ფოტოგალერეა - ჯანდაცვის ექსპერტის, გიორგი ფხაკაძის სახლი თბილისში, რომელიც მე-10 საუკუნით თარიღდება

მათი ცნობით, „თიბისის“ ჯილდო პროექტისთვის „2021 წლის მდგრადი განვითარების ანგარიში“ გადაეცა.„კონკურსი Meliora, რომელიც პროექტ „სამოქალაქო საზოგადოების ინიციატივის“ ფარგლებში ტარდება, ყოველწლიურად ავლენს და აჯილდოებს საქართველოში მოქმედ სამაგალითო კომპანიებს კორპორაციული სოციალური პასუხისმგებლობის მიმართულებით განხორციელებული პროექტებისთვის. „თიბისი“ კონკურსის არაერთგზის გამარჯვებულია. ბანკი სხვადასხვა კატეგორიის ჯილდოს მფლობელად 2018 და 2019 წლებშიც დასახელდა.ჯილდო ექვს თემატურ კატეგორიაში გაიცემა, რომლებიც მოიცავს კორპორაციული სოციალური პასუხისმგებლობის ყველა ძირითად სფეროს: მწვანე ინიციატივა, პასუხისმგებელი დამსაქმებელი, კეთილსინდისიერი საქმიანობა ბაზარზე, საზოგადოების მხარდაჭერა, სექტორთა პარტნიორობა - გაზიარებული პასუხისმგებლობა, გამჭვირვალობა და ანგარიშგება კორპორაციული პასუხისმგებლობის და მდგრადობის საკითხებზე. გამარჯვებულები უცხოელმა და ქართველმა ექსპერტებმა, საერთაშორისო და ადგილობრივმა საზოგადოებრივმა ორგანიზაციებმა გამოავლინეს.„ჩვენთვის ძალიან მნიშვნელოვანია საზოგადოებისთვის გამჭვირვალე ინფორმაციისა და ობიექტური მაჩვენებლების მიწოდება. ამიტომ 2019 წლიდან ვაქვეყნებთ „თიბისის“ წლიურ მდგრადი განვითარების ანგარიშს. ანგარიშში ინფორმაცია საერთაშორისო ანგარიშგების ინიციატივის (GRI) სტანდარტების მიხედვით არის წარმოდგენილი და, ამავდროულად, გაეროს ქალთა გაძლიერების პრინციპების (WEPs) შესაბამის ანგარიშგებას წარმოადგენს. ეს ანგარიში არის იმ პასუხისმგებლობის დასტური და განაცხადი, რომელიც „თიბისის“ 30 წელზე მეტია, აღებული აქვს და მომავალში კიდევ უფრო აქტიურად გააგრძელებს ამ მიმართულებით მომხმარებლების, თანამშრომლების, გარემოსა და საზოგადოების გაძლიერებას“, - განაცხადა გარემოს დაცვის, სოციალური და მმართველობის საკითხების კოორდინატორმა მაკა ბოჭორიშვილმა.„თიბისი“ მრავალწლიანი არსებობის მანძილზე აქტიურად ახორციელებს ინიციატივებს კორპორაციული სოციალური პასუხისმგებლობის მიმართულებით, რასაც არაერთხელ მოუპოვებია საერთაშორისო აღიარება. გარემოსა და საზოგადოების გასაძლიერებლად მომავალში კიდევ უფრო მეტი სამაგალითო პროექტი განხორციელდება“, - ნათქვამია „თიბისის“ მიერ გავრცელებულ ინფორმაციაში.

1686216443

ამასთან, როგორც სემეკის თავმჯდომარემ მედიაცენტრ „მთავარში“ განაცხადა, მინიმუმ, 1-1.5 წელი ელექტროენერგიის სექტორში ტარიფების ზრდა მოსალოდნელი არ არის.„არასწორად დარიცხული, ან ზედმეტად დარიცხული, ან ხანდაზმული დავალიანების სახით, კომისიის მიერ, 1.4 მლნ ლარამდე იქნა ჩამოწერილი. კომპენსაცია, მეტწილად, ელექტროენერგიის სექტორში გაიცა, ხოლო ჩამოწერილი თანხებიდან, ხანდაზმული დავალიანებები ჭარბობს.რაც შეეხება ტარიფებს, სამომხმარებლო ტარიფები უკვე დიდი ხანია უცვლელია. მინიმუმ, 1 -1.5 წელი ელექტროენერგიის სექტორში ტარიფების ზრდას არ ველოდებით. ბუნებრივ აირზე კი უფრო ხანგრძლივი პერიოდი გვაქვს დადგენილი“,- განაცხადა ნარმანიამ.

1686216342

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მედიის წარმომადგენლებს სემეკის 2022 წლის საქმიანობის ანგარიში გააცნო. დავით ნარმანიამ ისაუბრა ელექტროენერგეტიკის, ბუნებრივი გაზისა და წყალმომარაგების სექტორების რეგულირების შედეგებზე, განხორციელებულ პროექტებზე, სემეკის საქმიანობის ძირითად მიმართულებებსა და პრიორიტეტებზე.დავით ნარმანიას თქმით, რეგიონისა და ევროპის ქვეყნებთან შედარებით საქართველოში ელექტროენერგიისა და ბუნებრივი გაზის ტარიფები ერთ-ერთი ყველაზე დაბალია. კერძოდ, ერთიან შკალაზე როგორც ელექტროენერგიის, ასევე ბუნებრივი გაზის ტარიფების სიმცირის კუთხით საქართველო მეორე ადგილს იკავებს.სემეკის თავმჯდომარემ ყურადღება გაამახვილა მომხმარებელთა უფლებების დაცვის საკითხებზე და აღნიშნა, რომ სემეკი ამ მიმართულებით 2022 წელს აქტიურად განაგრძობდა მუშაობას: „მოქალაქეებზე უსაფუძვლოდ დარიცხული და სემეკის მიერ ჩამოწერილი თანხების საერთო ოდენობამ შეადგინა 1 268 610. 37 ლარი. გარდა ამისა, სემეკის რეგულაციების შესაბამისად, მომსახურების სტანდარტების დარღვევის გამო გამანაწილებელმა კომპანიებმა მომხმარებლებს კომპენსაციის სახით გადაუხადეს 869 235 ლარი. აქედან 695 700 ლარი გადახდილია ახალი მომხმარებლის ქსელზე მიერთების სტანდარტის დარღვევის გამო, ხოლო დანარჩენი გარანტირებული სტანდარტის დარღვევისთვის“, - განაცხადა დავით ნარმანიამ.მისივე თქმით, 2022 წელი ელექტროენერგეტიკული ბაზრის სტრუქტურული რეორგანიზაციის კუთხით მნიშვნელოვანი იყო, ვინაიდან „ენერგეტიკისა და წყალმომარაგების შესახებ“ საქართველოს კანონის მოთხოვნებიდან გამომდინარე, 2022 წელს მიმდინარეობდა ახალი საკანონმდებლო ბაზის სრულყოფა და ფორმირება. აღნიშნული პროცესი სრულად ჰარმონიზებული იყო ევროპის მე-3 ენერგეტიკული პაკეტის დირექტივებსა და რეგულაციებთან, ასევე ენერგეტიკულ გაერთიანებასთან ხელმოწერილ შეთანხმების ოქმთან.2022 წელს ექსპლუატაციაში შევიდა 7 მცირე ელექტროსადგური, რომელთა ჯამური დადგმული სიმძლავრეა 26.92მგვტ. 2012-2022 წლების მონაცემებზე დაყრდნობით, ყოველწლიურად საქართველოში ელექტროენერგიის წარმოება საშუალოდ 4%-ით იზრდება, რაც ჰიდროლოგიის გარდა, მიმდინარე წლებში ექსპლუატაციაში შესული და რეაბილიტირებული ელექტროსადგურების მიერ გამომუშავებული ელექტროენერგიით არის განპირობებული. რაც შეეხება ელექტროენერგიის მოხმარებას, საქართველოში ელექტროენერგიის შიდა მოხმარება, 2012-2022 წლების მონაცემებზე დაყრდნობით, ყოველწლიურად საშუალოდ იზრდება 4.5%-ით“- აღნიშნა სემეკის თავმჯდომარემ.სემეკის წლიური ანგარიშის შესაბამისად, 2022 წელს საქართველოსთვის ბუნებრივი გაზის მიწოდების უმთავრეს წყაროს წარმოადგენდა აზერბაიჯანის რესპუბლიკა. 2022 წელს საქართველოს ბუნებრივ გაზზე მოთხოვნამ 2 998 მლრდ კუბ.მ შეადგინა, რაც გასული წლის მაჩვენებელზე 20%-ით მეტია. რაც შეეხება წყალმომარაგების სექტორს, დავით ნარმანიას თქმით, 2022 წელს საქართველოში ოპერირებდა წყალმომარაგების 9 ლიცენზიატი.„წყალმომარაგების სექტორში მოქმედი ლიცენზიატებიდან 1 წარმოადგენს სახელმწიფო საკუთრებაში არსებულ საწარმოს, 5 - მუნიციპალურს და 3 - კერძო საკუთრებაში არსებულს. მოსახლეობის 68%-ის სასმელი წყლით მომარაგებას უზრუნველყოფენ წყალმომარაგების ლიცენზიატი კომპანიები, ხოლო 31%-ის წყალმომარაგებით უზრუნველყოფა ადგილობრივი თვითმმართველობის ერთეულების ვალდებულებას წარმოადგენს. ჯამში მომხმარებელთა რაოდენობა 2022 წელს 2021 წელთან შედარებით 5.8%-ით გაიზარდა“, - აღნიშნა დავით ნარმანიამ.სემეკის თავმჯდომარემ ასევე ისაუბრა კომისიის საერთაშორისო ურთიერთობებზე და რეგულირების განვითარების მიზნით განხორციელებულ საერთაშორისო პროექტებზე. გარდა ამისა, ყურადღება გაამახვილა სემეკთან არსებულ ელიზბარ ერისთავის სახელობის ენერგეტიკის სასწავლო ცენტრის დაარსებაზე. დავით ნარმანიას თქმით, ცენტრი წარმოადგენს ღირებულ პლატფორმას ენერგეტიკის სპეციალისტებისა და სხვა დაინტერესებული პირების პროფესიული განვითარებისთვის.სემეკის 2022 წლის საქმიანობის ანგარიში ვრცლად მოცემულია ბმულზე. 

1686215017

ახალი ბიზნეს ბარათი კომპანიების მენეჯერების საჭიროებებზეა მორგებული, რაც პირველ რიგში, საქართველოს მასშტაბით, მიმდინარე ხარჯებისთვის ლარის უფასოდ გამოტანას გულისხმობს, დღეში - 30 000 ლარიანი, კვირაში კი 200 000 ლარიანი ლიმიტით.ახალი ბიზნეს ბარათით გადახდები მაქსიმალურად დაზღვეულია. გადახდისას კორპორაციული დაზღვევა ვრცელდება, რაც თანამშრომლების მიერ ბარათით არამიზნობრივი გადახდის დაფიქსირების შემთხვევაში, წლიურად 25 000 დოლარამდე დანაკარგის ანაზღაურებას უზრუნველყოფს.Visa Signature Business ბარათი დამატებით უპირატესობას სთავაზობს მენეჯერებს საერთაშორისო მოგზაურობის დროსაც, მათ შორის, Lounge Key პროგრამის ფარგლებში, მსოფლიოს 1200-ზე მეტი აეროპორტის ლაუნჯით, წლის განმავლობაში 6-ჯერ სარგებლობას. ასევე, წელიწადში 10-ჯერ, თურქეთისა და ევროპის სხვადასხვა აეროპორტში Fast Track International-ის სერვისით სარგებლობას, რაც საპასპორტო და უსაფრთხოების კონტროლის რიგის გარეშე, სწრაფად გავლას გულისხმობს.ბარათი 500 000$-იან სამოგზაურო დაზღვევასაც მოიცავს, რაც სამედიცინო, ასევე ფრენის გადადების, ან ბარგის დაგვიანების შემთხვევაშიც კი, ხარჯების ანაზღაურებას უზრუნველყოფს. Visa Signature Business ბარათით booking.com-ზე გადახდის შემთხვევაში - 6%-მდე ქეშბექი, rentalcars.com-ზე მანქანის დაჯავშნისას კი, 10%-იანი ფასდაკლება მოქმედებს.ბარათის მფლობელებს შესაძლებლობა აქვთ Visa ბიზნეს კონსიერჟის მომსახურებით ისარგებლონ, რომელიც WhatsApp-ის, Viber-ისა და Telegram-ის აპლიკაციების დახმარებით, 24/7-ზე ხელმისაწვდომია. ბიზნეს კონსიერჟის მომსახურება უფასო იურიდიულ და საბუღალტრო კონსულტაციებს, ასევე 24/7-ზე ავტო ასისტენტის მომსახურებას აერთიანებს. „Visa-სთან პარტნიორობით შექმნილი Visa Signature Business ბარათი, სრულიად ახალ გამოცდილებას ქმნის საქართველოს ბაზარზე. მისი ფუნქციები ჩვენი კლიენტების საჭიროებების გათვალისწინებით შევქმენით. ახალი პროდუქტი სრულად თანხვედრაშია თიბისის მისიასთან - გავუმარტივოთ მომხმარებლებს ცხოვრება და საქმიანობა. მნიშვნელოვანია ჩვენს პარტნიორებს მუდმივად განვითარებადი, თანამედროვე შესაძლებლობები შევთავაზოთ და დასახული მიზნების ეფექტურად მიღწევაში დავეხმაროთ", - გიორგი თხელიძე, თიბისის გენერალური დირექტორის მოადგილე. 

1686214141

კონცერტის ბილეთების გაყიდვა 20 ივნისს დაიწყება. ბილეთების შეძენა შესაძლებელია tkt.ge-ზე და superapp-ში.15 გრემის ჯილდოს, 4 Brit Awards-ის, 4 გინესის რეკორდისა და უამრავი მუსიკალური პრიზის მფლობელი ბრუნო მარსი თანამედროვე შემოქმედებითი ინდუსტრიის ერთ-ერთ მნიშვნელოვან და გავლენიან არტისტად მიიჩნევა. ამერიკელი მუსიკოსის, მომღერლისა და მულტინსტრუმენტალისტის სადებიუტო ალბომი „Doo-Wops & Hooligans“ მაშინვე ნამდვილი სენსაციად, ბრუნო მარსი კი, გლობალურ სუპერვარსკვლავად იქცა, რაც მის მომდევნო ტურნეებზეც დადასტურდა. სტუდიური მუშაობის პარალელურად, ნათელი გახდა, რომ ბრუნო მარსი ახალი თაობის ფავორიტ „ლაივ“ შემსრულებლად იქცა, რომელსაც საკონცერტო და საფესტივალო სივრცეებში ახლებური ენერგიის აკუმულირება შეეძლო. შესაბამისად, მოულოდნელი არ ყოფილა გრემის დაჯილდოებაზე შემდეგი ტრიუმფიც.ბრუნო მარსის ვარსკვლავური სტატუსი კიდევ ერთხელ დამტკიცდა მომდევნო ალბომებში, სადაც, R&B და ჰიპ-ჰოპის პარალელურად, ბრუნო მარსი საცეკვაო მუსიკის ტენდენციებსაც არ ივიწყებდა.სხვადასხვა მასშტაბური ფესტივალის, ტურნესა თუ ცალკეული ჰიტის დამსახურებით, ამერიკელი მუსიკოსი დღემდე რჩება სხვადასხვა თაობის საყვარელ შემოქმედად.ქართველ მსმენელს მისი მოსმენის საშუალება პირველად 1-ელ ოქტომბერს, „Starring Georgia- ს“ ფარგლებში, ბორის პაიჭაძის სახელობის ეროვნულ სტადიონზე ექნება. 

1686214074

მაღალი ხარისხის ღვინის მისაღებად, აუცილებელია წარმოების მთლიან ციკლზე სრული კონტროლი. სწორედ ამიტომ, მარნის მიერ გაშენდა ვენახები და დღესდღეობით, 300 წლიანი ისტორიის მქონე კონდოლის, კუდიგორასა და ყველაზე ახალ, ინოვაციური მეთოდით 2020 წელს გაშენებულ დიდყურეს ვენახებს ფლობს.თელავის ღვინის მარნის პროდუქცია 34 ქვეყანაშია წარმოდგენილი და წელიწადში 5 მილიონამდე ბოთლ ღვინოს აწარმოებს. მარნის ღვინოებს, მსოფლიოს პრესტიჟულ გამოფენებზე, 800-ზე მეტი ჯილდო აქვს მიღებული, რაც ქართული ღვინის დადებითი იმიჯის გამტკიცებას ემსახურება მსოფლიო ბაზარზე.„კომპანიის უწყვეტი წარმატების უზრუნველსაყოფად, ბაზისბანკთან, როგორც სანდო და საიმედო ფინანსურ ინსტიტუტთან თანამშრობლობა, ჯერ კიდევ 1999 წლიდან დავიწყეთ. სწორედ ბაზისბანკის სანდოობამ, ინდივიდუალურმა მიდგომამ და მომსახურების უმაღლესმა ხარისხმა განაპირობა ეს მრავალწლიანი წარმატებული პარტნიორობა.“ - თელავის ღვინის მარნის დამფუძნებელი, ზურაბ რამაზაშვილი.„ქართული ღვინო ჩვენი სავიზიტო ბარათია მსოფლიოს ნებისმიერ ქვეყანაში. ბაზისბანკსა და თელავის ღვინის მარანს შორის პარტნიორობამ მნიშვნელოვანი წვლილი შეიტანა ქართული მეღვინეობის განვითარებაში, როგორც ეკონომიკური, ისე კულტურული და ტურისტული თვალსაზრისით.ბაზისბანკი, როგორც ბიზნესის ერთ-ერთი უმსხვილესი დამფინანსებელი, გვერდით უდგას ბიზნესს, რომელიც მუდმივად ზრუნავს განვითარებაზე. ამის ნათელი მაგალითია თელავის ღვინის მარანი, რომელთანაც მესამე ათწლეულია ვთანამშრომლობთ და მისი ყოველი წარმატება დადებითად აისახება ქართული მეღვინეობის განვითარებაზე.“ - ვახტანგ ვახანია, ბაზისბანკის კორპორატიული განყოფილების უფროსი.ბაზისბანკის და თელავის ღვინის მარნის პარტნიორობის ვიდეო ისტორია

1686213908