Სელფი გაეროს გენერალური ასამბლეის მაღალი დონის კვირეულის მონაწილეა

საქსტატის ცნობით, ადგილობრივი ექსპორტი, რეექსპორტის გარეშე, მთლიანი ექსპორტის 60.6 პროცენტს შეადგენს.უწყების მონაცემებით, აღნიშნული მაჩვენებელი წინა წლის შესაბამის პერიოდთან შედარებით 63.5 პროცენტით გაიზარდა და 3 286.6 მლნ. აშშ დოლარს გაუტოლდა.საქსტატის მონაცემებით, 2026 წლის იანვარ-აგვისტოში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 65.0 პროცენტი შეადგინა. ამ მხრივ, უმსხვილესი საექსპორტო პარტნიორები არიან ჩინეთი – 529.1 მლნ. აშშ დოლარით, რუსეთი – 468.3 მლნ. აშშ დოლარით და თურქეთი – 297.3 მლნ. აშშ დოლარით.2026 წლის იანვარ-აგვისტოში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი 649.1 მლნ. აშშ დოლარით, აღნიშნული სასაქონლო ჯგუფის წილი მთლიანი ადგილობრივი ექსპორტის 19.8 პროცენტს შეადგენს. მეორე ადგილზეა ძვირფასი ლითონის მადნები და კონცენტრატები, 403.1 მლნ. აშშ დოლარით, ხოლო მესამე ადგილს იკავებს ფეროშენადნობები 219.0 მლნ. აშშ დოლარით.

1789979840

გარემოს დაცვისა და სოფლის მეურნეობის მინისტრის, დავით სონღულაშვილის განცხადებით, თანამედროვე გლობალური გამოწვევების გათვალისწინებით, ქართული მეღვინეობის შემდგომი განვითარებისთვის განსაკუთრებით მნიშვნელოვანია ხარისხზე ორიენტირება.„დღევანდელი გამოწვევებიდან გამომდინარე, როდესაც ღვინის მოხმარება და მომხმარებლის დამოკიდებულება იცვლება, ხოლო საერთაშორისო ბაზრები მუდმივად გარდაიქმნება, განსაკუთრებით მნიშვნელოვანი ხდება, რომ ქართული პროდუქცია აუცილებლად იყოს კონკურენტუნარიანი როგორც შიდა, ისე საერთაშორისო ბაზრებზე. ზუსტად ამას ემსახურება თითოეული ის რეფორმა და გადაწყვეტილება, რომელსაც ვიღებთ“, - განაცხადა დავით სონღულაშვილმა.მინისტრის თქმით, ხარისხიანი ღვინის წარმოება ხარისხიანი ყურძნის გარეშე შეუძლებელია. შესაბამისად, წლევანდელი რთველის ერთ-ერთი მნიშვნელოვანი მიმართულება იმ მევენახეების წახალისებაა, რომლებიც ვენახს სათანადოდ უვლიან, ვაზს ზომიერად ტვირთავენ და მაღალი შაქრიანობისა და ხარისხობრივი მაჩვენებლების მქონე ყურძენს აწარმოებენ.„მნიშვნელოვანია, რომ ვაზი ისე დავტვირთოთ და ისე მოვუაროთ, რომ მაღალი ხარისხის ყურძენი მოგვცეს. სწორედ აქედან იწყება ყველაფერი. ხარისხიანი ყურძნის გარეშე შესაბამისი ხარისხის ღვინის წარმოება შეუძლებელია და, შესაბამისად, ეს არის ერთიანი ჯაჭვი - მევენახიდან მეღვინემდე და საბოლოოდ საერთაშორისო ბაზრამდე. ამასთან, ასეთ მიდგომას უფრო მაღალი ეკონომიკური შედეგი უნდა ჰქონდეს თავად მევენახისთვისაც, რადგან ხარისხიანი ყურძნის წარმოებამ, საბოლოო ჯამში, მას მეტი შემოსავალი უნდა მოუტანოს, ვიდრე დიდი რაოდენობით და დაბალი ხარისხის მოსავლის მიღებამ“, - აღნიშნა დავით სონღულაშვილმა.

1789977669

ვიზიტის ფარგლებში, სტუმრები ქართლსა და კახეთში ქართული ღვინის მწარმოებელ 11 მარანსა და კომპანიას ეწვივნენ. მათ დააგემოვნეს როგორც კლასიკური, ისე ტრადიციული მეთოდით დამზადებული ქართული ღვინოები, გაეცნენ ქართული ღვინის მრავალსაუკუნოვან ისტორიას, კულტურასა და ტრადიციებს.ამერიკელი სტუმრების ჯგუფ Glodow Nead Communications-ის ვიცე-პრეზიდენტი ალექს ფონდერნი, ციფრული ბიულეტენ WineSpeed-ის რედაქტორი და წიგნის „ღვინის ბიბლია“ ავტორი კარენ მაკნილი, Apple News-ის ავტორი შერლინ პიტერსი, ჟურნალ Blood of Gods-ის დამფუძნებელი და გამომცემელი სტეისი ბიუკენენი და სომელიე და ღვინის მწერალი პიტ ჰოლანდი  იყვნენ.„ეს ვიზიტი ძალიან მნიშვნელოვანია ამერიკაში ქართული ღვინის ცნობადობის ამაღლებისთვის. ჟურნალისტებისთვის განსაკუთრებით საინტერესოა, თავად გაეცნონ საქართველოს, დააგემოვნონ ქართული ღვინო და სამზარეულო, შეხვდნენ ღვინის მწარმოებლებს და უკეთ გაიცნონ ქვეყნის კულტურა და ტრადიციები. ვფიქრობ, მათ უკვე შეიყვარეს საქართველო, მისი სტუმართმოყვარეობა და ქართული ღვინო. დარწმუნებული ვარ, საქართველოში მიღებულ შთაბეჭდილებებს ისინი ამერიკაში თავიანთ მკითხველებსა და აუდიტორიას გაუზიარებენ და მათაც გაუჩნდებათ სურვილი, თავად ეწვიონ საქართველოს და აღმოაჩინონ ქართული ღვინისა და კულტურის უნიკალურობა“, - აღნიშნა ალექს ფონდერნმა.ამერიკელი ღვინის პროფესიონალებისა და მედიის წარმომადგენლების ვიზიტები ქართული ღვინის შესახებ ინფორმაციის გავრცელებასა და მისი ცნობადობის ზრდას უწყობს ხელს. აშშ ქართული ღვინისთვის ერთ-ერთი მნიშვნელოვანი საექსპორტო ბაზარია, რომელიც მაღალი კონკურენციითა და ხარისხის მიმართ მკაცრი მოთხოვნებით გამოირჩევა.ღვინის ეროვნული სააგენტოს მხარდაჭერით, ბოლო წლებში ამერიკის ბაზარზე ქართული ღვინის პოპულარიზაციის არაერთი მარკეტინგული ღონისძიება განხორციელდა, რაც ქართული ღვინის ცნობადობის ზრდას და ამერიკელ მომხმარებელში მის მიმართ ინტერესის გაძლიერებას ემსახურება.

1789977547

მინისტრის განცხადებით, მსოფლიოში ღვინის მოხმარების შემცირების ტენდენცია გავლენას ახდენს თითქმის ყველა ღვინის მწარმოებელ ქვეყანაზე და შესაბამისად, ქართული მეღვინეობის განვითარების პოლიტიკაც ახალ რეალობას უნდა მოერგოს.„ღვინის სექტორი მსოფლიოში ერთ-ერთ ყველაზე მნიშვნელოვან ცვლილებას განიცდის. 1961 წლის შემდეგ ღვინის მოხმარების თვალსაზრისით ერთ-ერთი ყველაზე დაბალი მაჩვენებელია და ეს, თავისთავად ცხადია, გავლენას ახდენს ღვინის მწარმოებელ ქვეყნებზე. ჩვენც მზად უნდა ვიყოთ ამ გამოწვევებისთვის“, - განაცხადა დავით სონღულაშვილმა.მისივე თქმით, საქართველოს ღვინის ექსპორტი ამ ეტაპზე სტაბილურია და მცირე ზრდაც ფიქსირდება, თუმცა არსებული ვითარება სექტორის განვითარების მიმართულებების გადახედვას და ხარისხზე კიდევ უფრო მეტ აქცენტირებას მოითხოვს.„ის, რომ ქართული ღვინის ექსპორტი სტაბილურია და მცირე ზრდაც გვაქვს, არ გვაძლევს იმის უფლებას, რომ მომავალ გამოწვევებს ყურადღება არ მივაქციოთ. გარდაუვალია ცვლილებები და იმისთვის, რომ მზად ვიყოთ, განსაკუთრებულად მნიშვნელოვანია ღვინის ხარისხი. ღვინის სამშობლოსთან ერთად, ჩვენ უნდა გვქონდეს ხარისხობრივი უპირატესობაც“, - აღნიშნა მინისტრმა.დავით სონღულაშვილის განცხადებით, ქართული ღვინის ხარისხის უზრუნველყოფა იწყება ვენახიდან და ხარისხიანი ყურძნის წარმოებიდან. სწორედ ამიტომ, მევენახეობისა და მეღვინეობის სექტორში განხორციელებული ცვლილებები ერთიანი სტრატეგიის ნაწილია.„ეს არის ერთიანი ჯაჭვი. თუ მევენახეს არ ექნება მოტივაცია, აწარმოოს ხარისხიანი ყურძენი, მეღვინეს გაუჭირდება შესაბამისი ხარისხის ღვინის წარმოება. დღეს უკვე გარემო შეიცვალა და იმ ეტაპზე ვართ, როდესაც მთავარი გამოწვევა ხარისხია. ზუსტად ამას პასუხობს ის გადაწყვეტილებები, რომლებიც მივიღეთ“, - აღნიშნა დავით სონღულაშვილმა.მინისტრის განცხადებით, მეღვინეობა-მევენახეობის სექტორის განვითარების ახალ ეტაპზე მთავარი ამოცანაა, რაოდენობაზე ორიენტირებული მიდგომა ეტაპობრივად შეიცვალოს ხარისხზე ორიენტირებული წარმოებით, რაც ქართულ ღვინოს როგორც შიდა, ისე საერთაშორისო ბაზრებზე კონკურენტუნარიანობის შენარჩუნებაში დაეხმარება.

1789977441

აქედან, ექსპორტი 5 422.5 მლნ. აშშ დოლარს შეადგენს (გაიზარდა 22.1 პროცენტით), ხოლო იმპორტი 12 504.4 მლნ. აშშ დოლარს (გაიზარდა 3.4 პროცენტით). საქართველოს უარყოფითმა სავაჭრო ბალანსმა 2026 წლის იანვარაგვისტოში 7 081.8 მლნ. აშშ დოლარი შეადგინა, რაც საგარეო სავაჭრო ბრუნვის 39.5 პროცენტია.2026 წლის იანვარ-აგვისტოში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 68.8 პროცენტი შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი (577.6 მლნ. აშშ დოლარი), ჩინეთი (543.7 მლნ. აშშ დოლარი) და რუსეთი (500.7 მლნ. აშშ დოლარი).2026 წლის იანვარ-აგვისტოში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.2 პროცენტი შეადგინა. პირველ სამეულში შედის: თურქეთი (1 918.6 მლნ. აშშ დოლარი), რუსეთი (1 531.8 მლნ. აშშ დოლარი) და აშშ (1 510.5 მლნ. აშშ დოლარი).2026 წლის იანვარ-აგვისტოში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 65.7 პროცენტი შეადგინა. ქვეყნის უმსხვილესი სავაჭრო პარტნიორები არიან: თურქეთი (2 247.5 მლნ. აშშ დოლარი), ჩინეთი (2 042.8 მლნ. აშშ დოლარი) და რუსეთი (2 032.5 მლნ. აშშ დოლარი).2026 წლის იანვარ-აგვისტოში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 1 347.7 მლნ. აშშ დოლარით, რაც მთელი ექსპორტის 24.9 პროცენტს შეადგენს. მეორე ადგილს იკავებს ნავთობი და ნავთობპროდუქტები 688.9 მლნ. აშშ დოლარით (მთლიანი ექსპორტის 12.7 პროცენტი), ხოლო მესამე ადგილზეა ძვირფასი ლითონების მადნები და კონცენტრატები 403.1 მლნ. აშშ დოლარით (7.4 პროცენტი).უმსხვილესი საიმპორტო სასაქონლო ჯგუფი 2026 წლის იანვარ-აგვისტოში წარმოდგენილი იყო მსუბუქი ავტომობილების სახით, რომლის იმპორტმა 2 364.3 მლნ. აშშ დოლარი და მთელი იმპორტის 18.9 პროცენტი შეადგინა. მეორე ადგილს იკავებს ნავთობი და ნავთობპროდუქტები 1 164.7 მლნ. აშშ დოლარით (იმპორტის 9.3 პროცენტი), ხოლო მესამე ადგილზეა სამკურნალო საშუალებები 468.4 მლნ. აშშ დოლარით (იმპორტის 3.7 პროცენტი).

1789977306

ქომაგობა სტადიონის კარებთან არც იწყება და არც მთავრდება. ის 90-წუთიან სანახაობაზე მეტია - საერთო ემოცია და იდენტობა, რომელიც ფეხბურთელებსა და გულშემატკივრებს ერთ გუნდად აერთიანებს. სწორედ ეს მუხტია, რაც თამაშის დროს ქალაქის რიტმს ცვლის.„ოდესმე ყოფილხართ ცარიელ სტადიონზე? დადექით ცარიელი სტადიონის შუაგულში და მოუსმინეთ - არაფერია ცარიელ სტადიონზე უფრო ცარიელი. არაფერია მაყურებლის გარეშე დარჩენილ ტრიბუნებზე უფრო ჩუმი“, - ურუგვაელი პუბლიცისტის, ედუარდო გალეანოს ეს სიტყვები კიდევ ერთხელ გვარწმუნებს გულშემატკივრობის ძალაში.ახლა, როცა ერთა ლიგის პირველი ოფიციალური მატჩი ახლოვდება, გულდასაწყვეტია, რომ ეროვნული ნაკრები პირველ შეხვედრას ჩრდილოეთ ირლანდიასთან ცარიელი ტრიბუნების წინაშე გამართავს. თუმცა, როცა ჩვენი ფეხბურთელები მოედანზე შენი ქვეყნის სახელით გადიან, გუნდის მარტო დატოვება უბრალოდ წარმოუდგენელია. ეს სიჩუმე დიდ ხმაურად უნდა იქცეს, ჩვენი მხარდაჭერა კი - მოედანზე გადავიდეს.ქართველ გულშემატკივარს არაერთხელ გვიმღერია ჩვენი ფეხბურთელებისთვის - „შენთანა ვარ, ნურაფრის გეშინიაო“. ახლაც იგივე გამეორდება. 25 სექტემბერს, 17:00 საათიდან, „დინამო არენასთან“, ქუჩაში მოწყობილტრიბუნაზე ქართველი ქომაგებმა  ჩვენს ფეხბურთელებს  გაამხნევებენ, რათა საკუთარი ენერგია მოედანზე გაატანონ.ეს ყველაფერი იმისთვის, რომ მოკლე თუ შორეული გადაცემების, გატანილი გოლის დროს თუ ტაიმებს შორის შესვენებისას, ფეხბურთელებმა იგრძნონ, რომ მარტო არასოდეს არიან. რომ ახსოვდეთ: ჩვენ ყოველთვის მათთან ვართ.მართალია, ამ ფორმატით მხოლოდ ერთი მატჩი ჩატარდება - წინ კიდევ 5 თამაშია, მაგრამ ამას დიდი მნიშვნელობა არ აქვს. ჩვენთვის თითოეული შეხვედრა მნიშვნელოვანია და ყველა ბრძოლაში ერთიანობაა საჭირო.ჰოდა, კიდევ ერთხელ გახსენებთ: 25 სექტემბერს, 17:00 საათიდან, საქართველოს ქომაგები იკრიბებიან „დინამო არენასთან“ სპეციალურად მოწყობილ ტრიბუნებზე, რომ დახვდნენ ნაკრების ავტობუსს და უგულშემატკივრონ საქართველოს.ქომაგობა არ ჩერდება!

1789976883