ბანკები და ფინანსები ელ.ვერსია #594

„თუ არ იქნება ევროპულზე უფრო იაფი, მაშინ კომპანიები რუსულ საწვავს არ შ...

ნავთობპროდუქტების იმპორტი ოდნავ შემცირდა, თუმცა მოთხოვნა სტაბილურად შენარჩუნებულია. როგორც ვიცით, ნავთობპროდუქტების ბაზარზე ბოლო პერიოდში არაერთი ცვლილება განხორციელდა, რაც დაკავშირებულია რუსეთის გადაწყვეტილებასთან, რომლის საფუძველზეც ბენზინის ექსპორტი შეიზღუდა. შესაბამისად, საქართველოში რუსეთიდან ამ პროდუქტის იმპორტი გაჩერდა. მართალია, რამდენიმე დღის წინ აკრძალვა გაუქმდა, თუმცა ახლა ბიზნესისთვის მთავარია რამდენად მისაღები იქნება საფასო პოლიტიკა და ისარგებლებს თუ არა ქვეყანა შეღავათიანი, ე.წ. ,,პლატც მინუსის" ტარიფით, რაც თავის დროზე ნავთობპროდუქტების ბაზარზე რუსეთთან დამოკიდებულებას ამყარებდა.რაც შეეხება ოფიციალურ სტატისტიკას, ტენდენცია გარკვეულწილად შეიცვალა და მიმდინარე წლის სექტემბერ-ოქტომბერში, საქართველოში ნავთობისა და ნავთობპროდუქტების იმპორტი 212.3 მლნ აშშ დოლარამდე შემცირდა. გასული წლის ანალოგიურ პერიოდში კი, საქართველოში 262.6 მლნ აშშ დოლარის პროდუქცია შემოვიდა.შემცირება განსაკუთრებით მასშტაბურია რუსეთისგან შეძენილი ნავთობპროდუქტების მიმართულებით. 21 სექტემბრიდან რუსეთის მთავრობამ, შიდა ბაზრის სტაბილიზაციის მიზნით, ბენზინისა და დიზელის ექსპორტზე დროებითი აკრძალვა შემოიღო, რასაც რიგი გამონაკლისები ერთვოდა. ამან, ცხადია, შეამცირა იმპორტი საქართველოში. გასული წლის ანალოგიურ პერიოდთან შედარებით, საქართველოში 42.8%-ით ნაკლები ნავთობი და ნავთობპროდუქტები შემოვიდა. დეტალური სტატისტიკა კი, ასე გამოიყურება:2022 წლის სექტემბერ-ოქტომბერში საქართველომ რუსეთისგან 157.8 მლნ აშშ დოლარის 163 705 ტონა ნავთობი იყიდა, მიმდინარე წლის ანალოგიურ პერიოდში კი, მხოლოდ 67.6 მლნ აშშ დოლარის 81 608 ტონა ნავთობი და ნავთობპროდუქტები.მართალია, იმპორტის მაჩვენებლებში კლებაა, თუმცა, როგორც ნავთობპროდუქტების იმპორტიორთა კავშირის ხელმძღვანელი ვახტანგ იობაშვილი ,,ბიზნეს-რეზონანსთან" ამბობს, ეს მარაგის ხარჯზე მოხდა.,,რუსეთიდან იმპორტი შემცირდა იმიტომ, რომ ამ პროცესს პოლიტიკური ელფერი მიეცა. ეს ეხება  ყველანაირ მიმართულებას ეკონომიკაში - პოლიტიკური ენით გველაპარაკებიან.რაც შეეხება საწვავის იმპორტის შემცირებას, კლება ფიქსირდება რუსეთიდან, მაგრამ მარაგი გვქონდა და ამან ავტომატურად იმოქმედა იმპორტის მაჩვენებლებზე, მოთხოვნა არ შემცირებულა. აქამდე რუსეთი საწვავს გვაძლევდა იაფად - ,,პლატც მინუსით", შესაბამისად, რუსეთიდან შემოსული საწვავი ბევრად იაფი გვიჯდებოდა.რუსეთიდან შემოდის საგზაო ბიტუმი და თხევადი აირიც, რაზეც შეზღუდვა არ დაწესებულა. თუკი ქართული ბაზრისთვის რუსული საწვავის ფასი არ იქნება მისაღები, ეს პრივილეგია თუ არ შენარჩუნდება, შეზღუდვების მოხსნას აზრი არ ექნება. მოწოდების რეჟიმი არანაირად არ ახდენს გავლენას იმპორტზე, არც ტრანზიტი შემცირებულა რეალურად,  როდესაც ერთი ბაზრიდან მეორე ბაზარზე ხდება გადართვა, ეს, რა თქმა უნდა, თავის გავლენას ახდენს", - განაცხადა იობაშვილმა.მისი შეფასებით,  რუსეთიდან შესასყიდი ფასი თუ არ დაიწევს, საწვავის იმპორტი აზრს დაკარგავს და უპირატესობა ისევ ევროპულ პროდუქტს მიენიჭება. თავის  დროზე, როცა ქართული კომპანიები შევიდნენ რუსულ ბაზარზე  და მომარაგება გააქტიურდა, ამ პროცესს სწორედ ფასმა შეუწყო ხელი.,,რუსეთმა ბენზინის ექსპორტზე დააწესა ჯერ შეზღუდვა და მერე საერთოდ  აკრძალა, რასაც წინ უძღოდა მათ  ტერიტორიაზე გადაზიდვების გაძვირება. ფასიანი გახადა ეს მომსახურება, რამაც თავდაპირველად მცირე ბიჯებით გააძვირა საწვავი.ახლა აკრძალვა გაუქმებულია და შეგვიძლია რუსეთიდან მივიღოთ ,,რეგულარის“ ტიპის საწვავი იმ პირობით, თუ ტარიფი შეღავათიანი იქნება და ევროპული ქვეყნებიდან იმპორტირებულ პროდუქტზე იაფი დაჯდება. წინააღმდეგ შემთხვევაში, რუსეთიდან ბენზინის იმპორტს აზრი არ აქვს. ამ ეტაპზე დიდი უპირატესობით ევროპული საწვავის იმპორტს ვახორციელებთ. თუ არ იქნება უფრო იაფი, ვიდრე ევროპიდან, მაშინ კომპანიები რუსულ საწვავს არ შემოიტანენ; ანუ არსებული „პლატცის“ პოლიტიკით თუ მოგვაწოდებენ, ინტერესი გაქრება, რადგან არც ბიზნესისთვის, არც სახელმწიფოსა და მომხმარებლებისთვის მომგებიანი არ იქნება“, - განაცხადა ვახტანგ იობაშვილმა.აღსანიშნავია, რომ რუსეთის მთავრობის მიერ მიღებულ რეგულაციამდე რუსული ნავთობის წილი ქართულ ბაზარზე 62.3%-ს შეადგენდა, მიმდინარე წლის სექტემბერ ოქტომბერში კი, ანუ მას შემდეგ, რაც რეგულაცია ამოქმედდა, რუსული ნავთობისა და ნავთობპროდუქტების წილი ქართულ ბაზარზე 31.8%-ია.რუსეთის მთავრობამ შესაძლოა, უახლოეს პერიოდში აკრძალვა დიზელის საწვავის ექსპორტზეც გააუქმოს. ამის შესახებ რუსეთის ვიცეპრემიერ ალექსანდრ ნოვაკმა ფედერაციის საბჭოში განაცხადა. მისი ინფორმაციით, ვითარება დასტაბილურდა, ბაზარი ამჟამად გაჯერებული, დაბალანსებულია და ამ გადაწყვეტილებებმა თავისი ფუნქცია შეასრულა. ამიტომ აკრძალვა ჯერ ბენზინის ექსპორტზე მოიხსნა, რაც უახლოეს მომავალში დიზელის საწვავზეც გაუქმდება.მანამდე კი, 2023 წლის 21 სექტემბრიდან რუსეთის მთავრობამ შიდა ბაზრის სტაბილიზაციის მიზნით ბენზინისა და დიზელის ექსპორტზე დროებითი აკრძალვა შემოიღო, რასაც რიგი გამონაკლისები ერთვოდა. 6 ოქტომბერს შეზღუდვები მილსადენებით დიზელის საწვავის საზღვაო პორტებში ექსპორტზე გაუქმდა იმ მწარმოებლებისთვის, რომლებიც შიდა ბაზარს წარმოებული დიზელის, მინიმუმ, 50%-ს აწვდიდნენ. შემდეგ, 17 ნოემბრიდან მთავრობამ ბენზინის ექსპორტის დროებითი აკრძალვაც გააუქმა.წყარო: resonancedaily.com

რუსეთმა ჩინეთისთვის გაზის მიწოდება რეკორდულად გაზარდა

„25 ნოემბერს ჩინური მხარის განცხადებამ რუსული გაზის მიწოდებაზე ციმბირის გაზსადენით კვლავ გადააჭარბა ყოველდღიურ სახელშეკრულებო ვალდებულებებს. გაზპრომმა მიიტანა ყველა მოთხოვნილი მოცულობა და დაამყარა ახალი ისტორიული რეკორდი ჩინეთისთვის გაზის ყოველდღიური მიწოდებით“, - აღნიშნავს გაზპრომმის პრესსამსახური.ჰოლდინგმა აღნიშნა, რომ მიწოდება ხორციელდება CNPC-სა და Gazprom-ს შორის გაზის ყიდვა-გაყიდვის ორმხრივი გრძელვადიანი ხელშეკრულებით.2022 წლის ბოლოს რუსეთმა ჩინეთში 15,5 მილიარდი კუბური მეტრი გაზის ექსპორტი განახორციელა ციმბირის გაზსადენის მეშვეობით. რუსული გაზის მიწოდება ჩინეთისთვის 2023 წელს ციმბირის სიმძლავრის მეშვეობით, სავარაუდოდ, 22 მილიარდ კუბურ მეტრს მიაღწევს. 2025 წელს გაზსადენი სავარაუდოდ მიაღწევს საპროექტო სიმძლავრეს 38 მილიარდ კუბურ მეტრს.

თითქმის მთელი რუსული ნავთობი დასავლეთის მიერ დადგენილ ჭერზე მაღალ ფასა...

„უახლესი მტკიცებულებები მიუთითებს იმაზე, რომ ჩვენ გვჭირდება ჩვენი მიდგომის გამკაცრება... არ არსებობს სურვილი, რომ რუსეთს ამის გაგრძელების უფლება მივცეთ“, - ამბობს ოფიციალური პირი.რუსული ურალის გადაზიდვის საშუალო ფასმა ივლისში ბარელზე 60 დოლარს გადააჭარბა. ოქტომბერში, ფინანსთა სამინისტროს ინფორმაციით, მან 81,52 აშშ დოლარი შეადგინა. მსოფლიო ბაზარზე ფასების ზრდამ, ძირითადად საუდის არაბეთიდან და რუსეთიდან მიწოდების შემცირებით და ასევე ჩრდილოვანი ფლოტის გაფართოებამ, რომელიც რუსულ ნავთობს დასავლური სადაზღვევო და ფინანსური კომპანიების სერვისების გამოყენების გარეშე გადააქვს, დიდი წვლილი შეიტანა პროცესში.ოქტომბერში რუსული ნავთობის გადამზიდავი 134 ტანკერიდან მხოლოდ 37-ს (28%) ჰქონდა დასავლური დაზღვევა, რომლის მიღება მხოლოდ ბარელზე 60 დოლარამდე შესყიდვის დადასტურებით შეიძლება. დასავლეთის ოფიციალური პირების თქმით, ასეთი გემების რაოდენობა ახლა გაცილებით მცირეა. გარდა ამისა, მათი აზრით, მზღვეველებს ხშირად აწვდიან არასწორ ინფორმაციას. ერთ-ერთი სქემა, რომელიც საშუალებას იძლევა გადაილახოს ჭერი, გულისხმობს ტრანსპორტირების ხარჯების გაზრდას (რაც ამცირებს მითითებულ ტრანზაქციის ფასს საჭირო 60 დოლარამდე).დასავლელი ოფიციალური პირები და ექსპერტები ამბობენ, რომ ჭერმა როლი ითამაშა.„ტანკერების ყიდვის აუცილებლობაა, კრემლს ძალიან უჭირის მათი ყიდვა. სანქციების მკაცრი აღსრულება აიძულებს რუსეთს ან გაყიდოს მეტი ნავთობი ჭერის ფარგლებში, ან მეტი დახარჯოს ლოგისტიკაზე სანქციებზე გვერდის ავლის მზინით, ამტკიცებს ნოსტრანდი“, - აცხადებს ხაზინის მდივნის თანაშემწე ეკონომიკური პოლიტიკის საკითხებში ერიკ ვან ნოსტრანდი.სატრანსპორტო მარშრუტების მნიშვნელოვანი ცვლილება, მათი გაზრდა, (ბალტიის და შავი ზღვების პორტებიდან ნავთობი ახლა უნდა გადაიტანოს არა ევროპაში, არამედ ინდოეთში), უფრო მაღალმა სადაზღვევო პრემიებმა და დამატებითი კაპიტალის ინვესტიციებმა გაზარდა რუსული კომპანიების ხარჯები ნავთობის გაყიდვის ოპერაციებში $36-ით.დასავლეთის ქვეყნებმა ახლახან დაიწყეს სანქციების დაწესება ნავთობის სანქციების დამრღვევთა წინააღმდეგ. ერთი თვის წინ შეერთებულმა შტატებმა დასაჯა ორი გადამზიდავი კომპანია - თურქეთიდან და არაბეთის გაერთიანებული საამიროებიდან, ხოლო გასულ კვირას დიდმა ბრიტანეთმა სანქციები დააწესა დუბაიში მდებარე Paramount Energy & Commodities-ის წინააღმდეგ. ცოტა ხნის წინ აშშ-ს ფინანსთა დეპარტამენტმა 30 გადამზიდავი კომპანიისგან მოითხოვა ინფორმაცია ასობით ტანკერის შესახებ, რომლებსაც შეეძლოთ რუსული ნავთობის გადაზიდვა სანქციების გვერდის ავლით, იტყობინება Reuters.30 კომპანიიდან 17 რეგისტრირებულია G7-ის ქვეყნებში, რომლებიც ადგენენ ზღვარს, განუცხადა FT-ს მოთხოვნის მცოდნე პირმა. დანარჩენებიდან - 6 მდებარეობს არაბეთის გაერთიანებულ საამიროებში, თურქეთში, ინდოეთში, ჩინეთში, ჰონგ კონგსა და ინდონეზიაში.

„თბილისი ენერჯი“ - სარეაბილიტაციო სამუშაოების გამო 12 000 აბონენტს გაზ...

კომპანიის განმარტებით, ქსელის სარეაბილიტაციო სამუშაოების გამო, ხვალ, 8 ნოემბრის 11:00 საათიდან 9 ნოემბრის 10:00 საათამდე გაზის მიწოდება შეუწყდება:გლდანი-სანზონის ტერიტორიაზე – ფეიქრების ქ. 8, 14 და 14ა-ში მდებარე დევნილებით ჩასახლებული საცხოვრებელი კორპუსებისა და ფეიქრების ჩიხი 8-ში მცხოვრებ კერძო სექტორის მოსახლეობას, ასევე ფეიქრების ქუჩაზე მდებარე კომერციულ ობიექტებს, მათ შორისაა: შპს ,,გრანდ ქენდი”, შპს ,,გეოტერა”, ,,ბესტ-ტობაკო”, შპს ,,ჯორჯიან უოთერ ენდ ფაუერი”, ,,გივის დუქანი”, შპს ,,ტოპ მოტორსი”, შპს ,,ჯი არ სი”, სს ,,რეზონანსი”, შპს ,,გაგრა-პლიუსი”, შპს ,,ნაისი”, შპს ,,მარულა”, შპს ,,პრიმა-პლიუსი”, შპს ,,სამთა”, შპს ,,დენ ბრავენ ჯორჯია”, სს ,,ქართულ შალი”, შპს ,,ავტო-ბანი 2000”, შპს ,,ჯორჯია ენერგო”, წყალსადენის ქ. 20-ში შპს ,,ფუდ მენეჯმენტ გრუპ”, შპს ,,ჯი არ სი”, მოქ. შავლეგი ჩაგინავას მცირე კომერციულ ობიექტს და სხვა; დიღომში - აკაკი ბელიაშვილის ქ. 40-ში მდებარე დევნილებით ჩასახლებული საცხოვრებელი კორპუსების, კერძოდ, ყოფ. # 140-ე პროფ. სასწავლებლის ს/ს, პედიატრიის ინსტიტუტის ს/ს, ბელიაშვილის შეს. 12, ბელიაშვილის II ჩიხი 3 - მიონის ყოფ. საბავშვო ბაღის შენობას, ჯორჯ ბალანჩინის, დისევის, ნოდარ ბოხუას, ლუბლიანას, ბელიაშვილის, გიორგი ტერევერკოს, ესმა ონიანის, ჭიაურელის ქუჩების საცხოვრებელი კორპუსებისა და კერძო სექტორის მოსახლეობის ნაწილს, ასევე ზემოთ აღნიშნულ ტერიტორიაზე განთავსებულ საზკვების, სამრეწველო, კომუნალურ ობიექტებს: მათ შორისაა: შპს ,,ღუდუშაურის სახ. ეროვნული სამედიცინო ცენტრი”, ჟვანიას სახ. პედიატრიული კლინიკა, შპს ,,მიქაელ მთავარანგელოზის სახელობის კლინიკური საავადმყოფო”, შპს ,,ჯოენის სახელობის ცენტრი”, სს სამედიცინო კორპორაცია ,,ევექსი”, ერისთავის სახელობის ექსპერიმენტული კლინიკური ქირურგიის ცენტრი”, შპს ,,გულისა და სისხლძარღვთა კლინიკა”, ი/მ ნათია სიჭინავა, შპს ,,უნიმედი”, შპს ,,იმკ 91”, წმ. ნიკოლოზის სახელობის კერძო სკოლა, ეროვნული ზარაფხანა, ,,მიონი”-ს შენობა, გაზგასამართი სადგური ,,რეალგაზი”, შპს ,,ნიუ მოტორსი”, შპს ,,უნივერსალი”, შპს ,,საქმიანი სახლი”, შპს ,,სპორტმშენსერვისი”, შპს ,,აზერ რამან კო”, სკოლა ,,ბრიტანული ცენტრი”, შპს “M პროდაქტი”, შპს ,,პირველი ნაბიჯი საქართველო”, შპს ,,ახალი სამშენებლო კომპანია”, შპს ,,სოფია გოლდ კომნპანი”, შპს ,,ასტრა პარკი“, შპს ,,პარაგრაფი”, შპს ,,ჩარდახი”, შპს ,,თერმარსენალი”, შპს ,,ფერი”, შპს ,,თ და გ”, შპს ,,თერმოინდუსტრია”, შპს ,,ბაზი”, შპს ,,ნიუ ვიჟენ უნივერსიტეტი”, შპს ,,ვისოლ ავტო ექსპრესი”, შპს ,,შMAღთ GღOUP”, შპს ,,მილჰაუს+”, შპს ,,ღვინის ლაბორატორია”, შპს ,,კერხერი”, შპს ,,ბიზნეს სახლი”, შპს ,,ჰობ დეველოპმენტი”, შპს ,,ავტოკომფორტი”, შპს ,,აირკომპანი”, შპს ,,ორიენტ ლოჯიკი”, შპს ,,სტეპლაინი”, შპს ,,მონტაჟ ჯორჯია”, შპს ,,ფაინ თრი გრუპ”, ი/მ ვაჟა თოდუა, ი/მ თენგიზ სულაქველიძე, შპს ,,ნდს მშენებლობა”, შპს ,,ელგრო მოტორსი”, სს ,,გრინვეი საქართველო”, სამხარაულის ეროვნული ექსპერტიზის ბიურო, ააიპ საქართველოს ფეხბურთის ფედერაცია, შპს ,,ჯეოტურანი”, შპს ,,G & A GღOUP”, აგრარული უნივერსიტეტი, კლინიკა ,,ლანცეტი”, შპს ,,ქლინ ფლეისი”, შპს ,,საერთაშორისო კორპორაცია აი-სი-არ”, ,,ბეთელის მოხუცები”, შპს ,,ვიონი საქართველო”, შპს ,,თბილისის თავისუფალი სკოლა”, შპს ,,სიპიეს ჯორჯია”, შპს ,,ქიმიური კომპანია გეოჯემი”, შპს ,,ვალენტინი”, შპს ,,სუპერი”, ი/მ მურთაზი ვეშაგური. შპს ,,თეგეტა მოტორსი”, შპს ,,ფოლსვაგენის ცენტრი”, შპს ,,ჯოკო რესტორანი”, შპს ,,გრუსია”, სს ,,სმარტ რიტეილი”, ტექნიკური უნივერსიტეტი, სსიპ ,,სასწრაფო სამედიცინო დახმარების ცენტრი”, შპს ი/მ თეიმურაზ აკიშბაია – კვების ობიექტი, ბიოტექნოლოგიის ინსტიტუტი, დიღომი-გლდანის შემაერთებელ გზაზე მდებარე რესტორანი ,,მაკდონალდსი”, ოლიმპიური კომპლექსი, აშშ-ს საელჩო, სუპერმარკეტი ,,გუდვილი”, რესტორანი - ,,რიტონი+”, პანორამა, დიდი დიღმის III მ/რ-ის მიმდებარედ – რესტორანი ,,ბერმუხა”, რესტორანი ,,შარბათი”, რესტორანი ,,ფორტუნა”, მათემოტორსი, ასევე აღმაშენებლის ხეივანში განთავსებული საზკვების ობიექტები-რესტორნები და სხვა. დიდ დიღომში - დიდი დიღომი – როსტევან მეფის ქ. 1-ში შპს “ლაგი დიღომის”, მელიქ სურხავის ქ. 9 (ოთხი ათასი მესხის ქ. 9), ვეფხისტყაოსნის ქუჩის ნაწილს (2-დან 36-ის ჩათვლით, ასევე 43, 86), ნინო აბაშიძე ორბელიანის (უსენის) ქ. 1ა, ასმათის ქუჩის ნაწილს (1-დან 13-ის ჩათვლით, 2-დან 16-ის ჩათვლით) დიდი დიღმის ტერიტორიაზე, სოფ. დიღომის მიმდებარედ – როსტევან მეფის, დავარის, სოფ. დიღომი, ნაკვ. 039/028, სოფ. დიღომში – კორპ. 4, დიდი დიღომი, ნაკვ. 037/457-ში – ამხანაგობა ,,მეგობრობა 2012”-ის, იოანე პეტრიწის ქ. 1-ის მიმდებარედ, დიდი დიღმის III მ/რ-ის მიმდებარედ (ტელევიზორების ქარხნის მიმდებარედ) – ,,ამხანაგობა 135”-ის, შპს ,,ალფა დეველოპმენტ პლიუსი”-ს, მირიან მეფის, პეტრე იბერის ქუჩისა და შესახვევის, გიორგი ბრწყინვალის,, ქუჩებზე მდებარე საცხოვრებელი კორპუსების, დიდი დიღმის I მ/რ-ის, ცენტრალური გზის მიმდებარედ, დიდი დიღმის III მ/რ-ის მიმდებარე ტერიტორიაზე არსებული საცხოვრებელი კორპუსების, სოფ. ზურგოვანა და მიმდებარედ არსებული ამერიკელების დიპლომატიური დასახლება, ასევე სოფ. დიღომის მიმდებარედ - ნიკო ბურის, რამაზის, ნესტან დარეჯანის, ბარონ დე ბაის, იაკობ რაინეგსის, კრისტიან სტივენსის, 100 ათასი მეფის, ფარნავაზ მეფის, დემეტრე თავდადებულის, მირიან მეფისა და მიმდებარე ქუჩების კერძო სექტორის მოსახლეობის ნაწილს, ასევე აღნიშნულ ტერიტორიაზე განთავსებულ მსხვილ და მცირე კომერციულ ობიექტებს, და სხვა. (დაახლოებით 11 500-მდე აბონენტი) აღნიშნულ გათიშვასთან დაკავშირებით გაზმომარაგება შეუწყდება შპს ,,დიდი დიღომი”-ს აბონენტებსაც.გაზმომარაგების აღდგენა დაიწყება ხუთშაბათს - 9 ნოემბრის 10:00 სთ-დან 22:00 სთ-მდე. თბილისი ენერჯი ბოდიშს გიხდით აბონენტებს შექმნილი დისკომფორტის გამო. გთხოვთ, არ დატოვოთ გაზის ონკანები ღია მდგომარეობაში“, - ნათქვამია ინფორმაციაში.

კაშხლები და ჰიდროენერგეტიკა: ადაპტაცია ცვალებად სამყაროში

საქართველოს მაღალი კაშხლების ეროვნული კომიტეტის  კონფერენცია ეს  არის საერთაშორისო და ადგილობრივი სახელმწიფო თუ კერძო ორგანიზაციებისა და სხვა დაინტერესებული მხარეების შეკრება, სადაც ჰიდროენერგეტიკის, მელიორაციული წყალ სამეურნეო  ნაგებობების უსაფრთხოების უზრუნველყოფის  აქტუალური საკითხების გარშემო ხდება ცოდნისა და გამოცდილების გაცვლა და საერთაშორისო საუკეთესო პრაქტიკის გაზიარება.კონფერენციის მსვლელობისას ჩატარდება სამეცნიერო სესიები, სადაც წარსდგებიან სამეცნიერო თუ საინჟინრო სფეროს წარმომადგენლები და ისაუბრებენ  რეგიონში და ასევე მსოფლიოში  მიმდინარე მნიშვნელოვანი მიღწევებისა და გამოწვევების შესახებ. ღონისძიება ასევე მოიცავს საგამოფენო სესიას, სადაც საინჟინრო უსაფრთხოებისა და ინსტრუმენტული მონიტორინგის სისტემების მწარმოებელი კომპანიები წარმოადგენენ თავიანთ უახლეს ტექნოლოგიებს.აქვე გვინდა გაცნობოთ, რომ საქართველოს მაღალი კაშხლების ეროვნული კომიტეტის კონფერენციის ფარგლებში, 8-დან 10 ნოემბრის ჩათვლით ცნობილი  ესპანური საინჟინრო-საკონსულტაციო კომპანია, „iPresas – Risk Analysis”, ჩაატარებს სამდღიან სპეციალიზებულ ტრენინგს  ჰიდროტექნიკური ნაგებობების ტექნიკური უსაფრთხოების საკითხების შესახებ. ტრენინგი დამსწრეებს მიაწვდის მეტად ღირებულ ინფორმაციას ჰიდროენერგეტიკული ობიექტებისა და კაშხლების უსაფრთხო ოპერირებისათვის რისკების შეფასებაზე და მართვაზე.კონფერენციას გახსნის საქართველოს მაღალი კაშხლების ეროვნული კომიტეტი (GNCOLD)_ის თავმჯდომარე, ტექნიკურ მეცნიერებათა დოქტორი, პროფესორი დავით მირცხულავა, ასევე კონფერენციის სპიკერები არიან მსოფლიო ცნობილი  ექსპერტები იტალიიდან, შვეიცარიიდან, ესპანეთიდან, გერმანიიდან და ა.შ