიათებელ მუსიკალურ და შემოქმედებით გამოცდილებას გააცნობს. eZo Festival, რომელიც საქართველოში წლების განმავლობაში ელექტრონული მუსიკისა და ხელოვნების მნიშვნელოვან პლატფორმად ჩამოყალიბდა. ფესტივალი გერმანული ტურის შემდეგ, პირველად ესტუმრება ნიუ-იორკს და ორი დღის განმავლობაში მუსიკისა და DIY ხელოვნების მოყვარულებს გააერთიანებს. საქართველოს ბანკის მომხმარებლებს eZo Festival-ის ბილეთების შეძენისას 20%-იანი ფასდაკლებით სარგებლობა შეუძლიათ. სპეციალური შეთავაზება მოქმედებს 10 სექტემბრამდე. ბილეთების შესაძენად ეწვიეთ ბმულს.ინფორმაციისთვის, საქართველოს ბანკისა და Emolas Corporation-ის თანამშრომლობის ფარგლებში დაგეგმილი ღონისძიებები ქართული კულტურის საერთაშორისო პოპულარიზაციას, ქართველი არტისტების მსოფლიო სცენებზე წარმოჩენასა და აშშ-ში მცხოვრებ ქართულ დიასპორასთან კულტურული კავშირის გაძლიერებას ემსახურება. ბანკისთვის ემიგრანტების მხარდაჭერა ერთ-ერთი მნიშვნელოვანი მიმართულებაა, რომლის ფარგლებშიც საზღვარგარეთ მცხოვრები ქართველებისთვის სხვადასხვა ფინანსური, კულტურული და სოციალური ინიციატივა ხორციელდება.

1788527473

მომხსენებელმა საანგარიშო პერიოდში ქვეყნის ბიუჯეტის შესრულების მიმოხილვისას ეკონომიკური ზრდის პარამეტრებზე, ინფლაციის მაჩვენებელზე, საგარეო ვაჭრობის მიმართულებებზე, ნაერთი და სახელმწიფო ბიუჯეტის შესრულებაზე ისაუბრა.ფინანსთა მინისტრის პირველი მოადგილის თქმით, ეკონომიკური ზრდის დინამიკა წელსაც გრძელდება.„წელს, 6 თვეში ეკონომიკური ზრდის მაჩვენებელმა 7,9% შეადგინა. ჩვენ უკვე განვაახლეთ ეკონომიკური ზრდის პროგნოზი, რომელიც 6,3%-ის დონეზეა წარმოდგენილი. ეს მაჩვენებლები თანხვედრაშია საერთაშორისო საფინანსო ინსტიტუტების პროგნოზებთან, რომლებმაც ასევე გაზარდეს საქართველოს ეკონომიკური ზრდის პროგნოზი“, - განაცხადა გიორგი კაკაურიძემ.ფინანსთა მინისტრის პირველი მოადგილის ინფორმაციით, საანგარიშო პერიოდში საქართველოში საქონლით საგარეო სავაჭრო ბრუნვამ 12 925 მილიონი დოლარი შეადგინა, რაც წინა წელთან შედარებით 5,8%-ით არის გაზრდილი. აქედან, ექსპორტის მაჩვენებელი 3 876 მილიონი დოლარია, იმპორტის - 9 049 მილიონი დოლარი.გიორგი კაკაურიძემ ხაზგასმით აღნიშნა, რომ საქართველოს უმსხვილესი სავაჭრო პარტნიორი კვლავ ევროკავშირია, რომლის წილი ქვეყნის მთლიან საგარეო სავაჭრო ბრუნვაში 20.1%-ია.კომიტეტების ერთობლივ სხდომაზე ყურადღება დაეთმო საქართველოს ეკონომიკურ ურთიერთობებსა და სავაჭრო-ეკონომიკური თანამშრომლობის გაღრმავების შესაძლებლობებს ევროკავშირთან და ქვეყნის ეკონომიკური განვითარების პერსპექტივებს.მომხსენებელმა ტურიზმიდან მიღებულ შემოსავლებზე ისაუბრა და აღნიშნა, რომ წლის პირველ ნახევარში საქართველოს 2 734.5 ათასი საერთაშორისო ვიზიტორი ეწვია.რაც შეეხება ფულად გზავნილებს, ეს მაჩვენებელი 11%-ით არის გაზრდილი და 1 692 მილიონ დოლარს მიაღწია.გიორგი კაკაურიძის ინფორმაციით, საანგარიშო პერიოდში ნაერთი ბიუჯეტის შემოსავლებმა 15 086 მილიონი ლარი შეადგინა და ის 104%-ით არის შესრულებული.რაც შეეხება გადასახადებს, მიღებულმა შემოსავლებმა 13 303 მილიონ ლარს გადააჭარბა და დაგეგმილის 101,9% შეადგინა.მომხსენებლის თქმით, გრანტებიდან მიღებულმა შემოსავლებმა 170 მილიონ ლარზე მეტი შეადგინა. გადაჭარბებით არის შესრულებული სხვა შემოსავლებიც, რომელთა ოდენობა 1 613 მილიონი ლარია. პრივატიზაციიდან 248 მილიონი ლარია შემოსული და დაგეგმილი 134%-ით არის შესრულებული.რაც შეეხება უშუალოდ სახელმწიფო ბიუჯეტის შემოსავლებს, გიორგი კაკაურიძის განმარტებით, ჯამში 12 515 მილიონ ლარამდეა მობილიზებული, რაც დაგეგმილი მაჩვენებლის 103%-ია. გადასახადებიდან 6 თვეში მიღებულია 11 216 მილიონი ლარი, რაც დაგეგმილი მაჩვენებლის 101,3%-ია. მისი თქმით, გადაჭარბებაა სხვა შემოსავლების მიმართულებითაც.გიორგი კაკაურიძის ინფორმაციით, სახელმწიფო ბიუჯეტი დაგეგმილია 30 881 მილიონ ლარზე მეტით და წლის პირველ ნახევარში ათვისებულია 14 053 მილიონი ლარი.ფინანსთა მინისტრის პირველმა მოადგილემ სახელმწიფო უწყებების მიერ ბიუჯეტის ათვისების მაჩვენებლებზეც ისაუბრა და აღნიშნა, რომ ამ მხრივ, საშუალო მაჩვენებელი 92%-ია.მისი განცხადებით, საგარეო საქმეთა სამინისტრომ საანგარიშო პერიოდში 107 819 ათასი ლარი, კულტურის სამინისტრომ 163 553 ათასი ლარი, ხოლო სპორტის სამინისტრომ 168 605 ათასი ლარი აითვისა.სახელმწიფო ბიუჯეტის შესრულების ანგარიშის განხილვა კითხვა-პასუხის ფორმატში გაგრძელდა.საკითხის განხილვის შემდეგ, კომიტეტებმა 2026 წლის სახელმწიფო ბიუჯეტის შესრულების 6 თვის ანგარიში ცნობად მიიღეს.

1788526800

თანამშრომლობის ფარგლებში, უკვე არაერთი მნიშვნელოვანი ღონისძიება და კონცერტი გაიმართა, მათ შორის სამეფო უბნის თეატრის გასტროლი ნიუ-იორკში.ამჯერად, 2026–2027 წლების კულტურული სეზონი Georgia is the Great სახელწოდებით გაიმართება. ის აერთიანებს სხვადასხვა ჟანრის ღონისძიებებს - მუსიკას, თეატრს, კლასიკურ და თანამედროვე ხელოვნებას, ელექტრონულ მუსიკასა და ქართულ საშემსრულებლო ხელოვნებას. ახალი სეზონი 9 ოქტომბერს ნიუ-იორკში, Sony Hall-ში, Worth the Wait ღონისძიებით გაიხსნება, 11 ოქტომბერს კი ფილადელფიაში, Fabrika-ში გაგრძელდება. საღამოს მთავარი სიურპრიზი ქართველი არტისტის ამერიკულ სცენაზე გამოჩენა იქნება, რომლის ვინაობასაც ორგანიზატორები ღონისძიებამდე არ ამხელენ. 17-18 ოქტომბერს ბრუკლინში, 1896-ის სივრცეში, ორდღიანი ელექტრონული მუსიკის ფესტივალი - EZO Festival გაიმართება. საქართველოს ბანკის მომხმარებლებისთვის ფესტივალის ბილეთებზე სპეციალური ფასდაკლება მოქმედებს 10 სექტემბრამდე. ბილეთების შესაძენად ეწვიეთ ბმულს. ქართული მუსიკისა და კინოს მოყვარულებს განსაკუთრებული საღამო ელოდებათ 29 ნოემბერს, ნიუ-იორკის The Town Hall-ში, სადაც ნიკოლოზ რაჭველი:Memory Card ღონისძიება გაიმართება. კონცერტში მონაწილეობას მიიღებენ ნინო ქათამაძე, ნატალიკო ქუთათელაძე, გიორგი ცაგარელი, ბექა გოჩიაშვილი და გიორგი უშიკიშვილი;2027 წლის 10 თებერვალს, კარნეგი ჰოლის სცენაზე ნინო სურგულაძის და ჯონათან ტეტელმანის ვალენტინობის დღისადმი მიძღვნილი გალა კონცერტი გაიმართება, რომელსაც კონსტანტინე ორბელიანი უდირიჟორებს.ქართული კულტურის ახალი სეზონის ერთ-ერთი მნიშვნელოვანი ღონისძიება საქართველოს სახელმწიფო ბალეტის გასტროლია - 16-18 აპრილს ნიუ-იორკის Lincoln Center-ის David H. Koch Theater-ში მაყურებელი გედების ტბას იხილავს.სეზონის პროგრამას კი დაასრულებს გიორგი გიგაშვილისა და ნინი ნუცუბიძის ერთობლივი პროექტი - Georgian on My Mind. ღონისძიება 23 აპრილს ნიუ იორკში - The Appel Room, Jazz at Lincoln Center-ში, ხოლო 25 აპრილს ლოს-ანჯელესში გაიმართება.თვალი ადევნეთ საქართველოს ბანკის არხებს და არ გამოგრჩეთ Georgia is the Great-ის ფარგლებში დაგეგმილი ღონისძიებები. საქართველოს ბანკის მომხმარებლებს ბილეთების შეძენისას სპეციალური შეთავაზებით სარგებლობა შეეძლებათ.ინფორმაციისთვის, საქართველოს ბანკისა და Emolas Corporation-ის თანამშრომლობის ფარგლებში დაგეგმილი ღონისძიებები ქართული კულტურის საერთაშორისო პოპულარიზაციას, ქართველი არტისტების მსოფლიო სცენებზე წარმოჩენასა და აშშ-ში მცხოვრებ ქართულ დიასპორასთან კულტურული კავშირის გაძლიერებას ემსახურება. ბანკისთვის ემიგრანტების მხარდაჭერა ერთ-ერთი მნიშვნელოვანი მიმართულებაა, რომლის ფარგლებშიც საზღვარგარეთ მცხოვრები ქართველებისთვის სხვადასხვა ფინანსური, კულტურული და სოციალური ინიციატივა ხორციელდება.

1788520733

განახლებულ და კომფორტულ სივრცეში მისულ ადგილობრივ მცხოვრებლებსა და რეგიონის სტუმრებს კომპანიის ერთ-ერთი წამყვანი პროდუქტებით - როგორც ავტოსესხით, ასევე ავტომობილით უზრუნველყოფილი სესხით სარგებლობა სწრაფად, მოქნილი და გამარტივებული პირობებით შეეძლებათ.ამასთანავე, "ევროკრედიტის" პორტფელში არსებული სხვა ფინანსური პროდუქტების მიღება მომხმარებლებისთვის კვლავ სრულად და შეუფერხებლად არის ხელმისაწვდომი ონლაინ, ციფრული არხების მეშვეობით.როგორც "ევროკრედიტში" აღნიშნავენ, რეგიონული ქსელის განვითარება და გაძლიერება კომპანიის ბიზნესსტრატეგიის მნიშვნელოვანი ნაწილია. თანამედროვე ციფრული სერვისების აქტიური დანერგვის პარალელურად, ორგანიზაციისთვის უცვლელ პრიორიტეტად მომხმარებლებთან პირისპირ, უშუალო კომუნიკაცია და მათთვის კომფორტული ფიზიკური სივრცეების მაქსიმალური ხელმისაწვდომობა რჩება."ევროკრედიტი" საერთაშორისო ჰოლდინგ Zuk Group-ის წევრია, რომელიც წარმატებით ახორციელებს ბიზნესსაქმიანობას ისეთ ქვეყნებში, როგორებიცაა აშშ, რუმინეთი და უკრაინა. Zuk Group-მა საქართველოში ოპერირება 2011 წელს დაიწყო. დღეისათვის კომპანია საქართველოს მასშტაბით უკვე 30 სერვისცენტრს აერთიანებს და გეოგრაფიული არეალის გაფართოებას მომავალშიც აქტიურად განაგრძობს.

1788517495

როგორც კაკაურიძემ აღნიშნა, მომდევნო კვირის დასაწყისში განხილვა იქნება და შემდეგ საფინანსო კომიტეტი ცვლილებებს პარლამენტში დააინიცრებს.„დეტალებზე მუშაობა პარლამენტის საფინანსო-საბიუჯეტო კომიტეტთან ერთად მიმდინარეობს. ორშაბათს-სამშაბათს საბოლოო განხილვები გვექნება და ამის შემდეგ, აღნიშნულ საკითხს სავარაუდოდ, პარლამენტის საფინანსო-კომიტეტი დააინიცირებს. დეტალებზე წინასწარ ვერ ვისაუბრებ, თუმცა მნიშვნელოვანია ის, რომ ზღვრები შეიცვლება. ამ ეტაპზე, ცვლილებები იქნება მხოლოდ ფიზიკურ პირებზე და არ იქნება ცვლილებები კომერციული სუბიექტების მიმართ, რაზედაც გაგრძელდება რეფორმა. ალბათ, მომავალში მაგ ნაწილზე ეტაპობრივად გადავალთ, რადგან კომერციულ შემთხვევაში, აღნიშნული რეფორმა გაცილებით რთული განსახორციელებელია.დღეის მდგომარეობით რაც არის 40 000-ლარიანი ზღვარი, ეს შეღავათია დადგენილი საქართველოს მოქალაქეებისთვის. შესაბამისად, ეს 40 000-ლარიანი ზღვარი გვაქვს შეღავათად დაწესებული. ეს შეღავათის ოდენობა რამდენით შეიცვლება, ამაზე ვმუშაობთ. კომპანიების ნაწილში ჯერ  იგივე იქნება შენარჩუნებული იქნება, თუმცა ფიზიკური პირების საბოლოო რედაქციაზე უკვე მომდევნო კვირის ბოლომდე ვიქნებით  შეთანხმებული პარლამენტთან. როცა საბოლოო სახე გვექნება, მაგის შემდეგ, როგორ დაბალანსდება ბიუჯეტიდან, მაგას გადავწყვეტთ, უკვე ბიუჯეტის ცვლილებებთან ერთად“, – განაცხადა კაკაურიძემ.ჟურნალისტის კითხვაზე, მოესწრება თუ არა ცვლილების მიღება პირველ ნოემბრამდე, კაკაურიძემ აღნიშნა, რომ კანონპროექტი დაჩქარებული წესით იქნება მიღებული და შესაძლებელი იქნება უკვე გადასახდელ თანხებზე წელს ამოქმედდეს.

1788515650

„ეს პროექტი მნიშვნელოვანია მეფრინველეობის სექტორის მდგრადობისა და განვითარებისთვის. მის ფარგლებში გაძლიერდება საველე და სახელმწიფო ვეტერინარების შესაძლებლობები მაღალპათოგენური ფრინველის გრიპის ადრეული გამოვლენისა და კონტროლის მიმართულებით. ასევე, გაძლიერდება ლაბორატორიების შესაძლებლობები, მათ შორის გენეტიკური ანალიზისა და გენომური მიკვლევადობის კუთხით. ფრინველის გრიპი ზოონოზური დაავადებაა და შესაძლოა ცხოველიდან ადამიანზე გავრცელდეს. შესაბამისად, პროექტში ჩართული იქნება გარემოს დაცვისა და სოფლის მეურნეობის სამინისტროსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამისი უწყებები და ლაბორატორიები, რაც ხელს შეუწყობს დაავადების ადრეულ გამოვლენას, შესწავლასა და გენომის დონეზე მიკვლევადობას”, - განაცხადა გარემოს დაცვისა და სოფლის მეურნეობის მინისტრის მოადგილე ლაშა ავალიანმა.პროექტის ფარგლებში გათვალისწინებულია ვეტერინარების, ფერმერებისა და სხვა შესაბამისი სპეციალისტების გადამზადება მაღალპათოგენური ფრინველის გრიპის ადრეული გამოვლენისა და მასზე რეაგირების საკითხებზე.ამით ხელი შეეწყობა საქართველოში ზოონოზურ დაავადებებზე რეაგირების სისტემის გაუმჯობესებას, დაავადებების ადრეულ გამოვლენას და ლაბორატორიული შესაძლებლობების გაუმჯობესებას.

1788513153