ტატო ახალკაციშვილის გამოფენა „კ(ქ)რონოსი“ მალე გაიხსნება - გამოფენის გენერალური მხარდამჭერია SOLO

აქედან, ექსპორტი 5 422.5 მლნ. აშშ დოლარს შეადგენს (გაიზარდა 22.1 პროცენტით), ხოლო იმპორტი 12 504.4 მლნ. აშშ დოლარს (გაიზარდა 3.4 პროცენტით). საქართველოს უარყოფითმა სავაჭრო ბალანსმა 2026 წლის იანვარაგვისტოში 7 081.8 მლნ. აშშ დოლარი შეადგინა, რაც საგარეო სავაჭრო ბრუნვის 39.5 პროცენტია.2026 წლის იანვარ-აგვისტოში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 68.8 პროცენტი შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი (577.6 მლნ. აშშ დოლარი), ჩინეთი (543.7 მლნ. აშშ დოლარი) და რუსეთი (500.7 მლნ. აშშ დოლარი).2026 წლის იანვარ-აგვისტოში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.2 პროცენტი შეადგინა. პირველ სამეულში შედის: თურქეთი (1 918.6 მლნ. აშშ დოლარი), რუსეთი (1 531.8 მლნ. აშშ დოლარი) და აშშ (1 510.5 მლნ. აშშ დოლარი).2026 წლის იანვარ-აგვისტოში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 65.7 პროცენტი შეადგინა. ქვეყნის უმსხვილესი სავაჭრო პარტნიორები არიან: თურქეთი (2 247.5 მლნ. აშშ დოლარი), ჩინეთი (2 042.8 მლნ. აშშ დოლარი) და რუსეთი (2 032.5 მლნ. აშშ დოლარი).2026 წლის იანვარ-აგვისტოში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 1 347.7 მლნ. აშშ დოლარით, რაც მთელი ექსპორტის 24.9 პროცენტს შეადგენს. მეორე ადგილს იკავებს ნავთობი და ნავთობპროდუქტები 688.9 მლნ. აშშ დოლარით (მთლიანი ექსპორტის 12.7 პროცენტი), ხოლო მესამე ადგილზეა ძვირფასი ლითონების მადნები და კონცენტრატები 403.1 მლნ. აშშ დოლარით (7.4 პროცენტი).უმსხვილესი საიმპორტო სასაქონლო ჯგუფი 2026 წლის იანვარ-აგვისტოში წარმოდგენილი იყო მსუბუქი ავტომობილების სახით, რომლის იმპორტმა 2 364.3 მლნ. აშშ დოლარი და მთელი იმპორტის 18.9 პროცენტი შეადგინა. მეორე ადგილს იკავებს ნავთობი და ნავთობპროდუქტები 1 164.7 მლნ. აშშ დოლარით (იმპორტის 9.3 პროცენტი), ხოლო მესამე ადგილზეა სამკურნალო საშუალებები 468.4 მლნ. აშშ დოლარით (იმპორტის 3.7 პროცენტი).

1789977306

ქომაგობა სტადიონის კარებთან არც იწყება და არც მთავრდება. ის 90-წუთიან სანახაობაზე მეტია - საერთო ემოცია და იდენტობა, რომელიც ფეხბურთელებსა და გულშემატკივრებს ერთ გუნდად აერთიანებს. სწორედ ეს მუხტია, რაც თამაშის დროს ქალაქის რიტმს ცვლის.„ოდესმე ყოფილხართ ცარიელ სტადიონზე? დადექით ცარიელი სტადიონის შუაგულში და მოუსმინეთ - არაფერია ცარიელ სტადიონზე უფრო ცარიელი. არაფერია მაყურებლის გარეშე დარჩენილ ტრიბუნებზე უფრო ჩუმი“, - ურუგვაელი პუბლიცისტის, ედუარდო გალეანოს ეს სიტყვები კიდევ ერთხელ გვარწმუნებს გულშემატკივრობის ძალაში.ახლა, როცა ერთა ლიგის პირველი ოფიციალური მატჩი ახლოვდება, გულდასაწყვეტია, რომ ეროვნული ნაკრები პირველ შეხვედრას ჩრდილოეთ ირლანდიასთან ცარიელი ტრიბუნების წინაშე გამართავს. თუმცა, როცა ჩვენი ფეხბურთელები მოედანზე შენი ქვეყნის სახელით გადიან, გუნდის მარტო დატოვება უბრალოდ წარმოუდგენელია. ეს სიჩუმე დიდ ხმაურად უნდა იქცეს, ჩვენი მხარდაჭერა კი - მოედანზე გადავიდეს.ქართველ გულშემატკივარს არაერთხელ გვიმღერია ჩვენი ფეხბურთელებისთვის - „შენთანა ვარ, ნურაფრის გეშინიაო“. ახლაც იგივე გამეორდება. 25 სექტემბერს, 17:00 საათიდან, „დინამო არენასთან“, ქუჩაში მოწყობილტრიბუნაზე ქართველი ქომაგებმა  ჩვენს ფეხბურთელებს  გაამხნევებენ, რათა საკუთარი ენერგია მოედანზე გაატანონ.ეს ყველაფერი იმისთვის, რომ მოკლე თუ შორეული გადაცემების, გატანილი გოლის დროს თუ ტაიმებს შორის შესვენებისას, ფეხბურთელებმა იგრძნონ, რომ მარტო არასოდეს არიან. რომ ახსოვდეთ: ჩვენ ყოველთვის მათთან ვართ.მართალია, ამ ფორმატით მხოლოდ ერთი მატჩი ჩატარდება - წინ კიდევ 5 თამაშია, მაგრამ ამას დიდი მნიშვნელობა არ აქვს. ჩვენთვის თითოეული შეხვედრა მნიშვნელოვანია და ყველა ბრძოლაში ერთიანობაა საჭირო.ჰოდა, კიდევ ერთხელ გახსენებთ: 25 სექტემბერს, 17:00 საათიდან, საქართველოს ქომაგები იკრიბებიან „დინამო არენასთან“ სპეციალურად მოწყობილ ტრიბუნებზე, რომ დახვდნენ ნაკრების ავტობუსს და უგულშემატკივრონ საქართველოს.ქომაგობა არ ჩერდება!

1789976883

პრაქტიკულად აღარ არსებობს არც დროის გამოყოფის და არც სხვა ტიპის ბარიერი -დღესვე შეგიძლიათ, პატარა ნაბიჯებით დაიწყოთ თქვენი შვილების დიდი სურვილებისა და მიზნების მხარდაჭერისთვის მზადება.ანაბრის გახსნა შესაძლებელია 0 ლარით, მინიმალური შენატანისა და ყოველთვიური საკომისიოს გარეშე - ლარში, დოლარში, ევროში და ფუნტში. თანხის შეტანის პერიოდულობა და ოდენობა კი სრულად თქვენს სურვილზეა დამოკიდებული.დაგროვების პროცესის კიდევ უფრო გასამარტივებლად, შესაძლებელია ავტომატური გადარიცხვის დაყენებაც - ყოველკვირეულად ან ყოველთვიურად, თქვენთვის სასურველი თანხით.საბავშვო ანაბარი იხსნება მშობლის ან ოფიციალური მეურვის მიერ, მინიმუმ 2 წლის ვადით ბავშვის სრულწლოვანებამდე.როგორ გახსნათ საბავშვო ანაბარი მობაილბანკიდან? თუ არასრულწლოვანი შვილი უკვე რეგისტრირებული გყავთ თქვენს მობაილბანკში, შედით საბავშვო სივრცეში და გახსენით ანაბარი რამდენიმე წამში. თუ თქვენი შვილის სივრცე მობაილბანკში ჯერ არ არის რეგისტრირებული, პირველ ეტაპზე დაამატეთ მისი მონაცემები მობაილბანკში, შემდეგ კი საბავშვო სივრციდან გახსენით ანაბარი. დაიჯერეთ, რომ დიდი მიზნების მიღწევა ყოველდღიურად გადადგმული პატარა ნაბიჯებით  უფრო რეალური ხდება. სანამ თქვენი და თქვენი შვილების სურვილები და მიზნები მიუღწეველ ან რთულად გასამკლავებელ დიდ ხარჯებად იქცევა, დაიწყეთ მათი ასრულებისთვის ზრუნვა დღესვე - გახსენით საბავშვო ანაბარი პირდაპირ თიბისი მობაილბანკიდან და იყავით მზად მომავლისთვის.

1789976793

გთავაზობთ „ბანკები და ფინანსების“ მიერ მომზადებულ მოკვლევას, რომელიც კონკრეტული პირების აქტივების დაფარული ნაწილების აღმოჩენასა და მათი ღირებულების დადგენას ეხება. კვლევა ჩატარებულია მხოლოდ ღია წყაროებზე დაყრდნობით და გამჭვირვალობის უმაღლესი სტანდარტების შესაბამისად. კვლევის ამ ეტაპზე წარმოდგენილია ლისის ტბის მიმდებარედ განთავსებული გრანდიოზული სასახლე, გამოკვლეულია მისი მეპატრონე და დადგენილია სასახლის სავარაუდო ღირებულება.სასახლე, რომელიც ლისის ტბის მიმდებარედ არის აშენებული და მთელს ქალაქს ამაღლებული ფერდობიდან გადმოყურებს 3630  კვ. მეტრ მიწის ნაკვეთზეა განთავსებული. ის ლისი ვილების ყველაზე მაღალ წერტილზეა აშენებული და სხვა ვილებთან შედარებით ყველაზე დიდი ფართობი უკავია. სხვა ნაკვეთებისგან ეს ადგილი იმითაც გამოირჩევა, რომ ინტენსიური განაშენიანება აქვს და ნაკვეთიც დატვირთულია შენობებით და ასევე სართულიანობით. გეგმას თუ კარგად დააკვირდებით, რამდენიმე ადგილზე 5 სართულიც კი გამოდის მიწისქვეშა ნაგებობების ჩათვლით (დამკვეთის მონაცემები თბილისის მერიის საიტზე).ნაკვეთი თბილისის ახალ უბანშია. ქუჩას სულ ახლახანს, 2023 წლის 21 ნოემბერს, თბილისის საკრებულოს გადაწყვეტილებით მაგნოლიას სახელი ეწოდა. ქუჩას 4 შესასვლელი აქვს და მის გასწვრივ განლაგებულია თანამედროვე ქართველი მულტიმილიონერების ვილები და სასახლეები. ქუჩა მოასფალტებულია და ტროტუარების მოპირკეთება მიმდინარეობს. მაგნოლიას ქუჩის ბოლოში მდებარე ნაკვეთს მეზობლად მხოლოდ 1 ნაკვეთს ემიჯნება, რომელზეც ასევე მშენებარე სახლია განლაგებული. ნაკვეთის ადრინდელი მისამართი იყო; ლისის ქ. #87. ნაკვეთის საკადასტრო კოდია: 01.10.18.007.022, (უძრავი ქონების ნასყიდობის ხელშეკრულება N LPA 03-01/20, დამოწმების თარიღი: 01/03/2022, საქართველოს იუსტიციის სამინისტროს საჯარო რეესტრის ეროვნული სააგენტო).ნაკვეთზე მშენებლობის ნებართვა, ქალაქ თბილისის არქიტექტურის სამსახურის #5599790 ბრძანების შესაბამისად. შენობების დიდი ნაწილი უკვე აშენებულია. დარჩენილია მხოლოდ მოსაპირკეთებელი სამუშაოები.გრანდიოზული სასახლე რამდენიმე შენობა-ნაგებობისგან შედგება. მათი ნაწილი მიწისქვეშ არის განლაგებული. შენობების მაქსიმალური სიმაღლე საპროექტო გათვლებით 15 მეტრზე მეტია, რაც სტანდარტული ხუთსართულიანის სიმაღლეა.მინუს 1 სართულზე მდებარე შენობის ნაწილი მონოლითური ბეტონითაა ჩასხმული, ხოლო ზედა სართულებზე გამოყენებულია ბლოკის მასალა.მაგნოლიას ქუჩის გრანდიოზული სასახლის ფართობი 3820 კვადრატული მეტრია. (ცნობისთვის: ესპანეთის მეფის რეზიდენცია, სადაც ესპანეთის მეფე, ფილიპე VI და დედოფალი ლეტიცია ცხოვრობენ, რომელიც მადრიდის გარეუბანში მდებარეობს, და ცნობილია, როგორც სარსუელას სასახლე (Palacio de la Zarzuela), მხოლოდ 1300 კვ.მ-ია).სასახლის არქიტექტურაზე იმუშავა ცნობილმა კომპანია „ბკ არქიტექტორები“. კომპანიის დირექტორია დ. ბურჭულაძე, მთავარი არქიტექორი - გიორგი კაციტაძე. სასახლის კომპლექსის არქიტექტურული ნახაზი შესრულებულია 2021 წლის 5 ივნისს. არქიტექტურული კომპანიის მიერ დადგენილია და დათვლილია ნაკვეთზე სამშენებლო სამუშაოების მოცულობა.სასახლის მასშტაბურობა და როგორც არქიტექტურული, ასევე სამშენებლო სამუშაოების სირთულე კარგად ჩანს წარმოდგენილი ჭრილების ნახაზებდან, რადგან როგორც მიწის სამუშაოები, ასევე შენობა-ნაგებობების სამუშაოები სხვადასხვა სიღრმეზე და სიმაღლეზე მიმდინარეობს. როგორ უკვე ზემოთ აღინიშნა, მიწისქვეშა ნაგებობების სიმაღლე ზოგიერთ ადგილზე 7 მეტრს აღემატება, ხოლო შენობის მაქსიმალური სიმაღლე 15,2 მეტრია.სასახლის მოცულობის სხვა ვილებთან შედარება. განსხვავება 2-ჯერ და მეტია.ჭრილი 1-1. 3-3.ჭრილი 3-3, 4-4.ჭრილი 6-6. 5-5სასახლის კომპლექსის მშენებლობის სირთულე განპირობებულია აგრეთვე სასახლის დარბაზების ფუნქციური დატვირთვიდან გამომდინარე.მინუს ერთი სართულიგანლაგებულია სპორტულ გამაჯანსაღებელი კომპლექსის დარბაზები, რომელიც განსაკუთრებული ტექნოლოგიური მოცემულობის დაკმაყოფილებას მოითხოვს. თუ გავითვალისიწინებთ იმ ფაქტორსაც, რომ ამ სასახლის მსგავსი დარბაზები ქართულ რეალობაში არ არსებობს და მათი მოწყობაც მხოლოდ უცხოური სპეციალისტების ჩართულობით შეიძლება განხორციელდეს, სასახლის აღჭურვის ამოცანას ეს კიდევ უფრო ართულებს.სამშენებლო ნებართვას თან ახლავს ე.წ. ფოტომონტაჟის კადრები, რომელიც რეალურ გარემოში არსებული არქიტექტურული გადაწყვეტის მონტაჟს ითვალისწინებს.ამ ფოტოებზე უკვე ნათლად ჩანს სასახლის გრანდიოზულობა.სასახლის ხედი მაგნოლიის ქუჩის მხრიდან.სასახლის წინხედი.სასახლის ყველა შენობა და მოსპირკეთებელი მასალა.სასახლის უკანახედი. ხედი ლისის ტბისკენ.სასახლის ზედხედის ნახაზი.მშენებლობა, როგორც უკვე აღინიშნა, დასრულებისკენ მიდის. მერიის მოთხოვნის შესაბამისად გარკვეული პერიოდულობით ხდება მშენებლობის ფოტოფიქსაცია, რაც საიტზე იტვირთება პერიოდულად და მისი ნახვა შესაძლებელია ასევე საიტზე. ფოტოებიდანაც ჩანს, რომ მშენებლობა უკვე დასკვნით ეტაპზეა.ეს რაც შეეხება შენობების ექსტერიერს და გარე ფასადს. უფრო შთამბეჭდავი სასახლის შიდა დარბაზები, ოთახები და სათავსოებია. დავიწყოთ -1 სართულით, რომელიც გარკვეულ ადგილებში სიმაღლით 7,2 მეტრია, ზოგან კი 4 და ზოგან 4,5 მეტრი.სართულის სიმაღლე განპირობებულია ფუნქციური დანიშნულებით.სპორტული მოედანი - ფუტსალის დარბაზისასახლის გამორჩეულობა სხვა ვილებისგან მხოლოდ ზომასა და მოცულობაში არ არის. მაგნოლიას ქუჩაზე მდებარე ვილების უმეტესობას მცირე ზომის სპორტული მოედნები ეზოში აქვთ და ძირითადად ეს კალათბურთის ცალფარა მოედანი, ან სამანქანე გარაჟზე მიდგმული მინიფეხბურთის ერთი კარია.  ამ სასახლის მთავარი თავისებურებაც ზუსტად ის არის, რომ მისი მინიფეხბურთის მოედანი შენობაშია მოქცეული.მოედნის სიგრძე 21 მეტრია და სიგანე 14 მეტრი. საფეხბურთო მოედნის მარგი ფართობის მოცულობა ნახევრად მიწისქვეშა სართულზე, რომელსაც ნახევარსარდაფის პრინციპით მიწისზედა ფანჯრებიც აქვს.შედარებისთვის, ეს ზომები დასაშვებია ფუტსალის არასაერთაშორისო მატჩებისთვის და ადგილობრივი ჩემპიონატებისთვის.ტექნიკური ოთახებისთვის, მათ შორის წყლის ავზებისთვის, დათმობილია ჯამში 100 კვ.მ,ფუტსალის მოედანი ტექნიკური ოთახებითქვევით ნახაზზე კარგად ცანს, რომ სიმაღლეებს შორის სხვაობაა ფუტსალის დარბაზსა და სხვა დანიშნულების ოთახებს შორის. ფუტსალის დარბაზი ჩაწეულია თიტქმის 3,5 მეტრით დაბლა. წითლად გამოყოფილია ფუტსალის დარბაზი.ამ სართულზე მეტი არაფერია. გადავინაცვლოთ ზედა სართულებზე. მივყვეთ იმ ნუმერაციით რაც ნახაზზეა და საინტერესო მომენტები გამოვყოთ.ლიფტი სასახლის ზომიდან, სართულიანობიდან და მნიშვნელობიდან გამომდინარე, მას ემსახურება ლიფტი, რომელიც მდებარეობს ჰოლში (#64 - 138 კვ.მ) კიბის უჯრედის მოპირდაპირედ.ლიფტის ტვირთამწეობა, არქიტექტურულ ნახაზში არ არის მოხსენიებული. ჩავთვალოთ, რომ ის სტანდარტული იქნება და ერთდროულად 4-5 ადამიანს მოემსახურება.სასახლის ლიფტის შახტა და ლიფტი ჭრილებით.სულ სასახლის მინუს პირველი სართულის ფართობი შეადგენს 285, 9 კვ.მ-ს.პირველი სართულიგადავიდეთ პირველ სართულზე.ბოულინგის დარბაზი ლაუნჯით (147,3 კვ.მ)ლაუნჯში განთავსებული სასმელების ბარი, ბილიარდის მაგიდა, მოსასვენებელი დივანი და სავარძლები 7-8 პერსონაზე. ბოულინგის დარბაზში 2 ბილიკი (ლეინი) და 4 ღარია. ბილიკი დაფარული იქნება ნეკერჩხლის სპეციალური ჯიშის ხის მასალით. ასევე იქნება სპეციალური მექანიზმები, რომელიც კეგლებს ავტომატური რეჟიმში აბრუნებს ადგილებზე - ე.წ.„პინსეტერი“.კინოთეატრი - 55,8 კვ.მ - სახლის კინოთეატრი 20 ადამიანზეა გათვლილი. სავარჯიშო დარბაზი - 47,2 კვ.მ - სახლის ფიტნესკლუბი ყველა სახის ტრენაჟორებით - ნახაზზე ჩანს კარდიო ზონა, 1 სარბენი ბილიკი + 1 ელიფსური, 1 ველოტრენაჟორი + ნიჩბოსნის აპარატი, მულტიფუნქციური ძალისმიერი სადგური. ტექნოლოგიების ოთახი - სავარაუდოდ, სასერვერე და ინტერნეტის ჰაბი, უსაფრთხოების კამერების მართვის პულტი - 23 კვ.მ.სპა კომპლექსი - სრული სერვისისპას კომპლექსის ვესტიბული - 45,3 კვ.მგასახდელები ტუალეტით - 40 კვ.მმასაჟის ოთახი - 2 პერსონაზე - 19 კვ.მ სტილისტის ოთახი - სტილისტისთვის აუცილებელი ყველა მოწყობილობით და სახის გამაჯანსაღებელი პროცედურების აღჭურვილობით (ულტრაბგერითი პოლინგი, ჰიდრაფაშიალი, ბიორევიტალიზაცია, მეზოტერაპია, პლაზმოლიფტინგი, რადიოტალღებით ლიფტინგი, ფოტოთერაპია, ფრაქციული ლაზერი) .ფინური საუნები და ღია საშხაპე - 77 კვ.მ. რელაქსაციის ოთახი - აკუსტიკური (ხმოვანი) პროცედურებით - 27,7 კვ.მჰიდრომასაჟის აუზი და აკვააერობიკის მუსიკალური დარბაზი - 28,5 კვ.მჩაის ლაუნჯი - 17,2 კვ.მ. ტექნიკური ოთახი - 210 კვ.მსაქვაბე - 37 კვ.მავტოფარეხი - 3 მანქანაზე - 124 კვ.მ.პირველი სართულის სქემა - დარბაზებისა და ოთახების განლაგება.სულ პირველი სართულის ფართობი: 1117,1 კვ.მმეორე სართულიგადავინაცვლოთ მეორე სართულზე. აქ განთავსებულია: ჰოლი - 107 კვ.მ, დერეფანი - 41 კვ.მ მუსიკის დარბაზი - როიალით და აკუსტიკით + აივანი - 40,2 კვ.მ +15,3 კვ.მ ბავშვთა გასართობი ოთახი - 39,3 კვ.მ კვებისა და სასმელების ბლოკი ღვინის საცავი - 20,7 კვ.მ სამზარეულოები - ჯამში 63 კვ.მ - ბარი - 48,3 კვ.მ სასადილო ოთახი - 88 კვ.მ 3 სანკვანძი შინაური ცხოველის ოთახი სამუშაო ოთახი - 30,4 კვ.მ, საძინებელი #1 -37,4 კვ.მ, მოახლეების ოთახი - 22 კვ.მ. დახურული აუზი - 177 კვ.მ + 43  კვ.მ + და 277,1 კვ.მ ტერასებით და 161,7 კვ.მ ვერანდით და დაკიდული საყვავილეებით.მეორე სართულის საერთო ფართობი შეადგენს 1378,4 კვ.მ-ს.მეორე სართულის დეტალური გეგმა.მესამე სართულიმესამე სართულის დეტალური გეგმა.მესამე სართული ძირითადად საძინებლებს და საძინებლებთან დაკავშირებულ საგარდერობოებსა და სააბაზანო ოთახებს ეთმობა.სართულზე 6 საძინებელია (აქედან 5 თითქმის ტოლი ფართობით - 34,8 კვ.მ, ხოლო ერთი შედარებით დიდი - თითქმის 50 კვ.მეტრიანია), 7 გარდერობი, სრულად აღჭურვილი 6 სააბაზანო, 1 ტამბური, 1 საკუჭნაო, 1 საერთო ოთახი, 5 აივანი, 1 ტერასის კიბე 2 ტერასა - 500 კვ.მ. მესამე სართულის საერთო ფართობი შეადგენს - 1 037,6 კვ.მ-ს.ჯამში, სასახლის ყველა სართულის ფართობი შეადგენს: 3 820 კვ.მ-ს, რაც თეთრი სახლის ფართობის ტოლია სარდაფებისა და მიშენებების გარეშე. მაგნოლიას გრანდიოზული სასახლე ეკუთვნის ნათია ჯანაშიას ოჯახს და გაფორმებულია ნათია ჯანაშიას ქმარზე, დავით ცეცხლაძეზე. ცოლ-ქმრის ქონება, მაგნოლიას დიდი სასახლის აღმოჩენამდე, შეფასებული იყო 60 მილიონ ლარად, სადაც შედიოდა „ბრიტანულ-ქართული აკადემიის“ 70 პროცენტის გაყიდვიდან მიღებული 30 მილიონი ლარი, „ბრიტანულ-ქართული აკადემიის“ 30%-იანი წილის ღირებულება, ოჯახის საკუთრებაში არსებული ფუფუნების საგნები, ლუქს-კლასის ავტომობილები და იახტები, ოჯახის სახელზე გაფორმებული სხვა უძრავი ქონება.ნათია ჯანაშიას აქტივების ზრდა 2019 წლიდან იწყება, როდესაც მან სკოლის უდიდესი ნაწილი მიყიდა „საქართველოს კაპიტალს“. 2024 წლიდან ნათია ჯანაშია და მისი ქმარი გაათავისუფლეს მენეჯმენტიდან, სადაც მათ ყოველწლიური ანაზღაურების სახით 1 მილიონი ლარის ხელფასი ჰქონდათ დანიშნული. 5 წლის განმავლობაში ნათია ჯანშიამ და მისმა ქმარმა 5 მილიონი ლარი ჯამაგირად აიღეს.ფინანსთა სამინისტროს საგამოძიებო სამსახურში  დაწყებულია გამოძიება, სისხლის სამართლის საქმეზე (#092060925001), სამსახურებრივი მდგომარეობის გამოყენებით,  დიდი ოდენობით შპს „ბრიტანულ-ქართული აკადემიის" კუთვნილი თანხის შესაძლო მითვისება-გაფლანგვის ფაქტზე. საუბარია 4 მილიონი დოლარის მიტაცებაზე.აღსანიშნავია, რომ  გამოძიება დიდი ოთხეულის წევრი აუდიტორული კომპანიის მიერ დადასტურებულ ფაქტებზე დაყრდნობით არის დაწყებული. გამოძიების პერიოდი მოიცავს ნათია ჯანაშიასა და მისი ქმრის, დავით ცეცხლაძის „ბრიტანულ-ქართული აკადემიის" მენეჯმენტში ყოფნის პერიოდს (2019-2024 წლებს).მაგნოლიას დიდი სასახლის მშენებლობა ამჟამად შეჩერებულია. მშენებლობა მიმდინარეობდა 2021 -2024 წლებში.რეალტორების მიერ მოწოდებული ინფორმაციით, მაგნოლიას დიდი სასახლის ღირებულება დღევანდელი მდგომარეობით (მშენებლობა დასრულებულია, დარჩენილია მოსაპირკეთებელი სამუშაოები) 4 მილიონ დოლარს შეადგენს.

1789976742

სელფის გენერალური დირექტორი, გაეროს გლობალური შეთანხმების (UN Global Compact) Leaders Summit 2026-ზე მონაწილეობს სესიაში „Integrity as a Competitive Advantage“ („კეთილსინდისიერება, როგორც კონკურენტული უპირატესობა“), რომელიც ბიზნესის, აკადემიური სფეროსა და საერთაშორისო ორგანიზაციების წარმომადგენლებს აერთიანებს. სესიის მომხსენებლებს შორის არიან Harvard Business School-ის პროფესორი ლინ პეინი და Deloitte-ის, RELX-ის, Safaricom-ის, AtkinsRéalis-ისა და CMPC-ის წარმომადგენლები.Leaders Summit-ი გაეროს გლობალური შეთანხმების ყოველწლიური შეხვედრაა, რომელიც გაეროს გენერალური ასამბლეის მაღალი დონის კვირეულის ფარგლებში იმართება. წელს სამიტი 22-23 სექტემბერს ნიუ-იორკში თავს მოუყრის მსოფლიოს ბიზნესლიდერებსა და ექსპერტებს, მდგრადი ზრდისა და გლობალური გამოწვევების საპასუხოდ კერძო სექტორის როლის განსახილველად.სესიაზე როსტომი საერთაშორისო აუდიტორიას სელფის ტრანსფორმაციის გამოცდილებასა და კომპანიის ხედვას გაუზიარებს იმის შესახებ, თუ როგორ შეიძლება კეთილსინდისიერება და შესაბამისობის მაღალი სტანდარტები იქცეს არა მხოლოდ კორპორაციულ ვალდებულებად, არამედ ნდობისა და გრძელვადიანი კონკურენტული უპირატესობის საფუძვლად.25 სექტემბერს კი, სელფის რისკებისა და შესაბამისობის დირექტორი ია მამეიშვილი გაეროს გლობალური შეთანხმების საქართველოს ქსელის მიერ ორგანიზებულ ღონისძიებაში მიიღებს მონაწილეობას.ია დისკუსიის „AI and People: Inclusion, Skills, and the Future of Work“ მომხსენებელი იქნება. მსჯელობა ხელოვნური ინტელექტის პასუხისმგებლიან გამოყენებას, სამუშაო გარემოს ცვლილებას, ახალი უნარების განვითარებასა და ინკლუზიურ ციფრულ ტრანსფორმაციას შეეხება. ია საერთაშორისო აუდიტორიას ხელოვნური ინტელექტის ეთიკის, მმართველობისა და პასუხისმგებლიანი გამოყენების მიმართულებით საკუთარ ხედვასა და პრაქტიკულ გამოცდილებას გაუზიარებს.სელფის მონაწილეობას ხსენებულ დისკუსიებში კომპანიის მიერ ბიზნესის კეთილსინდისიერებისა და შესაბამისობის მიმართულებით განხორციელებული ინიციატივებიც ამყარებს. 2025 წელს სელფი გახდა ერთადერთი ტელეკომ კომპანია საქართველოში, რომელმაც ISO 37001 ანტიკორუფციული მართვის სისტემისა და ISO 37301 შესაბამისობის მართვის სისტემის საერთაშორისო სერტიფიკატები მოიპოვა.სელფი ასევე არის გაეროს გლობალური შეთანხმების საქართველოს ქსელის წევრი და აქტიურად მონაწილეობს პასუხისმგებლიანი ბიზნესპრაქტიკის, გამჭვირვალობისა და მდგრადი განვითარების ხელშემწყობ აქტივობებში.

1789976150

ერთდღიანი მედიატურის ფარგლებში, მინისტრმა და ჟურნალისტებმა ჯავახეთში მადათაფასა და ბუღდაშენის ტბები დაათვალიერეს და რეგიონის ბუნებრივ, ტურისტულ და კულტურულ შესაძლებლობებს გაეცნენ.მედიატურის ფარგლებში, განსაკუთრებული ყურადღება დაეთმო ჯავახეთის უნიკალური ეკოსისტემების დაცვას, ბიომრავალფეროვნების შენარჩუნებას, ეკოტურიზმის განვითარებასა და დაცული ტერიტორიების მიმდებარედ მცხოვრები მოსახლეობისთვის ახალი შესაძლებლობების შექმნას.„ჯავახეთის დაცული ტერიტორიები საქართველოს ერთ-ერთი გამორჩეული მაღალმთიანი ეკოსისტემაა, რომელიც განსაკუთრებით მნიშვნელოვანია ფრინველთა მრავალფეროვნებისა და მიგრირებადი სახეობების დაცვისთვის. მადათაფასა და ბუღდაშენის ტბებს საერთაშორისო მნიშვნელობის მქონე რამსარის ჭარბტენიანი ტერიტორიების სტატუსი აქვს და მიგრაციის პერიოდში მრავალი სახეობის ფრინველისთვის მნიშვნელოვან ჰაბიტატს წარმოადგენს. ჩვენი მიზანია, დაცული ტერიტორიების განვითარება ბუნების დაცვის პრინციპებთან სრულ შესაბამისობაში წარიმართოს, რათა ერთი მხრივ, შევინარჩუნოთ უნიკალური ეკოსისტემები და ბიომრავალფეროვნება, ხოლო, მეორე მხრივ, შევქმნათ მეტი შესაძლებლობა ეკოტურიზმის განვითარებისთვის“, - განაცხადა გარემოს დაცვისა და სოფლის მეურნეობის მინისტრმა დავით სონღულაშვილმა.ჯავახეთის ბუნებრივი მემკვიდრეობის დაცვის მიმართულებით, თეთრობის აღკვეთილში ნიამორის აღდგენის პროექტი იწყება, რომელსაც ველური ბუნების ეროვნული სააგენტო, დაცული ტერიტორიების სააგენტო და ზოოპარკი კოორდინირებულად განახორციელებენ. პროექტი ნიამორის პოპულაციის აღდგენასა და ჯავახეთის ეკოსისტემის გაძლიერებას ითვალისწინებს.საქართველოში დღეს 112 დაცული ტერიტორიაა, რომელთა საერთო ფართობი 1 066 175 ჰექტარს აღემატება და ქვეყნის ტერიტორიის 15 პროცენტზე მეტს მოიცავს. დაცული ტერიტორიების განვითარება, ბუნებრივი მემკვიდრეობის დაცვა და ეკოტურიზმის შესაძლებლობების გაძლიერება გარემოს დაცვისა და სოფლის მეურნეობის სამინისტროს საქმიანობის ერთ-ერთი მნიშვნელოვანი მიმართულებაა.დაცულ ტერიტორიებზე ვიზიტორთა რაოდენობა ყოველწლიურად იზრდება. მიმდინარე წლის პირველ რვა თვეში საქართველოს დაცულ ტერიტორიებს თითქმის 900 ათასი ვიზიტორი ეწვია, მათ შორის 500 ათასზე მეტი საერთაშორისო ვიზიტორია. გასულ წელს კი დაცულ ტერიტორიებზე ვიზიტორთა რეკორდული მაჩვენებელი დაფიქსირდა.

1789975285