2024 წელს ტურისტული ვიზიტების რეკორდული მაჩვენებელი დაფიქსირდა და ისტორიულ მაქსიმუმს 5.1 მილიონ ვიზიტს მიაღწია

Invisso-ს ფორუმი ყოველწლიურად იმართება და მასში მონაწილეობას იღებენ ცენტრალური ბანკების მმართველები, საერთაშორისო საფინანსო ინსტიტუტებისა და ფინანსური ბაზრების წარმომადგენლები, ინვესტორები, რეგულატორები და პოლიტიკოსები ცენტრალური და აღმოსავლეთ ევროპის, ასევე, ევროკავშირის წევრი და კანდიდატი ქვეყნებიდან.ნათია თურნავამ პანელურ დისკუსიაში, რომლის სახელწოდებაა „ცენტრალური ბანკები გლობალური შოკების შემდეგ“, ისაუბრა არსებულ გამოწვევებსა და ეროვნული ბანკის მიერ გატარებულ ზომებზე ინფლაციის მართვის და მაკროეკონომიკური სტაბილურობის უზრუნველსაყოფად. მისი თქმით, ლარიზაციის ზრდა მნიშვნელოვანია საქართველოს ეკონომიკური მდგრადობისთვის.სების პრეზიდენტის მოვალეობის შემსრულებლის განცხადებით, ეროვნული ბანკის მიერ გატარებულმა კოორდინირებულმა ზომებმა წარმატება მოუტანა ქვეყანას. შედეგად, თითქმის ორი წელია ინფლაცია მიზნობრივი მაჩვენებლის ქვემოთ ნარჩუნდება.ვენაში ვიზიტის ფარგლებში ასევე დაგეგმილია ნათია თურნავას შეხვედრა ცენტრალური და აღმოსავლეთ ევროპის მსხვილ ინვესტორებთან. შეხვედრა Raiffeisen Bank-ის ორგანიზებით იმართება და მას 25-ზე მეტი საინვესტიციო ფონდის წარმომადგენელი დაესწრება. მათ შორის, Morgan Stanley Investment Management Limited, Fidelity Investments, Allianz Invest, Artisan Partners, Swedbank Investiciju valdymas, UAB და ა.შ. სების პრეზიდენტის მოვალეობის შემსრულებელი ინვესტორებს წარუდგენს პრეზენტაციას საქართველოში არსებული სტაბილური მაკროეკონომიკური ვითარებისა და საინვესტიციო გარემოს შესახებ. შეხვედრაზე სების პრეზიდენტის მოვალეობის შესრულებული ყურადღებას გაამახვილებს ქვეყნის მაკროეკონომიკური და ფინანსური სტაბილურობის განმტკიცებაზე, დოლარიზაციის შემცირების წარმატებულ პოლიტიკაზე, რაც ფასების სტაბილურობის უზრუნველყოფისთვის და საფინანსო სექტორის განვითარებისთვის მნიშვნელოვანი ფაქტორია.შეხვედრებში ასევე მონაწილეობს საქართველოს ფინანსთა მინისტრის მოადგილე ეკატერინე გუნცაძე.

1736946063

რა სიმდიდრეს მალავს გრენლანდია?გრენლანდიის ტერიტორიის 80%-ი ყინულით არის დაფარული. კუნძულზე სულ 60 ათასი ადამიანი ცხოვრობს. სანაპიროზე ბევრი თევზია, ხოლო ნიადაგი სასარგებლო წიაღისეულითაა მდიდარი, რომლის მოპოვებაც უახლოეს წლებში უფრო იოლი გახდება, რადგან გლობალური დათბობა გარდაუვალია.გრენლანდიაში არის ნავთობი, ურანი და იშვიათი მეტალები, რაც სასიცოცხლოდ მნიშვნელოვანია თანამედროვე მაღალტექნოლოგიური პროდუქტების წარმოებისთვის. თუმცა ამგვარი მეტალების 70%-ი ჩინეთში მოიპოვება, რომელთანაც ტრამპს „სავაჭრო ომი“ აქვს გაჩაღებული.თავის მხრივ, ჩინეთმა უკვე იყიდა იშვიათი მეტალების საბადოები აფრიკის კონტინენტზე. მართალია, პეკინმა პირობა დადო, რომ ამ მეტალების მსოფლიო ბაზარზე მიწოდებას არ შეზღუდავს, თუმცა, ასეთ შემთხვევაშიც კი, აღნიშნული მეტალები ღია მარაგი მხოლოდ რამდენიმე წელიწადზეა გათვლილი.აშშ-ი მსოფლიოში ყველაზე მდიდარი სახელმწიფოა. ის ახალი ტექნოლოგიების სფეროს ლიდერი და ნავთობის ყველაზე მსხვილი მწარმოებელია. ამ ტიტულისა და პოზიციების შესანარჩუნებლად გრენლანდია აშშ-ს ძალიან გამოადგება.რაში სჭირდება კუნძული ტრამპს?კუნძულ გრენლანდიას არქტიკაში სტრატეგიულად მნიშვნელოვანი გეოგრაფიული მდებარეობა აქვს. გრენლანდიაზე გადის ევროპიდან ჩრდილოეთ ამერიკაში მისასვლელი უმოკლესი გზა. უნდა აღინიშნოს ისიც, რომ გრენლანდია, გეოგრაფიულად ჩრდილოეთ ამერიკასთან უფრო ახლოსაა განლაგებული, ვიდრე დანიასთან, რომელიც ავტონომიურ ტერიტორიასაც წარმოადგენს.„ცივის ომის“ დროიდან მოყოლებული, აშშ-ს გრენლანდიაში თავისი სამხედრო ბაზა აქვს გახსნილი. პენტაგონი სულაც არაა წინააღმდეგი არქტიკაში წარმომადგენლობა გააფართოოს, რათა სათანადო წინააღმდეგობა გაუწიოს მეტოქეებს – ჩინეთსა და რუსეთს.ანალოგიური მიზნები ჰქონდა 1946 წელს აშშ-ის პრეზიდენტ ჰარი ტრუმენს, რომელმაც გრენლანდიის სანაცვლოდ 100 მილიონი დოლარი შესთავაზა დანიას. ტრუმენს არ სურდა, გრენლანდია მტრის ხელში ჩავარდნილიყო.ჩინეთს არქტიკაში სავაჭრო გზის გაყვანის იდეა დიდი ხანია, აქვს. 2018 წელს პეკინმა გრენლანდიაზე ორი აეროპორტის მშენებლობის სურვილი გამოთქვა, თუმცა დანიის სამეფომ დაარწმუნა ავტონომიის ხელისუფლება და ორივე კონტრაქტი დანიელებს დარჩათ.რუსეთი თავის მხრივ არქტიკაში სამხედრო წარმომადგენლობას აფართოებს. მოსკოვმა უკვე გაადიდა თავისი სამხედრო ბაზა, რომელიც უკიდურეს ჩრდილოეთში, ფრანც-იოსეფის მიწაზე მდებარეობს. იქ მდებარე აეროდრომი „ნაგურსკი“ უკვე მზადაა დიდი ზომის „ილ-78“-ების მისაღებად. ეს თვითმფრინავები გამანადგურებლებისა და ბომბდამშენების საწვავით შევსებას ჰაერში უზრუნველყოფენ.რა მიზანი ამოძრავებს ტრამპს ?ტრამპი შთამომავლობით მშენებელია. ის მუდმივად ყიდულობდა მიწას, აშენებდა სახლებს და ყიდდა ბინებს. მაგრამ, ახლა ის პრეზიდენტია და პირობა დადო, რომ გრენლანდიას თავისი საყვარელი მანჰეტენის კუნძულის მსგავასად, არასდროს მოექცევა.ამაზე მეტყველებს მისი „ტვიტერის“ გვერდზე გამოქვეყნებული ჩანაწერი, სადაც ამბობს, რომ გრენლანდიაზე „ტრამპ თაუერის“აშენებას არ გეგმავს.1tv.ge

1736940001

“როდესაც ქვეყანაში პოლიტიკური დაძაბულობაა ხოლმე, ამას თან ახლავს ქუჩაში გამოსვლები, მათ შორის ძალადობრივი, ბუნებრივია, ასეთი მოვლენები ეკონომიკაზე გავლენას ყოველთვის ახდენს. ნოემბერ-დეკემბრის მოვლენებისას, როდესაც დაძაბული სიტუაციაა, ორივე მხრიდან ფიზიკური დაპირისპირებები იყო, მათ შორის პარლამენტში შევარდნის, ქუჩების გადაწვის მცდელობები, ვნახეთ, რომ ამან პირველ რიგში, გავლენა ტურიზმის სექტორზე მოახდინა. სტატისტიკაც ამას გვიჩვენებდა. როდესაც ქვეყანაში დაძაბულობაა, უცხოელი ტურისტი ასეთ ქვეყანაში არ მიდის. ბუნებრივია, ამ სექტორზე გავლენა დიდია. სხვა სექტორებზე გავლენა შედარებით ნაკლებადაა. იქიდან გამომდინარე, რომ ტურიზმის სექტორი ყველაზე სენსიტიურია, პირველი დარტყმები, როგორც წესი, ამ სექტორზე მოდის. ჩვენს ეკონომიკაში ტურიზმის სექტორს საკმაოდ დიდი წილი უჭირავს.ტურიზმის სექტორის შეფერხების გავლენაც ჩვენს ეკონომიკაზე, ბუნებრივია, ყოველთვის ნეგატიური იქნება. თუ სხვა პარამეტრებს მივყვებით, მაგალითად, ისეთს, როგორიცაა ბიუჯეტში შემოდინებები, გადასახადების ნაწილში შეფერხება არ იყო, შეიძლება, ტურიზმიდან იკლო, მაგრამ სხვა მიმართულებებიდან გაიზარდა. მათ შორის ექსპორტი და იმპორტი გაგვეზარდა. ბუნებრივია, ეს ხელს უწყობს ბიუჯეტში მეტი შემოსავლების ზრდას და ა.შ. ყოველ შემთხვევაში გავლენა გვაქვს, მაგრამ არა ისეთი საგანგაშო, რომ ამან გარკვეულწილად ჩვენს საერთო მაკროეკონომიკურ სურათზე ნეგატიური გავლენა მოახდინოს. აღვნიშნავ, რომ წელი საკმაოდ კარგად დავხურეთ. ბოლო ორთვიანი პოლიტიკური დაპირისპირების ფონზე მაინც პოზიტიური წელი იყო, ეკონომიკის ნაწილში მიმდინარე წელსაც საკმაოდ კარგად ვიწყებთ. ვფიქრობ, 2025 წელი უკეთესი იქნება. მიუხედავად მცდელობებისა, რომელიც ახალია, რომ ქვეყანაში პოლიტიკურად კვლავ გამძაფრდეს სიტუაცია, ვფიქრობ, ეს უფრო ხანმოკლე იქნება, პოლიტიკური დაძაბულობის სურათი უფრო მალე დასრულდება, რაც ჩვენი ქვეყნის ეკონომიკის უფრო კარგად განვითარებას ბუნებრივად შეუწყობს ხელს.რაც შეეხება სანქციების თემას: ზოგადად, სანქცია ისეთი ტერმინია, მისი გაჟღერებითაც საზოგადოებაში უკვე ნეგატიურ ასოციაციას იწვევს. ბოლო 2-3 წლიან პერიოდში რომ გადავხედოთ, ეს სანქციები რუტინული გახდა. სამყარომ სანქციებთან ერთად ცხოვრება ისწავლა. არაერთი პირი არათუ ჩვენთან, არამედ მსოფლიო მასშტაბით დასანქცირებულია, მათ შორის არიან პირები, რომლებიც რამდენჯერმე დასანქცირდნენ, ეს პირები შემდეგ სასამართლოს წესით სანქციებს იხსნიან ხოლმე, როდესაც მხოლოდ პოლიტიკური ნიშნით არიან დასანქცირებულები და სამართლებრივი საფუძველი არ არსებობს; მათ შორის ასეთ პირებს სანქციებს იმ ქვეყნების სასამართლოებიც უხსნიან, თუ მათ მიმართავენ. ჩვენს შემთხვევაში ეს სანქციები პერსონალურია და არ არის განზოგადებული, ქვეყნის მასშტაბით. ამ თვალსაზრისით ნაკლებად ველოდები, რომ ეს ჩვენს ეკონომიკაზე რაიმე ტიპის გავლენას მოახდენს. სანქცირებული რამდენიმე პიროვნება გვყავს, მაგრამ ამ სანქციებს ჩვენს ეკონომიკაზე გავლენა ვერ მოუხდენია, კვლავ მაღალი ეკონომიკური ზრდა, განვითარების კარგი ტემპიც გვაქვს. ასეთი ტემპის შენარჩუნება ჩვენს ეკონომიკას კიდევ უფრო მეტად დაასტაბილურებს”- განაცხადა ანგურიძემ.ეკონომისტი ეროვნული ბანკის ინფორმაციასაც გამოეხმაურა, რომლის თანახმად, საერთაშორისო სავალუტო რეზერვები 324 მილიონი დოლარით გაიზარდა და დეკემბრის მდგომარეობით, 4.45 მილიარდ დოლარს შეადგენს.“სექტემბერ-ოქტომბერში გვქონდა შემთხვევა, როდესაც ლარის კურსი გაუფასურდა არა ფაქტორების გავლენის გამო. გაუფასურების მცდელობა ერთჯერადი ტრანზაქციების და აჟიოტაჟის, არასწორი მოლოდინების შექმნის შედეგად იყო, რომელიც წინასაარჩევნო პერიოდთან იყო დაკავშირებული. ეროვნულმა ბანკმა რეზერვები დახარჯა და ამაზე საკმაოდ დიდი სკანდალები იყო ატეხილი, გარკვეული ტელევიზიები საინფორმაციო გამოშვებებს ამ ინფორმაციით იწყებდნენ, “ფეისბუქი” აჭრელებული იყო, რომ ეროვნული ბანკი თითქოს იქცევა, რეზერვებს არამიზნობრივად ხარჯავს და ა.შ. მაგრამ, მოცემულობა იმგვარი გვქონდა, რომ ლარის გაუფასურებას მაკროეკონომიკური სურათი არ იძლეოდა.ამ გაუფასურებას ყველა შემთხვევაში მოკლევადიანი ტრენდი ექნებოდა და იქიდან გამომდინარე, რომ ამ ტრენდს ფასებსა და მოქალაქეების სოციალურ-ეკონომიკურ მდგომარეობაზე გავლენა არ მოეხდინა, ეროვნულმა ბანკმა თავისი მანდატით ლარის კურსი მოკლევადიანი რყევებისგან ხელოვნურად დაიჭირა. როგორც კი არჩევნები დასრულდა, ვითარება შეიცვალა, პირიქით, ეროვნულ ბანკს შეექმნა იმის შესაძლებლობა, რომ დოლარი ისევ შეესყიდა, რეზერვები ისევ შეევსო.ნოემბერ-დეკემბრის სურათს რომ ვხედავთ, პრაქტიკულად, დღევანდელი მოცემულობით, საერთაშორისო რეზერვები თითქმის 4,5 მილიარდი გვაქვს, ნოემბერში, განსაკუთრებით კი დეკემბერში საკმაოდ კარგად გაიზარდა, თუმცა ამას არავინ აღარ ახსენებს, არც ის ტელევიზიები, არც ის ჟურნალისტები, არც ის პიროვნებები, რომლებიც აჟიოტაჟს ტეხდნენ, რახან ეროვნული ბანკი ამ რეზერვებს ყიდის, ეკონომიკა, ეროვნული ბანკი იქცევაო. დღეს როდესაც პროცესი გაჯანსაღებისკენ მიდის და ეროვნული ბანკი რეზერვებს ავსებს, ამაზე ყურადღებას აღარავინ არ ამახვილებს, არავინ არ ამბობს იმას, რომ ეს ეროვნული ბანკის სწორი პოლიტიკის შედეგია. წინააღმდეგ შემთხვევაში ეს სურათი არ გვექნებოდა, ლარი სექტემბერ-ოქტომბერში ნახტომისებურად გაუფასურდებოდა, შემდეგ გვექნებოდა ის სურათი, რომ მიშვებული ლარის პირობებში ფასები გაიზრდებოდა. პოლიტიკოსებს კარგი შესაძლებლობა მიეცემოდათ, რომ “რევოლუცია” უფრო ორგანიზებულად მოეხდინათ, რისი მცდელობები იყო, არც მალავენ.დღეს სურათი რადიკალურად შეცვლილია, ქვეყანაში ეკონომიკური სურათი სტაბილურობისკენ მიდის, საერთაშორისო რეზერვები იზრდება და მოსალოდნელია, რომ კიდევ უფრო გაიზარდოს, რადგან ქვეყანაში საერთაშორისო ნაკადებიდან შემოდინებები იზრდება, ტურიზმმა თავის კალაპოტში დაბრუნება, აღდგენა დაიწყო, რაც საერთაშორისო ვალუტის შემოსვლას უწყობს ხელს, ამასთანავე გვეზრდება ექსპორტი, რაც გუშინდელი მონაცემებით ვნახეთ. ეს იმის შესაძლებლობას გვაძლევს, რომ ქვეყანაში მეტი ვალუტა შეიქმნას, ეროვნულ ბანკს მიეცეს კიდევ უფრო მეტი შესაძლებლობა, რეზერვები მომავალშიც შეავსოს. ამიტომ, ვფიქრობ, მომავალი წელი იქნება სტაბილური ეკონომიკის პირობებში, მეტი შესაძლებლობებით, რომ საერთაშორისო რეზერვები შეივსოს” – განაცხადა ოთარ ანგურიძემ.

1736938623

“დღეს რა სურათიც გვაქვს და იმით, რაც ბოლო 4-5 თვეში ვნახეთ, დავრწმუნდით იმაში, რომ ეროვნული ბანკი ისეთი მოწოდების სიმაღლეზეა, როგორზეც მანამდე არ ყოფილა. იმას ვგულისხმობ, რომ როდესაც ლარი კურსი უფასურდება არა მაკროეკონომიკური ფაქტორების გათვალისწინებით და უფასურდება აჟიოტაჟური, ან ცრუ მოლოდინების შექმნის საფუძველზე, ეროვნული ბანკი ბაზარზე ხელოვნურად მყისიერად ერევა და იჭერს იმ წონასწორულ ნიშანს, რომელიც ბუნებრივ მოცემულობაში უნდა იყოს.მე ლარის მეტ გაუფასურებას არ ველოდები, ერთი მხრივ, როგორც ვთქვით, ეროვნული ბანკის სიძლიერიდან გამომდინარე და მეორე მხრივ, რაც აღვნიშნე – ეკონომიკის მოსალოდნელი გაუმჯობესების, გაჯანსაღების პირობებია. თუ გვაქვს, ერთი მხრივ, კარგი ეკონომიკური სურათი, რაც ბოლო 3-4 წელია ჩამოგვიყალიბდა, ამ ტრენდეზე ვართ, მეორე მხრივ, ვხედავთ, გვაქვს ძლიერი ეროვნული ბანკი თავისი მონეტარული პოლიტიკით, ეს გვაძლევს იმის საფუძველს, რომ ვთქვათ – ლარის კურსი მომავალშიც სტაბილური იქნება”, –განაცხადა ანგურიძემ. ცნობისთვის, დღეს 1 აშშ დოლარის ოფიციალური ღირებულება 2.8448 ლარია.

1736938246

ბლინკენმა ქარტიის ხელმოწერას დიდი მნიშვნელობა მიანიჭა ორ სახელმწიფოს შორის ურთიერთობების განვითარებისთვის.„ჩვენ აშშ–სომხეთის სტრატეგიული პარტნიორობის კომისიას ვქმნით. ეს დაგვეხმარება თანამშრომლობის გაფართოებაში ისეთი მიმართულებებით, როგორიცაა ეკონომიკა, უსაფრთხოება, თავდაცვა, დემოკრატია და მართლმსაჯულება. ჩვენი ქვეყნები უფრო ძლიერი პარტნიორები ხდებიან, რაც სარგებელს მოუტანს არა მხოლოდ სომხეთს და შეერთებულ შტატებს, არამედ რეგიონის ქვეყნებსაც“, – განაცხადა აშშ–ის სახელმწიფო მდივანმა.არარატ მირზოიანმა აღნიშნა, რომ დოკუმენტი სომხეთ-ამერიკის თანამშრომლობას „უფრო ამბიციურს“ ხდის.მირზოიანმა აშშ–ს მადლობა გადაუხადა სომხეთის დამოუკიდებლობის, სუვერენიტეტისა და ტერიტორიული მთლიანობის მხარდაჭერისთვის.სომხეთის განზრახვის შესახებ, სტრატეგიული პარტნიორობა დაემყარებინა აშშ–თან, პრემიერმა ფაშინიანმა ჯერ კიდევ 2024 წლის ზაფხულში გააჟღერა პრეზიდენტ ჯო ბაიდენისადმი დამოუკიდებლობის დღესთან დაკავშირებით გაგზავნილ მისალოც წერილში. ამასთან, ფაშინიანი მუდმივად აკრიტიკებს კოლექტიური უსაფრთხოების ხელშეკრულების ორგანიზაციას (კუხო) მას შემდეგ, რაც 2022–23 წლებში ერევანი ამაოდ სთხოვდა დახმარებას მთიან ყარაბაღში სამხედრო ესკალაციის დროს.ფაშინიანმა კუხო დაახასიათა როგორც „კავშირი – საპნის ბუშტი“. ფაშინიანის თქმით, კუხო სომხეთის ინტერესების შესაბამისად აღარ მოქმედებს და ამ ორგანიზაციიდან გასვლა შემდეგი ლოგიკური ნაბიჯი იქნება. 

1736937586

„გმირთა მოედანზე, „ლაგუნა ვერეს“ მიმდებარე ტერიტორიის საგზაო ნაწილის რეაბილიტაცია იწყება. სარეაბილიტაციო არეალი, გმირთა მოედნიდან ზვიად გამსახურდიას სახელობის სანაპირომდე არსებულ საგზაო მონაკვეთს მოიცავს.დედაქალაქში გამტარუნარიანობის თვალსაზრისით ეს საკმაოდ პრობლემური ადგილია, განსაკუთრებით პიკის საათებში. პროექტის ფარგლებში, დაგეგმილია გზის გაფართოება და სრული რეაბილიტაცია. ასევე, გარე განათების ქსელის მოწყობა LED ლამპიონებით. უკვე მიმდინარეობს სადენების მიწის ქვემოთ ჩატანა. ასევე, უსაფრთხოების კუნძულები მოეწყობა, დაიზახება ზებრა გადასასვლელები და შუქნიშნები დამონტაჟდება, რომლითაც საავტომობილო მოძრაობა დარეგულირდება. ინფრასტრუქტურა ადაპტირებული იქნება შშმ პირებისთვის“, - აღნიშნა კახა კალაძემ.პროექტი დაახლოებით ორ თვეში დასრულდება, ინფრასტრუქტურული სამუშაოები კი ძირითადად ღამის საათებში იწარმოებს.„პროექტის განხორციელებისთვის ჩვენ მოგვიწია გარკვეული არეალების გამოსყიდვა. ბენზინგასამართი სადგურების ადგილმონაცვლეობა მოვახდინეთ. ამისთვის კომპანიებს თანამშრომლობისთვის მადლობა მინდა ვუთხრა.აღნიშნული პროექტი მოგვცემს შესაძლებლობას, რომ დღეს არსებული ვითარება, რაც გადაადგილების თვალსაზრისით გვაქვს, მოგვარდეს და ამ კვანძზე მოძრაობა შედარებით თავისუფალი იყოს. პროექტი დაახლოებით, ორ თვეში დასრულდება. დღის განმავლობაში ჩვენ მუშაობას ფიზიკურად ვერ მოვახერხებთ. ამიტომ სამუშაოების შესრულება ძირითადად ღამის საათებში მოგვიწევს“, - განაცხადა თბილისის მერმა.

1736935268