ბანკები და ფინანსები ელ.ვერსია #594

ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტანსაცმელი და ფეხსაცმელი: ჯგუფში ფასები გაიზარდა 8.2%-ით, რაც თვის ინფლაციაზე 0.37 პ.პ.-ით აისახა. ფასები გაიზარდა როგორც ფეხსაცმლის (16.9%), ისე ტანსაცმლის (4%) ქვეჯგუფებზე; სურსათი და უალკოჰოლო სასმელები: ჯგუფში ფასები გაიზარდა 0.3%-ით, რაც თვის ინფლაციაზე 0.15 პ.პ.-ით აისახა. აღნიშნულ პერიოდში ფასები გაიზარდა ქვეჯგუფებზე: შაქარი, ჯემი და სხვა ტკბილეული (3.2%), თევზეული (2.9%), პური და პურპროდუქტები (2.5%), მინერალური და წყაროს წყალი, უალკოჰოლო სასმელები და ნატურალური წვენები (2%), ბოსტნეული და ბაღჩეული (0.5%), ხორცი და ხორცის პროდუქტები (0.5%). ამასთან, ფასები შემცირდა ქვეჯგუფებზე: ხილი და ყურძენი (-8.4%), რძე, ყველი და კვერცხი (-0.6%), ზეთი და ცხიმი (-0.6%), ყავა, ჩაი და კაკაო (-0.4%); ალკოჰოლური სასმელები, თამბაქო: ჯგუფში ფასები გაიზარდა 1.2%-ით. შესაბამისად, ჯგუფის წვლილმა თვის ინდექსში 0.08 პ.პ. შეადგინა. ფასები გაიზარდა როგორც თამბაქოს ნაწარმზე (1.7%), ისე ალკოჰოლურ სასმელებზე (0.8%). წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 11.7%-ით, რაც წლიურ ინფლაციაზე 3.88 პ.პ.-ით აისახა. ფასები მომატებულია ქვეჯგუფებზე: ხილი და ყურძენი (21%), ბოსტნეული და ბაღჩეული (19.4%), შაქარი, ჯემი და სხვა ტკბილეული (17.2%), თევზეული (16.9%), ზეთი და ცხიმი (13.9%), პური და პურპროდუქტები (12.4%), მინერალური და წყაროს წყალი, უალკოჰოლო სასმელები და ნატურალური წვენები (10.4%), ყავა, ჩაი და კაკაო (10.2%), რძე, ყველი და კვერცხი (8.1%), ხორცი და ხორცის პროდუქტები (4.9%); ჯანმრთელობის დაცვა: ჯგუფში ფასები მომატებულია 8.9%-ით, რაც წლიურ ინფლაციაზე 0.75 პ.პ.-ით აისახა. ფასები გაიზარდა ამბულატორიული სამედიცინო მომსახურების (9.3%), საავადმყოფოების მომსახურების (9.2%) და სამედიცინო პროდუქციის, აპარატურის და მოწყობილობის (8%) ქვეჯგუფებზე. ალკოჰოლური სასმელები, თამბაქო: ჯგუფში ფასები გაიზარდა 5.6%-ით. შესაბამისად, ჯგუფის წვლილმა წლიურ ინდექსში 0.36 პ.პ. შეადგინა. ფასები გაიზარდა როგორც თამბაქოს ნაწარმზე (7.2%), ისე ალკოჰოლურ სასმელებზე (3.9%).

1762158060

ამ ეტაპზე, მომენტალური გადარიცხვის სერვისი სრულად ინტეგრირებულია ბაზის ბანკთან, ამასთანავე, სისტემის დანერგვა სხვა ბანკებთან უკვე დაწყებულია.ახალი სერვისი მომხმარებელს გადარიცხვების შესრულებისას კომფორტს სთავაზობს და არსებული ალტერნატივებისგან რამდენიმე ასპექტით განსხვავდება: მყისიერი ასახვა 24/7: გადარიცხვა მომენტალურად, სამუშაო საათების მიღმაც სრულდება. მობილურის ნომრით გადარიცხვა: აღარ არის საჭირო საბანკო ანგარიშის ნომრის ცოდნა ან კოპირება. საჭირო არაა ლინკები ან ბარათის მონაცემები: თანხის მისაღებად ადრესატს არ უწევს ლინკზე გადასვლა და ბარათის მონაცემების შეყვანა. სავალუტო ოპერაციები: შესაძლებელია გადარიცხვების შესრულება ევროსა და დოლარში. გაზრდილი ლიმიტი ლარში: თითო ტრანზაქციაზე 10,000 ლარის ოდენობით. ტრანზაქციების რაოდენობის შეუზღუდავი ლიმიტი: დღის განმავლობაში შესაძლებელია ნებისმიერი რაოდენობის ოპერაციის შესრულება. „საქართველოს ბანკისთვის თანამედროვე ფინანსური ეკოსისტემის შექმნა განსაკუთრებულად პრიორიტეტულია. მომენტალური გადარიცხვების ფუნქციონალის დანერგვა სწორედ ამ სტრატეგიის ნაწილია. ჩვენ ვაგრძელებთ მუშაობას ახალ ციფრულ შესაძლებლობებზე, რათა ბანკის მომხმარებლებს ფინანსური ოპერაციების შესრულების შესაძლებლობა ნებისმიერ დროსა და ადგილას ჰქონდეთ“, - აცხადებენ საქართველოს ბანკში.გადარიცხვების შესრულებისთვის გადმოწერეთ საქართველოს ბანკის მობილბანკი.

1762155780

"Emaar-ის $6,5-მილიარდიანი ინვესტიციის შესახებ.მნიშვნელოვანია, რომ პროექტის 33% საქართველოს სახელმწიფო საკუთრება იქნება, წინა მთავრობების დროს დიდი პროექტებიდან მხოლოდ ხელისუფალნი ხეირობდნენ - ეს აღსანიშნია!  Emaar ხუთი წლის განმავლობაში $6,5 მილიარდის  ინვესტიციას გეგმავს.რას მოიტანს საქართველოსთვის ეს ინვესტიცია?ეკონომიკა ყოველწლიურად დამატებით 1,8%-ით გაიზრდება, 5 წლის თავზე კი მხოლოდ ამ პროექტის ხარჯზე  ეკონომიკის მატება 25% ანუ $8-9 მილიარდი იქნება (მულტიპლიკატორის გათვალისწინებით). აშენებული კომპლექსების ფუნქციონირების დაწყება ტურიზმის ხარჯზე ყოველწლიურად კიდევ 1,5% დამატებით ზრდას მოიტანს.რა მინუსებია?პროექტი რისკებს აჩენს, რომელიც უცხოელების იმიგრაციასთან შეიძლება იყოს  დაკავშირებული. რეალურად აჩენს თუ არა ამას უკვე მნიშვნელობა აღარ აქვს, საზოგადოების დიდ ნაწილს სჯერა, რომ აჩენს, რადგან პროექტის პრეზენტაციას არ ახლდა საკმარისი ახსნა-განმარტება. იმიგრაცია რამდენიმე სახის რისკს მოიცავს:1. ეკონომიკური: სამუშაო ადგილებს უცხოელები დაიკავებენ, ადგილობრივი მოქალაქე  უმუშევარი დარჩება. 2. ინსტიქტური: ხალხი ყოველთვის უფრთხის ცვლილებებს, მოსალოდნელი ცვლილებები კი შეიძლება უარყოფითი იყოს. 3. კულტურული: უცხოელები თავის კულტურულ კლასტერს განავითარებენ. 4. საზოგადოებრივ-პოლიტიკური: ნებისმიერ ეთნიკურ უმცირესობას აქვს უფლება საკუთარი ენის, კულტურის და რელიგიური თავისუფლების მატერიალიზება მოითხოვოს.ადამიანი ინსტიქტურად ყოფს სხვა ადამიანებს ორ კატეგორიად: „ჩვენიანი“ და „უცხო“. აქედან გამომდინარე, საზოგადოების რეაქცია ბუნებრივია. ეს ინსტინქტი განსაკუთრებით  მცირერიცხოვან ერებს აქვთ გამძაფრებული. ხალხის რეაქცია ამ პროექტზე მოსალოდნელიც იყო და არ არის გასაკვირი. ეს ინსტინქტი ისტორიის მანძილზე რამდენჯერმე მოვადუნეთ და სავალოლო შედეგები მივიღეთ. მთავრობამ ამას უნდა შეხედოს, როგორც ჯანსაღ პროცესს, არ უნდა დაუპირისპირდეს მათ ვინც კითხვებს სვამს - პირიქით, ითანამშრომლოს საზოგადოებასთან როგორც თანამოაზრემ, ყველა კითხვას გასცეს პასუხი, გამჭვირვალე გახადოს ამ პროექტის ყველა დეტალი და რისკების დასაზღვევად აუცილებელი საკანონმდებლო ცვლილებები განახორციელოს. ეს საკითხის იმგვარად გადაწყვეტა იქნება, როცა ყველა მოგებული და კმაყოფილი დარჩება. გარდა იმ პოლიტიკოსებისა, რომლებიც ამ თემაზე ქულების დაწერას ცდილობენ: გლობალისტების მსახური და ულტრალიბერალური პარტია „ლელო“ ლამისაა გაშიშვლდეს, ტანზე თაფლი წაისვას და ორთაჭალა/კრწანისის სამშენებლო  მოედანზე მცხუნვარე მზეს მიეფიცხოს ნოემბერში სამშობლოს უსაზღვრო სიყვარულის გამოსახატავად.  პატრიოტიზმის ხარისხით ხიდაშელ-უსფაშვილ-სამადაშვილი მოუხდება ამ სცენას. ნაცი ტაქსისტები ამბობენ: მათ სხეული რომ დაუსერო სულ საფერავი  წარმოდინდების. თუმცა... ჩვენ ხომ ვიცით, რომ მიკროსკოპში ჩახედვისას მათ ყველა უჯრედში ჯორჯ სოროსის ჩვენზე და დემოკრატიაზე ზრუნვით დანაოჭებული სახეა დახოცილი მიტოქონდრიებისგან შეცხობილი.ზოგადად უცხოური ინვესტიცია ისეთ სფეროში, რომლის გაკეთებაც ჩვენ თავად შეგვიძლია მისასალმებელი არ არის. უცხოელი ინვესტორი კაპიტალს აბანდებს, მაგრამ მოგვიანებით ჩადებულს ნამატით გაიტანს.  მისასლამებელია უცხოური ინვესტიციების მოზიდვა ისეთ პროექტებში, რომლის განხორციელება ჩვენ თავად არ შეგვიძლია ტექნოლოგიური ჩამორჩენის გამო.  მაგალითისთვის: მიკროპორცესორების, ოპტიკური ხელსაწყოების, ელექტრომობილების წარმოება, გეოთერმული ელექტროსადგური და ასე შემდეგ. დასავლეთიდან ინვესტიცია, შეღავათიანი კრედიტები არ მოდის ან მოდის შეზღუდულად და რაც მოდის დიდი ნაწილი ისევ ქართველებისაა. ეკონომიკის მოცულობის გასაზრდელად კი ვალუტის შემოდინება აუცილებელია.რა უნდა გაკეთდეს?ვფიქრობ, რომ ჩვენი საზოგადოების წუხილი ამ კონკრეტულ პროექტთან დაკავშირებით საჭიროებს რისკების დაზღვევის მექანიზმების ამოქმედებას: გამკაცრდეს სხვა ქვეყნის მოქალაქეებზე დროებითი და მუდმივი ბინადრობის გაცემის რეგულაციები უცხო ქვეყნის მოქალაქეებს აეკრძლაოთ სპეციალური მოწვევის გარეშე დასაქმება. მომწვევმა უნდა დაასაბუთოს უცხოელის კვალიფიკაციის მაღალი დონე და უპირატესობა საქართველოს მოქალაქესთან შედარებით. გაუქმდეს უძრავი ქონების შეძენით ბინადრობის უფლების მიღების ნორმა და საჭიროების შემთხვევაში გაიცეს 90-დღიანი ვიზა ყოველ 180 დღეში, რათა 10 წლის შემდეგ არ შეიქმნას წინაპირობა მოქალაქეობის მოთხოვნისთვის. დროებითი ბინადრობის უფლება გაიცეს საქართველოს ეკონომიკაში $1,000,000-ის ან მეტი ინვესტიციის განხორციელების შემთხვევაში, გაგრძელდეს თუ ინვესტიცია ისევ ეკონომიკაშია. მოქალაქეობის გაცემის წესის ბოლო მოდელი საკმაოდ მკაცრია და გულისხმობს ქართული ენის, საქართველოს ისტორიის და ქართული კანონმდებლობის აუცილებელ ცოდნას. ეს უნდა შენარჩუნდეს. თუ სასოფლო-სამეურნეო მიწის ნაკვეთს უცხო ქვეყნის მოქალაქე ფლობს და მიწა დაუმუშავებელია, მესაკუთრემ ყოველ ჰექტარზე 2000 ლარი წლიურად უნდა გადაიხადოს. შემოსული თანხა მოხმარდეს შეღავათიანი აგროკრედიტის სახელმწიფო პროგრამას. დასაშვებია მიწის იჯარით გაცემა საქართველოს მოქალაქეზე მისი დამუშავების მიზნით. Emaar-თან გაფორმდეს შეთანხმება მშენებლობის ყველა ეტაპზე და ექსპლუატაციაში შესული კომპლექსების ფუნქციონირებისთვის აუცილებელი პერსონალის მინიმუმ 90% საქართველოს მოქალაქეები უნდა იყვნენ. დარჩენილი 10%-ის მაღალი კვალიფიკაცია და უპირატესობა დადასტურებულ უნდა იქნას. გაგრძლედეს საქართველოს ტერიტორიაზე უკანონოდ მყოფი პირების გამოვლენა და დეპორტაცია. ამ მიზნით შეიქმნას ცხელი ხაზი საზოგადოების და სამართალდამცავი სტრუქტურების მეტი კოორდინაციისთვის ან გამოყენებულ იქნას 112. Emaar-თან საბოლოო შეთანხმება გასაჯაროვდეს. საზოგადოებისთვის მნიშვნელოვანია რომ: არ მივიღოთ უცხოელების კლასტერული დასახლება და აღიკვეთოს უკანონო და დაბალკვალიფიციური იმიგრანტების ყოფნა საქართველოში. სახელმწიფომ შრომის ბაზარზე საქართველოს მოქალაქეებისთვის ლეგიტიმური უპირატესობა უნდა უზრუნველყოს. უცხო ქვეყნის მოქალაქეების საკუთრებაში მყოფი სასოფლო-სამეურნეო მიწების დიდი ნაწილი არ მუშავდება, ხდება ნიადაგების დეგრადაცია და საჭიროა ახალი საკანონმდებლო და საგადასახადო მექანიზმების შექმნა იმისთვის, რომ აღნიშნული მიწები დამუშავდეს ან გამოვიდეს გასაყიდად ან გადაეცეს იჯარით საქართველოს მოქალაქეებს დასამუშავებლად. სასოფლო-სამეურნეო მიწების უცხოელებზე გაყიდვის აკრძალვა ძალაში უნდა დარჩეს, ხოლო მიწის სტატუსის ცვლილება აიკრძალოს განსაკუთრებული და სახელმწიფოებრივი ინტერესების შემცველი შემთხვევების გარდა. გააკეთეთ ასე და იქნება სიმშვიდე", - წერს გოგავა.

1762111807

ფინანსთა სამინისტროს შემოსავლების სამსახურის ცნობით, ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.დამატებითი ინფორმაციის მისაღებად გთხოვთ, იხილოთ ბმულები:https://rs.ge/PersonsTaxFAQ?cat=5&tab=1https://rs.ge/LawNewsArchive?newsId=1589ვიდეო ინსტრუქცია:https://www.youtube.com/watch?v=9iMXptuh5roსასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე.

1762004509

გარემოს დაცვისა და სოფლის მეურნეობის სამინისტროს ინფორმაციით, ველოშეჯიბრის გახსნის ღონისძიებას გარემოს დაცვისა და სოფლის მეურნეობის მინისტრი დავით სონღულაშვილი და კახეთის რეგიონში სახელმწიფო რწმუნებული გიორგი ალადაშვილი დაესწრნენ.„შატო ზეგაანის“ ინიციატივით გამართული საერთაშორისო ველოშეჯიბრი მიზნად ისახავს საქართველოში ველოტურიზმის განვითარებას, ჯანსაღი ცხოვრების წესის წახალისებას და ღვინის კულტურის პოპულარიზაციას სპორტული აქტივობის გზით, რაც ხელს უწყობს კახეთის რეგიონის ტურისტული და ეკონომიკური პოტენციალის ზრდას. მსგავსი პრაქტიკა ფართოდ არის დანერგილი ევროპის წამყვან ღვინის რეგიონებში.„ველოტურიზმი არა მხოლოდ ჯანსაღი ცხოვრების წესის პოპულარიზაციას უწყობს ხელს, არამედ ქმნის ხელსაყრელ გარემოს ადგილობრივი ტურიზმის და შესაბამისად, ეკონომიკის განვითარებისთვის. განსაკუთრებით საინტერესოა, როდესაც ღვინის ტრადიციული მარნები მხარს უჭერენ ჯანსაღი ცხოვრების წესის პოპულარიზაციას. ამ გზით ხდება, ერთი მხრივ, რეგიონისთვის მნიშვნელოვანი პროექტების განვითარება, ხოლო, მეორე მხრივ, კერძო სექტორის სოციალური პასუხისმგებლობის წარმოჩენა”, - განაცხადა დავით სონღულაშვილმა.ღონისძიებაზე მოსულ სტუმრებს შესაძლებლობა ჰქონდათ, დაეთვალიერებინათ ველოსიპედის მწარმოებელი სხვადასხვა კომპანიის სტენდები, მონაწილეობა მიეღოთ სპეციალურად ამ დღისადმი მიძღვნილი ღვინის ჩამოსხმის პროცესში და გასცნობოდნენ რეგიონში ეკომეგობრული ტურიზმის განვითარების პერსპექტივებს.ველოშეჯიბრი გამარჯვებულთა დაჯილდოებით დასრულდება, სადაც სამი საუკეთესო ველომრბოლელი გამოვლინდება.

1761992743

23 ნოემბრამდე საქართველოს ბანკის პლატფორმა Ads მენეჯერზე შესაძლებელია 10X და 50X PLUS ქულების დაგროვების შეთავაზების შექმნა, რომელიც სრულად დაფინანსდება საქართველოს ბანკისგან.შექმნილი შეთავაზების შესახებ ინფორმაცია კი საქართველოს ბანკის იმ არხებში გავრცელდება, რომელთაც 1 700 000-ზე მეტი ადამიანი იყენებს. ესენია - საქართველოს ბანკის მობილბანკი, sCoolApp, Offers.bog.ge და სხვა.ინფორმაციისთვის, დაფინანსებული შეთავაზებების შექმნას შეძლებთ, იმ შემთხვევაში, თუ თქვენი ბიზნესი ფლობს საქართველოს ბანკის გადახდის მეთოდებს და ბოლო 3 თვის საშუალო თვიური ბრუნვა არ აღემატება 1 მილიონ ლარს.10-ჯერ მეტი PLUS ქულის დაგროვების შეთავაზების ვადა განისაზღვრება 27 ნოემბრამდე, ხოლო 50-ჯერ მეტი PLUS ქულის შეთავაზება აქიური იქნება 28 ნოემბერს. თითოეული მომხმარებელი შეთავაზებების ფარგლებში შეძლებს დააგროვოს მაქსიმუმ 10 000 PLUS ქულა.Ads მენეჯერზე დამატებითი ინფორმაციის მისაღებად და შეთავაზების შექმნისთვის ეწვიეთ საქართველოს ბანკის ვებგვერდს.

1761924120