HORECA Management Group-მა წარმომადგენლობა კანადაში გახსნა

სემეკმა „საირიგაციო წყლის მიწოდების წესებში“ ცვლილებები შეიტანა

აღსანიშნავია, რომ სემეკის რეგულაციიდან გამომდინარე, უახლოეს პერიოდში მელიორაციის კომპანიის მომხმარებლებს შეეძლებათ იუსტიციის სახლის მეშვეობით, განაცხადით მომართონ შპს „საქართველოს მელიორაციას“ და მოითხოვონ გარკვეული მომსახურებების მიღება, რამაც შესაძლებელი გახადა წესებში განხორციელებულიყო ცვლილება მომსახურების ცენტრების მინიმალური რაოდენობის განსაზღვრასთან დაკავშირებით - ეს ის შემთხვევაა, როცა ხარჯების შემცირება ხდება, მომსახურების პირობის გაუმჯობესებით.ასევე, ცვლილება ითვალისწინებს შპს „საქართველოს მელიორაციის“ ვალდებულებას დაიცვას და შეუფერხებლად განახორციელოს საირიგაციო სისტემის საექსპლუატაციო-სარემონტო სამუშაოები. ამ სამუშაოების შესახებ ინფორმაცია, მათ შორის, საირიგაციო სისტემის გაჩერების პერიოდები, მოცემული უნდა იყოს ყოველწლიურად დამტკიცებულ მიწოდების რეჟიმებში, ასევე აღნიშნულის შესახებ წინასწარ უნდა მოხდეს მომხმარებელთა, ინდივიდუალურად სმს ინფორმირება.წყალმომხმარებელთა ორგანიზაციების დაფუძნებისა და განვითარებისათვის ხელსაყრელი გარემოს შექმნის მიზნით, წესებში შესული ცვლილებებით, განისაზღვრა წყალმომხმარებელთა ორგანიზაციისთვის მიწოდებული წყლის მოცულობის აღრიცხვის და საბითუმო მიწოდების საფასურის განსაზღვრის გარდამავალი პირობები. კერძოდ, 2026 წლის 1-ელ იანვრამდე შპს „საქართველოს მელიორაციას“ მიეცა უფლებამოსილია, წყალმომხმარებელთა ორგანიზაციისთვის განსაზღვროს სხვადასხვა სახის საბითუმო მიწოდების საფასური, საირიგაციო მიწის ფართობის (ჰა), მოხმარებული წყლის მოცულობის (მ 3), სეზონურობის ან/და სხვა სახით.გარდა ამისა, იმ შემთხვევაში თუ წყალმომხმარებელთა ორგანიზაციის ყველა მიწოდების წერტილზე, ვერ მოხდება მრიცხველების მოწყობა წესების გათვალისწინებულ ერთი თვის ვადაში ტექნიკური შეუძლებლობის გამო, ამ შემთხვევაში მიწოდების წერტილებზე მრიცხველები უნდა მოეწყოს მომდევნო საირიგაციო პერიოდის დაწყებამდე. მანამდე მიმწოდებლის მიერ წყალმომხმარებელთა ორგანიზაციისთვის წყლის მოცულობის კონტროლი განხორციელდება მაგისტრალური არხში გატარებული წყლის მოცულობის აღრიცხვით. 

,,ენერგო-პრო ჯორჯია” პარლამენტის საგამოძიებო კომისიაზე განხილულ ,,ორთა...

გასულ დღეებში, საპარლამენტო საგამოძიებო კომისიის ერთ-ერთი განხილვისას, ერთ-ერთმა მომხსენებელმა, არაერთგზის გააჟღერა ცრუ ბრალდებები ,,ენერგო-პროს” მიერ ,,ორთაჭალჰესის” შესყიდვის თუ ჯგუფის წარმომავლობის შესახებ. ,,ენერგო-პრო ჯორჯია ჰოლდინგი” ცალსახად აცხადებს, რომ კომისიაზე გამოთქმული მოსაზრებები არის სრული სიცრუე, მიუღებელი და საზოგადოების შეცდომაში შეყვანის უსუსურ მცდელობას წარმოადგენს.იმის გათვალისწინებით, რომ მსგავსი ცილისწამების ტირაჟირება არაერთგზის მომხდარა გასულ წლებშიც, თავს ვთვლით ვალდებულად განვმარტოთ, რომ ,,ენერგო-პრო ჯგუფი” დაფუძნებულია 1994 წელს, ჩეხეთის ქალაქ სვიტავში. ის წარმოადგენს ერთ-ერთ უმსხვილეს ევროპულ საინვესტიციო ჯგუფს საქართველოში უკვე 19 წელია. სხვადასხვა ქვეყანაში წარმატებული საქმიანობის და მომავალი გეგმების შესახებ ყველა ინფორმაცია მუდმივად არის საჯარო და ტრანსფარენტული.2006 წელს საქართველოში შემოსვლის შემდეგ, ,,ენერგო-პრო ჯგუფმა“ მრავალჯერ განახორციელა დამატებითი აქტივების შესყიდვა და ჩამოყალიბდა საქართველოს ელექტროენერგეტიკის დარგში უმსხვილეს ჯგუფად. რა თქმა უნდა, ყველა დამატებით შესყიდვა და ინვესტიცია ხორციელდებოდა პატიოსანი ბიზნესწარმოების პრინციპების და კანონმდებლობის სრული დაცვით. ამის საპირისპიროდ კი ხაზგასასმელია, რომ შესყიდული აქტივების უმეტესობას, მუდამ აშკარად ეტყობოდა კორუფციული სქემების შედეგად მიღებული სერიოზული ზიანი. ასეთივე იყო ,,ორთაჭალჰესი“ თუ სხვა აქტივები. ,,ორთაჭალჰესის“ შესყიდვა ,,ენერგო-პრო ჯგუფმა“ განახორციელა ღია კონკურსის წესით 2009 წელს, ხოლო მისი ღირებულება, 25 მილიონი დოლარი, სრულად ჩაირიცხა ცენტრალური ბიუჯეტის შესაბამის ანგარიშზე. აგრეთვე, არ იყო სახარბიელო მდგომარეობა კახეთის ქსელურ კომპანიაშიც, რომელიც ,,ენერგო-პრომ“ სულ რაღაც 7 წლის წინ შეიძინა ასევე ღია კონკურსის წესით და 2 წელიწადში, ფინანსური თუ კომერციული შედეგებით გარდაქმნა ერთ-ერთ მოწინავე, თვითკმარ რეგიონად.გასული 18 წლის განმავლობაში, მიუხედავად ბევრი პრობლემისა თუ წინაღობისა, ასეთივე წარმატებით განხორციელდა ყველა შეძენილი აქტივის გადაიარაღება, განახლება და დღეს ყველა მათგანი შეუფერხებლად ემსახურება საქართველოს ენერგეტიკის დარგის მდგრადობას.ცილისწამებას, თითქოს ENERGO-PRO შესაძლოა იყოს რუსული კომპანია, თუნდაც ის ფაქტიც ეწინააღმდეგება, რომ 2023 წელს აშშ-ს მთავრობის განვითარების საფინანსო ორგანიზაციამ („DFC“), ევროობლიგაციების გამოშვების პროცესში, 545 მილიონი აშშ დოლარის უპირობო და შეუქცევადი საკრედიტო გარანტია გასცა ,,ენერგო-პრო ჯგუფზე“, რომელიც აშშ-ის კონგრესმა დაამტკიცა. ეს იყო DFC-ის პირველი გარანტია, რომელიც გაიცა ევროპულ კომპანიაზე ევროპაში ობლიგაციების გამოშვებისთვის და პირველი გარანტია ევროპის ენერგეტიკული უსაფრთხოებისა და დივერსიფიკაციის აქტის ფარგლებში. აქტის მიზანი კი იყო აღმოსავლეთ ევროპაში, მათ შორის საქართველოში, ენერგორესურსების დივერსიფიკაციის ხელშეწყობა, და დამოკიდებულების შემცირება მხოლოდ ერთ ქვეყანაზე.მიუხედავად ბევრი პრობლემისა და სამწუხარო დაბრკოლებებისა, ვამაყობთ, რომ კვლავ ვინარჩუნებთ ერთ-ერთი უმსხვილესი ინვესტორის პოზიციას საქართველოშიც. დარწმუნებულნი ვართ, რომ გავუმკლავდებით, ყველა იმ გამოწვევას რომლებიც, ,,ენერგო-პრო ჯორჯიას“ მენეჯმენტის დიდი მონდომების მიუხედავად, კვლავ არსებობს. საბოლოო მიზნებად კი კვლავ რჩება ერთის მხრივ მომსახურების ხარისხის მნიშვნელოვანი გაუმჯობესება და ამისთვის საჭირო შესაბამისი პირობების მიღწევა, ხოლო მეორეს მხრივ, თბო და ჰიდროსადგურების შეუფერხებელი, უდანაკარგო ოპერირება.

სემეკის მიერ დაფუძნებული ენერგეტიკის სასწავლო ცენტრი მოსწავლეებისთვის...

ქ. ყვარელში, ილია ჭავჭავაძის სახლ-მუზეუმში გაიმართა შეხვედრა 5 საჯარო სკოლის 100-ზე მეტ მოსწავლესთან, სადაც ენერგეტიკის სასწავლო ცენტრის წარმომადგენლებმა მათ გააცნეს პროექტის მიზნობრიობა და მონაწილეობის პირობები. პროექტის ფარგლებში, მონაწილეებს ჩაუტარდებათ ტრენინგები და მოეწყობა მოსწავლეების მიერ შექმნილი თემატური ნამუშევრების გამოფენა, გამარჯვებულ მოსწავლეებს გადაეცემათ ფასიანი საჩუქრები. ამასთანავე, მათთვის მოეწყობა საზაფხულო სკოლა. პროექტის პარტნიორია კორპორაცია „ქინძმარაული“.პროექტი - „ელექტროენერგიის გზა დაბადებიდან ჩვენამდე“ პირველად 2024 წელს, მცხეთის მუნიციპალიტეტში განხორციელდა, რომლის ფარგლებშიც მონაწილეობა მიიღო 5 საჯარო სკოლის 100-მდე მოსწავლემ. გამარჯვებულ 15 მოსწავლეს საჩუქრად პორტატული და პერსონალური კომპიუტერები გადაეცათ. ამასთანავე, მათთვის მოეწყო საზაფხულო სკოლა, რომლის ფარგლებშიც ეწვივნენ სხვადასხვა ენერგეტიკულ ობიექტს და ადგილზე გაეცნენ მათი მუშაობის პრინციპებს.სემეკისა და ენერგეტიკის სასწავლო ცენტრის ერთობლივი პრიორიტეტია ენერგეტიკის საკითხებზე სკოლის მოსწავლეების ცოდნის დონის ამაღლება, განახლებადი ენერგიების ათვისებისა და ენერგოეფექტურობის შესახებ მათი ინფორმირება, ამასთანავე პროფესიის არჩევისას ენერგეტიკის სექტორით მათი დაინტერესების გაზრდა. 

საქართველომ ევროპის მიმართულებით არა მხოლოდ სატრანსპორტო, არამედ ენერგ...

მისივე ინფორმაციით, საქართველომ ევროპის მიმართულებით არა მხოლოდ სატრანსპორტო, არამედ ენერგო ჰაბის როლიც უნდა ითამაშოს."ჩინეთ-საქართველოს თანამშრომლობა ერთობლივ ინიციატივებს ემყარება. ჩინელი ინვესტორებისთვის უმნიშვნელოვანესი საკითხი გახლავთ ინფრასტრუქტურა და ტრანსსასაზღვრო საქონლის ტრანსპორტირება. ორივე მიბმულია იმასთან, რომ ჩვენ საქართველოს დავეხმაროთ, რათა მნიშვნელოვანი როლი შეასრულოს არა მხოლოდ შუა დერეფნისთვის, არამედ სარტყელისა და გზის მიმართულებით. ლევან დავითაშვილი ჩინეთში იმყოფებოდა, სადაც ხელი მოაწერა თანამშრომლობის მემურანდუმს - ტრანსკასპიური დერეფნის ტრანსპორტისა და ჩინეთ-ევროპის მარშრუტთან დაკავშირებით. ეს ტრანსკასპიური დერეფანი ჩვენი პრეზიდენტის წინადადება იყო და ჩვენ ვხედავთ, რომ ეს ემთხვევა და ჰარმონიზებულია შუა დერეფნის პროექტთან.პოზიტიური მიღწევა გვქონდა ასევე მწვანე ენერგიის სფეროში - როგორიც არის ქარისა და მზის ენერგია. ძალიან ბევრი ჩინური კომპანია საქართველოში კვლევებს ახორციელებს და აქაც უზარმაზარი პოტენციალი გაგვაჩნია. ჩინეთი მწვანე ენერგეტიკის თვალსაზრისით ნომერ პირველი გახლავთ. საქართველომ ევროპის მიმართულებით არა მხოლოდ სატრანსპორტო ჰაბის, არამედ ენერგო ჰაბის როლიც უნდა ითამაშოს. მწვანე ენერგეტიკა დიდი პოტენციალის შემცველია", - აცხადებს ჭოუ ციენი.

სემეკთან შეთანხმებით “ენერგო-პრო ჯორჯია” 2025 წელს 200 მლნ ლარამდე ინვ...

2025 წელს შეთანხმებული საინვესტიციო გეგმის ფარგლებში, პირველი კვარტალის განმავლობაში, სს „ენერგო-პრო ჯორჯიამ“ 28 000 000 ლარის ოდენობის ინვესტიცია უკვე განახორციელა. კერძოდ, 2025 წლის მარტის თვის მდგომარეობით საინვესტიციო გეგმის ფარგლებში სს „ენერგო-პრო ჯორჯიამ“ მომხმარებლების ელექტრმომომარაგების უწყვეტობისა და საიმედობის გაუმჯობესების მიზნით ქ/ს საგურამოში ჩაატარა 6 კვ ძაბვის გამანაწილებელი მოწყობილობის სრული რეკონსტრუქცია და მოძველებული ზეთიანი ამომრთველების თანამედროვე ტიპის ელეგაზური ამომრთველებით ჩანაცვლება, ასევე დაასრულა ქ/ს „ჭიათურა 1“ - ის რეაბილიტაცია. კომპანიამ საჩხერის მუნიციპალიტეტში ააშენა 7 კმ სიგრძის 35 კვ ძაბვის საკაბელო ელექტროგადამცემი ხაზი. მარტის თვის მდგომარეობით კომპანიამ 6/10 კვ ძაბვის ქსელში დაამონტაჟა 1650 ცალი საყრდენი, 110 კმ სადენი, 15 კმ კაბელი, 185 ცალი ძალოვანი ტრანსფორმატორი. ასევე კომპანიამ დაბალი ძაბვის (0.4 კვ) ქსელის რეაბილიტაციის ფარგლებში სს „ენერგო-პრო ჯორჯიამ“ დაამონტაჟა 4150 ცალი საყრდენი. ამჟამად კომპანია ახორციელებს 110 კვ ძაბვის 3 ქვესადგურის სარეაბილიტაციო სამუშაოებს. დამატებით, მიმდინარე წელს კომპანია სალიცენზიო არეალის სხვადასხვა რეგიონებში განახორციელებს საინვესტიციო გეგმით გათვალისწინებული ელექტროგადამცემი ხაზების, ქვესადგურებისა და ქსელის სხვა დანარჩენი კომპონენტების რეაბილიტაცია-რეკონსტრუქციას.ამასთანავე, სს „ენერგო-პრო ჯორჯიას“ მიერ 2024 წელს განხორციელებულმა ინვესტიციებმა გადააჭარბა სემეკთან შეთანხმებულ საინვესტიციო გეგმას და 195 482 558 ლარის ნაცვლად 256 315 000 ლარი შეადგინა. 2024 წლის საინვესტიციო გეგმის ფარგლებში, ელექტროენერგიის საიმედოობის გაუმჯობესების მიზნით, სს „ენერგო-პრო ჯორჯიამ“ განახორციელა სხვადასხვა ტიპის სამუშაოები. მათ შორის, რეაბილიტაცია/რეკონსტრუქცია ჩაუტარდა რეგიონებში მდებარე ქვესადგურებსა და ელექტროგადამცემ ხაზებს, 11 ქვესადგური აღიჭურვა SCADA სისტემით, 10/6 კვ ქსელის საჰაერო ელექტროგადამცემი ხაზების რეაბილიტაციის ფარგლებში დამონტაჟდა 14916 ცალი საყრდენი და 1181.5 კმ სადენი.