ბიტკოინის ფასს ისტორიაში ყველაზე ხანგრძლივი ყოველთვიური ვარდნის სერია აქვს

დოკუმენტი განსაზღვრავს ხუთი წლის განმავლობაში აგროსასურსათო სექტორის ხელშეწყობაში FAO-ს ჩართულობას და სრულად შეესაბამება საქართველოს ეროვნული განვითარების პრიორიტეტებსა და გაეროს მდგრადი განვითარების თანამშრომლობის ჩარჩოს (UNSDCF). ეროვნულ და საერთაშორისო დაინტერესებულ მხარეებთან მრავალმხრივი  კონსულტაციების შედეგად შემუშავებული დოკუმენტი ასახავს სტრატეგიულ ხედვას საქართველოს აგროსასურსათო სისტემების უფრო კონკურენტუნარიან, ინკლუზიურ და კლიმატის მიმართ მედეგ სექტორად გარდასაქმნელად და აძლიერებს გაეროს კოორდინირებულ მხარდაჭერას.ქვეყნის პროგრამული ჩარჩოს (CPF) მეშვეობით, FAO უზრუნველყოფს ტექნიკურ ექსპერტიზას, პოლიტიკის მხარდაჭერასა და ტექნიკურ დახმარებას მწვანე და ინკლუზიური განვითარების ხელშესაწყობად.„გაეროს სურსათისა და სოფლის მეურნეობის ორგანიზაციასთან (FAO) ჩვენ მრავალწლიანი წარმატებული თანამშრომლობა გვაკავშირებს. მტკიცე პარტნიორობით განხორცილდა და ამ ეტაპზეც მიმდინარეობს არაერთი პროექტი, რომელთა მიზანიც აგროსექტორის მაღალი სტანდარტით განვითარების  ხელშეწყობაა. ქვეყნის პროგრამულ ჩარჩო ხელშეკრულებაზე  (CPF)  ხელმოწერით ვადასტურებთ მზაობას უფრო კონკურენტუნარიანი და ინკლუზიური აგროსასურსათო სისტემის შესაქმნელად, რომელსაც ხელშესახები სარგებელი მოაქვს ჩვენი სოფლად მცხოვრები მოსახლეობისთვის“, - განაცხადა დავით სონღულაშვილმა.FAO-ს წარმომადგენელმა რაიმუნდ იელემ ხაზი გაუსვა ორგანიზაციის როლს ეროვნული შესაძლებლობების გაძლიერებასა და ინკლუზიური მიდგომების პოპულარიზაციაში.„პროგრამული ჩარჩო ხელშეკრულება (CPF, 2026-2030) შეთანხმების ის ფორმაა, რომელიც ეფუძნება საერთო პრიორიტეტებს და მიზნად ისახავს გლობალური ექსპერტიზის გამოყენებას ქალაქსა და სოფელს შორის არსებული სხვაობის აღმოსაფხვრელად, ქალებისა და ახალგაზრდების გასაძლიერებლად და იმის უზრუნველსაყოფად, რომ საქართველოს სოფლის მეურნეობის სექტორი მზად იყოს კლიმატის ცვლილების გამოწვევებისთვის“, - განაცხადა რაიმუნდ იელემ.„მოხარული ვარ, სამინისტროსა და გაეროს სურსათისა და სოფლის მეურნეობის ორგანიზაციას შორის ქვეყნის პროგრამულ ჩარჩო ხელშეკრულების ხელმოწერით. ეს დოკუმენტი ემსახურება ქვეყანაში აგროსასურსათო სისტემების განვითარების, სოფლის მეურნეობის პროდუქტიულობის ზრდის მიმართულებით მნიშვნელოვანი კონტრიბუციის განხორციელებას, ასევე ეროვნულად განსაზღვრული წვლილის (NDC) ფარგლებში, სათბურის აირების ემისიების შემცირებას. ვულოცავ ორივე მხარეს მნიშვნელოვანი დოკუმენტის ხელმოწერას“,-განაცხადა გაერთიანებული ერების ორგანიზაციის მუდმივმა კოორდინატორმა საქართველოში- დიდიე ტღებიუკმა.ქვეყნის პროგრამული ჩარჩო ხელშეკრულება (CPF, 2026-2030 წლები) ქმედითი გზამკვლევია, განვითარების ხარვეზების აღმოსაფხვრელად, იყოს მწვანე ეკონომიკური ზრდის უზრუნველსაყოფად  და სოფლად მცხოვრები მოსახლეობის კეთილდღეობის ასამაღლებლად.გარემოს დაცვისა და სოფლის მეურნეობის სამინისტროში გამართულ შეხვედრას მთავრობის ადმინისტრაციის უფროსის მოადგილე ზვიად ბარქაია, მინისტრის მოადგილე ლაშა დოლიძე, გაეროს სურსათისა და სოფლის მეურნეობის ორგანიზაციის წარმომადგენლები და  სამინისტროს შესაბამისი სამსახურის ხელმძღვანელი პირები ესწრებოდნენ.

1782384995

გარემოს დაცვისა და სოფლის მეურნეობის სამინისტროს ინფორმაციით, შეხვედრაზე მინისტრმა ქართული აგროსასურსათო პროდუქციის ექსპორტის გაფართოების, ახალ ბაზრებზე წვდომის, სავაჭრო კავშირების განვითარების საკითხები განიხილა.მათივე ცნობით, შეხვედრაზე აღინიშნა, რომ საერთაშორისო ბაზრებზე ქართული აგროსასურსათო პროდუქციის მიმართ მზარდი ინტერესი ფიქსირდება. ახლო აღმოსავლეთის ქვეყნები – იორდანია, ალჟირი და საუდის არაბეთი დაინტერესებული არიან წვრილფეხა საქონლის იმპორტით. ბელარუსის ბაზარზე მოთხოვნა არსებობს არაალკოჰოლურ სასმელებზე, ნუშსა და თხილზე. ცენტრალური აზიის ქვეყნებიდან – უზბეკეთიდან, ყირგიზეთიდან, ტაჯიკეთიდან და თურქმენეთიდან განსაკუთრებული ინტერესია ქართული არაალკოჰოლური სასმელების, თხილის, კაკლის, ნუშისა და ციტრუსოვანი კულტურების მიმართ, რაც მნიშვნელოვანია ქართული აგროსასურსათო სექტორის განვითარების, საექსპორტო ბაზრების დივერსიფიკაციისა და ქვეყნის ეკონომიკური ზრდის ხელშეწყობისთვის.„ცენტრალური აზიის ქვეყნებში ვიზიტების ერთ-ერთი მთავარი მიზანი ქართული აგროსასურსათო პროდუქციისთვის ახალი ბაზრების ათვისების ხელშეწყობა და საექსპორტო შესაძლებლობების გაფართოებაა. სწორედ ამიტომ, მნიშვნელოვანია, კერძო სექტორისგან მივიღოთ დეტალური ინფორმაცია კონკრეტული პროდუქტების საექსპორტო პოტენციალის შესახებ, ასევე, რა გამოწვევების წინაშე დგანან ექსპორტიორები ბაზრებზე შესვლის პროცესში. ეს შესაძლებლობას მოგვცემს, სახელმწიფო რესურსები და მხარდამჭერი მექანიზმები მაქსიმალურად ეფექტიანად გამოვიყენოთ და ბიზნესს ახალი ბაზრების მოძიებასა და დამკვიდრებაში რეალური მხარდაჭერა გავუწიოთ“, – განაცხადა დავით სონღულაშვილმა.ეფექტიანი თანამშრომლობისა და დროული კოორდინაციის მიზნით, მინისტრმა გამოთქვა მოსაზრება აგროსასურსათო პროდუქციის ექსპორტიორთა საბჭოს შექმნის შესახებ. საბჭო კვარტალში ერთხელ შეიკრიბება და უზრუნველყოფს სახელმწიფოსა და კერძო სექტორს შორის რეგულარულ კომუნიკაციას.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ლაშა დოლიძე და სამინისტროს შესაბამისი უწყებების ხელმძღვანელი პირები ესწრებოდნენ.

1782383200

მთავრობის მეთაურის შეფასებით, ფოთის საზღვაო ნავსადგურის გაფართოება არის მორიგი ნიშანი იმისა, რომ საქართველო რეგიონულ ლოგისტიკურ ცენტრად მკვიდრდება.„ეს პროექტი საერთო მიზნის გარშემო აერთიანებს სახელმწიფოს, ქართულ ბიზნესს და ამერიკულ ფინანსურ ინსტიტუტებს.მინდა, განსაკუთრებული მადლობა გადავუხადო ამერიკის შეერთებული შტატების საერთაშორისო განვითარების ფინანსურ კორპორაციას (DFC). ეს პროექტი კიდევ ერთი ნათელი დასტურია იმისა, რომ ნდობასა და საერთო ღირებულებებზე დაფუძნებულ, მდგრადი განვითარების მიზნებზე ორიენტირებულ თანამშრომლობას ყოველთვის ხელშესახები  შედეგები მოაქვს. ამავდროულად, განსაკუთრებული მნიშვნელობა აქვს იმ გარემოებას, რომ ამ მასშტაბური ჩანაფიქრის ინიციატორი და განმახორციელებელი ქართული კომპანიაა.„პეის ჯგუფის“ წარმატება აჩვენებს, რომ ადგილობრივ ბიზნესს აქვს კომპეტენცია და ყველა რესურსი,  საერთაშორისო პარტნიორებთან ერთად განახორციელოს ისეთი მასშტაბური პროექტები, რომლებიც ჩვენი ქვეყნის ეკონომიკურ მომავალს ქმნის”, -  განაცხადა პრემიერ-მინისტრმა.

1782382978

25 ივნისის დილით ადრე, სევასტოპოლის მერმა, მიხაილ რაზვოჟაევმა, გამოაცხადა „დროებითი ელექტროენერგიის მიწოდების შეზღუდვის რეჟიმის“ შემოღების შესახებ. მისი თქმით, ბრძანება გასცა სს „სო ეეს“-ის შავი ზღვის რეგიონულმა ოფისმა.„ეს ღონისძიება აუცილებელია. აუცილებელია ჩვენი რეგიონის გარეთ ელექტროქსელის გადატვირთვის აღმოსაფხვრელად და მთელი ენერგოსისტემის ავარიის თავიდან ასაცილებლად“, - განმარტა რაზვოჟაევმა.„კრიმენერგომ“ მსგავსი შეტყობინება დილის 11:00 საათზე გამოაქვეყნა. ოპერატორმა აღნიშნა, რომ ელექტროენერგიის გათიშვა „მიზანმიმართულად და საჭიროებისამებრ“ განხორციელდებოდა გათიშვის გრაფიკის დადგენამდე. მცხოვრებლებს მოუწოდეს, „შეემცირებინათ ქსელზე დატვირთვა და არ გამოეყენებინათ მაღალი სიმძლავრის ელექტრომოწყობილობები“ და „გაგება“ სთხოვეს.ხუთშაბათს ღამით, უკრაინულმა დრონებმა ყირიმზე თავდასხმა განახორციელეს, რომლის სამიზნეც ტავრიჩესკაიასა და ბალაკლავას თბოელექტროსადგურები (თბოელექტროსადგურები), ასევე იალტის ელექტროქვესადგური იყო, იტყობინება „უნიანი“. უკრაინის შეიარაღებული ძალების დარტყმების გამო ელექტროენერგიის გათიშვამ ნახევარკუნძულის მრავალ ქალაქს, მათ შორის სევასტოპოლს, სადაც საზოგადოებრივი ტრანსპორტი შეიზღუდა, სიმფეროპოლს, ქერჩსა და იალტას, შეეხო.ევპატორიასა და ზაოზერნოეში ელექტროენერგიის გათიშვის გამო წყალმომარაგების გრაფიკი შემოიღეს.„ეს ღონისძიება დაკავშირებულია ელექტროენერგიის გათიშვასთან და მეორე ლიფტის წყალმომარაგების სადგურის რეზერვუარებში რეზერვის დონის შემცირებასთან“, - იტყობინება ადგილობრივი ხელისუფლება.ადრე უკრაინის ხელისუფლებამ გამოაცხადა ყირიმის რუსეთისგან „იზოლაციის“ და მისი „კუნძულად“ გადაქცევის შესახებ. ამ ფონზე, უკრაინულმა ჯარებმა მნიშვნელოვნად გაზარდეს ნახევარკუნძულის სამხედრო და ენერგეტიკულ ინფრასტრუქტურაზე დარტყმების რაოდენობა.21 ივნისის ღამეს, დრონებმა ქერჩში ნავთობის საწყობსა და კავკაზის პორტს დაარტყეს, რამაც ყირიმში საწვავის გაყიდვების სრული შეჩერება და ბორნის მომსახურების დახურვა გამოიწვია. იმავე ღამეს ელექტროენერგიის გათიშვა ყირიმის მნიშვნელოვან ნაწილს, მათ შორის სევასტოპოლ, ალუშტას, არმანსკის, კრასნოპერეკოპსკისა და ძანკოის შეეხო.23 ივნისის ღამეს ნახევარკუნძულის სოვეტსკის რაიონში მდებარე ელექტროქვესადგურ „ნასოსნაია-2“-ზე თავდასხმა განხორციელდა, ხოლო 24-ის ღამეს სევასტოპოლში მდებარე ბალაკლავას თბოელექტროსადგურზე თავდასხმა განხორციელდა, რის შედეგადაც ქალაქი ელექტროენერგიის გარეშე დარჩა.საერთო ჯამში, ელექტროენერგიის გათიშვის შესახებ ინფორმაცია უკვე რამდენიმე დღეა მთელ რეგიონშია.

1782382685

ანგარიშის თანახმად ქვეყანაში სტრუქტურული უმუშევრობა კვლავ გამოწვევად რჩება, ამასთან შეზღუდულია პროდუქტიული სამუშაო ადგილების რაოდენობა, არსებობს შეუსაბამობა ბაზარზე საჭირო უნარებსა და ბაზრის მოთხოვნას შორის.„საქართველო გამოწვევების წინაშე დგას შრომის ბაზარზე. მათ შორის განსაკუთრებით აღსანიშნავია უმუშევრობის მაღალი დონე, განსაკუთრებით ახალგაზრდებში, და ბიზნესების მხრიდან კვალიფიციური კადრების დეფიციტის შესახებ მზარდი სიგნალები”, - წერს IMF-ი.„უმუშევრობა ისტორიულ მინიმუმამდე შემცირდა, თუმცა ის კვლავ აღემატება შესადარის მაჩვენებლებს, განსაკუთრებით ახალგაზრდებში. ამავე დროს, კომპანიები სულ უფრო ხშირად ასახელებენ კვალიფიციური მუშახელისა და სამუშაო ძალის დეფიციტს ბიზნესის საქმიანობის ერთ-ერთ მთავარ შემაფერხებელ ფაქტორად”, - აღნიშნავს IMF-ი.კვლევის მიხედვით, ქვეყანაში ფართოდ არის გავრცელებული როგორც გადაჭარბებული კვალიფიკაცია, ისე უნარების დეფიციტ, რაც ასახავს ზოგადი და უმაღლესი განათლების მქონე კადრების სტრუქტურულ სიჭარბეს იმ უნარებთან შედარებით, რომლებიც რეალურად მოთხოვნადია სამუშაო ადგილებზე, განსაკუთრებით ტექნიკური და პრაქტიკული მიმართულებებით.„2024 წელს სამუშაო ასაკის დასაქმებულთა 27% და ახალგაზრდების 36% იმ პოზიციებზე მუშაობდა, რომლებიც მათ განათლების დონეზე დაბალ კვალიფიკაციას მოითხოვდა. ამასთან, უმაღლესი განათლების მქონე დასაქმებულთა 40% დასაქმებული იყო საშუალო ან დაბალი კვალიფიკაციის სამუშაოებზე. საპირისპიროდ, არასაკმარისი კვალიფიკაცია განსაკუთრებით შეინიშნებოდა მაღალპროდუქტიულ სექტორებში, როგორიცაა ინფორმაციული ტექნოლოგიები (ICT), ფინანსები, მენეჯერული და პროფესიული საქმიანობა. მნიშვნელოვანი იყო ასევე სპეციალობისა და დასაქმების სფეროს შორის შეუსაბამობა: დასაქმებულთა მხოლოდ დაახლოებით ერთი მესამედი მუშაობდა იმ სფეროში, რომელიც მათ განათლებასა და პროფესიულ მომზადებას შეესაბამებოდა. ეს ტენდენციები მიუთითებს განათლების სისტემასა და შრომის ბაზრის მოთხოვნებს შორის სუსტ კავშირზე, ასევე მაღალი პროდუქტიულობის სექტორების შეზღუდულ შესაძლებლობაზე, შეითვისონ კვალიფიციური სამუშაო ძალა”, - აღნიშნულია IMF-ის კვლევაში.ანგარიშის თანახმად, დასაქმების სტრუქტურა თანდათან გადაადგილდა სოფლის მეურნეობიდან ვაჭრობისა და მშენებლობის სექტორებისკენ. ამავე დროს, ვაკანსიების რაოდენობა გაიზარდა მაღალკვალიფიციურ სექტორებში, როგორიცაა ინფორმაციული ტექნოლოგიები (ICT) და ფინანსები, მაშინ როდესაც შემცირდა საშუალო კვალიფიკაციის სამუშაოებზე მოთხოვნა ვაჭრობის, გაყიდვებისა და მშენებლობის სფეროებში. კომპანიების დონეზე არსებული მონაცემები აჩვენებს, რომ გამოკითხული ბიზნესების დაახლოებით 8% უცხოელ მუშაკებს ასაქმებს, რაც მთლიან დასაქმებაში დაახლოებით 2%-იან წილს შეადგენს. ეს ნაწილობრივ ადგილობრივი კვალიფიციური კადრების დეფიციტითაა განპირობებული, განსაკუთრებით პროფესიულ პოზიციებზე. ამასთან, იზრდება იმ კომპანიების წილი, რომლებიც უცხოელი თანამშრომლების დასაქმების მთავარ მიზეზად შედარებით დაბალ ანაზღაურებას ასახელებენ.IMF-ი სამუშაო ადგილების შექმნის ხელშეწყობისთვის ორ ურთიერთშემავსებელ პრიორიტეტულ მიმართულებას გამოკვეთს. უნარების შეუსაბამობის შემცირება და შრომის ბაზრის მოთხოვნებთან მათი უკეთ შესაბამისობაში მოყვანა და მოსახლეობის სოციალური დაცვის უზრუნველყოფა და დასაქმების მოტივაციის გაძლიერება.უნარების შეუსაბამობის შემცირება და შრომის ბაზრის მოთხოვნებთან მათი უკეთ შესაბამისობაში მოყვანაპრიორიტეტულ ნაბიჯებს შორისაა:სწავლების ხარისხის გაუმჯობესება და სასწავლო პროგრამების შრომის ბაზრის მოთხოვნებთან მეტად დაახლოება;პროფესიული განათლებისა და გადამზადების (VET) სისტემის გაძლიერება;დამსაქმებლების მონაწილეობით სასწავლო პროგრამების, სტაჟირებებისა და პრაქტიკული მომზადების შესაძლებლობების გაფართოება;დასაქმების ხელშემწყობი ინსტიტუტების, მათ შორის საჯარო დასაქმების სერვისებისა და კარიერული კონსულტირების სისტემის გაუმჯობესება.მოსახლეობის სოციალური დაცვის უზრუნველყოფა და დასაქმების მოტივაციის გაძლიერებასოციალური დახმარებების მოცულობის შემდგომ გაზრდამდე მნიშვნელოვანია შეფასდეს მათი გავლენა შრომის ბაზარზე და გაძლიერდეს კავშირი სოციალურ მხარდაჭერასა და დასაქმების ხელშემწყობ ღონისძიებებს შორის, როგორიცაა პროფესიული გადამზადება, სამუშაოს ძიების მხარდაჭერა და კარიერული კონსულტირება.დამატებითი ზომები, განსაკუთრებით ქალების ეკონომიკური აქტივობის გასაზრდელად, შეიძლება მოიცავდეს:ბავშვთა და ხანდაზმულთა მოვლის სერვისების გაფართოებას;კვალიფიკაციის ამაღლების პროგრამებზე ხელმისაწვდომობის ზრდას;მოქნილი სამუშაო პირობების დანერგვის ხელშეწყობას.

1782380974

ბექა ბერიძე, „თეგეტა ჰოლდინგის“ სატვირთო, კომერციული ტექნიკისა და ავტობუსების მიმართულების ხელმძღვანელი: „თეგეტა“ მუდმივად მუშაობს იმაზე, რომ ბაზარს შესთავაზოს სხვადასხვა სეგმენტის ავტომობილები, რომლებიც მაქსიმალურად პასუხობს ბიზნესის საჭიროებებს. FAW-ის კომერციული მიმართულება სწორედ ამ სტრატეგიის ნაწილია - ეს არის ბრენდი, რომელიც გამოირჩევა ოპტიმალური ფასისა და შესაძლებლობების კომბინაციით და განსაკუთრებით საინტერესოა ლოგისტიკისა და სადისტრიბუციო კომპანიებისთვის.FAW გამოირჩევა ხარისხისა და ფასის საუკეთესო პროპორციით. ვფიქრობთ, FAW-ის გამძლეობის, გამოცდილებისა და „თეგეტას“ სერვისის ინფრასტრუქტურის შედეგად ძალიან წარმატებული პარტნიორობა გვექნება“.კომპანიებს შორის გარიგება ფლიტ მენეჯმენტის სერვისსაც მოიცავს, რაც ავტოპარკის სრულ ტექნიკურ მომსახურებას, გამართულობის კონტროლსა და მონაცემებზე დაფუძნებულ ანალიტიკას აერთიანებს. ბიზნესისთვის ეს ნიშნავს წინასწარი დიდი ინვესტიციის გარეშე მუშაობას, ხარჯების ზუსტ დაგეგმვასა და ძირითად საქმიანობაზე ფოკუსირების შესაძლებლობას. ამ ეტაპზე, „თეგეტა“ ჯამში 37 კომპანიის 400-მდე ავტომობილს უწევს ფლიტ მენეჯმენტის მომსახურებას.პეტრე წაქაძე, „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი: „დეილი ჯგუფთან“ გაფორმებული შეთანხმება მნიშვნელოვანია რამდენიმე მიზეზით. პირველ რიგში, ეს არის დიდი მოცულობის პროექტი, რომელიც აჩვენებს, რომ ქართული ბიზნესი უფრო აქტიურად გადადის თანამედროვე ფლიტ მენეჯმენტის მოდელზე. მეორე მხრივ, ჩვენთვის მნიშვნელოვანია, რომ FAW-ის კომერციული ავტომობილები უკვე რეალურ ოპერაციებში გამოიყენება ისეთი მსხვილი ბიზნესის მიერ, როგორიც არის „დეილი ჯგუფი“. ეს ქმნის კარგ მაგალითს ბაზრისთვის და ადასტურებს, რომ მსგავსი გადაწყვეტილებები ეფექტიანია.ფლიტ მენეჯმენტი დღეს უკვე ბიზნესისთვის ერთ-ერთი მნიშვნელოვანი ინსტრუმენტია, რადგან კომპანიებს საშუალებას აძლევს, ავტომობილების მართვა პროფესიულ და სისტემურ მოდელზე გადაიყვანონ. 5 წლიან პერსპექტივაში, ამ მიდგომით ბიზნესს შესაძლებლობა აქვს მსუბუქ ავტომობილებზე ხარჯების 15% დაზოგოს, მძიმე ტექნიკაზე კი 20-25%.  „დეილი ჯგუფის“ შემთხვევაში ჩვენ არ ვსაუბრობთ მხოლოდ ავტომობილების მიწოდებაზე - ეს არის სრულფასოვანი ფლიტ მენეჯმენტის გადაწყვეტილება, რომელიც მოიცავს ავტომობილების მიწოდებას, ტექნიკურ მომსახურებას, ოპერაციულ მართვასა და ხარჯების მნიშვნელოვან ოპტიმიზაციას“.„დეილი ჯგუფისთვის“ ეს პროექტი არ არის მხოლოდ ავტოპარკის განახლება - ეს არის სტრატეგიული გადაწყვეტილება, რომელიც კომპანიის საოპერაციო ეფექტიანობისა და სერვისის ხარისხის გაუმჯობესებას ისახავს მიზნად.იოსებ ბაჩი ჩხაიძე, „დეილი ჯგუფის“ მიწოდების ოპერაციების ხელმძღვანელი: „თეგეტასთან“ თანამშრომლობა ჩვენთვის სტრატეგიული პარტნიორობაა, რომელიც მიზნად ისახავს ოპერაციული ეფექტიანობისა და სერვისის ხარისხის გაუმჯობესებას. ჩვენ ვიყენებთ ჰიბრიდულ მოდელს - ავტოპარკის ტექნიკურ მომსახურებასა და მოვლა-პატრონობას უზრუნველყოფს „თეგეტა“, ხოლო საწვავის მართვა, მარშრუტების დაგეგმვა და მძღოლების ოპერირება „დეილი ჯგუფის“ შიდა კონტროლის ქვეშ რჩება. ეს მიდგომა გვაძლევს ეფექტიანობისა და კონტროლის დაბალანსებულ კომბინაციას, ამცირებს ადმინისტრაციულ დატვირთვას და გაუთვალისწინებელი ხარჯების რისკს.რაც შეეხება FAW-ის ბრენდზე არჩევანის გაკეთებას, ეს განპირობებული იყო სანდოობით, ოპერაციულ მოთხოვნებთან შესაბამისობითა და ეკონომიკური ეფექტიანობით. მნიშვნელოვანი როლი ითამაშა საოპერაციო ლიზინგის კონკურენტუნარიანმა პირობებმა და მიწოდების მოკლე ვადებმა, რაც სწრაფი მასშტაბირების პროცესში კრიტიკულად მნიშვნელოვანია. „თეგეტასთან“ თანამშრომლობა ჩვენთვის ნიშნავს სანდო და გრძელვადიან პარტნიორობას, რომელიც დაფუძნებულია პროფესიონალიზმსა და ხარისხზე და პირდაპირ აისახება ჩვენი სერვისის ხარისხსა და კომპანიის განვითარებაზე“.FAW (First Auto Works Jiefang) ჩინეთის სახელმწიფო საკუთრებაში არსებული ერთ-ერთი უმსხვილესი ავტომწარმოებელია, რომელიც სატვირთო ტექნიკას 1953 წლიდან აწარმოებს. მისი ოფიციალური წარმომადგენელი საქართველოში „თეგეტა ჰოლდინგი“ მიმდინარე წელს გახდა.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1782379260