ეროვნულმა ბანკმა 2025 წლის ეკონომიკური ზრდის პროგნოზი 5%-დან 6.7%-მდე გაზარდა

მისი პოზიციით, ის ვერ ხედავს ამ მაჩვენებლის გრძელვადიანად შენარჩუნების პერსპექტივას.„უპირველეს ყოვლისა, ამ ცხრილის გამო; როცა 2023-ის პირველ კვარტალში რეალური ეკონომიკური ზრდა 7,3%-ი იყო, ნაერთი ბიუჯეტის საგადასახადო შემოსავლები პირველ ოთხ თვეში ნომინალში გაიზარდა 18%-ით; 2024-ში, პირველ კვარტალში 7,8%-ით ეკონომიკის ზრდას მოჰყვა აკრეფილი გადასახადების 24%-იანი ზრდა; და ამ დროს, როდესაც 2025-ის პირველ კვარტალში, ეკონომიკა გაიზარდა 9,3%-ით, ნაერში ბიუჯეტის შემოსავლები პირველ ოთხ თვეში გაიზარდა მხოლოდ 4,1%-ით. მე ეს ძალიან უცნაური მეჩვენება.ამას ემატება შემდეგი მნიშვნელოვანი ინდიკატორების პირველი კვარტლის შედეგები, რაც აძლიერებს ჩემს ეჭვებს: ფულადი ტრანსფერები: 786 მილიონი დოლარი (1Q, 2025); 812 მილიონი დოლარი (1Q, 2024) (დაახლოებით 3%-იანი კლება). (NBG) ადგილობრივი ექსპორტი (რეექსპორტის გარეშე): 641 მილიონი დოლარი (1Q, 2025); 642 (1Q, 2024); (დაახლოებით 0%-იანი ზრდა). (Geostat) ხელფასის მიმღები ადამიანების რაოდენობა: მარტი, 2025 ვერსუს მარტი 2024: დაახლოებით 0,3%-იანი ზრდა (PMCG). დამატებით, შეგვიძლია სექტორალურ შედეგებს შევხედოთ: შემოსავლები ტურიზმიდან: 826 მილიონი დოლარი (1Q, 2025); 807 მილიონი დოლარი (1Q, 2024) (დაახლოებით 2,3%-იანი ნომინალური ზრდა) (NGB). მშენებლობის სექტორი ბაზრის ზომა (ნომინალში): 1Q, 2025 ვერსუს 1Q, 2024: დაახლოებით 1,1%-იანი კლება (Galt and Taggart); დაახლოებით 5,6%-იანი ზრდა (Colliers Georgia). ასევე, შეგვიძლია ბიზნესის და მომხმარებლების განწყობებს დავაკვირდეთ:ბიზნეს-კლიმატი პირველ კვარტალში მნიშვნელოვნად გაუარესებულია (BAG Index, ISET Business Confidence Index); რასაც, წესით, ბიზნესების საინვესტიციო აქტივობებზე უარყოფითად უნდა ემოქმედა.მოსახლეობის 56% თვლის, რომ ფინანსური კრიზისი უკვე დაიწყო ან მალე დაიწყება; ხოლო მოსახლეობის 36% პროცენტი ამბობს, რომ მისი ეკონომიკური მდგომარეობა გაუარესდა. როდესაც, მხოლოდ 20% აფიქსირებს, რომ მდგომარეობა არის გაუმჯობესებული (ACT Research). ამ გარემოებას, თავის მხრივ, უნდა გაუარესებინა ე.წ. Consumer Confidence, რაც უნდა ასახულიყო დანაზოგების შექმნასა და სამომხმარებლო ხარჯების შემცირებაში.რომ შევაჯამო, მაკრო, ფისკალური, სექტორული და განწყობების ინდიკატორების უმრავლევლესობა გვეუბნება, რომ წინა წლის პირველ კვარტალთან შედარებით მგომარეობა არის ან წინა წლის დონეზე ან არის გაუარესებული.შესაბამისად, ერთადერთი ამხსენილი პირველ კვარტალში საქართველოში თუნდაც ზომიერი ეკონომიკური ზრდის არსებობის შეიძლება იყოს ბიზნესის (მათ შორის ტურიზმის სექტორის) და საბანკო სექტორის მხრიდან, ერთი მხრივ, სამომხმარებლო დანახარჯების ჰიპერ-აქტიური სტიმულირება (აქციები, სპეციალური შეთავაზებები, ქეშ-ბეკები და ასე შემდეგ), უძრავი ქონების ბაზარზე არსებული ჰიპერ-შეთავაზებები (მაგ. პირველადი შენატანის მნიშვნელოვანი კლება, აქამდე არარსებული მრავალწლიანი შიდა-განვადებას შეთავაზება მყიდველებისთვის და ა.შ.) და უძრავი ქონების კომპანიების მხრიდან იმის რეალიზება, რომ ე.წ. „ჰაერი“ აღარ იყიდება და შესაბამისად, ხარჯების დაჩქარებული ზრდა დაწყებული პროექტების სწრაფად დასასრულებლად.თუ ეს ასეა, ეს ყველაფერი დღეს ბიზნესის მოგების შემცირების ხარჯზე უნდა ხდებოდეს და ამას უკვე ის ფაქტი მიგვანიშნებს, რომ წინა წელთან შედარებით, ბიუჯეტში, 4 თვეში, ნომინალში დაახლოებით 15%-ით უფრო ნაკლები მოგების გადასახადი აიკრიფა. ასევე, ვფიქრობ, ძალიან დეტალური კრიტიკული ანალიზი სჭირდება სამომხმარებლო კალათასაც, რომ უკეთესად დავინახოთ, რამდენად ადეკვატურია დღეს ინფლაციის მაჩვენებელი, რომელიც, თუ ის ხელოვნურად არის შემცირებული, თავის მხრივ ეკონომიკურ ზრდაზეც პოზიტიურად მოქმედებს.ამ ყველაფერის გათვალისწინებით, 2025 წლის პირველ კვარტალში 9,3%-იანი ეკონომიკური ზრდა ანომალიად და არამდგრად მოვლენად მეჩვენება, რომელიც, თუნდაც „ჯეოსტატის“ მონაცემებით, სხვა თანაბარ პირობებში, მალე მნიშვნელოვნად უნდა შემცირდეს“ - წერს გიორგი ხიშტოვანი.

1746700271

2023 წლიდან ლიბერთი „მთიელი წიგნების“ სტრატეგიული პარტნიორია. პარტნიორობის ფარგლებში გურიის, აჭარის, სამცხე-ჯავახეთისა და იმერეთის რეგიონშიმდებარე 200-მდე სოფელში მცხოვრებ 2647 ბავშვს და 35 ბიბლიოთეკას საჩუქრად გადაეცა 7000- მდე წიგნი.პროექტის მიზანია მაღალმთიან სოფლებში არც ერთი ბავშვი არ დარჩეს მათთვის ყველაზე ძვირფასი საჩუქრის - წიგნის გარეშე.2025 წლის ბოლომდე ლიბერთის ხელშეწყობით, იმერეთის რეგიონში მცხოვრები ბავშვები დასაჩუქრდებიან სასურველი წიგნებით და წიგნების დარიგება რამდენიმე ეტაპად განხორციელდება.პირველ ეტაპზე ლიბერთისა და „მთიელი წიგნების“ ძალისხმევით შესაძლებელი გახდა წიგნების მიწოდება შემდეგ სოფლებში: ცრუკვეთი, თვალუეთი, სკინდორი, მორძგვეთი, ქვედა ჭალოვანი, ზედა ჭალოვანი და სხვიტორი. ლიბერთისა და „მთიელი წიგნების“ გუნდს იმერეთში, საჩუქრად 3500 წიგნის მიწოდება აქვს დაგეგმილი.,,ლიბერთის კორპორაციული პასუხისმგებლობის სტრატეგიის მთავარი მიმართულება განათლების ხელშეწყობაა. მთიელი წიგნების გუნდთან ერთად ძალიან მნიშვნელოვან საქმეს ვაგრძელებთ.იმერეთში მოგზაურობის დროს კიდევ ერთხელ დავრწმუნდით, რომ წიგნი მართლაც ღირებული საჩუქარია და მას დიდი სიხარული მოაქვს ბავშვებისთვის. კითხვის პოპულარიზაციას ლიბერთი მთელი წლის განმავლობაში შეუწყობს ხელს“ – თამარ ზაქარიაძე, ლიბერთის კორპორაციული პასუხისმგებლობის ხელმძღვანელი.,,მოხარული ვართ, რომ „მთიელი წიგნების“ მიერ წამოწყებული პროექტი ლიბერთის მხარდაჭერით გრძელდება. გურიის და აჭარის მაღალმთიან რეგიონის შემდეგ იმერეთს ვესტუმრეთ. ლიბერთისთან დამეგობრებით ჩვენი პროექტის მასშტაბი საგრძნობლად გაიზარდა და მომავალში უფრო მეტ ბავშვს ვაჩუქებთ ზუსტად იმ კონკრეტულ წიგნს, რომელზეც ისინი ოცნებობენ. ჩვენი მოგზაურობებიდან ნათლად ჩანს, რომ წიგნი ყველაზე ღირებული საჩუქარია და ცოდნას ყველაზე დიდი ძალა აქვს“ – გიორგი კივილაძე, „მთიელი წიგნების“ დამფუძნებელი.

1746699972

სტრატეგიის პირველადი სამუშაო ვერსია სებ-მა გასულ წელს გამოაქვეყნა და დაინტერესებულ მხარეებს მასთან დაკავშირებით შენიშვნებისა და რეკომენდაციების გაზიარებისკენ მოუწოდა. სხვადასხვა კერძო და საჯარო უწყებიდან მიღებული კომენტარებისა და რეკომენდაციების შემდეგ ეროვნულმა ბანკმა დაინტერესებულ მხარეებთან ინდივიდუალური შეხვედრები გამართა, სადაც დეტალურად განიხილა მათთვის საინტერესო საკითხები.დოკუმენტის განახლებულ ვერსიაში ასახულია დაინტერესებული მხარეებისგან მიღებული უკუკავშირი. ამასთან, სტრატეგიას თან ერთვის დამატებითი დოკუმენტი, რომელიც ასახავს სტრატეგიის მიზნებს, ეფექტიანობის შესაბამის ინდიკატორებსა და იმპლემენტაციისთვის განსაზღვრული პრიორიტეტული აქტივობების ურთიერთკავშირს.ამჟამად მუშავდება ფინტექ სტრატეგიის უფრო დეტალური სამოქმედო გეგმა, რომელშიც დამატებით წარმოდგენილი იქნება თითოეული აქტივობის შესრულებაზე პასუხისმგებელი უწყებები და შედეგის ინდიკატორების სამიზნე მაჩვენებლები.ეროვნული ბანკი  ფინტექის განვითარების ეროვნული სტრატეგიის შემუშავების პროცესში მხარეთა შორის აქტიური კერძო-საჯარო თანამშრომლობის ხელშეწყობის  მიზნით  მზადაა მიიღოს დამატებითი კომენტარები და რეკომენდაციები სტრატეგიის განახლებულ ვერსიასთან დაკავშირებით.

1746699144

„6-9 მაისს, შოტლანდიის დედაქალაქ ედინბურგში, საერთაშორისო კონკურენციის ქსელის (ICN) და გაერთიანებული სამეფოს კონკურენციისა და ბაზრების უწყების(CMA) ორგანიზებით, ICN-ის 24-ე  კონფერენცია  იმართება. ღონისძიებას 500-მდე მოწვეული სტუმარი ესწრება. მათ შორის,  ICN-ის წევრები,  სხვადასხვა ქვეყნის კონკურენციის უწყებების ხელმძღვანელი პირები, არასამთავრობო ორგანიზაციების წარმომადგენლები და დარგის ექსპერტები.კონფერენციის ფარგლებში, გაიმართება World Bank Group-ის და კონკურენციის საერთაშორისო ქსელის ICN-ის მიერ კონკურენციის ადვოკატირების მიმართულებით საუკეთესო ქეისების და გადაწყვეტილებების დაჯილდოების ცერემონია, სადაც საქართველოს კონკურენციისა და მომხმარებლის დაცვის სააგენტო (GCCA) რამდენიმე ნომინაციაზეა წარდგენილი.მნიშვნელოვანია აღინიშნოს, რომ მსოფლიოს მასშტაბით, ICN-ი 160-მდე ქვეყნის კონკურენციის უწყებას აერთიანებს. ყოველწლიური კონფერენცია არის უნიკალური შესაძლებლობა - ქვეყნებს შორის საერთაშორისო თანამშრომლობის გაძლიერების და კონკურენციის პოლიტიკის აღსრულების მექანიზმების გაუმჯობესების მიზნით, სადაც მონაწილეები, გაფართოებული დიალოგის ფორმატში,  კონკურენციის პოლიტიკის ეფექტიანად განხორციელებისთვის საჭირო სამომავლო ღონისძიებებზე, შედეგებზე, მიღწევებზე და არსებულ გამოწვევებზე მსჯელობენ. ღონისძიებაზე დაგეგმილია GCCA-ის თავმჯდომარის, ირაკლი ლექვინაძის და დელეგაციის წევრების - თავმჯდომარის მოადგილის, ლევან კალანდაძის და სტრატეგიული ბაზრების მონიტორინგის დეპარტამენტის უფროსის, გიორგი ქედელიძის სხვადასხვა პანელებში და დისკუსიებში მონაწილეობა.სამუშაო ვიზიტის ფარგლებში, ურთიერთთანამშრომლობის გაძლიერების მიზნით, დაგეგმილია მემორანდუმის გაფორმება - საქართველოს კონკურენციისა და მომხმარებლის დაცვის სააგენტოსა და მონტენეგროს კონკურენციის დაცვის სააგენტოს შორის“ – ნათქვამია ინფორმაციაში.

1746698595

მინისტრის მოადგილემ ყურადღება გაამახვილა ბიზნეს პროცესების აუთსორსინგის (BPO) სექტორზე, რომლის საქართველოს ბაზარზე განვითარებაში მნიშვნელოვანი როლი აქვს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“.მისი თქმით, სააგენტო რამდენიმე წელია, რაც ამ სფეროს მხარდაჭერისა და პოპულარიზაციის პოლიტიკას აქტიურად ახორციელებს.„ამ ინდუსტრიის ინტერესი ჩვენი ქვეყნისადმი სულ უფრო მზარდია. სხვა ბევრ შესაძლებლობასთან ერთად, ინვესტორებისთვის საინტერესოა სტაბილური ეკონომიკური გარემო და სტრატეგიული ლოკაცია, რასაც საქართველო სთავაზობს“, - აღნიშნა ირაკლი ნადარეიშვილმა.კიდევ ერთი მიმართულება, რომელზეც მინისტრის მოადგილემ გაამახვილა ყურადღება IT სერვისების სფეროა. როგორც მინისტრის მოადგილემ აღნიშნა, დღეს საქართველოში 150-ზე მეტი ტექნოლოგიური კომპანია საქმიანობს, ასევე ჩვენს ქვეყანაში შემოვიდნენ პროფესიული სერვისების ექსპორტის განმახორციელებელი გლობალური ტოპ კომპანიები. შედეგად, შეიქმნა რამდენიმე ათასი ახალი სამუშაო ადგილი და რამდენიმე მილიარდიანი საექსპორტო პროდუქცია, რომელსაც საქართველო გლობალურ ბაზრებს აწვდის.მინისტრის მოადგილემ აქცენტი გააკეთა ფაქტორებზე, რის გამოც გლობალურ ბაზრებზე დღეს ეს ორი სფერო განსაკუთრებული მოთხოვნით სარგებლობს.„ესენია, საგადასახადო რეჟიმი, რომელიც ჩვენ საერთაშორისო ტექნოლოგიურ კომპანიებს შევთავაზეთ; ასევე კვალიფიციურ კადრებზე ხელმისაწვდომობა; ბიზნესის კეთების სიმარტივის გარემო და მთელი რიგი სხვა პარამეტრები, რომლებიც განაპირობებენ საქართველოს მიმზიდველობას სხვადასხვა ტიპის ინვესტორებისათვის, ამ შემთხვევაში, პროფესიული სერვისებისა და ტექნოლოგიური კომპანიების მოსაზიდად“, - განაცხადა ირაკლი ნადარეიშვილმა.

1746698204

რაც შეეხება 4 თვის ჯამურ მონაცემს, ქუთაისის დავით აღმაშენებლის სახელობის საერთაშორისო აეროპორტი 2025 წლის იანვარ-აპრილში 506,564 მგზავრსა და 1,533 რეისს მოემსახურა. წინა წელთან შედარებით მგზავრთნაკადის 2,3%-იანი ზრდა ფიქსირდება (2024 წლის 4 თვე - 495,235 მგზავრი), ხოლო რეისების რაოდენობა უცვლელია.საქართველოს აეროპორტების გაერთიანების გენერალური დირექტორის განცხადებით, ზაფხულის სანავიგაციო სეზონზე მოლოდინები მგზავრთნაკადის ზრდის კუთხით კიდევ უფრო პოზიტიურია.„აპრილის თვიდან ქუთაისის საერთაშორისო აეროპორტიდან მადრიდისა და ჰამბურგის მიმართულებით პირდაპირი ავიამიმოსვლა აღდგა. 3 ივნისიდან კი ქუთაისის საერთაშორისო აეროპორტს დაემატება სრულიად ახალი - ლიონის მიმართულება, რაც განსაკუთრებით სასიხარულოა ჩვენი ფეხბურთის გულშემატკივრებისთვის. ასევე, გაიზრდება ფრენის სიხშირეები არსებულ რეისებზე. ამ ფონზე, მოლოდინები მომდევნო თვეებში მგზავრთა ნაკადების ზრდის კუთხით, კიდევ უფრო პოზიტიური გვაქვს“, - განაცხადა ლევან მოსეშვილმა.ამ ეტაპზე, დავით აღმაშენებლის სახელობის აეროპორტიდან 6 ავიაკომპანია პირდაპირ რეგულარულ ფრენებს 18 ქვეყნის 33 მიმართულებით ასრულებს. აქედან 24 პირდაპირი მიმართულება ევროპულია.

1746698082