აშშ-ში Google Pay-ის აპლიკაცია ფუნქციონირებას შეწყვეტს

„ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ. შუალედური არჩევნებისთვის ოთხივე საარჩევნო ოლქში ჯამში შვიდი საარჩევნო უბანი გაიხსნა, მათ შორის ოთხი წალკაში. აქვე შეგახსენებთ, რომ საარჩევნო უბნები გახსნილია ახმეტაში - სოფელ კასრისწყალში, დმანისში - სოფ. ველისპირსა და სოფ. განახლებას შორის, წალკაში სოფლებში - იმერაში, ბარეთში, საბეჭისსა და ლივადში, ვანში -სოფელ ფერეთაში. გამოყენებული იქნება როგორც ელექტრონული, ისე ტრადიციული კენჭისყრის მოდელი.წალკის 3 საარჩევნო უბანზე და ვანის საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები.ამომრჩეველთა საერთო რაოდენობა 2 225-ს შეადგენს.  გადასატანი ყუთის მოთხოვნით საარჩევნო ადმინისტრაციას 50 - მა ამომრჩეველმა მომართა.არჩევნებისთვის რეგისტრირებულია 2 პოლიტიკური პარტიის მიერ წარდგენილი მაჟორიტარობის 7 კანდიდატი.  დმანისში, წალკასა და ვანში რეგისტრირებული არიან კანდიდატები საარჩევნო სუბიექტებიდან „ქართული ოცნება“ და „ძლიერი საქართველო - ლელო“, ხოლო ახმეტაში რეგისტრირებულია მხოლოდ „ქართული ოცნების“ კანდიდატი.აღსანიშნავია, რომ საარჩევნო პროცესს დააკვირდება 7 ადგილობრივი ორგანიზაციის 56 დამკვირვებელი, ხოლო პროცესს გააშუქებს 8 მედია ორგანიზაციის 187 წარმომადგენელი.აქვე შეგახსენებთ საარჩევნო პროცედურებს - კენჭისყრა იმართება დილის 08:00 საათიდან საღამოს 20:00 საათამდე. საარჩევნო უბანზე მისვლისას ამომრჩეველმა თან უნდა იქონიოს საქართველოს მოქალაქის პირადობის მოწმობა ან საქართველოს მოქალაქის პასპორტი. იმ საარჩევნო უბნებზე, სადაც კენჭისყრა ელექტრონული საშუალებების გამოყენებით ტარდება, საარჩევნო ბიულეტენთან ერთად, რეგისტრატორი ამომრჩეველს გადასცემს შესაბამისი ფორმის სპეციალურ, შესაბამის ჩარჩო-კონვერტს. ელექტრონულ უბანზე მისულმა ამომრჩეველმა სპეციალური მარკერით უნდა გააფერადოს/მონიშნოს მისთვის სასურველი მხოლოდ ერთი კანდიდატის წინ არსებული წრის შიდა სივრცე და სპეციალური ჩარჩო-კონვერტის გამოყენებით ბიულეტენი მოათავსოს ხმის მთვლელ აპარატში ჭრილის საფარის ქვეშ.ხმის მთვლელი აპარატი ავტომატურ რეჟიმში ითვლის ხმებს და კენჭისყრის დასრულების შემდეგ, სავალდებულო პროცედურების განხორციელებისთანავე ბეჭდავს კენჭისყრის წინასწარი შედეგების შესახებ ამონაწერს, რომელიც პლანშეტის საშუალებით გამოიგზავნება ცესკოში. მონაცემები ამავდროულად ხელმისაწვდომი იქნება ნებისმიერი დაინტერესებული პირისთვის ვებგვერდზე results.cec.gov.ge.3 საარჩევნო უბანზე, კენჭისყრა ტრადიციული წესით ჩატარდება, თუმცა აღნიშნულ უბნებზე საარჩევნო ბიულეტენები დასკანერდება და გაციფრულდება, შესაბამის უსაფრთხო პლატფორმაზე აიტვირთება და ხელმისაწვდომი იქნება ყველა დაინტერესებული მხარისთვის.ხმის მიცემა ფარულია. კაბინაში ფოტო და ვიდეოგადაღება აკრძალულია.აქვე შეგახსენებთ, რომ დღის განმავლობაში იმუშავებს ცესკოს კონტაქტ-ჰაბი - 2 51 00 51. ასევე მუდმივ რეჟიმში იმუშავებს მედიაცენტრი, სადაც მედიას და საარჩევნო პროცესებში ჩართულ მხარეებს საშუალება ექნებათ მიიღონ ინფორმაცია მათთვის საინტერესო საკითხებზე“, - განაცხადა ნათია იოსელიანმა.

1790935058

ნაკრების ფარგლებში მომხმარებლისთვის ხელმისაწვდომია სუპერ PLUS Visa ბარათი, რომელიც სპეციალურად ამ ნაკრებისთვის, Visa-სთან პარტნიორობით შეიქმნა. ბარათი მფლობელებს სადებეტო მიმართულებით საცალო ბაზარზე მაღალ PLUS სარგებელს სთავაზობს: საქართველოს ბანკის ტერმინალებზე გადახდისას ყოველ 1 ლარზე 2.1 PLUS ქულა ირიცხებ; სუპერმარკეტებსა და ბენზინგასამართ სადგურებზე სუპერ PLUS Visa ბარათით გადახდისას ქულები ორმაგდება (2X PLUS; ყოველთვიურად გაორმაგებით მაქს. 10. 000 PLUS ქულა) მომხმარებლებს მობილბანკიდან ყოველთვიურად შეუძლიათ თავად აირჩიონ სასურველი PLUS შეთავაზებები კიდევ უფრო მეტი ქულის დასაგროვებლად. SUPER ნაკრების ერთ-ერთი მთავარი უპირატესობა ვალუტის კონვერტაციის სტანდარტულზე უკეთესი კურსია. მომხმარებლები მობილბანკსა და ინტერნეტბანკში ვალუტის (GEL, USD, EUR) სტანდარტულზე უკეთესი კურსით გადაცვლას ყოველთვიურად 10 000 ლარის ლიმიტის ფარგლებში შეძლებენ.ამასთანავე, ნაკრების მომხმარებლები პარტნიორ ობიექტებში PLUS ქულებით გადახდისას მუდმივი 20%-იანი ფასდაკლებით ისარგებლებენ (შეთავაზებების მიხედვით მაქსიმუმ 50%-მდე), ხოლო მობილბანკიდან ტრანზაქციები მყისიერად, 24/7 რეჟიმში აისახება.SUPER ნაკრების და სუპერ PLUS Visa ბარათის შეკვეთა მომხმარებლებს საქართველოს ბანკის სხვა არხებთან ერთად, მობილბანკიდან მარტივად შეუძლიათ.

1790933305

აფბას ანალიტიკოსი ამბობს, რომ  „ბრიტანულ-ქართული აკადემიის“ ყოფილი დირექტორი და მინორიტარი აქციონერი, ნათია ჯანაშია, სადღეისოდ, საქართველოს ერთ-ერთი უმდიდრესი ქალია და მისი აქტივების ღირებულება 80 მილიონ ლარს ბევრად აღემატება.„ნათია ჯანაშიას კეთილდღეობის მთავარი წყარო „ბრიტანულ-ქართულ აკადემიაში“ მსხვილი ინვესტორის შესვლა იყო. სწორედ ამ დროიდან მოყოლებული გროვდება მისი სიმდიდრე. დავიწყოთ იმით, რომ 2019 წელს ნათია ჯანაშიამ აკადემიის 70%-იანი წილი 29 მილიონ 300 000 ათას ლარად გაყიდა.ამის შემდგომ პერიოდში, აკადემიის შემოსავლები და მოგება სტაბილურად და განუხრელად მზარდია. აკადემიის საბაზრო ღირებულებაც, ბუნებრივია, მზარდი ტრენდით ხასიათდება. შესაბამისად, ეს პირდაპირპროპორციულად აისახება ნათია ჯანაშიას მფლობელობაში არსებულ 30%-იან წილზეც.ამას უნდა დავუმატოთ ისიც, რომ  2024 წელს „საქართველოს განათლების ჯგუფმა“ ნათია ჯანაშიას საპასუხოდ, უკუშეთავაზებით, მის საკუთრებაში არსებული 30%-იანი წილის გამოსყიდვაზე გაუგზავნა ოფერი. ინვესტორის მიერ შეთავაზებული თანხა თავად ჯანაშიას მიერ დასახელებულ ფასზე, ერთეულთან მიმართებით, 33%-ით მეტი იყო.ისიც არ უნდა გამოგვრჩეს, რომ მხოლოდ ხელფასისი სახით, იმ 5 წლიან პერიოდში, როცა ნათია ჯანაშია „აკადემიის“ მენეჯმენტს განაგებდა, ქმართან ერთად მან  ჯამში, 5 მილიონი ლარი მიიღო. - წლიურად 1 000 000 ლარი“, - ამბობს ბაჩანა ჯინჭარაძე.მისი თქმით, ცნობილია ასევე, რომ ნათია ჯანაშიას და დავით ცეცხლაძის საკუთრებაშია მთელი რიგი ელიტარული უძრავი ქონება. კეროდ, - ლუქს-კლასის ავტომობილები, ინდივიდუალური შეკვეთით დამზადებული იახტა/კატარღები და საბრძოლო და სანადირო იარაღები და სხვა.ანალიტიკოსი თვლის, რომ აქტივების ღირებულების შეფასებისას ისიც უნდა გავითვალისწინოთ, რომ ძალიან დიდი ალბათობით, ნათია ჯანაშია და დავით ცეცხლაძე ფლობენ ისეთ ძვირადღირებულ ფუფუნების საგნებს, როგორიცაა ძვირფასეულობა, საიუველირო ნაკეთობები, აქსესუარები, საათები და დიზაინერული სამოსი, ხელოვნების ნიმუშები და სხვ.„რაც შეეხება სულ ახლახანს აღმოჩენილ, დავით ცეცხლაძის სახელზე გაფორმებულ, ნათია ჯანაშიას კიდევ ერთ და მთავარ უძრავი ქონებას - „მაგნოლიას“ გრანდიოზულ -  3 820 კვადრატულ მეტრზე განფენილ სასახლეს, ეს მის აქტივებს ყველაზე მოკრძალებული გათვლებით, მინიმუმ 20 მილიონი ლარით ზრდის.ამას უნდა დავუმატოთ ნათია ჯანაშიას კიდევ ერთი აქტივი, რომელიც ასევე ამ ბოლო დროს აღმოჩნდა და საქართველოში, ერთ-ერთ ძვირადღირებულ საკურორტო-რეკრეაციულ სივრცეშია განთავსებული. ამ აქტივის თაობაზე დეტალები ზუსტდება და შესაბამისად, მისი საბაზრო ღირებულებაც არაა ჯერ ცნობილი. თუმცა არსებული ინფორმაციის ანალიზზე დაყრდნობით, ამ ეტაპზევე შეიძლება ითქვას, რომ ნათია ჯანაშია, აქამდე გამოუმჟღავნებელი ქონების  შეფასების ფონზე, უახლოეს მომავალშივე მოხვდება საქართველოს უმდიდრესი ადამიანების ტოპ 100-ეულში. ქართველ უმდიდრეს ქალთა 10-ეულში კი იგი უკვე კარგა ხანია მყარად იკავებს პოზიციას“, - ამბობს ჯინჭარაძე.

1790932109

ეპიზოდი ორ ნაწილად იყოფა და ის Punchline Profit-ის Youtube არხზე უკვე ხელმისაწვდომია.ახალ ეპიზოდში, ბიზნესშოუს წამყვანები და მოწვეული სტუმრები ერთ-ერთ ყველაზე მნიშვნელოვან გამოწვევაზე საუბრობენ: როგორ იზრდება გლობალური ტექნოლოგიური კომპანია საქართველოში, როცა მისი მთავარი გამოწვევა უკვე არა იდეა, პროდუქტი ან ინვესტიცია, არამედ - სწორი ადამიანების პოვნა და გუნდის გაზრდაა.ანა რობაქიძე - Theneo-ს დამფუძნებელი და CEO, მაყურებელს კომპანიის ზრდის გამოცდილებას, კადრების მოძიებისა და განვითარების გამოწვევებს უზიარებს და საუბრობს იმაზე, თუ რამდენად მზად არის ქართული ბაზარი გლობალური ტექნოლოგიური კომპანიების მოთხოვნებისთვის.Punchline Profit-ის სექტემბრის ეპიზოდის მეორე ნაწილი პირად და რეალურ გამოწვევებს დაეთმობა. როგორ აშენებ სტარტაპს 51 წლის ასაკში, როცა ოჯახი, შვილები და პასუხისმგებლობები აღარ გაძლევს საშუალებას, წლები გაატარო ექსპერიმენტებში ან დიდი დრო დაუთმო უცხოეთში კაპიტალის მოძიებას.ირაკლი ბესელიძე - Calen AI-ს დამფუძნებელი, მაყურებელს უზიარებს საკუთარ გამოცდილებას იმაზე, თუ რას ნიშნავს ბიზნესის წამოწყება მაშინ, როცა საკუთარი დრო გაცილებით ძვირფას რესურსად იქცევა და თითოეულ გადაწყვეტილებას უფრო დიდი ,,ფასი’’ აქვს.Punchline Profit-ის წამყვანები უცვლელად, შოთი არველაძე და გიორგი მარრი იქნებიან, თანაწამყვანი კი, ლუკა ნაჭყებია - შეფი, კვების ტექნოლოგი, რესტორატორი და გასტრონომი, რომელსაც გუნდის შექმნისა და სწორი ადამიანების პოვნის საკუთარი, განსხვავებული ხედვა აქვს, ტექნოლოგიები და HoReCa, ორი სრულიად განსხვავებული სფერო, მაგრამ ერთი საერთო გამოწვევა: როგორ იპოვო, გაზარდო და შეინარჩუნო ტალანტი.თუ ტექნოლოგიები, სტარტაპები, ტალანტების განვითარება, განათლება და ბიზნესის ზრდის რეალური გამოწვევები გაინტერესებთ, ეს ეპიზოდი თქვენთვისაა.Punchline Profit-ის თითოეული ეპიზოდის, ასევე სხვადასხვა სახის კონტენტის ნახვა ბიზნესშოუს YouTube-ის გვერდზე, ასევე, ონლაინ პლატფორმებზე - Facebook, Instagram, LinkedIn-სა და TikTok-ზეა შესაძლებელი.ბიზნესშოუ მედიაკომპანია Shark Media-ს ინიციატივით ხორციელდება და მისი მთავარი მხარდამჭერია თიბისი ბიზნესი, მხარდამჭერი კი - Visa. პროექტის მიზანს საქართველოში მოქმედი ბიზნესების ფინანსური და სამეწარმეო განათლების ხელშეწყობა წარმოადგენს, მარტივად გასაგები და განსხვავებული ფორმით.

1790929316

სექტემბერში ფასების საერთო ზრდაზე ყველაზე მნიშვნელოვანი გავლენა ტრანსპორტისა და საწვავის ჯგუფმა მოახდინა. აღნიშნულ კატეგორიაში ფასები წლიურად 18.7%-ით გაიზარდა, რამაც მთლიან ინფლაციაში 2.2 პროცენტული პუნქტის წვლილი შეიტანა. ზრდა ძირითადად პირადი სატრანსპორტო საშუალებების ექსპლუატაციისა და სატრანსპორტო მომსახურების გაძვირებას უკავშირდება, შესაბამისად, 25.8%-სა და 14.9%-ს.მნიშვნელოვანი გავლენა ჰქონდა ასევე სურსათისა და უალკოჰოლო სასმელების გაძვირებას. ამ ჯგუფში ფასები 3.4%-ით გაიზარდა, რაც წლიურ ინფლაციაზე 1.24 პროცენტული პუნქტით აისახა.სურსათის კატეგორიაში ყველაზე მეტად თევზეული გაძვირდა – 18.1%-ით. ხორცისა და ხორცის პროდუქტების ფასები 9%-ით, პურისა და პურპროდუქტების 6.9%-ით, ზეთისა და ცხიმის 4.8%-ით, ყავის, ჩაისა და კაკაოს კი 4.6%-ით გაიზარდა. ბოსტნეულისა და ბაღჩეულის ფასები 0.4%-ით მოიმატა.ამასთან, ხილისა და ყურძნის ფასები 4.3%-ით შემცირდა, შაქრის, ჯემისა და სხვა ტკბილეულის – 0.7%-ით, ხოლო მინერალური და წყაროს წყლის, უალკოჰოლო სასმელებისა და ნატურალური წვენების – 0.6%-ით.საცხოვრებლის, წყლის, ელექტროენერგიისა და აირის ჯგუფში ფასები 9.2%-ით გაიზარდა, რამაც წლიურ ინფლაციაში 0.89 პროცენტული პუნქტი შეიტანა. ამ კატეგორიაში ფაქტობრივი გადასახადი საცხოვრებელზე 10.9%-ით, ელექტროენერგიის, აირისა და სათბობის სხვა სახეების ფასი 10.5%-ით, ხოლო საცხოვრებლის მიმდინარე მოვლა-შეკეთების ღირებულება 9.8%-ით გაიზარდა.ჯანმრთელობის დაცვის ჯგუფში ფასების წლიურმა ზრდამ 8% შეადგინა, მისი წვლილი მთლიან ინფლაციაში კი 0.66 პროცენტული პუნქტი იყო. ამბულატორიული სამედიცინო მომსახურება 11.5%-ით, სამედიცინო პროდუქციის, აპარატურისა და მოწყობილობების ფასი კი 8.8%-ით გაიზარდა.ინფლაციის მაჩვენებლის შემცირების მიმართულებით მნიშვნელოვანი გავლენა განათლების ჯგუფმა მოახდინა. სექტემბერში ამ კატეგორიაში ფასები 12.5%-ით შემცირდა, რის შედეგადაც ჯგუფის წვლილი წლიურ ინფლაციაში -0.55 პროცენტული პუნქტი იყო.განათლების მიმართულებით ყველაზე მკვეთრად უმაღლესი განათლების ფასები შემცირდა – 32.9%-ით. ამავე პერიოდში სკოლამდელი და დაწყებითი განათლების ფასები 7%-ით, დონით განუსაზღვრელი განათლების – 6.8%-ით, ხოლო საშუალო განათლების – 6.6%-ით გაიზარდა.

1790928102

სასურსათო პროდუქტებისგან შემდგარი კალათის ღირებულება თვის დასაწყისში 37.45 ლარს შეადგენდა, ხოლო თვის ბოლოს 35.82 ლარამდე შემცირდა.კალათის ყველაზე დაბალი ღირებულება 29-30 სექტემბერს დაფიქსირდა.რაც შეეხება პირველადი მოხმარების არასასურსათო პროდუქტებისგან შემდგარ კალათას, მისი ყველაზე დაბალი ღირებულება 10 სექტემბერს დაფიქსირდა და 25.57 ლარი შეადგინა, ხოლო საანგარიშო პერიოდის ბოლოს კალათის ღირებულება 26.17 ლარი იყო.საქართველოს მთავრობის ინიციატივით შექმნილი საინფორმაციო პორტალი მიმდინარე წლის ივნისის ბოლოს ამოქმედდა. სექტემბრის დასაწყისთან შედარებით, თვის ბოლოს 10 საბაზისო პირველადი მოხმარების არასასურსათო პროდუქტისგან შემდგარი ყველაზე იაფი კალათის ღირებულება 5.3%-ით შემცირდა, ხოლო 13 საბაზისო სასურსათო პროდუქტისგან შემდგარი ყველაზე იაფი კალათის ღირებულება - 4.4%-ით.www.ekalata.gov.ge მომხმარებლებს ყოველდღიურად აძლევს შესაძლებლობას, შეადარონ ფასები წამყვან სავაჭრო ქსელებში, შექმნან ინდივიდუალური კალათა და გააკეთონ ინფორმირებული არჩევანი.პლატფორმას დაემატა მაღაზიების გეოლოკაციის ფუნქციონალიც, რომელიც მომხმარებლებს უახლოესი ქსელის ფილიალის მარტივად მოძიების შესაძლებლობას აძლევს. პორტალზე ამ დროისათვის 16 სავაჭრო ქსელია წარმოდგენილი: „აგროჰაბი“, „ამბარი“, „კარფური“, „დეილი“, „გუდვილი“, „გვირილა“, „კალათა“, „ლიბრე“, „მაგნიტი“, „ნიკორა“, „ორი ნაბიჯი“, „სპარი“, „უნივერსამი“, „ზღაპარი“ „სუფთა სახლი" და „ევროპროდუქტი".

1790927687