თიბისი კონცეპტის გალერეა წარმოგიდგენთ ირინა ჯიბუტის პერსონალურ გამოფენას „მიწიდან ცეცხლამდე, მიწიდან მიწამდე“

ოქროს სპოტ ფასმა (მიმდინარე მიწოდების ფასმა) 0,3%-ით დაიკლო და უნციაზე 4 128,69 დოლარი შეადგინა, ხოლო ფიუჩერსული ფასი 4 156,00 დოლარზე დაფიქსირდა.ფასის კლება შეაკავა იმ მოლოდინების შესუსტებამ, რომ აშშ-ის ფედერალური რეზერვი ოქტომბერში საპროცენტო განაკვეთს გაზრდიდა (რაც აშშ-ში დასაქმებისა და მომსახურების სექტორის სუსტი მონაცემებით იყო განპირობებული); თუმცა, CME FedWatch-ის მონაცემებით, დეკემბერში მონეტარული პოლიტიკის გამკაცრების ალბათობა 87%-ს შეადგენს.გეოპოლიტიკური დაძაბულობა ბაბ-ელ-მანდების სრუტესთან და ინფლაციური რისკები კვლავ ახდენს გავლენას ძვირფას ლითონებზე (ვერცხლის ფასი 60,67 დოლარამდე, ხოლო პლატინისა — 1 710,08 დოლარამდე დაეცა).

1791282419

შეხვედრაზე მხარეებმა საქართველოსა და ყირგიზეთს შორის მეგობრული და პარტნიორული ურთიერთობების კიდევ უფრო გაღრმავების პერსპექტივები განიხილეს. ყურადღება გამახვილდა გარემოს დაცვის, კლიმატის ცვლილების, მდგრადი განვითარების, ბუნებრივი რესურსების მართვისა და ბიომრავალფეროვნების დაცვის მიმართულებებით თანამშრომლობის გაძლიერებაზე.„მოხარულები ვართ, რომ გვაქვს შესაძლებლობა, პირისპირ შევხვდეთ თბილისში,  კლიმატის მწვანე ფონდის რეგიონული დიალოგის ფარგლებში. საქართველო დიდ მნიშვნელობას ანიჭებს ყირგიზეთთან ურთიერთობებს და მჯერა, რომ არსებობს მნიშვნელოვანი პოტენციალი ჩვენი თანამშრომლობის შემდგომი გაღრმავებისთვის. საქართველოსა და ყირგიზეთს ბევრი საერთო პრიორიტეტი აქვთ კლიმატის მდგრადობის, წყლის, სოფლის მეურნეობის, ტყეების, ნარჩენების მართვისა და მთის ეკოსისტემების სფეროებში. საქართველო მზად არის, გააზიაროს საკუთარი გამოცდილება ატმოსფერული ჰაერის დაცვის, ჰაერის ხარისხის მონიტორინგისა და სამრეწველო ემისიების მიმართულებით. მჯერა, რომ გამოცდილების გაზიარება ხელს შეუწყობს ჩვენს ქვეყნებს შორის გარემოსდაცვითი თანამშრომლობის კიდევ უფრო გაღრმავებას“, - განაცხადა დავით სონღულაშვილმა.ყირგიზეთის რესპუბლიკის ბუნებრივი რესურსების, ეკოლოგიისა და ტექნიკური ზედამხედველობის მინისტრმა აკილ ტოქტობაევმა საქართველოსთან მეგობრული და კონსტრუქციული ურთიერთობების განვითარების მნიშვნელობაზე ისაუბრა და გარემოს დაცვისა და კლიმატის ცვლილების მიმართულებით პრაქტიკული თანამშრომლობის გაძლიერების მზადყოფნა გამოთქვა.„განსაკუთრებით დაინტერესებული ვართ საქართველოსთან გამოცდილების გაზიარებით კლიმატის დაფინანსების მოზიდვის, საერთაშორისო ფინანსური ინსტრუმენტების მხარდაჭერით პროექტების განხორციელებისა და მწვანე ფინანსური მექანიზმების განვითარების მიმართულებით. ასევე, მნიშვნელოვანია თანამშრომლობის გაღრმავება დაცული ტერიტორიებისა და ბიომრავალფეროვნების დაცვის სფეროში. ჩვენს ქვეყნებს აქვთ შესაძლებლობა, ერთმანეთს გაუზიარონ გამოცდილება და პრაქტიკული ცოდნა, რაც ხელს შეუწყობს ახალი ერთობლივი ინიციატივებისა და კონკრეტული შეთანხმებების შემუშავებას“, - განაცხადა აკილ ტოქტობაევმა.მხარეებმა ასევე იმსჯელეს კლიმატის დაფინანსების, წყლის რესურსების მდგრადი გამოყენების, კლიმატგონივრული სოფლის მეურნეობის, მთის ეკოსისტემების, ნარჩენების მართვისა და ცირკულარული ეკონომიკის, დაცული ტერიტორიებისა და ბიომრავალფეროვნების დაცვის მიმართულებებით თანამშრომლობის შესაძლებლობებზე.შეხვედრის დასასრულს მხარეებმა გამოთქვეს მზადყოფნა, რეგიონული დიალოგის შემდეგ, შესაბამისმა უწყებებმა განსაზღვრონ თანამშრომლობის პრიორიტეტული მიმართულებები და კონკრეტული ერთობლივი ინიციატივებისა და პროექტების განხორციელებაზე იმუშაონ.

1791281214

გადამუშავებულ მოსავალში 92,1 ათასი ტონა საფერავია, 77,4 ათას ტონამდე — რქაწითელი, ხოლო დარჩენილი მოცულობა სხვადასხვა ჯიშის ყურძენზე მოდის.კახეთში მოსავალი დაახლოებით 13 200-მა მევენახემ ჩააბარა. სახელმწიფო საწარმო შპს „მოსავლის მართვის კომპანია“ ყურძენს კახეთის სხვადასხვა მუნიციპალიტეტში 22 ლოკაციაზე იბარებს.რთველი რეგიონში პიკურ ფაზაშია. დღე-ღამის განმავლობაში საშუალოდ 13-14 ათასი ტონა ყურძენი გადამუშავდება.მოსავლის სრულად დაბინავებისა და რთველის ორგანიზებულად ჩატარების მიზნით, მთავრობის გადაწყვეტილებით, ჭარბი მოსავლის შემთხვევაში, ყველა მევენახეს შესაძლებლობა ექნება, მოსავალი დააბინაოს. ამ მიზნით, „მოსავლის მართვის კომპანია“ ფიზიკური პირებისგან ყურძენს დადგენილი პირობებით იღებს.საფერავის შემთხვევაში, თუ შაქრიანობა არანაკლებ 20%-ია, 1 კილოგრამის ფასი 1,50 ლარია. 16%-დან 20%-მდე შაქრიანობის შემთხვევაში ფასი 1 ლარს, ხოლო 16%-ზე ნაკლები შაქრიანობისას 50 თეთრს შეადგენს.რქაწითელისა და სხვა საღვინე ყურძნისთვის, რომლის შაქრიანობა არანაკლებ 19%-ია, ფასი 1,30 ლარია. 16%-დან 19%-მდე შაქრიანობის ყურძენი 90 თეთრად, ხოლო 16%-ზე ნაკლები შაქრიანობის შემთხვევაში — 50 თეთრად ბარდება.ყურძნის ჩაბარების პროცესს გურჯაანში მდებარე რთველის საკოორდინაციო შტაბი უწევს კოორდინაციას. რთველთან დაკავშირებული ინფორმაციის მიღება შესაძლებელია ცხელ ხაზებზე — 1501 და 032 2 19 37 18.

1791278162

შეხვედრის ფარგლებში არჩილ გაჩეჩილაძე ახალგაზრდებს ბანკის საქმიანობის, განვითარების შესაძლებლობებისა და პროფესიული ზრდის შესახებ ესაუბრა.საქართველოს ბანკის ლიდერატორის პროგრამა 2017 წლიდან ხორციელდება და მიზნად ისახავს მოტივირებული ახალგაზრდების პროფესიულ განვითარებასა და მათთვის კარიერული შესაძლებლობების შექმნას. რვათვიანი, სრულად ანაზღაურებადი პროგრამა სტუდენტებსა და უნივერსიტეტის ახალ კურსდამთავრებულებს შესაძლებლობას აძლევს, ბანკის სხვადასხვა დეპარტამენტში პრაქტიკული გამოცდილება მიიღონ, იმუშაონ პროფესიონალებთან ერთად და აღმოაჩინონ საკუთარი ძლიერი მხარეები. პროგრამის მონაწილეთა 78%-ზე მეტი კარიერას საქართველოს ბანკში აგრძელებს.„ახალგაზრდებისთვის შესაძლებლობების შექმნა მხოლოდ პირველი კარიერული ნაბიჯის გადადგმაში დახმარებას არ ნიშნავს. ჩვენთვის მნიშვნელოვანია, მათ მივცეთ სივრცე, სადაც შეძლებენ საკუთარი პოტენციალის აღმოჩენას, ცოდნის პრაქტიკაში გამოყენებას და პროფესიულ განვითარებას. ლიდერატორი სწორედ ასეთი შესაძლებლობაა - პროგრამა, რომელიც ახალგაზრდებს რეალურ სამუშაო გამოცდილებას სთავაზობს და ამავდროულად, ბანკს ახალი თაობის ნიჭიერი პროფესიონალების აღმოჩენაში ეხმარება“, - აღნიშნავს საქართველოს ბანკის გენერალური დირექტორი.ლიდერატორის პროგრამა საქართველოს ბანკის ახალგაზრდული ტალანტების განვითარების ერთ-ერთი მნიშვნელოვანი ინიციატივაა. 2026 წელს ახალგაზრდებს ლიდერატორის 12 განსხვავებულ პროგრამაზე ბანკის 30 სხვადასხვა მიმართულებით კვალიფიკაციის ამაღლების შესაძლებლობა მიეცათ. ჯამში კი, წლების განმავლობაში, ლიდერატორის პროგრამაში ბანკის 50-მდე დეპარტამენტი ჩაერთო.

1791277377

თიბისი კონცეპტის გალერეა ქმნის სივრცეს ხელოვნების, განათლების და კვლევის დიალოგისთვის. ახალ ნამუშევრებს, განსხვავებულ ხედვებსა და შემოქმედებით პროცესებს საზოგადოებას აცნობს.ირინა ჯიბუტის ნამუშევრების საწყისი წერტილი მიწაა -არა როგორც ნეიტრალური ნედლეული, არამედ როგორც კონკრეტული ადგილის მატერია, რომელსაც საკუთარი შემადგენლობა, ფერი, თვისებები და ისტორია აქვს.გამოფენა იკვლევს ციკლს, რომელშიც მიწა მასალად, მასალა ფორმად, ფორმა კი ცეცხლით გარდაქმნილსხეულად იქცევა და კვლავ ბუნებრივი მთლიანობისნაწილად რჩება.ნამუშევრების საფუძველია საქართველოს სხვადასხვაადგილიდან მოპოვებული ბუნებრივი თიხების კვლევა. ამპროცესში მიწა ერთდროულად ხდება კვლევის საგანი დამხატვრული მასალა, რომლის მოპოვება, დამუშავება, ფორმირება და გამოწვა ურთიერთობას ავლენს ადგილს, მასალასა და ადამიანის მოქმედებას შორის.თიბისი კონცეპტის გალერეის ორი სართული ამ პროცესისგანსხვავებულ მდგომარეობებს აერთიანებს. პირველსართულზე წარმოდგენილია მასშტაბური კერამიკულინამუშევრები: ვერტიკალური ფორმები, კედლისკომპოზიცია და „მდინარე“. თითოეული მათგანი მიწისგარდაქმნის განსხვავებულ ეტაპს წარმოაჩენს. ვერტიკალური ფორმები ჭურჭლის უძველეს არქეტიპსეყრდნობა და ადამიანის შრომის, დროისა და უწყვეტობისნიშნად იქცევა. კედლის კომპოზიციაში სხვადასხვაადგილიდან მოპოვებული თიხები ერთიან გეომეტრიულფორმაშია მოქცეული, თუმცა თითოეული საკუთარ ბუნებასინარჩუნებს. „მდინარე“ კი წყალს გარდაქმნის ძალადწარმოგვიდგენს, ელემენტად, რომელიც მიწას არბილებს, გადააქვს და ცვლის.მეორე სართული კვლევის ლაბორატორიას ეთმობა. აქწარმოდგენილია სხვადასხვა ადგილიდან მოპოვებულითიხები, მინერალები და ქვები, მათი წარმოშობის რუკები, ტესტ-ფილები, გამომწვარი ნიმუშები, მოჭიქურების ცდებიდა პროცესის ჩანაწერები.ირინა ჯიბუტი კერამიკოსი, მკვლევარი და პედაგოგია. მისი პრაქტიკა თიხის ფიზიკური, ვიზუალური დაკულტურული თვისებების კვლევას ეფუძნება. 2026 წელსმან დააარსა კვლევითი პლატფორმა Commonland, რომელიც საქართველოს თიხის რესურსების შესწავლასადა კერამიკული მასალების განვითარების ახალი გზებისძიებას ემსახურება.თიბისი მრავალწლიანი გამოცდილებით აქტიურად უჭერს მხარს კულტურისა და ხელოვნების განვითარებას, ქმნის შესაძლებლობებს ახალი იდეებისა და შემოქმედებითი პროცესებისთვის. გამოფენის კურატორია მარიამ წიქარიძე.გახსნა: 9 ოქტომბერი, 18:00-20:00მისამართი: თიბისი კონცეპტის მულტიფუნქციური სივრცე, მარჯანიშვილის 7სამუშაო საათები: ორშაბათი–შაბათი, 10:00-20:00დასწრება თავისუფალია!

1791274427

ინტეგრაციის შედეგად, ბაზისბანკ ჯგუფის მომხმარებლებისთვის თანხის განაღდების გეოგრაფია მნიშვნელოვნად გაფართოვდა და მათ განკარგულებაში საქართველოს მასშტაბით ყველაზე ფართო ქსელი - ჯამში 700-ზე მეტი ბანკომატია, რაც მომსახურებას და საბანკო სერვისებზე წვდომას კიდევ უფრო ხელმისაწვდომს და კომფორტულს ხდის.ამ ეტაპზე, ბაზისბანკის ბარათების მფლობელები ლიბერთის ბანკომატებით შეძლებენ: თანხის განაღდებას ფიზიკური ბარათით; თანხის განაღდებას უკონტაქტოდ და ვოლეტის გამოყენებით (Apple Pay, Google Pay); ანგარიშზე ბალანსის შემოწმებას. პინ კოდის შეცვლა შესაძლებელია მხოლოდ ბარათის ემიტენტი ბანკის ბანკომატებში.ბაზისბანკის მომხმარებლებს იგივე პირობებით თანხის განაღდება ასევე შეუძლიათ პარტნიორი ბანკების ბანკომატებიდან: თიბისი, ხალიკ ბანკი, ბანკი ქართუ, ზირაათ ბანკი და სილქ ბანკი. ლიბერთის მომხმარებლებს - თიბისი და ბანკი ქართუ.დამატებითი ინფორმაციის მიღება ბაზისბანკის მომხმარებლებს შეუძლიათ ბაზისბანკში, ხოლო ლიბერთის მომხმარებლებს - ლიბერთი ბანკში.ბაზისბანკ ჯგუფის შესახებ2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით და 700-ზე მეტი ბანკომატით საქართველოს ყველა რეგიონსა და მუნიციპალიტეტში.2026 წლის 8 თვის ფინანსური მონაცემებით, ბაზისბანკ ჯგუფის აქტივები 12 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9.1 მლრდ ლარი. ჯგუფის 2026 წლის 8 თვის წმინდა მოგებამ 154 მილიონი ლარი შეადგინა.

1791272720