თანამედროვე ბიზნესგარემო სწრაფად ცვალებადია. მომხმარებელთა ქცევები, მოთხოვნები და ბაზრის დინამიკა მუდმივ რეაგირებას საჭიროებს. ასეთ პირობებში, წარმატებული კომპანიები ოპერაციულ და სტრატეგიულ გადაწყვეტილებებს არა ინსტინქტზე, არამედ მონაცემებზე დაყრდნობით იღებენ.

ბიზნესის მენეჯმენტში ერთ-ერთი უცვლელი კითხვაა - როდის იზრდება შემოსავალი და რატომ? შემოსავლიანი თვეების, სეზონურობისა და მომხმარებლის ქცევის ანალიზი კი ბიზნესს შესაძლებლობას აძლევს, სწორი სტრატეგია შეიმუშაოს, ეფექტიანობა გაზარდოს და მონაცემებზე დაფუძნებული გადაწყვეტილებები მიიღოს.

საქართველოს ბანკის პლატფორმა ბიზნეს მენეჯერი სწორედ ამ მიზანს ემსახურება — დაეხმაროს მცირე, საშუალო თუ მსხვილ კომპანიებს ყოველდღიური ოპერაციების ანალიზში, თვეების მიხედვით შემოსავლის დინამიკის შეფასებასა და ეფექტური ქმედებების დაგეგმვაში.

ანალიტიკის მოდული – მონაცემების ტრანსფორმაცია მოქმედებად

ბიზნეს მენეჯერის ანალიტიკის მოდული ბიზნესს როგორც გადახდების სტატისტიკაზე, ასევე მომხმარებლის ქცევაზე სიღრმისეულ მონაცემებს აწვდის. გრაფიკების სახით წარმოდგენილი ინფორმაცია ბიზნესს ეხმარება, სწრაფად, მარტივად და ეფექტურად გაიგოს:

  • რომელი თვე იყო შემოსავლების მხრივ ყველაზე ძლიერი;
  • როდის დაფიქსირდა აქტივობის კლება;
  • როგორ იცვლება მომხმარებლების ქცევა დროის განმავლობაში;
  • რომელი გადახდის არხი ან მეთოდი სარგებლობს ყველაზე დიდი პოპულარობით ამა თუ იმ პერიოდში;

ამ მონაცემებზე დაყრდნობით, კომპანიებს შეუძლიათ სეზონურ ტენდენციებს დააკვირდნენ, პასიური თვეების განმავლობაში გაყიდვების სტიმულირება დაიწყონ ან მიზნობრივი შეთავაზებები შექმნან.

გადახდების ანალიტიკა – ფინანსური დინამიკის ამსახველი სურათი

ანალიტიკის მოდულის ერთ-ერთი ძირითადი განყოფილება გადახდების ანალიტიკაა, რომელიც კომპანიას მიღებული ტრანზაქციების მოცულობასა და სხვა პარამეტრებზე ინფორმაციას აწვდის. ესენია:

  • გადახდების დინამიკა: მიღებული გადახდების რაოდენობის ზრდა ან კლება კონკრეტულ პერიოდში.
  • საშუალო გადახდა: მომხმარებლების მიერ თვის ჭრილში შესრულებული გადახდების საშუალო მოცულობა:
  • გადახდის არხები და მეთოდები: გადახდების განაწილება ტერმინალებსა და ონლაინ არხებზე, აგრეთვე ინფორმაცია გადახდის მეთოდებზე;
  • ბარათების ტიპების ანალიზი: მაგ. SOLO, PLUS, AmEx და სხვ.

ეს ყველაფერი შესაძლებლობას აძლევს ბიზნესს, შენელებული აქტივობის შემთხვევაში, კონკრეტულ სეგმენტებზე მორგებული შეთავაზებები შექმნას.

ანალიტიკიდან მოქმედებამდე – კამპანიების დაგეგმვა Ads მენეჯერის მეშვეობით

მონაცემებზე დაფუძნებული ანალიზი არა მხოლოდ ბიზნესის ფინანსური დიაგნოსტიკისთვის, არამედ სამოქმედო გეგმის განსაზღვრისთვისაც უმნიშვნელოვანესია. ანალიტიკის მოდულში მიღებული ინფორმაციის გამოყენებით ფასდაკლების, ქეშბექის ან PLUS ქულების შეთავაზებების შექმნა შესაძლებელია Ads მენეჯერში, რომელიც იმავე პლატფორმაზეა ხელმისაწვდომი.

მაგალითად, თუ დააკვირდებით, რომ ნაკლებად აქტიური არიან რომელიმე ბარათის მფლობელები, შესაძლებლობა გაქვთ, იმავე სეგმენტზე კონკრეტული შეთავაზება შექმნათ და კომუნიკაცია დაგეგმოთ. შექმნილი შეთავაზება კი გავრცელდება ისეთ არხებში, რომლითაც 1 600 000 მომხმარებელი სარგებლობს. ესენია: საქართველოს ბანკის მობილბანკი, sCoolApp და Offers.bog.ge.

საქართველოს ბანკის ბიზნეს მენეჯერის ანალიტიკის მოდული ბიზნესებს აძლევს უნარს, რეალურ მონაცემებზე დაყრდნობით იმოქმედონ. აღმოაჩინეთ ბიზნეს მენეჯერის შესაძლებლობები ვებგვერდზე manager.bog.ge.

ინფორმაციისთვის, ბიზნეს მენეჯერში შესვლა შესაძლებელია მომხმარებლის სახელითა და პაროლით, რომელიც ვალიდურია საქართველოს ბანკის ბიზნეს მობილბანკში.