ნინო ჯელაძე: საქართველომ ერთ-ერთმა პირველმა შექმნა რეგიონში VASP-ების რეგულირების სამართლებრივი ჩარჩო, რომელმაც გაზარდა სექტორის გამჭვირვალობა

შეხვედრის მიზანი მევენახეებისთვის ვენახებში კლიმატური და გარემოს მონიტორინგის თანამედროვე ტექნოლოგიების, მათი გამოყენების შესაძლებლობებისა და პრაქტიკული მნიშვნელობის გაცნობა იყო.მევენახეებს აგრომეტეოროლოგიური სადგურებისა და სენსორების გამოყენების შესაძლებლობები გააცნეს. ყურადღება გამახვილდა ვაზის დაავადებებისა და მავნებლების რისკების პროგნოზირებაზე, ფიტოსანიტარული ღონისძიებების სწორად დაგეგმვასა და სარწყავი წყლისა და სხვა რესურსების ეფექტიან მართვაზე. ასევე, წარმოდგენილი იყო ამ ტექნოლოგიების პრაქტიკული გამოყენების მაგალითები ვენახის მოვლისა და მართვის პროცესში. განსაკუთრებული ყურადღება დაეთმო კლიმატური და ბუნებრივი რისკების შემცირებისა და მევენახეობაში წარმოების ეფექტიანობის გაზრდის შესაძლებლობებს.შეხვედრის ფარგლებში ასევე იმსჯელეს მევენახეობაში ციფრული და ინოვაციური ტექნოლოგიების დანერგვის მიმართულებით არსებულ გამოწვევებსა და სამომავლო ნაბიჯებზე.SST (Sensors & Smart Technologies) საკონსულტაციო და ტექნოლოგიური კომპანიაა, რომელიც საქართველოში 2023 წლიდან ოპერირებს. კომპანია სენსორებზე დაფუძნებულ ციფრულ გადაწყვეტილებებს ავითარებს და სოფლის მეურნეობის, ურბანული მართვის, გარემოს მონიტორინგისა და ბუნებრივი კატასტროფების რისკების მართვის სფეროებში მათი დანერგვის მიმართულებით მუშაობს.

1786370918

მისი შეფასებით, ნებისმიერი პირი, რომელსაც არ გააჩნია  შესაბამისი რეგისტრაცია, ლიცენზიის გარეშე ახორციელებს ასეთ საქმიანობა და  ეწევა უკანონო სამეწარმეო საქმიანობას  ბუნებრივია, ვერ მოექცევა ეროვნული ბანკის რეგულირებისა და ზედამხედველობის ქვეშ.,,ხაზგასმით მინდა აღვნიშნო, რომ ამერიკის შეერთებული შტატების სახაზინო დეპარტამენტის მიერ სანქცირებული სუბიექტი, ისევე როგორც მანამდე გაერთიანებული სამეფოსა და ევროკავშირის მიერ სანქცირებული  კომპანიები, საქართველოს ეროვნულ ბანკში არასოდეს ყოფილან დარეგისტრირებული.  რამდენიმე სანქცირებული კომპანიის  მიერ რეგისტრაციისთვის თავის არიდება, კიდევ ერთხელ ადასტურებს იმას, რომ ეროვნული ბანკის მარეგულირებელი ჩარჩო და ბაზარზე დაშვების მოთხოვნები მკაცრია. რეგისტრაციის პროცესი მოიცავს დეტალურ შემოწმებას: კომპანიის ბიზნეს მოდელის, ბენეფიციარი მესაკუთრეების, სახსრების წარმომავლობის, ტრანზაქციების მონიტორინგის სისტემების  და სხვა მოთხოვნების. სწორედ ამიტომ, აღნიშნული ჩარჩო წარმოადგენს მნიშვნელოვან პრევენციულ მექანიზმს და ეფექტიან ფილტრს იმ სუბიექტების მიმართ, რომლებიც შესაძლოა დაკავშირებული იყვნენ არალეგალურ საქმიანობასთან“, - აცხადებს ნინო ჯელაძე. მისივე თქმით, რეგისტრაციით ვალდებულებები არ სრულდება. ეროვნული ბანკის ზედამხედველობის ქვეშ მყოფ ყველა ვირტუალური აქტივების მომსახურების პროვაიდერს მოეთხოვება სრულ შესაბამისობაში იყოს აშშ-ის, გაერთიანებული სამეფოსა და ევროკავშირის ფინანსურ სანქციებთან. ამასთან,  რეგულაციის ერთ-ერთი მნიშვნელოვანი მოთხოვნაა  რომ საფინანსო სექტორის  წარმომადგენლებს უფლება არ აქვთ საქმიანი ურთიერთობა დაამყარონ ისეთ ვირტუალური აქტივის მომსახურების პროვაიდერთან ან ფინანსურ ინსტიტუტთან რომელიც, არ არის ეროვნული ბანკის მიერ ან უცხო ქვეყნის შესაბამისი უწყების მიერ  ლიცენზირებული.,,ასევე მნიშვნელოვანია აღინიშნოს, რომ საქართველო ერთ-ერთი პირველი ქვეყანა იყო რეგიონში, რომელმაც შექმნა ვირტუალური აქტივების მომსახურების პროვაიდერების(VASP) რეგულირებისა და რეგისტრაციის სამართლებრივი ჩარჩო. ამ რეგულაციამ მნიშვნელოვნად გაზარდა სექტორის გამჭვირვალობა, სანდოობა და ანგარიშვალდებულება, ხოლო ბაზრის მონაწილეებისთვის შექმნა მკაფიო და პროგნოზირებადი სამართლებრივი გარემო. როგორც არაერთხელ აღვნიშნეთ, საქართველოს ეროვნული ბანკის მიერ შექმნილი მარეგულირებელი ჩარჩო სრულად ეფუძნება FATF-ის სტანდარტებსა და საუკეთესო საერთაშორისო პრაქტიკას. აღნიშნული მიდგომა საერთაშორისო დონეზეც არის აღიარებული. რაც აღნიშნა  ევროპის საბჭოს ექსპერტთა კომიტეტმა – MONEYVAL-მა – 2024 წლის შეფასების ანგარიშში“, - აცხადებს ნინო ჯელაძე.

1786370307

საქართველოში ვირტუალური აქტივების მომსახურების პროვაიდერების (VASPs) ბაზარი საქართველოს ეროვნული ბანკის მკაცრი რეგულირებისა და ზედამხედველობის ქვეშ ფუნქციონირებს, რაც სექტორის გამჭვირვალე და სტაბილურ განვითარებას უზრუნველყოფს,  განაცხადა საქართველოს ფინტექ ასოციაციის თავმჯდომარემ, დავით კიკვიძემ. მისი თქმით, სებ-ის მოქმედი რეგულირების ჩარჩო საერთაშორისოდ აღიარებულ სტანდარტებს ეფუძნება და მის ზედამხედველობის ქვეშ მყოფი კომპანიებისთვის  მკაფიო მოთხოვნებს  აწესებს. დავით კიკვიძის განმარტებით, ეროვნული ბანკის მიერ რეგულირებული ვირტუალური აქტივების მომსახურების პროვაიდერები ვალდებული არიან დაიცვან როგორც ადგილობრივი კანონმდებლობა, ისე საერთაშორისო მოთხოვნები, მათ შორის, საერთაშორისო სანქციებთან დაკავშირებული პრინციპები. „შემიძლია თამამად აღვნიშნო, რომ ეროვნული ბანკის მიერ რეგულირებული ყველა სუბიექტი ზედმიწევნით იცავს არსებული რეგულაციებით დადგენილ მოთხოვნილ, მათ შორის საერთაშორისო სანქციებს და სხვა შესაბამის საკანონმდებლო, როგორც ლოკალურ, ისე საერთაშორისო აქტებს“, - განაცხადა დავით კიკვიძემ. მან ასევე დასძინა, რომ დასანქცირებული კომპანია ეროვნული ბანკის მიერ რეგულირებული სუბიექტი არ ყოფილა და ეროვნული ბანკისთვის ვირტუალური აქტივების მომსახურების პროვაიდერის სტატუსის მისაღებად არ მიუმართავს. „დასანქცირებული კომპანია არ წარმოადგენდა ეროვნული ბანკის მიერ რეგულირებულ სუბიექტს და რეგისტრაციის მისაღებად არ მიუმართავს ეროვნული ბანკისთვის. ასევე, რამდენადაც ჩემთვის ცნობილია, აღნიშნულ კომპანიას უკვე შეუწყდა რეგისტრაცია სამეწარმეო რეესტრში“, - განაცხადა მან. მისი შეფასებით, კონკრეტული კომპანიის შემთხვევა არ უნდა განზოგადდეს საქართველოში ვირტუალური აქტივების რეგულირებულ ბაზარზე, რადგან ეროვნული ბანკის ზედამხედველობის ქვეშ მყოფი სუბიექტები შესაბამის მარეგულირებელ მოთხოვნებს ექვემდებარებიან. „ამრიგად, ცალსახად შეგვიძლია ვთქვათ, რომ საქართველოში ვირტუალური აქტივების ბაზარი ეროვნული ბანკის რეგულირებისა და ზედამხედველობის ქვეშ ჯანსაღად ვითარდება “, - დასძინა დავით კიკვიძემ.

1786370010

Volvo 365-ის კონცეფცია იდეას - „360° + 5“ - ეფუძნება. 360° მომხმარებელზე სრულფასოვან ზრუნვას გამოხატავს, ხოლო 5 იმ ძირითად ბენეფიტებს აერთიანებს, რომლებსაც მომხმარებელი ავტომობილის შეძენისთანავე მიიღებს. ამასთანავე, 365 სიმბოლურად აღნიშნავს წლის ყველა დღეს, რომელთა განმავლობაშიც ახალი Volvo-ს მძღოლები განსაკუთრებული შეთავაზებით ისარგებლებენ.ნიკოლოზ ყოჩიაშვილი, „ვოლვო ქარ საქართველოს“ დირექტორი: „Volvo 365 ჩვენი მომხმარებლების საჭიროებების ანალიზის საფუძველზე შევქმენით. ვხედავდით, რომ ავტომობილის შეძენისას  მნიშვნელოვანი გამოწვევა მხოლოდ მისი არჩევა არ არის - ყოველდღიურ ფლობასთან დაკავშირებული ხარჯებიც არანაკლებ გასათვალისწინებელია. სწორედ ამიტომ შევთავაზეთ ბაზარს პროდუქტი, რომელიც პირველი წლის განმავლობაში მომხმარებელს ათავისუფლებს ისეთ მნიშვნელოვან ხარჯებზე ფიქრისგან, როგორებიცაა რეგულარული ტექნიკური მომსახურება, სეზონური საბურავები, საწვავი და დაზღვევა. Volvo 365 არ არის უბრალოდ სპეციალური შეთავაზება - ეს მომხმარებელზე ზრუნვის ახალი მიდგომაა. ჩვენი კონცეფცია „360° + 5“ სრულყოფილ ზრუნვას გამოხატავს: 360° ნიშნავს ყოვლისმომცველ გამოცდილებას, ხოლო 5 ბენეფიტი ამ დაპირებას პრაქტიკულ ღირებულებად აქცევს. შედეგად, მომხმარებელი პირველივე დღიდან იღებს ავტომობილის ფლობის სრულფასოვან გამოცდილებას და შეუძლია, ყურადღება მხოლოდ Volvo-ს მართვის სიამოვნებაზე გაამახვილოს“.Volvo 365-ის ფარგლებში მომხმარებელი ავტომობილის შეძენისთანავე მიიღებს  ბენეფიტებს, რომლებიც პირველი წლის განმავლობაში ფლობას კიდევ უფრო კომფორტულსა და ფინანსურად პროგნოზირებადს გახდის. შეთავაზება მოიცავს ორ რეგულარულ ტექნიკურ მომსახურებას - 10 000 და 20 000 კილომეტრზე, რაც ავტომობილის გამართულ მუშაობასა და შვედური ავტომწარმოებლის სტანდარტების შესაბამისად მოვლას უზრუნველყოფს.გარდა ამისა, მძღოლები, რომლებიც არჩევანს Volvo-ზე შეაჩერებენ,  სეზონური საბურავების კომპლექტს მიიღებენ. ეს მკაცრ მეტეოროლოგიურ პირობებში ახალი ავტომობილის მართვისას უსაფრთხოებასა და საიმედოობას ზრდის.Volvo 365-ის ბენეფიტები ასევე მოიცავს საწვავის 1,500-ლიტრიან პაკეტს, რაც საწვავზე გაწეულ ხარჯს მნიშვნელოვნად ამცირებს და მძღოლს საშუალებას აძლევს, ახალი Volvo-ს მართვით დამატებითი საზრუნავის გარეშე ისიამოვნოს.შეთავაზების ნაწილია „ალდაგის“ ერთწლიანი დაზღვევაც, რომელიც ავტომობილის მფლობელების გაუთვალისწინებელი ფინანსური ხარჯებისგან დაცვასა და სიმშვიდეს უზრუნველყოფს.Volvo 365-ის ბენეფიტებით სარგებლობა შეუძლია ყველა იმ მომხმარებელს, ვინც ახალ Volvo-ს შეიძენს. სპეციალური შეთავაზება შეზღუდული დროით იქნება ხელმისაწვდომი და მხოლოდ მიმდინარე წლის ოქტომბრის ბოლომდე შეძენილ ავტომობილებზე გავრცელდება.--თეგეტა ჰოლდინგის ერთ-ერთ მიმართულებაში, თეგეტა ქარსში შემავალი კომპანია ვოლვო ქარ საქართველო შვედურ ბრენდს საქართველოში 2019 წლიდან წარმოადგენს. კომპანია პრემიუმ კლასის ავტომობილების ოფიციალური იმპორტიორია. კომპანია მომხმარებელს SUV-ებს, სედანებსა და უნივერსალებს სთავაზობს, მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, კომპანიის ვებგვერდზე ავტომობილი 360-გრადუსიანი სისტემით, დისტანციურად შეაფასოს და კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც ვოლვო ქარ საქართველო უზრუნველყოფს. 

1786366560

მისი თქმით, რეიტინგის გაუმჯობესება ადასტურებს, რომ საქართველო საერთაშორისო ინვესტორებისთვის მიმზიდველ ქვეყნად რჩება.„სარეიტინგო კომპანია S&P-მ საქართველოს სუვერენული საკრედიტო რეიტინგის პერსპექტივა „სტაბილურიდან“ „პოზიტიურამდე“ გააუმჯობესა, ხოლო რეიტინგი BB დონეზე დაადასტურა. რა თქმა უნდა, პერსპექტივის გაუმჯობესება კიდევ ერთხელ ადასტურებს, რომ საქართველო საერთაშორისო ინვესტორებისთვის მიმზიდველ ქვეყნად რჩება. ეს ნიშნავს, რომ საქართველოს სამომავლო პერსპექტივები პოზიტიურია და სარეიტინგო კომპანია ელოდება, რომ როგორც ეკონომიკური ზრდის მაჩვენებლები, ასევე სხვადასხვა მიმართულებით რეფორმებისა და მნიშვნელოვანი პროექტების განხორციელება აქტიურ ფაზაში გაგრძელდება“, - აცხადებს ვახტანგ ცინცაძე.ეკონომიკისა და მდგრადი განვითარების მინისტრის მოადგილე აცხადებს, რომ სარეიტინგო სააგენტოს ეს შეფასებები ქვეყნის ეკონომიკური პოლიტიკისა და ბიზნეს გარემოს სანდოობაზე მიანიშნებს.„ეს პოზიტიურად აისახება, ერთი მხრივ, ინვესტორთა, ხოლო, მეორე მხრივ, ადგილობრივი ბიზნესის ნდობაზე, ზოგადად, ქვეყანაში ბიზნესგარემოს გაუმჯობესებაზე და, საბოლოო ჯამში, უზრუნველყოფს იმას, რომ ფულად-საკრედიტო რესურსების მოზიდვა ქვეყნისთვის უფრო ხელმისაწვდომ ფასად და პირობებით გახდება შესაძლებელი. სარეიტინგო სააგენტო ხაზგასმით აღნიშნავს, რომ ბოლო 3 წლის განმავლობაში საქართველოს ეკონომიკური ზრდა გლობალურად ერთ-ერთი ყველაზე მაღალი იყო. ასევე სარეიტინგო სააგენტო ყურადღებას ამახვილებს კომპანია Eagle Hills-ის მიერ დაგეგმილ მნიშვნელოვან ინფრასტრუქტურულ პროექტზე და აღნიშნავს, რომ პროექტის განხორციელებას მნიშვნელოვანი პოზიტიური ეფექტი ექნება ეკონომიკაზე როგორც ინვესტიციების კუთხით, ასევე ზოგადად სამშენებლო სექტორის აქტივობის ზრდაზე“, - აღნიშნავს მინისტრის მოადგილე.მისივე თქმით, სარეიტინგო სააგენტოს შეფასებაში საუბარია საერთაშორისო რეზერვების რეკორდულ დონეზე, მათ შორის აღნიშნულია, რომ რეკორდული რეზერვების დაგროვებას ხელი შეუწყო ტურიზმიდან მიღებული შემოსავლების მაღალმა დონემ, საინფორმაციო ტექნოლოგიების ექსპორტის და ზოგადად, სერვისების ექსპორტის დინამიურმა ზრდამ.„პირველი შემთხვევაა, როდესაც საქართველოს S&P-ის რეიტინგში, BB დონეზე, „პოზიტიური“ პერსპექტივა მიენიჭა. საბოლოო ჯამში, ჩვენ ველოდებით, რომ შემდგომი ნაბიჯი უკვე საშუალოვადიან პერიოდში თავად რეიტინგის გაუმჯობესება იქნება და ამისთვის ყველანაირი საფუძველი არსებობს, მათ შორის, ის ეკონომიკური შედეგები, რაც საქართველოს აქვს და ის მოლოდინები და პროგნოზები, რაც ჩვენი ქვეყნის ეკონომიკური პერსპექტივების კუთხით კეთდება არა მხოლოდ საქართველოს მთავრობის მიერ, არამედ სხვადასხვა საერთაშორისო ორგანიზაციების და საფინანსო ინსტიტუტების მხრიდან“, - აღნიშნავს ვახტანგ ცინცაძე.

1786366124

საქართველოს ნაკრებმა საერთაშორისო კონკურენციაში გამორჩეული შედეგი აჩვენა და ჯამში 8 საერთაშორისო ჯილდო მოიპოვა: 2 ოქროს, 3 ვერცხლისა და 2 ბრინჯაოს მედალი, ასევე ერთი საპატიო სიგელი. გუნდურად კი საქართველო მე-7 ადგილზე გავიდა 109 ქვეყანას შორისოქრო:ნიკოლოზ გეგენავა – ვ. კომაროვის თბილისის ფიზიკა-მათემატიკის N199 საჯარო სკოლა.გიორგი მაისურაძე - ვ. კომაროვის თბილისის ფიზიკა-მათემატიკის N199 საჯარო სკოლა.ვერცხლი:ნიკოლოზ ყიფშიძე - 136-ე საჯარო სკოლა.ანტონ ინგოროყვა - ვ. კომაროვის თბილისის ფიზიკა-მათემატიკის N199 საჯარო სკოლა.მათე რეხვიაშვილი -  ვ. კომაროვის თბილისის ფიზიკა-მათემატიკის N199 საჯარო სკოლა.ბრინჯაო:ლუკა ბერიკელაშვილი - ვ. კომაროვის თბილისის ფიზიკა-მათემატიკის N199 საჯარო სკოლა.ნიკოლოზ კილაძე - ვ. კომაროვის თბილისის ფიზიკა-მათემატიკის N199 საჯარო სკოლა.საპატიო სიგელიგიორგი ცქიტიშვილი - ვ. კომაროვის თბილისის ფიზიკა-მათემატიკის N199 საჯარო სკოლა.საქართველოს ეროვნულმა AI ნაკრებმა, თიბისის მხარდაჭერით, საქართველოს ხელოვნური ინტელექტის ასოციაციის ორგანიზებითა და ბიზნესისა და ტექნოლოგიების უნივერსიტეტის (BTU) ბაზაზე შექმნილ ტექ ოლიმპიადების ჰაბში, საერთაშორისო ოლიმპიადისთვის მრავალთვიანი, ინტენსიური მომზადება გაიარა. მონაწილეებმა GAIA-ს სპეციალური საოლიმპიადო პროგრამის ფარგლებში ხელოვნური ინტელექტის, მანქანური სწავლებისა და მონაცემთა მეცნიერების პრაქტიკული მიმართულებები შეისწავლეს.ნაკრების მთავარი მწვრთნელი შოთა ელყანიშვილია, თანახელმძღვანელები კი ლუკა დარსალია და ნიკა მიქაბერიძე ირიან.IOAI მსოფლიოს ერთ-ერთი ყველაზე პრესტიჟული სასკოლო ტექნოლოგიური შეჯიბრებაა, რომელიც 100-ზე მეტი ქვეყნის საუკეთესო ახალგაზრდებს აერთიანებს. საქართველო მასში წელს უკვე მეორედ მონაწილეობს. მოპოვებული გამარჯვებები ქვეყნის AI განათლების განვითარების მნიშვნელოვანი ეტაპია.თიბისისთვის განათლებისა და ტექნოლოგიური ეკოსისტემის განვითარება ერთ-ერთი სტრატეგიული მიმართულებაა. სწორედ ამიტომ, კომპანია აგრძელებს ისეთი ინიციატივების მხარდაჭერას, რომლებიც ახალგაზრდებს თანამედროვე ტექნოლოგიებზე ხელმისაწვდომობას აძლევს, მათ შესაძლებლობებს ავითარებს და საერთაშორისო წარმატებისთვის ამზადებს. IOAI 2026-ზე მიღწეული შედეგი კიდევ ერთხელ ადასტურებს, რომ მიზანმიმართული განათლების მხარდაჭერა ქვეყნის მომავალი წარმატების საფუძველია.

1786359647