ბანკები და ფინანსები ელ.ვერსია #615

ვიზიტის ფარგლებში საქართველოს გარემოს დაცვისა და სოფლის მეურნეობის სამინისტროსა და ტაჯიკეთის რესპუბლიკის სოფლის მეურნეობის სამინისტროს შორის, სოფლის მეურნეობის სფეროში თანამშრომლობის შესახებ ურთიერთგაგების მემორანდუმი გაფორმდა.მემორანდუმს, რომლის მიზანსაც ქვეყნებს შორის სოფლის მეურნეობის სექტორში ორმხრივად სასარგებლო თანამშრომლობის განვითარება და გაღრმავება წარმოადგენს, ხელი საქართველოს გარემოს დაცვისა და სოფლის მეურნეობის მინისტრმა დავით სონღულაშვილმა და ტაჯიკეთის რესპუბლიკის სოფლის მეურნეობის მინისტრმა ქურბონ ჰაკიმზოდამ მოაწერეს.მემორანდუმი ითვალისწინებს თანამშრომლობას ისეთი მნიშვნელოვანი მიმართულებებით, როგორიცაა: მარცვლეულის წარმოება, მეცხოველეობა და მეფრინველეობა, მცენარეთა დაცვა დაავადებებისა და მავნებლებისგან, ერთობლივი სამეცნიერო-კვლევითი საქმიანობა, პროფესიული განვითარება, სოფლის მეურნეობის სფეროში სპეციალისტებს შორის გამოცდილების გაზიარება, ასევე ინფორმაციის გაცვლა და მონაწილეობა კონფერენციებში, სემინარებსა და გამოფენებში.მემორანდუმი ასევე ითვალისწინებს სოფლის მეურნეობის პროდუქციის ექსპორტის ზრდის ხელშეწყობას. ეკოტურიზმისა და აგროტურიზმის სფეროებში თანამშრომლობის გაძლიერებას.

1781879809

მისივე თქმით,  პირველი კვარტლის ეკონომიკურ ზრდაში მნიშვნელოვანი პოზიტიური წვლილი შეიტანა ინფორმაციისა და კომუნიკაციების, ტრანსპორტის და დასაწყობების, ასევე ვაჭრობის, ჯანდაცვის და სხვა სექტორებმა. ვახტანგ ცინცაძის განცხადებით, არსებული მონაცემები კიდევ ერთხელ მეტყველებს იმაზე, რომ ბოლო თვეების და წლების განმავლობაში დაფიქსირებული საქართველოს ეკონომიკური ზრდის ტემპები შემდგომ პერიოდშიც გაგრძელდება.„საქართველოს მთავრობას საკმაოდ ამბიციური მიზნები აქვს ამ თვალსაზრისით. შესაბამისად, არაერთი მიმართულებით მიმდინარეობს მუშაობა, მათ შორის გამოვყოფდი იმ მნიშვნელოვან ცვლილებებს, რომელიც კერძო სექტორის დაფინანსების ზრდის მიმართულებით განხორციელდა - შეიქმნა ეკონომიკური განვითარების კორპორაცია, რომელსაც საკმაოდ ამბიციური გეგმები აქვს. ასევე მოსალოდნელია მსხვილი ინფრასტრუქტურული პროექტების დაჩქარება, რაზეც საქართველოს მთავრობას კონკრეტული, ვადებში გაწერილი გეგმა აქვს.  შესაბამისად, მნიშვნელოვანი ინფრასტრუქტურული პროექტები და ასევე კერძო სექტორის კონკურენტუნარიანობის ზრდის მიმართულებით გადადგმული ნაბიჯები ხელს უწყობს აღნიშნული ეკონომიკური ზრდის მიღწევას“, - განაცხადა ვახტანგ ცინცაძემ.ამასთან, პოზიტიური ტენდენციები გრძელდება საგარეო ვაჭრობის მიმართულებით, მინისტრის მოადგილე მათ შორის ხაზს უსვამს ადგილობრივი ექსპორტის კუთხით დაფიქსირებულ პოზიტიურ ტენდენციებს. კერძოდ, იანვარ-მაისის პერიოდში ადგილობრივი ექსპორტის ზრდამ 66%-ს გადააჭარბა და ფაქტობრივად, 2 მილიარდ აშშ დოლარს გაუტოლდა. ვახტანგ ცინცაძის შეფასებით, ადგილობრივი ექსპორტის ზრდა ნიშნავს, რომ საქართველოში წარმოებული პროდუქციის კონკურენტუნარიანობა საერთაშორისო ბაზრებზე მზარდია, რაც აღნიშნული მაჩვენებლებით დასტურდება.„მათ შორის, მნიშვნელოვანი ზრდა ფიქსირდება ჩინეთის მიმართულებით, კერძოდ, აღსანიშნავია, რომ ჩინეთში გაზრდილია სხვადასხვა პროდუქტების ექსპორტი. ასევე საკმაოდ მაღალი ზრდა ფიქსირდება თურქეთის, ევროკავშირის ქვეყნების, მათ შორის ბულგარეთისა და სხვა ქვეყნების მიმართულებით. ყოველივე ზემოაღნიშნული, რა თქმა უნდა, პოზიტიურად აისახება როგორც ეკონომიკური ზრდის მონაცემებზე, ასევე რეალურ ეკონომიკაში სამუშაო ადგილების შექმნასა და სხვა მაკროეკონომიკურ მაჩვენებლებზე“, - აღნიშნა მინისტრის მოადგილემ.ვახტანგ ცინცაძის განცხადებით, ეკონომიკური ზრდის და საგარეო ვაჭრობის კუთხით არსებული დადებითი ტენდენციები კიდევ ერთხელ ამყარებს მოლოდინს, რომ 2026 წელს საქართველოს ეკონომიკური ზრდის მაჩვენებლები იმაზე უფრო მაღალი იქნება, ვიდრე ამას სხვადასხვა საერთაშორისო საფინანსო ინსტიტუტები პროგნოზირებენ.

1781868475

შეხვედრის მონაწილეებს სემეკის მხრიდან მიეწოდათ ინფორმაცია საქართველოს ელექტროენერგეტიკის სექტორში არსებული მარეგულირებელი ჩარჩოს, სატარიფო რეგულირებისა და ენერგეტიკის სექტორში რეგიონული თანამშრომლობის ხელშემწყობი მექანიზმების შესახებ.გიორგი ფანგანთან ერთად შეხვედრაში მონაწილეობა მიიღო სემეკის ელექტროენერგეტიკის დეპარტამენტის დირექტორმა, თორნიკე აფრიაშვილმა.შეხვედრის მიზანს წარმოადგენდა სამხრეთ კავკასიის ქვეყნებისა და თურქეთის რეგიონული ენერგეტიკული თანამშრომლობის ხელშეწყობა, საზღვრისპირა კავშირებისა და სუფთა ენერგიის გარდამავალი პრიორიტეტების დაკავშირება. ინიციატივა მხარს უჭერს რეგიონში ენერგეტიკული უსაფრთხოებისა და მდგრადობის გაძლიერებას.EU4Energy-ის მესამე ფაზა დაფინანსებულია ევროკავშირის მიერ, რომელსაც ევროპის ენერგეტიკის მარეგულირებელთა საბჭო (CEER) ახორციელებს. პროექტის მიზანია ხელი შეუწყოს აღმოსავლეთ პარტნიორობის ქვეყნებში ურთიერთდაკავშირებულ, უსაფრთხო, მდგრად და დაბალი ემისიების მქონე ენერგოსისტემებზე დაჩქარებულ გადასვლას.

1781865016

ღონისძიება აერთიანებს ცენტრალური ბანკების, საერთაშორისო ორგანიზაციების, აკადემიური წრეებისა და კერძო სექტორის წარმომადგენლებს, რომლებიც განიხილავენ ფინანსური ინფრასტრუქტურის, გადახდების, ციფრული ინოვაციური ტექნოლოგიების, მონაცემთა გაცვლისა და ფინანსური სისტემების ეფექტიანობის ზრდასთან დაკავშირებულ საკითხებს.პანელურ დისკუსიაში ეკატერინე გალდავამ ვრცლად ისაუბრა გადახდის სისტემების მოდერნიზაციის მიმართულებით საქართველოს გამოცდილებაზე. მან ყურადღება გაამახვილა საქართველოს ეროვნული ბანკის მიერ განხორციელებულ რეფორმებზე, მათ შორის, თანამედროვე საგადახდო ინფრასტრუქტურის განვითარებაზე, ISO 20022-ის სტანდარტების დანერგვასა და მყისიერი გადახდების ეკოსისტემის შექმნაზე.დისკუსიის ფარგლებში მონაწილეებმა ვირტუალური აქტივების ეკოსისტემასთან დაკავშირებული რეგულირების, ზედამხედველობისა და ტექნოლოგიური განვითარების საკითხები განიხილეს. ეკატერინე გალდავამ მონაწილეებს გააცნო საქართველოს ეროვნული ბანკის მიდგომა ვირტუალური აქტივების სექტორის რეგულირების მიმართულებით. როგორც მან აღნიშნა, ეროვნულმა ბანკმა ვირტუალური აქტივების მომსახურების პროვაიდერების რეგულირება თავდაპირველად ფულის გათეთრებისა და ტერორიზმის დაფინანსების აღკვეთის (AML/CFT) მოთხოვნების დანერგვით დაიწყო, ხოლო მიმდინარე წლიდან სექტორზე პრუდენციული ზედამხედველობაც გავრცელდა, რაც ბაზრის რისკების ეფექტიანი მართვისა და მომხმარებელთა ინტერესების დაცვის გაძლიერებისკენ არის მიმართული.დისკუსიის მონაწილეებმა ასევე იმსჯელეს ფინანსური სისტემების მომავალზე, სხვადასხვა ტექნოლოგიური გადაწყვეტის გამოყენების შესაძლებლობებსა და მათთან დაკავშირებულ გამოწვევებზე. აღინიშნა, რომ ფინანსური სექტორის მდგრადი განვითარებისთვის მნიშვნელოვანია ისეთი გარემოს შექმნა, რომელიც ხელს უწყობს ინოვაციას, ამავდროულად უზრუნველყოფს უსაფრთხოებას, სანდოობას, გამჭვირვალობასა და საერთაშორისო სტანდარტებთან შესაბამისობას.ღონისძიებაში ეკატერინე გალდავასთან ერთად ასევე მონაწილეობდა სებ-ის საგადახდო სისტემების დეპარტამენტის უფროსი ნატალია ჭყოიძე. შეხვედრებისა და დისკუსიების ფარგლებში სებ-ის წარმომადგენლებმა საერთაშორისო პარტნიორებს გააცნეს საქართველოს გამოცდილება გადახდების სფეროში მიმდინარე რეფორმების, საგადახდო ინფრასტრუქტურის მოდერნიზაციისა და რეგულირების მიმართულებით, რაც ცოდნისა და საუკეთესო პრაქტიკის საერთაშორისო დონეზე გაზიარებას უწყობს ხელს.

1781863268

"მაღალ ინფლაციური და დაბალ ინფლაციური რისკის სცენარები არსებული მდგომარეობით ეროვნული ბანკის ცენტრალურ სცენართან სრულ თანხვედრაშია. თუმცა გეოპოლიტიკური ვითარებიდან გამომდინარე, საკმაოდ დიდი გაურკვევლობა და რისკი არსებობს. თუ აღნიშნული მდგომარეობა კიდევ უფრო გამწვავდა, მოსალოდნელია ნავთობის ფასების ზრდის გაგრძელება, რაც დამატებით ინფლაციურ ზეწოლას შექმნის და 3%-დან გადახრილი ინფლაცია ხანგრძლივად შენარჩუნდება. ასეთ შემთხვევაში, თუ რისკი რეალიზდა, მონეტარული პოლიტიკის რეაგირებაც შესაბამისი იქნება - მოსალოდნელია უფრო მაღალი მონეტარული პოლიტიკის ტრაექტორია. ამასთან, ჩვენ დაბალ ინფლაციური სცენარის განვითარების შესაძლებლობასაც ვხედავთ. ტენდენციები აჩვენებს, რომ მიუხედავად ძლიერი საგარეო შოკისა, საქართველოს საგარეო ბალანსი საკმაოდ ძლიერია. ბოლო მონაცემებით, ექსპორტიდან მიღებული შემოსავალი 15%-ით, ხოლო ფულადი გზავნილები დაახლოებით 7%-ით გაიზარდა", – აღნიშნავს სებ-ის წარმომადგენელი.თამთა სოფრომაძე ეკონომიკური ზრდის ტემპსაც მიმოიხილავს და აღნიშნავს, რომ გაზრდილი მაჩვენებელი ძირითადად მაღალპროდუქტიული სექტორების ზრდითაა განპირობებული."ეკონომიკური ზრდა მიმდინარე წელს 8.3%-ს შეადგენს, რაც ძირითადად მაღალპროდუქტიული სექტორების ზრდითაა გამოწვეული, მაგალითად, როგორიცაა IT სექტორი. რადგან ეკონომიკური ზრდა სწორედ მაღალპროდუქტიული სექტორებიდან მომდინარეობს, ეს დამატებით ჭარბი მოთხოვნიდან ფასებზე ზეწოლადს არ ქმნის და ამავდროულად, საგარეო მდგომარეობის გაუმჯობესებასაც განაპირობებს", - აცხადებს სებ-ის მაკროეკონომიკისა და სტატისტიკის დეპარტამენტის უფროსი.თამთა სოფრომაძე მონეტარული პოლიტიკის კომიტეტის გადაწყვეტილებაზეც საუბრობს, რომლის მიხედვითაც რეფინანსირების განაკვეთი უცვლელად 8.25%-ზე შენარჩუნდა, მისივე განმარტებით, აღნიშნული გადაწყვეტილების მთავარი მიზანი ქვეყანაში ფასების სტაბილურობის შენარჩუნებაა."მონეტარული პოლიტიკის კომიტეტის გადაწყვეტილების მთავარი მოტივი საქართველოში ფასების სტაბილურობის შენარჩუნებაა. საშუალოვადიან პერიოდში ინფლაცია 3%-თან ახლოს უნდა იყოს. მოკლევადიან პერიოდში, საგარეო შოკების გავლენით, არსებობს შესაძლებლობა, რომ ინფლაცია 3%-იანი მიზნობრივი მაჩვენებლიდან გადაიხაროს", - აცხადებს სებ-ის წარმომადგენელი.წყარო: „ბიზნესპარტნიორი“

1781860727

ფესტივალი ცენტრალური და აღმოსავლეთ ევროპის ქვეყნების მეღვინეებს აერთიანებს. ღონისძიების სტუმრებს შესაძლებლობა მიეცათ, დაეგემოვნებინათ ქართული ღვინის მწარმოებელი 20-მდე კომპანიის სხვადასხვა დასახელების ღვინო.ფესტივალის ფარგლებში გაიმართა ქართული ღვინის მასტერკლასიც, სადაც წარმოდგენილი იყო სხვადასხვა საერთაშორისო კონკურსში გამარჯვებული ქართული ღვინოები. მასტერკლასს მედიის, კომერციული და HoReCa სექტორის 40-მდე წარმომადგენელი დაესწრო.ღვინის ეროვნული სააგენტოს ფინანსური უზრუნველყოფით, 2026 წელს დიდ ბრიტანეთში ქართული ღვინის მარკეტინგულ კომპანიას „Swirl Wine Group” უძღვება. აღნიშნული კამპანიის ფარგლებში, დეგუსტაცია-სემინარები დიდი ბრიტანეთის სხვადასხვა ქალაქში იმართება; ქართული ღვინო წარმოდგენილია საერთაშორისო გამოფენებზე, ხორციელდება მიზნობრივი სარეკლამო და მედია კამპანიები.აღსანიშნავია, რომ მიმდინარე წლის იანვარ-მაისში, საქართველოდან დიდ ბრიტანეთში ექსპორტირებულია 125 ათას ლიტრამდე ქართული ღვინო, რაც გასული წლის ანალოგიურ მაჩვენებელს 8%-ით აღემატება.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ამერიკის, ევროპის და სამხრეთ-აღმოსავლეთ აზიის ბაზრებზე ახორციელებს.

1781860634