საქართველოს ბიზნეს ასოციაციამ მედიატორთა პროფესიულ ტრენინგს უმასპინძლა

საარჩევნო ადმინისტრაციის სტრუქტურა, ინკლუზიური საარჩევნო გარემო, ელექტრონული ტექნოლოგიების გამოყენება არჩევნებში, ამომრჩეველთა ინფორმირება, მედიასთან და ჩართულ მხარეებთან კომუნიკაცია, დეზინფორმაციასთან დაკავშირებული საკითხები - ეს იმ თემების მცირე ჩამონათვალია, რომელზეც ცესკოს თავმჯდომარემ ტაილანდის სამეფოს წარმომადგენლობითი დელეგაციის წევრებს დეტალური ინფორმაცია მიაწოდა.„ძალიან საინტერესო შეხვედრა გავმართე ტაილანდის სამეფოს წარმომადგენლობით დელეგაციასთან, სადაც განვიხილეთ საქართველოში არჩევნების ადმინისტრირება და მასთან დაკავშირებული გამოცდილება. ასევე ვისაუბრეთ ტექნოლოგიების გამოყენებასთან და დეზინფორმაციის მართვის სტრატეგიებთან დაკავშირებით. შევთანხმდით დელეგატებთან სამომავლო თანამშრომლობის ჩამოყალიბებასა და განვითარებაზე, ისევე როგორც სხვადასხვა საარჩევნო აქტივობებში ორი ქვეყნის წარმომადგენლების ჩართულობასთან დაკავშირებით“, - განაცხადა გიორგი კალანდარიშვილმა შეხვედრის დასრულების შემდეგ.თავის მხრივ აღნიშნული შეხვედრის მნიშვნელობასა და მსგავსი ტიპის შეხვედრების აუცილებლობაზე ისაუბრა ტაილანდის სამეფოს წარმომადგენლობითი დელეგაციის წევრმა აპივან საქსესმა - “გულწრფელად მადლიერები ვართ ამ შესაძლებლობისთვის და ჩვენთვის პატივია აქ ყოფნა. ბევრი რამ გავიგეთ საქართველოს საარჩევნო ადმინისტრაციისგან. ეს იყო ძალიან ნაყოფიერი შეხვედრა, რაც დაგვეხმარება იმაში, რომ თქვენი საინტერესო გამოცდილების საფუძველზე შემდგომი ნაბიჯები გადავდგათ განვითარებისკენ. თავმჯდომარის პრეზენტაცია იყო ძალიან ინფორმაციული. ისეთი ცოდნა მივიღეთ, რომელსაც ჩვენს ქვეყანაში არჩევნების ადმინისტრირების გაუმჯობესებისთვის გამოვიყენებთ“.შეხვედრის მონაწილეებმა ასევე დეტალური ინფორმაცია მიიღეს ცენტრალური საარჩევნო კომისიის მიერ შექმნილი დეზინფორმაციის რეესტრისა და ზოგადად დეზინფორმაციასთან დაკავშირებით არსებულ გამოწვევებზე. აღნიშნულის შესახებ დელეგაციის წევრებს ინფორმაცია ცესკოს სტრატეგიული კომუნიკაციების დეპარტამენტის თანამშრომელმა ქეთევან ქარენაშვილმა გააცნო.ტაილანდის სამეფოს მეფე პრაჯადჰიპოკის ინტიტუტის წარმომადგენლობით დელეგაცია, რომლის შემადგენლობაში პარლამენტის წევრები, სენატორები და სხვადასხვა სფეროს წარმომადგენლები შედიან, ვიზიტის ფარგლებში საქართველოს სხვადასხვა უწყების წარმომადგენლებს შეხვდებიან.

1764070973

ჩაერთე დეკემბრის მარათონში, შეასრულე მისიები ყოველდღე, დააგროვე მონეტები და დასაჩუქრდი ფულადი პრიზით. კვირის განმავლობაში ყველაზე მეტი მონეტის მფლობელს 10 000 ლარი გადაეცემა.მონეტების დასაგროვებლად, ისარგებლე ფინანსური სერვისებით თიბისის მობაილბანკში. მაგალითად, გადარიცხე ფული საკუთარ ანგარიშზე, მოიწვიე მეგობარი და სხვა.მთავარი მისია კი, რომლითაც მონეტებს დააგროვებ, ე.წ. „კლიკების“ თამაშია. მობაილბანკში ყოველდღიურად 10-წამიანი სესია გაიხსნება - 1 „კლიკი“ 1 მონეტას უდრის. შესაბამისად, იმდენ მონეტას დააგროვებ, რამდენ „კლიკსაც“ განსაზღვრულ დროში მოასწრებ.ასევე, ყოველი მე-1 000 000-ე მონეტის მფლობელი დასაჩუქრდება ფულადი პრიზით.და რაც მთავარია, ლიდერი, რომელიც მთელი მარათონის განმავლობაში ყველაზე მეტ მონეტას დააგროვებს, მთავარ პრიზს - 50 000 ლარს მიიღებს.თუ მარათონს მის დაწყებამდე, ლოდინის რეჟიმში შემოუერთდები, საჩუქრად დამატებით 500 მონეტას მიიღებ.მთავარია გჯეროდეს - იქნებ, სწორედ შენ ხარ დეკემბრის მარათონის მომავალი გამარჯვებული.ცნობისმოყვარეებო და მოუსვენრებო, თიბისის მობაილბანკში შევხვდებით!

1764066963

მათივე ცნობით, ISO 20022 წარმოადგენს მონაცემთა გადაცემისა და შეტყობინებების საერთაშორისო სტანდარტს ფინანსურ სერვისებში.,,მისი გლობალური მნიშვნელობა უდიდესია, რადგან ის მსოფლიოს წამყვანი ცენტრალური ბანკებისა და საგადახდო სისტემების მიერ არის მიღებული და წარმოადგენს SWIFT-ის მიერ წამოწყებულ ინიციატივას გლობალური ფინანსური კომუნიკაციის მოდერნიზებისთვის.აღნიშნულ სტანდარტზე გადასვლა უზრუნველყოფს: მონაცემთა სიმდიდრეს – შეტყობინებები შეიცავს უფრო მეტ სტრუქტურირებულ მონაცემს, რაც ხელს უწყობს ტრანზაქციების უკეთეს ანალიზს, ავტომატიზაციას და ფინანსური დანაშაულის წინააღმდეგ ბრძოლას (AML/KYC); ოპერაციულ ეფექტურობას – სტანდარტიზაცია ამცირებს შეცდომებს, ოპერაციულ ხარჯებს და აჩქარებს გადახდების დამუშავებას, რაც საბოლოოდ დადებითად აისახება ბიზნესსა და მომხმარებლებზე; გლობალურ თავსებადობას – ISO 20022 არის ერთიანი “ენა”, რომელიც ქართულ ბანკებს საშუალებას აძლევს, უფრო შეუფერხებლად ითანამშრომლონ საერთაშორისო პარტნიორებთან.აღსანიშნავია, რომ საქართველოს ეროვნულმა ბანკმა არა მხოლოდ საკუთარი სისტემები გადაიყვანა ახალ სტანდარტზე, არამედ წარმატებით გაუწია კოორდინაცია ქართული საბანკო სისტემის მასშტაბურ მიგრაციას. სებ-ის მხარდაჭერა და აქტიური ჩართულობა უმნიშვნელოვანესი იყო იმისთვის, რომ კომერციულ ბანკებს შეძლებოდათ დროულად და ეფექტურად განეხორციელებინათ საჭირო სისტემური ცვლილებები.ISO 20022-ის დანერგვა საქართველოს ფინანსური ბაზრისთვის წარმოადგენს ტექნოლოგიურ წინ გადადგმულ ნაბიჯს, რაც ხელს შეუწყობს ინოვაციების წახალისებას და ქვეყნის საგადახდო ინფრასტრუქტურის კონკურენტუნარიანობის ამაღლებას რეგიონულ და გლობალურ დონეზე”,- წერია ინფორმაციაში.

1764062481

ოქტომბერში სებ-მა Bmatch პლატფორმაზე განხორციელებული ინტერვენციების შედეგად სავალუტო რეზერვები 167.4 მილიონი დოლარით შეავსო და ქვეყნის საერთაშორისო რეზერვების მოცულობა ოქტომბრის მდგომარეობით 5.6 მლრდ დოლარს აჭარბებს.„საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. შესაბამისად, სებ-ი ყოველთვის კონცენტრირებულია რეზერვების შევსებაზე, რასაც ადასტურებს ბანკის გაცხადებული პოლიტიკა. როდესაც ბაზარი ამის შესაძლებლობას იძლევა ეროვნული ბანკი ქვეყნის საერთაშორისო რეზერვებს ზრდის.ამასთან, 2025 წლის სებ-ის მიერ განხორციელებული სავალუტო ინტერვენციები ასე გამოიყურება: იანვარ-თებერვალი – Bmatch-ით წმინდა შესყიდვა არ განხორციელებულა; მარტი – Bmatch-ით წმინდა შესყიდვა 101.7 მილიონი აშშ დოლარი; აპრილი – Bmatch-ით წმინდა შესყიდვა 266.4 მილიონი აშშ დოლარი; მაისი – Bmatch-ით წმინდა შესყიდვა 245.4 მილიონი აშშ დოლარი; ივნისი – Bmatch-ით წმინდა შესყიდვა 266.0 მილიონი აშშ დოლარი; ივლისი – Bmatch-ით წმინდა შესყიდვა 416.9 მილიონი აშშ დოლარი; აგვისტო – Bmatch-ით წმინდა შესყიდვა – 199.6 მილიონი აშშ დოლარი; სექტემბერი – Bmatch-ით წმინდა შესყიდვა – 100.0 მილიონი აშშ დოლარი; ოქტომბერი – Bmatch-ით წმინდა შესყიდვა – 167.4 მილიონი აშშ დოლარი“, – ნათქვამია სებ-ის მიერ გამოქვეყნებულ ინფორმაციაში.საქართველოს ეროვნული ბანკი სავალუტო ბაზარზე განხორციელებული ოპერაციების შესახებ განახლებულ მონაცემებს 2025 წლის 25 დეკემბერს გამოაქვეყნებს.

1764062243

კვლევაში მონაწილე ევროკავშირის ექსპერტებმა, ComCom-ის გუნდთან ერთად დაადგინეს, რომ ფიზიკური ინფრასტრუქტურის ბაზარზე, კერძოდ, საკომუნიკაციო/საკანალიზაციო არხებთან დაშვების ბაზარზე მნიშვნელოვანი ძალაუფლების მქონე ოპერატორს „სილქნეტი“ წარმოადგენს.გარდა ამისა, კვლევამ აჩვენა, რომ აღნიშნულ ბაზრებზე არსებული მარეგულირებელი ჩარჩო საკმარისი არაა და კონკურენციის განვითარებისთვის საჭიროა დამატებითი რეგულაციები, რაც ოპერატორებისთვის ხელმისაწვდომი არჩევანის ზრდას, ინფრასტრუქტურაზე თანაბარ დაშვებასა და მომხმარებლებისთვის ხარისხიანი მომსახურებების ხელმისაწვდომობას შეუწყობს ხელს.კვლევის მეორე ეტაპზე ფიზიკური ინფრასტრუქტურის ბაზრის კვლევა ორი ცალკეული ბაზრის სეგმენტის - საკომუნიკაციო/საკანალიზაციო არხებზე დაშვებისა და ბოძებზე დაშვების შეფასებას მოიცავდა. კვლევამ აჩვენა, რომ საკომუნიკაციო/საკანალიზაციო არხებზე დაშვების ბაზარზე „სილქნეტი“ პოტენციურად გამოყენებადი ინფრასტრუქტურის დაახლოებით 70%-ს ფლობს. ანალიზი 5 დიდი ქალაქის - თბილისის, ბათუმის, ქუთაისის, რუსთავის, ფოთის და ასევე საქართველოს სხვა ტერიტორიების მიხედვით განხორციელდა, რის შედეგადაც დადგინდა, რომ „სილქნეტს“ ყველა მათგანში დომინანტური პოზიცია უკავია.საკომუნიკაციო ბოძებზე დაშვების ბაზარი კი კონკურენტულად იქნა მიჩნეული, გამომდინარე ბაზარზე არსებული მოცემულობის ანალიზიდან და იმ გარემოების გამო, რომ ელექტრო და გარე განათების ბოძებზე დაშვება ინფრასტრუქტურასთან დაშვების შესახებ საქართველოს კანონითაც რეგულირდება.საკომუნიკაციო/საკანალიზაციო არხებზე დაშვების საბითუმო ბაზრებზე ფიქსირდება კონკურენციის ისეთი მნიშვნელოვანი გამოწვევები, როგორებიცაა ბაზარზე შესვლის მაღალი ბარიერები, კონკურენციის ნაკლებობა, ინფრასტრუქტურის დომინანტი მესაკუთრის პოზიციის გაძლიერება და არსებული რეგულაციების ნაკლებ ეფექტიანობა.ევროკავშირის ექსპერტებმა ბაზრის ეფექტიანი რეგულირების მიზნით, კომუნიკაციების კომისიას სამოქმედო რეკომენდაციები მისცეს, რომლებიც გამჭვირვალობისა და დისკრიმინაციის აკრძალვის ვალდებულებებს, ასევე, დაშვების პროცედურის სტანდარტიზაციასა და ComCom-ის მხრიდან დაშვების პროცესის მონიტორინგის საშუალებას და საფასო რეგულაციებს ითვალისწინებს. აღნიშნული მექანიზმები ევროკავშირის წევრი ქვეყნების საუკეთესო პრაქტიკაა, რაც სამართლიანი, კონკურენტული და პროგნოზირებადი გარემოს შექმნას, ხარისხიანი მომსახურებების ხელმისაწვდომობის ზრდას და ქვეყნის ციფრული ინფრასტრუქტურის განვითარებას შეუწყობს ხელს.კომპლექსური კვლევის მეორე ეტაპის ეს შედეგები ევროკავშირის ექსპერტებმა კომუნიკაციების კომისიის გუნდთან ერთად, ტელეკომ ოპერატორების წარმომადგენლებს გააცნეს. შეხვედრები ასევე მარჟის შეკუმშვის ტესტის მეთოდოლოგიისა და მოდელის შემუშავების საკითხს, განცალკევებული აღრიცხვის დადგენილების ცვლილების პროექტისა და კორპორატიული ფიქსირებული ინტერნეტ მომსახურებების საცალო ბაზრის ანალიზის განხილვას მიეძღვნა. კომპანიებისგან მიღებული უკუკავშირის შემდეგ, კომუნიკაციების კომისია საჯარო ადმინისტრაციულ წარმოებას დაიწყებს და შესაბამის გადაწყვეტილებას მიიღებს.შეგახსენებთ, რომ კომპლექსური კვლევის პირველი ეტაპი 2024 წელს დასრულდა, რომლის შედეგად დადგინდა, რომ როგორც ფიქსირებული, ისე მობილური კომუნიკაციების ბაზარი იყო არაკონკურენტული და განიცდიდა სტაგნაციას და საბითუმო დაშვების შესაბამის ორივე ბაზარზე „მაგთიკომი“ მნიშვნელოვანი ძალაუფლების მქონე ოპერატორს წარმოადგენდა, რის გამოც ComCom-მა კომპანიას დამატებითი ვალდებულებები დააკისრა.ტელეკომ ბაზრის კომპლექსური კვლევა კომუნიკაციების კომისიამ 2022 წელს ევროკავშირის დაფინანსებითა და ევროკავშირსა და საქართველოს შორის ასოცირების შესახებ შეთანხმების განხორციელების დახმარების („AA Facility“) ფარგლებში, ევროკავშირის ექსპერტებთან ერთად დაიწყო, რომელიც ტელეკომ ბაზარზე კონკურენციის ხელშეწყობას, მომხმარებლებისთვის მრავალფეროვანი, ხარისხიანი თუ ხელმისაწვდომი მომსახურებების უზრუნველყოფასა და ასოცირების შეთანხმებით ნაკისრი ვალდებულებების მიხედვით, საქართველოს მარეგულირებელი ჩარჩოს ევროპულთან დაახლოებას ემსახურება.

1764061806

ტრენინგი საქართველოს პროფესიულ კავშირებთან და საქართველოს მედიატორთა ასოციაციასთან თანამშრომლობით, Danish Industry-სა და BAG-ს ერთობლივი პროექტის ფარგლებში ჩატარდა და მიზნად ისახავს მედიატორებისათვის შრომითი დავების მედიაციისათვის აუცილებელი პრაქტიკული უნარების, სამუშაო ადგილებზე კონფლიქტებისთვის დამახასიათებელი ემოციური და კომუნიკაციური გამოწვევების მართვისათვის საჭირო ცოდნის გაღრმავებას.პროექტის განხორციელების შემდგომ ეტაპზე, საპილოტე მოდელის სახით, სოციალური პარტნიორები, მედიატორთა ასოციაციასთან ერთად გეგმავენ შერჩეული და შესაბამისი ცოდნით აღჭურვილი მედიატორების მომსახურება შესთავაზონ დამსაქმებლებსა და დასაქმებულებს სამუშაო ადგილებზე შრომითი ურთიერთობებიდან წარმოშობილი დავების მოგვარებისათვის.პროექტში ჩართული მედიატორები, სსიპ საქართველოს მედიატორთა ასოციაციის ერთიანი რეესტრიდან, საქართველოს ბიზნეს ასოციაციისა და პროფესიული კავშირების ურთიერთშეთანხმებით იქნენ შერჩეულნი.

1764060480