რაფაელ გლუკსმანმა აშშ-ს თავისუფლების ქანდაკების პარიზში დაბრუნებისკენ მოუწოდა

ლიბერთისა და იმედი L-ის პარტნიორობა უკვე ერთი წელია გრძელდება. ამ პერიოდში სამოგზაურო დაზღვევის შეძენის შესაძლებლობა ეტაპობრივად ინერგებოდა სხვადასხვა არხში. ამ ეტაპზე, პროდუქტის დეველოპმენტი დასრულებულია და უკვე ხელმისაწვდომია ლიბერთის მობაილ და ინტერნეტ ბანკში და ციფრულ საგადამხდელო პლატფორმაზე - pay.ge.“ჩვენთვის მნიშვნელოვანია, რომ დაზღვევაზე ხელმისაწვდომობა იყოს მარტივი და მომხმარებელმა რაც შეიძლება სწრაფად შეძლოს პოლისის შეძენა. გვიხარია, რომ ლიბერთისთან თანამშრომლობის ფარგლებში, იმედი L-ის სამოგზაურო დაზღვევის შეძენა, დღეს მათ ციფრულ პლატფორმებზეც შესაძლებელია”, - ნათია ანასტასიადი - არასამედიცინო დაზღვევების და საცალო გაყიდვების დეპარტამენტის დირექტორი„ერთი წელია, რაც სადაზღვევო კომპანია იმედი L-თან პარტნიორობის ფარგლებში, შესაძლებელი გახდა Pay.ge-დან სამოგზაურო დაზღვევის შეძენა, ნებისმიერი ქართული ბანკის ბარათით. ახლა, ეს მომსახურება კიდევ უფრო მოსახერხებელია – სამოგზაურო დაზღვევის შეძენა უკვე მობაილ ბანკშიც არის ხელმისაწვდომი. „ლიბერთის“ მიზანია, მომხმარებლებს შევთავაზოთ თანამედროვე ციფრული პროდუქტები, რომლებიც მათ ყოველდღიურობას გაუმარტივებს", – დავით მესხიძე, ციფრული პლატფორმებისა და არხების განვითარების ხელმძღვანელი.

1742215739

“კვირას”  შეკითხვებს „ტიფლისის დარბაზის“ იდეის ავტორი, დიპლომატი, ენერგეტიკოსი, „დარბაზის გამგეობის“ თავმჯდომარე, თემურ ჭიჭინაძე პასუხობს.- ბატონო თემურ, თბილისს საჭირბოროტო საკითხები არასდროს მოკლებია. რამ გადაგაწყვეტინათ დედაქალაქის პრობლემებზე მუშაობაში ჩართვა და რატომ ახლა და რატომ თქვენ და თქვენი მეგობრები?- ჩვენ, ბიჭები, ასე ვეძახით ხოლმე ერთმანეთს, ბევრი ათეული წელია, გვერდიგვერდ მოვდივართ თბილისში და ამ ხნის განმავლობაში ჭაღარაც მოგვეძალა და გამოცდილებაც დაგვიგროვდა, პიროვნულიც, პროფესიულიც… რა თქმა უნდა, ურთიერთობებიც ძველი ღვინოსავით, სულ უფრო სასიამოვნო და მოსაფერებელი გახდა. მთავარი კი ის არის, რომ როგორც ალბათ ყველა ადამიანის ცხოვრებაში ხდება, ჩვენთანაც ასეა – გული არ დაგვიბერდა და გადავწყვიტეთ, ჩვენი მეგობრული და ერთგვარი სალონური საუბრებისთვის მეტი ძალა და ენერგია მიგვეცა.წლების წინ, ჩვენი პერიოდული შეკრებისას, იდეის დონეზე ითქვა, რომ კარგი იქნებოდა, თუკი იმ მოსაზრებებსა და შეხედულებებს, რასაც ერთმანეთს ლამის ყოველდღიურად ვუზიარებდით, კონკრეტულ ფორმას მივცემდით და თბილისელების წინაშე წარმოვადგენდით. ნელ-ნელა ეს იდეა რეალობად ვაქციეთ და შევქმენით „ტიფლისის დარბაზი“. ასე მივედით მეგობრული საუბრებიდან ერთგვარ პასუხისმგებლობამდე. თუ რა გამოგვივა, რას შევძლებთ ჩვენი ქალაქისთვის, რამდენად გაგვიმართლებს ჩანაფიქრი, ამას ვფიქრობ, მალევე შეიტყობს და შეაფასებს თბილისი და თბილისელები.- რაც შეეხება კითხვას – რატომ ახლა? – ახლა იმიტომაც, რომ ტექნოლოგიური განვითარების დღევანდელი უსწრაფესი ტემპის ფონზე, ვფიქრობთ, კიდევ უფრო მეტადაა საჭირო გადაწყვეტილებებისას დაფიქრება, განსჯა, აწონ-დაწონვა, მოსაზრებების შეჯერება, საუკეთესო გამოცდილებებზე დაყრდნობა და ისე მოქმედება.- თბილისი, როგორც ყველა ქალაქი, ცოცხალი ორგანიზმია, სადაც პროცესები არ ჩერდება და შესაბამისად, ბევრ კარგ ინიციატივასთან ერთად, გვხვდება ქალაქისთვის  შეუსაბამო გადაწყვეტილებები და გადაწყვეტებიც.  ჩვენს მისიასაც ამაში ვხედავთ, რომ კარგი შევაფასოთ  და დავაფასოთ, ხოლო თუკი რაიმეს არაადეკვატურად და დამაზიანებლად მივიჩნევთ, ისიც აუცილებლად აღვნიშნოთ. ანუ, ჩასაფრებულის პოზიციიდან კი არა, არამედ, დედაქალაქის საუკეთესო ინტერესებიდან გამომდინარე, გავწიოთ, ასე ვთქვათ, ჩვენი წილი საზოგადოებრივი მონიტორინგი.ვფიქრობთ, ამ და ამდაგვარ პროცესებში მონაწილეობა და საკმაოდ წონადი სიტყვის თქმა შეგვიძლია. საბოლოოდ კი ყველაფერი მიდის იქამდე, რომ ჩვენმა ორგანიზაციამ გვინდა შეძლოს და შექმნას პრაქტიკა, როცა დედაქალაქის, ჩვენი ყველას მთავარი ქალაქის ცხოვრებაში, მის ყოველდღიურობაში მონაწილეობა იქნება ქმედითი, ეფექტური და ეფექტიანი.გიპასუხებთ კითხვაზეც, თუ რატომ ჩვენ, როგორც აღვნიშნე – „ბიჭები“. – რადგან ჩავთვალეთ, რომ თითოეულმა ჩვენგანმა ცხოვრების განვლილი გზით და ავად თუ კარგად, ზურგს უკან მოტოვებული საქმეებით, დავაგროვეთ გარკვეული ცოდნაც და გამოცდილებაც, რომლის შეთავაზებაც შეგვიძლია ჩვენი საზოგადოებისთვის. სწორედ ამის გაკეთებას შევეცდებით. „ტიფლისის დარბაზის“, ანუ ძველი თბილისელების მიერ შექმნილი ახალი გაერთიანების მეშვეობით.ჩვენი შემადგენლობის აბსოლუტური უმრავლესობა ის ხალხი ვართ, ვინც თბილისს, მხოლოდ გიზო ნიშნიანიძის (ამ ნათელი ქალაქის წინაშე ძალიან დიდი დამსახურების მქონე კაცის) ეპოქალური წიგნიდან – „პაემანი ვერაზე“, კი არ ვიცნობთ, არამედ იქ ასახული თბილისის ცხოვრებით გვიცხოვრია, საქართველოს მთავარი ქალაქის პეწი და ლაზათი სრულად შეგვიგვრძვნია, ვინც ნამდვილად ვიცით, რას შინაარსით არის სავსე, როცა ამბობენ – თბილისური სიყვარული, თბილისური პატივისცემა, თბილისური მეგობრობა და თბილისური მეზობლობა. – ეს განცდა და შეგრძნება გვინდა, რომ გავაათკეცოთ და მომავალი თაობების თბილისელებს გადავცეთ, როგორც ერთგვარი არამატერიალური მემკვიდრეობა, რომელიც ბარე ბევრ მატერიალურს სჯობს!- ვინ არიან ის ადამიანები, ვინც თქვენი „დარბაზის“ ბირთვს წარმოადგენს?- მათი სახელების ჩამოთვლა მე ყოველთვის მსიამოვნებს. დარწმუნებული ვარ, მათ უმრავლესობას თქვენ და თქვენი მკითხველიც კარგად იცნობთ. აი ისინიც:მერაბ ახობაძე -მათემატიკოსი, მართვის სისტემების სპეციალისტი, პროფესორი; ნუგზარ ჭიჭინაძე – ბიზნესმენი, გურამ (ტურკეცა) კალანდაძე; კოტე იაშვილი – ეკონომისტი – ძირძველი თბილისელები. ზაზა ვეფხვაძე (ბოკვერა) და ზურაბ ცქიტიშვილი – ტრიო „სიმი“-დან; მალხაზ თავართქილაძე – ცნობილი არქიტექტორი, „ცისფერი ტრიო“-დან; ვახტანგ ლაღიძე – ბიზნესმენი და დიდი მიტროფანე ლაღიძის შთამომავალი; თემურ ქურხული – ბიზნესმენი; ლევან კალანდაძე – დამსახურებული სპორტსმენი; კიჭა არველაძე – ექიმი, ქალაქის კოლორიტი და ყველასთვის საყვარელი ძმები არველაძეების მამა; მერაბ ადეიშვილი და ვახტანგ ქუთათელაძე – თავიანთი საქმის უზადო პროფესიონალები; დავით ღვინიაშვილი – მხატვარი და ქალაქის სამსახურში თავდადებული კაცი; თემურ ხუროძე – მათემატიკოსი, მეცნიერი, ათწლეულები თაობების განათლების საქმეში მყოფი; ზურაბ ფაღავა – საქვეყნოდ ცნობილი მედიკოსი და ჯუმბერ ბერაძე – ხელოვანი, თბილისის საპატიო მოქალაქე. იმედია, არავინ გამომრჩენია.თავადაც ხედავთ, აქ ის ხალხია თავმოყრილი, ვისაც საკუთარი პიროვნული თუ პროფესიული ცხოვრებით აქვს დამტკიცებული ქვეყნის და თავისი ქალაქის სიყვარული.რას ეტყვით თბილისის და არა მარტო თბილისის, საქართველოს იმ მოქალაქეებს,ვინც ახლა ჩვენს საუბარს ეცნობა – კონკრეტულად რა უნდა აკეთოს „ტიფლისის დარბაზმა“. როგორ წარმოგიდგენიათ თქვენი მუშაობა და ამ მუშაობის პოტენციური შედეგები?- „დარბაზის“ ამოცანა იქნება, თბილისის ცხოვრებისა და განვითარების სხვადასხვა მიმართულების შეფასება და დასაბუთებული რჩევებისა და რეკომენდაციების გაცემა, რომელთა გამოყენებაც  სურვილის შემთხვევაში, თავისუფლად შეეძლება დედაქალაქის საკრებულოსა თუ მთავრობას.რეკომენდაციების შემუშავება მოხდება ამა თუ იმ სფეროს სპეციალისტებთან და ექსპერტებთან საგნობრივი კონსულტაციების შედეგად. ეს პროცესი იქნება ღია და წარიმართება მედიასთან აქტიური თანამშრომლობის ფონზე. ამ გზით, იმედი მაქვს, „ტიფლისის დარბაზი“ მოკლე დროშივე შეძლებს და დაიმსახურებს თბილისელების მხარდაჭერას და გარკვეულ ფაქტორად იქცევა თბილისის ცხოვრებაში.ვფიქრობთ, ვიმუშაოთ ისეთ მტკივნეულ საკითხებზე, როგორიცაა დედაქალაქის განაშენიანების პოლიტიკა (სხვადასხვა დროს გაცემული არაადეკვატური სამშენებლო ნებართვების პრობლემები, როგორ განვითარდეს ქალაქი – სიმაღლეში, სიგრძეში თუ თანაბრად და სხვ.); მუნიციპალური ტრანსპორტის განვითარების სამომავლო ტენდენციები და მისი დაფინანსების გზები (ავტობუსი, ტრამვაი თუ მეტრო და ხარჯტევადი პროექტების დაფინანსების ალტერნატიული საშუალებები, პარკირების პრობლემა, ლიტრაჟის მიხედვით საავტომობილო მოსაკრებელის დაწესების საკითხი და სხვ.);მუნიციპალური სერვისების დახვეწისა და გამრავალფეროვნების საკითხები; საყოფაცხოვრებო, სასურსათო თუ შერეული ტიპის ბაზრებისა და ბაზრობების თანამედროვე მოთხოვნებთან შესაბამისობის საკითხები; სხვადასხვა ტიპის მუნიციპალური ფესტივალებისა და ქალაქური დღესასწაულების (მათ შორის, თბილისობა) ფორმებისა და ფორმატების თაობაზე საგნობრივი დისკუსიები და ასე შემდეგ…შესაძლოა, ზოგჯერ ისეთ მნიშვნელოვან კონკრეტულ ნიუანსებსაც მივაქციოთ განსაკუთრებული ყურადღება, როგორიცაა, მაგალითად, უკვე დამაზიანებელ ჩვევაში გადაზრდილი პრაქტიკა, როცა ესა თუ ის სამშენებლო კომპანია, ამა თუ იმ პროექტით დამტკიცებულ გამწვანების გეგმას, თვითნებურად უგულებელყოფს, მწვანე ნარგავების განაშენიანების ნაცვლად, მაქსიმალურად აბოტონებს გარემოს და შემდეგ, ვითომც არაფერი განსაკუთრებული, მუნიციპალიტის მიერ დაკისრებულ ჯარიმას იხდის (ან არც იხდის…) და მთავრდება ისტორია და აგრძელებს იგივეს კეთებას… ქალაქი, ის ეროგორც ცხოვრება, საზოგადოდ,  წვრილმანებისგან შედგება. სწორად მართული წვრილმანები ქმნის სწორედ  შემდგომში სწორ მსხილვმანს და ამიტომ ასეთი ნიუანსები „ტიფლისის დარბაზისთვის“ ასევე მნიშვნელოვანი იქნება.შემიძლია ისიც ვთქვა, რომ გარკვეულ ეტაპზე, ამა თუ იმ საჭირბოროტო საკითხთან დაკავშირებით, „დარბაზი“ შესაძლოა, ერთგვარი რეფერენდუმის/გამოკითხვის ორგანიზების ინიციატივითაც გამოვიდეს. ვფიქრობ ასეთი ფორმატები გადაწყვეტილებების მიღებისას პასუხისმგებლობების გაზიარებას შეუწყობს ხელს, რაც საბოლოო ჯამში, თბილისის ცხოვრებაზე სასიკეთოდ აისახება.ვფიქრობთ, „დარბაზი“,თბილისისადმი გამოჩენილი თავდადებისა და სიყვარულისთვის, თავის სიმბოლურ ჯილდოსაც დააწესებს და ამ ფორმით დააფასებს იმ დამსახურებულ ადამიანებს, ვის ცხოვრებაშიც თბილისმა განსაკუთრებული ადგილი დაიკავა.სახალისოდ და არცთუ მთლად სახალისოდაც, შესაძლოა დავაწესოთ ასევე, ერთგვარი ანტი-ჯილდოც, მაგალითად, როგორც ჩვენი თანამედროვე თბილისელ მაგარ პოეტს, დათო მაღრაძეს აქვს შენიშნული – აღა მაჰმად ხანის ორდენი… რა საქმეებისთვის იქნებიან შერჩეული ამ ორდენის კავალერები, ვფიქრობ, ბევრი ახსნა არ სჭირდება…ეს არის მოკლედ, რისი თქმაც „დარბაზის“ საქმიანობის ხასიათსა და მიმართულებებზე ახლაა შესაძლებელი.თქვენს მიერ ჩამოთვლილი მიმართულებები იმდენი და იმგვარია, ბატონო თემურ, რომ თავისთავად ჩნდება კითხვა– ხომ არ არის თქვენი და თქვენი მეგობრების ეს ჩანაფიქრი – „ტიფლისის დარბაზი“ – ნაბიჯი პოლიტიკაში დამკვიდრებისკენ და დამკვიდრებისთვის? - მოკლედ გიპასუხებთ – არა. ცოტა ვრცლად კი გეტყვით, რომ პოლიტიკაში მოსვლის და დამკვიდრების არც ჩანაფიქრი და არც სურვილი ჩვენ არ გაგვაჩნია – უმრავლეს ჩვენგანს ეგ ეტაპი გავლილიც გვაქვს, მაგრამ უკვე აღვნიშნე და კიდევ ვიტყვი, რომ იმის ამბიცია და შესაძლებლობა კი ნამდვილად გვაქვს, რომ ჩვენი „დარბაზი“ თბილისსა და თბილისელებს ქალაქის იერსახის შენარჩუნებასა და გაკეთილშობილებაში დაეხმაროს. „ტიფლისის დარბაზის“ ყველა რჩევა და რეკომენდაცია სიყვარულით და გულიდან იქნება წამოსული და სწორედ ეს მომენტი გახდება ჩვენი მთავარი „სავიზიტო ბარათი“.და მაინც, რადგან ასეთი კითხვა გაგიჩნდათ, კიდევ უფრო კონკრეტულად მოგახსენებთ – „ტიფლისის დარბაზი“ არც ერთ შემთხვევაში არ ჩაერთვება თბილისის მმართველობის პოლიტიკურ პროცესებში. ორგანიზაციული თვალსაზრისით არ გამოხატავს პოლიტიკურ სიმპათია/ანტიპათიებს და არ მოუწოდებს დედაქალაქის მცხოვრებლებს ადგილობრივ არჩევნებში ამა თუ იმ პოლიტიკური ძალის ან კანდიდატის მხარდაჭერისკენ.იმის აღნიშვნაც მინდა, რომ „ტიფლისის დარბაზის“ წევრობა არ არის პრივილეგია – ეს არის პასუხისმგებლობა, სწორედ ასე ვხედავთ ორგანიზაციას მისი დამფუძნებლები.„ტიფლისის დარბაზი“, თავისი საქმიანობით, მოწოდებული იქნება, გარდა ქალაქის ყოველდღიურობაში კონკრეტული აქტიური მონაწილეობისა, გახდეს ერთგვარი ხიდი XX  და XXI საუკუნებიის და თბილისელთა თაობებს შორის ისე, რომ მომავალ თბილისს შემდგომშიც ახსოვდეს და დააფასოს თბილისის, საქართველოს დედაქალაქის, კავკასიის გულის ის ეშხი და ლაზათი, რასაც ჩვენი ქალაქი, მისი გულშემატკივარი და მისთვის თავდადებული ადამიანების დამსახურებით, მიუხედავად რთული ისტორიისა,  საუკუნეებია ინარჩუნებს.„ტიფლისის დარბაზის“ მთავარი სულისკვეთება და მოწოდება გამოიხატება  ასე – მოვუაროთ და განვავითაროთ ქალაქი! გავუფრთხილდეთ, დავაფასოთ და შევინარჩუნოთ თბილისური ურთიერთობები!წყარო: kvira.ge

1742215537

„საქართველოს, ფაქტობრივად, ნულიდან მოუწია ინოვაციური ეკოსისტემის განვითარება ქვეყანაში და უკვე დღეს ჩვენ გვაქვს სწრაფად განვითარებადი დინამიური ეკოსისტემა. სტარტაპების მეტი მხარდაჭერისთვის ვახორციელებთ არა მხოლოდ სახელმწიფო საგრანტო პროგრამებს, არამედ ხელს ვუწყობთ მათ კერძო ფინანსებზე ხელმისაწვდომობასა და ვეხმარებით საერთაშორისო ბაზრებზე გასასვლელად,“ - განაცხადა მინისტრის მოადგილემ. მისი თქმით, თბილისსა და ქვეყნის თითქმის ყველა რეგიონში წარმატებით ფუნქციონირებს ტექნოპარკები და ინოვაციური ცენტრები, რომელთა მომსახურებით ამ წლების განმავლობაში 100,000-ზე მეტმა ადამიანმა ისარგებლა.ირაკლი ნადარეიშვილის განცხადებით, საქართველოში საერთაშორისო ტექნოლოგიური კომპანიების მოსაზიდად განხორციელებული პოლიტიკის შედეგად, ქვეყნის ექსპორტის მოცულობა მხოლოდ აიტი სერვისების უცხო ქვეყნებში რეალიზების შედეგად 900 მლნ დოლარამდე გაიზარდა, რაც უპრეცედენტოა არა მხოლოდ ჩვენი რეგიონის მასშტაბით. მისი თქმით, ამჟამად აქტიურად მიმდინარეობს მუშაობა უნიკალურ პროექტზე - რეგიონში ყველაზე მასშტაბურ ინოვაციებისა და ახალი ტექნოლოგიების ცენტრზე ქალაქ ქუთაისში, ყოფილი პარლამენტის შენობაში, სადაც იმუშავებს ხელოვნური ინტელექტის კვლევითი კომპეტენციის ცენტრი; ინტერაქციული სამეცნიერო და ტექნოლოგიური მუზეუმი; საერთაშორისო კრეატიული ტექნოლოგიების ცენტრი, რომელიც 12-18 წლამდე ახალგაზრდებისთვის იქნება განკუთვნილი და მოიცავს ისეთ მიმართულებებს, როგორიცაა პროგრამირება, ანიმაცია, კინო, კომპიუტერული თამაშების შექმნა, გრაფიკული დიზაინი, 3D მოდელირება, რობოტიკა და სხვ. ცენტრი ასევე მოიცავს ტექნოპარკს და სხვა ლაბორატორიებს.მინისტრის მოადგილის თქმით, აქტიურად გაგრძელდება მუშაობა ახალგაზრდების ტექნოლოგიური მიმართულებით გადამზადებასა და სწავლებაზე. „ამ ეტაპზე, 12,000 - ზე მეტი ადამიანი გადავამზადეთ, რაც ბაზარზეც აისახა - მხოლოდ 2024 წელს IT სექტორში დასაქმებულთა რიცხვი 49,000 - მდე გაიზარდა,“ - განაცხადა ირაკლი ნადარეიშვილმა.

1742213995

შესაბამის განკარგულებას საქართველოს პრემიერ მინისტრმა ირაკლი კობახიძემ მოაწერა ხელი.ნათია თურნავა საქართველოს ეროვნული ბანკის პრეზიდენტად მიმდინარე წლის 7 თებერვალს დაინიშნა. 2023 წლის ივნისიდან კი სებ-ის პირველი ვიცე-პრეზიდენტისა და პრეზიდენტის მოვალეობის შემსრულებლის პოზიციებს იკავებდა. 2022 წლიდან ეროვნული ბანკის საბჭოს წევრია.ნათია თურნავას პროფესიით ეკონომისტია, ფლობს ეკონომიკის დოქტორის სამეცნიერო ხარისხს, რომელიც თბილისის სახელმწიფო უნივერსიტეტში მიენიჭა, დიდი ბრიტანეთის ქამბრიის უნივერსიტეტში კი ბიზნესის ადმინისტრირების მაგისტრის ხარისხი მიიღო. გავლილი აქვს სწავლება ჰარვარდის უნივერსიტეტის ჯონ კენედის სახელობის სამთავრობო სკოლაში, ვენის გაერთიანებულ ინსტიტუტში (JVI) და სხვა ინსტიტუტებში. იყო  თბილისის რამდენიმე უმაღლესი სასწავლებლის ლექტორი.აღსანიშნავია, რომ სებ-ის ისტორიაში ნათია თურნავა გახდა პირველი ქალი, რომელიც პრეზიდენტის პოსტს იკავებს.ინფორმაციას ეროვნული ბანკი ავრცელებს.

1742212454

„ჩვენ ვაპირებთ ვუთხრათ ამერიკელებს, რომლებმაც აირჩიეს ტირანების მხარე: „დაგვიბრუნეთ თავისუფლების ქანდაკება“. ჩვენ გაჩუქეთ, მაგრამ, როგორც ჩანს, გეზიზღებით“, - თქვა ფრანგმა პოლიტიკოსმა Place publique (საჯარო ადგილი) პარტიის ყრილობაზე გამოსვლისას.გლუკსმანი ცნობილია, როგორც უკრაინის რუსეთთან ომში დახმარების ერთ-ერთი მხარდამჭერი. მანამდე მან არაერთხელ გააკრიტიკა აშშ-ის პრეზიდენტის დონალდ ტრამპის ადმინისტრაცია მოსკოვთან დაახლოების გამო.თავისუფლების ქანდაკება მდებარეობს შეერთებულ შტატებში, თავისუფლების კუნძულზე, მანჰეტენის სამხრეთ-დასავლეთით. ქანდაკება დამზადდა საფრანგეთში მე-19 საუკუნის ბოლოს და გადაეცა შეერთებულ შტატებს. 225 ტონა ქანდაკება დაშლილი სახით 1885 წელს ნიუ-იორკში გაიგზავნა და შემდეგ წელს გაიხსნა. იგი ეროვნული ძეგლი გახდა 1924 წლის 15 ოქტომბერს. ძეგლის იდეა შემოგვთავაზა ედუარდ რენე ლეფევრ დე ლაბულაემ.

1742210186

ამის შესახებ მსოფლიო ოქროს საბჭოს (WGS) ანგარიშებშია ნათქვამი.მეორე ადგილზე გერმანიაა (3351,53). შემდეგ მოდის ოთხი ქვეყანა დაახლოებით თანაბარი რეზერვებით: იტალია (2451,84), საფრანგეთი (2437), რუსეთი (2335,9) და ჩინეთი (2279,56). ათეულში ასევე მოხვდნენ შვეიცარია, ინდოეთი, იაპონია და ნიდერლანდები.ექსპერტების პროგნოზით, 2025 წელს გლობალური ცენტრალური ბანკების მოთხოვნა ოქროს მიმართ შენარჩუნდება და შესყიდვების მოცულობამ შესაძლოა 900 ტონას მიაღწიოს.WGS-ის კვლევამ აჩვენა, რომ ოქროზე დიდი მოთხოვნა ადასტურებს ძვირფასი ლითონის სტრატეგიულ მნიშვნელობას ოფიციალურ მარაგებში, განსაკუთრებით გაზრდილი გეოპოლიტიკური რისკების ფონზე.

1742207145