20 000 ავტომობილისთვის გაწეული მომსახურება და მრავალფუნქციური სერვისცენტრი - „თეგეტა მოტორსის“ გეზის ფილიალი სრული დატვირთვით მუშაობს

„საზოგადოების ინფორმირებისთვის განვმარტავთ: საქართველოს ყველა მოქალაქე, რომელიც საყოველთაო ჯანდაცვის პროგრამის ფარგლებში იღებდა სამედიცინო მომსახურებას, ყოველგვარი ცვლილების გარეშე, გააგრძელებს პროგრამით სარგებლობას. სამედიცინო მომსახურება არ ეზღუდება არც საზღვარგარეთ მყოფ საქართველოს მოქალაქეს.ცვლილება მხოლოდ ამბულატორიული დაწესებულების დაფინანსებას ეხება. სახელმწიფო ფიქსირებულ ანაზღაურებას უხდიდა კლინიკას იმ შემთხვევაშიც, როცა საქართველოს მოქალაქე არ იმყოფებოდა ქვეყანაში და შესაბამისად, არ იღებდა სამედიცინო მომსახურებას.ხაზგასმით აღვნიშნავთ, რომ ჯანდაცვის მინისტრის 2025 წლის 31 დეკემბრის ბრძანებით, ცვლილება ეხება მხოლოდ ამბულატორიული მომსახურების ნაწილში სამედიცინო დაწესებულებების დაფინანსების ე.წ. კაპიტაციის მექანიზმს და არ ვრცელდება საყოველთაო ჯანდაცვის სხვა რომელიმე კომპონენტებზე, მათ შორის - გადაუდებელ ამბულატორიასა და სტაციონარულ სერვისებზე.მნიშვნელოვანია, რომ საქართველოში დაბრუნებისთანავე მოქალაქეს შეუძლია ყოველგვარი შეზღუდვის გარეშე დარეგისტრირდეს ამბულატორიულ დაწესებულებაში და სრულად მიიღოს პროგრამით გათვალისწინებული მომსახურება.აღნიშნული გადაწყვეტილება ემსახურება საყოველთაო ჯანმრთელობის სახელმწიფო დაცვის პროგრამის გაძლიერებას, არამიზნობრივი ხარჯების თავიდან არიდებასა და ბენეფიციარების ინტერესების დაცვას“, - აღნიშნულია უწყების მიერ გავრცელებულ ინფორმაციაში.

1767956085

ამის შესახებ იტყობინება Fox News-ი.„საუბარია მილიარდობით დოლარის ნავთობზე, რომელიც დროთა განმავლობაში ასობით მილიარდად და შემდეგ ტრილიონად გადაიქცევა. ჩვენ იქ (ვენესუელაში) ვიქნებით მანამ, სანამ ქვეყანა წესრიგში არ დადგება“, - თქვა ამერიკელმა ლიდერმა.მან ასევე განაცხადა, რომ აშშ-მ ერთ დღეში 4 მილიარდი დოლარის ღირებულების ვენესუელური ნავთობი მიიღო.„და ჩვენ ერთ დღეში 4 მილიარდი დოლარის ღირებულების ნავთობი მივიღეთ და ეს მაჩვენებელი გაიზრდება“, - თქვა მან.

1767949061

დოკუმენტი ეხება 2026 წლის 1 იანვრიდან 2026 წლის 31 დეკემბრის ჩათვლით პერიოდს და გაწერილია, რომელი ქვეყნებიდან რა მოცულობის გაზს მიიღებს ქვეყანა.უფრო კონკრეტულად, მთლიანობაში 2026 წლის საქართველო 3.340 მლრდ კუბურ მეტრ ბუნებრივ აირს მიიღებს. აქედან: აზერბაიჯანიდან 2.926 მლრდ კუბურ მეტრს, მათ შორის, შაჰ-დენიზი (დამატებითი +ოფციური) - 1.645 მლრდ. კუბური მეტრი; შაჰ-დენიზი (დამატებითი) - 478.225. მლნ კუბური მეტრი; შაჰ-დენიზი (ოფციური) – 1.167 მლრდ. კუბური მეტრი; სოკარი - 1.281 მლრდ. კუბური მეტრი; რუსეთიდან - 400 მლნ. კუბურ მეტრს, ხოლო ადგილობრივი მოპოვება - 14.058 მლნ. კუბური მეტრი იქნება.რაც შეეხება გაზზე მოთხოვნის პროგნოზს, 2026 წელს, სოციალურ გაზზე მოთხოვნა - 2.317 მლრდ კუბური მეტრია, მოსახლეობის - 1.661 მლრდ. კუბური მეტრი, თბოელექტროსადგურების - 656.876 მლნ კუბური მეტრი, კომერციული სექტორის - 966.749 მლნ კუბური მეტრი, ხოლო გაზის ტრანსპორტირებისას დანაკარგების სავარაუდო პროგნოზი - 56 მლნ კუბურ მეტრს შეადგენს.

1767948532

1-ელი ივნისიდან საყოველთაო ჯანდაცვის პროგრამით საქართველოს ის მოქალაქეები ვეღარ ისარგებლებენ, რომლებიც ქვეყნის ფარგლებს გარეთ, უწყვეტად, 6 თვე და მეტი ვადით იმყოფებიან.ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, მიხეილ სარჯველაძის ბრძანებაშია ნათქვამი.დოკუმენტიდან ირკვევა, რომ ბრძანება 2026 წლის 1-ელი იანვრიდან უკვე ამოქმედდა.„2026 წლის 1-ელი ივნისიდან ყოველთვიურად, განმახორციელებლის მიერ განხორციელდეს საყოველთაო ჯანმრთელობის დაცვის გეგმური ამბულატორიული მომსახურების ფარგლებში ბენეფიციართა რეგისტრაციის მოდულიდან იმ ბენეფიციართა რეგისტრაციის შეჩერება, რომლებიც იმყოფებიან ქვეყნის ფარგლებს გარეთ 6 თვე და მეტი ვადით უწყვეტად. მოსარგებლის ხელახალი რეგისტრაცია ხორციელდება „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებით დამტკიცებული პროგრამის 23-ე მუხლის მე-4 პუნქტით განსაზღვრული პირობების შესაბამისად. ბენეფიციართა რეგისტრაციის სტატუსის გადამოწმების დამატებითი კრიტერიუმები დამტკიცდეს მინისტრის შესაბამისი სამართლებრივი აქტით 2026 წლის 1-ელ ივნისამდე,“- ნათქვამია დოკუმენტში.

1767945294

სწორედ საახალწლოდ ჩაფიქრებული მიზნების ძალას ეძღვნება თიბისის და ნიკო ნერგაძის YouTube ვიდეოების ერთობლივი სერიის „არის ერთი ნიუანსის“ მე-5 ეპიზოდი: შეძლებ საახალწლო მიზნების შესრულებას?აქვს თუ არა აზრი საახალწლოდ დადებულ პირობებს და დასახულ მიზნებს? რას ამბობს მეცნიერება? საახალწლო რეზოლუციების რამდენი პროცენტი სრულდება? -  ეს არის ამ ეპიზოდის მთავარი კითხვები, რომლებსაც ვიდეო-სერიების ავტორი, ნიკო ნერგაძე, მეცნიერულ კვლევებზე დაყრდნობით შეეცდება გასცეს პასუხები.ვიდეო სერიების მიზანი ისეთ თემებზე საუბარია, რომლებიც ხშირად ზედმეტად მარტივდება საჯარო დისკუსიებში. რეალურად კი სიღრმისეულ ანალიზს, კონტექსტს და ნიუანსურ მიდგომას მოითხოვს. ჭეშმარიტება იშვიათადაა შავ-თეთრი; ყოველთვის არის ნიუანსი, ყოველთვის არის კონტექსტი, სწორედ ეს ხდის საკითხს საინტერესოს.  ვიდეო ეპიზოდებში ნიკო ნერგაძე ეცდება აქტუალურ საკითხებს მეცნიერული კვლევებით გამყარებულ პასუხებს გასცემს.„არის ერთი ნიუანსის“ ეპიზოდებში, ორ კვირაში ერთხელ, ნიკო ნერგაძე სხვადასხვა სამეცნიერო და სოციალური თემის სიღრმისეულ განხილვას სთავაზობს აუდიტორიას. გაეცანი წინა ეპიზოდებს: იწვევს თუ არა ძალადობრივი ვიდეოთამაშები ძალადობას ბავშვებში? რამდენად სანდოა სიცრუის დეტექტორი? შვილს წიგნის წაკითხვაში ფული გადავუხადე. სწორად მოვიქეცი? „გვიქვეითებს თუ არა ინტელექტს ხელოვნური ინტელექტი?“ თიბისისთვის მნიშვნელოვანია ისეთი საგანმანათლებლო პლატფორმების მხარდაჭერა, რომლებიც საზოგადოების ინტერესს, კრიტიკულ აზროვნებასა და კვლევით კულტურას აძლიერებს. მთავარია გჯეროდეს, რომ ცოდნის ძიება არასდროს მთავრდება, გჯეროდეს, რომ კითხვების დასმა და ნიუანსებზე დაკვირვება უკეთეს პასუხებამდე მიგიყვანს.

1767944880

რესტორან „ურმულის“ პირვანდელი მფლობელის, ბიზნესმენ არსენ კუტალაძის თვითმკვლელობამდე მიყვანის საქმე კვლავ გამოუძიებელია და არ არსებობს ერთმნიშვნელოვანი მტკიცება, რომელიც პასუხს გასცემდა 7 წლის წინ, 2019 წლის 9 იანვარს ბიზნესმენის დაღუპვის არსებული ვერსიის დამაჯერებლობას - ჯერ კიდევ, არაერთი გარემოების შესწავლის შედეგად, დასადგენია, არსენ კუტალაძის სხეულში ნარკოტიკული ნივთიერება ნების საწინააღმდეგოდ აღმოჩნდა თუ ადგილი ჰქონდა განზრახ მკვლელობას.საქმე ეხება სარესტორნო, მოძრავი ტექნიკისა და დისტრიბუციის სფეროში ცნობილი ბიზნესმენის არსენ კუტალაძის გარდაცვალებას და იმ გარემოებების შესწავლას, რომელიც ჭეშმარიტების დადგენის კუთხით მნიშვნელობას იძენს.2019 წლის 9 იანვარს, ქ. თბილისის პოლიციის დეპარტამენტის ვაკე-საბურთალოს სამმართველოს პოლიციის დეპარტამენტის მე-4 განყოფილებაში დაიწყო გამოძიება სისხლის სამართლის საქმეზე ქ. თბილისში, დავით აღმაშენებლის ხეივანის მე-9 კმ.-ზე მდებარე ბენზინგასამართ სადგურ „რომპეტროლის“ ტერიტორიაზე არსენ კუტალაძის გარდაცვალების ფაქტზე, სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს.ბიზნესმენი გარდაცვლილი ნარკოტიკული ნივთიერების მოხმარების შედეგად იპოვეს, მაგრამ ოჯახი და საქმის ქართველი და უცხოელი სპეციალისტები დასახელებული პირველადი ვერსიის დამაჯერებლობას გამორიცხავენ. არსენ კუტალაძე სახლს ტოვებს დილით, გაჰყავს ედიშერ გაბუნიას და მასთან ერთად, მიემგზვარება შეხვედრაზე, დღის განმავლობაში მასთან კონტაქტი არ ხერხდება, იგი არ პასუხობს შემავალ ზარებს, საღამოს კი სამუშაო ფართში გარდაცვლილი ხდება. საქმის მასალებით დგინდება, რომ არსენ კუტალაძე ბიზნესიდან რეგისტრირებული და არარეგისტრირებული წილებიდან გასვლას და სამშენებლო სფეროში საქმიანობის გაგრძელებას აპირებდა. შესაბამისად, პარტნიორების წინაშე იდგა კუთვნილი წილის კომპენსაციის გადახდის საკითხი, რაც მილიონს აღემატება. გამოძიების მასალებში, გამოძიება, მართალია, ინტერესდება პარტნიორებს შორის ურთიერთობის საკითხითაც, საქმის მასალებით არსენ კუტალაძის ბიზნესიდან გასვლის ინტერესები დადასტურებულია, თუმც გამოძიება შემდგომ საპროცესო და საგამოძიებო მოქმედებებზე მიზანმიმართულად სდუმს.სისხლის სამართლის საქმის მასალების მიხედვით, არსენ კუტალაძე დაიღუპა ნარკოტიკული საშუალების ზედოზირებით, რომელიც ეფუძნება ორ გარემოებას - გარდაცვალების ადგილის დათვალიერებას და გარდაცვლილის ოჯახის წევრების, ბიზნესს-პარტნიორების, ხშირ შემთხვევაში, არაპირდაპირ და ირიბ ახსნა-განმარტებებს. თითქოსდა გამოძიების დაწყების მომენტიდანვე გადაწყვეტილი იქნა საკითხი, რომ არსენ კუტალაძე ზედოზირებით დაიღუპა, ამას ყველა საუბრობდა მაშინ, როცა დანიშნული ექსპერტიზის პასუხი ჯერ ისევ ცნობილი არ იყო. აქტიური კვლევის, გამოკვეთილი სარწმუნო გარემოებების, საქმესთან შემხებლობაში მყოფი ადამიანების ახსნა-განმარტებებით, დადგენილი უდავო გარემოებების ერთობლიობით ცხადი ხდება, რომ არსენ კუტალაძის გარდაცვალება შესაძლოა კარგად დაგეგმილი ორგანიზებული დანაშაულის ნიშნებს შეიცავდეს, რომელიც შესრულებული იქნა ყველაზე მძიმე და სათაკილო საფუძვლების შექმნით - ნარკოტიკული საშუალების გადაჭარბებული დოზის მოხმარებით გამოწვეული სიკვდილით.გარდაცვლილის სხეულში აღმოჩენილი იქნა 1915 მგ. მეთადონი, რაც ჩვეულებრივ ვითარებაში, 8-ჯერ აღემატება დაშვებულ დოზას და დაუყოვნებლივ იწვევს ფატალურ შედეგს. ვინაიდან გამოძიება მუშაობს თვითმკვლელობამდე მიყვანის გარემოებების შესწავლაზე, არსებობს არაერთი წინააღმდეგობრივი ფაქტი, სისხლის სამართლის საქმე შეწყვეტილი არ არის. კერძოდ, მოწმეთა ჩვენებებში ნახსენებია ნემსი, რომლითაც არსენ კუტალაძის სხეულში, სავარაუდოდ მოხდა ინექციის გაკეთება, მაგრამ მტკიცებულების სახით იგი მოძიებული და საქმეზე დამაგრებული არ არის. ეს ერთ-ერთი მთავარი გარემოებაა, ვინაიდან აღნიშნულ ნივთზე ბიოლოგიური ექსპერტიზის დანიშვნით შესაძლებელი გახდებოდა იმის დადგენა, თუ ვის ჰქონდა შემხებლობა ნივთთან. დადგენილი არ არის, თუ რა ტევადობის ე.წ. „შპრიცთან“ გვაქვს საქმე და შესაძლებელი იქნებოდა თუ არა მასში მოთავსებული ყოფილიყო იმ რაოდენობის ნარკოტიკული საშუალება, რაც სამედიცინო ექსპერტიზის დასკვნაშია აღწერილი. დადგენილია, რომ არსენ კუტალაძის გვამს აღენიშნებოდა ნაჩხვლეტები მხრის და გულმკერდის არეში. აღნიშნული ფაქტის ერთდროულობა მიუთითებს, რომ არსენ კუტალაძეს თავისი ნების შესაბამისად არ მოუხდენია ნარკოტიკული საშუალების მიღება. ამდენად, თუ რა მოხდა 2019 წლის 9 იანვრის დილიდან, ვიდრე არსენ კუტალაძეს საღამოს გარდაცვლილს იპოვიდნენ, სისხლის სამართლის საქმეზე შემდგომი ახალი დასკვნების საფუძველი უნდა გახდეს. შესაბამისად, გარდაცვალების ადგილის მხოლოდ ფორმალური დათვალიერება, შეუძლებელია გამოდგეს იმ მტკიცების საფუძვლად, რომ არსენ კუტალაძემ თავისი ნების შესაბამისად მოიხმარა სხეულში აღმოჩენილი 1915 მგ. მეთადონი.ამდენად, წარმოდგენილი საქმის მთლიანი ანალიზი ცხადყოფს, რომ არსენ კუტალაძის თვითმკვლელობამდე მიყვანის საქმე გამოუძიებელია და ღია კითხვებს აჩენს. მნიშვნელოვანია, გამოძიება წარიმართოს ობიექტურად, უნდა მოხდეს საქმეში მონაწილე ყველა მოწმის ხელახალი გამოკითხვა იმ კუთხით, რომ დადგინდეს შემთხვევის დღეს მათი გადაადგილების და მოქმედების გეგმა. ასევე კონტაქტები, შესაბამისი ანძების მითითებით, ამოღებულ უნდა იქნეს მათ მობილურ ტელეფონებზე განხორციელებული შემავალ/გამავალი ზარების ნუსხა, უნდა დაისვას კითხვები შემთხვევის ადგილზე არსებული ნივთმტკიცებების დაკარგვასთან თუ განადგურებასთან დაკავშირებითაც. მოწმეთა მიერ მიღებული ჩვენებების სანდოობასთან დაკავშირებით, უნდა ჩატარდეს ყველა შესაბამისი საგამოძიებო ექსპერტიმენტი.ოჯახი სახელმწიფოს შესაბამისი სტრუქტურებიდან, ბოლო 7 წელია კანონიერ გადაწყვეტილებას და სამართლებრივ პასუხისმგებლობას ელოდება, რაც საგამოძიებო უწყების და სასამართლოების სათანადო ნების არარსებობის პირობებში, ვერ განხორციელდება. ამასთან, სულ უფრო ცხადი ხდება, რომ ბიზნესმენის წარმოჩენა ნარკოდამოკიდებულ პირად მთლიანობაში ემსახურება მიზანს, რომ დაუსაბუთებელი, დაუმტკიცებელი მითითებებით შეიქმნას ნეგატიური აზრი მისი პიროვნების შესახებ, სასამართლო თუ საგამოძიებო ორგანოები წინსწრებად ანტაგონოსტურად განეწყონ ჭეშმარიტების დადგენის მიმართულებით და საზოგადოდ წარმოაჩნდეს, რომ არსენ კუტალაძე მართლაც გახლდათ ნარკოდამოკიდებული, სჩადიოდა მორალურად გასაკიცხ ქმედებას, არ გააჩნდა საქმიანი რეპუტაცია და თითქოსდა არ შეიძლებოდა მისი ნდობა ან წესიერების მაგალითად ჩვენება. ოჯახმა ამ ფაქტის საწინააღმდეგოდ, არაერთი მტკიცებულება მოიპოვა.არსენ კუტალაძე ეწეოდა მრავალმხრივ ბიზნეს-საქმიანობას. კერძოდ, 2011 წლის 13 აპრილიდან გახლდათ დაფუძნებული შპს „ამდ“-ს დირექტორი და 100%-იანი წილის მფლობელი, რომლის სახელზეც რეგისტრირებულია რესტორანი „ურმული“. 2013 წლის 29 მაისიდან გახლდათ დაფუძნებული შპს „LTD.NAN“-ის დირექტორი და 100%-იანი წილის მფლობელი, რომელიც ბაზარზე წარმოდგენილი იყო მძიმე ტექნიკის გაქირავებით ცნობილი კომპანია. იმავდროულად, არსენ კუტალაძე არარეგისტრირებულ წილს ფლობდა 2005 წლის 28 სექტემბერს დაფუძნებულ შპს „კ.მ.კ % კომპანია“-ში, 2006 წლის 2 მაისს დაფუძნებულ შპს „რადამოტორს“-სა და 2017 წლის 15 სექტემბერს დაფუძნებულ შპს „ა. მ. ტრანს“-ში. დასახელებულ კომპანიებში არსენ კუტალაძის კუთვნილ წილზე საკუთრების უფლების აღიარების მოთხოვნით, ამჟამად, საერთო სასამართლოებში გრძელდება საქმისწარმოება, როგორც წილებზე საკუთრების უფლების ცნობის, ასევე საცხოვრებელი სახლისა და რესტორან „ურმულის“ დაბრუნების საკითხზე. საზოგადოებისთვის ცნობილია, რომ 2025 წლის 5 ნოემბრის თბილისის სააპელაციო სასამართლოს სამოქალაქო საქმეთა პალატის გადაწყვეტილებით, რესტორანი „ურმული“ პირვანდელი მფლობელის ოჯახს დაუბრუნდა. კერძოდ, სასამართლოს გადაწყვეტილებით, ბათილად იქნა ცნობილი 2016 წლის 29 ივნისის გადაწყვეტილება რესტორნის წილის გასხვისების თაობაზე და გარდაცვლილი ბიზნესმენის, არსენ კუტალაძის მეუღლე მარინე წამალაიძე ცნობილი იქნა რესტორანი „ურმულის“ მმართველი კომპანიის „A.M.D”-ს 50%-იანი წილის მფლობელად. ყველამ იცის, რომ ბიზნესმენის გარდაცვალების შემდეგ რესტორანი - ძმისა და ბიზნეს-პარტნიორის - მერაბ კუტალაძის და საცხოვრებელი სახლი - ძმისშვილის სახელზე მოჩვენებითი და თვალთმაქცური გარიგებებით აღმოჩნდა. არსენ კუტალაძეს გააჩნდა მრავალმხრივი ურთიერთობა საქმიან წრეებთან, ბიზნეს-კომპანიებთან, მაღალი ნდობისა და პასუხისმგებლობის პირობებში, სხვადასხვა ობიექტზე ასრულებდა ხელისუფლების სხვადასხვა რგოლის დაკვეთებსა და მომსახურებებს. მას აღიარებდნენ და პატივს სცემდნენ, როგორც საიმედო პარტნიორსა და კეთილსინდისიერ ბიზნესმენს. მას იცნობდნენ არამხოლოდ თბილისში, არამედ საქართველოს თითქმის ყველა კუთხეში, სადაც ზემოთ დასახელებული კომპანიების საქმიანობა ხორციელდებოდა, ბიზნესს-ურთიერთობები ყალიბდებოდა და რეპუტაცია იქმნებოდა. მის სახელს უკავშირდება ქ. თბილისში თემქაზე, მე-3 მკ/რ-ში მდებარე წმინდა გიორგის სახელობის ტაძრის აშენებაში მონაწილეობის მიღება, ქ. თბილისში ს. ჩიქოვანის ქუჩაზე მდებარე, ინფექციური საავადმყოფოს ეზოში მდებარე, წმინდა ბარბარეს სახელობის ტაძრის აშენებაში მონაწილეობის მიღება. მშობლიურ ჩოხატაურის მუნიციპალიტეტის სოფელ ქვემოხეთში ტაძრის მშენებლობა (აგება).2015 წლის 13 ივნისის თბილისის წყალდიდობის დროს, არსენ კუტალაძე პირველი ბიზნესმენი იყო, რომელმაც მძიმე ტექნიკის სრული პარკი შპს „რადამოტორსიდან“ და შპს „LTD NAN“-დან, სრულიად უსასყიდლოდ დაუთმო თბილისის მუნიციპალიტეტის მერიას და წარიმართა ვერეს ხეობის გაწმენდითი სამუშაოები.ყველგან, სადაც არსენ კუტალაძეს საქმიანი და პირადი ურთიერთობები გააჩნდა, დაიმსახურა ბუნებრივი პატივისცემა, ავტორიტეტი და ნდობა. ვერეს ხეობის გაწმენდის შემდგომ, მისი უშუალო ხელმძღვანელობით მოხდა თბილისის დაზიანებული ზოოპარკის აღდგენა. 2015 წლიდან, მისი მეშვეობით და ხელმძღვანელობით დაიწყო გზების გაყვანა და გზებისთვის არსებული კომუნიკაციების მოწესრიგება „მწვანე ქალაქი ლისზე“. მის ბიზნეს-საქმიანობას უკავშირდება არაერთი მსხვილი მშენებლობებიც (დასავლეთის ჩქაროსნულ მაგისტრალზე, გზების მშენებლობაში მონაწილეობის მიღება, დიღმის ოლიმპიური ქალაქის შემოგარენის მოპირკეთება და ა.შ).შესაბამისად, ბიზნესმენის მიმართ, როგორც სიცოცხლეში, ასევე გარდაცვალების შემდეგაც, ჩამოყალიბებული იქნა საჯარო (მომეტებული) ინტერესი, როგორც კერძო სამართლის სუბიექტების წარმომადგენლობაზე უფლებამოსილი პირისა და ცნობილი ბიზნესმენის მიმართ, რაც ექცევა განსაკუთრებული სამართლებრივი დაცვის ქვეშ. ორგანიზაცია და სამართლის სპეციალისტები, არსენ კუტალაძის თვითმკვლელობამდე მიყვანის საქმეზე ადვოკატირებას გააგრძელებენ და იმედს გამოთქვამთ, რომ ბიზნესმენის გარდაცვალების გამოძიება პრიორიტეტული გახდება ქვეყანაში ზოგადად, ბიზნესის დაცულობისა და კანონის უზენაესობის განმტკიცების კუთხითაც.როგორც საზოგადოებისთვის ცნობილია, 2025 წელს შეიქმნა და მუშაობას აგრძელებს არსენ კუტალაძის საქმის შემსწავლელი საზოგადოებრივი კომისია, რომლის დამფუძნებელი წევრები სამართლის დარგში მოღვაწე სპეციალისტები: ლია მუხაშავრია, გია ტაბლიაშვილი, ზაზა ხატიაშვილი, ნიკა სადრაძე, გიორგი ბერიძე, მარიამ ბარსონიძე, ქეთევან ვარდანაშვილი, ია ჯღარკავა, თათია მაისურაძე, თამარ ქოქუაშვილი, ანი კესარელი, არჩილ კაიკაციშვილი - არიან. კომისიას უფლებადამცველი, ევროსასამართლოს საქმეებზე მოღვაწე ქართველი იურისტი, ლია მუხაშავრია ხელმძღვანელობს.

1767943080