მიწისძვრების შედეგად, თურქეთის ენერგეტიკული ინფრასტრუქტურა სერიოზულად დაზარალდა

ისრაელი-ირანის სამხედრო დაპირისპირების ფონზე, საერთაშორისო ბირჟაზე ნავთობის ფასი მკვეთრად იზრდება. აშშ-ის მიერ ირანის სამი ძირითადი ბირთვული ობიექტის დაბომბვამ კი დაძაბულობა კიდევ უფრო გაამწვავა, რამაც კონფლიქტი ახალ დონეზე აიყვანა. ბევრი შიშობს, რომ ეს ცუდ სიტუაციას მხოლოდ გააუარესებს.არის მოლოდინი, რომ ნავთობის ფასი, შესაძლოა, 100 დოლარსაც გადასცდეს, გაძვირებული საწვავი კი ყველა მიმართულებით ფასების ზრდას გამოიწვევს, მათ შორის, სამომხმარებლო პროდუქტებზეც. ასეთია ირან-ისრაელის სამხედრო დაპირისპირების ფონზე შექმნილი რეალობიდან მომდინარე პროგნოზი. ამ მომენტისთვის 1 ბარელის ღირებულება უკვე უახლოვდება 80 დოლარს. კონფლიქტის მოგვარების რაიმე შესაძლებლობა კი ჯერ არ ჩანს.თუმცა ასეთ მოსაზრებას არ იზიარებს  საქართველოს ნავთობპროდუქტების იმპორტიორთა კავშირის ხელმძღვანელი ვახტანგ იობაშვილი, რომლის თქმითაც, ფასთან დაკავშირებით პროგნოზი ახლა წარმოუდგენელია, რადგან უცნობია, როგორ შეიძლება განვითარდეს პროცესი და  მიწოდების რაოდენობის კუთხით რა სიტუაცია შეიქმნება.,,საქმე ისაა, რომ ირანის მხრიდან მიწოდების რაოდენობა მსოფლიო სანავთობო ბაზრებზე დაირღვევა. ბუნებრივია, ეს გავლენას იქონიებს სანავთობო ბაზრებზე, მაგრამ ეს მოცემულობა დიდხანს არ გაგრძელდება.  ასეთი ეკონომიური კოლაფსები მსოფლიო მასშტაბით დიდი ხანია მიმდინარეობს. ჯერჯერობით ჩვენ არანაირი ცვალილება არ გვაქვს ფასებში, არც მოწოდების რეჟიმი შეცვლილა. რა თქმა უნდა, გარკვეულ დონეზე გავლენა ექნება, მაგრამ ფასების არითმია ყოველთვის იყო და იქნება, მთავარია სტაბილურობა შენარჩუნდეს  ქვეყანაში. დეფიციტი არ გვემუქრება, თუმცა საწვავის გაძვირება მოსალოდნელია.ვემიჯნები და არ ვეთანხმები არც ერთ ანალიტიკოსს, რომელი მოვლენებს უსწრებს და კონკრეტულ ნიშნულს ასახელებს.  ნავთობის ფასის ზუსტი პროგნოზი ახლა შეუძლებელია. რაც მალე წავა მშვიდობისკენ სიტუაცია, უფრო სტაბილური იქნება მსოფლიო ეკონომიკა და სანავთობო ბაზრები. კომპანიები ყველა ღონეს ხმარობენ, რომ  სტაბილურობა შეინარჩუნონ. ვისთანაც კეთილმეგობრული ურთიერთობა გვქონდა, გავაგრძელებთ. ასეთი ქვეყნებია ბულგარეთი, რუმინეთი, საბერძნეთი, ბელარუსი და აზერბაიჯანი, საიდანაც ნავთობპროდუქტები შემოგვაქვს. ეს დინამიკა არ დაირღვევა", - განაცხადა იობაშვილმა ,,ბიზნეს-რეზონანსთან".მისი შეფასებით, თუკი დროულად დასრულდება ომი და გონივრული ნაბიჯები გადაიდგმება, მსოფლიო სანავთობო ბაზრებზე მდგომარეობა უმოკლეს პერიოდშივე დასტაბილურდება.,,ომში დიდი ქვეყნებია ჩართული და კარგს არაფერს უქადის სამყაროს. იმედია, დიდხანს არ გაგრძელდება ეს ვითარება, ძალიან მოწადინებულია აშშ-ს პრეზიდენტი დონალდ ტრამპი და მთელი მსოფლიოს პოლიტიკური წარმომადგენლობა. მთავარია, გონივრული  ნაბიჯები გადაიდგას, ჯერჯერობით პრობლემაა ჰორმუზის სრუტეზე, ასევე სუეცის არხზეც, აქედან გამომდინარე, სანავთობო ბაზრებს მომარაგების კუთხით რაღაც რაოდენობა მოაკლდება და ვნახოთ, როგორ შეძლებენ გადავსებას.ჩვენ უშუალოდ ახლო აღმოსავლეთიდან არ ვაწარმოებთ იმპორტს, ამიტომ ქართულ ბაზარზე სტაბილურობაა, რასაც ხელს უწყობს ლარის კურსიც. გეოგრაფიული მდებარეობაც ისეთია, რომ ჩვენი დეფიციტი არ შეგვექმნება", - დასძინა ვახტანგ იობაშვილმა.გაძვირების მიუხედავად, ამ ეტაპზე ყველა წინაპირობაა, რომ იმპორტის დინამიკა ზრდისკენ გადაიხაროს, რასაც ხელს უწყობს ეკონომიკაში მიმდინარე აქტივობა, რომელიც მომავალი თვეების განმავლობაშიც გაგრძელდება.,,ომმა და გლობალურმა გამოწვევამ რისკი გაზარდა, თუმცა იმპორტი დადებით დინამიკას ინარჩუნებს. ველოდებით, რომ ეს ტრენდი არ შეიცვლება, ქვეყნის ეკონომიკური ზრდის მიმართ დადებითი მოლოდინი საწვავის ბაზარზეც პოზიტიურად აისახება. იმპორტიდან მიღებული შემოსავლები, გარდა იმისა, რომ უშუალოდ სახელმწიფოს ბიუჯეტის შემოსავლების მატებას განაპირობებს, თვითონ ეკონომიკური აქტივობის განმსაზღვრელიცაა.ვიმედოვნებ, დინამიკა  მომდევნო თვეებშიც არ  შენარჩუნდება და იმპორტი მოიმატებს. ამის საფუძველს იძლევა ის გარემოებაც, რომ ეკონომიკა იზრდება, მათ შორის, ინფრასტრუქტურული პროექტები გააქტიურებულია. შესაბამისად, საწვავის იმპორტიც უნდა დასტაბილურდეს", - აღნიშნა ვახტანგ იობაშვილმა.მანვე ყურადღება გაამახვილა კონტროლის გააქტიურებაზე, რა მიმართულებითაც ზომები გასამკაცრებელია მთელი საქართველოს მასშტაბით.,,მნიშვნელოვანია შეიქმნას ეფექტური კონტროლის სისტემა ქვეყნის შიგნით, საწვავის ხარისხთან დაკავშირებით. არაერთხელ მითქვამს და დღესაც ვრჩები პოზიციაზე, რომ უნდა დაიწყოს კონტროლი ქვეყნის საზღვრიდან და უნდა განხორციელდეს მუდმივი სისტემური მონიტორინგი როგორც საცალო ქსელში, ისე ბაზებზე, გასამართ სადგურებზე. ეს უნდა მოხდეს მთელი ქვეყნის მასშტაბით, რეგიონების მოცვა აუცილებელია.დიდი მადლობა გარემოს დაცვისა და სოფლის მეურნეობის სამინისტროს და ეკოლოგიის დეპარტამენტს, რომელიც მონიტორინგს ახორციელებს. ეს არის ძალიან კარგი, მაგრამ ამავე დროს აუცილებელია უფრო მკაცრი კონტროლის დაწესება. ყველა საკითხი გაწერილი იყოს დეტალურად, სადაც ხარისხის ნებისმიერი კომპონენტი იქნება გათვალისწინებული. თუ ნავთობპროდუქტების იმპორტიორთა კავშირის დახმარება საჭირო იქნება დავეხმარებით, რომ კონტროლი უფრო ინტენსიური გახადონ, რითაც საჭირო იქნება, ჩვენს წვლილს შევიტანთ.ძალიან მნიშვნელოვანია, რეგიონალურად  გაიშალოს კონტროლი, შესაბამისად, უფრო ინტენსიური უნდა გახდეს კვლევები, რომ რეალურად შეიცვალოს ვითარება და ხარისხის დაცვა მოხერხდეს. უნდა ვიცოდეთ რას ვყიდულობთ და რაში ვიხდით ფულს", - განუცხადა ,,ბიზნეს-რეზონანსს" ვახტანგ იობაშვილმა.წყარო: resonancedaily.com

1750762993

შეგახსენებთ, რომ მარიამ ქვრივიშვილი ეკონომიკისა და მდგრადი განვითარების მინისტრის მოადგილის პოსტს იკავებდა. 

1750759903

როგორც კობახიძემ აღნიშნა, ლევან დავითაშვილი ეკონომიკურ საკითხებში პრემიერის მთავარი მრჩევლისა და ეკონომიკური საბჭოს მდივნის თანამდებობას დაიკავებს.

1750759679

გრძელვადიანი ინვესტიცია — ყველაზე სანდო სტრატეგია დამწყებთათვისკრიპტოვალუტის ბაზრის ახალ მონაწილეებს უმეტეს შემთხვევაში ურჩევენ გრძელვადიან საინვესტიციო მიდგომას, რომელიც საზოგადოებაში დამკვიდრებულია როგორც “hodl” სტრატეგია — ტერმინი, რომელიც უკავშირდება სიტყვა “hold”-ის შემთხვევით შეცვლას და დღეს სიმბოლურად აღნიშნავს აქტივების შენარჩუნებას ფასის მერყეობის მიუხედავად. ეს სტრატეგია გულისხმობს კრიპტოვალუტის შეძენას და მის ხანგრძლივ შენახვას, ბაზრის მერყეობის მიუხედავად. როდესაც ინვესტორი თავს იკავებს ბაზრის ვარდნის დროს ქოინების გაყიდვისგან, მას აქვს შანსი მნიშვნელოვნად მოიგოს ბაზრის აღდგენის შემდეგ. აღნიშნული მეთოდი ამცირებს იმ სტრესსა და რისკს, რაც თან ახლავს კრიპტოვალუტების ხშირ ყიდვა-გაყიდვას, და ხელს უწყობს უფრო სტაბილურ ინვესტიციურ მიდგომას.ანალიზის ფორმები კრიპტოვალუტების გრძელვადიანი შენახვის პერსპექტივის შესაფასებლადიმისათვის, რომ ინვესტორებმა შეძლონ გააზრებული გადაწყვეტილების მიღება იმის შესახებ, ღირს თუ არა კონკრეტული კრიპტოვალუტის გრძელვადიანი ფლობა, მათ შეუძლიათ გამოიყენონ ანალიზის რამოდენიმე ფორმა: ფუნდამენტალური ანალიზი გულისხმობს კრიპტოვალუტის ძირითადი მახასიათებლების შეფასებას — ტექნოლოგიური საფუძვლის, პროექტის გუნდისა და ბაზრის პოტენციალის გათვალისწინებით. მაგალითად, ბიტკოინის დეცენტრალიზებული ბუნების და მისი „ციფრული ოქროს“ როლის გააზრება ინვესტორს ეხმარება გრძელვადიანი საინვესტიციო გადაწყვეტილებების მიღებაში. ტექნიკური ანალიზი წარმოადგენს მეთოდს, რომელიც იყენებს წარსულ ფასებსა და სავაჭრო მოცულობებს მომავალი ფასების მოძრაობის პროგნოზირებისთვის. ამ პროცესში გამოიყენება ისეთი ინსტრუმენტები, როგორებიცაა მოძრავი საშუალოები (moving averages) და ფარდობითი სიმტკიცის ინდექსი (RSI), რომლებიც ეხმარება ტენდენციების განსაზღვრასა და ფასის ისტორიის საფუძველზე სავარაუდო შესვლის წერტილების აღმოჩენაში. განწყობის ანალიზი გულისხმობს სოციალური მედიის, სიახლეებისა და სხვა საჯარო პლატფორმების მონიტორინგს, რათა ინვესტორებმა შეძლონ ბაზრის განწყობის შეფასება კონკრეტული კრიპტოვალუტის გარშემო. პოზიტიური ინფორმაციები ხშირად იწვევს ფასების ზრდას, რაც ამ ინსტრუმენტს მნიშვნელოვანს ხდის გრძელვადიანი დაგეგმვისთვის. როგორ შევიძინოთ ბიტკოინი და შევინახოთ უსაფრთხოდ?ბიტკოინის შეძენა საკმაოდ მარტივი პროცესია, განსაკუთრებით მაშინ, როცა არსებობს პლატფორმები, რომლებიც გთავაზობენ BTC-ის შეძენას SEPA (ერთიანი ევროს გადახდის სივრცე) გადარიცხვით. წარმოგიდგენთ, ბიტკოინიშ შეძენის რამოდენიმე ნაბიჯს: აირჩიე სანდო ბირჟა — შეარჩიე კარგი რეპუტაციის მქონე კრიპტო ბირჟა, რომელიც მხარს უჭერს SEPA გადარიცხვებს. შექმენი ანგარიში — დარეგისტრირდი არჩეულ ბირჟაზე და გაიარე საჭირო ვერიფიკაციის პროცედურები. შეავსეთ ანგარიში. SEPA-ს მეთოდის მეშვეობით შეგიძლიათ ბირჟის ანგარიშზე თანხა გადარიცხოთ – ეს მეთოდი გამოირჩევა დაბალი საკომისიოთი და გადარიცხვის მაღალი სისწრაფით, რაც მას ერთ-ერთ უპირატეს არჩევანად აქცევს. შეიძინეთ ბიტკოინი — თანხის ანგარიშზე ჩარიცხვის შემდეგ აირჩიეთ შესაბამისი სავაჭრო წყვილი (BTC) და გააქტიურეთ ყიდვის ოპერაცია. უსაფრთხო შენახვა. Bitcoin-ის შეძენის შემდეგ გადარიცხეთ დაცულ საფულეში. საუკეთესო არჩევანია ფიზიკური საფულეები, როგორიცაა Ledger და Trezor – ისინი გამორჩეულია დაცულობის მაღალი დონით. დიდი ოდენობით კრიპტოვალუტის ბირჟაზე შენახვა არასასურველია, რადგან ჰაკერული რისკები მნიშვნელოვნად იზრდება. გრძელვადიანი ინვესტიცია კრიპტოვალუტაში შეიძლება გამჭრიახ სტრატეგიად ჩაითვალოს, განსაკუთრებით დამწყებთათვის. HODL სტრატეგიის გამოყენებით და საფუძვლიანი ანალიზის ჩატარებით, ინვესტორებს შეუძლიათ გამოავლინონ საუკეთესო კრიპტოვალუტები გრძელვადიანი შენაძენისთვის. მნიშვნელოვანია, არ დავივიწყოთ, რომ მიუხედავად მაღალი მოგების პოტენციალისა, კრიპტობაზარზე სიფრთხილითა და პასუხისმგებლობით მოქმედება აუცილებელია. ამ პრინციპების დაცვა ხელს შეგიწყობთ, მაქსიმალურად გამოიყენოთ ციფრული აქტივების პერსპექტიული შესაძლებლობები. 

1750759373

წარმატებული და ძალიან მოთხოვნადი თიბისი ტექსკოლის ფარგლებში, ბრენდი მოსწავლე გოგონებს განსაკუთრებულ შესაძლებლობას სთავაზობს - ტექნოლოგიების მიმართულებით პირველი ნაბიჯები გადადგან. ამ მიზნით თიბისიმ შექმნა საზაფხულო Crash კურსები გოგონებისთვის ტექნოლოგიების ოთხი მიმართულებით. საზაფხულო სკოლის Crash კურსებში მონაწილეობის მიღება ყველა 9-12 კლასის მოსწავლე გოგონას სრულიად უფასოდ შეუძლია. შესავალი ხელოვნურ ინტელექტში შესავალი მობილური აპლიკაციების შექმნაში შესავალი ვებგვერდები პროგრამირებაში: Back-End (Python & Flask) შესავალი ვებგვერდების პროგრამირებაში: Front-End (HTML,CSS) კურსებზე დარეგისტრირება შეუძლიათ მე-9-დან მე-12 კლასის ყველა მოსწავლე გოგონებს, სწავლა სრულიად უფასოა და ონლაინ ფორმატში მიმდინარეობს.რეგისტრაცია 24 ივნისს დაიწყო და 6 ივლისის ჩათვლით გაგრძელდება.არ გამოტოვო ეს შესაძლებლობა დარეგისტრირდი და დაიწყე სასურველი მომავალი პროფესიის შესწავლა. ყველაფერი გამოგივა, მთავარია გჯეროდეს! 

1750752600

Demo Day შესაძლებლობაა სტარტაპებისთვის, საკუთარი იდეები ფართო აუდიტორიას გააცნონ, დაამყარონ ღირებული კავშირები, რომელიც მათ როგორც ადგილობრივ, ასევე საერთაშორისო ბაზარზე მასშტაბირებაში დაეხმარება.აქსელერაციის პროგრამის შემაჯამებელი ღონისძიებისთვის სტარტაპები 12 კვირის განმავლობაში ემზადებიან - მენტორებთან ერთად მუშაობენ ბიზნეს იდეის გამართვაზე, ინვესტორებისა და ფონდების მოზიდვის, საკუთარი ბიზნესის სწრაფად ზრდისა და განვითარების სტრატეგიაზე.წელს 500 Global in Eurasia-ს პროგრამაში მონაწილეობა 5 ქვეყნის 8 სტარტაპმა მიიღო, Demo Day-ზე კი აუდიტორიას საკუთარი ბიზნესი 6-მა სტარტაპმა გააცნო და მიიღო ინვესტიცია.Demo Day-ზე მონაწილე სტარტაპებს შორის იყვნენ:Cuid - ხელს უწყობს დანაშაულის პრევენციას და დაცვის სისტემის ხელმისაწვდომობის ზრდას ბიზნესებისთვის და კერძო მესაკუთრეებისთვის.Evolve - ამარტივებს ბიზნესისთვის გადამზადების პროცესს. მისი დახმარებით, ბიზნესს საშუალება ეძლევა, სულ რაღაც 24 საათში ყოვლისმომცველი კურსები და ტრენინგები შექმნას.Aspis - შეიქმნა DeFAI Powerhouse AI-Agent-ებით ვაჭრობისთვის. Aspis-ი არის ჩატზე დაფუძნებული ასისტენტი, რომელიც დაგეხმარებათ თქვენი ციფრული აქტივების პორტფელის მართვაში, გადაწყვეტილებების მიღებისას ემოციური ფაქტორის გამორიცხვით. თქვენ უბრალოდ უგზავნით მას დავალებას ინგლისურად, პასუხს კი იღებთ მომენტალურად.Quissly - ჩატზე დაფუძნებული პროდუქტების საძიებო სისტემაა, რომელიც ონლაინ მოვაჭრეებს ეხმარება, შექმნან მომხმარებელზე მორგებული გამოცდილება და ხელი შეუწყონ გაყიდვების ზრდას.Aino - Aino prompt-ზე დაფუძნებული მდებარეობის დაზვერვის პლატფორმაა, რომელიც გეო-მონაცემების შეგროვებისა და დამუშავების მეშვეობით ეხმარება მონაცემთა ანალიტიკოსებს, არქიტექტორებს, ურბანულ დამგეგმარებლებს და სხვა დარგის წარმომადგენლებს, იმუშაონ სივრცით მონაცემებზე გლობალურად, სპეციფიკური GIS უნარების გარეშე.Faqtor - იყიდე ახლა, გადაიხადე მერე – გადაწყვეტა ბიზნესისთვის. პლატფორმა კომპანიებს სთავაზობს სესხს იმ მომენტში, როდესაც ყველაზე მეტად სჭირდებათ. დამტკიცების პროცესის დასაჩქარებლად, Faqtor იყენებს AI-ზე დაფუძნებულ სისტემას, რომელიც სესხის დამუშავების დროს კვირებიდან რამდენიმე დღემდე ამცირებს.ინფორმაციისთვის, 500 Global in Eurasia 12 კვირიანი, სტარტაპების გადამზადების ინტენსიური პროგრამაა, რომლის ფარგლებშიც მონაწილეები გამოიმუშავებენ ყველა იმ საჭირო უნარს და იძენენ იმ ინსტრუმენტებს, რომელიც მათ სწრაფ ზრდაში დაეხმარება. პროგრამაში მონაწილეობა უკვე მიიღო აღმოსავლეთ ევროპის, კავკასიისა და ცენტრალური აზიის 80-ზე მეტმა სტარტაპმა.500 Global არის გლობალური ვენჩურული საინვესტიციო კომპანია, რომელიც, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2 900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 25 ქვეყნიდან, 150+ წევრს აერთიანებს, რომლებსაც წამყვან ტექნოლოგიურ კომპანიებში მუშაობის გამოცდილება აქვთ.

1750751804