შეხვედრაზე საქართველოსა და იტალიას შორის აგროსასურსათო სექტორში თანამშრომლობის გაღრმავების, ინვესტიციების მოზიდვისა და ქართული და იტალიური კომპანიების პირდაპირი ბიზნესკავშირების დამყარების შესაძლებლობები განიხილეს.„იტალია საქართველოსთვის მნიშვნელოვანი პარტნიორია აგროსასურსათო სექტორში თანამშრომლობის განვითარების თვალსაზრისით. დღევანდელი შეხვედრა „ფედერალიმენტარეს“ პრეზიდენტთან, პაოლო მასკარინოსთან იყო შესაძლებლობა, განგვეხილა თანამშრომლობის ახალი პერსპექტივები. საქართველოსთვის მნიშვნელოვანია, რომ გავაძლიეროთ გადამმუშავებელი ინდუსტრია, ხელი შევუწყოთ ქართული პროდუქციის ხარისხის გაუმჯობესებას, საექსპორტო პოტენციალის ზრდასა და საერთაშორისო ბაზრებზე ქართული პროდუქციის პოზიციების განმტკიცებას“, - განაცხადა დავით სონღულაშვილმა.შეხვედრაზე საუბარი შეეხო საქართველოში საკვები პროდუქტების გადამუშავების, შეფუთვის, ბრენდინგისა და ექსპორტზე ორიენტირებული წარმოების განვითარების შესაძლებლობებს. ასევე, განიხილეს იტალიური კომპანიების მიერ საქართველოში ინვესტირების, წარმოებისა და გადამუშავების მიმართულებით პარტნიორობისა და ერთობლივი საწარმოების შექმნის პერსპექტივები.დავით სონღულაშვილმა იტალიური კვების მრეწველობის წარმომადგენლებს კონკრეტული ბიზნესშესაძლებლობების გამოვლენისა და საქართველოს კერძო სექტორთან პირდაპირი თანამშრომლობის გაძლიერების მიზნით პრაქტიკული მექანიზმის შექმნა შესთავაზა.მხარეები შეთანხმდნენ თანამშრომლობის შემდგომი გაღრმავების შესაძლებლობებზე, მათ შორის, პრიორიტეტული სექტორებისა და კომპანიების იდენტიფიცირებაზე, კონკრეტული ბიზნესშესაძლებლობების გაცვლასა და იტალიური კვების მრეწველობის კომპანიების საქართველოში ვიზიტის ორგანიზებაზე.შეხვედრას ესწრებოდნენ გარემოს დაცვისა და სოფლის მეურნეობის მინისტრის მოადგილე ლაშა დოლიძე, საქართველოს ელჩი იტალიის რესპუბლიკაში თამუნა ლილუაშვილი და  სოფლის განვითარების სააგენტოს დირექტორი ზურაბ გოზალიშვილი.

1791805030

გათამაშების ფარგლებში პირველი ადგილის მფლობელმა 80 000 ლარი, მეორე ადგილზე გასულმა მომხმარებელმა – 50 000 ლარი, ხოლო მესამე ადგილის მფლობელმა – 20 000 ლარი მიიღო.გარდა მთავარი ფულადი პრიზებისა, კამპანიის განმავლობაში მობილბანკის მომხმარებლებს სხვადასხვა დამატებითი საჩუქრის, მათ შორის ფულადი პრიზებისა და PLUS ქულების მიღების შესაძლებლობაც ჰქონდათ.“ჯერ კიდევ ემოციებით დატვირთული ვარ. ძალიან მინდოდა იტალიაში მოგზაურობა და თანხის რაღაც ნაწილს ოჯახთან ერთად მოგზაურობისათვის გამოვიყენებ. სკეპტიკურად ვუყურებდი ამგვარ გათამაშებებს, რადგან მიმაჩნდა, რომ შანსი მიზერული იყო, თუმცა ფაქტი ჯიუტია და თავად აღმოვჩნდი ყველაზე იღბლიანი”, - აღნიშნავს მობილბანკის გათამაშების გამარჯვებული, დავით კორძახია.გათამაშებაში მონაწილეობა მობილბანკის მომხმარებლებს ყოველდღიური საბანკო ოპერაციების შესრულებით შეეძლოთ. კამპანიის პერიოდში მომხმარებლები ბილეთებს მობილბანკში გადახდების, გადარიცხვებისა და სხვა ოპერაციების შესრულებით აგროვებდნენ.საქართველოს ბანკის მობილბანკით სარგებლობისთვის ეწვიეთ ბმულს.

1791804114

„გვაქვს ძალიან კონკრეტული ამოცანები და შესაბამისად, კონკრეტული გეგმა, პირველ რიგში იმისთვის, რომ გაიზარდოს ქვეყნებს შორის ვაჭრობა, საქართველოდან გაიზარდოს ქართული პროდუქციის ექსპორტი და ფაქტობრივად, ჩვენი ამოცანა არის, რომ ორ ქვეყანას შორის უახლოეს პერიოდში ვაჭრობის მოცულობამ 1 მილიარდ დოლარს მიაღწიოს“, - აღნიშნა ეკონომიკის მინისტრმა.მარიამ ქვრივიშვილმა ხაზი გაუსვა, რომ სხდომის მიმდინარეობისას მხარეებმა განიხილეს საქართველოსა და უზბეკეთს შორის სავაჭრო-ეკონომიკური ურთიერთობების განვითარების, ასევე ინვესტიციების მიმართულებით სხვადასხვა საკითხები.„ჩვენ  ბევრი ვისაუბრეთ ინვესტიციების ხელშეწყობაზე, განსაკუთრებული აქცენტი გაკეთდა ტრანსპორტისა და ლოგისტიკის სექტორზე, ანაკლიის ღრმაწყლოვანი პორტის მნიშვნელობაზე არა მხოლოდ ჩვენი ქვეყნისთვის, არამედ, ზოგადად, რეგიონისთვის და ყველა ქვეყნისთვის, რომელიც შუა დერეფნის კონტექსტში არის ჩართული“, - აღნიშნა ეკონომიკისა და მდგრადი განვითარების მინისტრმა.საქართველო-უზბეკეთის ეკონომიკური თანამშრომლობის მთავრობათაშორისი კომისიის მე-11 სხდომა მარიამ ქვრივიშვილის თანათავმჯდომარეობით გაიმართა. უზბეკეთის მხრიდან სხდომა ინვესტიციების, ინდუსტრიისა და ვაჭრობის მინისტრ ლაზიზ კუდრატოვის თანათავმჯდომარეობით ჩატარდა.სხდომაში მონაწილეობა მიიღეს საქართველოს მთავრობის ადმინისტრაციის, ეკონომიკისა და მდგრადი განვითარების, საგარეო საქმეთა და გარემოს დაცვისა და სოფლის მეურნეობის სამინისტროების, ასევე საქართველოს რკინიგზის წარმომადგენლებმა.

1791802674

12 ოქტომბრიდან 27 დეკემბრის ჩათვლით, თიბისის მობაილბანკსა და ინტერნეტბანკში გზავნილების განაღდებისას მომხმარებლებს შესაძლებლობა ექნებათ, ჩაერთონ წამახალისებელ კამპანიაში და მოიგონ 1 000, 5 000 ან 10 000 ლარი.კამპანიაში მონაწილეობისთვის მომხმარებელმა მინიმუმ 300 ლარის, დოლარის ან ევროს ოდენობის გზავნილი უნდა გაანაღდოს. გამარჯვებულები კი სამი საპრიზო კატეგორიის მიხედვით გამოვლინდებიან: ყოველკვირეული პრიზი - 1 000 ლარი, ყოველთვიური პრიზი -5 000 ლარი, სუპერპრიზი -10 000 ლარი.კამპანიის დეტალური პირობების სანახავად ეწვიეთ ბმულს.თიბისის მობაილბანკში, პირველად საქართველოში, შესაძლებელია გზავნილის ნაწილობრივი კონვერტაციაც - ეს ნიშნავს, რომ მომხმარებელს შეუძლია, დააკონვერტიროს ზუსტად ის თანხა, რომელიც იმ მომენტში სჭირდება, დარჩენილი თანხა კი მიღებულ ვალუტაში უსაფრთხოდ შეინახოს.გაანაღდეთ გზავნილები მარტივად თიბისიში და ჩაერთეთ წამახალისებელ კამპანიაში. რაც უფრო მეტ გზავნილს გაანაღდებთ, მით მეტი შესაძლებლობა გექნებათ, მოიგოთ 1 000, 5 000 ან 10 000 ლარი.

1791800171

უწყების ცნობით, შეხვედრაზე მხარეებმა საქართველოსა და იტალიას შორის აგროსასურსათო მიმართულებით თანამშრომლობის გაღრმავების შესაძლებლობები განიხილეს.მათივე ინფორმაციით, ყურადღება გამახვილდა სოფლის მეურნეობის სექტორის მოდერნიზაციაზე, წარმოების, გადამუშავებისა და რეალიზაციის ერთიანი ღირებულებათა ჯაჭვების განვითარებასა და კერძო სექტორებს შორის პირდაპირი ბიზნესკავშირების გაძლიერებაზე.„საქართველო იტალიასა და იტალიურ აგრობიზნესს მნიშვნელოვან პარტნიორად განიხილავს. ჩვენთვის განსაკუთრებით საინტერესოა იტალიის გამოცდილება მწარმოებლების, გადამმუშავებლებისა და ბაზრების დაკავშირების მიმართულებით. გვინდა, გავაძლიეროთ თანამშრომლობა გადამუშავების, ტექნოლოგიების,ინვესტიციებისა და მაღალი დამატებული ღირებულების პროდუქციის შექმნის მიმართულებით და ხელი შევუწყოთ პირდაპირი ბიზნესკავშირების დამყარებას ქართულ და იტალიურ კომპანიებს შორის“, - განაცხადა დავით სონღულაშვილმა.მხარეებმა იმსჯელეს საქართველო-იტალიის აგროსასურსათო ბიზნესთანამშრომლობის პრაქტიკული მექანიზმის შექმნის ინიციატივაზე, რომელიც მიზნად ისახავს თანამშრომლობის პრიორიტეტული მიმართულებების განსაზღვრას, პოტენციური პარტნიორი კომპანიების გამოვლენასა და კონკრეტული ბიზნესპროექტების განხორციელების ხელშეწყობას. ასევე განიხილეს ბიზნესინფორმაციის გაცვლისა და იტალიური კომპანიების საქართველოში ვიზიტის ორგანიზების საკითხები, რაც ხელს შეუწყობს კომპანიებს შორის კავშირების გაღრმავებასა და ორმხრივი თანამშრომლობის განვითარებას.გარემოს დაცვისა და სოფლის მეურნეობის მინისტრ დავით სონღულაშვილთან ერთად, შეხვედრას ესწრებოდნენ მინისტრის მოადგილე ლაშა დოლიძე, საქართველოს ელჩი იტალიის რესპუბლიკაში თამუნა ლილუაშვილი, სოფლის განვითარების სააგენტოს დირექტორი ზურაბ გოზალიშვილი. იტალიური მხრიდან შეხვედრაში მონაწილეობდნენლუიჯი სკორდამალია - Filiera Italia-ს გენერალური დირექტორი და Coldiretti-ს საერთაშორისო ბაზრების, ინტერნაციონალიზაციისა და ევროკავშირის პოლიტიკის დირექტორი, სტეფანო მაზინი - Coldiretti-ს გარემოს დაცვის დეპარტამენტის დირექტორი, ფრანჩესკა ალფანო - Coldiretti-ს ინტერნაციონალიზაციისა და სურსათისპოლიტიკის განყოფილების ხელმძღვანელი და კარმელო ტროკოლი - მსოფლიო ფერმერთა კოალიციის დირექტორი.

1791798452

სააგენტოს ცნობით, 8-კაციანი ჯგუფის შემადგენლობაში იყვნენ კომერციული სექტორის, მედიის და „PeoplePR” -ის წარმომადგენლები. სტუმრები ქართლისა და კახეთის რეგიონებში იმყოფებოდნენ, სადაც ღვინის საწარმოები დაათვალიერეს, ქართული ღვინის დაყენების ტექნოლოგიას გაეცნენ, ადგილზე დააგემოვნეს როგორც კლასიკური წესით, ასევე ტრადიციული მეთოდით დამზადებულ ქართული ღვინოები."ტურის ფარგლებში, თბილისში ქართული ღვინის სემინარი გაიმართა, სადაც ქართველმა ღვინის მწარმოებლებმა პოლონელი პროფესიონალებისგან მიიღეს რეკომენდაციები პოლონეთის ბაზარზე ღვინის შეტანისა და ეფექტური რეალიზაციის შესაძლებლობებზე. პოლონეთი ქართული ღვინის ერთ-ერთ სტრატეგიულ ბაზარს წარმოადგენს, რომელმაც ქართული ღვინის ექსპორტიორი ქვეყნების ხუთეულში სტაბილურად დაიმკვიდრა ადგილი. აღნიშნულ ქვეყანაში ქართული ღვინო ხელმისაწვდომია როგორც HoReCa სექტორში, ისე ქსელურ მარკეტებსა და ღვინის მაღაზიებში.პოლონეთის ბაზარზე ქართულ ღვინის ცნობადობისა და საექსპორტო პოტენციალის მაქსიმალური გაზრდის ხელშეწყობის მიზნით, ღვინის ეროვნული სააგენტო მარკეტინგულ კომპანიასთან „People PR” თანამშრომლობს. სააგენტოს ფინანსური უზრუნველყოფით, 2026 წელს, ქართული ღვინის დეგუსტაცია-სემინარები პოლონეთში ღვინის პროფესიონალების, ღვინით ვაჭრობის სფეროს წარმომადგენლებისა და მომხმარებლებისთვის იმართება; ხორციელდება მიზნობრივი სარეკლამო და მედია კამპანიები, ასევე საქართველოში ეწყობა ღვინის პროფესიონალების ტურები",-აღნიშნულია ინფორმაციაში. 

1791798269