გამოკითხვა - რომელ საკაბელო ოპერატორს ანიჭებთ უპირატესობას?

რა არის Quissly?დღეს ონლაინ შოპინგისას მომხმარებელს სტანდარტული ძიება აღარ ჰყოფნის. მას სურს, რომ სისტემას კონტექსტი ესმოდეს და თავად ხვდებოდეს, მაგალითად, როგორი სავარძელი მოუხდება მწვანე კედელს. სწორედ ამ მოთხოვნებს პასუხობს Quissly - ხელოვნურ ინტელექტზე დაფუძნებული ჭკვიანი საძიებო სისტემა და ჩატი, რომელიც ონლაინ სივრცეში ფიზიკური მაღაზიის გამოცდილებას ქმნის.“წარმოიდგინე, რომ ონლაინ მაღაზიაშიც ზუსტად ისე შეგიძლია დაუსვა კითხვა სისტემას, როგორც რეალურ კონსულტანტს. ტრადიციული საძიებო სისტემებისგან განსხვავებით, სადაც ბიზნესებს თითოეული სიტყვისა თუ შესაძლო ტექნიკური შეცდომის ხელით გაწერა უწევთ, Quissly-ის მთავარი უპირატესობა მისი "ჭკუაა",- ამბობს სტარტაპის თანადამფუძნებელი, თაზო ლეჟავა.სისტემა უნაკლოდ აღიქვამს შეცდომით დაბეჭდილ სიტყვებს, ბარბარიზმებს და მომხმარებლის კონტექსტს. მეტიც, სისტემას შეუძლია პროდუქციის სურათებით მოძიება და შოპინგის პროცესის პირდაპირ Messenger-ში, Instagram-სა თუ WhatsApp-ში დასრულება.რით განსხვავდება Quissly სტანდარტული ჩატბოტებისგან?Quissly-ში ინტეგრირებულია Human-in-the-loop მოდელი, რადგან კომპანიაში კარგად ესმით ადამიანური ფაქტორის მნიშვნელობა.როგორც სტარტაპის დამფუძნებელი, თაზო, აღნიშნავს:“რამდენად გასაოცარიც უნდა გვეჩვენებოდეს AI-ს შესაძლებლობები, კრიტიკული მომხმარებლის თვალში ის არ არის იდეალური, არ აქვს საკმარისი ადამიანური უნარები, ემპათია, რომელიც მომხმარებელს გადაწყვეტილების მიღებაში ეხმარება”სწორედ ამიტომ, თუ მომხმარებელს ადამიანთან საუბარი დასჭირდება, სისტემა მას შეუფერხებლად გადაამისამართებს ოპერატორთან.რეალური შედეგებიQuissly-ის ტექნოლოგიის დანერგვა პირდაპირ აისახება ბიზნესის ზრდაზე: კონვერსია ძიებიდან ყიდვამდე დაახლოებით 20%-მდე იზრდება; საშუალო კალათის ზომა 10-დან 40%-მდე იმატებს; მომხმარებლები დამატებით ფილტრებს იყენებენ მხოლოდ 2.6% შემთხვევაში (მაშინ, როცა მსოფლიო მაჩვენებელი 33-45%-ია). ეს ნიშნავს, რომ სისტემა პირველივე ცდაზე ზუსტ შედეგს აჩვენებს. 500 Global in Eurasia-ს ეფექტი და გეზი ამერიკისკენსტარტაპისთვის გარდამტეხი აღმოჩნდა 500 Global in Eurasia-ში მონაწილეობა:“500 Global-ში მოხვედრა სიგნალი იყო, რომ რაღაცას სწორად ვაკეთებდით. ფასდაუდებელი კავშირების გარდა, მთავარი იყო ე.წ. mindset-ის ცვლილება. თუ მანამდე 3-4 წელიწადში 100 კლიენტი ამბიციური გეგმა გვეგონა, 500-ში მონაწილეობით ეს რიცხვი გაათმაგდა და ვადა განახევრდა. დავიჯერეთ ექსპერიმენტების ძალის”, - იხსენებს თაზო.Quissly ახლა Shopify-ის აპლიკაციის დასტურს ელოდება, რაც განვითარების პროცესს კიდე უფრო დააჩქარებს. აღმოსავლეთ ევროპისა და აზიის ბაზრების ათვისების შემდეგ კი სტარტაპმა მთავარი გეზი ამერიკისკენ აიღო. ამ დიდი მიზნისკენ გადადგმული მნიშვნელოვანი ნაბიჯია 11 მარტს საქართველოს ბანკის პარტნიორობით გამართულ 2026 Select USA Tbilisi Startup Pitch Competition-ზე გამარჯვებაც.ამერიკის პარალელურად, სტარტაპი ევროპაშიც აღწევს წარმატებას. Vestbee-მ, რომელიც ინვესტორებისა და სტარტაპების დამაკავშირებელი წამყვანი ევროპული პლატფორმაა, ქართული გუნდი ევროპის ტოპ 100 სტარტაპს შორის დაასახელა, ხოლო Global Startup Awards-ზე აღმოსავლეთ ევროპის რეგიონში გამარჯვების შემდეგ, მაისში Quissly მალტაზე გაემგზავრება და უკვე გლობალურ ფინალში მიიღებს მონაწილეობას.Quissly-ის მაგალითი ნათლად აჩვენებს, როგორ შეიძლება 500 Global in Eurasia-ს მსგავსი პროგრამითა და სწორი მხარდაჭერით, ქართულმა სტარტაპმა ოფიციალურ რელიზამდე დაიწყოს გლობალური ზრდა და მსოფლიოს წამყვანი ბაზრების სრულფასოვანი მოთამაშე გახდეს.

1774618132

მონაცემები მიღებულია ტოპოგრაფიული რუკების, ყოფილი საზოგადო მეურნეობების მიწათსარგებლობის საარქივო გეგმების, ვენახისა და თხილის ბაღების კადასტრის მონაცემების გამოყენებით, ორთოფოტოგეგმების დეშიფრირების გზით. მონაცემები დამუშავებულია „კორინის“ (CORINE) საერთაშორისო კლასიფიკატორის მიხედვით და გამოიყენება გეოგრაფიულ არეალში მიწის საფარისა და მიწის გამოყენების ტიპების განსასაზღვრად და უნიკალური კლასიფიკაციის კოდის მისანიჭებლად.„კლასიფიკატორი მოიცავს 44 კლასს, თუმცა საქართველოს ფიზიკურ-გეოგრაფიული თავისებურებების გათვალისწინებით, ჩვენს შემთხვევაში გამოყენებულია მისი ადაპტირებული ვერსია“ - განაცხადა მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარემ გიორგი მიშელაძემ.სააგენტოს ადმინისტრაციული რესურსით დამუშავდა 6.4 მილიონზე მეტი ჰექტარი მიწის მონაცემები. გიორგი მიშელაძის განცხადებით, მონაცემები ყოველწლიურად განახლდება. წელს მიმდინარეობს აჭარის ა/რ-ის, იმერეთის, გურიისა და სამცხე-ჯავახეთის რეგიონების მონაცემების განახლება.„ეს შრომატევადი საქმიანობაა, მაგრამ ჩვენი რესურსების ფარგლებში ვცდილობთ, ყველაფერი უზრუნველვყოთ. სამწუხაროდ, ქვეყანაში არ არსებობდა ამ მიმართულებით კვალიფიციური მზა კადრები, ამიტომ დაგვჭირდა 40 ადამიანის მიღება და გადამზადება“, - განაცხადა მიშელაძემ.მისი თქმით, რუკის ფარდობითი ცდომილება შეესაბამება 1:2000 მასშტაბის სიზუსტეს, რაც საკმაოდ მაღალ გარჩევადობას ნიშნავს, თუმცა მიზანი მასშტაბის კიდევ უფრო შემცირებაა, რაც მეტ სიზუსტეს უზრუნველყოფს.

1774616400

მისი თქმით, ის რომ ასეთი დონის კონფერენცია საქართველოში იმართება, ამ ქვეყნის ძალიან დიდი აღიარებაა.„საქართველოში ყოფნა შესანიშნავი შესაძლებლობაა ერთის მხრივ ადგილობრივი საზოგადოებისთვის. „ქართუ“ შესანიშნავი თანამასპინძელია. მაღალი დონის წარმომადგენლობაა პოლიტიკური სპექტრიდან - მთავრობიდან, ასევე, ეროვნული და კომერციული ბანკებიდან. ვფიქრობ ასევე მნიშვნელოვანია, რომ საერთაშორისო ბანკირებთან დავაკავშიროთ ქართული პოლიტიკის შემქმნელები. 50-ზე მეტი წარმომადგენელი გვყავს დასავლეთ ევროპის და სხვა სახელმწიფოებიდან. ეს ძალიან მნიშვნელოვანი წინ გადადგმული ნაბიჯია. ისტორიული მომენტია, რომ ასეთ კონფერენციას ვმართავთ ჩვენი რეგიონის, ცენტრალური ევროპის გარეთ. ეს არის საქართველოს განვითარების, ასევე საქართველოს ეკონომიკისა და საბანკო სისტემის განვითარების მტკიცე აღიარება“, - განაცხადა თომას ლემპულიმ.51-ე საერთაშორისო საბანკო კონფერენცია, რომელიც ბანკი „ქართუს“ და ცენტრალური და აღმოსავლეთ ევროპის საბანკო ასოციაციის მიერ იმართება, ორი დღის განმავლობაში გაგრძელდება. კონფერენციაში 250-ზე მეტი დელეგატი მონაწილეობს 30-მდე ქვეყნიდან და 100-მდე სხვადასხვა ინსტიტუტიდან. იმართება პრეზენტაციები და პანელური დისკუსიები.

1774612171

მისი შეფასებით, საქართველო რეგიონში საფინანსო ჰაბის გარკვეული ფუნქციის შემსრულებელი ხდება.„აღნიშნული კვირა ჩვენ განებივრებულები ვართ კონფერენციებით, სადაც საერთაშორისო პარტნიორი ორგანიზაციების წარმომადგენლები სიხარულით აღნიშნავენ იმ შედეგებს, რომლებსაც ქართულმა საფინანსო სექტორმა და კერძოდ, ქართულმა ბანკებმა მიაღწიეს.რეგიონში განვითარებული მოვლენების ფონზე საქართველო ხდება საფინანსო ჰაბის გარკვეული ფუნქციის შემსრულებელი. ქართულ საბანკო სექტორზე სწორებას აკეთებენ ჩვენი მეზობელი ქვეყნების საბანკო წარმომადგენლები, ხშირად გვსტუმრობენ სომეხი და აზერბაიჯანელი კოლეგები, შუა აზიიდან ველოდებით ახლა სტუმრებს. იმედი გვაქვს, რომ ის გამოხმაურება, რომელიც დღევანდელი კონფერენციის შედეგად დაფიქსირდება მსოფლიო და ქართულ პრესაში, მხოლოდ და მხოლოდ შეუწყობს ხელს ქართული ეკონომიკის წინსვლას“, - განაცხადა რუსიამ.ბანკი „ქართუ“, ცენტრალური და აღმოსავლეთ ევროპის საბანკო ასოციაციასთან ერთად, 51-ე საერთაშორისო საბანკო კონფერენციას მასპინძლობს.

1774612021

მისივე თქმით, შესაბამისად, ქვეყნისთვის ეს არიას ძალიან დიდი პროგრესის მანიშნებელი, ძალიან დიდი სტიმული.„დიდი მნიშვნელობა აქვს დღევანდელ მდგომარეობაში საქართველოს, როგორც მომავალი ფინანსური რეგიონული ცენტრის პრომოციას და ამის მაქსიმალურად ხელშეწყობას, ვინაიდან ბანკები და ტექნოლოგიური კომპანიები დღეს მჭიდრო თანამშრომლობის საგანია. ფაქტობრივად, ერთიანი ძალისხმევით ხდება ფინანსური სექტორის განვითარება. შესაბამისად, ქვეყნისთვის ეს არიას ძალიან დიდი პროგრესის მანიშნებელი, ძალიან დიდი სტიმული და ასევე, ბაზრის მოთამაშეებისთვის, რომლებსაც ეძლევათ საშუალება, გაცვალონ საუკეთესო საბანკო პრაქტიკა“, - აღნიშნა ზურაბ გელენიძემ.ბანკი „ქართუ“, ცენტრალური და აღმოსავლეთ ევროპის საბანკო ასოციაციასთან ერთად, 51-ე საერთაშორისო საბანკო კონფერენციას თბილისში მასპინძლობს.

1774611867

„მიწის ფონდის ერთიანი ბაზა მოიცავს ორ მიმართულებას: სასოფლო-სამეურნეო და არასასოფლო-სამეურნეო დანიშნულების მიწების შესახებ მონაცემებს. სასოფლო-სამეურნეო მიწები გაყოფილია ერთწლიან და მრავალწლიანი კულტურებით დაფარულ ფართობებად, რაც შეეხება არასასოფლო-სამეურნეო ნაწილს, აქ მონაცემები წარმოდგენილია მრავალი მიმართულებით: ტყის ფონდის, დაცული ტერიტორიების, წყლის ფონდის, მყინვარების, ტბების, ურბანული ტერიტორიების შესახებ და სხვა. მოცემულია საქართველოს მიწის ფონდის სრული სურათი დანიშნულებისა და კატეგორიის მიხედვით“, - განაცხადა მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარე გიორგი მიშელაძემ.მისი თქმით, იმ პერიოდში, როცა არ არსებობდა მიწის მონაცემთა ერთიანი ბაზა, სახელმწიფო ეყრდნობოდა საჯარო რეესტრის მონაცემებს რეგისტრირებული მიწების შესახებ, სტატისტიკის მონაცემებს, რომლებიც ხშირად ზეპირ გამოკითხვებს ეფუძნებოდა.„ეს მონაცემები გაფანტული და ფრაგმენტული იყო, დღეს მიწის ფონდის ერთიანი ბაზა თავს უყრის სამინისტროს, საჯარო რეესტრისა და სხვა უწყებების, და რაც მთავარია, სააგენტოს მიერ დამუშავებულ მონაცემებს - გადამოწმებულ და დაზუსტებულ ინფორმაციას, რომელიც მუშაობას გაუადვილებს ყველას როგორც სახელმწიფოს, ასევე კერძო სექტორს“, - განაცხადა მიშელაძემ.✅მონაცემები საჯაროა და ხელმისაწვდომია სააგენტოს ვებგვერდზე✅ხოლო საქართველოს მიწათსარგებლობისა და მიწათდაფარულობის ინტერაქტიული რუკა განთავსებულია გარემოს დაცვისა და სოფლის მეურნეობის გეოგრაფიულ საინფორმაციო პორტალზე 

1774611617