ჭარაიამ ლარის კურსთან დაკავშირებით ისაუბრა და განაცხადა, რომ სტაბილურობა მთლიანობაში მისაღებია და საუკეთესო შედეგია.“ჩვენ მცურავი სავალუტო კურსი გვაქვს, რაც იმას ნიშნავს, რომ ლარი მუდამ ერთ გაცვლით კურსზე დაფიქსირებული ვერ იქნება, ის იმერყევებს, ხან ოდნავ გაუფასურდება, ხან ოდნავ გამყარდება. ბოლო თვეების განმავლობაში ზუსტად ამასთან გვაქვს შეხება, როდესაც ლარი ოდნავ, რამდენიმე პროცენტით( სულ 3-4%-ზეა საუბარი) გაუფასურდა, ახლა ისევ რამდენიმე პროცენტიანი გამყარება გვაქვს. ანუ ეს ჩვეულებრივ, დასაშვებ ნორმაშია. ასე ვთქვათ, არავითარი, არც პანიკის და არც სიხარულის საბაბი არ არის, უბრალოდ, ჩვეულებრივი, გაცვლითი კურსის ეფექტია, როდესაც ლარი ოდნავ გამყარების, თუ ოდნავ გაუფასურების მიმართულებით მოძრაობს.თუმცა, მთლიანობაში შეიძლება, ითქვას, რომ ლარი სტაბილურია, იმიტომ, რომ მნიშვნელოვანი არც გაუფასურება ჰქონია და არც გამყარება. სტაბილურობა მთლიანობაში მისაღებია და საუკეთესო შედეგია. ეროვნული ბანკის პოზიციაა გამოსაყოფი: თავისი ინტერვენციებით, რომელიც შარშან წლის მეორე ნახევარში განახორციელა, მნიშვნელოვანი სიგნალი მისცა ბაზარს, რომ ლარის მნიშვნელოვან რყევას არ დაუშვებდა და ამაში ასეულობით მილიონი დოლარი დახარჯა, რა თქმა უნდა, ამის შემდგომ იყო გარკვეული პერიოდი, როდესაც ეროვნულმა ბანკმა უცხოური ვალუტა ეკონომიკიდან ამოიღო.მთლიანობაში ეკონომიკის სტაბილურობა უზრუნველყოფს იმას, რომ ლარი სტაბილურია, ქვეყნის ფინანსური შემოსავლები სტაბილურია, ისევე როგორც ზოგადად მაკრო გარემოა სტაბილური. მიუხედავად, პოლიტიკურ ჭრილში არსებული სირთულეებისა, ეკონომიკურ განზომილებასა და საფინანსო განზომილებაში ქვეყანა საკმაოდ სტაბილურია, როგორც ქვეყნის შიგნით, ისე ქვეყნის ფარგლებს გარედან ფინანსური რესურსის მოზიდვას და ეკონომიკაში მის დაბანდებას , ბრუნვას ახერხებს. შესაბამისად, ეს ლარსა და მის სტაბილურობაზეც აისახება”-განაცხადა, ვახტანგ ჭარაიამ.ეკონომისტმა ინფლაციური მოლოდინების შესახებაც ისაუბრა და განაცხადა, რომ წელს ინფლაცია, სავარაუდოდ, სამიზნე ნიშნულს მიუახლოვდება, რაც 3%-ია.“ბოლო წლების განმავლობაში ლარის კურსი საკმაოდ სტაბილური იყო, ამასთან ერთად ინფლაციაც სამიზნე ნიშნულზე დაბლა იყო. წელს სავარაუდოდ, ის სამიზნე ნიშნულს მიუახლოვდება, რაც 3%-ია. ეს არ არის საგანგაშო , ეკონომიკას, პირიქით, განვითარებისთვის სჭირდება . მე რაიმე მყისიერ, ნახტომისებურ ინფლაციას არ ვვარაუდობ, მაგრამ ფაქტია, რომ წინა წლებთან შედარებით ინფლაცია წელს უფრო მაღალი იქნება, თუმცა ეს ისევ და ისევ ზომიერი ინფლაცია იქნება, რომელიც მომხმარებლებზე მნიშვნელოვან ზეგავლენას არ მოახდენს, მეორე მხრივ კი, ეკონომიკური აქტიურობისთვის ზომიერი ინფლაცია, პირიქით, სასარგებლოცაა, არა თუ მავნე”- განაცხადა ვახტანგ ჭარაიამ.

1743768021

მისი თქმით, მიმდინარე წლის პირველი კვარტლის საპრივატიზებო გეგმა 43 900 000 ლარს შეადგენდა.„აქტიურად მიმდინარეობს პრივატიზაციის პროცესი, პირველი კვარტლის განმავლობაში სახელმწიფო ქონების ეროვნულმა სააგენტომ გამოაცხადა 200-ზე მეტი ელექტრონული აუქციონი, გასხვისდა 133 ობიექტი. ეს გვაძლევს იმედს, რომ მომდევნო კვარტლებშიც აქტიურად გაგრძელდება პრივატიზაციის პროცესი, რაც მოგვცემს საშუალებას, კვლავაც ბიუჯეტში შევიტანოთ თანხა და გეგმა გადაჭარბებით შევასრულოთ“ - აღნიშნა ნინო ენუქიძემ.ეკონომიკის სამინისტროს სახელმწიფო ქონების ეროვნული სააგენტო აქტიურად აგრძელებს სახელმწიფო ქონების დაჩქარებული პრივატიზაციის პროცესს და კერძო სექტორს სხვადასხვა უძრავ თუ მოძრავ ქონებას პროაქტიულად შეთავაზებს.

1743766782

ამჯერად, მომხმარებლებს შესაძლებლობა აქვთ Veli Store-ზე  იშოპინგონ და საქართველოს ბანკის საკრედიტო AmeX ბარათით გადახდისას  თანხის 30% MR ქულა დაიბრუნონ. (მაქსიმუმ 100 ლარი).აღნიშნული შეთავაზება მოქმედებს მხოლოდ 4 აპრილს.გარდა ამისა, საქართველოს ბანკს მომხმარებლებისთვის არაერთი შეთავაზება აქვს. მათ შორის:გაზაფხულის შეთავაზება შოპინგის მოყვარულთათვის - საკრედიტო AmEx ბარათის მფლობელებს შესაძლებლობა აქვთ ICR-ის ყველა მაღაზიაში მაისის ბოლომდე გაორმაგებული MR ქულები დააგროვონ. აქცია ქართულ ბრენდებზეც ვრცელდება.გაზაფხულის შეთავაზება დასვენების მოყვარულთათვის - აპრილის ბოლომდე, 20-მდე პარტნიორ სასტუმროში PLUS და MR ქულებით გადახდისას 20%-იანი ფასდაკლებით ისარგებლებთ/საქართველოს ბანკის შეთავაზებები სრულად შეგიძლიათ იხილოთ ბმულზე.

1743766484

სპეციალისტი ამბობს, რომ „თუკი რომელიმე ინსტიტუტს უნდა ჰქონდეს ყველაზე მაღალი ბიუჯეტი, მაღალანაზღაურებადი ხელფასი და ყველა საჭირო რესურსი, ეს უნდა იყოს სურსათის უვნებლობა:„თუკი რომელიმე ინსტიტუტს უნდა ჰქონდეს ყველაზე მაღალი ბიუჯეტი, მაღალანაზღაურებადი ხელფასი და ყველა საჭირო რესურსი, ეს უნდა იყოს სურსათის უვნებლობა. ტექნიკა, პორტატული ლაბორატორიები, კვალიფიციური კადრები და უპირობო მხარდაჭერამომხმარებლების მხრიდან, რომ გამოავლენს დარღვევას, მერე ნიანგის ცრემლები არ უნდა მივაყოლოთ. ცოდოა, არ დავღუპოოთ…კი ცოდოა მომხმარებელი და ის ათასობით ადამიანი ახლა კანკალით რომ უყურებს შვილებს თვალებში.ასევე, კვარტალში ერთხელ გასაჯაროვდეს ანალიზის შედეგები…თუ კანონი კრძალავს გამოსწორდეს ეს კანონი. (ისე საჯაროა ეს ინფო და უვნებლობის საიტზე ყველაფერი დევს)1. ხელისუფლებავ ჩვენ გიხდით ხელფასს.2.ბიზნესს ჩვენ ვართ მყიდველები გთხოვთ შეავსოთ თქვენი მოთხოვნებით და ვაახლებთ წერილს სადაც არსს!პ.ს. საოჯახო მეურნეობებს დახმარება და ბევრი რეკომენდაცია სწავლება.ჯერ ასწავლეთ და ჯარიმებით მერე მიადექით.მეურნეებო ისწავლეთ გემუდარები თვითმიმართვა.ფოტოზე ეს გიგანტური ქარხანაა… უნიფორმა კოსმონავტების აქვთ…გასულ კვირას ვიტრენერე აქ ბატონ ზურაბ პაპიაშვილის ქართული მეველეობა მერძევეობის ლეგენდასთან ერთად… მედია, ამ ადამიანს კითხეთ როგორი უნდა იყოს რძე“, - წერს ანა მიქაძე-ჩიკვაიძე.

1743765849

1 მაისი | ლაკეშა ბენჯამინი (LAKECIA BENJAMIN)2 მაისი | თილ ბრონერი და მისი ბენდი (TILL BRONNER & Band)3 მაისი | სტივ კოლმანი ბენდთან ერთად (STEVE COLEMAN & THE FIVE ELEMENTS)ლაკეშა ბენჯამინი -  ამერიკელი საქსოფონისტი, კომპოზიტორი, რომელიც ცნობილია თავისი უნიკალური ხმითა და მრავალფეროვანი მუსიკალური სტილით. ის ჯაზის სამყაროში ერთ-ერთი გამორჩეული ფიგურაა. ლაკეშა ბენჯამენი იმ მუსიკოსებს მიეკუთვნება ვინც წარმატებით ახერხებს მუსიკის სხვადასხვა ჟანრების შერწყმას. მისი განსხვავებული სტილის მუსიკა მოიცავს ჯაზის, ფანკისა და სოულის ელემენტებს, გაბედული და ენერგიულია, რაც განასხვავებს მას სხვა არტისტებისგან. ლაკეშა ბენჯამენი ხუთჯერ არის ნომინირებული გრემზე, მათ შორის 2025 წელს. იგი თავისი კარიერის განმავლობაში თანამშრომლობდა ისეთ ცნობილ მუსიკოსებთან, როგორებიც არიან სტივი უანდერი, არეტა ფრანკლინი და ალიშა კისი.თილ ბრონერი - გერმანელი მუსიკოსი, კომპოზიტორი და პროდიუსერი. მისი კარიერა მოიცავს მრავალფეროვან პროექტებსა და კოლაბორაციებს, რამაც მას მუსიკალურ სამყაროში აღიარება მოუტანა. თილ ბრონერის მუსიკა გამოირჩევა ღრმა ემოციურობითა და ინოვაციური ჟღერადობით, რაც მას თანამედროვე მუსიკაში ერთ-ერთ გამორჩეულ არტისტად აქცევს. თილის მუსიკალური სტილი ჯაზის, პოპისა და ბოსა-ნოვას ელემენტებს აერთიანებს, რაც ქმნის უნიკალურ ჟღერადობას. იგი არა მხოლოდ ინსტრუმენტალისტია, არამედ ვოკალისტი და კომპოზიტორიც. ბრონერი თანამშრომლობდა ცნობილ მუსიკოსებთან, მათ შორის დაიანა კროლთან, ჰერბი ჰენკოკთან და დეივ ბრუბეკთან. მისმა ნამუშევრებმა არაერთი ჯილდო მიიღო, მათ შორის Echo Jazz Awards. გარდა მუსიკისა, ბრონერი ფოტოგრაფიითაც არის გატაცებული და პერიოდულად აწყობს გამოფენებს.სტივ კოლმანი - ამერიკელი ჯაზსაქსოფონისტი, კომპოზიტორი, რომელიც მუსიკალურ სამყაროში ცნობილია თავისი ინოვაციური და ექსპერიმენტული მიდგომებითა და განსხვავებული მუსიკალური ენით, რომელსაც „მუსიკა აზროვნებისათვის" (Music for the Mind) ეწოდება. კოლმანმა და მისმა თანამოაზრეებმა 1980-იან წლებში შეიმუშავეს კონცეფცია M-Base. ეს არ არის მხოლოდ მუსიკალური სტილი, არამედ ფუნდამენტური ფილოსოფიაა, რომელიც აერთიანებს რთულ რიტმულ სტრუქტურებს, იმპროვიზაციას, ფანკისა და აფრიკულ  ელემენტებს, ასევე აბსტრაქტულ მუსიკალურ იდეებს. სტივ კოლმანის მუსიკას დიდი გავლენა აქვს მომავალი თაობების მუსიკოსებსა და მსმენელებზე, მისი ინოვაციური მიდგომა ჯაზის სამყაროში მუდმივად ახლებურად აღიქმება. სტივ კოლმანი მრავალი ჯილდოს მფლობელია, მათ შორის გრემის.ჯაზფესტივალი ბილეთებზე, 9 აპრილის ჩათვლით, წინასწარი გაყიდვის ფარგლებში, თიბისი კონცეპტის Visa ბარათზე მოქმედებს 25% ფასდაკლება.10 აპრილიდან კი თიბისი კონცეპტის Visa ბარათზე - 20%-იანი, ხოლო თიბისი ვიზა ბარათზე 10%-იანი ფასდაკლება.

1743764462

„თოჯინების სახლი“ არის მრავალფუნქციური კულტურულ-საგანმანათლებლო სივრცე, თანამედროვე თეატრალური გარემო, რომელიც განსხვავებული კონცეფციის წარმოდგენებს სთავაზობს ნებისმიერი თაობის მაყურებელს. ცნობილი კლასიკური თუ თანამედროვე დრამატურგიის პერსონაჟები წარმოდგენილნი არიან თოჯინებისა და საგნების სახით, სხვადასხვა დეტალის მხატვრული დამუშავებით მიიღება სრულიად განსხვავებული ეფექტი. გარდა თოჯინების და საგნების თეატრისა, სივრცე განკუთვნილია საზოგადოებისთვის ცნობილი ადამიანებისთვის, სადაც იმართება შემოქმედებითი საღამოები, კონცერტები და სალონური შეხვედრები.დამოუკიდებელი თეატრი „თოჯინების სახლი“ ერთ-ერთი მნიშვნელოვანი მოვლენაა თოჯინური ხელოვნების და მთლიანად დარგის განვითარებისთვის. ამ განსხვავებული თეატრალური გარემოს შექმნის იდეა და ინიციატივა ეკუთვნის რეჟისორ ნიკა საბაშვილს და შექმნის მიზანია, თეატრის სპექტაკლები შეესაბამებოდეს როგორც მოზარდი, ასევე, უფროსი თაობის ინტერესებს და მათ ესთეტიკურ წარმოდგენებს.თეატრში დასადგმელად ირჩევა ნაწარმოებები, რომელთა თემები დღესაც აქტუალურია, ეხმიანება თანამედროვეობას და გამოირჩევა მაღალმხატვრული ღირებულებით.ბაზისბანკის და თოჯინების სახლის თანამშრომლობის მთავარი მიზანია, საზოგადოებისთვის შექმნილი კულტურულ-საგანმანათლებლო სივრცით, საქართველოში ახალი მხატვრული ტენდენციების დანერგვა და თოჯინების თეატრის პოპულარიზაცია.ამჟამად აქტიური სარეპეტიციო პროცესი მიმდინარეობს მორიგი პრემიერების გამოსაშვებად. ,,თოჯინების სახლში“, ნიკოლოზ საბაშვილის რეჟისორობით, ორი სპექტაკლის პრემიერა იგეგმება - მიხეილ ჯავახიშვილის ,,ჯაყოს ხიზნები“ და ნიკო ლორთქიფანიძის ,,ტრაგედია უგმიროდ“. ,,ჯაყოს ხიზნები“, როგორც ერთობლივი კოპროდუქცია, საქართველოს თოჯინების პროფესიულ სახელმწიფო თეატრების გაერთიანებასთან თანამშრომლობით იდგმება.„თოჯინების სახლთან“ ერთად, ბაზისბანკი არის კოტე მარჯანიშვილის სახელობის თეატრის, სანდრო მრევლიშვილის სახელობის თეატრის და თოჯინების თეატრების გაერთიანების გენერალური სპონსორი. მხარს უჭერს ქვეყნის მასშტაბით არაერთი კულტურული ღონისძიების განხორციელებას.

1743757906