ბანკები და ფინანსები ელ.ვერსია #594

მისი თქმით, ბანკის ეს ნაბიჯი პასუხობს საქართველოს ვალის მართვის სტრატეგიით განსაზღვრულ მიზნებს.„განსაკუთრებით მსურს, ხაზი გავუსვა იმ გარემოებას, რომ ჩვენი პარტნიორების ეს გადაწყვეტილება, თანხვედრაშია საქართველოს ვალის მართვის სტრატეგიასთან, რომლის მიზანია ვალის მთლიან მოცულობაში გაიზარდოს ადგილობრივი ვალუტის წილი. ეს გააუმჯობესებს ეკონომიკის მედეგობას საგარეო შოკების მიმართ და ხელს შეუწყობს ქვეყნის მდგრად განვითარებას. ჩვენთვის, ასევე, სასიხარულოა ის შეფასება, რომელიც გაკეთდა ADB-ის ხელმძღვანელობის მხრიდან ქვეყნის ეკონომიკის და გატარებული რეფორმების მიმართულებით. დამატებითი ფინანსური რესურსის ადგილობრივ ვალუტაში გამოყოფა საერთაშორისო საფინანსო ინსტიტუტის მხრიდან საქართველოს ეკონომიკისადმი მაღალი ნდობის ხარისხზე მიუთითებს და ჩვენი წარმატებული თანამშრომლობის ახალი ეტაპია. ვსარგებლობ შესაძლებლობით და აზიის განვითარების ბანკს მადლობას ვუხდი საქართველოსთვის გაწეული მხარდაჭერისთვის, რომლის მიზანია ჩვენი ქვეყნის მდგრადი და სტაბილური განვითარება“, - აღნიშნა ფინანსთა მინისტრმა.სამინისტროს ცნობით, აზიის განვითარების ბანკმა საქართველოში პროფესიული განათლების ხარისხისა და მასზე წვდომის გაუმჯობესების მხარდასაჭერად დაამტკიცა „თანამედროვე უნარები უკეთესი დასაქმების სექტორის განვითარებისთვის“ ქვეპროგრამა-2, რომლის ფარგლებშიც საქართველოსთვის გამოყოფილი იქნება 68.2 მლნ ლარის ოდენობით ფინანსური რესურსი, რომელიც ბიუჯეტის მხარდამჭერ სესხს წარმოადგენს.

1732281375

რატომ არის მნიშვნელოვანი ანტიფრიზის დროული შეცვლა და რა უნდა გავითვალისწინოთ მისი შემოწმებისას? – ამის შესახებ უფრო დეტალურად „თეგეტა მოტორსის“ საცხებ საპოხი მასალების მიმართულების უფროსი ოფიცერი მირზა სამხარაძე გვესაუბრება.პირველ რიგში, გვითხარით, რა ფუნქციას ასრულებს ანტიფრიზი და რამდენად მნიშვნელოვანი როლი აქვს ავტომობილის გამართულად მუშაობაში?ანტიფრიზი ცივ ამინდებში ავტომობილის გამართულობის ერთ-ერთი მთავარი კომპონენტია. ის ზრდის ძრავის სითბურ სიმძლავრეს, იცავს გადახურებისგან ცხელ ამინდში, ხოლო გაყინვისგან - ზამთარში, რაც უზრუნველყოფს ძრავის გამართულად მუშაობას ნებისმიერ ამინდსა და პირობებში. გარდა ამისა, ანტიფრიზს კოროზიისა და ნალექისგან დაცვის ფუნქციაც აქვს. კარგი ხარისხის ანტიფრიზი შეიცავს სპეციალურ დანამატებს, რომლებიც იცავს ძრავის ნაწილებს კოროზიისგან, ჟანგვისგან და მინერალების ნალექის დაგროვებისგან, რაც ხელს უწყობს ძრავის უფრო ხანგრძლივად მუშაობასა და  გაგრილების სისტემის სისუფთავეს. თანამედროვე ანტიფრიზები -37 C°-იდან -60 C°-ამდე ტემპერატურას უძლებს. ზამთარში ძრავის გაგრილების სისტემაში ანტიფრიზის ნაცვლად სხვა არაყინვაგამძლე სითხის ჩასხმა ძრავის სერიოზულ დაზიანებას გამოიწვევს.რა პერიოდულობით უნდა შემოწმდეს და შეიცვალოს ანტიფრიზი?ანტიფრიზის შემოწმება და დროულად შეცვლა ავტომობილის რეგულარული მოვლის პროცესის მნიშვნელოვანი ნაწილია. პრაქტიკიდან გამომდინარე, მის მდგომარეობას, ძირითადად, შემოდგომაზე, ზამთრის დაწყებამდე, ამოწმებენ. ძირითადად, ანტიფრიზი იცვლება 2-3 წელიწადში ერთხელ ან ავტომწარმოებლის რეკომენდაციების მიხედვით.  მაგალითად, თანამედროვე ავტომწარმოებლები ანტიფრიზის შემოწმება-შეცვლის რეკომენდაციას გარბენის მიხედვით იძლევიან.ხშირად ზამთრის დადგომამდე გაგრილების სისტემაში არსებული ანტიფრიზის ყინვამედეგობა დამაკმაყოფილებელია, თუმცა რამდენიმე ასეული კილომეტრის გავლის შემდეგ დიდია ალბათობა, რომ მას საექსპლუატაციო ვადა ან რესურსი ამოეწუროს, შესაბამისად, სითხემ დაკარგოს ქიმიური თვისებები.გაგრელების სისტემაში აუცილებელია ჩავასხათ 50% იანი კონცენტრატი, როგორც ზაფხულის ისე ზამთრის პერიოდში.რა პრობლემები შეიძლება, შეექმნას ავტომობილს, თუ ანტიფრიზი დროულად არ შეიცვლება?ანტიფრიზი, როგორც აღვნიშნე, ძრავას იცავს ზაფხულში გადახურებისგან, ხოლო ზამთარში - გაყინვისგან. თუ ეს სითხე დროულად არ შეიცვლება, შეიძლება, დაბინძურდეს და დაკარგოს სითბოს რეგულირების უნარი ან აღარ დაიცვას სისტემა ყინვისგან, რისი შედეგიც შეიძლება, იყოს ძრავის სისტემის დაზიანება. სწორედ ამიტომ მნიშვნელოვანია, მივყვეთ ავტომწარმოებლის რეკომენდაციებს და პერიოდულად ვამოწმოთ ანტიფრიზის მდგომარეობა. მძღოლების უმეტესობა ანტიფრიზის ფერს შერჩევისას დიდ მნიშვნელობას ანიჭებს. თუმცა უნდა აღინიშნოს, რომ ფერთან ერთად გათვალისწინებული  იყოს ავტო მწარმოებლის მოთხოვნები. ანტიფრიზი  შესაძლოა იყოს სხვა და სხვა ფერის. მისი ერთ ერთი დამატებითი ფუნქციაა ანტიფრიზის გაჟონვის შემთხვევაში მარტივი ხარვეზის დიაგნოსტირება. ანტიფრიზის შერჩევისას უნდა იხელმძღვანელოთ მხოლოდ ავტომწარმოებლის რეკომენდაციით. ანტიფრიზის ფერით შერჩევამ შესაძლოა, შეცდომაში შეგიყვანოთ და გაგრილების სისტემის დაზიანება გამოიწვიოს.რა სერვისებს სთავაზობს თეგეტა მოტორსი მომხმარებელს ამ მიმართულებით?„თეგეტა მოტორსის“ ფილიალებსა და ონლაინ შოპზე წარმოდგენილია უმაღლესი ხარისხის ანტიფრიზები, მათ შორის არის პრემიუმ ბრენდი Shell, ფრანგული Motul, გერმანული Driver და ლიეტვური Lesta. ჩვენი კვალიფიციური სპეციალისტები კი დაგეხმარებიან, თქვენი ავტომობილის მოდელისა და მწარმოებლის მოთხოვნის შესაბამისად, საჭირო პროდუქტის შერჩევაში. გარდა ამისა „თეგეტა მოტორსის“ ფილიალებში შესაძლებელია ანტიფრიზის რესურსის უფასოდ შემოწმება წლის ნებისმიერ დროს.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1732279748

STEM ოლიმპიადა საქართველოს ბანკის სასკოლო ოლიმპიადების პროექტის ერთ-ერთი მიმართულებაა, რომელიც მიზნად ისახავს მოსწავლეებისთვის შექმნას განათლების უფრო მეტი შესაძლებლობა დებატების, ინგლისური ენისა და STEM მიმართულებით.საქართველოს ბანკის სასკოლო ოლიმპიადის სამივე მიმართულება გუნდურ შეჯიბრს მოიცავს, რომლის ფარგლებშიც თითო გუნდი თითო სკოლას წარადგენს. მოსწავლეები ოლიმპიადებზე საკუთარ ცოდნას ორ ეტაპად - პირველ ტურში თეორიული, ხოლო მეორე ტურში პრაქტიკული დავალებებით გამოცდიან.STEM ოლიმპიადაზე რეგისტრაცია მიმდინარეობს და 8 დეკემბერს დასრულდება. დებატებისა და ინგლისურის ოლიმპიადებზე კი რეგისტრაცია გაზაფხულის სემესტრში გამოცხადდება.STEM ოლიმპიადაოლიმპიადაში მონაწილეობის მიღება თითო სკოლიდან ერთ გუნდს შეუძლია, რომელიც VII-XI კლასის 5 მოსწავლისგან იქნება დაკომპლექტებული.STEM ოლიმპიადა ორ ტურად ჩატარდება, პირველი ტურის ფარგლებში მოსწავლეები ინდივიდუალურად შეასრულებენ ფიზიკისა და მათემატიკის დავალებებს. პირველი ტურის შედეგებზე დაყრდნობით კი გამოვლინდება 10 საუკეთესო შედეგის მქონე გუნდი, რომელიც მეორე ეტაპზე STEM პროექტებზე გუნდურად, ელექტრონული კომპონენტების (Arduino-ს ნაკრების) საშუალებით იმუშავებს.საპრიზო ადგილზე გასული გუნდები სპეციალური პრიზებით დაჯილდოვდებიან, ყველა მოსწავლე კი  სერტიფიკატს მიიღებს.პროექტის ფარგლებში, ფინალში გადასული გუნდების მოსწავლეები და მენტორები 3 თვის განმავლობაში კონსულტაციებს გაივლიან კომაროვის პროფესიონალებთან მიკროკონტროლერ Arduino-ს დაპროგრამებისა და მისი საშუალებით, STEM პროექტების შესრულების მიმართულებით.ინფორმაციისთვის, ოლიმპიადა განკუთვნილია მხოლოდ არა ფიზიკა-მათემატიკური სკოლებისთვის. ფიზიკა - მათემატიკური სკოლის გუნდებს მონაწილეობის მიღება შეუძლიათ მხოლოდ კონკურსგარეშე სტატუსით (აღნიშნული სკოლის გუნდებს ოლიმპიადის საორგანიზაციო ჯგუფი გამოცდილების მიღების მიზნით  სთავაზობს პირდაპირ ფინალურ ეტაპზე მონაწილეობას, თუმცა მათი შედეგები არ გამოიანგარიშება და, შესაბამისად, ფიზიკა - მათემატიკური სკოლის გუნდები საპრიზო ადგილებს ვერ დაიკავებენ);ინფორმაცია პროექტის შესახებ:STEM აბრევიატურაა, რომელიც მეცნიერების, ტექნოლოგიების, ინჟინერიისა და მათემატიკის მიმართულებებს აერთიანებს.STEM ოლიმპიადა საქართველოს ბანკისა და კომაროვის სკოლის საგანმანათლებლო პროექტია, რომელიც მიზნად ისახავს, ხელი შეუწყოს საქართველოში მცხოვრებ მოსწავლეებში ზუსტი და საბუნებისმეტყველო მეცნიერებების პოპულარიზებასა და მომავლის პროფესიების განვითარებას, რისთვისაც პროექტი უზრუნველყოფს STEM მიმართულებით დაინტერესებული მოსწავლეების წახალისებას სხვადასხვა პრიზებით და მონაწილე სკოლების მოსწავლეებისა და მასწავლებლების გადამზადებას სფეროს ექსპერტების მიერ.

1732275060

ორი ქვეყნის ცენტრალური ბანკის ხელმძღვანელმა სამომავლო თანამშრომლობა და არსებული პროექტები განიხილეს, ასევე საუბარი შეეხო საქართველოს სტაბილურ მაკროეკონომიკურ გარემოს და სების მიერ გატარებულ პოლიტიკას, რაც ქვეყნის ფინანსურ სტაბილურობას უზრუნველყოფს.ნათია თურნავამ სლოვაკ კოლეგას მადლობა გადაუხადა საქართველოს ერთიან ევრო გადახდების სისტემაში (SEPA) გაწევრიანების გზაზე გაწეული დახმარებისთვის, ასევე სლოვაკეთის ბანკის მუდმივ მხარდაჭერაზე ევროპის ცენტრალური ბანკების სისტემის (ESCB) რეგიონული, გრძელვადიანი პროგრამის პოტენციური დაწყების პროცესში.„ჩვენ ძლიერ ვაფასებთ ამ მნიშვნელოვანი ინიციატივის დამტკიცებასა და დაწყებაში სლოვაკეთის ბანკის მუდმივ მხარდაჭერას. ეროვნული ბანკი მჭიდროდ თანამშრომლობს ევროპის ცენტრალური ბანკების სისტემის (ESCB) ტექნიკური თანამშრომლობის გუნდთან გრძელვადიანი, ევროკავშირის მიერ დაფინანსებული რეგიონული პროგრამის პოტენციურ დაწყებაზე. დამტკიცების შემთხვევაში, ეს ინიციატივა სრულ ტექნიკურ დახმარებას გაუწევს საქართველოს, მოლდოვასა და უკრაინის ცენტრალურ ბანკებს. ამჟამად პროგრამა დაგეგმვის ეტაპზეა და განიხილება ევროკავშირის წევრი ქვეყნებისა და ინსტიტუტების მიერ”, - განაცხადა ნათია თურნავამ.თავის მხრივ, პიტერ კაჟიმირმა ხაზი გაუსვა, რომ ივნისში თბილისში გამართული შეხვედრის შემდეგ, საქართველოსა და სლოვაკეთის საერთაშორისო ურთიერთობების გუნდებს ღირებული შესაძლებლობები მიეცათ საერთაშორისო თანამშრომლობისა და ტექნიკური დახმარების ინიციატივების შესახებ ცოდნა და გამოცდილება გაეცვალათ.ნათია თურნავა ავსტრიაში ევროპის ეკონომიკური ინტეგრაციის თემისადმი მიძღვნილ კონფერენციაში მონაწილეობს, რომელიც ავსტრიის ეროვნული ბანკის ორგანიზებულია.

1732271726

Bentley Motors-მა ევროპის ბაზრის გაფართოება საქართველოში Bentley Tbilisi-ს გახსნით დაიწყო. შოურუმი აღმაშენებლის ხეივანში, 129 ნომერში მდებარეობს.Bentley-ს ახალი კომპლექსი 330 კვ.მ-ზე განთავსებულ შოურუმსა და გაყიდვების შემდგომი მომსახურების ობიექტს აერთიანებს, რომელთა საერთო ფართიც 730კვ.მ-ს შეადგენს. ახალი წარმომადგენლობის გახსნის გადაწყვეტილება Bentley Motors-ის 2024 წლის პირველ ექვს თვეში მიღწეულ საოპერაციო მოგებას უკავშირდება, რომელმაც 261 მილიონი ევრო შეადგინა. მსოფლიო მასშტაბით კომპანიამ 5,476 ერთეული ექსკლუზიური ავტომობილი გაყიდა, ხოლო ევროპაში 1,054-ის რეალიზება შეძლო, რაც საერთო გაყიდვების 19%-ს შეადგენს.„თეგეტას“ მიერ Bentley Tbilisi-ს ოპერირების დაწყება კომპანიის ისტორიის მნიშვნელოვან ეტაპს ემთხვევა. კერძოდ, ულტრა შესაძლებლობების მქონე ორი ჰიბრიდული მოდელის - მეოთხე თაობის Continental GT-ს და Flying Spur Speed-ის წარდგენას, ასევე Mulliner-ის პერსონალიზაციაზე მოთხოვნის ზრდას.რიჩარდ ლეოპოლდი, დიდი ბრიტანეთის, ევროპისა და MEAI-ს რეგიონული დირექტორი: „თბილისში წარმომადგენლობის გახსნის გადაწყვეტილება Bentley Motors-ის ისტორიაში ახალი ეტაპია.  ვითვისებთ ბაზარს, სადაც ჩვენ  დიდ პოტენციალს ვხედავთ.  საქართველოში წარმომადგენლობის გახსნის პერიოდი იდეალურად არის შერჩეული. ბაზრის გაფართოება სწორედ  ახალი, მეოთხე თაობის Continental GT-ის  წარდგენას ემთხვევა. ჩვენ მოუთმენლად ველით Bentley Tbilisi-ს გუნდთან მჭიდრო თანამშრომლობას  რეგიონში წარმატების მისაღწევად. ასევე მივესალმებით მომხმარებელს ჩვენი მოდელების სრული ასორტიმენტისა და Bentley-ს გამოცდილების გასაზიარებლად“.Bentley Tbilisi უკვე ხელმისაწვდომია მომხმარებელთა და ბრენდის მოყვარულთათვის, რომლის ოფიციალური გახსნის ღონისძიება, სავარაუდოდ, 2025 წლის პირველ კვარტალში გაიმართება. ოპერაციული გუნდი უკვე დაკომპლექტებულია, რომელიც მზადაა, უპასუხოს მომხმარებლების შეკითხვებსა და საჭიროებებს.---Bentley Motors წარმოადგენს ყველაზე მოთხოვნადი და ძვირადღირებული ავტომობილების ბრენდს მსოფლიოში. კომპანიის სათავო ოფისი ქალაქ კრუში მდებარეობს და ქმნის  სრული ოპერაციების ცენტრს, რაც მოიცავს დიზაინის შემუშავებას, R&D-ს (ავტომობილების კვლევა და განვითარება) ინჟინერიას და კომპანიის ხუთი სამოდელო ხაზის - Continental GT-ს, Continental GT-ს Convertible-ს, Flying Spur-ს, Bentayga-სა და Bentayga EWB-ს წარმოებას. Bentley გაერთიანებული სამეფოს ძვირადღირებული ავტომობილების კომპანიაა, რომლის დახვეწილი ოსტატობის კომბინაცია და უნარები  თაობებს გადაეცემა, საინჟინრო გამოცდილებასთან და უახლეს ტექნოლოგიებთან ერთად. ის ბრიტანული წარმოების მაღალი ღირებულებების საუკეთესო მაგალითია. Bentley-ს კრუს შტაბ-ბინაში დაახლოებით  4000 ადამიანია დასაქმებული. 

1732269827

ბორჯღალოსნები ტონგას ბოლოს 6 წლის წინ 2018 წელს ეთამაშნენ, მაშინაც 24 ნოემბერს წლის დასკვნით შეხვედრაში და “მიხეილ მესხზე” 20:9 დაამარცხეს. ეს იყო ამ გუნდების მე-7 დაპირისპირება, საიდანაც საქართველომ 5-ში გამარჯვება მოიპოვა.კუნძულელებთან ურთიერთშეხვედრების ისტორია სათავეს 1999 წლიდან იღებს.მთავარი დაპირისპირება 2015 წლის მსოფლიო თასზე შედგა. საქართველომ ტონგა ინგლისში, გლოსთერში 17:10 დაამარცხა და იმ მსოფლიო თასზე ისტორიული შედეგი (ორი გამარჯვება) აჩვენა. 2016 და 2018 წლებში ბორჯღალოსნები ტონგას ორჯერ ეთამაშნენ ფიჯიზე, სუვაში და ორივეჯერ მოიგეს - 23:20 და 16:15. 2018 წელს ტონგა საპასუხოდ თბილისს ეწვია და მასთან, ჯერჯერობით, სარეკორდო სხვაობით 20:9 გაიმარჯვეს ეროვნული ნაკრების მორაგბეებმა.ნოემბრის სანაკრებო ფანჯარაში გუნდებმა უკვე ორ-ორი თამაში გამართეს და ,ჯერჯერობით, გამარჯვების გარეშე არიან. ტონგას ჯერ რუმინეთმა სძლია 25:15, მერე კი აშშ-მა 36:17.ტრადიციულად, თამაშის დაწყებამდე ,„მიხეილ მესხის“ სტადიონის გარე ტერიტორიაზე, მოეწყობა „ფან ზონა“, სადაც მოსულ გულშემატკივარს შეუძლია შეიქმნას განწყობა. ასევე, დაგხვდებათ კვების ობიექტების, გემოვნებიანი მუსიკა, რაგბის „ფან შოპი“ და გასართობები აქტივობები.თიბისი 2015 წლიდან რაგბის მხარდამჭერია. მრავალწლიანი მეგობრობა, უკვე მიღწეულ წარმატებებთან ერთად, მიზნად ისახავს რაგბის განვითარებას, ერთობლივი სოციალური პროექტების განხორციელებას, სხვადასხვა ასაკობრივი ნაკრებების, შიდა ჩემპიონატების და ფესტივალების ხელშეწყობას.მატჩზე დასასწრები ბილეთები შეიძინეთ tkt.ge-ზე.#ერთადგავიმარჯვებთ

1732269504