რომელი კომპანიის საწვავს ანიჭებთ უპირატესობას?

ვიზიტის ფარგლებში, ინდური კომპანიების წარმომადგენლები საქართველოს ტურისტული სექტორის წარმომადგენლებს შეხვდნენ საქმიანი ურთიერთობების დამყარებისა და სამომავლო თანამშრომლობის მიზნით. შეხვედრის შესახებ საუბრობს შატო მუხრანის ღონისძიებების ხელმძღვანელი თაკო შეროზია.„ჩვენ ვუმასპინძლეთ ცნობილ ღონისძიებების ორგანიზატორებს ინდოეთიდან, მათ გავაცანით ჩვენი სასახლე, ჩავუტარეთ ღვინის დეგუსტაცია. შეხვედრაზე მათ მოვუყევით ჩვენი სერვისების შესახებ, ჩვენ ვმასპინძლობთ ქორწილებს, როგორც ქართველი სტუმრებისთვის, ასევე უცხოელებისთვის. წელს ძალიან ბევრი უცხოელი სტუმარი გვყავდა წინა წლებთან შედარებით, დაინტერესება იზრდება, მათ შორის ინდოეთიდან. ძალიან საინტერესო და ნაყოფიერი შეხვედრა იყო, საქართველო აქტიური ხდება ინდოეთის ტურისტულ ბაზარზე, განსაკუთრებით ღონისძიებების მიმართულებით, რაც ძალიან კარგია. ჩვენ სამომავლოდ ველოდებით ბევრ ტურისტს და ბევრ წყვილს ინდოეთიდან“, - განაცხადა შატო მუხრანის ღონისძიებების ხელმძღვანელმა, თაკო შეროზიამ.ტურიზმის ეროვნული ადმინისტრაციის მიზანია ინდოეთიდან მაღალმხარჯველი ტურისტული ნაკადის მოზიდვა, საქმიანი ტურიზმის ხელშეწყობა, ღონისძიებების, ფორუმების, კონგრესებისა და ქორწილების ჩატარება, რაც ხელს შეუწყობს დანახარჯების გაზრდას ინდოეთის ტურისტული ბაზრიდან.ინფორმაციას ტურიზმის ეროვნული ადმინისტრაცია ავრცელებს.

1756814130

ცესკოს თავმჯდომარემ სახალხო დამცველს დეტალური ინფორმაცია მიაწოდა იმის შესახებ თუ როგორ ემზადება საარჩევნო ადმინისტრაცია 4 ოქტომბრის არჩევნებისთვის, ისაუბრა განხორციელებული საქმიანობებისა და არსებული გამოწვევების შესახებ. ასევე ხაზი გაუსვა ამ პროცესში საარჩევნო ადმინისტრატორებისთვის მშვიდი სამუშაო გარემოს უზრუნველყოფის მნიშვნელობას.შეხვედრაზე განსაკუთრებული ყურადღება გამახვილდა იმ ფაქტზე, რომ არჩევნების ორგანიზება მხოლოდ ადმინისტრაციულ-ტექნიკური პროცედურებით არ შემოიფარგლება. საარჩევნო პროცესების ხარისხი მნიშვნელოვნადაა დამოკიდებული იმ სოციალურ და პოლიტიკურ გარემოზე, რომელშიც ხდება არჩევნების ჩატარება.ცესკოს თავმჯდომარის განცხადებით, ომბუდსმენის ინსტიტუტთან თანამშრომლობა მნიშვნელოვანია პრევენციული ქმედებების დაგეგმვისა და განხორციელებისთვის.„როგორც ყოველთვის სახალხო დამცველთან ძალიან საინტერესო და ნაყოფიერი სამუშაო შეხვედრა გაიმართა, რომლის ფარგლებშიც ვისაუბრეთ 4 ოქტომბრის არჩევნების სამზადისზე, ასევე ვისაუბრეთ იმ გამოწვევებზე, რომელიც უკავშირდება დეზინფორმაციას, სიძულვილის ენისა და დისკრიმინაციის შემთხვევებს, მათ შორის, ტარგეტირებულად ეს ყველაფერი საარჩევნო ადმინისტრატორების წინააღმდეგ. შესაბამისად, ორი ინსტიტუცია შევთანხმდით იმაზე, რომ ჯანსაღი საარჩევნო გარემოს უზრუნველსაყოფად ჩვენ კომპეტენციების ფარგლებში განვახორციელებთ სათანადო პრევენციულ ქმედებებს, ასევე უზრუნველვყოფთ ამომრჩეველთა და საზოგადოების ინფორმირებას ყველა იმ მნიშვნელოვან საკითხთან დაკავშირებით, რომელიც დაიცავს მათ უფლებებს და უზრუნველყოფს არჩევნების მშვიდ და თავისუფალ გარემოში ჩატარებას“ - განაცხადა ცესკოს თავმჯდომარემ შეხვედრის დასრულების შემდეგ.არჩევნების მშვიდ გარემოში ჩატარების მნიშვნელობაზე ისაუბრა სახალხო დამცველმაც. „ჩვენ ტრადიციულად არჩევნების წინ ვცდილობთ კიდევ ერთხელ შევახსენოთ საზოგადოებას სიძულვილის ენის მნიშვნელობა, კიდევ ერთხელ მოვუწოდოთ ყველა მონაწილეს პოლიტიკურ პარტიას, პოლიტიკურ ლიდერს, საზოგადოების წარმომადგენლებს, რომ თავი შეიკავონ სიძულვილის ენის გამოყენებისგან, გამოიჩინონ მაღალი სამოქალაქო შეგნება, გამოიჩინონ მაღალი სოციალური პასუხისმგებლობა, რათა არჩევნები წარიმართოს მშვიდ გარემოში, სადაც ადამიანის უფლებები მაქსიმალურად იქნება უზრუნველყოფილი და საარჩევნო უფლება, როგორც კონსტიტუციით გარანტირებული უფლება იქნება დაცული,“- განაცხადა ლევან იოსელიანმა.შეხვედრა დღეს ცენტრალურ საარჩევნო კომისიაში გაიმართა.

1756813843

დანაშაულებრივ სქემაში ქვეყნის სხვადასხვა რეგიონიდან 25 ადამიანი მონაწილეობდა. მათ შორის იყო ფინანსური ბაზრის რეგულირებისა და განვითარების სააგენტოს ცენტრალური ოფისის თანამშრომელი, ასევე ოთხი მსხვილი ბანკის: Kaspi Bank-ის, Forte Bank-ის, Eurasian Bank-ის და Jusan Bank-ის თანამშრომლები.გამოძიების თანახმად, OCG-ის საქმიანობის მთელი პერიოდის განმავლობაში თაღლითების მსხვერპლი 348 ყაზახი გახდა, ხოლო მატერიალური ზიანის ჯამურმა ოდენობამ 3.7 მილიარდი ტენგე შეადგინა.გამომძიებლებმა ჩამოართვეს მოპარული თანხებით შეძენილი ქონება: ბინები და მიწის ნაკვეთები ალმატაში, ძვირადღირებული ავტომობილები და დიდი რაოდენობით ნაღდი ფული. ჩამორთმეული ქონების საერთო ღირებულება 2.7 მილიარდი ტენგე იყო.ამ დროისთვის ჯგუფის ყველა წევრი დაკავებულია და დროებითი დაკავების იზოლატორში იმყოფება. სისხლის სამართლის საქმე განსახილველად მხარეებს გადაეცა, რის შემდეგაც მასალები სასამართლოს გადაეგზავნება.პროკურატურა მოუწოდებს მოქალაქეებს, იყვნენ ფხიზლად და არ ენდონ საეჭვო ფინანსური მომსახურების მიმწოდებელ პირებს. საქმესთან დაკავშირებული სხვა ინფორმაცია სისხლის სამართლის საპროცესო კოდექსის მოთხოვნების შესაბამისად არ ხმაურდება.

1756809553

პროგრამაში ჩართვა, რომელიც ევროპის 40 ქვეყანაში 25 000-ზე მეტ ფასდაკლებასა და 9.3 მილიონ ახალგაზრდას აერთიანებს, მიმდინარე წლის შემოდგომიდან იქნება შესაძლებელი.„ევროპული ახალგაზრდული ბარათის“ პრეზენტაცია დღეს დედაქალაქის მერმა, კახა კალაძემ გამართა. მანვე „საქართველოს ბანკის“ გენერალურ დირექტორთან, არჩილ გაჩეჩილაძესთან ერთად შესაბამის მემორანდუმს ხელი მოაწერა.თბილისის მერთან ერთად, საზოგადოებას დეტალური ინფორმაცია კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსმა, ირაკლი გვილავამ მიაწოდა.როგორც მან აღნიშნა, „ევროპის ახალგაზრდული ბარათი“ 1986 წლიდან მოქმედებს და იმართება ევროპული ახალგაზრდული ბარათის ასოციაციის მიერ, რომელიც ბრიუსელში დაფუძნებულ არაკომერციულ საერთაშორისო ორგანიზაციას წარმოადგენს.„ასოციაცია მჭიდროდ თანამშრომლობს ევროკავშირთან და ევროპის საბჭოსთან. მას ორმოცივე ქვეყანაში ჰყავს პარტნიორები, რომლებიც ახორციელებენ აღნიშნული ბარათის გავრცელებას და მართვას ექსკლუზიური უფლებით. ახალგაზრდული ბარათის მართვისთვის მუნიციპალიტეტს გააჩნია მუნიციპალური ორგანიზაცია „სპორტისა და ახალგაზრდობის ცენტრი“, რომელიც განახორციელებს მის მართვას ჩვენს ქვეყანაში.ისინი, ვინც უკვე სარგებლობენ საბანკო პროდუქტებით, ვისაც უკვე აქვს ციფრული საბანკო ბარათი, პარალელურად ადვილად შეძლებენ ისარგებლონ ევროპული ახალგაზრდული ბარათის ფასდაკლებებით, ბენეფიტებით და სიკეთეებით. პროგრამაში მონაწლეობისთვის მთავარია მოქალაქეებს ჰქონდეთ ინიციატივა და სურვილი. აღნიშნული ბარათების გაცემას დავიწყებთ მიმდინარე წლის შემოდგომიდან, „საქართველოს ბანკთან“ ერთად. გარდა ამისა, ევროპელი ვიზიტორები შეძლებენ, ისარგებლონ ფასდაკლებებით საქართველოში, ხოლო ქართველი ახალგაზრდებენ ფასდაკლებებს მიიღებენ ევროპაში“, - განაცხადა ირაკლი გვილავამ.მანვე მოუწოდა  ქართულ კომპანიებს, რომ დღეიდან უკვე შეუძლიათ კიდევ უფრო აქტიურად ჩაერთონ აღნიშნულ პროექტში და გახდნენ პროექტის პარტნიორები.„რა თქმა უნდა, პროექტში ჩართულია მუნიციპალური და სხვადასხვა ტიპის სახელმწიფო კომპანებიები, ორგანიზაციები, რომლებიც სპორტულ, საგანმანათლებლო, სახელოვნებო სერვისებს სთავაზობენ საზოგადოებას. ასევე, ჩართულია მულტიფუნქციური ცენტრები, თეატრები. ჩვენ აქტიურად ვთანამშრომლობთ კულტურის სამინისტროსთან, რომ მუზეუმები კიდევ უფრო ხელმისაწვდომი გავხადოთ ახალგაზრდებისთვის და ევროპელი ვიზიტორებისთვის და გავხდეთ იმ ერთიანი ევროპული ოჯახის წევრი, რომელზეც წლების განმავლობაში ძალიან დიდი მოთხოვნა იყო თავად ახალგაზრდებისგან.გარდა ამისა, ეს ბარათი გავძლევს კიდევ უფრო მეტ შესაძლებლობას, რომ ჩვენი მომავალი გავხადოთ კიდევ უფრო ჯანსაღი, პერსპექტიული და ეს ყველაფერი ძალიან დიდ წარმატებებს მოგვიტანს. მადლობა დედაქალქის მერს პროექტის მხარდაჭერისთვის“, - განაცხადა ირაკლი გვილავამ პრეზენტაციაზე სიტყვით გამოსვლისას.პროგრამის მიზანია ახალგაზრდების ხელმისაწვდომობის ზრდა მობილობის, განთავსების, განათლების, სპორტის, კულტურის, გართობის სერვისებზე. ფასდაკლებები ეხება მოგზაურობისა და ტრანსპორტირებისთვის საჭირო მომსახურებებს (flixbus, flixtrein, Iberia airways, Airalo), კვების ობიექტებს, მუსიკალურ ფესტივალებს, წიგნებისა და სხვადასხვა ნაწარმის მაღაზიებს, სასტუმროებს, გასართობ პარკებს.ფასდაკლებების გარდა, პროგრამა შექმნის საგანმანათლებლო, მოხალისეობრივ აქტივობებს ისეთი მიმართულებებით, როგორებიცაა: ევროპული პროექტები, გათამაშებები, ონლაინ აქტივობები და სხვა.საქართველოში ასოციაციის ექსკლუზიურ პარტნიორს თბილისის მერია წარმოადგენს. მუნიციპალიტეტის მერიისა და „საქართველოს ბანკის“ კოლაბორაციით, პროგრამის ბენეფიციარები შემოდგომიდან შეძლებენ, „ევროპული ახალგაზრდული ბარათის“ უპირატესობები ინტერნეტბანკშივე მიიღონ და საბანკო სერვისები ევროპულ შესაძლებლობებთან, ერთ სივრცეში გააერთიანონ.„ევროპული ახალგაზრდული ბარათის“ პროგრამისთვის უკვე შექმნილია ვებგვერდი eyc.ge და მობილური აპლიკაცია, სადაც ადგილობრივი თუ საერთაშორისო ფასდაკლებისა და მათი მიღების გზების შესახებ დეტალური ინფორმაციაა განთავსებული.

1756807070

ხელმოწერა ყაზახეთ-ჩინეთის ბიზნეს საბჭოს შეხვედრის ფარგლებში შედგა. ყაზახეთის პრეზიდენტი ტოკაევი, რომელიც სიტყვით გამოვიდა, აღნიშნა, რომ ჩინეთმა უკვე 27 მილიარდი დოლარი ჩადო ქვეყნის ეკონომიკაში. ყაზახეთში ჩინური კაპიტალის მქონე 6000-ზე მეტი კომპანია მოქმედებს. შეთანხმებები მოიცავს ისეთ სფეროებს, როგორიცაა ენერგეტიკა, დიგიტალიზაცია, მშენებლობა, მეტალურგია, ტელეკომუნიკაციები, ტრანსპორტი და ლოჯისტიკა.გარდა ამისა, ტოკაევმა აღნიშნა, რომ „ჩინეთი ყაზახეთის საიმედო მეზობელი, ახლო მეგობარი და მარადიული სტრატეგიული პარტნიორია“.„გასული წლის შედეგებით, ორმხრივმა სავაჭრო ბრუნვამ 44 მილიარდ დოლარს მიაღწია. ეს რეკორდული მაჩვენებელია, მაგრამ ჩვენ აქ გაჩერებას არ ვგეგმავთ. ჩვენი მიზანია, ეს მაჩვენებელი მნიშვნელოვნად გავზარდოთ მომდევნო 5 წლის განმავლობაში ჩვენს ჩინელ მეგობრებთან ერთად. ამისთვის საჭირო პოტენციალი გვაქვს. სახელმწიფოს მეთაურების დონეზე არსებობს პოლიტიკური ნება და თანამშრომლობის გაძლიერების ორმხრივი სურვილი“, - დასძინა მან.

1756806679

„საქართველოს ბანკისთვის ეს არის უდიდესი პატივი. როცა ვფიქტობთ ბანკზე ეს, რომ არის დეპოზიტი და სესხი. მაგრამ ბევრს გვავიწყდება რომ ჩვენი მნიშვნელოვანი ფუნქცია არის, რომ ვუზრუნველყოთ გადახდები, ვუზრუნველყოთ ეს სისტემები, რასაც ქვია ბარათებით გადახდა და ასე შემდეგ, ასობით მილიონი ლარი დადის უსაფრთხოდ ამ ქვეყანაში.შესაბამუსად ტექნოლოგიური ნაწილი ჩვენი ამის უზრუნველყოფის არის ის, რომელსაც ვაკეთებთ და ყოველთვის ახალი თაობისთვის, სტუდენტებისთვის, ახალ ახალი შეთავაზებები - ეს არის ის რითაც ჩვენ ვცდილობთ, რომ გაგიმარტივოთ ცხოვრება და უკეთესი და უკეთესი შეთავაზებების მობილიზება მოხდეს“, - აცხადებს საქართველოს ბანკის გენერალური დირექტორი არჩილ გაჩეჩილაძე.

1756803548