„საქართველოს რკინიგზის“ ძირითადი ფინანსური მაჩვენებლების ტენდენცია არის საკმაოდ კარგი და უკვე გვაქვს შედეგები - ლაშა აბაშიძე

შეხვედრა თიბისის კორპორატიული საბანკო ბიზნესის მართვის დირექტორმა მერი ჩაჩანიძემ და ამერიკის სავაჭრო პალატის პრეზიდენტმა ირაკლი ბაიდაშვილმა გახსნეს. ღონისძიებას დაესწრნენ AmCham-ის წევრი კომპანიები და ბიზნესის წარმომადგენლები სხვადასხვა სექტორიდან.თიბისი კაპიტალის მიმოხილვის მიხედვით, 2026 წელს გლობალური ეკონომიკური გარემო მნიშვნელოვნად გართულდა. წლის დასაწყისში საერთაშორისო ბაზრებზე ძლიერი ეკონომიკური ზრდისა და ინფლაციის შემცირების მოლოდინი არსებობდა, თუმცა ახლო აღმოსავლეთში მიმდინარე მოვლენებმა პროგნოზები შეცვალა. ჰორმუზის სრუტის ჩაკეტვამ მსოფლიო ენერგეტიკულ ბაზარზე დამატებითი წნეხი შექმნა - ნავთობის ტრანზიტი 10%-მდე შემცირდა, რაც ინფლაციის ზრდისა და მონეტარული პოლიტიკის გამკაცრების რისკებს ზრდის.ამ ფონზე, საქართველო მდგრად პოზიციას ინარჩუნებს. თიბისი კაპიტალის პროგნოზით, ქვეყნის ეკონომიკა წელს 7.4%-ით გაიზრდება, რასაც ძირითადად ექსპორტის ზრდა განაპირობებს.რაც შეეხება ეკონომიკის სექტორებს, თიბისი კაპიტალის მიხედვით, თბილისში საცხოვრებელი უძრავი ქონების ბაზარი დადებითი ტენდენციებით ხასიათდება - 2026 წლის პირველ კვარტალში გაყიდული ბინების რაოდენობა 18.7%-ით, ხოლო ფასები 5.6%-ით გაიზარდა. ზრდას განაგრძობს ტურიზმიც - პირველ კვარტალში სექტორიდან მიღებულმა შემოსავლებმა 830 მილიონ დოლარს გადააჭარბა. როგორც მიმოხილვაშია აღნიშნული, საქართველოს ლოგისტიკის სექტორისთვის დამატებით შესაძლებლობებს ქმნის შუა კორიდორზე გაზრდილი მოთხოვნაც, რადგან ცენტრალური აზიის ქვეყნები ირანის გვერდის ავლით ალტერნატიულ სავაჭრო მარშრუტებს აქტიურად ეძებენ.

1778849403

სიახლეა ბარათის გაცემის პროცესში. ისედაც ძალიან მარტივი და სწრაფი პროცესი ახლა მეტად პერსონალიზებული გახდა - თუ ფიზიკური ბარათის საჭიროება არ გაქვს, შეკვეთის დროს უკვე შეგიძლია მხოლოდ ციფრული ბარათი აიღო, მაგრამ თუ მომავალში ფიზიკური ბარათიც დაგჭირდება, არც ეგ იქნება პრობლემა - მობაილბანკიდანვე მოითხოვ რომ ციფრულის ანალოგი დაგიმზადონ.თუ ინვესტიციებით ხართ დაინტერესებული, მომდევნო სიახლე ნამდვილად შენთვისაა. რადგან ინვესტიციების მიმართ ინტერესი ყოველდღე იზრდება, თიბისის მობაილბანკის გუნდი ზრუნავს, რომ ერთ პლატფორმაზე იყოს თავმოყრილი ყველაფერი - შეფასება, რჩევები და უშუალო ყიდვა-გაყიდვაც - მომხმარებლის დროისა და ენერგიის დაზოგვისთვის.აპრილის განახლებაში, ინვესტიციების მიმართულებით რამდენიმე მნიშვნელოვანი სიახლეა: ახალი ანალიტიკური ხელსაწყოები ინვესტიციების პლატფორმაზე - მომხმარებელს შეუძლია თვალი ადევნოს ბაზრის დინამიკას, ნახოს კომპანიების ფინანსური შედეგები, გაეცნოს ანალიტიკოსების შეფასებებს და ეს ყველაფერი ერთ სივრცეში - მობაილბანკში. დღის ტრენდები - სადაც მომხმარებელი ხედავს, დღის ჭრილში რომელი კომპანიის აქციების ფასი გაიზარდა, რომლების შემცირდა და რომელი აქციები ივაჭრებოდა ყველაზე მეტად; კომპანიების კვარტლური შედეგებისა და ძირითადი ფინანსური მაჩვენებლების ნახვაც მობაილბანკშია შესაძლებელი; უოლ სტრიტის ანალიტიკოსების შეფასებები, რეკომენდაციები და სამიზნე ფასები - რომელი აქციების ყიდვა-გაყიდვას გვირჩევენ დარგის წამყვანი ექსპერტები. * გაითვალისწინეთ, რომ ეს არ არის ფინანსური რჩევა.მუდმივად განახლებადი თიბისის მობაილბანკი შენთან ერთად ქმნის საუკეთესო ციფრულ გამოცდილებას, რაც კიდევ უფრო მეტ კომფორტსა და დროის მნიშვნელოვნად დაზოგვას ნიშნავს.დაელოდე მაისის განახლებებს, სადაც კიდევ არაერთი სიახლე და საჭირო ინფორმაცია გელოდება. მანამდე კი, გამოსცადე თიბისის მობაილბანკის შესაძლებლობები: https://app.tbcbank.ge/YiId/31kbj20v

1778843528

როგორც გარემოსდაცვითი ინფორმაციისა და განათლების ცენტრის დირექტორი თამთა დევდარიანი აღნიშნავს, გარემოსდაცვითი და აგრარული პროფესიები პირდაპირ კავშირშია ქვეყნის ეკოლოგიურ უსაფრთხოებასთან, ადამიანის ჯანმრთელობასთან და მომავალი თაობების კეთილდღეობასთან.„უმნიშვნელოვანესია ყველა პროფესია, თუმცა გარემოსდაცვითი და აგრარული მიმართულებები განსაკუთრებულ დატვირთავს იძენს, რადგან სწორედ ამ სფეროების განვითარებაზეა დამოკიდებული, თუ რამდენად უსაფრთხო და მდგრად გარემოში ვიცხოვრებთ მომავალში. მნიშვნელოვანია, ახალგაზრდებს ჰქონდეთ შესაძლებლობა, მიიღონ ხარისხიანი განათლება, პრაქტიკული გამოცდილება და მუდმივად განავითარონ საკუთარი უნარები. გვინდა, რაც შეიძლება მეტი ახალგაზრდა დაინტერესდეს გარემოსდაცვითი და აგრარული მიმართულებებით და საკუთარი ცოდნა ქვეყნის განვითარებას მოახმაროს. აქვე მინდა აღვნიშნო, რომ ჩვენი ქვეყანა უნიკალურია თავისი ბუნებითა და რესურსებით. სწორედ ამიტომ მნიშვნელოვანია, მომავალი თაობა იყოს პასუხისმგებლიანი და მოტივირებული, რათა ეკოლოგიური უსაფრთხოების დაცვასა და ძლიერი, მდგრადი მომავლის შექმნაში საკუთარი წვლილი შეიტანოს“, - განაცხადა თამთა დევდარიანმა.აღსანიშნავია, რომ გარემოსდაცვითი ინფორმაციისა და განათლების ცენტრი მრავალმხრივი მიმართულებით მუშაობს. აქტიურია თანამშრომლობა როგორც სკოლამდელი აღზრდის დაწესებულებებთან, ისე სკოლებთან, უნივერსიტეტებთან, პროფესიულ კოლეჯებთან და პედაგოგებთან.„განათლება არის მთავარი საფუძველი, რომელზეც მომავალი თაობების დამოკიდებულებები და ღირებულებები ყალიბდება. ამიტომ განსაკუთრებით მნიშვნელოვანია პედაგოგებთან და საგანმანათლებლო დაწესებულებებთან თანამშრომლობა“, - აღნიშნა თამთა დევდარიანმა.მისივე თქმით, ბოლო პერიოდში კიდევ უფრო გააქტიურდა საერთაშორისო თანამშრომლობაც. ცენტრი აქტიურად მუშაობს შვეიცარიასთან, ქალაქ ბერნთან და ქართულ-ფრანგულ ინსტიტუტთან.„საერთაშორისო პარტნიორობა ახალგაზრდებს აძლევს შესაძლებლობას, გაეცნონ საუკეთესო გამოცდილებას, თანამედროვე მიდგომებსა და პრაქტიკებს. ეს მათ პროფესიულ განვითარებასა და სამომავლო შესაძლებლობებზე მნიშვნელოვან გავლენას ახდენს“, - განაცხადა თამთა დევდარიანმა.

1778843240

მთავრობის მეთაურის თქმით, „ჰანიველ ცემენტი“ ქვეყანაში ერთადერთი კომპანიაა, რომელსაც ამ პროდუქციის სრული ციკლით წარმოება შეუძლია.„მოხარული ვარ, რომ დღეს „ჰანიველ ცემენტი“, კასპის ცემენტის ქარხანა გადადის განვითარების ახალ ეტაპზე. იწყება 70 მილიონი აშშ დოლარის ღირებულების პროექტის განხორციელება, რომელიც ცემენტის წარმოების სრულიად ახალ, თანამედროვე ტექნოლოგიურ ხაზს დაედება საფუძვლად. ეს არის იმ ტრადიციის გაგრძელება, რომელიც 1926 წელს, კასპში პირველი ქარხნის აშენებით დაიწყო. ქართული ცემენტის წარმოების ეს საუკუნოვანი ისტორია ჩვენი ქვეყნის ინდუსტრიული განვითარების განუყოფელი ნაწილია.„ჰანიველ ცემენტი“ ქვეყანაში ერთადერთი კომპანიაა, რომელსაც ამ პროდუქციის სრული ციკლით წარმოება შეუძლია. ახალი მასშტაბური პროექტი ჩვენს ქვეყანას საწარმოო სიმძლავრის უპრეცედენტო ზრდას მოუტანს. წარმოება წლიურად 400 000 ტონით გაიზრდება და ჯამურად 2 მილიონ ტონას მიაღწევს.ეს ნიშნავს, რომ საქართველო გახდება ამ თვალსაზრისით სრულიად თვითკმარი - ჩვენ საკუთარი რესურსით, იმპორტზე დამოკიდებულების გარეშე, შეუფერხებლად მოვამარაგებთ უმსხვილეს ინფრასტრუქტურულ და დეველოპერულ მშენებლობებს.ჩვენი საქმიანობის მთავარი ორიენტირიც სწორედ ესაა - ქვეყნის ეკონომიკური დამოუკიდებლობის განმტკიცება, იმპორტზე დამოკიდებულების თვისებრივად შემცირება და ადგილობრივი ბაზრისთვის უმაღლესი ხარისხის პროდუქციის მიწოდება.ჩვენთვის, ბუნებრივია, პრიორიტეტულია გარემოზე ზრუნვაც. ამდენად, მისასალმებელია, რომ საწარმო აღიჭურვება უახლესი ეკოლოგიური სტანდარტების შესაბამისად, რაც მინიმუმამდე დაიყვანს გარემოზე ზემოქმედებას და დანერგავს თანამედროვე, მწვანე წარმოების პრინციპებს.ამ სახელმწიფოებრივი ხედვის მხარდაჭერისთვის და ასეთი მნიშვნელოვანი პროექტის განხორციელებისთვის მადლობას ვუხდი ყველას, ვინც ჩართული იყო საქმეში - ინჟინერ-მშენებლებს, ტექნიკურ პერსონალს და ჩვენს პარტნიორებს: საქართველოს თანაინვესტირების ფონდს, „ჰანიველ პარტნერზს“ და „ჯიაიჯი ჰოლდინგს“. მინდა, ყველას წარმატებები გისურვოთ“, - აღნიშნა პრემიერმა.

1778842702

მედიის ცნობით, ბუდრისმა ამაზე სოციალ-დემოკრატების ფრაქციასთან დახურულ შეხვედრაზე ისაუბრა. წყაროების თქმით, საგარეო საქმეთა მინისტრმა კონკრეტულად სიტყვა „ზეწოლა“ გამოიყენა.წყაროების ინფორმაციით, აშშ ზეწოლას არ მხოლოდ ლიეტუვაზე, არამედ რეგიონის სხვა ქვეყნებზეც ახორციელებს, რომლებიც ტრანზიტულ მარშრუტებად შეიძლება გამოიყენონ. თუმცა ბელარუსული სასუქებისთვის ბალტიის ზღვამდე მისაღწევად ყველაზე მიმზიდველ მარშრუტად სწორედ ლიეტუვა მიიჩნევა.როგორც მედიამ გაარკვია, ერთ-ერთი განხილული ვარიანტი მიხედვით, ამერიკული კომპანია „ბელარუსკალისგან“ სასუქებს შეიძენდა და მათ ამერიკულ პროდუქტად გადააფორმებდა. ასევე განიხილებოდა ჰუმანიტარული მიზნებით ტრანსპორტირების სცენარიც.თუმცა ლიეტუველმა ოფიციალურმა პირებმა განაცხადეს, რომ ასეთი ტრანზიტი ევროკავშირის სანქციებით შეზღუდულია.ლიეტუვამ ბელარუსული კალიუმის სასუქების ტრანზიტი 2022 წლიდან შეაჩერა, მას შემდეგ, რაც 2021 წელს აშშ-მა „ბელარუსკალის“ წინააღმდეგ სანქციები დააწესა ბელარუსში ადამიანის უფლებების დარღვევისა და რეპრესიების საპასუხოდ. წელს აშშ-მა ზოგიერთი სანქცია გააუქმა მას შემდეგ, რაც ბელარუსის ხელისუფლებამ რამდენიმე პოლიტიკური პატიმარი გაათავისუფლა.ბუდრისმა ასევე აღნიშნა, რომ მინსკმა, შესაძლოა, აშშ-თან ურთიერთობების ცვლილება ლიეტუვაზე ზეწოლის გასაძლიერებლად გამოიყენოს. 12 მაისს ლიეტუვის პრეზიდენტის ადმინისტრაციამ კვლავ განაცხადა, რომ ვილნიუსსა და მინსკს შორის პოლიტიკური დიალოგის განსაახლებლად წინაპირობები არ არსებობს.ცოტა ხნის წინ ბელარუსის საგარეო საქმეთა მინისტრმა, მაქსიმ რიჟენკოვმა განაცხადა, რომ ლიეტუვის მხრიდან ბელარუსთან დიალოგისთვის მზადყოფნას ვერ ხედავს.ცნობისთვის, მანამდე აშშ-ის სპეციალურმა წარმომადგენელმა, ჯონ კოულმა განაცხადა, რომ ბელარუსული კალიუმის სასუქები აშშ-ისთვის შეიძლება ძალიან სასარგებლო იყოს და მათი მიწოდება ლიეტუვის გავლით უნდა ხდებოდეს, ამიტომ ის ვილნიუსისა და მინსკის დიალოგის განახლებას ელის.1tv.ge

1778840041

„სურსათის ეროვნულმა სააგენტომ, სოციალურ ქსელში გავრცელებული ინფორმაციის საფუძველზე ( ცხოველის, კატის არსებობა სასურსათო სივრცეში), სახელმწიფო კონტროლი (არაგეგმური ინსპექტირება) განახორციელა ს/ს „ნიკორა ტრეიდში“ („ლიბრე“, ს/კ 206255808 მის: ქ. თბილისი, რუსთავის გზატკეცილი 19). ინსპექტირებისას ობიექტზე დაფიქსირდა კრიტიკული შეუსაბამობების განმეორების ფაქტი, ასევე ვადაგასული სურსათის რეალიზაცია, რის გამოც ბიზნესოპერატორი დაჯარიმდა 5000 ლარით და შეუჩერდა კონკრეტული საწარმოო პროცესი. ვადაგასული სურსათი დაილუქა და სურსათის ეროვნული სააგენტოს ზედამხედველობით განადგურდება.სააგენტო მოუწოდებს მომხმარებელს, სურსათის შეძენისას ყურადღება მიაქციოს ეტიკეტს, სურსათის შენახვისა და რეალიზაციის პირობებს და ნებისმიერი დარღვევის აღმოჩენის შემთხვევაში, აცნობოს გარემოს დაცვისა და სოფლის მეურნეობის სამინისტროს ცხელ ხაზს - 1501.არცერთი შეტყობინება რეაგირების გარეშე არ დარჩება“, - აღნიშნულია გავრცელებულ ინფორმაციაში.

1778839810