200 ლარი ქეშბექი ავიაბილეთებზე - სტუდიო ლიბერთის კამპანია Top|Card Black Edition-ის მომხმარებლებისთვის

აღნიშნული ტრანზაქცია ინსტიტუტებს შორის მრავალწლიანი წარმატებული თანამშრომლობის ერთ-ერთი ნაწილია და ასახავს ორგანიზაციების მზაობას, ხელი შეუწყონ ქართული ბიზნესების, განსაკუთრებით კი, მცირე და საშუალო საწარმოების განვითარებას.დაფინანსების 50% მიმართული იქნება მწვანე ინვესტიციებზე, რაც კომპანიებს საშუალებას მისცემს ისარგებლონ სპეციალური სალიზინგო პროდუქტებით განახლებადი ენერგიის და მდგრადობაზე ორიენტირებული აქტივების მიმართულებით.  მეტ ქართულ კომპანიას ექნება საშუალება გაეცნონ მსოფლიო ტენდენციებს გარემოსდაცვითი, მდგრადი გადაწყვეტილებების მიმართულებით და მიიღონ დაფინანსება საკუთარი ბიზნესის განვითარებისთვის."პირველ რიგში, მოხარულები ვართ, რომ ისეთ საიმედო პარტნიორთან, როგორიც ევროპის რეკონსტრუქციისა და განვითარების ბანკია მრავალწლიან თანამშრომლობას კიდევ უფრო ვაღრმავებთ, რაც ხელმოწერილი ხელშეკრულებითაც დასტურდება. ჩვენი საერთო ძალისხმევა მიმართულია საქართველოს მცირე და საშუალო სექტორის გაძლიერებისკენ, რისი ერთ-ერთი გზაც მდგრადი განვითარება და მწვანე დაფინანსებაზე გაზრდილი წვდომაა. მოზიდული 11 მილიონი ევროს რესურსი, სწრაფად განვითარებად ბაზარზე SME (მცირე და საშუალო საწარმოების) მხარდაჭერას მოხმარდება" - გაიოზ გოგუა, თიბისი ლიზინგის დირექტორი.

1747310400

გამართული ავტომობილი უსაფრთხო მგზავრობის გარანტია, განსაკუთრებით კი სეზონის ცვლილებისას, როდესაც ტემპერატურა მატულობს და გზებზე მობილობა იზრდება. „თეგეტა მოტორსი“ წლებია მოუწოდებს მომხმარებლებს - პასუხისმგებლობით მოეკიდონ სეზონურ ცვლილებებს და ავტომობილი შესაბამისად გამართონ. ამჯერად კომპანიამ მომხმარებელს, გაეროს უსაფრთხოების კვირეულის ფარგლებში, არაერთი შეთავაზება მოუმზადა. 18 მაისის ჩათვლით  BRIDGESTONE-ის ბრენდის საბურავების სრულ ასორტიმენტსა და ATE-ს ხუნდებზე 15%-იანი ფასდაკლება მოქმედებს. მაისის ბოლომდე ხელმისაწვდომია შემდეგი შეთავაზებებიც: BRIDGESTONE-ის საბურავები სპეციალურ ფასად: BRIDGESTONE 205/55R16 T005 91W - 200₾, BRIDGESTONE 195/65R15 91H EP150 - 150₾. ერთ-ერთი ყველაზე მნიშვნელოვანი დეტალი, რომელსაც სეზონური ცვლილება სჭირდება, საბურავია, რადგან ის ავტომობილის უსაფრთხო გადაადგილებას უზრუნველყოფს. როდესაც ტემპერატურა +7 გრადუსს სცდება, აუცილებელია, ზამთრის საბურავები ზაფხულის საბურავებით ჩავანაცვლოთ. ზაფხულის საბურავის შემადგენლობაში არსებული ნივთიერებები სიცხეში უკეთესი მოჭიდებით გამოირჩევა, რაც თავიდან აგარიდებთ ავტოსაგზაო შემთხვევებს, განსაკუთრებით სველ ზედაპირზე გადაადგილებისას.BRIDGESTONE - იაპონური წარმოშობის, საბურავების წამყვანი ბრენდი. მისი მთავარი უპირატესობებია: პრემიუმ ხარისხი, უსაფრთხოება და ინოვაცია. ლიდერია საბურავების წარმოების ტექნოლოგიაში - გამოირჩევა უახლესი ინჟინერიითა და უსაფრთხოების მაღალი  სტანდარტებით. აქვს მაღალი მოჭიდება და დამუხრუჭების შესაძლებლობა, განსაკუთრებით სველ გზაზე გადაადგილებისას. გამოირჩევა ხანგრძლივი საექსპლუატაციო ვადით - იდეალურია შორ მანძილზე მგზავრობისთვის. BRIDGESTONE-ის საბურავებით აღჭურვილია ისეთი ბრენდები, როგორებიცაა: Lamborghini, Toyota, BMW, Mercedes-Benz, Audi და სხვ. 20%-იანი ფასდაკლება MOTUL, SHELL, MOBIL-ის ზეთებზე. ზოგადად, საცხებ-საპოხი მასალები, მაგალითად, ძრავის ზეთი, სეზონურობით არ გამოირჩევა, ის ნებისმიერ სეზონზე უნდა შეიცვალოს გარბენის გათვალისწინებით, მწარმოებლის რეკომენდაციების მიხედვით. წინააღმდეგ შემთხვევაში, შესაძლოა ძრავა დაზიანდეს. „თეგეტა მოტორსი“ მომხმარებელს პრემიუმ ბრენდების პროდუქციის დიდ არჩევანს სთავაზობს.MOTUL - პრემიუმ ხარისხის ფრანგული ზეთი, რომელიც იდეალურია მაღალი წარმადობის ძრავებისთვის, ხშირად გამოიყენება რბოლებში და გამოირჩევა თერმული მდგრადობით. 100%-ით სინთეტიკური ზეთები უზრუნველყოფს ძრავის უმაღლეს დაცვას და მაქსიმალურ სიმძლავრეს.SHELL - უმაღლესი ხარისხის საცხებ-საპოხი მასალების მწარმოებელი, რომელიც განსაკუთრებულ ყურადღებას უთმობს ძრავის დაცვასა და უსაფრთხოებას. SHELL-ის ზეთები ხელს უწყობს მაქსიმალურ სიმძლავრეს და ამცირებს ნალექისა და ჭუჭყის დაგროვებას. მის ხარისხზე მეტყველებს ისეთ მსოფლიო ბრენდებთან თანამშრომლობა, როგორებიცაა: Ferrari, BMW, Hyundai. პროდუქციის დამზადებისას გამოყენებულია PurePlus ტექნოლოგია, რომელიც უზრუნველყოფს ძრავის სისუფთავესა და ეფექტიანობას.MOBIL - ამ ბრენდის მთავარი უპირატესობაა ავტომობილის იდეალური დაცვა ყველა სეზონზე და ძრავის ხანგრძლივი მუშაობის უზრუნველყოფა. MOBIL-ის ზეთები უზრუნველყოფს ძრავის სისუფთავეს. გათვლილია ექსტრემალურ ტემპერატურაზე. კომპანია თანამშრომლობს ისეთ პრემიუმ ბრენდებთან, როგორებიცაა: Porsche, Mercedes-AMG, Cadillac. 20%-იანი ფასდაკლება MACPOWER PREMIUM-ისა და EXIDE-ის, ხოლო 10%-იანი ფასდაკლება VARTA-ს აკუმულატორებზე აკუმულატორი დაბალი ტემპერატურის მიმართ ერთ-ერთი ყველაზე მგრძნობიარე დეტალია. ზამთარში ძრავის დაქოქვას უფრო დიდი ენერგია სჭირდება და შესაბამისად, ავტომობილი აკუმულატორის მეტ რესურსს მოიხმარს. სწორედ ამიტომ როგორც კი ჰაერის ტემპერატურა მოიმატებს, აუცილებლად უნდა შევამოწმოთ აკუმულატორი და, საჭიროების შემთხვევაში, ვიზრუნოთ მის ჩანაცვლებაზე.MACPOWER PREMIUM - აკუმულატორები აღჭურვილია უსაფრთხოების ინოვაციური სისტემით, რომელიც ავტომობილს იცავს მოკლე ჩართვისა და გადახურებისგან. გამძლეა როგორც ცივ, ისე - ცხელ ამინდში. ხელმისაწვდომი ფასის, სანდოობისა და ხარისხის გათვალისწინებით, მძღოლები ამ ბრენდზე არჩევანს ხშირად აკეთებენ.EXIDE - აკუმულატორების ერთ-ერთი უძველესი მწარმოებელი მსოფლიოში, 130- წლიანი გამოცდილებით. გამოირჩევა მაქსიმალური სიმძლავრითა და გამძლეობით. იტენება სწრაფად და დატვირთულ რეჟიმში მუშაობს იდეალურად. ის არის აკუმულატორების ოფიციალური მიმწოდებელი ისეთი ბრენდებისთვის, როგორებიცაა: Ford, Fiat, BMW და სხვა. EXIDE-ის პროდუქციის AGM და EFB ტექნოლოგია კარგად ერგება თანამედროვე Start-Stop-სისტემიან და მაღალი ელექტრული დატვირთვის ავტომობილებს.VARTA - გერმანული პრემიუმ ბრენდი, მაღალი სტანდარტებისა და ხარისხის სიმბოლო. აკუმულატორები გამოირჩევა უსაფრთხოებით, მაქსიმალური სიმძლავრითა და სტაბილურობით ნებისმიერ ამინდში. ენერგიას ინარჩუნებს ავტომობილის ხანგრძლივი დგომის შემთხვევაშიც კი. VARTA-ს ორიგინალ აკუმულატორებს ვხვდებით ისეთ ბრენდებში, როგორებიცაა: Mercedes, BMW, VW, Audi.  AGM და EFB ტექნოლოგიები შესაფერისია ჰიბრიდებისთვის, ენერგომხარჯველი სისტემებისა და პრემიუმ კლასის ავტომობილებისთვის, სადაც მაქსიმალური ხარისხი და ხანგრძლივობა განსაკუთრებულად მნიშვნელოვანია. 30%-იანი ფასდაკლება JBM-ის, ხოლო 20%-იანი ფასდაკლება TOPTUL-ის ხელსაწყოებზე. JBM - ევროპული ბრენდი, რომელიც აწარმოებს მაღალი ხარისხის პროფესიონალურ და საყოფაცხოვრებო ხელსაწყოებს. მისი ძირითადი უპირატესობებია გამძლეობა, მრავალფეროვნება, ხელმისაწვდომობა და პროდუქციის ფართო არჩევანი - ხელის ინსტრუმენტები, ავტოსერვისის მოწყობილობები და სხვა.TOPTUL - აწარმოებს მაღალი ხარისხის ხელსაწყოებს ავტოსერვისისა და ინდუსტრიისთვის - გამორჩეულია გამძლეობითა და ეფექტიანობით. პროდუქცია დამზადებულია მაღალი ხარისხის ფოლადით, რომელიც უძლებს კოროზიას. მინიჭებული აქვს ISO სერტიფიკატი და ხასიათდება ხანგრძლივი სასიცოცხლო ციკლით.„თეგეტა მოტორსის“ ფილიალების გარდა, დამატებით შეთავაზებები მოქმედებს Tegeta Shop-ზე. საბურავებისა და ნაწილების სრულ ასორტიმენტზე ხელმისაწვდომია 10%-იანი ფასდაკლება. ამასთანავე, ფილიალებში ისარგებლებთ ჰაერისა და სალონის ფილტრის უფასოდ შეცვლის სერვისით--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა. 

1747309993

პირველი 8000 ნერგი 2020 წელს 4 ჰექტარზე ჩაყარეს, შემდეგ წლებშიც 4-4 ჰექტარი მიამატეს. 2024 წელს კი ახალი ნაკვეთი შეიძინეს, სადაც 20 000 ნერგი დაირგო. ჯამში კომპანიის საკუთრებაში 24 ჰექტარი ვაშლის ბაღია. ახალი ნერგების ნაწილი, სანამ ამ ბლოგს კითხულობთ იტალიაში იტვირთება და ქართლისკენ მოემართება.ინტენსიურ ბაღს, ტრადიციულთან შედარებით, რამდენიმე უპირატესობა აქვს: ჰექტარზე ბევრი - 3000-მდე ხე ირგვება. (როცა ტრადიციულის შემთხვევაში 150-200) მსხმოიარობაში მალე შედიან, გამძლე, ნერგი დაავადებების მიმართ მედეგია, მოსავალსაც მეტს იძლევა და დასაკრეფადაც ადვილია.“ჩემი აზრით ახალი ჯიშები უფრო გემრიელია, მაგრამ ქართლში ბაღების 30%-ში “გოლდენი” ირგვება. ეს ჯიში მოთხოვნადია, როგორც ადგილობრივ ისე საექსპორტო ბაზარზე. ზოგადად, ძვირად ღირებული ვაშლი არ არსებობს. ფასი დამოკიდებულია სეზონსა და ხარისხზე. იგივე გოლდენი, თუ ოქტომბერში 1.5 ლარად იყიდებოდა, სამაცივრე მეურნეობაში შენახვის შემდეგ მისი ფასი 3.5 ლარამდე ავიდა. გაყიდვის პრობლემა არ გექნება, თუ მომხმარებელს მაღალ ხარისხს შესთავაზებ”, - გვიხსნის თენგიზი.მაღალი ხარისხი კი ის თამასაა, რომელსაც „ჭარებულაში“ მუდამ ინარჩუნებენ და კომპანიას ნაბიჯ-ნაბიჯ ავითარებენ. მეურნეობის განვითარების და ვაშლის ნერგების მთავარი შემხიდებელი თიბისის შეღავათიანი აგროკრედიტი აღმოჩნდა.“ამ მხარდაჭერამდე ვერც კი გავბედეთ  დიდი სამუშაოები და არც მასშტაბური გეგმები გვქონდა. პირველი სესხიც მცირე იყო, გადავწყვიტეთ ჯერ მოგვესინჯა. იმდენად გაამართლა და ბანკთან ურთიერთობა ისე გაგვიადვილდა, რომ კომპანიის განვითარების სხვა ეტაპზე გავედით. თიბისის მხარდაჭერით შევძელით ახალი ნაკვეთების შეძენა და 400 ტონიანი სამაცივრე მეურნეობის მოწყობაც”, - გვიყვებიან “ჭარებულაში”.კომპანიას 4 მუდმივი თანამშრომელი ჰყავს, სეზონურად კი მათი რიცხვი 25-მდე იზრდება. მეურნეობა იძლევა საშუალებას რომ 1000 ტონა მოსავალი მიიღოს.სამომავლო გეგმებში შესაფუთი და ჩასაწყობი მასალის ადგილზე წარმოებაცააა. 

1747304880

16 მაისს ესტუმრეთ Bershka-ის, Stradivarius-ის, Pull and Bear-ის, Aldo-სა და Flormar-ის მაღაზიებს, გადაიხადეთ Student Card-ით და მიიღეთ 30% -იანი ქეშბექი. ჯამურად, ყველა მაღაზიაში მაქსიმუმ 100 ლარის დაბრუნებას შეძლებთ.აქციით სარგებლობისთვის აუცილებელია თანხა საქართველოს ბანკის ტერმინალზე გადაიხადოთ. ინფორმაციისთვის, შეთავაზება არ მოქმედებს სასაჩუქრე ბარათებზე.თუ ჯერ არ გაქვთ სტუდენტის ბარათი, მას ძალიან მარტივად, მობილბანკის დახმარებით შეუკვეთავთ და ციფრულ ბარათს გაიაქტიურებთ, სულ რამდენიმე წამში. ფიზიკური ბარათის მიღებას კი ჩვენს ნებისმიერ ფილიალში შეძლებთ. 

1747304700

საქართველოს ბანკის სასტიპენდიო პროგრამებს შორისაა:საქართველოს ბანკის სტიპენდიებიხარისხიან განათლებაზე ხელმისაწვდომობის გასაზრდელად, საქართველოს ბანკი სტიპენდიების პროექტს ახორციელებს, რომლის ფარგლებშიც შესაძლებლობას აძლევს სტუდენტებს, მიიღონ სწავლის სრული ან ნაწილობრივი დაფინანსება. წელს საქართველოს ბანკის სტიპენდიის მისაღებად 4000-ზე მეტი სტუდენტი დარეგისტრირდა. საქართველოს ბანკის სტიპენდია ერთწლიანია, თუმცა, ახალგაზრდებს აძლევს შესაძლებლობას განაცხადი ყოველწლიურად შეავსონ და კვლავ მოიპოვონ დაფინანსება; სასტიპენდიო პროგრამაში მონაწილეობა ბაკალავრიატის ნებისმიერ საფეხურზე მყოფ სტუდენტს შეუძლია; მათ შორის მათაც, ვისაც მიღებული აქვს სახელმწიფო გრანტი, თუმცა, კერძო უნივერსიტეტში სწავლის გასაგრძელებლად დამატებითი ფინანსები სჭირდება; საქართველოს ბანკის სტიპენდიების პროექტის ფარგლებში, სტიპენდიატების შერჩევა მათი აკადემიური მოსწრების (GPA), სამოტივაციო წერილის და უნივერსიტეტის მიერ შედგენილი კრიტერიუმების მიხედვით ხდება. საქართველოს ბანკის სტიპენდიების პროექტში 22 პარტნიორი უნივერსიტეტია ჩართული. 165-ზე მეტი სტუდენტი კი საქართველოს ბანკის სტიპენდიატია.საქართველოს ბანკის გიორგი ჩახავას სახელობის სტიპენდიასაქართველოს ბანკის ინიციატივით შეიქმნა გამორჩეული ქართველი არქიტექტორის, გიორგი ჩახავას, სახელობის სასტიპენდიო პროგრამა, რომელიც ოთხი პარტნიორი უნივერსიტეტის (თავისუფალი უნივერსიტეტი, საქართველოს ტექნიკური უნივერსიტეტი, თბილისის სახელმწიფო სამხატვრო აკადემია, ბათუმის შოთა რუსთაველის სახელმწიფო უნივერსიტეტი) არქიტექტურის სტუდენტებს აძლევს შესაძლებლობას, მიიღონ სწავლის სრული ან ნაწილობრივი დაფინანსება. სწავლის დაფინანსების მიღება საბაკალავრო საფეხურზე მყოფ ნებისმიერ სტუდენტს შეუძლია; სტიპენდიატები აკადემიური მოსწრების (GPA), სამოტივაციო წერილის და უნივერსიტეტის მიერ შედგენილი კრიტერიუმების მიხედვით შეირჩევიან; თითო უნივერსიტეტიდან  მინიმუმ 1 სტუდენტი დაფინანსდება. სტიპენდიების შესახებ დამატებითი ინფორმაცია ხელმისაწვდომია ვებგვერდზე.UniGrant – საქართველოს ბანკის და MAC Georgia-ს სტიპენდიასაქართველოს ბანკი ახალგაზრდებისთვის განათლებაზე ხელმისაწვდომობის კიდევ უფრო მეტად გასაზრდელად, MAC Georgia-სთან ერთად UniGrant-ის სასტიპენდიო პროგრამას ახორციელებს, რომლის ფარგლებშიც, ნებისმიერი უნივერსიტეტის სტუდენტს აძლევს შესაძლებლობას, ინდივიდუალური საჭიროების შესაბამისად, მიიღოს სწავლის სემესტრული გადასახადის 100%-იანი დაფინანსება და გრანტი საცხოვრებელი ხარჯებისთვის.საქართველოს ბანკის სასტიპენდიო პროგრამების შესახებ დეტალური ინფორმაციის მისაღებად ეწვიეთ ვებგვერდს stipendia.bog.ge

1747302000

მისივე თქმით, საქართველოს კანონის “უცხოური გავლენის გამჭვირვალობის შესახებ“ მიღების შემდეგ დღევანდელ დღემდე ლონდონის საფონდო ბირჟაზე სამივე ქართული კომპანიის აქციების ფასი ისტორიულ მაქსიმუმს აღწევს და და პლუს 64%-84% უტოლდება.მანვე აღნიშნა, რომ დიდი ოთხეულის ყოველწლიური შეხვედრების ფარგლებში მსოფლიო ბანკის, საერთაშორისო სავალუტო ფონდისა და აზიის განვითარების ბანკის ვაშინგტონისა და მილანის ყოველწლიური შეხვედრების შემდგომ, “იზოლაციაში მყოფი” საქართველოს მთავრობის ეკონომიკური გუნდი დღეს ლონდონში EBRD-ის ყოველწლიურ შეხვედრაზე იმყოფება.„სიმბოლურია, რომ ამ პოსტს 2025 წლის 15 მაისს, სწორედ ლონდონიდან, ლონდონის საფონდო ბირჟაზე დაგეგმილი საინვესტიციო ფორუმის პერიოდში ვწერ. დღეს ქართულ ბიზნესს ლონდონის საფონდო ბირჟაზე(ც) უპრეცედენტო, ისტორიულად მაღალი ნდობა აქვს და ეს ავტომატურად არა მხოლოდ ცალკეული კომპანიების, არამედ საქართველოს ეკონომიკის, საქართველოს ბიზნეს გარემოს და რა თქმა უნდა ხელისუფლების მიერ გატარებული და დაგეგმილი ეკონომიკური რეფორმებისადმი ნდობას ნიშნავს. მხოლოდ ერთი მითი და მხოლოდ ერთი რეალობა/ფაქტი დღეს: მითი 2024 წლის 15 მაისი “რუსული კანონის”/“აგენტების კანონის” მიღების შემდეგ ქართული ბიზნესი დაზიანდება, ლონდონის საფონდო ბირჟაზე ქართული კომპანიების აქციები დაცემა და ვარდნა გაგრძელდება, ეკონომიკა ჩამოიშლება ფაქტი 2025 წლის 15 მაისი საქართველოს კანონის “უცხოური გავლენის გამჭვირვალობის შესახებ“ მიღების შემდეგ დღევანდელ დღემდე ლონდონის საფონდო ბირჟაზე სამივე ქართული კომპანიის აქციების ფასი ისტორიულ მაქსიმუმს აღწევს და და პლუს 64%-84% უტოლდება! უფრო დეტალურად გავიხსენოთ რა ხდებოდა ზუსტად ერთი წლის წინ: 15 მაისი, 2024 წელი: ოპოზიციური პოლიტიკური მედიების ჟრიამულიდან მხოლოდ ერთმანეთისგან გადაბეჭდილ ორი ან სამ სიტყვა შეცვლილ ან წერტილ-მძიმე დამატებულ ტექსტებს გთავაზობთ (სატელევიზიო სიუჟეტები ცალკე ვრცელი კომედიის ჟანრია): რადიო “თავისუფლება” “აგენტების კანონის” მიღების შემდეგ ლონდონის საფონდო ბირჟაზე ქართული კომპანიების აქციების ფასი ეცემა” ნეტგაზეთი “რუსული კანონის მესამე მოსმენით მიღებიდან მეორე დღეს ლონდონის საფონდო ბირჟაზე განთავსებული ქართული მსხვილი ბიზნესკომპანიების აქციების ღირებულება მკვეთრად ეცემა” ტაბულა “საქართველოს პარლამენტის მიერ რუსული კანონის მესამე მოსმენით მიღების ფონზე, დღეს, 15 მაისს, დილიდან ლონდონის საფონდო ბირჟაზე TBC Bank Group-ისა და Bank of Georgia Group-ის აქციების ფასები მკვეთრად ეცემა” მოჩვენებითი “ბიზნეს მედიები” “ლონდონის საფონდო ბირჟაზე ორი უმსხვილესი ქართული ბანკის აქციების ღირებულება მკვეთრად ეცემა.ქართული ბანკების აქციების გაუფასურება ემთხვევა აქციებს “რუსული” კანონის წინააღმდეგ”. “პარლამენტის მიერ ე.წ. „რუსული კანონის“ მესამე მოსმენით დამტკიცების ფონზე, ლონდონის საფონდო ბირჟაზე ქართული კომპანიების აქციების ღირებულება მკვეთრად ეცემა” ეკონომიკური დეზინფორმაციის, ბიზნეს ისტერიის შემოქმედება აქ ნათლად ჩანს. ეს მცირე მიმოხილვაა, სხვა დანარჩენს ვრცლად უკვე ლონდონის საფონდო ბირჟაზე დასრულებული ღონისძიებისა და მასში მონაწილეებთან საუბრის შემდეგ წარმოგიდგენთ და აქ უკვე საუბარი არამხოლოდ 15 მაისს და არამხოლოდ ისტორიის არქიტექტორ “მედიებს” შეეხებათ.P.S. დიდი ოთხეულის ყოველწლიური შეხვედრების ფარგლებში მსოფლიო ბანკის, საერთაშორისო სავალუტო ფონდისა და აზიის განვითარების ბანკის ვაშინგტონისა და მილანის ყოველწლიური შეხვედრების შემდგომ “იზოლაციაში მყოფი” საქართველოს მთავრობის ეკონომიკური გუნდი დღეს ლონდონში EBRD-ის ყოველწლიურ შეხვედრაზე იმყოფებამეტი დეტალური ინფორმაცია ლონდონიდან ხვალ იმედზე, ბიზნეს ინსაიდერში“, - წერს გიორგი აბაშიშვილი.

1747301657