სასტუმრო „სანსეტ შოვი“ განცხადებას ავრცელებს

ვის შეუძლია Fulbright-ის პროგრამაში მონაწილეობის მიღებაFulbright-ის პროგრამაში მონაწილეობის მიღება საქართველოს ნებისმიერ იმ მოქალაქეს შეუძლია, რომელსაც დასრულებული აქვს საბაკალავრო საფეხური ან იმყოფება მეოთხე კურსზე და მაგისტრატურაზე სწავლის გაგრძელება აშშ-ში სურს.რა უნდა გაითვალისწინოთ აპლიკაციის შევსების პროცესში?აპლიკაციის შევსების პროცესში აპლიკანტს მოეთხოვება, სრულყოფილი პასუხი გასცეს ყველა კითხვას, ისაუბროს აშშ-ში სწავლის მოტივაციის, დეტალური სასწავლო გეგმისა და მოლოდინების შესახებ. ამასთან, მთავარი კომპონენტი ეხება იმას, თუ როგორ გამოიყენებს აპლიკანტი აშშ-ში მიღებულ ცოდნას საქართველოში. შემდეგი მნიშვნელოვანი ეტაპი კი რეკომენდაციებია - მნიშვნელოვანია, აპლიკანტმა სწორად შეარჩიოს რეკომენდატორი.გასათვალისწინებელია ისიც, რომ ისეთი მიმართულებები, როგორებიცაა: სოციალური მეცნიერებები, ჟურნალისტიკა, ჰუმანიტარული მეცნიერებები და სხვა, აპლიკანტისგან  აკადემიური ნაშრომის ნიმუშის ინგლისურ ენაზე ატვირთვას ითვალისწინებს. ეს შეიძლება იყოს სადიპლომო ნაშრომი ან კონფერენციისთვის დაწერილი ნამუშევარი, რისი ატვირთვის მიზანიც აპლიკანტის აკადემიური წერის უნარების შეფასებაა. თუ ნაშრომი აპლიკანტს ქართულ ენაზე აქვს შესრულებული, მაშინ მან ინგლისურად თარგმნილი  ნაშრომის რამდენიმე გვერდი  უნდა ატვირთოს.რას უნდა მიაქციოთ ყურადღება უნივერსიტეტის შერჩევისას?როგორც Fulbright-ის პროგრამის კოორდინატორი, თეა კუჭუხიძე აღნიშნავს, აპლიკანტებმა უნივერსიტეტები უნდა მოიძიონ იმ სფეროს მიხედვით, რომლის შესწავლაც სურს და უნდა დააკვირდნენ, ამ მიმართულებით რომელი უნივერსიტეტია ძლიერი. ასევე, მონაწილეებმა უნდა დაასაბუთონ, რატომ შეარჩიეს ეს კონკრეტული უნივერსიტეტი, რა არის იქ ისეთი სპეციფიკური, რაც მათ სამომავლოდ გამორჩეული გამოცდილების მიღებაში დაეხმარებათ.აპლიკანტების მიერ ყველაზე ხშირად დაშვებული შეცდომებიFulbright-ის აპლიკაციის შევსებისას ყველაზე ხშირად დაშვებული შეცდომები მართლწერასა და გრამატიკას უკავშირდება, ამიტომ პროგრამის კოორდინატორი აპლიკანტებს ურჩევს, საბუთების გაგზავნამდე ყველაფერი ყურადღებით გადაიკითხონ და დარწმუნდნენ, რომ არსად არის მცირე ხარვეზიც კი, რომლის გამოც შესაძლოა აპლიკაცია დაიწუნონ.რა ხდება აპლიკაციის ეტაპის გადალახვის შემდეგაპლიკაციის ეტაპის წარმატებით გადალახვის შემდეგ სტუდენტებს უტარდებათ გასაუბრება, რის შემდეგაც შერჩეულმა აპლიკანტებმა ოქტომბერში უნდა ჩააბარონ TOEFL-ის, GRE-ისა ან/და GMAT-ის გამოცდები.TOEFL-ის ტესტს აბარებს ფინალურ ეტაპზე გადასული ყველა მონაწილე იმის მიუხედავად, აქამდე უსწავლიათ თუ არა ინგლისურენოვან ქვეყანაში;აპლიკანტებს, რომლებიც სამართლის მიმართულებით აგრძელებენ სწავლას, მათ მხოლოდ TOEFL-ის ჩაბარება მოუწევთ;აპლიკანტები, რომლებიც ბიზნესის ადმინისტრირების მიმართულებით აგრძელებენ სწავლას, ისინი TOEFL-თან ერთად GMAT-აც აბარებენ;ყველა დანარჩენი აპლიკანტი კი TOEFL-სა და GRE-ს აბარებს.Fulbright-ის პროგრამის კოორდინატორი გვირჩევს, რომ აღნიშნული ტესტებისთვის მომზადება აპლიკანტებმა მალე დაიწყონ. მისი თქმით, ტესტებში წინასწარ ვარჯიშია საჭირო, რათა გამოცდაზე მისულმა აპლიკანტმა უკვე იცოდეს, თუ რა დავალებების შესრულება მოეთხოვება, განსაკუთრებული ყურადღება კი მათემატიკურ ნაწილს უნდა მიაქციონ.საქართველოს ბანკის და Fulbright-ის თანამშრომლობაFulbright-ის სასტიპენდიო პროგრამა 1946 წელს შეიქმნა. ის აშშ-ის მთავრობის მიერ დაფინანსებული ერთ-ერთი ყველაზე პრესტიჟული და გლობალური სტუდენტური პროგრამაა, რომელიც მსოფლიოს სხვადასხვა ქვეყანაში მცხოვრებ სტუდენტებს ყოველწლიურად აძლევს შესაძლებლობას, აშშ-ში მათთვის სასურველ მიმართულებასა და უნივერსიტეტში სამაგისტრო საფეხურზე ისწავლონ.ნიჭიერი ახალგაზრდების გამოსავლენად და მათთვის განათლების შესაძლებლობების შესაქმნელად, საქართველოს ბანკი Fulbright-ის სასტიპენდიო პროგრამაში 2014 წლიდან ჩაერთო. უკვე 11 წელია, პროექტის ფარგლებში საქართველოს ბანკი საკუთარ სტიპენდიატებს ასახელებს და მათ 2-წლიან სამაგისტრო პროგრამაზე, სწავლისა და ცხოვრების ხარჯებს სრულად უფინანსებს.საქართველოს ბანკის სტიპენდიის მოპოვება ფულბრაიტში მონაწილე ყველა იმ წარმატებულ სტუდენტს შეუძლია, რომელიც დაინტერესებულია აშშ-ში სწავლა ბიზნესის ადმინისტრირების, STEM (მეცნიერება, ტექნოლოგიები, ინჟინერია და მათემატიკა) ან სხვა მიმართულებით განაგრძოს.2026-2027 წლის Fulbright-ის სამაგისტრო პროგრამაზე აპლიკაციის შევსება საერთაშორისო განათლების ინსტიტუტის (IIE) პორტალზე უკვე შესაძლებელია. Fulbright-ის პროგრამაში მონაწილეობისთვის აუცილებელ მოთხოვნებს გაეცანით ვებგვერდზე.

1747482754

საქართველოს ბიზნეს ასოციაციის აღმასრულებელი დირექტორის, ლევან ვეფხვაძის შეფასებით, ბიზნესისთვის უაღრესად საინტერესო იყო აღნიშნული საინვესტიციო ფორუმი, მათ შორის, იმიტომაც, რომ  მნიშვნელოვან ადგილას - ლონდონის საფონდო ბირჟაზე გაიმართა.„აქ საუბარია არამხოლოდ იმ კომპანიების წარმატებულ ბიზნეს გამოცდილებაზე, რომლებიც ლონდონის საფონდო ბირჟაზე  უკვე არიან წარმოდგენილები, ან ბრიტანეთთან რაღაც ტიპის კომუნიკაცია აქვთ ბიზნესის ნაწილში, არამედ  საუბარია მომავალზეც - ამ ფორუმზე კომპანიები წარმოადგენენ საკუთარ პროექტებს და იმედი გვაქვს, რომ იქნება დაინტერესება ინვესტორების მხრიდან. აქედან გამომდინარე, გვაქვს შესაძლებლობა, დამატებით მოვიზიდოთ პირდაპირი ინვესტიციები და ამით ეკონომიკაში ძალიან მნიშვნელოვანი კონტრიბუცია განხორციელდეს“ - აღნიშნა ლევან ვეფხვაძემ.საქართველოს საინვესტიციო ფორუმს, რომელშიც გაერთიანებული სამეფოს საინვესტიციო კომპანიებისა და საქართველოს ბიზნეს-სექტორის წარმომადგენლები მონაწილეობდნენ, ლევან დავითაშვილთან ერთად ფინანსთა მინისტრი ლაშა ხუციშვილი, ეროვნული ბანკის პრეზიდენტი ნათია თურნავა, ეკონომიკისა და მდგრადი განვითარების მინისტრის მოადგილეები - გენადი არველაძე და ირაკლი ნადარეიშვილი, საგარეო საქმეთა მინისტრის მოადგილე ალექსანდრე ხვთისიაშვილი და სააგენტოს „აწარმოე საქართველოში“ დირექტორი მიხეილ ხიდურელი ესწრებოდნენ.

1747482427

ეროვნული ბანკის პრეზიდენტის შეფასებით ლონდონის საფონდო ბირჟა ძალიან მნიშვნელოვანი პლატფორმაა. 2024 წელს ყველაზე დიდი პირდაპირი უცხოური ინვესტიციები ქვეყანაში სწორედ ბრიტანეთიდან შემოვიდა და მათ შორის ძირითადად ლონდონის საფონდო ბირჟის საშუალებით.„ძალიან მნიშვნელოვანია, რომ წელს საინვესტიციო ფორუმს დიდ ბრიტანეთში ლონდონის საფონდო ბირჟა მასპინძლობს. ბევრი ინვესტორი ინტერესდება საქართველოს ბიზნეს გარემოთი და საფინანსო სექტორით, შესაბამისად, ეროვნული ბანკისთვის ეს ძალიან მნიშვნელოვანი მოვლენაა. ვფიქრობთ რომ კიდევ უფრო მეტ ბრიტანელ ინვესტორს და მეტ ბრიტანულ ინვესტიციას ვიხილავთ საქართველოში“, - განაცხადა ნათია თურნავამ.მისივე თქმით, საინვესტიციო ფორუმის ფარგლებში შემდგარი ბრიტანელი ბიზნესმენები, რომლებსაც უკვე აქვთ ბრიტანული ინვესტიცია განხორციელებული საქართველოში, კოლეგებს საქართველოს საინვესტიციო პოტენციალსა და შესაძლებლობებზე პრაქტიკულ გამოცდილებაზე დაყრდნობით უზიარებენ.„ერთია როცა ხელისუფლება ჰყვება იმ უპირატესობებზე რაც ქვეყანას გაგვაჩნია მაკროეკონომიკური მყარი ფუნდამენტალების თუ მიმზიდველი საინვესტიციო გარემოს სახით და სულ სხვა არის როდესაც ბიზნესი ყველა ამ ისტორიას თავისი პრაქტიკული გამოცდილებიდან ჰყვება“, - აღნიშნა ნათია თურნავამ.ლონდონში, წლევანდელ საქართველოს საინვესტიციო ფორუმში სხვადასხვა საინვესტიციო კომპანიებიდან და ჯგუფებიდან 180-ზე მეტი წარმომადგენელი მონაწილეობდა.

1747482259

 შეხვედრა მიზნად ისახავდა მიკროსაფინანსო ორგანიზაციების ფინანსური მაჩვენებლების მიმოხილვასა და სექტორში არსებული გამოწვევების გაზიარებას. შეფასდა მიკროსაფინანსო სექტორის განვლილი პერიოდის საქმიანობა და დაისახა სამომავლო თანამშრომლობის პერსპექტივები. შეხვედრაზე მხარეებმა მიკროკრედიტის ლიმიტის გაზრდასთან და დამატებითი მოთხოვნების დაწესებასთან დაკავშირებულ საკანონმდებლო ინიციატივაზე იმსჯელეს. საუბარია მიკროსაფინანსო ორგანიზაციის საზედამხედველო კაპიტალთან დაკავშირებულ სიახლეებზე.  ასევე, ყურადღება გამახვილდა კორპორაციული მართვისა და  საოპერაციო რისკების კუთხით მიკროსაფინანსო ორგანიზაციების საქმიანობის ზედამხედველობისა და რეგულირების წესში დაგეგმილ ცვლილებაზე. ნინო ჯელაძის განმარტებით, აღნიშნულის მიზანია მოხდეს მიკროსაფინანსო ორგანიზაციებში ეფექტიანი და ჯანსაღი კორპორაციული კულტურის დანერგვა, რაც ხელს შეუწყობს სექტორის კონკურენტუნარიანობის ზრდასა და ადგილობრივ მომხმარებლებთან და საერთაშორისო ინვესტორებთან ნდობის გაძლიერებას.  შეხვედრა ინტერაქტიულ რეჟიმში წარიმართა, სექტორის წარმომადგენლებს შესაძლებლობა ჰქონდათ  დაესვათ მათთვის აქტუალური შეკითხვები და მიეღოთ შესაბამისი პასუხები. მსგავსი შეხვედრები მიკროსაფინანსო სექტორთან მომავალშიც გაგრძელდება.

1747407676

განსაკუთრებული ყურადღება დაეთმო საგადახდო სისტემებისა და საგადახდო მომსახურების მიმართულებით განხორციელებულ „ტვინინგის“ პროგრამას, რომლის მიზანი ზედამხედველობისა და საგადახდო სფეროში საქართველოს ეროვნული ბანკის გაძლიერება იყო. აღნიშნული პროგრამის შედეგად საქართველომ მიიღო და დანერგა ევროკავშირის დირექტივებთან შესაბამისი საკანონმდებლო ჩარჩო საგადახდო სისტემებისა და მომსახურებების შესახებ, რამაც შესაძლებლობა მისცა სებ-ს განაცხადი გაეკეთებინა საქართველოს SEPA-ში (ერთიანი ევროგადახდების სივრცე) გასაწევრიანებლად.შეხვედრისას, პოლონეთის ეროვნული ბანკის წარმომადგენლებმა ქართველ კოლეგებს მიაწოდეს ინფორმაცია პოლონეთში საგადახდო სისტემების არსებული მდგომარეობის შესახებ და გაუზიარეს გამოცილება მათი დანერგვის მიმართულებით. პოლონეთის ეროვნული ბანკის საერთაშორისო ურთიერთობებისა და საგადახდო სისტემების დეპარტამენტების წარმომადგენლებმა მომავალ თანამშრომლობასა და მხარდაჭერისთვის  მზადყოფნა გამოთქვეს.პოლონეთში ვიზიტისას სებ-ის ვიცე-პრეზიდენტმა ეკატერინე გალდავამ და საგადახდო სისტემებისა და პროექტების მართვის დეპარტამენტების წარმომადგენლებთან ერთად ევროპის კლირინგის სახლების ასოციაციის (EACHA) ფორუმშიც მიიღო მონაწილეობა. ღონისძიებას ევროპის 29 ქვეყნის საგადახდო სფეროს წარმომადგენელი ესწრებოდა.განიხილეს მყისიერი გადახდების სისტემების დანერგვის არსებული მდგომარეობა, გამოწვევები და განვითარების პერსპექტივები. განსაკუთრებული ყურადღება დაეთმო ხელოვნური ინტელექტის როლს თანამედროვე მონიტორინგის სისტემებში, რაც ხელს უწყობს გადახდებთან დაკავშირებული თაღლითობის გამოვლენისა და პრევენციის ეფექტიანობას.აღსანიშნავია, საქართველოს ეროვნული ბანკი 2023 წლიდან ევროპის კლირინგის სახლების ასოციაციის წევრია. ასოციაციის მთავარი მიზანი ევროკავშირის საგადახდო ეკოსისტემაში მიმდინარე ცვლილებების, სტრატეგიული საკითხებისა და ინიციატივების განხილვა და შესაბამისი რეკომენდაციების შემუშავებაა. ასოციაცია ყოველწლიურად მართავს ფორუმს, ხოლო წელიწადში ორჯერ პლენარული სხდომებს, რომლებშიც სებ-ის საგადახდო სისტემების დეპარტამენტის უფროსი ნატალია ჭყოიძე მონაწილეობს.

1747407564

"ევროკავშირში გაწევრიანების შემთხვევაში საქართველოსაც დაბალი საპროცენტო განაკვეთები ექნება იპოთეკურ სესხებზე?პირველ რიგში, ევროკავშირში გაწევრიანება არანაირად არ ნიშნავს ავტომატურად ევროზონაში გაწევრიანებას, რისთვისაც მაასტრიხტის შესაბამისობის კრიტერიუმების დაკმაყოფილება იქნება საჭირო: 1) ინფლაციის სტაბილურობა; 2) ფისკალური დისციპლინა (ბიუჯეტის დეფიციტი < მშპ-ს 3%-ზე; საჯარო ვალი

1747405337