ოქროს ფასი 4 128 დოლარამდე დაეცა

ცენტრალური ბანკის ცნობით, მიმდინარე წელს ინფლაციის მატების მთავარი ფაქტორი მსოფლიოში, და მათ შორის საქართველოში, საწვავზე ფასების ზრდაა. აღნიშნული დინამიკა გეოპოლიტიკური დაძაბულობისა და მიწოდების ჯაჭვების შეფერხებების შედეგია, რამაც ნედლ ნავთობსა და ნავთობპროდუქტებზე ფასები გაზარდა.რაც შეეხება შედარებით ხისტი ფასების საზომებს, საბაზო ინფლაციამ, რომელიც სამომხმარებლო კალათიდან მერყევ სურსათის, ენერგომატარებლების და სიგარეტის ფასებს გამორიცხავს, სექტემბერში 3.5% შეადგინა, ხოლო მომსახურების ინფლაცია 3.7%-ს გაუტოლდა.„გამწვავებული გეოპოლიტიკური ვითარების და ლოგისტიკური პრობლემების ფონზე სექტემბერში საწვავი კვლავ გაძვირდა, რამაც თვის ინფლაცია 0.32 პროცენტული პუნქტით გაზარდა. ამის საპირისპიროდ, უმაღლესი სასწავლებლის შემცირებულმა გადასახდელმა ინფლაციაზე კლების მიმართულებით მნიშვნელოვანი გავლენა მოახდინა და თვის ინფლაცია 0.73 პროცენტული პუნქტით შეამცირა. თვის ინფლაციის შემცირების მიმართულებით ასევე მოქმედებდა სურსათის ცალკეული კატეგორიების წინა თვესთან შედარებით ფასების კლება.წლიურ ინფლაციაზე ზრდის მიმართულებით ყველაზე დიდი წვლილი ენერგომატარებლების ფასებს აქვს. წინა წლის შესაბამის პერიოდთან შედარებით, ბენზინისა და დიზელის ფასები, შესაბამისად, 30%-ით და 54%-ით გაიზარდა, რამაც მთლიან ინფლაციაზე ჯამურად 1.5 პროცენტული პუნქტის გავლენა მოახდინა. სურსათის გავლენა ინფლაციაზე წლის დასაწყისთან შედარებით მცირდება. სექტემბერში სურსათის და უალკოჰოლო სასმელების ინფლაციამ – 3.4%, ხოლო წვლილმა ინფლაციაში 1.2 პროცენტული პუნქტი შეადგინა. აქედან ყველაზე დიდი გავლენა პურს (0.5 პპ) და ძროხის ხორცს (0.5 პპ) ჰქონდა. სხვა პროდუქტებიდან აღსანიშნავია ელექტროენერგიის გადასახდელის (0.5 პპ) და ჯანდაცვის (0.7 პპ) წვლილი.წლიურ ინფლაციაზე შემცირების მიმართულებით ყველაზე მნიშვნელოვანი გავლენა განათლების ჯგუფმა მოახდინა, რომელმაც მთლიანი ინფლაცია 0.6 პროცენტული პუნქტით შეამცირა. ამავდროულად, ხანგრძლივი მოხმარების საქონლის კატეგორიაში დეფლაციური ტენდენცია კვლავ ნარჩუნდება. საშუალო ხანგრძლივობის მოხმარების საქონლის კატეგორიაში კი სექტემბერში ფასები, წინა წლის შესაბამის პერიოდთან შედარებით, შემცირდა“, – აღნიშნულია ეროვნული ბანკის კვლევაში.რაც შეეხება ადგილობრივად წარმოებული პროდუქტების ინფლაციას, სექტემბერში, ეროვნული ბანკის ანგარიშის თანახმად, 4.9% შეადგინა.„ადგილობრივ ინფლაციაზე ყველაზე დიდი გავლენა – პურის, ხორცისა და ყველის ფასებს (ჯამში 2.7 პპ), ხოლო შემცირების მიმართულებით უმაღლესი სასწავლებლებში სწავლის გადასახადის შემცირებას ჰქონდა. შერეულად წარმოებული პროდუქტების ინფლაციაში (4.8%) ყველაზე მნიშვნელოვანი წვლილი ელექტროენერგიის გადასახდელზე მოდიოდა. იმპორტირებულმა ინფლაციამ 7.8% შეადგინა, რაც ძირითადად საწვავის ფასების გაძვირებით აიხსნება (6.1 პპ)“, – ნათქვამია ეროვნული ბანკის ანგარშში.

1791286452

ამასთანავე, სემეკში ჩაინიშნა საჯარო სხდომა, სადაც განიხილება შპს “ყამარი მ“ -ს ბუნებრივი გაზის განაწილების ლიცენზიის გაუქმებისა და აბონენტების  გაზმომარაგების უზრუნველყოფის მიზნით შპს „თბილისი ენერჯისათვის“ შესაბამისი მომსახურების გაწევის ვალდებულების დაკისრების საკითხი.შპს „ყამარი მ“-ს მომხმარებლებისათვის ბუნებრივი გაზის გათიშვის მიზეზს წარმოადგენს კომპანიის დავალიანება შპს „სოკარ გაზ ექსპორტ-იმპორტის“ მიმართ.  შპს „ყამარი მ“-ს სალიცენზიო არეალში მომხარებლების ბუნებრივი გაზით უწყვეტი მომარაგების უზრუნველსაყოფად, კომპანიასა და საბითუმო მიმწოდებელ შპს „სოკარ გაზ ექსპორტ-იმპორტს“ შორის გაფორმებულია ბუნებრივი გაზის ნასყიდობის ხელშეკრულება. ხელშეკრულებით ნაკისრი ვალდებულებების არაჯეროვანი შესრულებისა და მიწოდებული ბუნებრივი გაზის საფასურის გადაუხდელობის გამო, შპს “ყამარი მ“-ს  შპს „სოკარ გაზ ექსპორტ-იმპორტის“ წინაშე წარმოექმნა მსხვილი დავალიანება. აღნიშნული დავალიანების გამო, შპს „ყამარი მ“-ს 2026 წლის 5 ოქტომბერს შეუწყდა ბუნებრივი გაზის მიწოდება.შპს „ყამარი მ“ ახორციელებს ბუნებრივი გაზის განაწილებას  თბილისში, ე.წ. მუხიანისაგარაკების ტერიტორიაზე.

1791284196

როგორც Report-ი იუწყება, ამის შესახებ SOCAR Downstream-ის მმართველმა დირექტორმა ემილ ალხასლიმ განაცხადა. ეს ნიშნავს Pre-FEED-ის (წინასწარი საპროექტო და ტექნიკურ-ეკონომიკური დასაბუთების) ფაზის ოფიციალურ დაწყებას, რომელიც კონგოს რესპუბლიკაში მდებარე CORAF-ის ნავთობგადასამუშავებელი ქარხნის მასშტაბურ მოდერნიზაციას ითვალისწინებს.პროექტი ხორციელდება SOCAR-სა და SNPC-ს (CORAF-ის ქარხნის მფლობელი) შორის პარტნიორული ურთიერთობების გაღრმავების ფარგლებში.„ტექნიკური ასპექტების გარდა, ეს თანამშრომლობა აზერბაიჯანსა და კონგოს შორის კავშირების დამყარების საშუალებაც გახდა — ხელი შეუწყო სხვადასხვა კულტურის გაცნობას, საერთო ინტერესებისა და სინერგიის გამოვლენას“, — ხაზგასმით აღნიშნა ალხასლიმ.2024 წლის 4 აპრილს ბაქოში SOCAR-მა და SNPC-მ ხელი მოაწერეს შეთანხმებას Congolaise de Raffinage-ის (CORAF) ნავთობგადასამუშავებელი ქარხნის მოდერნიზაციისა და გაფართოების პირობების შესახებ.აღნიშნული შეთანხმების საფუძველზე, SOCAR-ის სპეციალისტები ჩაერთნენ ობიექტის მიმდინარე ტექნიკური მდგომარეობის ანალიზსა და იმ ძირითადი მიმართულებების განსაზღვრაში, სადაც SOCAR-ს შეუძლია SNPC-ს მხარდაჭერა გაუწიოს საწარმოო სიმძლავრეების მოდერნიზაციის პროცესში.CORAF-ის ქარხნის საპროექტო სიმძლავრე დღეში 27 000 ბარელი ნავთობის გადამუშავებას შეადგენს, ხოლო გადამუშავების რეალური მოცულობა ამჟამად დღეში დაახლოებით 20 000 ბარელია (რაც წელიწადში 1 მილიონ ტონაზე ნაკლებს უდრის). ქარხანაში წარმოებული ნავთობპროდუქტების 50%-ზე მეტი კონგოს რესპუბლიკაში შიდა მოთხოვნის დასაკმაყოფილებლად გამოიყენება.ქარხანა მდებარეობს ქვეყნის ატლანტის ოკეანის სანაპიროზე, ქალაქ პუანტ-ნუარში. ის 1982 წლის დეკემბრიდან ფუნქციონირებს და ქვეყანაში ნავთობგადასამუშავებელ ერთადერთ საწარმოს წარმოადგენს. კონგოს რესპუბლიკა 2018 წლიდან ნავთობის ექსპორტიორი ქვეყნების ორგანიზაციის (OPEC) წევრია, მისი დადასტურებული ნავთობის მარაგები კი 1,8 მილიარდ ბარელს შეადგენს.2023 წლიდან SOCAR Trading — აზერბაიჯანული სახელმწიფო კომპანიის სავაჭრო განყოფილება — პასუხისმგებელია საერთაშორისო ბაზრებზე ნავთობისა და CORAF-ის ნავთობგადასამუშავებელი ქარხნის ნავთობპროდუქტების ნაწილის რეალიზაციაზე.

1791283475

ოქროს სპოტ ფასმა (მიმდინარე მიწოდების ფასმა) 0,3%-ით დაიკლო და უნციაზე 4 128,69 დოლარი შეადგინა, ხოლო ფიუჩერსული ფასი 4 156,00 დოლარზე დაფიქსირდა.ფასის კლება შეაკავა იმ მოლოდინების შესუსტებამ, რომ აშშ-ის ფედერალური რეზერვი ოქტომბერში საპროცენტო განაკვეთს გაზრდიდა (რაც აშშ-ში დასაქმებისა და მომსახურების სექტორის სუსტი მონაცემებით იყო განპირობებული); თუმცა, CME FedWatch-ის მონაცემებით, დეკემბერში მონეტარული პოლიტიკის გამკაცრების ალბათობა 87%-ს შეადგენს.გეოპოლიტიკური დაძაბულობა ბაბ-ელ-მანდების სრუტესთან და ინფლაციური რისკები კვლავ ახდენს გავლენას ძვირფას ლითონებზე (ვერცხლის ფასი 60,67 დოლარამდე, ხოლო პლატინისა — 1 710,08 დოლარამდე დაეცა).

1791282419

შეხვედრაზე მხარეებმა საქართველოსა და ყირგიზეთს შორის მეგობრული და პარტნიორული ურთიერთობების კიდევ უფრო გაღრმავების პერსპექტივები განიხილეს. ყურადღება გამახვილდა გარემოს დაცვის, კლიმატის ცვლილების, მდგრადი განვითარების, ბუნებრივი რესურსების მართვისა და ბიომრავალფეროვნების დაცვის მიმართულებებით თანამშრომლობის გაძლიერებაზე.„მოხარულები ვართ, რომ გვაქვს შესაძლებლობა, პირისპირ შევხვდეთ თბილისში,  კლიმატის მწვანე ფონდის რეგიონული დიალოგის ფარგლებში. საქართველო დიდ მნიშვნელობას ანიჭებს ყირგიზეთთან ურთიერთობებს და მჯერა, რომ არსებობს მნიშვნელოვანი პოტენციალი ჩვენი თანამშრომლობის შემდგომი გაღრმავებისთვის. საქართველოსა და ყირგიზეთს ბევრი საერთო პრიორიტეტი აქვთ კლიმატის მდგრადობის, წყლის, სოფლის მეურნეობის, ტყეების, ნარჩენების მართვისა და მთის ეკოსისტემების სფეროებში. საქართველო მზად არის, გააზიაროს საკუთარი გამოცდილება ატმოსფერული ჰაერის დაცვის, ჰაერის ხარისხის მონიტორინგისა და სამრეწველო ემისიების მიმართულებით. მჯერა, რომ გამოცდილების გაზიარება ხელს შეუწყობს ჩვენს ქვეყნებს შორის გარემოსდაცვითი თანამშრომლობის კიდევ უფრო გაღრმავებას“, - განაცხადა დავით სონღულაშვილმა.ყირგიზეთის რესპუბლიკის ბუნებრივი რესურსების, ეკოლოგიისა და ტექნიკური ზედამხედველობის მინისტრმა აკილ ტოქტობაევმა საქართველოსთან მეგობრული და კონსტრუქციული ურთიერთობების განვითარების მნიშვნელობაზე ისაუბრა და გარემოს დაცვისა და კლიმატის ცვლილების მიმართულებით პრაქტიკული თანამშრომლობის გაძლიერების მზადყოფნა გამოთქვა.„განსაკუთრებით დაინტერესებული ვართ საქართველოსთან გამოცდილების გაზიარებით კლიმატის დაფინანსების მოზიდვის, საერთაშორისო ფინანსური ინსტრუმენტების მხარდაჭერით პროექტების განხორციელებისა და მწვანე ფინანსური მექანიზმების განვითარების მიმართულებით. ასევე, მნიშვნელოვანია თანამშრომლობის გაღრმავება დაცული ტერიტორიებისა და ბიომრავალფეროვნების დაცვის სფეროში. ჩვენს ქვეყნებს აქვთ შესაძლებლობა, ერთმანეთს გაუზიარონ გამოცდილება და პრაქტიკული ცოდნა, რაც ხელს შეუწყობს ახალი ერთობლივი ინიციატივებისა და კონკრეტული შეთანხმებების შემუშავებას“, - განაცხადა აკილ ტოქტობაევმა.მხარეებმა ასევე იმსჯელეს კლიმატის დაფინანსების, წყლის რესურსების მდგრადი გამოყენების, კლიმატგონივრული სოფლის მეურნეობის, მთის ეკოსისტემების, ნარჩენების მართვისა და ცირკულარული ეკონომიკის, დაცული ტერიტორიებისა და ბიომრავალფეროვნების დაცვის მიმართულებებით თანამშრომლობის შესაძლებლობებზე.შეხვედრის დასასრულს მხარეებმა გამოთქვეს მზადყოფნა, რეგიონული დიალოგის შემდეგ, შესაბამისმა უწყებებმა განსაზღვრონ თანამშრომლობის პრიორიტეტული მიმართულებები და კონკრეტული ერთობლივი ინიციატივებისა და პროექტების განხორციელებაზე იმუშაონ.

1791281214

გადამუშავებულ მოსავალში 92,1 ათასი ტონა საფერავია, 77,4 ათას ტონამდე — რქაწითელი, ხოლო დარჩენილი მოცულობა სხვადასხვა ჯიშის ყურძენზე მოდის.კახეთში მოსავალი დაახლოებით 13 200-მა მევენახემ ჩააბარა. სახელმწიფო საწარმო შპს „მოსავლის მართვის კომპანია“ ყურძენს კახეთის სხვადასხვა მუნიციპალიტეტში 22 ლოკაციაზე იბარებს.რთველი რეგიონში პიკურ ფაზაშია. დღე-ღამის განმავლობაში საშუალოდ 13-14 ათასი ტონა ყურძენი გადამუშავდება.მოსავლის სრულად დაბინავებისა და რთველის ორგანიზებულად ჩატარების მიზნით, მთავრობის გადაწყვეტილებით, ჭარბი მოსავლის შემთხვევაში, ყველა მევენახეს შესაძლებლობა ექნება, მოსავალი დააბინაოს. ამ მიზნით, „მოსავლის მართვის კომპანია“ ფიზიკური პირებისგან ყურძენს დადგენილი პირობებით იღებს.საფერავის შემთხვევაში, თუ შაქრიანობა არანაკლებ 20%-ია, 1 კილოგრამის ფასი 1,50 ლარია. 16%-დან 20%-მდე შაქრიანობის შემთხვევაში ფასი 1 ლარს, ხოლო 16%-ზე ნაკლები შაქრიანობისას 50 თეთრს შეადგენს.რქაწითელისა და სხვა საღვინე ყურძნისთვის, რომლის შაქრიანობა არანაკლებ 19%-ია, ფასი 1,30 ლარია. 16%-დან 19%-მდე შაქრიანობის ყურძენი 90 თეთრად, ხოლო 16%-ზე ნაკლები შაქრიანობის შემთხვევაში — 50 თეთრად ბარდება.ყურძნის ჩაბარების პროცესს გურჯაანში მდებარე რთველის საკოორდინაციო შტაბი უწევს კოორდინაციას. რთველთან დაკავშირებული ინფორმაციის მიღება შესაძლებელია ცხელ ხაზებზე — 1501 და 032 2 19 37 18.

1791278162